رواية مسار اجباري الفصل الثامن عشر18بقلم منه محمد
ثريا دخلت لقتها واقفه في الفراند : علا فيه واحد اتقدملك , وانا موافقه عليه , هو متعلم ومعاه بكارليوس زراعه وعنده اراضي هنا , وبفكر اتكلم مع ابوكي
علا بحده : قلت لك مش هتجوز الا امجد , ومش هتجوز حد غيره
ثريا : هو انتي عايزه تدمري البيت هنا , متعمليش جرسه الناس تقول علينا ايه , حكيم خطف خطيب بنت اخوه لبنته , خلاص مفيش رجاله غيره تحطي عينك عليه , عايزه كده فكري شويه في العار الي هتجبهولنا
علا : انا بحب امجد , انا سمعت كل كلامك لكن لحد هنا ولا , جه الدور تنفذي لي رغبتي
ثريا : وانا مبقتش عايزه اتكلم معاكي
علا :يارب امـ وت عشان ترتاحوا , لاني مهمش حد , حتي انتي
ثريا: يابنتي ليه العناد
علا: امجد بيحبني وكان هيموت عشان يرتبط بيا , وانا رفضته لما قلت لي ان امير هيتجوزني ومشيت وراكي , بس محصلش واتجوز غيري , عشان كدا انت ملزومه تعوضيني وتعملي اي حاجه عشاني
ثريا :حاضر اتصلي بأمجد , وانا هتكلم معاه
علا: بجد بتقولي الحقيقه
ثريا بمكر: ولا اقولك هاتي رقمه اكلمه احسن بنفسي , لكن حذاري تعملي اي حاجه غير لما اكلمه , ولا تجيبي سيره لحد خالص لحد ما اقابله
علا ضمتها بسعاده : بحبك يا ماما وحاضر هنفذ كل الي بتقوليه بالحرف
ثريا : يله ادخلي جوه هتبردي هنا
علا ضمتها تاني وثريا طبطبت ع دهرها بقهر
..........قصص منه محمد كاتب........
نايمه بالليل سمعت صوت استغاثه فكرت نفسها بتحلم لكن الاستغاثه زادت ركزت سمعت صوت صرخه ....صرخة ذعر....صرخه خوف..... صرخه زلزلت المكان بكل الي فيه فتحت عينها قامت بسرعه راحت للشباك سمعت صوت نباح كلاب ركزت الصوت سكت لكن نباح الكلاب بيعلي بطريقه مريبه رجعت قعدت ع السرير سمعت صوت الاستغاثه رجع بسيط قامت بسرعه لبست اول ما النهار شقشق وطلعت تتمشي في الاراضي
الحارس: ست هانم انتي رايحه فين
اطياف ببرود: بتمشي
الحارس :حكيم بيه مانع حد يروح نواحي هناك
اطياف: ليه ممنوع فيه ايه هناك
الحارس : احنا عبد المأمور, نسمع الكلام ونفذه وبس
اطياف :ريح بالك مش هقول لحد
الحارس وقف قدامها: اسف ياهانم لو مش هتسمعي الكلام هبلغ عمك
اطياف بنرفزه : لا بقي فيه حد لحكيم بيه مش معقول مخبي كنز هنا وخايف حد يكشفه , عالم غريبه والله
اطياف مشت متعصبه ودخلت السرايا
اسمهان: انتي راجعه كده منين
اطياف: اخيرا حد هيقولي ازاي ادخل الارض دي , وايه الي بيحصل هناك
اسمهان: بتتكلمي عن ايه , ومالك متعصبه كده
اطياف قعدت جنبها: ابدا طلعت اتمشي وعجبتي ارض قلت اتفرج عليها منعني الحارس وبيقولي انه عبد المأمور كأن حط قيود عليها مروحش هناك, ليه بقي مروحش قوليلي سمعت صوت حد بالليل بيصرخ زي ما يكون بنت بتستغيث , ماهو مش معقول محدش سمع صوتها
اسمهان: سيبك من الحاجات دي, قوليلي ايه الاكل الي ناكلها ع العشاء , محتاره اعمل ايه
اطياف بغيظ : انا بتكلم معاكي عن حاجه مهمه جدا ,وانتي همك الاكل
اسمهان: شوفي يا اطياف احنا ميخصناش الامور الي بتحصل بره السرايا لانها متهمناش في حاجه
اطياف :انا متاكده انك عارفه كل حاجه
اسمهان : مهما حصل ده ملوش علاقه بينا , وانتي متفكريش كتير
اطياف برجاء: تمام بس من فضلك قوليلي كل حاجه , مين الي كانت بتصرخ , انا سمعت صوتها بالليل
اسمهان بنفس الهدوء: دي مساله شخصيه لعمك, واحسن لك تبعدي خالص عن الامور دي ها تشربي شاي معايا
اطياف كشرت: شكرا
............قصص منه محمد كاتب.............
يوم جديد اثناء شرحها الحصه سمعت صوت الاستغاثه مره تانيه بس اشد واقوي
اطياف: ايه الصوت ده
شوقيه: اظاهر حاجه وقعت في المطبخ
اطياف: لاء ده مش صوت جاي من المطبخ
بنت ما: لاء جاي من المطبخ
شوقيه: ما يمكن الجنايني وقع حاجه بره
اطياف اتعصبت : اتكلموا معايا بصراحه, حاسه انكم مخبين عليا حاجه
شوقيه بتوتر: لاء يا ست اطياف
اطياف: ايه الي مخبينه اتكلموا حالا
بنت ما: ولا حاجه
اطياف: عيونكم كلها كدب اتكلموا فيه ايه بيحصل بره, وايه الي خايفين منه انكم تقلهولي
الكل بصلها وسكت وهي تابعت: كدا هروح اشوف بنفسي, ايه الي الحاجه الي عارفينها ومخبينها عني انا بس
شوقيه جريت وراها: ست اطياف استني , والنبي استني
اطياف بتمد بخطواتها: ابعدي عني يا شوقيه
شوقيه:لاء مش هسيبك
اطياف زقتها وطلعت تجري في الارض بكل سرعتها لمصدر الصوت لحد ما وصلت لنفس المكان الي حبسها فيه امير
شوقيه مسكت دراعها: اسمعي حكيم بيه وثريا هانم لو عرفوا هيتعصبوا جدا
اطياف حدفت ايدها عنها بعنف: قلت ابعدي والا هطلع كل غضبي عليكي انتي
شوقيه: الي هتعمليه تضيع فيها رقاب, ومش انتي بس الي هتمـ وتي , انا كمان هيـ قتلوني معاكي
الحارس: عمك مانع اي حد يقرب نواحي هنا
اطياف بشخط : ابعد بعيد كدا
الحارس: حضرتك ليه مش فاهمه خطوره الي بتعمليه ,البيه مانع اي حد يجي هنا
اطياف بصراخ: ليه الباب مقفول شيل القفل ده حالا
الحارس وقف مكانه رافض يفتحلها وشوقيه جسمها بيترعش من الخوف
اطياف: ليه خايفين كدا بس انا هفتح الباب بنفسي , لا انت ولا حد يقدر يمنعني حتي سيدك حكيم
شوقيه لطت خدودها: استر يارب
اطياف فتحت الباب لقت بنت مضروبه بتترمي في حضنها وببكاء: ابوس ايدك طلعيني من هنا انقذيني منهم
اطياف: بس خلاص اهدي
صبيحه نزلت دموعها واسنانها تخبط في بعض : انقذيني هيـ قتلوني
اطياف عدلت لصبيحه هدومها ولبستها الطرحه واخدتها في حضنها وبصت للحارس بحتقار شديد وراهم ماشيه شوقيه
.........قصص منه محمد كاتب...........
في الاراضي الغفر متجمعين والحارس وحكيم
امير جه يجري: خير ياعمي اتصلت بيا , حصلت حاجه
حكيم اتكلم بغضب : روح شوف البت صبيحه موجوده ولا لاء
امير: حد من الغفر يروح
حكيم:لاْ انت
امير راح للمكان بنفسه ورجع راسه لتحت حكيم مشي بغضب وامير مسك الحارس والغفر ونزل فيهم ضرب عشان يعرف مين هرب البنت لحد ما رجع السرايا ودخل قعد يدخن بشراه وهو بصللها وهي قاعده قدامه في متتهي الهدوء
امير قام بغضب عاصف: ليه تحطيني في الوضع ده , مش قلت لك ابعدي نفسك عن اي مشاكل ليه مش بتسمعي الكلام الي بقوله , انتي مالك جايه تهدي كيان بلد اتبني في سنين , جايه انتي تخربي كل ده في كام يوم
اطياف وقفت قصاده : انتم مجرمين عذبتوا البنت وعايزني اقف ساكته , لاء يا استاذ انا مش هسكت ضميري زيك عشان الشهره الزايفه والفشخره الكدابه , ده انت مش انا
امير: انا متعود ع الاسلوب ده في اي امر , بس انتي دايسه في اي سكه و متعرفيش عمك قد ايه شايط منك , وانا كمان لدرجه نفسي اخنقك واخلص
اطياف: روح اخنق عمك مش تخنقني انا , لكن ازاي انت مجرد شخص تابع جبان ضعيف كل الي تعرف تعمله تصرخ تزعق , غير كدا مفيش , وتيجي قدام عمك اعمي , اخرس , واطرش
امير صرخ بغضب :بس بقي
اطياف : شوف مش قلت لك ضعيف, فالح بس تصرخ
امير بنفعال: انتي انسانه مستسهله كل حاجه ودي في حد ذاتها كارثه, ياتري مبسوطه بالي بتعمليه فينا ده , من ساعه مادخلتي البيت هنا وكل يوم تخلقي مشكله جديده باي طريقه وتعاندي والسلام رافضه تفهمي اي حاجه وتصممي تعملي الي في دماغك وبس , نفسي افهم انتي مخلوقه من اي طينه
اطياف: الطينه الي اتخلقت منها انت وعمك بس انتم ليكم افعال شاذه عن العالم وفخورين اوي بيها
اسمهان: اطياف عمك عايزك تحت, اظن فهمتك الف مره ابعدي عن المشاكل دي
امير: يله انزلي ردي عليه ،وانا مش هدافع عنك
اسمهان: وانت واقف ليه انزل معها , عمك متعصب جدا
امير: ايه المصيبه دي
اطياف نزلت ووقفت ع السلم لما سمعت عزيز بيقوله: ياحكيم اطياف عيله وغلطت , ومش هتكررها تاني
حكيم: يمين بالله لو ماكنت نفس دمنا كنت عقبتها ع مخالفه اوامري
اطياف نزلت ووقفت في وشه وعيونها فيها لامعه قوه وثقه : انسي العلاقه الي تربطني بيك في الوقت ده, وعاقبني اي عقوبه عايزها , انا مستعده
حكيم: عارف انك مش بتخافي , وده يأكد انك دمنا ,عشان كدا انا غفرتلك غلطتك , وخليكي بعد كدا في حالك وابعتي البت المكان الي اخدتيها منه والا هتتعاقبي
اطياف: اسفه مش هعمل حاجه من دي
حكيم بصوت عالي: بت متستغليش صبري عليكي
اطياف: كل الي عملته لصالح العايله
حكيم: انتي بس تنفذي الي بيطلب منك , والقرارات دي ليا انا
اطياف: انت مش فاهمني انت داخل الانتخابات ولو اي حد عرف انك حابس بنت ومعذبها ده هيأثر عليك , واعدائك هتستغل الفرصه وتخسر , فكر في كلامي , وبعدها اعمل الي تعمله
امير: اطياف انتي مش فاهمه حاجه اسكتي , واسمعي لعمك , واعملي الي بيقولك عليه , يله امشي من هنا
امير حط ايده ع كتفه وقاله بهدوء : هفهمها ياعمي, وهتنفذ كلامك
حكيم بص للفراغ: اطياف بتقول الصح في الوقت ده انا ع ابواب الانتخابات ولازم اهتم بصورتنا
..........قصص منه محمد كاتب.........
منال : علا كلمي مراه عمي
علا : ليه
منال: معرفش ليه
علا بصتلها بحقد الدنيا كلها : هي اختك الي اه اسمها اطياف اشتكتلها مني مره تانيه
منال: احنا معندناش وقت فاضي عشان نشتكي من حد , مامتك طلبت مني اندهلك , عشان كدا جيت لك
علا : ماما ملقتش حد غيرك عشان تبعتهولي
منال لسه هتتحرك سمعت موبيل علا بيرن بصت في الاسم والرقم لقته امجد والشك راودها ورجعت غرفتها واتصلت بيه
منال بصوت مخنوق: ايه يا يا امجد هو انت نسيتني
امجد: ايه الكلام الفارغ ده ازاي يعني انساكي
منال: امال بقالك اسبوع ولا حس ولا خبر
امجد: والله يا حبيبتي بقالي اسبوع برجع من شغلي مجهد وتعبان, باكل وانام وانا قاعد
منال: تمام
امجد ضم حواجبه: يعني ايه تمام
منال: ولا حاجه
امجد : طيب طمنيني صحه والدتك عامله ايه دلوقت
منال: الحمد لله هي كويسه والكل هنا مهتم بيها جدا
امجد : ها لسه زعلانه مني
منال: لاء خلاص مش زعلانه
امجد : مش عارف ليه عندي احساس انك بتقوليها من وري قلبك , وانك لسه زعلانه مني بس ولا يهمك لو كنت مكانك اكيد هزعل وهعمل الي بتعمليه ومش هتكلميني
منال: بس انا برغم زعلي بتكلم معاك
امجد : خلاص يا منال غلطت خلي قلبك ابيض , ويخلص الزعل بسرعه
منال :ومين قالك ان الزعل خلص
امجد ضحك :اممم يعني لسه زعلانه
منال سكتت ومردتش وهو سالها: ليه سكتي
منال :اقولك ايه خايفه منك انت
امجد :وخايفه ليه
منال :معرفش بس خايفه احيانا بحس انك هتتسرق وحد هياخدك مني
امجد: محدش يقدر ياخدني منك , انا بحبك وبقيت مجنون , مش الحب بيخلي الواحد مجنون, منال
منال: نعم
امجد :من فضلك متزعليش مني
منال مطت شفايفها بضيق :اوكيه
امجد: تعرفي ماما بتشكر فيكي ولما بتيجي مش بتبقي نفسها تمشي , وانا كمان ونفسي الايام تجري القيكي في حضني وقتها هرتاح منال انتي سمعاني
منال :اه سمعاك
امجد : امال ليه حاسس انك عايزه تنهي المكالمه
منال :اشكر ماما من ناحيتي , بس عايزه اسالك ع حاجه مهمه
امجد: اه اتفضلي اسالي
منال :هو انت ليه اتصلت بعلا اليوم
امجد بصدمه : اتصلت بعلا ,يمكن فهمتي غلط
منال: لاء يا امجد مفهمتش غلط , انت اتصلت بيها ع رقمها العصر وشفت اسمك ع الموبيل بنفس رقمك الي انا حفظاه, بس الي مستغربه ازاي هي مسجله رقمك ع تلفونها
امجد: اه اصل انا اتصلت بيكي كتير عشان اكلمك بس انتي مردتيش
منال: بس ازاي اخدت رقمها منين
امجد ارتبك جدا : اه لما جيت من يومين عشان ازورك , وانتي مكنتيش موجوده التلفوني بتاعي ضاع اضطريت ارن عليها من رقمها ع رقمي فبقي متسجل عندها
منال: تمام هكملك بعدين عايزه انام
امجد: اوكيه روحي نامي ونبقي نتكلم بعدين
...........قصص منه محمد كاتب..............
صبيحه قاعده بتطبق الغسيل وقالت بصوتها المبحوح : تعرفي يا ابله اطياف انا مش همشي من هنا واسيبك
اطياف: بس لازم تمشي, ان مكنش دلوقت هيبقي بعدين , وانا هساعدك لو فضلتي هنا هيحبسوكي تاني , وانا مستحيل اسيبهم يعملوا فيكي كدا
صبيحه : انا هفضل خدامه ليكي العمر كله
اطياف: ليه هو انتي حيوانه انتي انسانه عندك احاسيس ومشاعر , حياتك ملكك ليكي لوحدك محدش من حقه يتحكم فيكي
صبيحه قفلت عيونها ونزلت دمعه جريحه : انا خايفه يجوزوني لابن عمي غصب ,وانا مش بحبه
اطياف افتكرت لما امير حبسها وغصبها تتجوزه وقالت بأصرار: مفيش حاجه من دي هتحصل يا صبيحه مش هتتجوزي غصب عنك , ده وعدي ليكي
امير دخل وبصتله صبيحه وقالت: اهلا يا امير بيه
امير: ليه بتقدمي وعود كدابه للبنت المسكينه دي , هتجوز من ابن عمها , عمي عطاله كلمه وهو مش بيخلف وعده
اطياف: صبيحه امشي انتي , واطمني اطياف لما بتدي وعد بتنفذه لو ع مـ وتها
اميربصلها: مفيش فايده
اطياف: تعرف ايه هي اكبر مشكالك
امير: مش عايز اتناقش معاكي في الموضوع ده , في الوقت ده يا اطياف
اطياف: اكبر مشاكلك هي انك مبتتحملش تشوف اي حد سعيد , ليه تجبروا بنت غلبانه مسكينه تتجوز بالطريقه دي , وتفرضوا قوتكم عليها , البنت مرعوبه وخايفه
امير: عايزني ابقي كداب زيك , واستمر في مواساتها واقولها كل حاجه تمام , وخدي راحتك وعيشي مبسوطه
اطياف: وانا مش هخليها تتجوز غصب عنها
امير: ومين هياخد الاذن منك يا مشاغبه
اطياف لعبت حواجبها تغيظه: الوقت هيقولنا
اميرضحك بخفة و قال: هتتجرئي تقفي في وش عمي بلاش يا طفطف هتندمي كتير, يظهر متعرفيش عمي عقابه شديد محدش يعرفه اكتر مني, انا خايف ع سلامتك , اتراجعي وبلاش توقعي نفسك في مشاكل صبيحه
اطياف: انت ليه قاعد ع سريري امشي هناك
امير بانزعاج: سريرك منين ده سريري
اطياف: انا بنام هنا , وانت بتنام ع الكنبه
امير: اه بنام عليها بالليل, بس دلوقت اقعد ع السرير براحتي ومش منقول
اطياف حطت مخده بينهم وهو شالها وحدفها: ابعدي مخدتك , عايز اقعد براحتي
اطياف ببتسامه كلها تحدي : هكسب مره تانيه
امير بنفس الابتسامه والتحدي: وهتندمي كتير
اطياف قربت الموبيل من عيونه وقالت: سبق ولعبت اللعبه دي
امير: وريني وهلعب دلوقت
اطياف زقته في كتفه: حملها عندك
امير شوحلها بغيظ : هحملها
اطياف بابتسامة واسعة : وانا الوحيده الي هفوز