رواية القاسي والبريئه الفصل السادس عشر16بقلم ايمان ابراهيم
مفيش حاجه بتفضل على حالها ثلاثة اشهر مرت على جواز جاسر ورقيه جاسر كان فى الاول ناعم جدا مع هديه حتى لما كان بيخليها تعمل اللى فى دماغه كان بيخليها توافق بكل سهوله لانه كان ليه طريقة بتخلى قلبها يرق ويلين وبيعرف يقنعها كل ما كانت تبجى عايزة تنزل الارض كان يخليها متنزلش وكل مرة بحجة شكل وكل الحجج كانت مقنعة مرة يقولها ياحبيبتى انتى ملكة تقعدى وانا هعمل كل اللى تحبيه كانك موجوده بالظبط ومرة يا قلبى مبينفعش القمر ده حد يشوفه غيرى ومرة على مرة لحد ما هديه لقت نفسها قاعدة فى البيت مش بتروح غير لمامتها تقعد معها شويه وتشوف باباها برضه لانه من ساعة ما هديه بطلت تنزل وهو اللى بينزل طبعا ومش بيسالها عشان هو دلوقتى عارف انها فى عصمة راجل ومش هتنزل الا بموافقته لكن هديه قالت لباباها معلش يابابا انا عارفه انى مقصرة معاك فى موضوع الارض ده متزعلش منى حقك عليا انا مش عارفه ازاى الوقت سرقنى كده واتفاجات انى بقالى ٣ شهور منزلتش كمال قالها يا حبيبتى محصلش حاجه انتى لسه تعتبرى عروسه وفى بدايه حياتك وجاسر مش مقصر خالص بينزل وبياتبع كل حاجه خصوصا كمان بعد سفر شريف وجوده خف الضغط عليا فمتستعجليش على النزول خدى وقتك هديه قالتله لا كده كفايه اوى انا حتى زهقت من القعدة فى البيت وجاسر ملخوم ما بين الشغل فى المدرسه خصوصا بعد الترقيه فى شغله مسؤلياته زادت ده غير الارض عنده وعندنا وانا بقى ما ذاكرتش وتعبت عشان افضل فى البيت وده كان اتفاق بينا وانا مش هفضل اضيع يوم ورا التانى كده ان شاء الله انزل فى اقرب وقت وهتكلم مع جاسر فى الموضوع ده كفايه اوى كده .
وفعلا هديه كانت زهقت اوى من القعدة فى البيت وعلى فكرة هى كانت شاطرة اوى اوى فى البيت خصوصا كمان مع تحكمات جاسر وتدخله حتى فى الامور اللى تخص الست فى بيتها لكن مع ذلك هديه كانت بتتصرف بعقل عشان يعنى هما لسه فى الاول وبياخدوا على بعض ودايما تفتكر كلام مامتها وباباها بس على راى الفنانه نانسي عجرم
انا مليت اتحمل واعمل عاقلة وانا على الحال صراحة مش متفاءله 😄😄😄 ربنا يستر .
عند شريف بقى بقاله ٣ شهور اهو والشغل ماشاء الله ماشي كويس جدا وشريف قدر فى الوقت ده يثبت كفاءته وشطارته وضعه استقر فقرر يتصل بجاسر عشان يقوله انه يقدر يطمن ويحدد ميعاد لجوازه هو ونهله بس قال يتصل بنهله الاول ويقولها قبل ما يقول لجاسر عشان يتفاهم معها الاول فى وقت راحة بياخدوه عندهم فى الشركة كان هيكلم نهلة فيه بس كان معاه واحد اللى المساعدة اللى معاه فى الشركة اسمها ليندا كانت زى القمر العيون اخضر بقى والشعر الاصفر حاجه كده مزة وكانت معجبه جدا بشريف بس لما شافت دبلة اخدت قرار انها المساعدة ليه وبس مع ان ده بيتعبها اوى خبطت عليه عشان تساله اذا كان يحب تجيبله حاجه ولا لا هاى يا شريف اخبارك ايه الحمد لله يا ليندا تمام تحب اجيبلك حاجه انت من الصبح ما خدتش حاجه وده وقت راحة ممكن تاخد حاجة بقى فشريف محبش يكسفها خصوصا انه كان ملاحظ شويه نظرات عينها ليه وكان بيرفض كتيير انها تجيب اى حاجه بس المرة دى مرضاش يكسفها فقلها ماشي يا ليندا هاتى على ذوقك عشان عندى مكالمة مهمة عايز اعملها ١٠ دقايق كده وتعالى قالتله ماشي تمام وسابته ومشيت
شريف اتصل بنهلة الو يا حبيبة قلبى وحشتينى اوى نهلة قالتله وانت كمان وحشتنى اوى طمنى عامل ايه قالها كويس بس هبقى احسن لما تبقى معايا قالتله ياريت ياشريف قالها خلاص كلمى اخوكى وقوليله ان انا مستعد جدا ان اجيبك معايا هنا انا دلوقتى عندى بيتى وكل حياتى هنا مستقرة جدا قالتله ياريت بس انت عارف انه عايز يبقى فى بيت هنا كمان قالها هو انتى يعنى مش هتعرفى تقنعيه اننا ممكن نعمل كده واحنا هنا وانى ممكن من مكانى ده اخلص كل حاجه قالتله هحاول انت عارف بقى جاسر وتحكماته قالها دى حياتك يا نهلة ولازم تبقى عارفه انتى عايزة ايه وانا اتلزمت بكل كلمة قلتها جه دورك بقى تقفى معايا عشان تثبيتيلى انك عايزة تبقى معايا مش هتسلمى كده وخلاص قالتله يعنى ايه هسلم كده وخلاص قالها يعنى تخلى كلامك صريح مع جاسر انك شايفة ان مفيش داعى نضيع وقت وخلاص عشان لما اكلمه انا ميتحججش بالكلام قالتله ماشى ياشريف هقوله وابعتلك فالباب خبط راح شريف قال لنهلة خليكى معايا ادخل راحت ليندا دخلت وقالتله اتفضل قالها متشكر يا ليندا اوى قالتله العفو تحب اى حاجه تانى قالها شكرا تسلمى اتقضلى انتى دلوقتى وسابته ومشيت نهلة لما سمعت صوتها مين دى 🙄🙄 قالها دى المساعدة بتاعتى قالتله وهو مفيش رجالة يعنى قالها لا فى بس دى موجودة هنا وكانت بتشرف على حاجات عقبال ما انا اجى وساعدتنى كتيير فمش هينفع اروح ممشيها واجيب واحد بعد كل اللى عملته قالتله يسلام ليه يعنى قالها جرا ايه نهلة متكبرى دماغك يعنى انا بقول ايه وانتى بتكلمينى فى ايه خلاص اذا غيرانه بقى تعالى عشان محدش يخطفنى منك خصوصا بقى انها زى القمر قالتله بقى كده يا شريف قالها لا طبعا انا ميملاش عينى غيرك ورينى همتك بقى عشان تبقى معايا قالتله حاضر هكلم جاسر فى اقرب فرصه وهرد عليك .
جاسر رجع من الشغل على الارض وبعدين راح طالع على البيت وهديه حضرت الاكل وهما قاعدين بيتغدوا قالتله جاسر ممكن اتكلم معاك فى موضوع كده قالها ممكن بس ارتاح الاول وبعدين نتكلم قالتله طيب بس ضرورى النهاردة قالها خير فى حاجه ولا ايه قالتله لا تمام دى بخصوصى انا قالها اه تمام ماشي وقام دخل الاوضه كان فى الاول يرجع يفضل مع هديه زى ضلها وبعد كده بدا يبقى روتينى جدا ويرجع يدخل الاوضه ويقول لهديه انه بيحب يقعد مع نفسه ومحدش يدخل عليه فى الاول استغربت وقالتله وليه متقعدش معايا قالها كده انا بحب اقعد مع نفسي ولما ابقى عايز هقلك فى حاجات مش بحب اغيرها انا برتاح كده ومش بحب اكرر كلامى كتيير هديه سكتت وقالت فى نفسها ماشي ممكن راجع من الشغل ومحتاج يفصل شويه لكن لقت ان مع الوقت ان ده بقى العادى وطبعا ده مضايقها بس قالت تشوف الاول موضوع نزولها الارض وبعدين اى حاجه بعدين لما جاسر دخل الاوضه نهلة اتصلت بيه قالها خير يا نهلة هو انتى مش عارفه انى فى الوقت ده مش بحب حد يكلمنى قالتله معلش يا جاسر مش هيجرا حاجه من مرة يعنى خصوصا ان بالليل انت بتتشغل فى حسابات الارض وبرضه مش بعرف اكلمك قالها خير
قالتله شريف وضعه كويس اوى يا جاسر وحياته استقرت ومستعد جدا انى ياخدنى معاه وكمان قالى انه هيقدر يخلص شقته من وهو هناك قلت ايه اخليه يكلمك وتتفق معاه جاسر قالها خلصتى قالتله اه قالها انا كلامى كان واضح ومش هغير ولا كلمة الشقة اللى هنا تخلص الاول وبعدين نتكلم قالتله ليه يعنى انت ايه مشكلتك قالها مفيش مشكلة انتى وهو اللى هتعمله مشكله اذا مسمعتوش كلامى قالتله يعنى ايه بقى قالها يعنى الاتفاق هيمشى زى ما قلت غير كده معنديش قالتله انت كده هتسبب فى مشكلة قالها ليه هو انا اللى غيرت كلامى قالتله مش كده بس ليه حساك بتعطل وخلاص سكت وقالها انا كلامى خلص وعايز ارتاح ممكن تسيبينى ارتاح بقى مع السلامة وقفل معاها نهلة بقت مش عارفه تعمل ايه راحت تقول لاحمد يمكن يقدر يعمل حاجه احمد عايزة اقلك حاجة خير يا نهلة مالك اخوك ده مش هيرتاح الا لما يبوظ كل حاجه ليه بس احمد سالها قالتله اللى حصل قال فى سره بعدين ياجاسر بقى فى اللى بتعمله ده واخرتها قالها بصي يا نهلة الاحسن انك متقوليش انك اتكلمتى مع جاسر فى حاجه لان شريف كده هيضايق وتحصل حساسية والحكايه مش ناقصة واستنى ممكن اكلمه يمكن اقدر اعمل حاجه او اعرف ايه سبب موقفه ده قالتله ربنا يخليك يا احمد قالها متقلقيش خير ان شاء الله وسابته وراحت اوضتها .
هديه كانت مستنيه جاسر يطلع من الصومعة بتاعته عشان تكلمه واخيرا طلع قالتله هاا ممكن نتكلم بقى قالها اعملى قهوة وتعالى جاسر كانت متاكد ان هديه هتكلمه تانى فى نزولها للشغل فى الارض هديه جت وجابت القهوة قالها خير فى ايه قالتله انا زهقت من قعده البيت وعايزة انزل الارض وانت ملخوم اوى وانا عايزة حاجه تشغلنى وانا بحب الشغل فى الارض قالها والبيت هتسيبيه لمين قالتله انا هعرف اوفق بين البيت والشغل وممكن اجيب حد يسعدنى قالها مش بحب حد غريب يدخل بيتى قالتله حتى اذا انا محتاحه حد يساعدنى قالها مش بفضل كده لا قالتله طيب هشوف وهنظم وقتى ممكن بقى انزل الارض قالها انا اتفقت ان نزولك يبقى معايا وانا زى ما انتى شايفه مشغول اد ايه وباجى متاخر يبقى مش هتلحقى تنزلى قالتله يعنى ايه بقى هو انا هفضل كده ٣ شهور دلوقتى وانا بجد زهقت وكانت بدات تنفعل شويه وكانت حاسة انها تعبانه اوى ودماغها تقلت مرة واحده قالها جرا ايه يا هديه انتى عايزة تتخانقى وخلاص احنا كنا متفقين جاية دلوقتى تقولى زهقت وقفت واتعصبت قالتله اه عشان بقالى ٣ شهور بسمع كلامك وانت كل مرة تقول حاجه شكل وكنت بسكت وبقول معلش لكن كده كتيير بقى كل حاجه وليها اخر هديااااااااا جاسر صوته بقى عالى 😯😯😯 اوعى صوتك يعلى فاهمة وكلمتى هتتسمع مفيش نزول غير لما اقول والكلام خلص اتفضلى هديه محستش غير والارض بتلف بيها وبدات تحس انها خلاص هيغمى عليها راحت ندهت بصوت مبحوح جاااااسر الحقنى وكانت لسه هتقع على الارض جاسر راح سندها بايده وقالها هديه هديه 😮 راح شايلها ومنيمها على السرير واتصل بالدكتورة تيجى تشوفها وجت فعلا قالتله ممكن حضرتك تتفضل عشان اكشف عليها طلع برة وكان هيموت عشان يعرف فى ايه هو ياترى زعيقه فيها هو السبب فضل رايح جاى لحد ماخلاص كان هيفتح ويدخل لقى الدكتوره بتقوله اتفضل دخل بسرعة ولقى هديه مفتحة عينها بتعب وبتبصله بس زعلانه منه سالها خير يا دكتورة فى ايه انا مبحش الانتظار ده قالتله مبروك المدام حامل فى شهرين 😮😮 جاسر قالها ايييه قولى تانى كده قالتله يا فندم مبروك المدام حامل فى شهرين قالها بجد حامل 😀😀 طبعا الفرحة مكنتش سايعاه لان ده سبب كافى لان هديه تقعد ومتنزلش الارض عشان هى لسه فى الاول طبعا راح قايل للدكتورة هى كويسه يعنى قالتله اه الحمد لله وانا هكتبلها على شوية مقويات وفيتامينات مهمة ليها لانها ضعيفة شويه قالها يعنى لازم ترتاح طبعا والحركة تبقى للضروة قالتله اه طبعا خصوصا فى الشهور الاولى قالها مفهوم وراح باصص لهديه يعنى اديكى سامعة هديه فهمت طبعا نظرته وراحت الدكتورة باركتلهم ومشيت وجااسر جه لهديه وقالها مبروك يا هديتى مبروك يا ام العيال قالتله طبعا مبسوط قالها طبعا حد ميبقاش مبسوط انه هيبقى اب قالتله اه طبعا وده مش هيخلينى اقدر انزل الشغل فى الارض قالها طبعا اهتمامك بصحتك عشان البيبى اللى جاى اهم من اى حاجه ولا انتى مش عايزى تبقى ام قالتله لا طبعا عايزة ومبسوطه الحمد لله بس صوتك العالى ده والطريقة اللى اتعاملت معايا بيها ده زعلتنى منك قالها لما صوتك يعلى لازم افكرك وكون انك هتبقى ام اولادى ده مش هيغير المبدا اللى عندى ان صوتك ميعلاش تانى مبروك مرة تانيه وراح سابها وقام ياترى جاسر هيتغير لما يبقى اب ولا برضه ده مش هياثر معاه وهيعمل ايه لما احمد يكلمه فى موضوع نهلة وشريف