رواية عشق الثأر الفصل التاسع عشر19بقلم مينة طلال

أسحاق...

شصار وياي اني وين شنو كل هذا الجاي يصير

ليش حاولت احميها وكسرتها وليش املت ذيج ووعدتها وخذلتها

احس روحــي نكسرت كسرة لو الدنيا كلها تعتذرلي مراح يطيب خاطري

اليوم كاعد كدام المرة الصارت مرتي وام ابني واني اشاهد انكسارها وانهيارها وما بيدي اسوي شي لان اني سبب الخراب الوصلت اله

من باب ثاني مروج الراحت وخسرتها

أسحاق : صباح خل نتفاهم احنا بينا طفل خلينا نكعد بهدوء ونتناقش واكيد نلكة حل

صباح : كافي اسحاق لهنا وبس هذيج المرة الجانت تركض وراك وتطلب رضا منك ماتت من اليوم راح تشوف غير انسانة

او اكلك مراح تشوفني اصلان...

كعدت بالكاع تبجي حضنتها دموع وتاشرلي اطلع طلعت للغرفة باوعت على زيد شلون نايم صفنت علية هواط وطلعت شغلت سيارتي وضليت افرفر بشوارع وين اروح وشنو اسوي ماادري

اجة بالي عمي شلت المبايل خابرتة شوية وجاوبني

هاشم : ها وليدي

- الحكني عمي اني نتهيت

- ياستار يارب شـَڪو شمالك بوية ، شصاير وياك

- مروج راحت لعمها ، وصباح عرفت كلشي  ، عمي لو تشوفها جنها طير مذبوح ضلت روحها تطلع ردت بس افهمها واحجي وياها تعدء ماقبلت حتى اطخها عفتها ويا دموع وطلعت

هاشم : اني راد بعد يومين اذا هيه راحت لهلها خليها تروح هم يمها دموع هناك بس ما نشوف شلون ترضيها

جا شني سالفة مروج بعد عمك مو كلنا هل موضوع بعد ماينفتح ؟

شغلت جكارتي وجريت حسرة شكبرها كلتله : عمي مو بيدي كل ما جنت ابعد عنها الكة روحــي بابها عمي من البداية كلتلك احبها احبها

سكت نوب اجاني صوتة عصبي ويصيح : واني صخمان اتفقت وياك سنة واطلكون بس حبلت مرتك وجابت ولد مثل الكمر دك دودتك وحافظ على بيتك لو تريد تصير نفس 

استغفر وسكت ضحكت مستهزء : قصدك مثل امي اهجم بيتي

- ماحجيت هيج اسحاق

- بس ردت تحجي عمي

سكت واني دمعتي صارت بعيني من ذكر امي شعل نار بكلبي كلتله مع السلامة وسديته بوجها شمرت المبايل على الجامة وضليت اضرب بيدي حيل ..

حطيت راسي على الستيرن واني اذكر من عشنا بعد موت ابوية وسكد عيرونا باامنا وشكد تعبنا وبجينا وخفنا

 وهيه جانت بحضن عمي ولاعبالك خلفت وجابت كل همها الفلوس لليوم هيه ما سألت ولادورت من شتغلت ويا قاسم دورت عليها لكيتها مزوجة شايب عدة فلوس بس مخرف يوميا كاتلها ويطردها بليل 

ما كلت لدموع حتى لاتنقهر ولا رجعت دورت عليها ولاااريد اعرف شصار وياها

شغلت السيارة رجعت للبيت طبيت على كيف البيت هدوء عرفت راحو طبيت لغرفتي نظيفة ومعطرة كل ظني صباح نظفت وهدئت بس كسر كل تخيلي من دك مبايلي دموع جاوبتها

- وينكم دموع

دموع : تعال لبيتي بسرعة صباح تريد تاخذ زيد وتسافر بي الحك ابنك ولك

كلامها كد ماسريع وصادم كعدني بالكاع اريد استوعب حسيت عقلي نمل كمل ركضت طلعت من البيت حتى بدون مااقفل صعدت بسيارة ورحت البيت دموع مو بعيد علية بس حسيتة بااخر الدنيا

لا مستحيل اخليها تاخذ ابني خل تروح هيه 

بس هذا ابني قطعة مني هذا الصبرني على كلشي عشتة ذيج الايام

وصلت لليتها بس وكفت السيارة نزلت ركض 

دكيت الجرس مرتين وفتت ركضت شفت صباح تحجي ويا يـٰس تتوسل ياخذها وزيد يحبي ودموع عيونها عليه بس طبيت ركضت الة شلتة على كلبي وهوه هستوة يحجي ضل يسوي با با ويمسح بوجهي 

نزلت دمعت وهوه يمسح بوجهي مسحها حضنته على كلبي اكثر

- صباح مقدر مشاعرج ووضعج بس ابني ما يبتعد عني تريدين تاخذي خل اموت واخذي هسه مااكدر اعوفة ضحيت هواي لاجلج واخوج شاهد على كلشي بس مااكدر اضحي باابني لخاطرج عذريني

اخذتة وطلعت هيه ضلت تصيح وراية جيبة وعوفة اجاهلتها ومشيت بسرعة صعدت بسيارة خليته بحضني وضليت اسوق على البطيء حتى لا يتاذة وهوه حيل فرحان لان يحب يطلع صفنت ؏َـليۿ واني اذكر شلون جنت اتمنى انو مااجة للدنيا ...

______

قبل سنتين...

زوجنا تم خلال اسبوعين اني وصباح وراها نخطبو دموع ويس

عمامي فكو ياخة عن بيت عمي قادر لان وكفنا اني وعمي هاشم بوجهم

اجت صباح وجنت مبتعد عنها مرات انام بغرقتي الفوك

ومرات بالاستقبال واصلان ايام اضل برة في سبيل مانلتقي..

صار شهرين على زوجنا واني مطاخها وجانت حالها حال دموع 

بس اسلم عليها اطيها مصرف ونحجي اذا احتاجت شي

وبيوم دموع راحت ويا يس يشترون اثاث البيت وينصبون غرفتهم 

عمي هاشم جان مسافر عده معاملة ضليت بس اني وياها بالبيت

من الصبح لليل ما طلعت من الغرفة كل ظني تستحي مني

او لان ماتقربتلها هيه عرفت الموضوع او يس حجالها

رحت دكيت الباب بس ردت اتفقدها خفت مريضة او بيها شي

هاي الفترة كلها جنت اشوف مروج بيها ونحجي ونحلم ونخطط جنت حاجي ويا قاسم بموضوعنا ورفض هواي بس مروج وكفت بوجها

دكيت الباب ماكو صوت رجعت دكيت الباب وفتحته على كيف 

لكيتها نايمة والغرفة ظلمة مشيت على كيف بس ردت اشوف حرارتها اتاكد مو مريضة كعدت على جرباية حطيت ايدي على وجها زين جاي اكوم كعدت ولزمت ايدي

اسحاق : اسف على ازعاجج بس ضل بالي ماطلعتي من غرفتج اليوم

صباح : مريضة شوية

حجيت بقلق : شبيج شنو يوجعج جان كتيلي اخذج للمستشفى شبيج هسه

لزمت ايدي وكعدت الغرفة ظلمة ممبين شلابسة هيه بس رفعت ايدي وحطتها على صدرها حرارتها كزبرت جلدي همست : كلبي يوجعني اسحاق

ليش من زوجنا لليوم لاتجي يمي لا لمستني بية شي اني

سويت شي اكو شي بية مايعجبك

بلعت ريكي ردت اسحب ايدي منها ضلت لازمتها كتلها : مابيج شي انتي صباح بس اني يعني شوية تعبان تعرفين هل سنة هواي صارت ويانة ضروف

- اسحاق بس سلمني نفسك واني انسيك كل تعبك

دنكت ساكت مكدرت اكللها بكلبي غيرج ولا كتلها زواجي منج اتفاق خفت اكسر خاطرها وياريت بيومها كسرت خاطرها واطلكنا ولا هسه الوضع الاحنا بي

بيومها تم زواجنا وسافرت وياعمي شهر من رجعت نصدمت تبشرني بحملها

حسيت الدنيا كلها طبكت علية

كل ما جنا نتقرب اني وصباح تبتعد مروج عني اكثر

الجنت ضام عنها علاقتي بصباح اكتملت وماكتلها هيه حامل

ازوجت دموع وراحت لبيتها عمي كام يسافر هواي بحجة شغلة هناك واعرف حتى عود لا يزعجنا كمت اطر اجامل صباح واطيها حقوقها الزوجية خاصتاً بعد هيه حامل حتى مااكدر اطلكها ولا عرفت شلون نطلك بعد

جنت كل مااجي يم صباح اتخيلها مروج مو بيدي كلبي مايكدر يخونها جسمي يمها وعقلي وكلبي يم مروج 

اكثر من مرة اغلط باسمها وهيه تغلس

ماانكر جانت صباح بنت اصل بس اني مجنت ناوي اجرحها هم بس وضعنا خلانا بهل موقف

مشت ايام حملها واقتربت ولادتها من حدددت الدكتورة قيصرية مكدرت اضم على مروج اكثر 

طلبت منها نلتقي وهيه طارت من الفرح رحنا للمكان الدائما نروحلة طلبت كهوة وانتضرتها شوية واجت شعارها الطاير وراها وعطرها السبقها ؏ـيونَي هامت بيها تقربت باستني من خدي يلا كعدت

مروج : شلونك حبيبي 

اعرف اتاخرت عليك اسفة هم ازدحامات وهم تاخرت اتحضر

ابتسمت اباوعلها هيه وتحجي كتلها : عادي نسيت الوقت من شفتج

ضحكت خجلانة طلبتلها ايس كافيا التحبة جابو الطلب شربنا احنا وساكتين كالت : تحمست من كلتلي موضوع ضروري معقولة راح تتطلك ؟ عليك الله فرحني لان عمي اكل راسي واني اسكته اكله معليك هذا اسحاق نسيت

فركت وجهي بيدي طلعت جكارة سحبتها نصها باوعت عليها راحت ابتسامتها وهيه تكول : خير اسحاق وكف كلبي شصاير

- اكو شي جنت ضامة عليج مروج

باوعتلي بخووف وابتسمت : شنو

- مرتي حامل وراح تجيب هل اسبوع

ضلت تباوعلي عيونها تتحرك بسرعة عبالك تريد تقرة وجهي صدك احجي لو اشاقة كالت كلمة وحتى وشفايفها ترجف: واني اسحاق

- مروج بس خل افهمج

- شتفهمني اسحاق اني لو ادري بيك علاقتك متكاملة ويا مرتك اعوفك من اول يوم بس انت يوميا تخلص الليل وياي وتكلي كل واحد بغرفة وزواجكم شكل حتى تحميها ، هذا الطفل شنو لعد اسحاق

تخوني عينك عينك ؟ تنام يمها وتجي تتغزل بية لك شنو من بشر انت

سكتت معرفت شحجي وياها وكفت تريد تروح باوعتلي : شـَڪد قرفت منك شنو من بشر انت 

عافتني ومشت عصرت راسي بيدي حيل : اوووو كل ما ابنيها تنهد فوك راسي يارب

___

 

با. با. 

- ها يروح ابوك ها يعمري 

- ما.  ما. 

نعصر كلبي شفت روحــي واصل لبيتنا وهوه من شاف البيت عبالة امة هنا استغفرت وفريت السيارة ورجعت لبيت دموع شلت زيد وطبيت لكيتهم ماكو خابرت دموع كالت راحو للمضمد ضغط صباح هبط

كعدت بالمطبخ اللعب زيد وانتضرهم نص ساعة واجو اول مطبت وشافت زيد بحضني ركضت علية اخذتة مني وحضنته

صباح: حسبي الله عليك فوك ما كسرتني هسه تحرك كلبي على ابني ولك شمسويتلك اني وهيج تسوي بية

ردت احجي سبقتني دموع العصبية وهيه تنزل شالها : اكلج صباح صلي على النبي ترة حجالج كلشي اسحاق وكلج جان ناوي يحميج وضحة بحبة لخاطرج وانتي من صبح لهسه تتحسبين علية حرام عليج

يــٰس : على كيفج دموع

- انت بذات تسكت لان من شوكت كلتلك حاجيها وكللها حتى لاتنصدم جنت تكلي لا هسه يتعودون سوة

شفت بعينك التعود هو هذا التعود التحجي عنة

اسحاق : كافي خوية اعصابج

 _ لا اسحاق مااسكت بعد واحد يكعد عوج ويحجي عدل انت اتفقت ويا امها واخوها تحميها حبلت وصار الي صار وانت ماقصرت مثل ماهيه ماقصرت باي شي فا على هل اساس مثل مادخلنا بالمعروف نطلع بالمعروف اصلان انتو علاقتكم من الاول غلط

اطلكو وزيد تربو سوة

صباح : ابني مااطي اني 

اسحاق : واني ما اعوفة تعرفين ڪُلـش زين

يــٰس : راح تهجم بيتك لخاطر هذيج الك***

كام اسحاق لزمة من ركبته ركضنا نجرة اني وصباح بالكوة فكيناهم صحت بيهم : كافي كافي هاي هسه هيج صوتو بعد فترة شلون اسحاق صباح فوتو احجو سوة وتناقشو شوفو شنو الي يريحكم حطو هل طفل كدام عيونكم ليوم صغير ماافتهم العركة باجر عكبة يكبر يكره روحة بسببكم 

باوعت لاسحاق احسسة عود مثلة طب للاستقبال كامت لحكته صباح جبت مي واطيتة لايـٰس 

- هاي حجاية تحجيها يا حبيبي مو تدري بي مسودن

وبيتهم من البداية مهجوم ترة لاعبالك همه عايشين طبيعي

يــٰس : لعد ليش صباح جانت تكلي فرحانة ومرتاحة

- لعد شتريد تكلك رجلي مينام وياي

باوعلي صفح اخذ زيد وطلع للمحل سويت جاي وطلعت معجنات واجبان كلت اكلو اكلو مااكلو اني اكل مدري شبية ارجف من الجوع صار كم يوم

ضلو بالاستقبال خفت خنكها لو هيه موتته بس مارحت رجع يس مشتري لزيد وجايبلي غراض اخذتهن منه وكال : ماطلعو

- لا واخاف اروح

- مااروح اني هم شنو تريدينة ينهيني اليوم

ضحكنا اني ويا اجة يمي يساعدني ويبوس ولاعبالك قبل شوية متمالخين الحلو بي ينسى ما يضل حاط بكلبة باسني بركبتي نفتحت باب الاستقبال ركض باب المطبخ ضحكت علية وهوة يسوي بسيطة

طلعت صباح واجت يمة حضنته وبجت اني كبل طفيت الطباخ وضليت اباوعلهم وخرها من حضنة يمسح بوجها : شبيج؟

صباح : هاهيه خوية نطلك وابني يمي وهوه من يريد يشوفة ياخذة

يس سكت حضنها واني الحسرة ضلت بلعومي ماردت يوصلون لهل مواصيل بس علاقتهم غلط بغلط اذا كبر ابنهم وهمه على هل وضع يدمر خطية ..

طلع اسحاق اعتذر من يس باس راسي وطلع ركضت ورا

- ضل على العشة حبيبي حسبت حسابك

اسحاق : ماتقصرين حبيبتي مااشتهي العسل هسه

 ديري بالج عليهم والله كريم للجاي

باسني وطلعت ضليت مادة راسي اباوع ؏َـليۿ وكلبي مكسور كسر فزيت من جرني يس وسد الباب : لزمتج ، كم مرة كلت هل راس الحلو ما ينمد برة

- اهو جفلتني يس صدك جذب غير اودع اخوي

 - جا واني

- انت مو مكابلني وكاعد شو وخر

ضحكنا طبينا صباح صافنة على زيد كعدت يمها ويس يمكم الصينية اصلان متعود هوه يكملها كتلها : عذريني خاف قسيت عليج بالكلام بس كلشي لحجيته لصالحج قبل صالح اخوية الاحسن كل واحد بيكم يبتعد لان كل ما جاي تحاولون تضغطون على روحكم حتى يكمل الزوج جاي تفشلون ويضيع عمركم

صباح : راح يروحلها 

دموع: وين يروح حبيبي هوه عايفها من زمان والي اعرفة مسافرة هيه...

________

مروج ..

اول يومين جانن حيل صعبات

مكان جديد لغة جديدة جرح بعدة ما ملتم كساع يلجمني

اخلص الليل اكتب وابجي 

ساعة اجتي مشاهد قصيرة عن حبي اني ويا

ساعة مشهد فراقنا كساع اذكر وجها وهوه يبشرني بحمل زوجتة

شلون خدعني وجذب علية

شلونً نطاه كلبة

بجيت وطفيت الضوه ضليت ابجي لحد ما نمت

كعدت على صوت عائشة

عائشة : - مروج حبيبي كومي

فتحت ؏ـيونَيہ بسرعة خايفة عليها : ها عائشة شبيج متوجعة شـَڪو

- اي راح اموت من الوجع راح ياخذني قاسم للمستشفى تجين

- اي اكيد 

خطية طلعت وهيه تمشي على كيف وتسند على الحايط باوعت للساعة ب٥ ونص واني نمت ب٣ راسي حسيتة  ينفجر

 بدلت بسرعة وطلعت لكيت عمي يطلع بجنط المستشفى لزمت جنطة ويا وعائشة جان مصعدها بسيارة صعدنا وعمي ساقة بسرعة وصلنا للمستشفى القريبة علينا خابر عمي على دكتورتها نص ساعة واجت 

ضلينا ساعة ننتضر جان نسمع صوت طفل

كلبي نشرح من الفرح باوعت لعمي عيونة تلمع حضنته فرحانين شوية وطلعونيا لافينة وخلتة الممرضة بيد عمي تباركلة بالانكليزي هوه بس يهز براسة صاحني : مروج تعالي شوفي علي

مشيت يمة بسرعة سبحان الخالق قطعة ثلجية وحمرة سمين

 بس لزمت خدة كام يتنوص ضحكت فرحانة اطخطخ بس وعمي اذن باذانة الفرحة البينا مجانت واسعتها الدنيا 

بس كلشي تغير من طلعت الممرضة مدري شحجت بسرعة وركضت عمي حط الطفل بيدي وركض جوة

خفت حيل منا خفت على عائشة

ومن خايفة على علي عمي من صدمته نسى اني بحياتي مشايلة طفل ضليت جامدة على حركتي اجتني الممرضة تحجي وتاشرلي 

كل عقلي عبالي تريد تخطفة شـَڪد كرهت روحــي لان ماافتهم شنو يحجون حطيتة بحضني وخرت منها وهيه بس تكول مدام بليز 

اني بس هاي افهمها ومجاي افهم بليز على شنو شتريد من الطفل اجة عمي شايل بطالة دم اطاهن للممرضة الاجتة ورجعلي لكة هاي دردم يمي واني ضامة علي بحضني ابتسم وكلي

قاسم : حبيبتي عمو تريد تبدلة وترضعة

- عمو تريد تاخذة جذابة صارها ساعة تأشرلي تكلي نطينيا

اجة يمي حضني وباسني : فدوة للتخاف على اخوها

اطيهيا بنيتي يكملون ويرجعو النا

ماعجبتني ثقة عمي بيهم نطيتها الطفل هيه مبتسمة واني ضايجة حضني يضحك : عمو شلون تثق ياخذنة

- عمي هنا مو العراق كلشي قوانين 

ابسط غلط تضيع حياتهن بسجن

- ميخالف عمو هم ميصير نطي ، عائشة ترضعة المن الممة هيه مو امة ، صدك هيه شبيها

- مابيها يروحي نزفت احتاجو دم رحت جبت

هزيت راسي وعيني على الغرفة والطريق كساع تمر وحدة عبالي جابو نوب كل مايمر الوقت الزم كلبي طلعت ممرضة حجت ويا عمي

قاسم : عمي تكول عادي نفوت نشوفها تجين

- لا عمي انتضر علاوي

ابتسملي وطب ضليت انتضر هاي شوية واجت شايلتة هم مدري شضلت تحجي واني اعصابي تفور واغم روحــي شكبرني ماافتهمها اخذته منها وكتلها ثانكيو بس هاي فالحة بيها اني 

اخذتة وطبيت لعائشة لكيت عمو كاعد يم راسها ولازم ايدها تقدمت يمها وقربتلها علي

- شوفي منو جبتلج 

يكول جوعان اريد عم

ضحكت وهيه تكول : من بديتي تحجين جنتين وين مشوفين تكوليلي اريد عم

بستها وتحمدتلها بسلامة حطيت علي يمهم وكلت لعمي اريد كهوة خطية نطاني الكارت وعلمني شلون اخذ من المكينة كتلهم محد راد شي عفتهم وطلعت 

مشيت بالممرات المستشفى حيل حلوة ونظيفة اذكرت مستشفياتنا اليدخللها عايش يموت وصلت للمكينة 

جنت مدنكة جاي احاول اقرة وين الايس كافيا اجة واحد مثل الحيوان يمشي بسرعة ولطخني  رفعت راسي وكلت : كبر

سليم : اليكبرج ..

                  الفصل العشرون من هنا