رواية مسار اجباري الفصل الخامس عشر15بقلم منه محمد
اطياف بصوت عالي جدا: علا انزلي هنا عايزه اتكلم معاكي
علا نزلت السلم : ايه في ايه
اطياف بصراخ : ليه خبيتي الورقه وكنتي هضيعي مستقبلي , وانا مفيش بيني وبينك اي مشاكل اعرف دلوقت منك ليه عملتي كده
علا: ورقه ايه واضيع مستقبلك ليه؟
اطياف : انتي الي هتقوليلي ورقتي كانت بتعمل ايه في اوضتك
علا :افندم وانا هعمل كده ليه , وايه الفايده الي هتعود عليا
اطياف : صح الورقه طلع ليها رجلين , ومشت دخلت لحد اوضتك
علا : ايه دليلك انها خارجه من اوضتي
اطياف: شوقيه
علا ببرود: شوقيه طول اليوم بتروق السرايا كلها مش اوضتي لوحدي
اطياف : وشوقيه مش بتكدب, فقوليلي بصريح العباره ايه الضغينه الي جواكي ضدي
علا : وانا بقولك معرفش اي حاجه , انا مش بكذب تمام , ومعرفش الورقه دي راحت ازاي اوضتي
منال : استنوا انا هعمل حاجه واحده, هجيب شوقيه هنا واسالها مره تانيه لقت الورقه فين بالظبط
اسمهان :معقول يا منال هنقف نفتح تحقيق ونعمل فرجه قدام الشغالين
منال : منا لازم اعرف هي ليه عملت كده
حكيم دخل بحده: في ايه ليه الدوشه دي
اطياف بنفعال : ياعمي ورقه تسجيل مادتي اتسرقت واتعرضت للاهانه ,عندك اي فكره
حكيم بلا مبالاه: وايه يعني قامت القيامه هتهدي السرايا فوق دماغنا عشان حته ورقه , ادي اخره التعليم تروحي وترجعي تخلقي فوضي بعد ما صممتي ع الي في دماغك , يله الكل يمشي ويطلع ع اوضته انتهي الامر ومفيش حد غلطان في ده , زي ما ظن بعض الناس الي عقلهم صغير
اطياف :وانا بقولك الدراسه مهمه للانسان ياعمي
............قصص منه محمد كاتب................
في الفراند ع التلفون
رشاد: الو اطياف كان الامتحان عامل ايه يارب ميكنش قابلتك مشكله
اطياف: الحمد لله الامتحان كان سهل بفضل الله
رشاد :عظيم ربنا يوفقك
اطياف: اتصلت بيك اقولك شكرا ع وقفتك جنبي في اليوم الصعب ده
رشاد ابتسم بحزن: من امتي فيه بينا شكر ,متعملنيش ع اني واحد غريب ,عارف علاقتنا مبقش زي الاول بس انتي لسه ليكي مكان في قلبي
اطياف :عارفه حتي لو بتقولها مش باللسان
رشاد :اظن انتي عرفاني افضل مني
اطياف: انت ساعدتني كتير وفي المقابل متدكش الا الوجع والالم
رشاد :وكل الالم الي سببتهولي عزيز جدا عليا
اطياف :رغم كدا لازم تنسي كل حاجه
رشاد بقهر: انسي كلامك , ولا ابتسامتك ,ولا حبك ولا انسي لما كنتي تتخانقي معايا ع الامور الصغيره , الذكريات هي الامل الوحيد الي عايش عليه
اطياف: مع السلامه
علا كانت واقفه تتسمع وسمعت المكالمه لكن معرفتش تفسرها ومشت بسرعه من المكان
............قصص منه محمد كاتب...............
ثريا: حكيم بنات عزيز مشوا فجأه , اسمهان لسه مبلغاني وجيت عشان ابلغك
حكيم بستفهام: راحوا فين
ثريا: امهم فاقت من الغيبوبه وجريوا ع هناك
حكيم اتك ع اسنانه وقال بغضب: عزيز مش معتبرني اخوه الكبير يعمل الي يعمله من غير ما يشورني مستني ايه بعد ما يروح ويرجع , تمام بلغوه ميجبيش الست دي هنا
ثريا: يا حكيم لو مجاتش مديحه هنا امال هتروح فين
حكيم بعصبيه: دي مش مشكلتي ,تروح ماطرح ماتروح ,ملهاش اي حد في السرايا ولا ليها مكان , وده اخر كلام عندي
اسمهان: ايوه بس يا حكيم بيه مديحه بناتها عايشين هنا ,وهي ليها حق فيه
حكيم: اسمهان اياك تنسي ان الست دي بغض النظر انها ام البنات, الا انها مراه جوزك يعني ضرتك , والاغبياء بس هما الي يبقي الفاس تحت رجليهم وميقطعوش راس الثعبان
ثريا: ياحكيم لو تنسي الامور القديمه ,ما هو لو فضلت الجروح ماليه قلبك الوجع هيكبر لينا كلنا , انسي واغفرلها
حكيم: ده الي مش ممكن ابدا , هي مشت بكامل ارادتها , لكن دلوقت ملهاش مكان وسطنا ,ولا يمكن تيجي هنا ,وبلغي كلامي بشكل مباشر لعزيز
ثريا اتصلت بعزيز الي رد عليها: خير يا مراه اخويا
ثريا: اخوك امر مديحه متجيش ع هنا
عزيز: ايه الي بتقوليه ده, لايمكن اخويا يعمل كده ليه مش بيحاول يفهم الوضع لو مديحه مرجعتش ع السرايا تروح فين , وهي بالحاله الصحيه دي
ثريا : ع العموم انا حاولت كتير افهمه بس رافض يسمع اي كلمه بقولها , هو بنفس الغضب والثوره من عشرين سنه وخرج البركان , ولو خبطوا في بعض الدنيا هتخرب وتتحرق
عزيز: يامرا ه اخويا مش قادر استوعب ايه سبب تحكماته
ثريا: انا شايفه مش من الافضل مديحه تكون وسطنا هنا , دي لسه فايقه من غيبوبه مش هتبقي مرتاحه وغير كمان اخوك بوضعه ده لو قالها كلمه مش هتبقي قادره تتحمل وهتتعب اكتر والبنات هيزعلوا وانت كمان فهمت السبب
عزيز: وانا شايف كلامك صح بس غصب عني انا عاجز مقدرش اخد اطياف ومنال من امهم وامنعهم يخدموها في الحاله دي
ثريا: انا هفهم اطياف ومنال ومتأكده هيفهموا بسرعه انت بس متقلقش
عزيز: كدا الوضع مبقاش صعب بقي مستحيل واخويا كدا بيخلق مشاكل جديده
ثريا: طيب هتكلم معاك بعدين
.......قصص منه محمد كاتب...................
في الصالون
حكيم قاعد بيتكلم هو وامير في بناء مصنع وعزيز دخل قال السلام والكل رد عليه!
حكيم: ليه راجع من المستشفي لوحدك فين البنات
عزيز بهدوء: مع امهم رجعوا البيت
حكيم زعق : قلت لك متسبش البنات هناك
امير وقف في مكانه وقال :كلامي عمي حكيم صح , مكنش يصح تسبيهم هناك
عزيز : البنات قلقنين ع امهم وهي كمان محتجالهم ياحكيم دي رجعتلهم من الموت ,بعد متاعب كتيره وقامت بالسلامه ,معقول في الوقت ده ابعد بناتها عنها
حكيم :ده كلامك مش كلام الدكتور
عزيز : اعملكم ايه الست مش قادره حتي تمشي دلوقت وقاعده ع كرسي بعجل
حكيم : خلاص شوفلها واحده من البلد تسافر تخدمها
عزيز: ياحكيم الغريبه عمرها ما هتهتم بيها زي بناتها ليه مش قادر تفهم
حكيم صرخ في وشه بنفعال: انت الي محتاج تفهم , ومتنساش اطياف مش بنت مديحه هي مراه امير دلوقت , وبنت السرايا دي وبلغ مديحه بكده
عزيز :مش هقول
ثريا عاقده حواجبها بستغراب: ليه مش عايز تقولها , معقول هتداري جواز بنتك ع مديحه
عزيز اتنهد بعمق: يا مراه اخويا هي مش بخير, الست لسه راجعه من المـ وت للحياه , يعقل ابقي عايز اخطف حياتها مره تانيه
حكيم شاور عليه بالسبابه: دي اكبر غلطه تاني في حياتك اكبر من المره الاولي , لما عطيت مديحه اذن بالهروب من البلد , والراجل الحكيم ميكررش الغلطه مرتين
عزيز: لو غلطت زي ما بتقول في المره دي مش عشاني ولا عشان انقذ حياه مديحه , عشان راحه بناتي ومستعد اعمل ده الف مره
حكيم بشمئزاز: انا كنت متوقع الاسلوب السيئ ده منك
امير : عمي متقلقش اطياف ومنال هيكون في السرايا الليله
حكيم :برافوا يا امير دي افعال الرجال المحترمين
عزيز بصلهم بغضب وسابهم ومشي
حكيم: انا حزين انه متعلمش اي حاجه من الاكبر منه , كل تصرفاته تصرفات معيله, ثريا اعمليلي شاي راسي هتنفجر من تصرفاته
ثريا :حاضر
حكيم: اقعد يا امير
...........قصص منه محمد كاتب..........
ع الموبيل فضل يتصل بيها وهي تكنسل لان امهما مركزه جدا معاها لحد ما طلعت بره في الجنينه وردت عليه
اطياف: نعم قول فيه ايه , ليه كل شويه عمال تتصل
امير: انتي عارفه من امتي عمال اتصل بيكي وانتي مطنشه , مش عايزه تردي
اطياف: كنت قاعده قريبه من ماما عشان كدا مردتش لاني مكنتش هعرف اتكلم معاك
امير: مش مشكلتي ترجعي بسرعه البيت
اطياف: ايه ارجع ازاي وماما تعبانه جدا انت بتقول ايه ازاي اسيبها وارجع البيت عندك
امير: سمعتي الي قلته , وبعدين انا مقلتش حاجه غريبه ولا فريده من نوعها , و بعدين ازاي تروحي من غير اذني ومكلفتيش نفسك حتي تقوليلي
اطياف: انت معترض ع اني مشيت , ولا عشان مشيت من غير اذنك حدد
امير: الاتنين سوي واياكان قدامك يومين ترجعي بعدهم البلد وبعدها نبقي نتكلم
طياف: يا امير ازاي يعني اسيب ماما وارجع فهمني , مقدرش ارجع وهي حالتها عامله كده ماما قاعده ع كرسي متحرك ازاي اسيبها بوضعها وارجع , قدر الوضع وارحمني هفضل قلقانه لوانا مش جنبها , مين هيراعيها واعمل حسابك انا مراتك وليا حق عليك
اميربتريقه :دلوقت اعترفتي انك مراتي وعايزه حقك بس انا عارف الهدف الحقيقي من اعترافك لمصلحتك الشخصيه وبس والي عشانها مستعده تعملي اي حاجه
اطياف: انا حاسه بالشفقه عليك
امير : سواء هتذمي فيا ولا تفتخري انتي كلك ع بعضك كدا متهمنيش
اطياف : تمام لما مهمكش ليه عمال كل شويه تتصل
امير : متفرحيش بنفسك اوي, انا مش عايز اشوف وشك , بس انتم شرفنا ومفيش واحده تفضل في بيت اهلها مده طويله الناس هتقول كلام مش كويس
اطياف بنفعال: انا مالي بكلام الناس , وانا حاليا مقدرش اجي ماما تعبانه , وانا مش هسيبها مفهوم
امير: وانا مش موافق قدامك يومين بس وترجعي البيت
اطياف: اميييير
امير بغضب جحيمي: بس ولا كلمه
اطياف بعد ما اغلق الخط في وشها فضلت رافعه دماغها للسماء وشارده
منال: بتفكري في ايه
اطياف بتنهيده: ولا حاجه ولا اي حاجه
منال: انا رآي ضروري نقول كل حاجه لماما
اطياف: هو انا رافضه اقولها , ماهو مسيرها تعرف سواء دلوقت او بكره , و كل حاجه هتتعرف بس عايزه اجبهلها واحده واحده , بحيث الخبر مياثرش ع صحتها , ونبقي احنا السبب
منال: قصدك ايه بواحده واحده
اطياف: هتكلم معاها بنفسي , عشان كدا متجبيش سيره خالص ان انا وامير اتجوزنا ,لو سمحتي الا لو قلت لك بليز
منال : ماما بتسال يوميا ع رشاد , اتصلي بيه يجي مره واحده يقابلها
اطياف : وده الي هيخليني اضطر اتصل بيه
منال : لازم تتصلي
اطياف : معرفش ان كل ده هيبقي مكتوب في قدرنا
منال : غريبه انتي الي بتقولي الكلام ده , مش كنتي دايما تقولي ان كل حاجه بتحصل اراده الله
اطياف طبطبت ع كتفها : متقلقيش ان شاء الله خير
منال: انا داخله اطمن ع ماما
اطياف وقفتها: اه بالحق اتصلتي بامجد
منال ضربت جبينها : اوبا والله نسيت
اطياف : منال مش وسط الدوشه تنسي خطيبك, اتصلي بيه وعرفيه ان ماما خرجت
منال :حاضر هتصل يله ادخلي جوه الجو ليل
اطياف: هقعد هنا شويه محتاجه اتنفس
منال :طيب شويه وادخلي نامي
اطياف :حاضر
............قصص منه محمد كاتب.............
في الجنينه قاعد حزين ومكشر
علا بخبث: مكنش يصح تسيبك كدا , هي مراتك وانت ليك حق عليها اكتر من امها
امير اتنهد : انتي عارفه قد ايه هي عنيده , رغم هي لوحدها, والمفروض ابقي واقف جنبها بس هي ع طول محسساني اني غريب عنها
علا : مش حاسس بالضرر وحليت المشكله وصبرت نفسك بالكلام
امير: علا بتتكلمي زي ماكون اتجوزتها حسب رغبتي واختياري , مش انجبرت للوصيه
علا: خلاص سيبك من الامور القديمه , وربما نسيت اني كنت البست فريند وبنت عمك ومكنش بيهمني غيرك
امير: لو امها مش قايمه من وضع خطير كنت روحت بنفسي وسحبتها وجيبتها لحد هنا
علا بمكر: اه وهي بقي هتسمع كلامك وترجع معاك ع طول , علي اي حال يا امير انا جاهزه لرعايتك, ماهو بصراحه مكنتش ضروري اطياف تسيبك لوحدك بس هي ماصدقت لقت حجه تتخلص منك ومشت
ثريا قربت عليهم: علا
علا: نعم يا ماما
ثريا: امير قوم عمك عايزك
امير: حاضر رايح له
ثريا : ليه بتتكلمي معاه بالشكل ده ع اطياف
علا: محصلش حاجه من دي
ثريا بشخط: متكدبيش انا سمعت كل حاجه بنفسي
علا: انا مش كدابه قلت له الحقيقه
.........قصص منه محمد كاتب............
في غرفه مديحه
اطياف: طبختلك بأيدي , دوقي وقولي رآيك , بس بصراحه
منال مبتسمه: دي مش اول مره
مديحه اكلت وقالت: الله الاكل طعمه حلو اوي يا اطياف , مكنتيش بتعرفي تطبخي مين علمك
اطياف: كنتي دايما بتقوللنا ان الوقت اكبر معلم
مديحه: قصدك ايه
اطياف: علمتني مراه عمي اطبخ
مديحه بصدمه: ثريا هو انتم روحتوا هناك
اطياف بهدوء: ماما لما دخلتي غيبوبه بابا جه واخدناه معاه
مديحه كشرت وزقت المعلقه
اطياف: كلي كمان شويه
مديحه: مش عايزه
منال: كمان معلقه
مديحه: قلت خلاص كفايه
اطياف: ماما هو انتي زعلتي مننا , طيب كنا نعمل ايه اضطرينا نروح البلد
مديحه سكتت شويه وقالت: عملته الشئ الصح انتم بنات لوحدكم في البيت , متقدروش تعيشوا الوضع ده وابوكم اتصرف بحكمه وعمل الواجب الي عليه واخدكم معاه ع الاقل ادرك مسؤليته قولولي قابلته عمكم حكيم
اطياف: ايوه
مديحه بستفسار: مقلتيش اي حاجه ان رشاد متكلم عليكي
اطياف: لاء محدش سألني وانا مقلتش حاجه
مديحه: ليه كنتي مستنيه موتي عشان كدا مجتيش سيره
اطياف: يا ماما ليه سيره الموت بعيد الشر , وبعدين الدكتور محذرك من الانفعال هيأثر ع حالتك
مديحه: انا كويسه متقلقيش, قولولي موقف الكل منكم هناك , والمعامله كانت عامله ازاي
اطياف: الكل عاملنا كويس
مديحه: حد اتكلم في سيره القديم يعني عمكم ومراته , او اي حد
اطياف: ماما انسي الي بتفكري فيه , محدش عاملنا هناك منهم وحش , ولا فتح معانا سيره الماضي الكل كانوا لطاف حتي اسالي منال
منال: ايوه حصل
مديحه: ماشي حصل الي المفروض يحصل , بس من دلوقت مش هنجيب سيرتهم ابدا في البيت هنا ولا اشاره لـ اي حد منهم
...........قصص منه محمد كاتب.............
امير قعد بضيق: شوقيه كوبايه شاي بسرعه
ثريا: امير ليه هربان من البيت ع طول , من ساعه ما اطياف مشت
امير: هي فين اطياف بمجرد ما خلص العرض رجعت بيتها وبتمارس حياتها
ثريا: وليه بتقولها وانت وشك مكشر واتغير
امير: اتغير ازاي منا عادي اهو
ثريا: لاْ مش عادي شيفاك قلقان قولي هو انت بتغشني ولا بتغش نفسك
امير: اغش نفسي في ايه , انتي شايفه هي بتعاملني ع اني جوزها , لو كدا كان زمانها موجوده في بيتي
ثريا: امير انت بتحبها ولا يمكن تقدر تنكر انت بقيت مدمن بأطياف
امير بأنكار: مفيش حاجه من دي , وجودها معايا بحس ان دماغي مصابه بالعطب والتعفن من الي عملته في نفسي
ثريا ضحكت: ياحبيبي مش عيب هي مراتك , وده وضع طبيعي
امير اتحرك من قدامها عشان ينهي الجدل
ثريا: انت رايح فين
امير: طالع لو فضلت واقف هتفضلي تتهميني بالشكل ده
ثريا ضحكت: يعني مش عايزني اجيب سيره مراتك , لانك زعلت , خلاص اقعد معايا , ومش هضايقك بعد كده
امير: مراه عمي سبيني اطلع ارتاح
ثريا: زي ما تحب
امير ميل باس ايدها واخد بعضه وطلع اوضته يحاول يتصل بأطياف لكن مش بترد لحد ما الباب خبط
امير بخنقه: مين
علا دخلت: الشاي
امير حاطط الموبيل ع ودنه: تعالي تعالي
علا: هو انت تعبان, شكلك واضح انك تحت ضغط
امير فضل رايح جاي بتوتر وحاطط الموبيل ع دونه بغضب وملامحه اتغيرت بشكل مخيف
علا: امير هي مراتك راجعه امتي
امير حدف جسمه ع الكنبه بزهق: معرفش
علا رفعت حاجب: متعرفش يعني ايه , انت جوزها ومتعرفش راجعه امتي حاسه انك مش انت امير واحد تاني مراته سيباه من غير اي احترام ورافضه تطيع كل اوامره ورأي مراتك مش راجعه البلد تاني ابدا وعمي عزيز مش بيسمع كلام بابا وانت الي اهتميت بيه وبناته انا مش بتحرج اقول كلمه الحق قصدي اطياف طالعه لامها بتحب تعمل دوشه وهي اتجوزتك اجباري لا عشان الحب ولا للاحترام
امير: بس اطياف عارفه مش انا السبب الجوازه دي تمت برغبه امها قبل ما تسيب البلد وحياتنا بس انا هحط اطياف في مكانها واجيبها هنا تاني
علا: لو كدا اطياف هتبقي ملك ايدك, يله اشرب الشاي لما بيبرد مش بيقي له طعم وبعدها اقعد وفكر هترجعها هنا ازاي
..........قصص منه محمد كاتب.............
قعد ع سلم الجنينه واتصل بيها
اطياف: عايز ايه
امير: هكون عايز منك ايه مش لاقي اي حاجه من حاجاتي حطتيهم فين دورت في كل مكان مفيش اثر
اطياف: هو انت كل مره تقولي خفيتي حاجاتي فين ما تشلهم بطريقتك
امير بغيظ : وهيفضل حالنا لحد امتي كدا ارجعي دلوقت
اطياف : تاني طيب اديني شوقيه ,وهقولها حاجتك فين
امير بعصبيه: انا اتجوزتك انتي ,مش متجوز شوقيه
اطياف: جميل ع الاقل لسه فاكر لحد دلوقت
امير ضم حواجبه:انا مش فاهم قصدك ايه
اطياف :محدش يقدر يفهمك احسن مني ,افتكر يا امير الي اجبرتني فيه ابقي مراتك
مديحه: اطياف بتكلمي مين
اطياف اتوترت واغلقت السكه وده جنن امير ودقات قلبه زادت بجنون وكأنه هيخرج من مكانه
........قصص منه محمد كاتب..............
يوم جديد الباب خبط فتحته لقت الي واقف يبتسملها وهو بيقول: ازيك يا مشاغبه هانم
الخوف اترسم في عينيها وامير تعدها ودخل لحد جوه وافتكر ان البيت ده دخله مره قبل كدا
اطياف ورمشت عيناها وبلعت ريقها : ليه جيت هنا , مكنش ينفع تيجي هنا
امير: جيت اطمن ع حماتي وعليكي , وجاي اخدك معايا
اطياف: وانا كام مره قلت لك مقدرش امشي معاك , امشي من هنا
امير بصوت صارم: هتجي معايا وهاخدك البلد
اطياف: ماتسبني اعيش في سلام , وبعدين انت عارف كويس اني مش همشي معاك , واصلا انا مهمكش سواء كنت هناك , بس اضطريت تيجي عشان صورتك, انا فهماك كويس يا امير
امير ضغط ع كف ايده ونفخ: سيبينا من شكلي وصورتي , والهري ده كله , مفكره ايه كل مره قرارتك هتنتصر
اطياف: انت بتحول كل حاجه بينا لمشكله وخناقه , وانا بجد مش عايزه اتخانق معاك يله امشي حالا مش عايزه ماما تسوء حالتها لما تشوفك , وتدخل غيبوبه مره تانيه
امير: ماهي اجلا عاجلا هتعرف الحقيقه
اطياف: وعايزه اليوم ده يجي من نفسه , عشان كدا بلاش يجي منك انت يا امير, انت فكر في البلد واهلها بس وفكر في مصلحتهم , وع فكره مفيش فرق بينك وبين عمك كبير من عشرين سنه اذي امي , وانت اليوم بتعمل زيه عايز تموت امي
امير: عمي حكيم كل الي بيعمله لمصلحه الكل يا اطياف
اطياف: لاء ده لمصلحته هو مش لمصلحه حد غير نفسه وللتقاليد والعادات الي خلقها
امير: اطياف ارحميني انا مش جاي اسمع كلامك الخايب , وتعالي معايا بالادب والا هسحبك قدام امك من هنا , عايزه ده يحصل
اطياف لئلئت عيونها بالدموع: انا عاجزه دلوقت, ومفيش في ايدي اي حاجه ممكن توقفك غير ارفع ايدي قدامك واقولك من فضلك ابعد عن هنا لو سمحت قبل ما ماما ترجع وتشوفك , زمانها داخله مع منال من بره ,انا اترجيتك امشي عايزني اركع تحت رجليك
امير فضل واقف مكانه مش عايز يسيبها ويمشي لان ده غصب عنه
اطياف: تصدق انك واحد سخيف
امير تلفونه رن ورد: ايوه ياعمي
حكيم: انت فين
امير: انا في بيت حماتي مديحه اذا سمحت لي اتكلم معاك بعدين
حكيم: تمام ارجع بسرعه انا مستنيك
مديحه هنا دخلت ووراها منال وهو بصلها وهي بصتله وانها شافته قبل كده لحد ما عرفها بنفسه
مديحه بتهكم: وليه جاي لغايه هنا
امير بهدوء: اطمن ع صحتك عامله ايه دلوقت
مديحه: مش عايزه سؤالك ولا عايزه اي حد من السرايا في بيتي , والشخص الي بيفرض نفسه عليا يعتبر ضيف بس وهنا مقدرش اطرده من بيتي
امير: وانتي مراه عمي وتستحقي الاحترام
مديحه بعصبيه: ليه شايفني جاحده انا مش كده , اطياف ومنال راحوا عاشوا معاكم وانا عمري ما انسي المعروف ده طول حياتي
امير: معملناش اي معروف, اظن دول لحمنا ودمنا
مديحه: لاْ دول بس بناتي , ودم عايله ابوهم بتجري في عروقهم ,لكن حبي وحناني خلاهم ملهمش اي علاقه بالعايله دي , عشان كدا هيكون افضل لو تبعد بعيد , ومتجيش هنا مره تانيه
امير بحده: وكام عدد العلاقات الي هترفضيها
اطياف بصتله بنظرات كلها رجاء وكذالك منال
امير قام في مكانه: انا ماشي
مديحه بصتلهم: يابنات مفيش داعي تقلقوا , امكم لسه موجوده في الدنيا
..........قصص منه محمد كاتب............
يوم جديد بدايه الكارثه الي هتشقلب الاحداث رشاد قابل اطياف ماشيه في السوق
رشاد راح عليها: ازيك يا اطياف
اطياف: امشي بسرعه يا رشاد وبلاش الي بتعمله , لانك مش هتاخد حاجه منه في الاخر
رشاد: بعمل ايه
اطياف: مش لازم تستهبل انت عارف كويس انا اقصد ايه , عمال كل يوم تيجي بيتنا انت مش عارف لما ماما بتشوف وشك وتشوفني بتفكرني بفرحنا خمن كام مره بحس اني مقهوره
رشاد: ايه ذنبي في كل ده, انا لحد اليوم مش قادر اقول لطنط الحقيقه ,عايزني اقولها بصريح العبره جوزنا انتهي , وانك اتجوزتي من ابن عمك عايزه ده , لو سؤالها بيزعجك كتير, فـ بيألمني اكتر منك بمراحل
اطياف: رشاد بطلب منك متجيش بيتنا تاني لو سمحت
رشاد: حاضر لو ده هيريحك انا هعمله بس هرد اقول ايه لطنط مديحه لما تسالني ليه مش باجي ايه الاجابه وده مش لنفسي ليكي وللكل
اطياف بملل: ازاي افهمك ابعد من فضلك , ومتجيش بيتنا , انا قلقانه وخايفه الايام دي , وانت بتزود مشاكلي
رشاد : تمام اوعدك مش هاجي ,بس ممكن دلوقت اوصلك
اطياف برفض: لا شكرا هروح بنفسي
رشاد :الاكياس تقيله انا هوصلك وع طول همشي
اطياف بنفاذ صبر: رشاد هو انت مش بتفهم كلامي
رشاد بقهره: لاء فاهم لان انتي اكتر انسانه انا حبيتها في حياتي , ومفيش اهم منك , هاتي وبلاش تتخانقي معايا في الشارع
جليله ام رشاد كانت معديه بالصدفه ولمحتهم واقفين مع بعض وقررت تروح لمديحه وتقولها الحقيقه