الفصل الواحد والعشرون 21
بقلم محمد منصور
جسمك دلوقتي في عمان تحت سيطرة الجن تابع
دة اللي قاله خالد ل فضل اللي رد عليه وقال
الجسم ملهوش لزمة من غير الروح. يعني لازم نوصل للمكان المتسلسلة في روحي
خالد
دة بقي اللي انا ما قدرتش اوصل له لاني ما اقدرش اخترق عالم الجن واسيطر علي الملك جرهام
فضل
السيطرة علي الجن مش محتاجة الا شيخ قوي او دجال من نسل الشيطان
خالد
مافيش شيخ يقبل يكون معانا في حربنا دي
فضل
يبقي احنا محتاجين دجال
خالد
ما ينفعش ساحر خبيث
فضل
تعرف حد
خالد
اعرف دة حتي الحفيدة التاسعة من احفاد الابيض رايحة له قريب
فضل
مين دي
خالد
اسيا بنت عمنا ،،،،،،،،،
نهاية اللعنة . حكاية جديدة من ضمن حكايات.
اوراق التاروت
من تاليفي
محمد منصور
منص
وقبل ما نبدأ الحلقة نوحد الله ونصلي علي خير خلق الله سيدنا محمد. صلاة تحل بيها العقد وتفك بيها الكرب
بسم الله توكلت علي الله. وهو رب العرش العظيم
اسيا الحفيدة التاسعة للابيض وكانت كل ما تخلف عيل يموت وما تعرفش اية السبب لكنها قررت تشوف مستقبلها وتعرف هتقدر تخلف تاني واللي جاي هيعيش ولا. لا. ودخلت علي الموقع وسجلت اسمها وتاني يوم صحيت وشافت الورقة بتاعتها وكان مكتوب فيها
**بحيرة الابيض. فيها الشفاء
ومكتوب تحت الجملة دي
**سمكة بعيون انسان بتعوم ضد الموج. معاها ابنك هيعيش **
ومكتوب تحت الجملة دي
**روحي وقت النجاسة وانتي هتلاقي الشفاء**
وهنا تلاقي مية خارجة من تحت سريرها مية كتير بدات تترفع ل فوق وهي وسطها وبدات تغرق لكن. باب الاوضة اتفتح ودخل عليها جوزها خيري والمية اختفت ورجعت الاوضة زي ما كانت فقال لها خيري
صباح الفل
اسيا كانت لسة مش مستوعبة اللي حصل وبصت لهدومها اللي كانت في المية لقيتها ناشفة وفضلت تبص حوالين منها. وهي مش فاهمة اللي شافته دة حلم ولا علم وخيري لاحظ الحاله اللي هي فيها فقرب منها وقال
اسيا مالك
اسيا ما حبتش تحكي لان خيري ما كنش هيصدقها فقالت
معلش يا خيري اصل صاحية مصدعة
خيري
لا. مش هينفع النهاردة صداع خالص دة انا مسافر كمان ساعة. وهغيب عنك شهر هتوحشيني يا قمر
ابتسمت اسيا وقالت وهي بتترمي في حضنه
وانت كمان هتوحشني يا خيري. خلي بالك من نفسك
خيري
انا بخير طول ما انتي بخير يلا بقي نفطر
اسيا
يلا
وقامت من فوق السرير
و فضلت تبص للاوضة لسة مش مصدقة انها كانت بتحلم لغاية ما شافت نقطة مية نازلة من الكمودينو فاتصدمت واتاكدت انها ما كانتش بتحلم واترعبت اكتر وخرجت من الاوضة مع خيري،،،،،،،
ونروح ل ثريا اللي كانت في اوضتها و باصة للجرح اللي في ايديها الاثنين وقت ما دخل عليها ابوها كاظم وبص لها وقال
هتفضلي قافلة علي نفسك كدة ورافضة تخرجي. لينا
ثريا
مش قادرة اصدق اللي حصل ولا قادرة اسامح نفسي ازاي قدر اعمي من البشر يخدعني بسهوله كدة
كاظم
ما حدش يا ثريا اقوي منك قرون عديت وانتي ملكة الاحلام وقدرتي تخلصي من اي بصير شافنا وكملنا وبقاينا اسياد وملوك العالم التاني وعليتنا محتاجة تتغذي علي خوف طفل جديد والا هننتهي
ثريا
انت عارف القانون بتاعنا طالما في بصير شافنا مش هنقدر نتغذي
كاظم
يعني اية نفضل جاعنين
ثريا
مش قادرة اعمل حاجة علشانهم. وشوف ايدية وانت تعرف اني بقيت عاجزة شوفو حد اقوي مني يقدر علي الاعمي
هنا دخل الاوضة قابيل وقال
ما حدش فينا اقوي منك ولو فضلنا بالجوع دة هنخلص علي اضعف واحد فينا
وبص قابيل بطرف عيونه للعجوز كاظم وفهمت ثريا هو يقصد اية فقالت باعلي صوتها
اياك حد يفكر يقرب من والدي دة مهما كان الملك بتاعكم
قابيل
الملك بتاعنا شعبه هينتهي من الجوع وانتي بقيتي عاجزة وقريب هتنتهي زينا من الجوع. هتقدري تستحملي الجوع يا اميرة العالم التاني
هنا دخلو بقيت العيلة وقال واحد منهم
لو هي هتقدر تستحمل انا مش هقدر
قال واحد تاني
ولا انا هقدر
ثريا
يبقي نحط ايدينا في ايد بعض ونخلص علي الاعمي
قابيل
مش هنقدر نعمل اي حاجة واحنا جائعنين
ثريا
وانا مش هسمح لكم تقربو من والدي
قابيل
هتعملي اية وانتي عاجزة وجرحك علشان يطيب محتاجة تتغدي علي الخوف
والامر صدر والعجوز كاظم هو وجبتنا
وبص قابيل للاثنين اللي مع وامرهم بتعذيب كاظم وبداو الثلاثة يعذبو كاظم والخوف اتملكة وبداو يتغذو علي الخوف وثريا بتبص للي بيحصل في ابوها وهو بيصرخ و مش قادرة تعمل حاجة وبقي كاظم نايم علي ظهرة لا حول له ولاقوة وهما فوق منه بيتغذو علي الخوف اللي خارج منه وبص كاظم ل بنته عايزها تلحقة لكنها وبلا اي رحمة هجمهت عليه وبدات تتغذي علي الخوف والوجع اللي خارج منه. وفضلو علي الحال دة لغاية ما اتحول كاظم لمجرد سراب وانتهي. وبعدها صرخت ثريا بحرقة وبصت ل ايدها اللي بدات ترجع زي الاول. باوجاع ابوها وصرخت اكتر واكتر والغل ملي قلبها والانتقام من خالد بقي مجرد وقت مش اكتر ،،،،،،
ونروح ل اسيا اللي اول ما جوزها خيري سافر اتصلت بصاحبتها واللي زي اختها تماره وقالت لها
خيري سافر وانا جاهزة اروح ل بحيرة الابيض
تماره
برضو ما عرفتهوش
اسيا
ما كانش هيرضي يا تمارة انا عارفة خيري كويس.
تماره
بس دة مش صح
اسيا
ما بقاش فيها صح وغلط كله بقي شبه بعضه المهم اعرف انا متسخبئ لي اية
تماره
ربنا يستر. انتي مجنونه وانا مش عارفه جنانك دة هيوصلك لغاية فين
اسيا
طولها زي عرضها ،،،،،،،
ومن جوة بيت قديم في الارياف تقف اسيا مع تماره والاثنين كانو مرعوبين اصل دة بيت الابيض لكن اللي عايش جوة منه دلوقتي ابنه الكبير وتلميذه. نوح اللي خرج من اوضة من اوض البيت وبص ل اسيا واللي معاها وقال
انتي اللي عايزا تعرفي مستقبلك
اسيا اكتفت بانها هزت دماغها وبس و فهم نوح الاجابة بعدها بص ل تماره وقال
وانتي تماره صاحبتها مش كدة
تماره هي كمان هزت راسها وقالت ل اسيا بصوت واطي
هو عرف اسمي ازاي
هنا نوح رد عليها وقال
من القرين بتاعك اللي تحت ايدية دلوقتي. وبلاش توطي صوتك لاني اقدر اسمع اللي بيدرو في دماغك
وبعدها بص نوح ل اسيا
جاهزة تنزلي بحيرة الابيض وتعرفي اية اللي جاي
اسيا بلعت ريقها بصعوبه لكنها جمعت اللي باقي من شجاعتها وقالت
جاهزة
تماره
بلاش يا اسيا ويلا نمشي
نوح
تقدري ترجعي دلوقتي لكن كمان خطوة ومهما انتي شوفتي اية. فالرجوع هيكون ممنوع
اسيا باصرار شديد
مش هرجع
نوح
حبيت شجاعتك.
وفتح بوابة كبيرة كانت في الاصل حيطة لكنه اول ما لمسها بقيت بوابة وشافو الاثنين بحيرة الابيض اللي شكلها يسر الناظرين مية شفافة جميلة. وارضية من الرمل الابيض واسماك من احلي اسماك الزينه وقال نوح
البحيرة جاهزة
اسيا
وانا كمان جاهزة
وراحت اسيا ناحية البحيرة وحطيت رجليها في المية واترعبت لان،،،،،،
كان نفسي اقول اترعبت لية لكن الحلقة خلصت. ويلا سلام وباي.