الفصل الحادي عشر 11
بقلم محمد منصور
ما ضعيش وقتنا معاك وهات من الاخر وقولنا بتعمل لية كدة
دة اللي قاله فضل ل حمزة اللي كان شبه منهار وقال حمزة
كفاية بقي حرام عليك بقالي يومين ما نمتش وانت مصمم تخليني اعترف بحاجة انا ما عملتهاش.
فضل
اومال مين اللي عمل كدة اخوك الميت
حمزة
انا ما اعرفش حاجة ولو فضلنا كدة ل يوم الدين مش هتطلع مني الا كلمة واحدة وهي كلمة ما اعرفش
فضل
يبقي خلينا قاعدين كدة
ل يوم الدين و ياتقول اللي عندك يا اما هسيبك قصاد مني كدة لا منك عايش
ولا منك ميت
غمض حمزة عيونه وبدا يزوم كانه كلب سعران بيجهز نفسه لعض فريسته فتح عيونه وقال بصوت خشن
حمزة برئ واي حد هيموت انا اللي عملت في كدة
فضل قلبه اترعش من الصوت ومن شكل حمزة لكنه حاول يبان انه ثابت وقال
حمزة شغل الجنان دة مش هيخش عليه
مسك حمزة ايد فضل و بص في عيونه اوي وقال
انا ابو حمزة. مش حمزة. ولسة متوعد تركن عربيتك تحت شباك مكتبك مش كدة
فضل
انت مالك ومال عربيتي
حمزة
اصلها هتتكسر حالا
وبعدها حمزة بص ل شباك مكتب فضل اللي كان مفتوح وزق فضل بعيد عنه وراح جري ناحية الشباك ونط منه. فضل اتصدم وقال
يا ابن المجنونه
وراح فضل بسرعة يبص من شباك مكتبه اللي كان في الخامس يشوف حمزة حصل له اية لقي بينزل من فوق سقف عربيته اللي ادمرت والوقعه كانت مقصره علي حمزة لكنه جري بسرعة رهيبة ،،،،،،،،،،
بسم الله توكلت علي الله. وهو رب العرش العظيم
يتغير المشهد ونشوف فضل بيخرج جري من مديرية امن القاهرة ووراء منه عفيفي وراح ناحية عربيته اللي اتكسرت وقال عفيفي اللي كان مصدوم من المنظر
هو اللي عمل كدة
فضل
هو
عفيفي
وجري بعد ما وقع من المسافة دي
فضل بعصبية
ايوة يا عفيفي ايوة. كفاية رغي بقي وفين عربيتك خلينا نلحقة
عفيفي
عربيتي في الصيانه
فضل
حبكت النهاردة يا عفيفي توديها الصيانه
عفيفي
اعمل اية طيب مراتي كانت علي الدائري بيها ودخلت في بتاع البرتقان. اص،،،،،،،
سكت لان فضل سابه وجري في نفس الشارع اللي جري في حمزة يمكن يلحقة،،،،،،
ومن جوة فيلا حمزة كان حمزة نايم علي سريرة وهو بيتوجع وبيقلع هدومة قصاد المرايا علشان يشوف الجروح اللي في جسمة واتاكد ان ما فيش اي كسر ووقف قصاد المرايا وقال
ل نفسه
انا ازاي عملت كدة. ازاي قدرت انط من المسافة دي وازاي عرفت ان عربية فضل تحت شباك مكتبه
هنا انطفي نور الفيلا كله
و ظهر في المرايا ابو حمزة اللي قال
انشف بقي ودافع عن نفسك وعن مراتك. جبنك خلاك تضيع كل اللي انا بنيته من بعد ابوك
حمزة
انا مهندس مش بلطجي زيكم ومش هعرف اكون زيكم
ابو حمزة
افتكرت انك مهندس ونسيت اللي ضاعو بسببك
حمزة
اللي ضاعو. انتو السبب في ضياعهم بعد ما دخلتو تجارة المخدرات في اللحوم. وخليته لحم الجاموس والبقر يتسيح ويطلع منه الهروين اللي انت اكلتو للجاموس والبقر
ابو حمزة
انت جاي تحاسبني يا ابني ولا اقول لك يا اخويا ياللي سبتهم يقتلوني هنا في الفيلا وهربت
حمزة
انت كنت بتدفع ثمن اللي انت عملتو فيهم و تستاهل تموت
ابو حمزة
عقلك هو اللي بيقول كدة لكن قلبك رافض كلام عقلك
حمزة
لاني حبيتك و ما كنتش ليا اخ كبير وبس كنت ليا اب ودنيا ما اعرفش حد غيرك فيها
ابو حمزة
و دة ما يخلكش تجيب حقي منهم. بلاش حقي دة ما يخلكش تجيب حق مراتك المخطوفة عندهم وولادك اللي اذبحو
حمزة
انا مراتي اذبحت قدام عينية
ابو حمزة
ضحك عليك وخلاك تصدق انه ذبحها لكن يذبحها ازاي وروحه فيها. هي عنده روح الحقها من ايده لو تقدر
حمزة
مراتي ماتت و انا مش همشي في طريق الدم زيك وزي ابويا
ابو حمزة
الدم في عيلتنا ورث مش من حقك ترفضه. انت مسير مش مخير. والعراف الاعظم هيخلي منك انسان جديد كل الناس تخاف منه. وهتكمل امبراطورية ولاد محروس
حمزة
ابعد عني بقي انت مش موت عايز مني اية تاني
ابو حمزة
انا موت قصاد الناس كلها لكني لسة عايش جواك.
و هخليك نسخة طبق الاصل مني.
حمزة بعصبية
انا مش انت. ومش هكون انت لا دلوقتي ولا بعدين
ابو حمزة بعصبية اكتر
انت مسير مش مخير وطريق الدم طريقك يا حمزة. ودلوقتي انسي كل اللي اتقال وابدا من جديد تدور علي مراتك. وتجيب حق عيالك اللي اذبحو.
حمزة
كفاية بقي واخرج من دماغي
وصرخ حمزة والنور بدا يبربش قبل ما يرجع ورجع النور وحمزة لقي نفسه قصاد المرايا وهي مكسورة والدم مغرق هدومة ما كنش مستوعب اللي حصل ووقع من طوله مغمي عليه،،،،،،،
في الوقت دة ومن جوة فيلا من فيلل التجمع كانت سعاد مرات حمزة مربوطة وقصاد منها قاعد راجل لابس ماسك اسود وكان بيقول لها
تفتكري جوزك الجبان هيدور عليكي ويفكر يجي لغاية عندنا علشان يحلقك
سعاد بصت له بغل شديد وهو قال
اشك لكن خلينا نشوف يمكن يبقي راجل
وسابها وقام خرج وقلع الماسك وهنا ظهر حسن مفتش المباحث وراح ناحية اخو سند. حسن وسند اللي دفنو سميرة واختها وهما عايشين. افتكرتوهم اكيد. ،