رواية حكاية مريم
الفصل التاسع 9
بقلم محمد منصور
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن امام شقة وليد تقف علا وتنظر في شنطتها وتخرج أيد الهون الحديد وتنظر لها وتقول علا لنفسها
أية يا علا خلاص يا متعلمه ومتربيه علي الاخلاق والفضيله هاتقدري تقتلي. وتعملي زي الهمج اعقلي كدة وارجعي عن اللي في دماغك واستغفري ربنا وماتخليش الشيطان يتحكم فيكي
فتستغفر علا ربنا وتستعيذ بالله من الشيطان الرجيم وترمي ايد الهون بعيد عنها وترن جرس باب شقة وليد فيفتح وليد الباب وهو يفتح عيونه بصعوبه لانه كان نائم وينظر لعلا ويقول
انتي. عايزا اية الصبح بدري كدة
علا
ممكن ادخل اتكلم معاك
وليد وهو يدعك في عيونه.
بدري كدة
علا برجاء
من فضلك
فيفسح لها المجال وتدخل علا الي الشقة وتجلس علي اقرب كرسي من كراسي الانتريه فيجلس وليد امامها ويقول بضيق
هه خير
علا باحراج
أية اللي بينك وبين ماما ووصل اللي بينكم لغايه فين
وليد وهو يضحك
انتي مصحايني من النوم بدري كدة عشان الحوار دة
علا
من فضلك رد عليه
وليد بلا مبالاة
دة كلام كبير عليكي. روحي يا حبيبتي شوفي ليك اي حاجه تعمليها
ويقف وليد امامها ويشاور علي باب الشقة وهو يقول
يالا عشان عايز انام
علا بتوسل
ابوس ايدك لو ناوي تتجوز امي اتجوزها بس بلاش تخليها تغلط غلطة تمس شرفها. الناس ما بترحمش
وليد
اتجوز مين. انتي عبيطة. انا وليد عامر اللي الستات بتترمي تحت رجلي . اتجوز واحدة سابتني قبل كدة. وقالت علية لا.
علا
ولما انت مش ناوي تتجوزها ليه كانت عندك امباراح بالليل
وليد
اهو. كنت بتسلي
ويضحك بطريقة مستفزة تدل علي انه قد اية أنسان واطي فتنظر له علا باستحقار وتقول
يعني امي غلطت معاك
وليد وهو يهرش في ذقنه ولا يرد عليها ولا ينظر لها فتقف علا وتهجم علية وهي تقول
لية. خليت امي رخيصة
وتحاول علا ان تغرز ظوافرها في وجهه ولكنه يمسك يدها ويقول لها
هي حصلت كمان تمدي ايدك علية. اسمعي يا بت انتي امك هي اللي جت لغايه عندي وسلمت لي نفسها وانا ماغصبتهاش. علي حاجة
علا وهو ماسك يدها بمنتهي العنف
انت حيوان. وهي صدقت انك هاتتجوزها.
وليد
انا ماقولتش اني هاتجوزها. وكلمه تاني منك هاعمل معاكي زي ما عملت مع امك.
علا
اة يا واطي. لية. عملت كدة حرام عليك دة انا كنت بتشرف بامي لية تخليها ست رخيصة
وليد
عشان اعرفها ازاي ترفض وليد اهي اللي اتجوزته رماها وجيت هي لغاية عندي وخلاص خدت حقي. ويالا بقي غوري من هنا وعرفي امك اني مش عايز أشوف خلقتها تاني
ويرمي علا برة الشقة ويقول لها
ونصيحة تلمي لسانك لان لو حد عرف باللي حصل بيني وبين امك الفضيحة هاتبقي بجلاجل وكل الكلام هايزعل امك. مش أنا.
ويغلق الباب في وجهها وعلا تنظر للباب وهي تبكي بحرقة، ،،،،،،،
وبعدها بكام ساعه ومن امام بيت والدها حسان تجد حسان يقف امام البيت ويشرف علي الناس اللي بتركب افرع النور لان كتب كتابه علي فتحية اليوم. فتقف علا بجانبة وتنظر لي أفرع النور اللي بتركب وتقول له
أية دة يا بابا.
حسان
ازيك يا علا يا حبيبتي.
علا
انت برضو ناوي تتجوز اللي اسمها فتحية دي
حسان
علا. بلاش تكلمي معايا في الموضوع دة عشان الكلام مش هايغير حاجة من اللي انا نويت علية
علا بضيق
دة بدل ما تطمن علية انا الاول وتجوزني رايح تتجوز انت
حسان
انتي فين وجوازك فين. لسه خطييك هاينزل كمان شهر. لما يجئ وقتها نتكلم
علا
طيب وماما
حسان
مالها امك
علا
عايزاك ترجعها عشان خاطري
حسان
بعد الفضيحة اللي كانت السبب فيها مستحيل ارجعها علي ذمتي
علا وهي تبكي
ماما هاتضيع طول ما انت بعيد عنها. وممكن تقع في الغلط
حسان
هي حرة.
علا بترجي
عشان خاطري. رجع ماما لذمتك وخليني ارجع اعيش وسطيكم وتحت ظلكم. بدل ما ضيع انا كمان
حسان
حبيبتي انتي فقلبي وعيني ليه بتقولي كدة.
علا
لو حبيبتك فعلا. رجع ماما
حسان بحزم
لا.
علا
للدرجة دي اللي اسمها فتحية دي كرهتك فيها
حسان
علا. فتحية ملهاش دعوه باللي بيني وبين امك.
علا
ماشي يا بابا.
وتنظر لفرع النور وتقول
ومبروك علي الفرح. يارب تعيش مبسوط ومش مهم بنتك حاسه بأيه
وتبكي وتمشي من امامه،،،،،،،،،،
وبعد اذان العشاء ومن داخل حجرة نوم حسان يقف حسان قدام فتحية اللي كتب كتابه عليها وخدها وطلع بيها علي شقتة وقال لها
اخيرا يا مريم بقيتي مراتي
فتحية
اخيرا يا حسان. ماتعرفش انا فرحانه قد اية اني بقيت مراتك
ويقترب حسان من فتحية ويلف يدة حوالين رقبتها وهو يقول لها
عارفه انا بقالي قد اية بتمني اليوم دة يا حب عمري
فتضحك فتحية فيتعجب حسان ويقول
بتضحكي ليه كدة
فتحية
ما كنتش اعرف ان الشيوخ بيعرفوا يقولو الكلام الحلو دة
حسان
وهو الشيخ دة مش بني ادم ولي احاسيس ومشاعر. ومن حقة يحب ويتجوز اللي بيحبها. ده سيدنا محمد صلي الله عليه وسلم. كان بيحب ستنا عائشه. حب يتعلم منه البشرية كلها بس احنا هنا في مصر كدة. الشيخ لو هزر وضحك يبقي غلط الشيخ لو راح يلعب اي رياضة يبقي غلط لو حب واتحب يبقي غلط. وكأن مكتوب علي الشيخ انه يعيش بعيد عن الناس عشان ما يغلطش ويرضيهم.
وفي هذة اللحظة يسمعا حسان وفتحية صوت خبط علي باب الشقة وصوت سميرة تقول
الحقني يا حسان بنتك علا. بتموت
فيفزع حسان، ،،،،،،،،،،،
وبعدها بيوم. ومن داخل حجرة في مستشفي. ترقد علا علي ظهرها ومعلق لها محاليل ويقف حواليها سميرة وحسان وفتحية ووالدت سميرة فتفتح علا عيونها بصعوبه فيجروا ناحيتها مسرعين ويمسك حسان يد علا ويقبلها ويقول لها
كدة برضو يا علا. عايزا تنتحري. ازاي هانت عليكي نفسك.
فتنظر له علا وتقول بصعوبه
زي ما انا هونت عليكم وكل واحد منكم فكر في نفسه ونسيته ان في بنت منكم انتم الاثنين ازاي تتخلو عنها وماحدش فيكم فكر في مصلحتها
ثم تقع عين علا علي فتحية وتقول بضيق وحدة
انتي السبب. انتي اللي خليتي بابا يطلق ماما. ويتجوزك كنا عايشين ومبسطوين لغايه ما ظهرتي انتي في المنطقة. روحي منك لله
حسان بضيق
علا. هو دة جزاتها انها جاية تطمن عليكي. كد،،،،،،،،
فتقاطعه فتحية وهي تنظر لعلا وتقول
حقك علية. ولو كان علي جوازي من باباكي أنا هاخلي يطلقني
حسان
فتحية بتقولي اية. انتي مراتي ومش هاطلقك ولو كان في حد السبب في اللي حصل لعلا فهي سميرة
سميرة
انا برضو. اللي قولت لك طلقني
حسان
سميرة انتي عارفة انا طلقتك ليه. ومش هانتكلم دلوقتي نطمن علي علا الاول
علا وهي تبكي
انا مش عايزا حد يطمن عليه. امشوا كلكم
حسان
علا. اهدئي وبطلي عياط.
علا بعصبية
امشوا. اخرجوا برة. حرام عليكم بقي عايزين مني اية كنتو سيبوني اموت عشان ارتاح
فتدخل الممرضة المعالجه ليها وتخرجهم كلهم. ،،،،،،،،
ومن امام باب الحجرة المحجوزة فيها علا. تقف فتحية مع حسان وتقول له
طالما بنتك عايزا كدة رجع سميرة
حسان
انتي بتقولي اية. بعد كل اللي عملته
فتحية
عشان خاطر علا. وقول لها انك طلقتني
حسان
بس، ،،،،،،
فتحية مقاطعه له
مافيهاش بس. علا كانت هاتموت. بسبب انك بعيد عن امها وانك اتجوزتني. خليها تحس انك هاترجع لي امها عشان خاطرها هي. وطلقتني برضو عشان خاطرها هي ودة هايفرق مع علا كتير. ولما تسافر علا مع جوزها نكون مع بعض من تاني. ومش هي بس اللي هاتعرف اننا اطلقنز كل المنطقة عايزاهم يعرفوا انك طلقتني عشان خاطر علا.
حسان
وهاشوفك ازاي بس. واتحرم منك تاني
فتحية
هابقي أقبلك في اي شقة تاجرها لينا حتي لو بعقد مؤقت
حسان
ودي تبقي عيشة
فتحية
معلش. انا استحمل الفترة دي لغاية ما علا تبقي كويسة ويتم فرحها. علي خير
حسان
بجد انا مش عارف اقول لك اية.
فتحية
اقول موافق.
وينظر لها حسان وقد اقتنع بكلامها، ،،،،،،،،
ورجع حسان سميرة الي عصمته ومرت الايام وفتحية وسميرة الاثنين علي ذمه حسان. ولكن قدام علا واهل المنطقة فتحية طلقها حسان عشان خاطر بنته.
وبعديها بشهر رجع عماد خطيب علا من السفر واستقبله حسان في شقته ورحب به ترحيب كبير الي ان جاءت ليله كتب كتاب علا وعماد واثناء ماكانوا جالسين في قاعه الافراح الاسلامية ومجتمع العيلتين ومعظم اهالي المنطقة والكل فرحان وسعيد. وقبل كتب كتاب علا يشعر حسان بألم في معدته ويصرخ من شدة الوجع. ويرجع حسان دم من بوقة بطريقة مخيفة ويصدم كل الحضور من المنظر ويحملو ويذهبوا به الي اقرب مستشفي. وبعد التحاليل والاشعة اتضح أن حسان مصاب بمرض هايسبب لي فضيحة تخص شرفه ، ،،،،،،،،،،،،،