الفصل الثامن 8
بقلم محمد منصور
انا اتاكد بنفسي من كلام سند وطلع صح. و جميلة فعلا مريضة نفسية و مرضها خطير. دة حتي وصل بيها الحال ل انها تضرب نفسها بالسكينة علشان تموت
دة اللي قاله الدكتور صفوت ل مفتش المباحث حسن اللي رد عليه وقال
اومال اية حكاية الكوابيس والاحلام اللي هي بتقول عليها دي. وازاي لسة بتشوف بنات جوزها سميرة و هاله
صفوت
دة ملهوش اي تفسير عندي غير انها مريضة بالهلاوس السمعية والبصرية
حسن
والمرض دة لي علاج
صفوت
قليل اللي بيخفو من المرض دة
حسن
طيب من فضلك عايز تقرير طبي مفصل بحالة جميلة. علشان يرفق بملف التحقيقات واقفل القضية دي، ،،،،،،،
وصلنا للحلقة الاخيرة من. حكاية كابوس سميرة. ضمن احداث حكايتنا
اوراق التاروت
من تاليفي
محمد منصور
منص
وقبل ما نبدأ الحلقة نوحد الله ونصلي علي خير خلق الله سيدنا محمد. صلاة تحل بيها العقد وتفك بيها الكرب
بسم الله توكلت علي الله. وهو رب العرش العظيم
ويتغير المشهد ونشوف سند قاعد مع الدكتور وبيقول له
امي مش هتروح مستشفي المجانين.
صفوت
دة في مصلحتها لان حالتها النفسية مش مستقرة واهي حاولت تقتل نفسها لكن ربنا ستر و قدرنا نلحقها تفتكر كل مرة هتقدر تلحقها
سند
هوظف لها ممرضة تكون في خدمتها وحمايتها
صفوت
هتكتب اقرار انك خدها من هنا علي مسئوليتك الشخصية واي حاجة هتحصل لها انت المسئول الاول والاخير
سند
هكتب لك كل اللي انت عايزه،،،،،،
ويتغير المشهد ونشوف جميلة جوة شقة و قصاد منها واقف سند وكانت بتبص له بغل شديد وهي مربوطة في كرسي وبتقول
انا مش هرحمك يا سند واللي انت عملته في بناتي انا مش هسكت عليه
سحب كرسي وقعد قصاد منها وقال
مالك بس يا سميرة متعصبة لية كدة
اتصدمت وقالت
سميرة. انا جميلة وسميرة دي بنتي
سند
ما انتي لو بصيتي في المرايا هتشوفي شكلك الحقيقي من اللي بيشوفو الناس
وراح جاب لها مرايا. و بصت في المرايا و شافت شكلها الحقيقي. والحقيقية كانت كفيلة انها تشلها اصلها سميرة مش جميلة. فقالت
اية اللي بيحصل لي
سند حط المرايا جنب منه وقال
انا هسيب بقي التفاصيل
ل اخويا هو اللي يحكي لك
وبص ناحية باب اوضة من اوض الشقة دي وقال
اظهر وبان عليك الامان
هنا اتفتح الباب وخرج حسن وهو مع هاله مربوطة وكانت مضروبه. وبتجيب دم من كل حتة في وشها وعيونها ورمة ورمي هاله قصاد اختها سميرة وقال سند وهو بيبص ناحية هاله
استغبيت انت علي هاله
حسن
دة انا لسة بسخن
وهنا قالت سميرة لحسن
انا شوفتك قبل كدة
حسن ما ردتش عليها لكنه راح ناحية سند وقال
هتفضل سايب اخوك الكبير واقف
سند
لية ما يصحش برضو. تعالي اقعد يا ابية
وقعد حسن وسند وقف جنب منه وبص حسن ل سميرة وقال
كنتي بتقولي حاجة.
وعمل نفسه قال يعني بيفتكر هي قالت اية لكنه بعدها قال
اة. كنتي بتقولي انك شوفتيني قبل كدة. انا اللي جيت ل اختك اصلي كنت عامل اني صاحب جوزها لكن هي ما تعرفش اني بجهز قبر يليق بيها. و بيكي و ناويت والنية لله اكفنك انتي واختك في كيس زباله اسود يليق بيكم لان الزباله ما بتتحطش الا في الكيس بتاعها
سميرة
لية السواد دة كله
حسن بص ل سند وقال
شوف الجاحدة بتقول اية.
سند
زعلت من السؤال
حسن
اوي يا سند
سند
انا ما يهنش عليه زعلك
وراح ناحية سميرة وضربها لكمة في عينيها خليت عين سميرة تورم في وقتها وصرخت سميرة من شدة الوجع فقال حسن
اصرخي كمان وكمان الشقة دي اصلا استوديو يعني حيطانها كاتمة للصوت
سميرة وهي بتتوجع وبتحاول تفك نفسها
انتو عايزين اية مننا
حسن
حق امنا جميلة اللي ماتت بعد ما اتجننت بسبب اللي انتم عملتو فيها
سميرة
احنا ما عملناش حاجة ابونا هو اللي طلب مننا نبعد عنها علشان خانته
حسن قام مسكها من شعرها وسحبة بكل قوته وقال
وانتم عادي كدة سبتو يظلمها ويحرقها بطلاقة ليها
سميرة اللي لسة بتتوجع
واحنا كنا نقدر نعمل اية
حسن
تقولو لا. تزورها من وراء تودوها دي حبتكم زي ما حبتنا ولغاية ما ماتت كنت هي اللي حيشانا عنكم. لكن الجنان اتمكن منها وولعت في نفسها.
سند
ومع موتها جه الوقت تدفعو الثمن. وحسن خطط للخلاص منكم. وانا اتجوزتك يا سميرة وسجلت اسمك في موقع العراف اللي كان كفيل بالطلاسم والسحر الاسود يضرب خلايا مخك ويخليكي تشوفي كل اللي هيحصل قبل ما يحصل وحتي خيانتي ليكي من جميلة دة خلاكي تشوفي و حتي مكالمتي ليها. دة من ضمن التخطيط ل جنانك
سميرة
كل دة ما كنش بيحصل وكانت مجرد كوابيس الغرض منها انك تجنني
حسن
بالظبط كدة. ومن ناحية تانية انا اصاحب ثروت علي اني مفتش مباحث ودة بعد ما قدرت ازور كارينه الدخلية واقرب منه ومن هاله
و اسجل اسمها علي الموقع
و اخليها تتمني سند بعد ما ازرع جوة منها الشك ناحية سميرة وبصراحة وساغتكم
و كرهكم ل بعض ساعدنا كتير في كل اللي انا خطط لي. وقدر العراف يتحكم في الماضي والحاضر والمستقبل بتاعكم. وخلاكي يا سميرة تصدقي انك جميلة وقلبك ينحرق علي كل اللي بيحصل بين بناتك
وضحك اوي حسن وقال
ودلوقتي وبالاوراق الرسمية سميرة وهاله اتحرقو من سنين في شقتهم مع ابوهم ضرغام واحنا جبنا حق امنا. يعني موتكم مش هيفرق مع اي حد، ،،،،،،،،
ويتغير المشهد ونشوف الاختين هاله وسميرة جوة كيس زباله واحد وفي حفرة وسط الصحراء. وبدا حسن وسند رمي الرمل عليهم. ودفنهم وهما عايشين.،،،،،،،.