الفصل السادس عشر 16
بقلم يارا محمد
ملك فضلت مرميه ع الأرض ومحدش مهتم بيها كأنها حشرة داسوها وخلصوا عليها وهي كانت بتبكي بقهر بعد تلات ايام كانت واقفه ف المحكمه الدموع ماليه عينيها ومش قادرة تدافع عن نفسها الكل بيغلطها حتي القاضي وكان هيحكم ف قضيه مراة ابوها بس هي دخلت فجأة.
زوجه الاب
انا مسمحاها يا سيادة القاضي دي لسه صغير. و مش كانت تقصد انا بعد ما ضربتني ف حد ساعدني هي كانت عايزة تداري ع فضيحتها لما شفتها مع واحد ف اوضتها و الحد ده ده كان اخو البيه اواب سيادتك وهي من بجاحتها ضربتني و هربته .
حذيفه بعصبيه
انتي كدابه انا اول مرة اشوفك انتي عايشه ازاي بسواد قلبك حصلت تجيبي مصيبه لبنت جوزك .
القاضي
اي رايك يا ملك ف كلام زوجه ابوكي كلامها صح و لا لا .
ملك بصتلهم بقهر ودموع ومنعت الكلام حذيفه بيقولها دافعي عن نفسك وهي تايهه مش عارفه تعمل ايه سكتت و بس القاضي حكم عليها بعشر سنين سجن حذيفه جري عليها واتكلم.
حذيفه
انا اسف ع كل اللي حصل ليكي صدقيني هطلعك وأثبت للكل انك بريئه وشريفه فاهماني.
ملك
مبقاش ينفع خلاص كل حاجه ضاعت والأمر انتهي هما اكيد طمعوها بالفلوس و اخوك اللي يهمني بحبه باعني بسبب مراته بس هقولك حاجه دور ورا مراته انا مش مهتمه باخوك ابدا بس خليك ورا مراته اكيد وراها حاجه وارجع لأملاك ابوك فاهم .
الظابط اخد ملك و حذيفه حزين عليها أما اواب برغم حبه ليها بس كان واقف و تاليا بعتت رساله ل وليد بأن كل حاجه تمت .
تاليا
طيب بما اننا اتخلصنا منها انا همشي ورايا مشاوير .
تاليا مشيت و ف شارع جانبي كانت عربيه وليد واقفه تاليا ركبت فيها وحضنته بحب وطلعوا مع بعض بالعربيه .
اواب خرج من المحكمه وحذيفه مسكه بقوة وعصبيه
حذيفه بعصبيه
انا مش هسيبك حق البنت المسكينه اللي انتوا ظلمتوها دي مش هسيبه العداوة بيني وبينك من النهاردة .
اواب
قول بقي أن بجد كنت بتحبها من ورايا .
حذيفه باستفزاز
اه يا اواب بحبها ولما هثبت برائتها قدام الكل ساعتها هحبسك انت واحنا الاتنين هنكون بنتفرج عليك وانت جوه السجن مرمي بتهم كتيرة أولها المخدرات فاهم .
حذيفه سابه و اواب مش اهتم بيه ومشي أما ملك وصلت سجن النسا وهي خايفه دخلت الزنزانه مرعوبه من الستات فضلت واقفه مكانها مش عارفه تعمل ايه .
ووو يتبع