رواية مسار اجباري الفصل الرابع عشر14بقلم منه محمد
علا: انت اتغيرت كتير يا امجد انت ايه الي جرالك
امجد: مش ده المكان المناسب تناقش الامور دي ياريت تمشي من هنا
اطياف طالعه تتمشي في الجنينه حست بصوت جاي من الخلف لقتهم واقفين قريبين جدا مع بعض وحصلها صدمه وعلا مشت بخطوات سريعه
اطياف قربت وقالت لامجد: والدتك بعتتني ليك بالقهوه
امجد لاحظ توترها: شكرآ عايزه تقولي حاجه
اطياف: لا ولا حاجه عن اذنك
امجد اتوتر واتحرك وداخل الفيلا لقاها بتنادي عليه
امجد بقلق :وبعدين معاكي ليه جايه تاني
علا: ليه قلقان
امجد : انا مستغرب مكنتيش بتجري ورايا كدا لما كنت عايزك ,وسبتيني ومفكرتيش فيه في الوقت ده مكنش فيه مشكله بالنسبه لك ومقلقتيش عليا , ودلوقت بدئتي تقلقي اوي عليا وده حصل فجاه وقفي كل ده , ومفيش داعي تقلقي بعد دلوقت عليا
عام امجد قربت منهم وقالت بضيق :امجد
علا لفت بخضه :طنط انـ
ام امجد: اهلك مستنينك بره
...........قصص منه محمد كاتب..............
ثريا قعدت جنبها:علا يابنتي قاعده كدا ليه وعماله تعيطي
علا بدموع: حيلتي ايه غير العياط, شوفتي منال قد ايه مبسوطه, اشمعني انا كده وكل حاجه ليها عملت ايه اتعاقب عليه ولا حاجه, بس الاختين عايشين حياتي واخدوا مني كل حاجه كانت ليا
ثريا: يا بنتي بلاش تفكري بالطريقه دي, انتي بنت متعلمه وجميله , وعندي يقين بالله هيجيلك اجمل راجل ويبقي من قسمتك ونصيبك , واشوفك اسعد من منال واطياف ,وهتعيشي متهنيه وسعيده وتبتسمي وتضحكي للدنيا
علا: انتي بتكدبي وتديني امل كداب , الشخص الي حبيبته بعدته عني , والتاني انا الي رميته لما عطتوني احلام كدابه _ زقتها في دراعها_ روحي ادي الاحلام دي لواحده غيري
ثريا: كدا برضو ياعلا
علا: ايوه انتم ارتكبتوا جريمه كبيره في حقي
ثريا بقهر: يابنتي كل حاجه نصيب مفيش فايده نعيد ونزيد
علا: انا طلعت ايدي فاضيه
ثريا: انا عارفه وجعتك , وبعترف اننا مسؤلين عنها, بس خلاص من هنا ورايح انتي الي هتختاري حياتك بنفسك
.......قصص منه محمد كاتب................
كانت بتتكلم مع صاحبتها في الموبيل ولما الباب اتفتح اغلقت معاها الخط
امير ضيق عيونه : كنتي بتتكلمي مع مين
اطياف عقدت ايدها قدام صدرها ,واحده صاحبتي
امير : اي صاحبه
اطياف: ليه بتحقق معايا كدا
امير :عشان قفلتي التلفون اول ما دخلت وريني , ولو مورتنيش هشوف بنفسي
اطياف : انت بتشك فيا من غير سبب
امير : اديني التلفون لو فعلا صاحبتك ليه قلقانه توريني الموبيل , هاتي اشوف
اطياف: المشكله مش فيا المشكله فيك انت اسلوبك الي مش عايز يتغير وعندك وقت كتير فاضي تضيعه عليا بس استمر في الشك لاني مش فاضيه زيك ومعنديش وقت للامور دي عن اذنك
.......قصص منه محمد كاتب..........
في المكتب دخل لقاها بتلف في التحفه وشارده اتفاجئ بوجودها ووشه اتغير
علا بصتله مبتسمه: عرفت من السكرتيره انك في اجتماع
امجد حدف الملف بعصبيه : ايه الي جابك لحد هنا
علا :لو مش حابب اجي هنا امشي بس طول عمرك مجنون بيا , وكنت بتتمني نظره مني وكنت انا الي بببعد بس دلوقت بتبعدني لما قربت منك وجيت اقابلك
امجد سحب ايده منها: علا ليه بتخلقي لنفسك مشاكل
علا : عشان قلبي مبقاش تحت سيطرتي من اول يوم عرفت ان منال خطيبتك , وانا حالتي النفسيه وحشه جدا , مش مرتاحه
امجد :هو انتي بتخدعي نفسك ولا بتخدعيني
علا : زي مكنش سهل عليك تعمل ده , مكنش سهل عليا تسبني وتخطب منال اتمنيت يكون ده سهل بالنسبه لي
امجد بنفعال: عايزني كنت اعمل ايه واضح ان ذاكرتك ضعيفه جدا , مش انا الي سيبتك انتي الي سبتيني
علا: غلطت من فضلك سامحني مكنتش اعرف حجم غلطي واخدت عقوبه كبيره انت مش عارف حجم المعاناه الي انا فيها طب قولي انت مبسوط مع منال ما هو مش معقول هتكدب وتنسي حبك ليا ده مساحيل بصلي
امجد : انت بضيعي وقت هنا انسي الامور القديمه الزمن مش ممكن يفضل ع حاله واحنا بقينا ماضي لايمكن يرجع
علا مسكت قصافه الورق وقطعت معصمها وقالت : كأنك بالظبط بتقولي روحي موتي
امجد اتخض لما شاف الدم مغطي ايدها:علا اتجننتي
علا صرخت في وشه: ايوه اتجننت
امجد سحبها من معصم ايدها :تعالي اقعدي هنا
علا :سيبني اموت
امجد مسك الفون للسكرتيره: لو سمحتي هت لي علبه اسعافات طبيه بسرعه لمكتبي
علا: للدرجادي خايف عليا
امجد: انا مش بتحمل الغباء ده منك, لازم تسيطري ع انفعالك
علا: انت هنا تهتم بيا
امجد بجديه : مفيش داعي تتكلمي وانتي متعصبه كده
علا : دي احلي حاجه بعد الغضب تقعد وتهدا
امجد :متتكلميش كتير
علا : كنت في الاول بتحبني اتكلم وكان بيعجبك كلامي
امجد : الوقت مش بيفضل ع حاله واحنا بتتغير زي ما كل حاجه بتتغير
علا : غير نفسك عشاني
امجد: غيرت نفسي مره عشانك, دلوقت لا يمكن اعمل كده
علا :سيب ايدي
امجد : انتي حره بس هتاذي نفسك لوحدك
علا: متشكره عندك بالفعل افضال كتير عليا
امجد : متشكر لانك ع الاقل قبلتي فسرتي بالطريقه دي , ودلوقت اقعدي هاديه بلاش تنفعلي ها لسه ايدك بتوجعك
علا : ده كان قبل ما تعقمهالي بنفسك
..........قصص منه محمد كاتب...............
في الصالون
منال مبتسمه : ماما اسمهان خلاص الصداع خف
اسمهان : يعني حاسه انك احسن
منال: ايوه
اسمهان: تمام تعالي اربطلك شعرك , علا ايه الي حصل لايدك
علا اتوترت وقالت :اه اتجرحت
منال: اتجرحتي ازاي مش كنتي عند واحده صاحبتك
علا :ايوه ولسه راجعه من هناك
منال: ايوه وبسالك ازاي اتجرحتي في ايدك
علا: كوبايه انكسرت وجرحت ايدي
منال: ازاي يعني جرحت ايدك كل الجرح ده
علا بغضب وانفعال : هو لازم اكسرها واوريكي اما حاجه بارده
منال: انتي ليه تتكلمي معايا كده , انا سالتك سؤال واحد
علا زعقت: ومين انتي عشان تحققي معايا ,اهتمي بنفسك وبس
اسمهان بتعجب: ايه الي حصل منها عشان تتخانقي كدا
علا بشخط: مراه عمي لوسمحتي متشديش معايا من غير سبب
منال بصت لاسمهان وقالت : حصلها ايه دي ليه اتعصبت عليا كدا
اسمهان : معرفش تعالي لما اربطلك شعرك
.........قصص منه محمد كاتب...............
قاعد فاتح الاب توب وبيكتب عليه فتحت الباب ودخلت وقعدت قدامه بكل هدوء وقالت :بابا
عزيز هزلها دماغه من غير ما يبصلها وهي تابعت : محتاجه اتكلم معاك في موضوع مهم بس شكلك مشغول
عزيز بصلها لما وقفت وقال: لاء يا بنتي مش مشغول , اتكلمي زي ما انتي عايزه تعالي اقعدي
اطياف رجعت قعدت :بابا
عزيز: امممم
اطياف: انا هكمل اخر سنه ليا في الجامعه , انا ذاكرت واجتهدت بجد , وعايزه اخد الكتوراه ولو محضرتش كل مجهوي هيضيع
عزيز : و راي اميرايه موافق
اطياف بعصبيه: لو اخدت موافقته مكنتش جيتلك هنا ابدا , وشكلي نسيت انك واحد منهم مفكرين الست جاريه ليكم ملهاش ايه قيمه , قولي حاجه واحده ليه جبتني هنا وعيشت الحياه دي ربما مش هتقول اي حاجه دلوقت انا حتي مأخدتش الحب , لو مكنتش جيبتنا هنا كنا زمانا عايشين في سلام اليوم مكناش متعذبين وانتم ندمانين
عزيز : حاولي تفهي اني ابوكي , وانتي مراه امير
اطياف: وانت مسؤل عن كل الي انا فيه ده, مفكرني ايه كنتي هاجي قدامك اتذلل واتوسل اتجوز امير مستحيل كان تحصل حاجه من دي وبقيت متاكده اني ماليش في العالم الا امي وصدقني انا مش حاسه بوجودك زي ما كنتش حاسه بغيابك , مفرقش عندي
عزيز مسك ايدها: استني واقعدي خلاص هتكملي تعليمك , وانا هتكلم معاهم ومحدش هيمنعك امتي الامتحان
اطياف بسعاده: شكرا بجد شكرا يا بابا
............قصص منه محمد كاتب............
قاعد في الجنينه وسعيد جدا انه انتصر عليها
علام دخل : سلامو عليكم امير بيه ممكن تدي الظرف ده لاطياف هانم
امير: ايه ده
علام : دي مراجع امتحانات من كليتها
امير ليه جيبها هناط
علام : عزيز بيه طلبها مني
امير :انت بتهزر يا راجل انت
علام : انا نفذت الاوامر وعملتها بعد كدا معرفش اي حاجه
امير اخدها وقاله: امشي انت _ وراح طلعلها _ انسه اطياف ايه ده
اطياف ابتسمت وكملت مذاكره وطنشته خالص
امير بصراخ: هو انا مش بسالك ايه ده
اطياف فضلت تقرء وتسمع لنفسها وهو زعق انطقي ايه ده
اطياف : من طريقتك بتقول انك امي, لانك لو قرئت العنوان هتبقي شخص متحضر , بس مكنتش اعرف انك مش بتعرف تقرء خالص اظاهر مشفتش شكل مدرسه دي مراجع امتحانات
امير : قادر اشوف ده وعارف انها مراجع , انا معايا دبلوم زراعه مش جاهل , لكن قبل ما تطلبي تجيبي ده الاول لازم تاخدي اذن مني
اطياف: ليه هو انا عيله اطلب الاذن من الشخص الي هيمنعني وياخد مني الامل
امير: بتعملي كل حاجه حسب رغبتك, بس المره دي مش هينجح تعسفك, انتي مش هتروحي الامتحان ده
اطياف بتحدي: وانا بقولك هدخل
امير :مش هسمحلك
اطياف رفعت حاجب: هتسمحلي
امير بعناد: مش هسمحلك
اطياف :قلت هتسمحلي
امير صرخ فيها: قلت لا مش بتفهمي , مش هتدخلي , يعني مش هتدخلي
اطياف: وانا بقولك هدخل وامشي خليني اراجع
امير : هتشوفي ازاي همنعك
.........................................
امير بصلها : ليه متكلمتيش مع اطياف دي لسه ماخدتش الدكتوراه وعامله كدا , امال لما تاخدها رقبتها هتلمس السماء
ثريا : اذا كنت انت اتكلمت معاها بتقولك العكس
علا : بس امير معاه الحق شلتيها فوق راسك نزليها شويه, وانت يا امير لو كنت من الاول ورتيها العين الحمره مكنتش فردت ضلوعها
امير: اعمل ايه هي دي بتسمع لحد, اول ما ابدء اكلمها في اي حاجه تحدف بالسانها دبش عليا
علا : اقطعهولها انت من جوازك بيها عمال تعاني , ومعرفش هتفضل كدا لحد امتي
امير بملل: مراه عمي اتكلمي مع عمي عزيز قوليله ليه سمحلها
ثريا : انا برضو معرفش ليه عزيز وافق وعطاها الاذن ,معرفش لزومه ايه التعليم بعد ما اتجوزت وبقي ليها راجل وبيت, ترجع تذاكر وهو مفيش منه فايده , اسمعني يا امير ليه متتكلمش معاها بالعقل
امير: انا لو اتكلمت مع المخلوقه دي هنفجر زي اللغم
علا : الاصح والانسب ياماما ان امير يتكلم مع عمي
ثريا : وانا شايفه مفيش فايده من الكلام وهو هيعمل الي بنته عايزه مهما قلت
علا : وايه الحل يا ماما وانتي شايفه من الاول اطياف ومنال جم هنا والبيت بقي مكركب في حاله فوضي وعمي كل همه بناته وبس , واحنا نعيش في قلق كاننا مش بشر
..........قصص منه محمد كاتب............
امير دخل لقاها قاعده تذاكر مد ايده واخد تفاحه واكلها وفتح التلفزيون وعلاه الصوت علي اخره وهو بيضحك
اطياف بصتله بستياء: انا بذاكر اطفي التلفزيون ولم اليوم بدل ما اخليه فرجه
امير بصلها بقر: اعملي الي تعمليه وبعدين عادي تنفع المذاكره مع التلفزيون
اطياف: يا بني ادم فاضل اسبوع ع الامتحانات , ولازم اراجع من فضلك
امير: مش هطفيه اطلعي بره ذاكري
اطياف: انت بتعمل ده عن قصد صح , انا عارفه غرضك كويس اني افشل ومنجحش ابدا
امير: ليه لما بتفرج ع التلفزيون بجوع كتير ذاكري كملي مين هيمنعك
اطياف قامت سحبت من ايده الريموت واغلقت الشاشه : اصبر شويه قليلين
امير: حتي لو بقيتي وزيره بعد المذاكره برضو هتعملي كل شغل البيت وهتخدميني , الواحده ملهاش الا راحه جوزها وده بيجي من الخدمه اتعلمي من مراه عمي ثريا ازاي بتخدم عمي
اطياف: وايه فايده لما الست تخدم ومتأخدش الاحترام , وانت اكتر واحد عارف مراه عمي ثريا عمي مش بيحترمها
امير: مترغيش كتير في امور زي دي سامعه ولو عايزه تذاكري اطلعي بره, انتي دايما بتعملي الي حاسه انه صح من وجهه نظرك واهم حاجه نفسك
اطياف: وانت كل حاجه بعملها غلط في نظرك لان ده طبعا بيتعارض مع تقاليدك خد اتفرج ع التلفزيون
........................
يوم الامتحان قاعده تراجع
منال جات: طفطف حطتلك ورق تسجيل الماده وكذا قلم وسناده
اطياف: الف شكرا
منال : يله راجعي وهروح اعملك كوبايه شاي
اطياف : هات لي قلم رصاص معاكي زياده
منال :عيوني
علا قربت عليها بمكر: اطياف مش لازم تبلغي ماما وعمك قبل ما تروحي الامتحان , عشان يدعولك دعوه حلوه زي منا بعمل
اطياف: اه حاضر هروحلهم
علا فتحت الشنطه بسرعه بتاعه اطياف وسرقت ورق التسجيل الخاص بيها وجريت ورجعت منال بالشاي
اطياف علقت الشنطه: منال متاكده ان كل حاجه حطتيها في الشنطه
منال ايوه وان شاء الله يطلع امتحان بسيط وسهل
اطياف ضمتها: حبيبه قلبي عم علام جهز العربيه بليز
اطياف بالفعل راحت الجامعه وقعدت في اللجنه لكن معهاش الي يثبت انها سجلت الماده خرجوها برا و اتصلت بمنال
منال: ايه الي حصل
اطياف: منال فين ورقه تسجيل الماده بتاعي
منال: موجوده انا حطاها جوه الشنطه دوري كويس
اطياف ببكاء: دورت كذا مره مش موجوده شوفيها بسرعه يمكن محطوطه ع الكنبه لو ملقتهاش مش هحضر الامتحان وضاعت عليا السنه
منال: هتاكد وهلاقيها متقلقليش
اسمعان: حصل ايه ليه وشك مخطوف وجايب كل الالوان
منال: حصلت مصيبه كبيره
اسمهان: حصل ايه
منال: الاثبات لتسجيل الماده لاطياف مش لقياه ممكن تدوري معايا لازم نلاقيه
..........قصص منه محمد كاتب........
اطياف ببكاء: يارب
رشاد بيلف وقعت عيونه عليها قرب و سألها باهتمام : اطياف بتعملي ايه هنا , وليه بتعيطي قوليلي
اطياف بدموع وشهقات : تسجيل الماده مش معايا
رشاد: وهو ده شئ مستاهل العياط ده كله
اطياف: لازم ادخل الامتحان
رشاد: لو ربنا رايد هتدخلي , انا جيت اوصل واحد صاحبي هنا , ع العموم اعرف عميد الكليه نروح ونتكلم معاه
اطياف بتمسح دموعها بأمل: بجد
رشاد ابتسملها: ايوه يله نروح له
اطياف بالفعل دخلت الامتحان ع مسؤليه العميد الخاص وانهت الامتحان ورجعت السرايا وداخله مبسوطه
عزيز: اطياف
اطياف: نعم
عزيز :كنت عايز اسالك ع حاجه
اطياف : لو ع الامتحان حليته كله مسبتش ولا سؤال , كان لطيف انا مبسوطه جدا
عزيز :هو الانبساط ده سببه انك قابلتي رشاد , وانتي عارفه رغم معارضه الكل هنا تحدتهم وخليتك تدخلي الامتحان , كان لازم تفكري
اطياف : انت معتقد متفقه اقابل رشاد هناك
عزيز: لو ده الي عملتيه مش حاجه كويسه , كنتم بتتكلموا في ايه وليه جه اصلا , ولا اتصلتي بيه
اطياف: انا جبته وكمان اتصلت بيه
عزيز بشده: اطياف انا الي بسالك , ردي ع الي سألته ليه جه
اطياف: انا مقهوره لو فكرت اني موعده رشاد ,كنت المفروض تقرب وتسالنا ايه الي موقفنا مع بعض بدل ما تشك فيا ,وتتهمني بشكل مباشر,,واعترف اني الجاني
عزيز: انتي عارفه السبب لو حد من هنا عرف ده هيكلفنا اد ايه , وهتحصل مشكله كبيره يابنتي انا مش عدوك من حقي اسالك ليه جه , وكان عايز منك ايه
اطياف: بابا حاولت يوم تفهم امنا , لآ محاولتش ولا يمكن تفهمني ابدا , عارف ليه لانك مسمعتش مننا ولا حتي حاولت تعرف حال قلوبنا
.....................................
علا لمحتها ابتسمت بسخرية: واو شكلك معيطه جامد , والامتحان شكله مرهق , ماهو انتي عندك احلام كبيره و تطلعات للسماء, رغم حالتك , زعلت بجد لما اطلب منك تسجيل الماده في اللجنه, وطبعا يا مسكينه فضلتي تعيطي انا عارفه لما تحسي كل تعبك هيروح ع الفاضي
اطياف : ومين الي قالك ان فيه حاجه راحت ,واني مدخلتش الامتحان
علا: اختك وكانت المسكينه دايخه ع الورقه
اطياف بأبتسامه واسعه: دي امنيتك الكبيره , وامنيه كل الناس الي عايشين في البيت هنا ,ومعنديش اي اهميه عن رايهم المشوه
علا: ليه ايه الي حصل ليه بتبتسمي ده اكيد من اثر الصدمه يا مسكينه
اطياف: انا حليت وسلمت ورقتي
علا بصدمه :ازاي وانتي مضيعه الي ميسبتش تسجيلك للماده , فازاي
اطياف : عشان كدا مفيش داعي تقلقي عشاني ,اثبت اني مسجله الماده وكملت الامتحان ,وهنجح وابقي دكتوره مع مرتبه الشرف
علا تابعتها وهي ماشيه والحقد اتمكن منها راحت عليه وهو داخل من الباب
علا بحقد: شافت راي مراتك في نفسها بتقولي هتبقي اكبر دكتوره , وعامله ولا كان حد هممها وطبعا هتشوف نفسها اكتر عليك لانها شيفاك واحد جاهل وهي اعلي منك
امير: هي قالت عليا الكلام ده
علا : هي قالت كدا بس دي بتعرض ده باسلوبها قدامي عيني عينك
امير مد بخطواته وفتح عليها الباب لف نظره في انحاء الغرفه لما لقاها مقلوبه
اطياف بصتله: امير شوفت ورقه كبيره في اي مكان ولو مخبيها من فضلك هاتها
امير بشحط: انتي عقلك خربان, علا كلامها صح انتي هتتفرعني
اطياف: الي قالته الابله علا عني ميهمنيش , لو معاك الورقه ادههالي لو سمحت
امير عقد حواجبه : انا مش بعمل الحركات الخايبه عديمه النفع دي , ومشفتش ورق ابدا ولا مره ولا اتقابلنا سوي
اطياف : ده الي انا كنت متوقعاه من واحد زيك , اخره دبلوم زراعه , ومكملش يعرف ايه عن الاحلام والطموح
امير: ايه فايده العلام لما تقللي من شان جوزك, اه انتي مختلفه عني , بس ايه لزومه تتكلمي بكل الهري ده قدام علا
اطياف : علا هي الي ولعت النار فيك , قالت لك ايه بس انا مجبتش سيرتك معاها لا بخير ولا بشر اطلاقا امير انا بجد قلقانه جدا من فضلك لو معاك الورقه ادههالي ومعرفش ليه علا دي بتغير مني كتير
امير كرمش ملامحه: ده سوء فهمك انتي , هي مش بتغير منك
اطياف: هو انت جاي هنا عشان تدافع عن علا قدامي , يله اتفضل بس الاول هات الورقه
ثريا دخلت: امير عمك عايزك حالا في غرفه الضيوف
امير بهدوء: حاضر انا جاي
اطياف نزلت تجري ع السلم في نزول شوقيه بكرتونه اتخبطت في ايدها والكرتونه وقعت كلها بالي فيه ع الارض
شوقيه وهي بتلم الورق لمحت صوره : ست اطياف مش دي صورتك
اطياف خطفتها: وريني , اه هي لقتيها فين
شوقيه : في الكرتونه دي
منال: والكرتونه دي جبتيها منين
شوقيه: من اوضه الست علا
منال :من اوضتها انتي متاكده
شوقيه : ايوه والله لميت كل الورق من عندها
اطياف بغيظ: شايفه يا ماما اسمهان افعالها
اسمهان بعدم تصديق: متاكده يا شوقيه ان دي من اوضه علا
شوقيه: ايوه والله منها