رواية القاسي والبريئه الفصل السابع عشر17 بقلم ايمان ابراهيم

جاسر صحى تانى يوم  ملقاش هديه قام مخضوض لماسمع صوت  اهات من الحمام  راح بسرعة  وسمعها وهى بتجيب اللى بطنها معلش الحمل بقى اشتغل  خبط وفتح الباب وهو  مخضوض وميل عليها  ومسح على راسها بشويش وقالها انتى كويسه  رفعت راسها بتعب وقالته  اه الحمد لله  بس فجاة بطنى قلبت وحاسة انى دايخة اوى وهبطانه  قالها معلش ده طبيعى من الحمل راح مقومها تغسل وشها وشالها لحد السرير  ونزلها بالراحة  وراح بايسها من جيبنها  وقالها الف سلامة عليكى  فى دواء الدكتورة كاتباه عشان القيء ده مش كده  قالتله اه قالها خلاص هروح اعمل فطار كده عشان تاخديه  بعد ما تاكلى 😳  هديه بقت بصاله ومستغربه قالها مالك بتبصيلى كده ليه قالتله انت غريب بجد  اللى يشفوك وانت متعصب ميشوفكش دلوقتى  قالها دى حاجه ودى حاجه انا مش بخلط الامور ببعضها  ووقت ما تغلطى هتتحاسبى  ميبقاش جاسر  اذا  معكش الدنيا فى الاخر  ياساتر 😏  قالها المهم انا هقوم عشان اجهز الفطار والحق اروح شغلى بس متخديش على كده  لما تشدى حيلك انتى اللى هتعملى كده  ايوة كده هو جاسر الرزل  اللى عارفينه  😬😬  وعلى فكرة انا طبعا بلغت مامتك وعمى ومامتك هتجيلك بس كمان شويه  وراح فعلا وحضر فطار بسيط وفطر بسرعة مع هديه وقالها متنسيش بقى تاخدى الدوا  وسلم عليها ومشى وهى فضلت فى السرير شويه لحد ما تقدر  تقوم  .

احمد  كان زعلان من جاسر  عمايله وصعبان عليه اخته  وهو  من الاول حاسس ان جاسر  نيته مش سالكة للجوازة دى  فقرر  انه لازم يكلمه  مش كل حاجه  يقف كده وميعملش حاجه   اتصل بيه  صباح الخير يا جاسر  صباح النور  يا احمد   انا عايز اتكلم معاك فى موضوع كده  اخلص شغل واعدى عليك هتبقى فى البيت ولا فى الارض قاله انا بروح الارض  وبفضل هناك بتاع  ساعة كده  قاله تمام هجيلك  قاله  خير فى ايه  احمد رد  لما اجى يا جاسر كلام التليفونات  ده  مينفعش   جاسر قاله ماشى سلام دلوقتى وقفل معاه  .

نهلة كانت زعلانه  ومحتارة تعمل ايه اذا شريف اتصل وسالها  عملت ايه وفعلا لقيته بيبعتلها  رسالة على الواتس اب  بعد ما سلم عليها  سالها  هااا قلتى لجاسر يا نهلة  زى ما اتفقنا   قالتله الصراحة مجتش مناسبه  شريف قالها يعنى ايه وهو لازم تبقى فى مناسبه عشان تكلمى اخوكى  فنهلة عشان  تنقذ الموقف قالتله لا  بس اصل هديه اغمى عليها كناا  قلقانين عليها  ووو شريف اتخض وكتبلها  ااايه  ليه هديه مالها  قالتله متقلقش  اصلها حامل شريف رد قالها بجد 😃  قالتله اه والله حامل فى شهرين  قلت استنى بس شويه واكلمه شريف قالها  كنتى اتكلمتى معاه فى الوقت ده عشان مزاجه يبقى رايق  .

نهلة ردت عليه وقالت ان شاء هكلمه قريب قالها ماشي يا نهلة بس خلى بالك انا خلاص صبرى بدا  يخلص اذا متكلمتيش انتى هتكلم انا ويحصل اللى يحصل  اانا  مش هفضل منتظر كده مبحبش كده ولولا الملامه كنت قلت انك خايفه او بتحججى نهلة زعلت وقالتله وانا ايه اللى يخلينى اتحجج يعنى قالها معرفش بقى بس دى اخر فرصه يا تتكلمى انتى يا اما انا هتصرف عشان نحط حد بقى للموضوع ده مع السلامة وقفل معاها وهو زعلان .

احمد خلص شغل  وعدى على جاسر لقاه لسه فى الارض مروحش قاله تعالى نتمشي شويه بعيد عن الناس عشان ميسمعوش واحنا بنتكلم  قاله  خير فى ايه بقى احمد قاله هو انت ليه يا جاسر مش عايز  تخلى نهلة تكتب كتابها وتسافر لشريف ويبقوا يعملوا شقتهم على مهلهم  ولا انت اصلا مش حابب الموضوع من اساسه عشان انا مستغربك الصراحة وبحمد ربنا انى متكلمتش انا كمان عشان ميبقاش المنظر  اسخف من كده  وبصراحة مش عايز ازعل هديه منى لانى فعلا بعزها  وزعلها مقدرش عليه  هات بقى من الاخر كده  وقول  جاسر قاله الصراحة لا مش عجبنى الموضوع كله  وياريت ميكملش  احمد  قاله ايييه 😲😲   انت بتقولها كده  جاسر قاله اه  وناوى كمان اقول لنهلة كده  وهى تتصرف مع شريف لان انا مش مستعد لوجع دماغ  ملوش لازمة  يوم ما هيحصل مشكلة  معايا انا وهديه تبقى اختى هناك والله اعلم بقى هيعمل معاها ايه  انا  اضطريت اوافق  لكن دلوقتى مفيش حاجه تخلينى اكمل  والنهارد كل حاجه لازم تخلص  احمد  قاله هو انت ازاى كده  ولا همك  اختك ولا مراتك وزعلها يا اخى دى حامل اعمل اعتبار لكده  على الاقل جاسر رد بمنتهى البرود  قاله  وهى هيجرالها  ايه يعنى  هتزعل كام يوم  وخلاص  وبعدين  انا  هعرف اخلى نهلة  ازاى  تجيب الموضوع  بطريقة  تبقى مقنعة  ونخلص بقى من الحكايه السخيفة دى احمد راح متعصب  على جاسر قاله لولا انك اخويا الكبير  كان هيبقى ليا معاك  موقف تانى خالص  بس من اللحظه دى انا اى قرار  انت برة حياتى  وطالما انت انانى كده  انا هعتبرك  مش موجود  ونهلة دى اذا جرالها  حاجه انا هقفلك اى كان التمن سامعنى يا جاسر  راح جاسر  مزعق وقاله انت اتجننت ولا ايه يا احمد انت نسيت نفسك  احمد قاله انا همشى قبل فعلا ما انسى انك اخويا الكبير وامد  ايدى عليك وسابه ومشى وهو مش عارف هيقول ايه لنهلة يا عينى اللى مستنياه دى 😞.

احمد رجع البيت ولقى نهلة  رجعت وزعلانه  هى كمان  وسالها مالك  يا نهلة زعلانه كده ليه وحكتله اللى حصل  قالها  اومال اذا عرفتى اللى حصل بقى هتعملى ايه قالتله ايه فى ايييه تانى  هو انا  ناقصه ده ايه اليوم ده بس 😧😧  قالها جاسر  مش حابب يكمل الموضوع اصلا وعايز ينهى كل حاجه قالتله اييييه بتقول ايه جاسر بقى دخل عليهم وقالها زى ما سمعتى الموضوع ده يخلص فى اقرب وقت  وتقولى لشريف كده انك اصلا مش حابه فكرة الغربه ولما فكرتى لقيتى نفسك مش هتقدرى على الغربه  وانك تبقى لوحدك  قالتله بس انا مش عايزة اعمل كده  قالها لا هتعملى كده  انا مش مستعد ان حياتى تبقى مشبوكه بحياتك تحصل مشكلة هنا الاقى مشكلة عندك او  العكس  انا محبش صباعى يبقى تحت ضرس حد فاهمة 😠  نهلة قالتله لا مش فاهمة ومش  هعمل كده ورينى بقى هتعمل ايه جاسر قالها  نعم  سمعينى تانى كده قالتله بقلك لا لا راح جاسر ضربها بالقلم  😯😯😯   وقعها على الارض نهلة صرخت من كتر ما الضربه وجعتها  وانهارت من العياط  الاهى تتشك فى ايدك يا بعيد 🥹🥹🥹  احمد راح جارى على جاسر ووقف قصاده وزعقله وقاله اذا ايدك اتمدت عليها تانى هكسرهالك يا جاسر انت سامع واتقضل امشي روح على بيتك  جاسر قال  لنهلة هتعملى اللى بقول عليه  وده اخر كلام عندى وراح ماشي ورزع الباب وراه نهلة فضلت تعيط طول الليل واحمد  بقى مش عارف  يعمل ايه عشان يهديها  وفضل قاعد معاها عشان يراضيها  اعمل اييه بس يا احمد  انت عارف جاسر  انا مش عارفه هو بيعمل كده ليه 😓😓😓   وشريف مش معقول يعمل زى ما  هو بيقول  انه  هيضايقنى اذا  حصلت مشكلة معاه هو وهديه  تفتكر ده ممكن يحصل يا احمد  !!! 

احمد قالها مش عارف يا نهلة بجد  بس  انتى مش هينفع تتجوزى غصب عنه طبعا  رغم انى مضايق منه واديكى  شفتى  انا عملت معاه اييه بس مش هرضى لاختى تتجوز  من ورا  اخوها   قوليله انك  مش حابه الغربه وخفتى واذا هو حابب يستنى لما ينزل  اجازة  وكده ممكن تكسبى وقت واذا شريف  اتمسك بيكى ساعتها جاسر مش  هيلاقى قدامه حل غير انه يوافق  نهلة قالتله  ربنا يستر يا احمد  انا وشريف اصلا  انت عارف شادين مع بعض هقول بقى اللى يحصل يحصل

نهلة بعتت لشريف وعملت زى ما احمد  قالها  شريف رد عليها قالها ده اخر كلام عندك يا نهلة  قالتله انا اسفة يا شريف بس لما فكرت انى هبقى لوحدى حسيت انى مش هقدر  قالها  وانا مش هقدر انزل قبل فترة طويلة ٦ شهور او اكتر الوقت ده كله عادى بالنسبالك قالتله  خلاص يا شريف اعمل ايه يعنى اضحك عليك اخليك تاخدنى وبعدين اقلك لا عايزة ارجع ولا اخدها من قاصرها وانا فى مكانى !! قالها  طيب يا نهلة انا ليا كلام مع اخوكى عشان نجيب اخر الموضوع ده سلام وقفل معاها .

يا ترى جاسر هيقول ايه لشريف لما يكلمه حكاية شريف مع نهلة هتخلص على ايه تابعونى فى البارت اللى جاى وحسبى الله ونعم الوكيل فيك جاسر