رواية بوابة الأحلام الفصل الخامس عشر 15 بقلم رشا منصور
شريف….
أنا لازم أروح أنقذ سوزان من السا'حرات. هدور عليها في كل القري المجاورة لقرية الأحلام بس أروح هناك ازاى..
أنا برتدي الجاكت بيوصلني لقرية الأحلام وبس ؟!!
مافيش غير إني أروح لقرية الأحلام وحد منهم يوصلني للقري المجاورة لهم بس….
البنات لجي وجودي مين هيكون معاهم وبرك مش موجود ، ولو جري ليا حاجه مين هيوصلهم ل أهلي!!! أكيد مش برك
وبعدين في الحيرة دى بقي…
ارتديت الجاكت وروحت عند العرافة قولت لها محتاج مساعدتك.
العرافة رشامنصور….
معقوله يا شريف واحد في مهارتك وذكائك محتاج مساعدتي أنا… لو قصدك علشان تدور ع سوزان يبقي تجاوبني ع سؤالي الأول.
أنت بتدور عليها ليه مش هى فاشلة وغبية،. يبقي عاوزها في حياتك تاني ليه!!!!؟
شريف..
عاوزها علشان البنات هى أمهم وكانت بتاخد بالها منهم.. ياريتها كانت أخدت البنات معاها ع الأقل كنت ارتحت من زنهم…
العرافة رشامنصور…
افرض أنها وقعت في يد السا'حرات وتخلصوا منها كنت وقتها تتمني أن بناتك كانوا معاها!!!
ع العموم أنا هساعدك تقدر تجيب البنات هنا وتعيش حياتك لوحدك وتعتبرهم راحو مع أمهم…
بس نصيحتي لك بلاش تتجوز وتنجب أولاد تاني أنت مش بتحب زن الأطفال اعتقد حياتك من غيرهم تكون أفضل..
شريف…
أنا مش فاهم أنتي قصدك تاخدي بناتي وانساهم لأ طبعاً دول بناتي وأنا أبوهم ومش هسمح أن حد يحرمني منهم…
ولو عاوزة تساعديني يبقي عرفيني ازاى أوصل للقري المجاورة لكم أدور فيها ع مراتي..
أنا… أنا 😔 أنا مش متخيل حياتي من غيرها
أنا أعترف إني غبي. كنت بعاملها بتجاهل وقلة قيمة علشان….
أنا زى أى راجل عاوز أكون أنا الاقوي والاذكي… عاوز أكون أنا الكل في الكل وهى مجرد تابع ليا…
يتنسب نجاحها ليا أنا… لكن أنا من جوايا عارف ومتأكد أن سوزان إنسانة جميلة وذكية وست بيت شاطرة وام حنينة أوى ع بناتها
عارفه أنا أوقات بحس أنها أمي من كتر ما بتخاف، عليا وبتحبني
ارجوكي ساعديني أنا عاوز مراتي عاوز سوزان ..
أنا صحيح أوقات كتير بكون عاوز أفضل لوحدى بعيد عن المسؤولية لكن منكرش، أن حياتي من غيرها ملهاش معنى.
العرافة رشامنصور….
وياتري لو ساعدتك وقدرت أرجعها لك هترجع تقل منها تاني وتحرجها وتتهمها بالغباء،،
شريف…
أنا اللي غبي،. علشان ضيعتها. من أيدي.. ساعديني أنتي عارفه مكانها صح!!
العرافة رشامنصور…
وأنا أعرف مكانها منين أنا كنت هبعت لأصدقائي في القري المجاورة يبحثوا عنهم واللي تعرف أى حاجة عن سوزان هتبعتلي وأنا هقولك وهوصي اصدقائي يساعدوك..
شريف….
يووووه هو أنا لسه هنتظر… طب يلا اتصرفي بسرعة..
العرافة رشامنصور…
أرجع ل بيتك دلوقتي علشان البنات لوحدهم وتعالي ليا غداً في الصباح الباكر أكون وصلت لحاجه…
ومشي شريف وهو مش طايق نفسه وحاسس أنه ندم. علشان اعترفلي بحبه ل سوزان…
راجل غريب، واحد غيره كان تفاخر بحب مراته له واعطاها الإهتمام والحب اللي تستحقه…
الجن.برك…
كنت مختفي، وبتابع البنات وتصروفات شريف وببلغ عرفة بكل اللي بيحصل ولقيته بيقولي…
عمو عرفة…
واضح أن العرافة كان معاها حق شريف محتاج قرصة ودن خليه يتعلم الحياة من غير مراته عامل ازاى…
سوزان….
كنت قلقانه أوي ع البنات شريف مش متعود يعمل لهم حاجه وعاوزة أرجع لهم تاني بس في نفس الوقت صعبان، عليا نفسي أوي من شريف 😭 مش عارفه ليه دايما عاوز يقل مني.. طب أنا كنت بتحمل اسلوبه ده وأحنا لوحدنا.. لكن كمان يحرجني قدام الناس وفضلت أبكي ع حالي…
ولقيت صابرينا بتقولي بتبكي ليه أوعي تقولي أنك مشتاقه ل شريف
إحنا بنساعدك علشان ينصلح حاله ويعرف قيمتك
قولت لها أنا مشتاقه ل بناتي وقلقانة، عليهم من شريف ممكن يسيبهم جعانين ياريت برك يأكلهم…
صابرينا…
قولت ل سوزان اطمني ع البنات وفي حالة خروج شريف من البيت هاخدك لهم…. وفرحت سوزان أنها تشوف بناتها
ورحت عند برك وعرفت منه أن شريف راح قرية الأحلام قولت له راقب، البوابة وأول ما يرجع بلغني فوراً…
واخدت سوزان عند البنات وشافتهم وغيرت لهم الحفاضات واكلتهم ولعبنا معاهم وفجأة لقيت برك بيقولي يلا بسرعه شريف رجع
مسكت يد سوزان واختفينا. فوراً ورجعتها مكانها…
ولقيت سوزان بتسألني وبتقولي
هو أنا فين.. إيه المكان ده. أنتي محرجة عليا أخرج من الغرفة دى ليه….
رديت وقولتلها أنا موفرة لكي كل حاجه في الغرفة وحتى لو حاولتي تخرجي مش هتعرفي وفتحت لها باب الغرفة ووجدت جدار كبير
وطمنتها وقولتلها أول ما شريف يعترف بحبك هرجعك له..
شريف…
رجعت من عند العرافة ومش عارف إيه المفروض اعملة… هفضل لحد الصبح منتظر منها رد تقولي عرفت مكان سوزان ولا لأ
وأول ما دخلت للبنات جريوا عليا ويقولولي ماما..
حضنتهم وبكيت حتي البنات مقدروش يستغنوا عنها يوم واحد
وجهزت أكل خفيف بيض وجبنه وجيت أكلهم رفضوا وفضلوا يلعبوا… استغربت بس قولت جايز برك رجع واكلهم..
وناديت ع برك وظهر ليا وقولت له ع كلام العرافة ولقيته بيقولي..
الجن.برك…
السا'حرات. وصلت لبعض القري واخدت الأطفال منها وأتمنى مكنش سوزان وقعت في أيديهم…
بس ده معناها بردو أنك لازم تساعد قرية الأحلام بسرعة وإلا مش هتعرف توصل ل سوزان…
شريف…
يعني إيه مش هعرف أوصل ل سوزان هو أنت هتمنعني أدور ع مراتي… فوق لنفسك أنت صحيح جن. بس لوليا أنا مكنتش هتعرف تساعد القرية بأي طريقة…
الجن.برك…
كويس إنك عارف إني جنn يعني زى ما ظهرت لك ممكن اظهر لغيرك واخليهم يساعدوا أهل القرية عادي…
اما بالنسبة إني امنعك تدور ع مراتك ده مش صح بس ببساطة لو مراتك موجودة في أى قرية تانيه تفتكر أهل القرية هيقولوا لك اتفضل مراتك…. استحالة
هيطلبوا منك حاجات تعملها لهم نظير أنك تاخد مراتك واكيد هيقولوا لك اقف قدام السا'حرات. وساعتها هتمو'ت. واكيد سوزان كمان…
شريف….
اومال أوصل لمراتي إزاي ؟!!!
الجن.برك…
عليك وع العرافة رشامنصور لو هى عرفت فين مكان سوزان أعمل معاها إتفاق أنك هتخلص مهمتك في القرية نظير أنها ترجع لك مراتك…
العرافة محدش بيرفض لها طلب ولها معارف في كل القري وهي الوحيدة اللي ممكن ترجعها لك عايشة.
وساعتها تبقي حفظت ع حياتك وحياة سوزان…
شريف…
تصدق فكرة شكراً يا صاحبي أنا أول ما يطلع النهار هروح لها فوراً ويارب تكون قدرت تعرف مكان سوزان…
واخدت البنات لجي وجودي ع غرفتي ونمت…
العرافة رشامنصور…
كنت قاعده في بيتي منتظرة الجن.برك وأول ما حضر قولت له نفذت، اللي قولتلك عليه…
رد برك وقالي حصل ومع طلوع النهار هيكون شريف عندك وهيعرض عليكي أنه يخلص مهمته هنا مقابل سوزان..
قولت له هايل يا برك اهم حاجه أوعي شريف يعرف أنك بتجيلي هنا ودلوقتي روح طمن عمو عرفة وقول له شريف قرب خلاص يتعلم الدرس وأول ما نتنهي من الساحرات.، المفروض يظهر له بس نصيحه بلاش يقولوا أنه كان بيلعب به وطول الوقت تحت سيطر'تنا…
ودلوقتي يلا بسرعه ع شريف وخليك متخفي،. لحد ما اقولك تظهر.