رواية مسار اجباري الفصل السابع عشر17بقلم منه محمد
في البلد في غرفه مديحه الي راقده لا حول ولا قوه الا بالله من اثر جلطه منعت عنها الكلام والحركه تماما واسمهان عطتها العلاج وغطتها بأحكام
ثريا قاعده وقالت: اسمهان مش ملاحظه انك جايه كتير ع نفسك, واتحملتي مسؤليه كبيره
اسمهان قعدت جنب مديحه وقالت بهدوء: لاء يا سلفتي , وانا بقولك الحقيقه الي في قلبي مش لاقيه اي ضيق في خدمه مديحه , وصدقيني لقيت نفسي الي كنت بدور عليها لفتره طويله في وضع مديحه
ثريا:ازاي
اسمهان: انا كدا من الداخل ساكته, وحيده , عاجزه
ثريا: الست عدوه ضرتها وانتي مش كدا يا اسمهان , بتخدميها زي ماتكون اختك شقيقتك ياحبيبي الرعايه لمراه جوزك زي بالظبط الشوكه المغروزه في جنبك
اسمهان: مش هقولك كلامك كله غلط , بس حقيقي مليش اي ضغينه في علاقتي مع مديحه ورغم هي لسه مراته الا ان عزيز عمره ما اهمل في حق من حقوقي, بالعكس عطاني كل حقوقي بحق الله , وعزيز حب مديحه بس عمره ما جاب لي سيره عن حبه , ولا خلاني احس بكده وبدعلها ربنا يتم شفاها ع خير وسلامه
ثريا : اه بس فكرتي لما تتحسن حاله مديحه انتي هيحصلك ايه, اسمعي يا سمهان انتي بتهتمي كتير بغيرك ودي صفه حلوه , بس كل انسان له طاقه وطبيعي يفكر في نفسه والي بيحصل مش عجبني تفضلي وحيده انتي فاهمه كلامي
اسمهان : فاهمه بتحاولي تقوليي ايه بس بايدي ايه اعمله غير ارضا بالمكتوب لي لان لايمكن اغيره اذا مكتوب لي اخلف عيل من عزيز هخلف , ولو مش مكتوب لي هعيش مع حب عزيز القليل ومحدش هيقدر ياخد الحب ده ولا حتي مديحه
ثريا : انتي صح في الكلام الي بتقوليه , وربنا يهدي سركم
......قصص منه محمد كاتب................
واقفه في الفراندا لمحته نازل من عربيته ابتسمت ونزلت تجري طايره ع السلم بسعاده
علا دخلت وقالت: روحي انتي يا شوقيه
شوقيه بطاعه: حاضر
علا مبتسمه :اقعد
امجد قعد وقالها بجديه : بلغي منال اني جيت
علا بحقد: عارفه انك جاي لمنال , ما هو لايمكن تيجي تقابلني ,طمني والدتك عامله ايه
امجد : الحمد له بخير وحتي خرجت واشترت هدايا لمنال وبعتتني ادهالها
علا بغيظ :اه ايام قليله وهتتجوز من منال وهتديها كل حبك وتجبلها هدايا كل يوم , وع فكره انا في واحد قالي في يوم من الايام هجبلك هدايا كتير , مره برفن , ومره ورد
امجد بتهكم : اه فاكر بس وقتها مكنش عندي فلوس, وكنت هجبلك هدايا بسيطه ع قد امكنياتي
علا: كل حاجه منك كنت هحبها حتي لو بسيطه , لان قيمتها كانت هتبقي كبيره عندي بس انت الي مكنتش عارف
ثريا دخلت وقالت :مساء الخير
امجد سلم عليها بأحترام شديد: مساء النور ماما بعتت هديه لمنال
ثريا: بس منال مش في البيت , علا انتي مقلتلوش
امجد بص لعلا بغيظ وعلا ارتبكت
ثريا: تمام اشكر والدتك وبلغها سلامي
امجد: تمام انا ماشي
علا بوقاحه: يعني ايه لو منال مش موجوده فأنا موجوده وهنا قصدي ليه تمشي بسرعه لو منال مش في البيت كلنا موجودين اقعد اتغداه معانا
امجد كتم غضبه : انا مش فاضي , عندي شغل كتير, لازم اعمله انا ماشي
علا بأصرار: طيب ع ا لاقل اشرب شاي , وبعدها امشي
ثريا بشخط فيها بحده: عنده شغل مش سامعه سبيه يمشي
امجد: عن اذنك
ثريا بغضب: انا مصدومه فيكي , انا مكنتش اعرف انك بجحه وجريئه بالشكل ده , ماسكه في الشاب بأيدك وسنانك , رغم مفيش منه فايده
علا بصتلها ولفت وشها الناحيه التانيه
ثريا بصوت عالي: علا انا بكلمك
علا: هو ممنوع اتكلم مع الضيوف في بيتنا , ايه الغلط الي عملته
ثريا: هو خطيب منال وانا مش عايزه بنتي تبقي متحرره زياده , كنتي المفروض تقوليله منال مش في البيت ومش راجعه دلوقت
علا: ماما مش انتي الي كنتي دايما تقوليلي لو جه ضيف اكرموه , مش دي عادتنا وتقاليد بيتنا عملت ايه غلط
ثريا بنرفزه : قلت لك ابعدي خالص عن الشاب ده ولسه بقولك ليه معانده
علا: لو قلبي عايز مستعده اعمل واعند اكتر من كده
ثريا: معرفش انتي مخلوقه من ايه ليه مش بتفهمي الي بقوله , عيب الي بتعمليه اسمعيني كويس وفتحيلي عينك وصدري ودانك مش هتتكلمي مع امجد تاني سامعه
اثناء خناقهم منال دخلت وبصتلهم وقالت: مراه عمي هي شوقيه جابت هدومي من عند الخياط
ثريا : اه يا بنتي جابتها, وانا طلعتهالك في اوضتك
منال : طيب انا طالعه اشوفها , بس لما امجد يوصل خالي حد يتصل بيا
ثريا فضلت متابعها لحد ما اختفت منال اختفت عن عينها وبسؤال كله قلق: تفتكري منال سمعت كلامنا
علا شوحتلها بأيدها بعدم اهتمام : وفيها ايه لو سمعت , بس لو كدا كانت عملت ضجه ,ويمكن ما سمعتش اصلا
...........قصص منه محمد كاتب.............
في غرفه مديحه
عزيز: ياتري سمعتيني في يوم اي كلمه انا قولتها لك لاْ بس اليوم ع الاقل هتديني فرصه اتكلم انا عايز اوضح كل مفاهميك الغلط مديحه انا عشت وحيد وانا بعيد عنك وعن البنات كنت عامل زي الطفل الصغير مش عارف استوعب اتفه التفاصيل تعبت وحياتي وشبابي رايحين في مصيبه لا عارف احرك ولا عارف اكبر ولا اعمل اي حاجه اتحولت من شخص عايش لشخص مات بس تعرفي من اول يوم بناتي دخلوا حياتي وانا حياتي اتغيرت والوحده راحت ومبقتش موجوده انا نفسي اتغيرت وحسيت بجمال حياتي وعايز اعيش ليهم واموت عشانهم ودلوقت محدش يقدر ياخد حبهم ولا حد يقدر يمسهم بكلمه تزعلهم حتي انتي ضحك واحد قالهالي زمان الراجل لما يبقي اب مستحيل يزيل ولاده من قلبه عشان كدا علاقتنا اكتر اهميه لان بينا ارتباط ببناتنا تعرفي بعد ما خسرت كل حاجه كسبت حب بناتي وبقي عندي الشجاعه وبقيت خايف اخسرهم واخسرك_ مسح دموعها وهو بيبتسم وتابع_ فاكره اول يوم اتقابلنا سوي في الجامعه انتي مش فاكره بس انا فاكر اتخانقتي معايا وفرجتي عليا الطلبه واذتيني نفسيا بسبب كلامي القصير وهزقتيني
مديحه بصتله وعيونها جمعت دموع وطلعت منها شهقه مكتومه
عزيز: تعرفي كانت ايام جميله اوي كان فيه حياه وصممت اخدك ليا , وكنا كل يوم نتخانق ع امور تافهه لما مكنتش اصدق منك كلمه بتقوليها وانتي كنتي تمسكي في خناقي وكنت افضل اهديكي لساعات طويله وده مكنش بيحصل
مديحه بدموع تحكي قصة حزنها
عزيز مسك ايدها بين ايديه : سامحيني يا مديحه, ارجوكي سامحيني واديني فرصه اصلح الي الحياه بوظته
اسمهان كانت واقفه ع عتبه الباب وسمعت كلامه ونزلت دموعها لما عزيز ضم مديحه واحتوي ألمها وحزنها ، دموعها و شهقاتها ، كوابيسها و آلامها
..............قصص منه محمد كاتب..............
في الجنينه
حكيم: اسمع انا هنجح في اللانتخابات , والا هتكون فيه عقوبه كبيره , وطول الحمله مش هتاخد يوم اجازه , هتفضل معايا
اطياف راحت عليه ولسه هتتكلم شاورلها تستني لحد ما انهي المكالمه
اطياف : عمي عايزه اتكلم معاك في موضوع مهم
حكيم قعد وبصلها : ايه هو اتكلمي
اطياف : عايزه ترخيص
حكيم بسخريه: ليه هتفتحي ايه
اطياف: هفتح وحدة محو أمية
حكيم بزعيق: انتي في وعيك يا بت, فكري الف مره قبل ما تتكلمي
اطياف بتحدي: انا واعيه للي بقوله, انا عايزه احل مشاكل جهل الستات في المنطقه ,عايزه اعملهم حاجه مهمه , الرجاله بينزلوا ويطلعوا ومش بيعرفوا ايه مشاكل الست هنا , والست هنا بتعيش حياه صعبه جدا
حكيم بلا مبالاه: مفيش مشاكل ليهم هنا, انا عارف احسن منك بكتير
اطياف : بس متنكرش ان افضل حضن للطفل امه , وتعليم الست لنفسها بتخدم ولادها وتقدم جيل سليم للمجتمع, ولازم كل ست تعرف تقرء وتكتب متعش جاهله ومتعرفش اي حاجه زي الست الي ماتت لانها ولدت في البيت مش في مستشفي وجالها نزيف , عمي هو ده مش قمع , الست دي ماماتتش دي اتقتـ لت بالجهل , وكلنا مسؤلين عن ده
حكيم : يابنت كلامك العاطفي ده مياكلش عيش حاف , فيه امور لايمكن تفهميها ابدا , اي نعم كلامك لطيف ع وداني بس ملوش علاقه بالواقع
اطياف : وانت لو ساعدتني هنحول الحلم لحقيقه
حكيم صرخ فيها بعصبية شديدة : بس كفايه وقومي امشي
............قصص منه محمد كاتب............
في الصالون اطياف جمعت معظم ستات البلد وبدئت تعلمهم
علا نزلت وبحده: انتم بتعملوا ايه هنا
شوقيه بسعاده الست اطياف هتعملنا شوفي جبنا كراسه وقلم رصاص
علا اتكت ع اسنانها وقالت هي تحكمات البت دي مش هتنتهي ابدا (بشخط) قوموا من هنا واهتموا بشغلكم
اطياف قربت: محدش يمشي
علا بغل : هو انتي عقلك في مكانه انتي ناويه تخلقي مشاكل جديده
اطياف: ليه ايه الغلط اني اعلم الناس , دول من حقهم يعرفوا يقرؤه ويكتبوا
علا بتريقه : وبعد ما يقرئوا هياخدوا الماجيستير
اطياف: لاء عارفه ببساطتهم مش هياخدوا درجه عاليه , بس اقله يعرفوا يقرئوا ويكتبوا ويفيدوا ولادهم
علا بحقد: وقفي المهازل دي , وفري وقتهم ووقتك , وروحي شوفيلك شغله تانيه
اطياف بكبرياء: وانا مش هضيع وقتي معاكي , بس لو عايزه تساعديني معنديش مانع
علا : سواء قادره تعلميهم او لاء ده راجعلك , وبصراحه الي انتي فيه بياكد انك انسانه غير طبيعيه
اطياف بلا مبالاه : يله يا جماعه نسمي بالله ونبدء واول حرف الف
علا بصتلها بغضب واخدت بعضها وطلعت ع فوق: يعني انتم قاعدين هنا وست اطياف تعمل مشكله جديده
ثريا :عملت ايه اطياف دلوقت
علا: البت دي عدت كل حدودها , وبتتعامل معانا بالدراع
اسمهان : عملت ايه اطياف مالها
علا : بدل ما شوقيه والبنات الي معاها يشتغلوا في البيت, مجمعاهم تعلمهم القراءه والكتابه
ثريا : بتقولي ايه
علا كتفت ايدها قدام صدرها: انزلي شوفي بنفسك
ثريا: انا مبقتش فاهمه تصرفاتك البت دي خالص. ازاي تتصرف من دماغها
علا بصت لاسمهان: الي بتعمله في البيت ده نتيجه دلعك يامراه عمي
ثريا نزلت لتحت: اطياف ايه الي بتعمليه ده
اطياف بهدوء : مراه عمي هقعد اعلمهم ساعه , ومش اكتر من ساعه
ثريا: يابنتي دول شغالين عندنا , تعليم ايه وبتاع ايه , وبعدين انتي مالك ,هو انتي مدرسه
اطياف: يامراه عمي هما هيشتغلوا ويقومه بشغلهم بعد ما نخلص الحصه ,ومش هاخد منهم وقت كبير
ثريا: هتستفادي ايه لما تعلميهم
اطياف: هاخد الثواب واطلعهم من الجهل وان محدش يضحك عليهم , وانا مش عايزه استفاد منهم , عايزهم هما الي يستفادوا مني
ثريا : بلاش اظن عارفه لو عمك عرف بيبقي ازاي في غضبه
اطياف ضمت كتافها: مراه عمي سيبي عمي عليا هو كدا بيغضب ع كل حاجه وبعدين حضرتك قولتي المشاكل الي جوه البيت مش لازم الرجاله تعرفها , وانا مش بعمل حاجه وحشه لاسمح الله
ثريا اتنهدت: ايه بس الورطه الي وقعتني فيها
اطياف : يا حبيبتي متتوتريش من غير سبب مفيش حاجه هتحصل , حتي لو عمي عرف , وانا ساعه زمن اخلص الحصه معاهم
..........قصص منه محمد كاتب..............
في غرفه اطياف قاعده بتفتح الهدايا الي جات لها بمناسبه نجحها
امير فتح الباب ودخل وبصلهم وراح خلع ساعته
منال: امير تعال شوف الهدايا الي جات لاطياف لما نجحت كلها حلوه
امير: انتي نجحتي يله اضربي الحقنه
اطياف: اه وانت اول واحد هضربها فيه , بعد ما حققت حلم امي
منال: انت المفروض تفرحلها وتفتخر انك متجوزه دكتوره مجتهده , وشاطره
اطياف: هنا الرجاله بينزلوا الست تشتغل في الارض وبيخرجوهم من المدارس وبيجوزوهم بدري وحاجه قرف
امير كرمش وشه بقرف: حرفيا بموت فيكي لطيفه اوي وانتي بتحدفي دبش
منال: لما اقوم اتصل بأمجد واسيبكم مع الهدايا سلام
اطياف قامت قعدت قصاد المرايا ورجعت خصله وري ودنها
امير: اطياف
اطياف: نعم
امير: ممكن تناوليني كوبايه ميه عطشان
اطياف: الشفشق محطوط جنبك اشرب
امير ضغط ع جبينه وقال: اطياف
اطياف: امممم
امير: فين سمعتي البلتوث
اطياف: دي كمان محطوطه قدامك مد ايدك خدها , وبعدين انا لا ثريا ولا انت عمك حكيم , عايز حاجه قوم خدها بنفسك, انت مش صغير
امير اتحرك بنزعاج وهو عاقد حواجبه لانه مش عارف يقدمهالها ازاي
اطياف: ايه الي خبيته تحت المخده ده
امير: ايه
اطياف: انت الي هتقولي ايه
امير: جبتك لك هديه بمناسبه نجاحك
اطياف : ليا
امير: ايوه , لاء قصدي وانا ماشي لقيت عيل واقف بتوك ع ناصيه الشارع صعب عليا لما ملقتش حد بيشتري منه واشترتهم منه كلهم , قلت اساعده واجبهملك تحطيهم في شعرك
اطياف : وانا مش عايزه عملك الصالح خلهولك
امير قام من مكانه: اطياف لايمكن ترجعي الفلوس الي قدمتهالك ,في شكل هديه
اطياف: والهديه مش بتتاخد بالعافيه
امير اتوتر ونطق بسرعه: بصراحه انا جبتهملك انتي
اطياف ابتسمت بسعاده لما جري بسرعه من قدامها وانطق ع بره زي الريح
..........قصص منه محمد كاتب..............
ثريا: علا جايه منين؟!
علا: قلت لك رايحه اقابل صاحبتي
ثريا مسكت دراعها بقسوه : تعالي جوه
علا: ليه
ثريا : قلت لك يله جوه
علا: حصل ايه
ثريا سحبتها وزقتها في غرفتها: تعالي هنا بقولك
علا بعصبيه: فيه ايه يا ماما
ثريا بنفعال شديد: بتعملي ايه مع خطيب منال
علا ظهرعنصر المفاجأة ع ملامحها وحاولت تخفي ارتباكها: انا مالي وماله هعمل معاه ايه
ثريا: امال كنتي قاعده معاه في الكافيه ليه
علا اتوترت: مين قالك
ثريا: انا بنفسي شوفتك قاعده معاه محدش قالي , قوليلي انا كدابه , قوليلي بتعملي ايه تاني معاه انتي عارفه بتلعبي بالنار, اه لو ابوك حد خبر مش هيسيبنا لا انا ولا انتي , وهيقـ تل امجد مش قادره اصدق انك تعملي التصرفات الوضيعه دي ولا رعيتي دين ولا احترام للعايله حتي وانتي عارفه ان العلاقه مع الولد ده مش هتم بينك وبينه , عايزه تفضحينا وتجرسينا
علا: انا بحبه وهو كمان بيحبني
ثريا بصرخه: انتي مجنونه
علا: لا مش مجنونه انا وحيده اوي , انا منبوذه من الكل , ومضطربه وتعبانه اوي
ثريا هزتها بغضب: فوقي الشاب ده خطيب منال
علا: خطيبها مش جوزها وممكن يفركش الخطوبه
ثريا: مش ممكن يحصل الي في دماغك, لو ملمتيش نفسك هطلب من ابوكي يشوفلك عريس بنفسه
علا: بتقولي ده حتي بعد ما عرفتي
ثريا: اه وده احسن لك واكرملك, من الجري وراه في كل حته
علا: انتي مش عايزه تشوفيني مبسوطه , اي ام تتمني تشوف سعاده بنتها , الا انتي قلبك قاسي
ثريا: افهمي الي تفهميه , بس هي كلمه واحده بعد اليوم ممنوع تقابلي الولد ده
علا: وانتي كمان اسمعيني لو موتيني مش هسيبه
ثريا: انا هجوزك واخليكي تغوري من السرايا هنا
علا: ارجوكي يا ماما همـ وت مقدرش اعيش من غير امجد والله همـ وت
ثريا: اسكتي ياعلا اسكتي , ده مش حب, ده عناد وخراب بيوت , ومستحيل اقبل بكده وابعدي والا هبلغ ابوكي بكل حاجه مفهوم
استوب ياتري حكيم هيعمل ايه في اطياف وامير هيتدخل☺️
علا فعلا هتاخد امجد من منال ولا اطياف هتدخل وتبقي حرب كبيره😁😁😁