رواية مسار اجباري الفصل السادس عشر16بقلم منه محمد
علي الموبيل
امجد: لحد امتي هتخبوا عن طنط, الصح تقولولها الحقيقه
منال: صحه امي مش كويسه, احنا مش انانين نخلق مشكله والم نفسي لماما, لازم نصبر وبعدين انت ليه مستعجل ع الجواز
امجد: يا منال انا بفكر فيكم لان كدا كدا في يوم هتعرف الحقيقه , لو مش منكم من حد تاني وهتكون الصدمه اكبر, رآي انتم تبلغوا والدتكم وتاخد الصدمه منكم , وقوللها ان امير اتجوز اطياف
منال: بقولك ماما هتتعب ليه مش عايز تفهم , انا عارفه علي الرغم من حبها لبابا بعدت عنه عشرين سنه ولحد اليوم فضلت منفصله عنه, ولو اتكلمت عن امير هفكرها بكل الماضي , ده لما جه امير امبارح قالت هتفضل برضو علاقتنا بيهم مقطوعه
امجد بهدوء: شوفي يامنال خلاص حصل الي حصل , قدري وضعي امي عايشه لوحدها في البيت ونفسها تفرح بيا , ارجوكي متفهميش كلامي بشكل غلط بس دلوقت والدتك وافراد عايله والدك هيفضلوا في صراع دائم , وبصراحه كدا انا خايف يستغلوا الفرصه ويقطعوا العلاقه بيني وبينك لكن لو كتبنا الكتاب هنحطهم في امر واقع
منال : اطمن مفيش حاجه من دي هتحصل
امجد: معنديش ثقه فيهم , وخصا لما اجبروا اختك تتجوز غصب , ممكن بسهوله يعملوا فيكي كده
منال : حكايه امير واطياف مختلفه بابا وماما كانوا ليهم رغبه انهم يتجوزه بعض من صغرهم اما انا مفيش وصيه عليا وبعدين مليش ابن عم تاني عشان يربطوني بيه اطمن محدش هيجبرنا ع حاجه زي دي ساكت ليه
امجد اتنهد بعمق وقال : بسمع كلامك ووجهه نظرك
منال :ده انا قلت انك سرحت بتفكر في حد تاني
امجد :انتي بتشكي فيا
منال: ليه اشك انت عامله حاجه انا بس بقول كدا
امجد نبره كلها حماس: تمام تعالي نتكلم شويه عن نفسنا
منال بضحكه: اوكيه
..........قصص منه محمد كاتب...................
مديحه: مين الي بيخبط جامد ع الباب كدا
منال: يمكن اطياف رجعت من السوق هروح اشوف
منال راحت فتحت الباب ولقت جليله قدامها ابتسمت: طنط عامله ايه
جليله مكشره: كويسه فين امك
منال ضمت حواجبها: ماما جوه بس عايزها ليه
جليله زقت الباب بغضب ودخلت تمد بخطواتها ومنال دخلت بسرعه وراها
مديحه مبتسمه: اهلا يا جليله
جليله: اهلا وسهلا بيكي
مديحه: امتي رجعتي من عند اختك ولا دي كانت كدبه
جليله: اكيد بنتك هي الي قالت لك اني مسافره بس انا جايه اقولك اني مش غبيه ابعدي بنتك خالص عن سكه ابني
منال بشخط :يا طنط لو سمحتي اخرجي من هنا صحه امي تعبانه خلينا نتكلم بعدين
جليله :هتكلم دلوقت انا جايه عشان اتكلم
مديحه :ايه الموضوع يا جليله ليه متعصبه كدا في ايه قوليلي
جليله :اسالي بناتك الي بيغفلوكي اكيد مخبين عنك الحقيقه بس تمام انا هقولك تعبك كل السنين دي وهروبك ببناتك رغم دي مشاكلك العائليه بس قولي لبنتك تبعد نهائي عن طريق ابني وده هيكون الاصلح لبناتك الي خدعوني ومقلوش اي حاجه حتي بعد ما عرفوا اني عرفت وكل الحي عارف
منال بغضب :خلاص اسكتي مفروض تفكري قبل ما تتكلمي ماما احنا مخدعنكيش وكنا هنقولك عن رشاد واطياف
جليله :كملي للاخر خليها تعرف كل حاجه اتكم بتحاولوا تخدعوا ابني البريئ بس مش انا ولما اطياف موعوده من صغرها لابن عمها وكنتم عارفين كل ده ليه اختك عشمت ابني ووقعته في حبها
منال :اقسم بالله ما كنا نعرف اي حاجه الا لما روحنا هناك
جليله :ماشي حصدقك واقول كدا بس خلاص اطياف متجوزه بلاش تجري وري ابني بس ده مش غلطها العيب ع امها الي عطتها الحريه الزايده ها يا مديحه معندكيش حاجه تقوليها
منال بنرفزه: طنط لوجهه الله امشي من هنا انا ساكته بس احترام لوجود ماما , وانك اكبر مني والا كنت عرفت ارد عليكي بالي تستحقيه
جليله بعصبيه شديده: انتي قليله الربايه لدرجه واقفه تردي عليا
منال ببكاء : ماما اسمعيني مفيش حاجه من الي قالتها
مديحه بقهر :خديني الاوضه
منال لئلئت عيناها بالدموع:ماما انتي كويسه
مديحه بنرفزه شديد: قلت دخليني الاوضه يامنال سمعتي
منال دخلت امها الغرفه وقفلت ع نفسها بالمفتاح لحد ما منال سمعت خبط ع الباب دجريت فتحت
منال: كل ده بتشري الخضار
اطياف بتاخد انفاسها بالعافيه: ايه الي حصل ليه متعصبه عليا كده
منال: ابدا ماما حبست نفسها في الاوضه ورافضه تفتح الباب
اطياف: ليه ايه الي حصل هي كويسه
منال: لاْ ام رشاد جات هنا وقالتلها كل حاجه , ومن ساعتها قافله الباب ع نفسها وبخبط عليها مش راضيه ترد حتي عليا
اطياف : وليه ممنعتهاش
منل: هو انا عرفت امنعها كنت اعمل ايه
اطياف رمت شنطه الخضار ودخلت تجري تخبط ببكاء : ماما افتحي واسمعيني لمده دقيقه ,ماما والنبي اسمعيني مره واحده بس
مديحه بصراخ: امشي مش هفتح
اطياف جسمها اتهز من كتر الشهقات : عشان خاطري ارجوكي افتحي الباب
منال: مفيش فايده
اطياف : ماما ارجوكي اسمعيني
منال بحيره: هنعمل ايه
اطياف :هاتي تلفونك
منال :هتتصلي بمين
اطياف: بابا
عزيز رد: ايوه يا بنتي
اطياف: بابا حصلت مشكله
عزيز: مشكله ايه
اطياف :ماما حبست نفسها في الاوضه لما عرفت مبوضوع جوازي من امير
عزيز :تمام انا جيلكم حالا
اطياف برجاء: بابا تعال بسرعه, انا قلقانه ع ماما من فضلك بسرعه
عزيز :اسمهان انا مسافر القاهره لمديحه
اسمهان : خير كفالله الشر هي تعبت تاني
عزيز سفها ومردش عليها وفتح الباب وجري زي المجنون
.........قصص منه محمد كاتب.............
علا شافته قامت والابتسامه مرسومه ع شفايفها: امجد :عامل ايه
امجد قفل ملامحه بضيق وقال: ليه كل شويه جايه هنا
علا :عارفه انك هتضايق اني بجيلك بس محتجالك وانا مش بكدب وقلت اظهر فجاه
امجد :علا انا لا يعنيني سواء بتقولي الحقيقه ولا بتكدبي
علا :انت ليه زعلان مني
امجد :انا مش زعلان منك
علا :لو مكنش كدا مش هتكلمني بالطريقه دي انت حتي رافض تكلمني ع الموبيل ولا بترد ع الرسايل وتقولي مش زعلان
امجد :لاني مش عايز اتواصل معاكي وانتي مش عايزه تفهمي ومصممه تيجي
علا :الوضع مش هيبقي حلو لو اتكلمت بالاسلوب الفظ ده واحنا واقفين تعال نقعد في مكان ونتكلم بهدوء
امجد :ليه بتضيعي وقتك ووقتي
علا :لو مش قادر تديني وقت ع الاقل متجرحنيش
امجد :وانا مش عايز اجرحك ولا اوجعك عشان كدا امشي
علا :ازاي امشي وانا قلت للسواق هقعد شويه مع صحابي تعال نقعد في اي مكان نتكلم براحه اسمعني وبعدا وصلني
امجد :امم واضح انك مصممه ولازم يحصل يله نروح
علا :ممكن تبتسم ولا هتمشي معايا وانت بالشكل المكشر ده
امجد بخنقه :لو سمحتي بلاش اسلوب الضغط ورمي اللوم لان ورايا شغل فلو سمحتي نتحرك
علا :قولها بالحب
امجد :عايزه تروحي ولا مش عايزه
علا :بقولك قولهالي بالحب
امجد: انا اتاخرت وانتي مش مقدره اهميه شغلي , يله بينا
علا ابتسمت بانتصار ومشت وراه وهي حاسه بالسعاده
.......قصص منه محمد كاتب.............
في منزل اطياف عزيز دخل ووراه امير ومنال اخدت ابوها ع مديحه
اطياف بصتله بغضب وصرخت فيه : انت ليه جيت هنا , مين اتصل بيك ولا عملها حجه عشان تيجي , بس افرح ماما عرفت بالي كنت عايز تقولهولها , يله ادخل عرفها عن جوزنا الحاله الي حاولت انقذها منها النهارده ماما انهارت بنفس الحاله , الي اتحملته في عشرين سنه ضاع في لحظه واحده , وخسرت حرب سنين, وكل ده حصل بسببك وبسبب كبريائك المزيف عشان تخليني ملكك واجبرتني واتجوزتني , ليه جاي فاضي فين مسدسك الي رفعته ع دماغ اختي وسرقت سعادتي واحلامي ,يله هاته واقتلنا كلنا انا وامي واختي , يله اضرب بقيت زي امي وانت مسؤل عن كل ده , انت دمرت حياتي عايز تقتل امي بس انا الي هقتلك (مسكت فيه) هقتلك وهفضل اضربك واضربك
امير ضمها لحضنه ومسح ع شعرها وقال : بس اهدي مش هيحصلها حاجه
اطياف بكت في صدره بحرقه ونطقت بصوت مبحوح ضايع : اعمل ايه لو ماما ماتـ ت
امير : مش هيحصل انا معاكي
...........قصص منه محمد كاتب..............
عزيز قعد قدامها وقال:لحد امتي هتفضلي ساكته كده , السكوت وعدم الكلام مش هيفيد بحاجه متكتميش في نفسك بالصمت
مديحه : هربت من جحيم عيشتكم من عشرين سنه بس ايه الفايده كررت نفس الشئ , وكل الي هربت منه نفذته انت وعايلتك كسرتوني ببنتي ده الي عملته
عزيز : مديحه كنت متكتف وعملت الي هما عايزينه
مديحه: لحد امتي هتفضل مسلوب الاراده وتبكي ع ضعفك , عشان كدا كرهتك لما رميت مراتك وبناتك في الضلمه والعتمه
عزيز: لو عايزه تعاقبيني موافق خدي حق العشرين سنه , بس متاذيش نفسك
مديحه: لو حسيت بوجعي والمي مكنتش عملت كده في بنتي, الي عملته فيك سنين طويله ده الي كنت متوقعاه انك تنتقم مني انت واخوك ,وتحطوا جبال من القهر ع بناتي عشان تستريح
عزيز :معقول ده تفكيرك فيا
مديحه :ايوه انت اتعودت تكون شخص اناني , وانت اناني انتهزت مرضي ورقدتي ودمرت حياه بناتي معايا بعملتك دي
عزيز : واضح انك مش بس مضايفه مني ده انتي بتكرهيني, بس مفيش مشكله عادي انا كدا كل ما احب حد في حياتي اخد المقابل الكره مفيش غلط من حد انا شايف نفسي في عينك
..........قصص منه محمد كاتب..................
الباب خبط واطياف راحت فتحت لقته هو مبتسم في وشها
اطياف: انت
رشاد دخل المدخل: ايوه انا
اطياف بزعيق: الست امك مسابتش بيت الا ودخلته واتكلمت عني اقذر الكلام , ودلوقت جاي هنا تكمل
رشاد بصدمه: امي امتي جات هنا
اطياف: متستعبطش وتعمل نفسك مش عارف حاجه
رشاد :براحه يا اطياف انا عايز افهم ايه الي قالتهولك امي
اطياف: امك لو قالت لي حاجه كنت هتحمل, لكن المصيبه قالت لماما المريضه وخرجت كل كرها وطاقتها علي امي العيانه
رشاد :اهدي يا اطياف
اطياف: انتم المفروض تتكسفوا ع دمكم
رشاد :والله ما عارف حاجه
اطياف :ان شاء الله عنك ما عرفت, يله امشي واياك تظهر قدامي وتعتب برجلك هنا تاني
رشاد : ايه ذنبي يا اطياف
اطياف: كفايه يارشاد واتفضل امشي
رشاد :اطياف اسمعيني
اطياف زقته بره: لو امك قربت من امي تاني مش هتحمل وهقتـ لها
.............قصص منه محمد كاتب............
جليله طلعت لقته قاعد :وصلت امتي يله قوم اغسل وشك وايدك حالا احط الاكل
رشاد :حطي فيه سم واموت بسببك وترتاحي
جليله :اه هي اطياف وامها حالا قلبوك عليا وعطولك التقرير الي نفسي افهمه انت ليه بتروح هناك وانت عارف انها ست متجوزه
رشاد قام وصرخ فيها :انا الي عايز افهم ليه روحتي هناك
جليله :عشان البنات وامهم بيخدعوك وروحت اكشف الحقيقه الي واضحه في وشك
رشاد :ع الاقل راعي حاله طنط مديحه الصحيه الست لسه خارجه من غيبوبه انتي ليه مفيش في قلبك رحمه
جليله بغيظ :اغلط كمان في امك ما انت دلوقت كبرت وبقيت راجل ملو هدومك وواقف تعلم امك الادب والخير والشر بس افهم اكتر واحده في الدنيا يهمها مصلحتك هي امك
رشاد :وايه مصلحتي لما تدوسي ع واحده مريضه كنتي اقعدي اتكلمي معايا انصحيني بس ازاي لازم تعملي فضايح لاطياف ليه تروحي هناك وتعملي شوشره
جليله :لو مش عايز تفهم يبقي معنديش الي اقلهولك وبعدين هو انت بتسمع كلامي من ساعه ما رجعت اطياف وامها وانت ققاعد ع طول هناك
رشاد :سبيني ع راحتي انا مش عبد عندك انا فاهم المزايا والعيوب
جليله تابعته وهو ماشي وقالت بحقد: الواد ده هيدمر حياته بنفسه
...........قصص منه محمد كاتب...........
منزل عائله اطياف تحديدا في الصالون
منال : بابا خد اطياف معاك , اما انا هفضل مع ماما
عزيز بيمسح ع جبينه: مقدرش اسيبكم لوحدكم بالوضع ده, وقررنا لازم ناخده سوي
اطياف: اتكلمت مع ماما رافضه تروح معانا
عزيز: انا هتكلم تاني معاها
منال :طيب فرضا عرفت تقنعها بالنسبه لعمي مش هيوافق
عزيز : خلاص مبقتش خايف من غضبه ,ومش هسمحله يضايقها ويخليها تعاني من الالم ,مهما حصل هنواجهه الكل مع بعض
منال : ماما مش هتوافق
اطياف قامت دخلت لها وقالت بهدوء: ماما ليه مصره تعالي البلد معانا لو سمحتي
مديحه بنرفزه : هو انا تمثال تاخدوه معاكم هتحطوه زينه هناك, قلت مش هسيب بيتي واروح اي مكان تاني
منال : يا ماما بس
عزيز فتح الباب وبصلها ومنال تابعت: بابا شايف بنفسك متضغطش عليها , هي مش مستعده تروح
عزيز: اه شايف اني مليش كلمه عليكي يبقي ننهي العلاقه دي , ونطلق لو ده الي انتي عايزه هطلقك اليوم القرار في ايدك
اطياف : لآ ماما خلاص هتيجي معانا , اظن انتي كنتي معانا في كل مشكله , ازاي نسيبك لوحدك
مديحه : مفيش مقابل لمحبه الام لولادها, الي عملته ده كان واجبي
اطياف :واحنا عايزين نقوم بواجبنا ليه عايزه تمنعينا عنه, احنا كنا بنسمع كلامك ودلوقت جه الدور عليكي تسمعي كلامنا وهتمشي معانا يله
مديحه بصرخه :مش رايحه
اطياف: ليه رافضه تسمعلنا ليه
مديحه :مش عايزه اروح وقلت لكم مش هروح يعني مش هروح
اطياف :طيب متتعصبيش, تمام انا اسفه بس فكري مره تانيه
مديحه :انا مش مصدقه انتي بنتي , قلت لك مش رايحه هناك ,يارب اموت وارتاح حتي بعد ما اموت مش رايحه هناك
اطياف :طيب خلاص اهدي
مديحه دخلت في مرحله انهيار: مش هررروح حتي لوموتوني
اطياف الدموع شلال من عينيها : ايه الي حصلك
مديحه :مش رايحه هناك ساااامعين
منال :طيب خلاص اهدي
مديحه :قلت ولا مقلتش مش رايحه وقعت بجسمها ع الارض
منال صرخت :بابا
عزيز :مالها مديحه
اطياف بكاء: بابا اتصل بعربيه اسعاف
............قصص منه محمد كاتب............
قدام باب السرايا العربيه ركنت
علا بصتله: امجد حققت لي امنيتي بالخروجه دي ,وعارفه انك مضايق بس اتاكدت اليوم انك لسه بتحبني
امجد بصلها ولسه هيتكلم قطعته وقالت :متقولش حاجه مش لازم تقولها بالسان ده احساس , اقعد وفكر بكلامي وشكرا ع التوصيله
ثريا طالعه الفراندا لمحتها نازله من عربيته لفت راحتلها
ثريا :جايه منين
علا :كنت مع واحده صاحبتي
ثريا :وهو خطيب منال ساكن في بيتك صاحبنك, كنتي بتعملي ايه معاه شوفت بنفسي انه موصلك
علا : اه كنت مستنيه السواق , وبالصدفه لقيته عزم عليا يوصلني
ثريا بعصبيه: متكذبيش ياعلا علاقتك مع الشاب ده انتهت , حتي لو عزم عليكي ولا قابلك في اي مكان مكنش المفروض تقبلي وتجبيه لحد هنا , اظن عارفه طبع ابوكي والله لو لمحك ما كان هيسيبك حيه
علا بحقد: مبقتش باقيه ع الحياه كل الي عندي خطفوه منه ولاد عمي , وهاخد حقي من عنيهم وانا بحبه وهتجوزه ورجعلي مره تانيه
ثريا :انتي كدا بتغلطي غلطه عمرك
علا رفعت كتافها بلا مبالاه: انا عايزه ياستي اغلط انا حره
..............قصص منه محمد كاتب...........
في الصالون
حكيم بغضب وحمقه: ليه جيبت الست دي السرايا , ملهاش مكان هنا , خدها بعيد عن بيتي حالا
عزيز : بتقول ايه بس حكيم مديحه لسه مراتي وحقها عليا تكون معايا
حكيم ضربه بنظرةٍ حاده: انت يظهر نسيت زمان هربت منك بمزاجها ورغبتها , ودلوقت رجعت بعد مبقلهاش مكان في قلوبنا
عزيز: ممكن تنسي الماضي
حكيم انفجر فيه : انت تقدر تنسي انا مستحيل , لسه مغروره ولسانها سليط, انا فاكر كل وقاحتها علينا
عزيز: عايزني اعمل ايه اخنقها بايدي اموتها
حكيم بستهزاء: كنت عملتها لما هربت من البيت كنت قطعت رجليها
عزيز: انا مش راجل جبان ولا ضعيف عشان اعمل فيها كده احنا عايشين في اي عصر عشان نعامل الست جزمه في رجلينا بدل الاحترام ,وانت مستحيل تفهم الشئ ده الشرف ميزينش الرجلين يزين الراس وكدا يبقي الراجل مسؤل وصاحب كلمه
حكيم بسخريه: اظن شوفت عواقب لما حطيتها فوق دماغك , روح حط شبشبها ع دماغك
عزيز :ياحكيم انس الي حصل وكل الناس بتغلط ومديحه مش مذنبه لوحدها
حكيم بحده : عزيز انت كدا بتعصي اوامري
عزيز : ماشي لو عايز مديحه تمشي انا مستعد انفذ اوامرك, بس انا هاخد مراتي وبناتي ونمشي خالص من هنا
...........قصص منه محمد كاتب..................
امير دخل لقاها بتخطف الهدوم ع ايدها ومتعصبه بصلها وراح للمرايا يمشط شعره
اطياف: انت عامل ايه في حاله الاوضه مش قادره اصدق شخص زيك يقعد في الكركبه والفوضي دي ايه الشغالين ماتوا كلهم ايه المولد الي عامله في الاوضه ده بس
امير لف بصلها:مش انتي رفضتي اي حد يدخل , وبعدين حالا اخدتيني بالزفه بمجرد ما رجعتي هنا وبدء الخناق
اطياف : ليه مقولتليش ده قبل ما اجي , رغم كنت مضايق اني مش هنا
امير :انا امتي اديني اماره
اطياف : باماره فضلت كل شويه تتصل اطياف انتي فين , اطياف ارجعي بقي , اطياف انا قلقان عليكي, اطياف يا اطياف ليه سبتيني ارجعي , والا هقول لامك كل حاجه
امير ضحك : اه ومقلتش مبسوطه
اطياف: طبعا والي عملته جه لصالحك
امير ابتسم : يعني طلعت غلبان وفيا صفات حلوه اهو , وعملت فيكي معروف للمره التانيه
اطياف حطت ايدها في وسطها :وايه هو المعروف الولاني الي قدمتهولي
امير الابتسامة مرسومه ع شفايفه: ذاكرتك ضعيفه اوي
اطياف بشبح ابتسامة : فكرني
امير: اني سيبتك تقعدي مع امك , ولا لحقتني تنسي حسناتي الكتير
اطياف: انت بجد مش انسان ومش هتاخد اجر ع احسانك , ولعلمك انا قريت الناس الي بتعمل الخير مش بيستنوا ياخدوا مكافاه ابدا
امير : امتي طلبت منك مكافاه وياريت توقفي قراه الكتب عديمه النفع طفطف فيه صنيه مرميه هناك خديها اغسلي الي عليها ,ولو تحبي اساعدك ولا ابعت حد
اطياف بصتله بغيظ واخدت الصنيه وطلعت للمطبخ وامير ابتسم بسعاده وقعد ع السرير
اطياف شدت اللحاف: قوم اتحرك
امير كشر: هو لازم تغيري ملايا السرير
اطياف رمت عليه اللحاف بمرح: اتحرك واقعد بره
امير اتحرك من مكانه وبرق لها بغيظ: قايم من هنا بتعملي ايه يامجنونه
اطياف رمت عليه المخده: قوم لفطسك
امير نفخ بزهق: مش عارف حتي اقعد
اطياف راحت تلم شعرها في المرايا وامير بصلها بنظره ليها الف معني ومعني
.............قصص منه محمد كاتب..................
اطياف : شوقيه بسرعه غيري طقم الصالون, نضفتي المطبخ والا مراه عمي هتبهدلني
شوقيه: اطمني خلصته من بدري
اطياف: تمام شيلي الستاير وطي غيرها بسرعه
اطياف تلفونها رن برقم رشاد رفضت ترد عليه وعلا متابعه وهي كل شويه تكنسل
علا فضول :مين ده الي كل شويه يرن عليكي
اطياف بتوتر: رقم غلط عمال يرن عليا من صبحيه ربنا
شوقيه :ست اطياف اركب الستاير دي
اطياف : لاء استني انا هطلع ولما انزل هركبهم بنفسي , مش هتاخر
علا لنفسها : اكيد المكالمه دي وراها حاجه , والا ليه طلعت لما اقوم اشوف
اما اطياف دخلت الغرفه وقالت لنفسها : معرفش عايز مني ايه تاني
رشاد رد: اطياف
اطياف : عايز ايه ليه عمال تتصل بيا
رشاد : اطياف انا محرج منك , عرفت بالي حصل لطنط مديحه, انا اسف جدا
اطياف : ايه فايده الندم كنت عارفه امك بتكرهني ومش بتحبي وكان عادي , كنت مستحمله لكن لحد ماما ولاء مش هتحمل امك دي طلعت انسانه وحشه اوي
رشاد: انا والله حزين للي حصل منها
اطياف: رشاد انا ولا مره لحد دلوقت عمري ما اشتكتلك من اي حاجه بتعملها امك وهي ع طول فهماني بشكل غلط , بس الي يحزن لحد اليوم فهماني غلط
رشاد: اتمني اشرح ده لامي مش عارف اعبر بكلمه واحده كان نفسي افهمها الامر كله
اطياف : من فضلك مهما حصل متخلهاش تفهم حاجه, لانك مش هتقدر تفهمها غير الي في دماغها وخلاص مفيش فايده من الكلام والشرح ( قفلت الخط)
علا حاطه دماغها ع الباب : بتتكلم مع مين يوه مش سامعه بتقول ايه
اطياف طالعه لقتها واقفه ع الباب: انتي
اطياف
علا : معاكي شاحن
اطياف : اه معايا هجبهولك بس ايه الي حصل لشاحنك
علا : معرفش رافض يشحن الموبيل هخلص وارجعولك
اطياف قعدت ع الكرسي وسرحت وبينها وبين نفسها : ياتري جايه لشاحن , ولا حاجه تانيه
امير طالع وقابل علا في طريقه مكلمتهوش وهو استغرب لكن كمل ودخل لقاه اطياف قاعده سرحانه
امير: ليه مبحلقه فيا كده
اطياف بصتله: قلت ايه ببصلك _ قربت منه_ انا مش مجنونه لدرجه ابحلق فيك ,كنت بفكر في حاجه
امير ميل عليها : فيا وقولي الصدق
اطياف هربت بعيونها منه :مكنتش بفكر فيك
امير ابتسم: ماشي كنتي بتفكري في ايه
اطياف :ولا حاجه
امير قرب وشه من وشها : تعرفي مره واحد قالي ان الشخص الي بنعيش معاه يتعود ع كده , زي ما اتعودت معاكي
اطياف قلبها دق جامد من طريقته ووشها احمر جدا من الكسوف ومشت بسرعه من قدامه