رواية جنون الحب الفصل العاشر10بقلم ولاء حازم
بعد اسبوعين مفيش اي جديد فيه غزل حاولت تتجنب محمد علي قد متقدر ومحمد مش فاضي بسبب شغله واحمد بيحاول يتقرب من غزل وفعلا بقو بيتكلمو كتير الأسبوع دا.
في جنينة القصر كانت غزل وميرا وملاك قاعدين قعدة بنات بقو صحاب.
فقالت ميرا: انا هقوم اروح الحمام يبنات.
ملاك: استني خديني هقوم اجيب ايس كوفي اجبلوكوا معايا.
ميرا: ماشي يلا.
غزل: تمام بس متتأخروش وتسبوني لوحدي.
ميرا بضحك: ياتي ياتي صغننه تخاف تقعد لوحدها.
ضحكت غزل وملاك وقالت ملاك: دي لولو بنت اخويا مش بتخاف تقعد لو حدها زيك 😂
غزل: لا يختي انتي وهيا علشان مملش بس وانا لو حدي.
ملاك: ماشي هاجي علطول مش هتأخر.يلا ياميرا.
مشيوا وفضلت غزل لوحدها وقالت لنفسها: مااروح اتمشي شويا بدل القعده دي.
وقامت فعلا تتمشي ورنت علي سلمي.
سلمي: الناس الي من ساعة مجت مصر شوفتها مرتين بس.
غزل: انتي كل متكلميني تقوليلي كده خلاص انتي تعاليلي.
سلمي: لا مش هاجي ومتسأليش لي.
غزل: انتي حره انتي الي بترجعي تتكلمي في الأخر. صحيح انتي لقيتي شغل ولا لسه.
تنهدت سلمي بحزن وقالت: لا ملقتش محدش راضي كل مروح اعمل انترفيو بيقولوا مفيش شغل فاضي انا زهقت بجد.
غزل: اهدي يابنتي ان شاء الله هتلاقي انتي لسه متخرجه جديد متستعجليش .
سلمي: ان شاء الله.
غزل بسعاده: جاتلي فكره اي رأيك تشتغلي مع بابي هنا في الشركه مع عمو عبد الرحمن.
سلمي: بجد باباكي هيوافق.
غزل: انتي مجنونه يابنتي انتي زي عند بابي يعني اختي.
سلمي: شكرا اووووي يغزولي بحبك بحبك موووت 😘.
غزل: شكرا اي يابنتي لسه بقول اختي.
وانا كمان بحبك ياستي بس متقوليش شكرا تاني.
سلمي: ماشي ياروحي سلام بقا علشان اقول لماما باااي.
غزل: باي ياقلبي 😘.
كان بيراقبها من بعيد لقاها خلصت المكالمه راح لها وحط ايده علي كتفها فانتفضت وادارت وشها ورأته امامها فابتسمت وقالت: خضتني في اي كنت هتموتني.
هو: سلامتك ياقلبي من الخضه ان شالله انا وانتي لا.
غزل بضحك: تصدق برضو فكره علشان تبطل تخضني.
هو: ويهون عليكي ياغزوله تموتي أحمد حبيبك.
غزل تضحك أكتر: ااه يهون عليا وبعدين اي حبيبتك وقلبك في اي.
أحمد بضحك علشان ميبينش حبه ويبان انهم مجرد صحاب بس: عادي بقا ياحبي اقولك الي اقوله عقبال ملاقي وحده تبل الجفاف العاطفي الي عندي داه.
غزل بضحك: هييييح الواد عنده جفاف عاطشفي.
احمد: بعد عاطشفي دي متتكلميش خااللص.
ضحكت غزل جدااا وقالت: عارف يا احمد اول مجيت هنااا ياختييي مكنتش بطيقك اصلا وكنت بحسك شرير.
أحمد: شرير! شرير ازاي بقا ياست غزل.
غزل تتصنع التفكير: اممم عارف انت الأشرار الي بيبقو في الروايات دول حسيتك منهم فاهمني.
أحمد: طب ودلوقتي بقاا.
غزل: بقيت دمك خفيف واخويا وصحبي امم وااه وبتخضني.
ضحك أحمد وقال: عارفه بقا اول مشوفتك قولت اي البت المزه دي.
غزل بضحك وضربته علي كتفه كنوع من الهزار: بااارد بطل كلامك دا بقااا.
غززززززل
غزل: نعم يابابي في اي.
عثمان: انتي واقفه هنا لي كده.
غزل بإستغراب: عادي يابابي انا واقفه مع احمد.
عثمان بعصبيه: وواقفه مع ليه لوحدكم.
أحمد: ياعمي احننااا
عثمان مقاطعا كلامه: انا بكلم بنتي لو سمحت متدخلش.
وجهه كلامه لغزل: يلا ياغزل.
غزل: حاضر يابابي.
ومشيو ودخلو جوه.
كانو البنات خارجه وقبلوا غزل
فقالت ميرا: اي يابنتي الي جابك.
عثمان: تعالوا اتكلموا جوه بلاش الوقفه دي.
دخلوا البنات جوه وقالت غزل بعصبيه: يعني ينفع كده تسيبوني دا كله لو حدي برا.
ملاك: لي اي الي حصل.
غزل: معرفش انا كنت واقفه مع احمد بنهزر عادي لقيت بابي بيقولي انتي واقفه لوحدك بتعملي اي هنا وانا معملتش حاجه غلط يعني دا أخويا عادي.
ميرا: تصدقي ياشيخه انا لا بطيق أحمدولا البتاع الي اسمه مروان دا.
ضحكت غزل وملاك وقالت ملاك: أحمد ومحدش بيطيقوا وعرفينها طب واخويا مروان الملاك البرئ المحترم الخلوق البرئ لي دا حتة سكره دا..
قاطعتها ميراا: بسس اي ياحبيبتي براحه شويه في التطبيل الا ايدك توجعك وعايزه الحق بقا اخواتك التلاته مبطقهمش تحسيهم مغرروين اووي في نفسهم ومتكبرين ييييعععع.
ملاك: يععع اتنيلي بس دا انا اخواتي دول اي..
غزل بمقاطعه: بسس هتبدأ تشرح صفات كل واحد من اخوتها مش هنخلص يلا عمتو بتقول الغد جاهز يلا.
قام الكل للغدا وها قد حضر المووت ورأته غزله
قعد جنبها زي العاده.
شرين: حمدلله علي السلامه ياحبيبي هي دي إجازه الي مفروض تقعدها في البيت.
محمد: معلش ياست الكل انا بروح شغل الشركه مع بابا .
شرين: طيب ياحبيبي ربنا معاكم.
غزل: بابي ممكن اطلب منك طلب.
عثمان:طبعا ياحبيبتي عايزه اي وانا انفذهولك علطول.
غزل: مش ليا يابابي دا لسلمي.
اول مسمع اسم سلمي نطق بسرعه وقال: مالها سلمي.
غزل: لا ملهاش يامصطفي دا هيا كانت بتدور علي شغل وانا قولتلها هقول لبابي ممكن تشتغل معاه. وجهة كلامها لباباها: بليز يابابي هيا بحاجةالشغل اوووي.
عثمان: لااسف ياغزل مفيش اي فوارغ خالص.
مصطفي: هيا خريجة اي ياغزل.
غزل: ادارة اعمال.
مصطفي بإبتسامه: تمام خليها تجيلي بكره للإنترڤيو.
غزل بفرحه: بجد يامصطفي طب هتشتغل اي علشان اقولها.
مصطفي بفرحه لأنه سلمي هتوقع تحت ايده وأخيرا: بجد اوووي هتشتغل سكرتيره عندي.
عبد الرحمن: ازاي نسيت انك عايز سكرتيره خلاص علي بركة الله خليها تيجي بكره وتسأل علي مكتب مصطفي.
مصطفي: لا قوليلها مكتب انسه ميرنا هي الي هتعمل معاها الإنترڤيو علشان عندي شغل بكره ومش فاضي واااه متقوليلهاش انها هتشتغل معايا.
غزل بإستغراب: اشمعنا يعني.
مصطفي: علشان يعني انتي قولتلها هتشتغل مع خالي ومفيش شغل فاضي غير معايا فهمتي.
غزل: ايوه اويوه.
وقامت ومحمد قام معاها وخبطو في بعض ووقعو علي الأرض 😁.
الكل بصلهم بإستغراب ومحمد فوق غزل وبيبصلها ومش سامع لكلام اي حد خالص.
شمس غارت جدا من نظرة محمد لغزل راحت عندهم وقالت: محمد حبيبي انت كويس هات ايدك. ومدتله ايدها.
محمد مخدش ايديها بس فاق علي نفسه لأنه كان بيقرب منها وخلاص هيبوسها.
بس قام فورا من غير مساعدتها ومسك ايد غزل وأقومها وقال: انتي كويسه.
اومأت غزل وقال محمد: أسف مكنش قصدي.
غزل: ولا يهمك
وطلعت فوق.
كلمت سلمي وقالتلها علي الشغل وسلمي فرحت جدا
♡♡♡♡♡♡♡♡♡♡♡♡♡♡♡♡♡♡♡♡
في المساء كان الجميع يجلس في الصالون وجاء اتصال علي فون المنزل.
جات ام سامح وردت علي الفون: الو السلام عليكم.
المتصل: وعليكم السلام حضرتك دا بيت الصياد.
أم سامح: ايوه يافندم امر.
المتصل: للأسف الأستاذ أحمد عمل حادثه وهو حاليا في مستشفي *****.
ام سامح شهقت وقالت: يامري ياعيني عليك يابني ماشي يافندم اهله هايجو اهو علطول.
شرين: خير يام سامح أهل مين واي.
ام سامح: يالهووي ياست هانم يبقول ان أحمد بيه عمل حادثه وهو في المستشفي دلوقت.
عبد الحميد وسميره في نفس واحد: ايييه ابني.
عبد الحميد: مستشفي اي انطقي.
ام سامح: مستشفي****.
سميره: يالهوووي ابني ياعبد الحميد انا عايزه ابني.
مسكتها شرين بحزن: اهدي ياسميره ان شاء الله خير.
محمد: يالا ياعمي انت لسه واقف يلا علي المستشفي.
طلع كل العيله علي المستشفي حتي غزل وميرا.
غزل كانت خايفه عليه لأنها صاحبته الفتره الي فاتت واعتبرته اكتر من اخوها.
&&&&&&&&&&&&&&&&&&&&
وصلو المستشفي بسرعه رهيبه وراحو الإستقبال وراح كلهم عنده واتكلم مصطفي.
مصطفي: لو سمحتي بلغونا من هنا ان أحمد الصياد عمل حادثه.
الإستقبال: ايوه يافندم وهو حاليا في غرفة العمليات.
مصطفي: فينها اوضه العمليات.
الإستقبال: الدور السادس علي اليمين اخر الطرقه.
مصطفي: تمام شكرا.
وطلعوا كلهم ولاقوا لسه أحمد في العمليات وعدي ساعه ولسه الدكتور مخرجش عدي ساعتين نفس الموضوع وكله قاعد علي اعصابه. سميره منهاره علي ابنها وشرين واقفه معاها ومش سيباها.
واخيرا بعد تلت ساعات خرج الدكتور.
راح الكل عليه واول من تكلم سميره بخوف علي ابنها قالت ببكاء: ابني يادكتور كويس.
الدكتور: بصراحه يا جماعه.
عبد الحميد بعصبيه قاطعه وقال: ابني لو حصلوا حاجه بموتك سااامع.
عبد الرحمن: اهدي بس ياعبد الحميد فهمنا يادكتور أحمد حصله حاجه.
الدكتور: وووو