رواية عشق الثأر الفصل الثامن عشر18بقلم مينة طلال
دموع ...
بس كال اسحاق على سالفة عمامي وبيع البيت نخمش كلبي
شنو هذول ياربي لااحساس لا يهتمون بحساس بشر
ولو همه كلبو على عمي قادر من كام يتودد النا
سكتنا كلنا وجنت اباوع لعمي الجان صافن ومبين عقلة جاي يشتغل ما ساكت كلتله بفضول : عمو انت راح تساعدهم مو
هاشم : اكيد بنيتي
- زين عمو شنو ممكن تكدر تسويلهم همه ضدك وهواي همه ولدهم
هاشم : امحي اسمهم من الوجود وعيونج الاحبهن
صفنت ؏َـليۿ ارمش عكسه هوه ابتسم وكرص خدي باسة ايده وكام ضليت ارقبة مشه بهدوء طب بغرفتة وسد الباب باوعت لاسحاق
- شراح يسوي عمي اسحاق ؟
اسحاق : عندة حصة ٤٠ بالمعمل وبيت غايب ٣٠ بالمية وبيت جاسم ١٥ يعني راح يديحهم صارلة سنين ساكت عنهم ويدزولة تفاليس وهوه ما يهتم لان ما بحاجة بس هسه همه ندكو بي
سكت وكلتله : وانت شراح تسوي يعني خلص برد كلبك وعفتهم وانت ضيعت سنينك تركض وراهم ودخلت بحياة مو حياتك
- ماعفتهم دموع بس يريدون يضروج لخاطر يكسروني واذا نمست شعراية منج اموت اني تفتهميني وهذول غدارة كلشي ممكن يسون كلشي فا عفتهم هسه بس مااعرف للمستقبل شنو يصير
- ويعني؟
- يعني عفتهم للايام هيه كافية تنتقم منهم
ابتسمت وكلتله : ياريت عمو جاي من سنين شوف تفكيرك شلون هدء وقنعت وصرت مسالم ولطيف
- شنو قصدج جنت مجلوب
حطيت ايدي على حلكي وضحكت : لا عزة حشاك بس يعني المقصد حياتك صارت عدلة
ابتسمت ودنك وكال بهمس : تغيرت حياتي هم بفضل مرجي الي لونت كلشي اسود جان بكلبي
ضحكت وكلتله: شصار جديد وياكم
كام للحديقة رحت ورا شغل جكارتة وكال : مو كتيلي احجي ويا سليم
- اي وحجيت ؟
- اي حمدلله
سكت وضليت انتضر يكمل شو مكمل دغيتة بيدة : شنو كمل
- باوعي هوه ما نصدم لان عرف هيه تحبني بس يـ؏ـنـي ستغرب من اعترفي بوجها بحبي الها
- وشصار ؟
- مصار شي تعرفين الشغل وعفنا وعدنا خير من الله صار لملم امورة وفلوسة وسافر لخوالة
ضليت اباوع علية هوه ضايج ويلعب بالتراب برجلة كلتله : وخليته يروح ؟
- احسن ماادمرة وهوه يشوفني ازوج واخلف كدام عيونة ..
- هم صح الله يسر طريقة وان شالله يلكة الحب الي يكمل عمرة ويا
سولفنا شوية وطبينا رحت لغرفتي نمت وكعدت اسحاق يصيحني من جوه
- رايحين دموع مو تخافين
كمت بسرعة مديت راسي من درج : وين رايحين
- لعمامي راح يحاجيهم عمي
- خوش اسوي عشاء
- اي ان شاءالله احنا ما نتأخر
طلعو قفلت وراهم وكعدت بصالة اصحصح صفنت شوية وكمت للمطبخ طلعت دجاج وغراض اسوي تبسي مشوي ..
بديت سويت الخصروات وتبلت الدجاج حطيتهن بالفرن عفته غسلت غراض المواعين مسحت البيت على السريع بخرتة وطلعت للطرمة غسلتها كملت كلشي
باوعت للتبسي بعد طبيت سبحت وطلعت كبل للمطبخ بوجهي عبالي بعدهم مجاين مشيت ركض بالمشفة اشوف التبسي وانصدم باسحاق جاي يباوع على الطباخ وعمي كاعد على طاولة يمة يــٰس يايمة يافضيحتي
ركضت بسرعة اريد اشرد بس زلكت رجلي وكعت على ظهري
من الوجع والفشلة ضليت اصيح وابجي
عمي يصيح الله واسحاق ساكت مصدم راح يتقرب جر ايدي صحت
- عوفني عليك الله وخر اني اكوم
سكتو واني ضغطت على وجعي كومت روحــي كوة لميت روحي بالمنشفة واني ميتة من المستحة والفشلة كل مواقفي ويا يـس سخيفة كساع مسويتلي سالفة ..
صعدت للدرج اجر روحــي جر بس وصلت لغرفتي شمرت المشفة واخذت دشداشتي العريضة حيل لبستها وكعدت اون مكدرت اتحمل الوجع نمت على جربايتي ابجي من الوجع حتى همه نسيتهم ندك الباب مجاوبت بس لازمة ظهري وابجي دك الباب وفتحة طب اسحاق يباوع
أسحاق : يـ؏ـني بشرفج شهل موقف الخزي والسخيف الخليتي روحج بي
صرخت من جوة الفراش : وخر عني اسحاق ظهري نكسر مدري شبي دوخر
سكت وتقرب لزم ظهري واني ابجي : شـَڪو شبيج
- من وكعت علية حسيتة نكسر ولله نكسر ظهري راح اموت من الوجع
كعدني ولزم وجهي يمسح دموعي : حبيبي بنيتي ما مكسور باعي لو اسم الله كسر مااكدر احركج بس يممَڪٰٖטּ نرض وكعتج قوية اخذج للمستشفى
- ماريد اذا يس بعده ماريد شـَڪد ؏َـيب شافني هيج بس ولله غير مأمنة وحدي وخفت الاكل يحترك شمدريني جاين حتى ماطلعتو صوت
اسحاق : هستونا فتنا ميخالف حبيبتي دكومي نوديج
- مااكدر اكوم ولله مااكدر
بجيت هوه كام يدور بكنتوري طلعلي جبة هوه اشتراها الي قبل فترة وحجاب اميرة لبسني خطية وكومني حاضني علية ونمشي من وصلنا للدرج شالني واني ضميت روحــي بحضنة حتى لا يشوفوني
عبرهم ومشه لسيارتة لحكة عمي وصعد كدام يمة واني حطني ليورة وساق سريع اقل النص ساعة احنا يم المستشفى صاح المسعفين اجو شالوني وحطوني بسدية تحاليل وااشعة وسوالف كومة طلع رضوض وكالو لازم مااتحرك للضرورة بين ما يطيب ظهري واذا اتحرك بهاي الحجلة مال عجايز
اني ضليت ابجي واسحاق يسكتني اطوني إهداءات ومسكنات يلا شويه سكتت رجعنا للبيت جان يس رايح والبيت على حطت ايدي شالني اسحاق ونومني بجرباية عمي وكال : بعد تضلين هنا بسن ماطيبين وتصعدين
- لا اسحاق ؏َـيب وعمي وين ينام ؟
- معليج اطي غرفتي
ماقبلت وهوه مقبل طب عمي سكتنا ثنينا
كعد على طرف الجرباية اني دنكت مستحية منه
هاشم : هسه شكلت ؟
اسحاق : عمي مو كلتلك احب وحدة شلون ازوج لبنية وادخل بذنبها وهذيج خطية تنتضرني ازوجها ضلت بالعراق لخاطري ونطيتها كلمة
هاشم : اخذها عمي ولو بس هل سنة وبعدين طلكو ونكول ما تفاهمو
ضليت صافنة ياخذ منو منو يزوج شجاي يحجون كتلهم : عمو ليش المن تريد تزوج اسحاق
هاشم : عمي كلتله ياخذ بنت عمج صباح بين ما نصفي الوضع
شهكت اباوع لاسحاق لهستوة وضعة استقر وراد يخطب مروج كلت لعمي : عمي يحب بنية هوه شلون يزوج بنت عمو مايحبها حرام علينا
هاشم : مو يريدون يزوجوها لابن غايب هذا السكير ويكسرون بختها مو حرام ياعمي اني لو عدي ولد جان زوجته الها
باوعت لاسحاق الجان ساكت ويعصر بيدة من خلص كلامة عمي كال : هاهيه عمي شتكول يصير ازوجها ...
_____
الان
دموع : اسحاق انسى مروج علاقتك بيها كل سنة جاي تصير مستحيلة والله نطاك بنت حلال تحبك وصاينتك وجابتلك ولد مثل الكمر خلص مروج مو نصيبك اقنع بالواقع
اسحاق : ولله اني احترم صباح ومقدرها ولو اكدر اشلع عيني واحطها جان سويتها بس دموع مااحبها ولله احسها مو مرتي احسها مثلج تدرين يـ؏ـنـىي مااكدر احجي وياج هل حجي بس تدرين حتى بعلاقتنا اتخيلها مروج
دنكت مقهورة علية وعلى هل وضع الي وصل الة فزينا على صوتها وهيه تحجي بقهر
صباح : ليش هيج سويتو ؟
كام اسحاق يريد يلزم ايدها وخرت بسرعة يم الباب تهز راسها : لا تلزمني اسحاق بس جاوبني ليش ؟
اسحاق : بس خل افهمج صباح مو مثل ماسمعتي خل احاجيج
را يرجع يلزمها نزلت دموعها ووخرت : كلتلك لاتلزمني مااريد احجي حجي اندم علية بس فهمني ليش وبشنو قصرت وياك ليش هيج سويت وياي
حسيت الدنيا كلها كعدت على كلبي واني اشوفها هيج تبجي ومقهورة واسحاق يريد يلزمها تنفر منه وتبجي كتلها : صباح ولله السالفة قديمة وجنا نحجي بغير سالفة
صباح : شنو القديم مروج شنو القديم ولج يكلج من يجي يمي يتخايلني بيها ولج واني ما خليت شي ما سويتة اله لان جنت اضوج من اشوفة يجي يمي ضايج طلع ضايج على الحبيبة
اسحاق : صباح وداعتج مجاي تفهمين السالفة خل افهمج
كعدت يمي تمسح بدموعها اجة يريد يكعد يمها مقبلت وكف كدامنا كالتله : احجي اسمعك وصدكني هاي اخر مرة اسمعك بيها ياريت تحجي الصدك
جر حسرة وكال : ؏ـَمري كلة ما ردتج تتاذين واصلان زواجي منج جان حتى احميج ومااخلي احد يأذيج لان انتي بنت حلال وفقيرة
جانت بس تهز راسها ودموعها تنزل مثل الشلال تمسح بدموعها وترجع تبجي هوه باوع عليها وكمل : بس يابنت الناس اني قبل لاازوجج جنت احب بنية وفاتح وياها موضوع الزوج وبانين احلام ومستقبل بس هدمت كلشي لخاطر ما تنكسرين انتي وتخرب حياتج يـ؏ـنـي فضلتج على نفسي وعلى هذيج الكسرت كلبها
رفعت راسها تباوعلة وكالتله : شنو قصدك ؟
- صباح اني تزوجتج لان جان عمج غايب ناوي يزوجج غصب لابنة وابن واحد سكير وزايعتة الكاع بيوم الرجعنا من بيتكم ورة وفاة ابوج من رادو يبيعون البيت
هزت راسها كمل : بيومها هددو عمي ينهون عليجن فعمي كلي ازوجج ويس يزوج دموع واخواتج جان صغار مو عمر زوج ومحد يدخل بيكم بعد
سكتنا كلنا هوه هم سكت شغل جكارة تمنيت اجرها من ايده كد ما ورم كلبي رجع كمل : واتزوجنا وجنت متفق ويا اخوج وعمي سنة ونطلك واكول الصوج بية اني مو ادمي واخذي هاي البنية الحبيتها جنت يومية أملها واكللها نتضري وصبري وراح نزوج وما ضل شي بس كلشي تغير من طلعتي حامل بشهر الثالث وابنا جان بي نبض
رفعت عيونها الصارن حمر من البجي وباوعتلة بنظر كسرتني وهيه تكله : يعني قصدك لو مجان بي نبض جان اجهضتة ؟
سكت هوه وهيه نهارت تبجي من كلبها حضنتها ابجي وياها حيل نقهرت عليها كعد كدامها اسحاق كاللها : اسف ولله صباح ماردت تعرفين بيوم ولا ردت ازعلج لو اكسرج بس هذا الي صار اني ما خنتج اني جنت بس ناوي احميج بس صرت كسر لكلبج اعتذر ولله. اعتذر اعتبري الي سمعتي مات ونرجع لحياتنا اساساً هيج مروج راحت بعد
كامت صباح وخرت منه راحت لتحفية حاطتها على ميزها شالتها وكسرتها كامت تصيح : لااااا للااا
مو صوجك موصوجك لاتعتذر ليش تعتذر وخجلان
اني الغبية انييي كلها كالت ميحبج واني الحطيت روحـي بطريقك وكلت خل اغيرة خل احبه ويتغير خل اطي اهتمام وحب هوه نحرم منهن
اني الدخلت روحــي بشي ميخصني اني اني
من اول زوجنا جنت مبين ما رايدني بس اني الزكت بيك
شالت شمعدان كزاز شمرتة يم رجلينة وكملت تصيح : مجان لازم ادخل بشي ميعنيني نجوه كلبي بعد مات كلبي ماتت اسحاق اني جاي اموت جاي اموت هسه فدوة كوم اقتلني وخلصني
اني الفطيرة الغبية الغشيمة الرجلي ما يحبني وجبت منة ولد مثل الكمر راد يموتة لخاطر ياخذ حبيبته
كام يريد يتقرب يحضنها صرخت : لا تلزمني لا تلوثني اسحاق كافي الندوب الخليتهن بروحي لاتلوث جسمي وخر مني
روح روح يمها بس ماسمحك لاخر ؏ـَمريٰۛ تفهمني
ان شالله كل قهر عيشتنيا تعيشة اضعاف الله لا يهنيك وياها ولا تشوفون السعادة وعمرك وحياتك ماترتاح يا اسحاق
ان شاء الله كسرة خاطري وحركة كلبي هاي تشوفها ...
__________
في مكان اخر / واشنطن
مروج...
نزلت من الطيارة مسحت دموعي وضليت اجر نفس احاول الزم نفسي كدامة طلعت من مكان النزلة مال طيارة وصلت للانتضار وهناك وشفتة شايل باقة ورد حمرة هوه وعائشة بس رفعت ايدي لمحوني ركضلي هوه وياها ابتسمت اجاني ركض وحضني
قاسم : طك كلبي عليج بنيتي حمدلله على سلامتج
حضنته واني ابجي هم اشتاقيتلة وهم على موقفي الي نحطيت بي كدامة وخر يمسح دموعي حضنت عائشة البطنها واصلة لخشمها ومسحت على بطنها وكلت واني امسح ؏ـيونَي : شوكت ينورنا الامير
قاسم : السبع مال ابو ماضل شي ان شاءالله هل اسبوع
هزيت راسي وهيه حضنتني تبوسني واني كساع احضنهم طلعنا من المطار اخذ عمي جنطي واطاني الورد ابتسمت لتصرفة يدري بية احب الورد
صعدنا بسيارة والطريق كلة ساكتين وعائشة تحجيلي
عائشة : مروج الحياة هنا تخبل يعني شـَڪد مااحجيلج مااخلص كلشي براحتج محد يباوع لو يدخل قانون وامان تدرين تعلمت لغة وسياقة
ابتسمت وكتلها : عمي انتي سباعية منو مثلج
قاسم : انتي راح تصيرين مثلها واحسن وكلشي تتعلمين بس ارتاحي اول
هزيت راسي وهيه كملت : اول ما وصلنا سوينا غرفتج عمج شـَڪو شي تحبي سوة بالغرفة هسه تتفاجئين بيها وهم كملنا غرفة علي
ابتسمت كتلها : راح تسمو علي ؟
قاسم : اي حبيبتي
عائشة : همزين هسه اجيتي حتى بس يفتح عيونة تصير اخته بوجها
ابتسمت مكيفة بفكرة انو راح عمي يصيرلة عائلة ويصير اب وهيج
سكتنا وصلنا للمنطقة جانت باردة واني جاية من العراق الحر ٤٠ البيض يستوي بشارع طكني البرد كبل عمي حطني جوة ذراعة مشة بينا للبيت فتح القفل وكال : فوتي بنيتي اجيب غراضج واجي
لزمت ايدي عائشة وطببتني للبيت كلشي بي وكل تفصيلة مدروسة عبالك عمي صمم حايط حايط كل زاوية تحجي عن شخصيتك الوان البيت الفاتحة والبيجي الفاتح الاضاءة الصفرة والشمسية والزرع الي مالي البيت صليت على النبي وعائشة تحضني
- صليتي على نبيج حبيبتي بيتج هذا فوتي لاتستحين
مشيت منها للمكتبة الجان مسويها بصالون وحاط هواي كتب ضليت اباوع عليهم جذبني عنوان رواية اسمها " ما تخبأه لنا النجوم " سحبت الكتاب اباوع علية بس جاي افتحة طب عمي واجة يمي حضني
- تربية عمج كبل اجيتي للكتب
- عمو تعرفني مااعيش بدون قراية
- كدامج هيه وصاحبها ياهو يعجبج اقري واذا تحبين اوصيلج غيرهن
- عجبني هذا رفعتله الكتب ابتسم ولزمة
- هذا راح يهيج المواجع عليج
دنكت هوه سكت حط الكتاب بيدي ومشاني لغرفة تصير زاوية البيت بابها صورتي اني وصغيرة ومعلك ورد طلع مفتاح فتحها وطبينا بس شفتها فتحت ؏ـيونَيہ من جمالها
جان حيل جبيرة تصميهم مثل البيت بس بيها لبلاب جبير صاعد طول الحايط يم مكتبة بيها هواي كاب نصهن مالتي الجانن بالعراق وغرفة بيضه بتصميم تركي وكلشي مرتبة ضلع كامل بي صورنا وصور اهلي من جنت صغيرة وشايليني ومدرستي وهوه وياي بكل تفصيلة جانت ماعافني ابد حضنته ابجي
- شكرا عمو شكراً جنت كايلتلك مراح اجي رغم هذا مسويلي هل غرفة الحلوة وما ناسي اي شي احبه ، انت احسن انسان بدنيا
قاسم : تضلين بنيتي حتى لو جان زواججج من اسحاق صاير جان ضلت هل غرفة تنتضرج ، وجان ما عفتج ابد بس عفتج براحتج تجربين الحياة
نزلت دموعي بجيت وهوه حضني كال : ليش هل بجي حبيبتي اني اسف ما قصد اجرحج
- جان كلامك صح عمي اسحاق كسرني ورجعني الك جثة بلا روح صوجي ما سمعت كلامك وبقيت ويا ..