رواية مسار اجباري الفصل التاسع عشر19بقلم منه محمد
في السرايا تحديدا في غرفه الصالون
ثريا دخلت صافحته: اهلا يابني
امجد سلم بأحترام: الحمد لله
ثريا: بصراحه طلبتك هنا عشان عايزه اتكلم معاك , بس الاول طمني ع صحه والدتك , سمعت انها كانت تعبانه شويه
امجد: الحمد لله صحتها اتحسنت عن الاول, سكرها بس نزل شويه
ثريا: طبعا انت عايز تعرف ليه جيباك هنا, انت دلوقت خاطب منال , مالك ومال علا بنتي
امجد: ياثريا هانم الاول اسمعيني
ثريا بحده: اسمعني انت , بنتي حكت لي ع كل حاجه عنكم كنت زميلها وبتحبها, بس خلاص انت دلوقت خطبت منال, وانا الي بقولك اتجوزها , ومتجريش وري بنتي , وسيبها في حالها
امجد بضيق: انا معرفش علا حكت لك ايه عنها وعني, لكن مش زي ما حضرتك معتقده
ثريا: وانا مطلبتش منك اي تفسير , عايزه اقولك احنا عيله محترمه , وانت شاب ابن ناس كويسه وهتاخد بنصيحتي وهتعملها , والا هتكون مسؤل عن خسارتك بنفسك ,تحب تشرب حاجه
امجد قام مستاء وقال : لا متشكر
ثريا تابعته بعد ما غادر المكان وطلعت وفتحت الباب ع علا الي كانت متوتره
علا جريت عليها: ماما انا مستياكي من بدري ,ها اتكلمتي مع امجد
ثريا: ايوه اتكلمت
علا بحماس: احكيلي قلتي له ايه بالظبط
ثريا: جبتهاله ع بلاطه انه يبعد عنك وينهي العلاقه الي كانت ربطاكم ببعض نهائي , وهو خطيب منال وبس ويتجوزها قريب , وده احسن له, وليكي انتي كمان
علا بصرخه: ازاي تعملي كده انا وثقت فيكي , وانتي جيباه تقوليله يتجوز منال, ازاي وطالما عملتي كده يبقي تسمعي , انا مش هسمحلك تعملي مني ولا شئ, ومش هسمح لاي حد مهما كان هو مين يسلب مني حقوقي
ثريا: اظاهر انك اتجننتي ,اقعدي بهدوء , وفكري بعقل
علا: مش هقعد ولحد هنا وكفايه تحكمات فيا , سامعه
ثريا بصتلها بغيظ وسابتها ومشت
علا : الو امجد
امجد: انتي عايزه مني ايه بعد ما امك اهانتني في بيتكم , وانا قاعد دمي محروق بسببك
علا: امجد صدقني مكنتش اعرف حاجه ان ماما هتتكلم معاك بالطريقه دي, انا كنت فرحانه ومفكرها هتتكلم عن حبنا
امجد بغضب: انتي اتلحس مخك بتتكلمني عن حبنا لتاني مره
علا: افهم انا بحبك اوي ووقعت في مشاكل كتير, ولسه بتعاقب ع اني سيبتك انت مش عارف انا ازاي بعاني لحبك ليا
امجد: واخدتي عقابك وخلصنا , واسمعي اياك تتصلي بيا بعد النهارده
علا: اسمعني واياك تقطع المكالمه
امجد بدون اي تردد قفل الخط في وشها
علا كسرت كل حاجه قدامها وهي بتصرخ: انا قيمتي ايه في البيت ده ,غير ان حياتي ادمرت
..........قصص منه محمد كاتب.........
في الصالون
منال بسعاده: شوفتوا مش قلت لكم ماما هتخف قريب , وهترجع احسن من الاول
ثريا : وانا كمان فرحانه جدا, مديحه انسي الي حصل وابدئي حياتك من اول وجديد, الحياه لسه قدامك
مديحه :انا مبقاش في قلبي ضغينه لاي حد, والي حصل اعتبرته قدر
منال: خدي يا علا الشربات
علا بتكشيره: انا مش بشرب شربات اديها لمراه عمي اسمهان , لانها احق اصلها خدمت امك كتير ودلوقت بقت في مكانه كبيره في البيت
ثريا بنفعال: بتقولي ايه ياعلا
علا: في ايه يا ماما انا بهزر ليه اخدتوها جد كده , انا فرحانه اوي فطبيعي اهزر شويه
منال: هي عاداتها ولا هتشتريها في هزارها التقيل
ثريا لعلا: البيت ده زي ما ليا فيا اسمهان ليها فيه حتي مديحه فاهمه
مديحه: انا لو هنا عشان بناتي
حكيم فات وقال: واحنا لو اتساهلنا واتسامحنا معاكي فعشان البنات
مديحه: منال دخليني الاوضه قلبي اتقبض
..............قصص منه محمد كاتب..........
اطياف لمحت السايس بيبص لصبيحه نظرات كلها حب وغرام وهي كذالك وطنشت ودخلت غرفتها
اطياف رايحه جايه وبصوت مسموع لنفسها: ليه حاسه ان الاتنين دول بيحبه بعض
امير دخل وخبط ع كتفها: مين الي بتتكلمي عنهم؟!
اطياف لفت وبصتله: ولا حد
امير: بتكدبي قولي الحقيقه
اطياف: سبق وحبيت واحده اكيد الاجابه لا, لان الحب ده بعيد عن قلبك مفيش عندك غير الغضب والكراهيه للغير وبس
امير رفع حاجب : , انا كده
اطياف, ايوه وبقول الحق صح
امير: ايوه لان الحب بيضعف شخصيه الراجل , وانا مستحيل ابقي واحد منهم
اطياف: مين قالك الحب بيضعف شخصيه الراجل , الحب ده اجمل حاجه في الوجود بس انت عشان عقلك مش بتشغله فصدا من عدم الاستخدام
امير : بجد انتي فظيعه وماليا عليا حياتي بكلامك الكبير
اطياف : اتريق الحب ده الي بيشعر بيه الانسان الي عنده قلب , لانه اجمل احساس
شوقيه خبطت ع الباب ودخلت: ابله اطياف ست مديحه عايزكي
اطياف عيونها ع امير وقالت: انا جايه وفكر في كلامي
امير هرش في دماغه: اقعد افكر في ايه الحب وشعور القلب دي جن جنونها ع الاخر
...............قصص منه محمد كاتب................
ثريا: علا ليه منزلتيش , يله انزلي عشان تاكلي معانا
علا: مش هاكل, انا عامله اضراب عن كل حاجه
ثريا: ومفكره ان ده هيفرق عندي, فوقي لنفسك , غير كدا بأسلوبك هتقوم عاصفه كبيره بسبب عدم احترامك ,ومحدش فينا هيقدر يوقفها
علا: الي عندهم حاجه يخسروها في الحياه بيخافوا من اي عواصف ,بس انا مبقاش عندي حاجه اخسرها , عشان كدا مش خايفه خلاص
ثريا: بقيتي وقحه
حكيم دخل بستفهام: فيه ايه ياثريا ليه بتزعقلها
ثريا بخنقه : بنتك قدامك اسالها عن السبب
علا: بابا مش انت بتحبني
حكيم ابتسم وقال : طبعا بحبك, انتي بنتي الوحيده ونور البيت وحبيبتي , يله قوليلي في ايه واطلبي اي حاجه من ابوكي
علا : انا بس عايزه استعمل حقي ,واتكلم معاك في حاجه
ثريا برقتلها بتحذير وقالت: ايه الي حصلك مشكله بسيطه ليه تزعجي ابوكي , انا هقولك علا كانت عايزه تزور واحده صاحبتها , وطلبت اذني ولما رفضت زعلت مني ,وقررت تقولك
حكيم ضحك وقال: وليه تمنعيها سبيها تروح زي ما هي , عايزه تقابل اصحابها وتفك عن نفسها وترجع مبسوطه , هبلغ السواق يوصلك اجهزي وتعالي
علا بشخط: ليه كدبتي عليه كنت هقوله الحقيقه
ثريا اتعصبت جدا: انتي اتعبطي هتقولي ايه لابوكي , انك هتخطفي خطيب منال , وعايزه وبتحبيه عشان يخنقك لحد ما تموتي , ولا كان هيجوزهولك
.................قصص منه محمد كاتب............
علا: امجد
امجد لف بصلها: بتعملي ايه هنا
ععلا: انا مستنياك من بدري اتأخرت ربع ساعه وخمس ثواني واقف يله يله بينا
امجد: يله بينا ع فين
علا: اي مكان وبعدين هتقف نتكلم في الشارع ممكن نتكلم واحنا قاعدين في العربيه
امجد: لو روحت معاكي كدا هتأخر ع امي’ وبعدين مكنش ينفع تيجي هنا ولو عايزه تروحي اي مكان روحي في اي داهيه
علا: هروح لاني مبقتش اهمك وبعدين كنت عايزه اعتذرلك وفضلت اتصل بيك وانت رافض ترد ومش عايز تكلمني ولو روحت بيتكم امك مش بتبقي طايقه تبص في وشي عايزني اعمل ايه لما مجيش هنا وبصراحه معنديش مزاج اتخانق يله نمشي نعمل شوبنج
امجد: هو انتي غبيه مش فاهمه الي بقوله ازاي تفكري مجرد التفكير اني همشي معاكي في اي مكان
علا: لو متحركتش معايا حالا هفضل واقفه هنا وهقعد ع الارض
امجد بصلها: بتعملي ايه هو انتي ناويه تخليني فرجه
علا رفعت عيونها وبصتله وهي قاعده ع الارض: انت الي هتخلينا فرجه مش انا
امجد بحده: انتي هتمشي ولا لاْ
علا: انا قاعده هنا خليك واقف
امجد: لو هتفضلي قاعده كدا انا همشي
علا قامت تجري وراه: خدني معاك
امجد لبس النضاره وسابها وهي جريت ركبت العربيه معاه لكن للاسف منال كانت جياله وشافتهم
.........قصص منه محمد كاتب.................
امير دخل وقعد: ياعمي بدئت امور دوشه تحصل اليومين دول وعدد قليل من اهل القريه بتتكلم من وري دهرنا
حكيم: متوقع ده يحصل بس اعرف لي مين الكلاب دول وهاتهم هربيهم بنفسي , واخليهم غصب عنهم يكتموا
امير: انا اعرف ازاي اخرسهم كويس بطريقتي, بس شايف مش هيبقي في صالحنا , وهيحصل تمرد , واحنا داخلين ع انتخابات
حكيم: تمام سايس دلوقت لبعد الانتخابات , وبعدين ابن عم صبيحه مش هيقعد ساكت لو متكلمش النهارده هيبقي بكره, سلمها لابن عمها وخلص الموضوع ده بأسرع ما يمكن
امير: تمام هجيبه الليله يكتب عليها, بس المشكله في اطياف
حكيم نطق بحزم : وانت لزمتك ايه ,سيطر عليها , معرفش ليه البت دي مهتمه بغيرها , وعيب في حقك تكسر كلمتك , المفروض ان ده ميحصلش, مش معقول حته مره هتمشي كلمتها ع الرجاله
امير: سيب لي الموضوع ده مش هخليها تعمل حاجه
حكيم: لو حجرت دماغها اتعامل معاها بقسوه, البت دي لازم شوكتها تتكسر وتتربي , انا لو تدخلت هبعتر كرامتها خلص انت اللامر ده بنفسك , ورجع لينا احترامنا , وقولها بلاش تتعاطف مع بنت زي صبيحه وخلص في اسرع وقت ممكن
صبيحه الي كانت واقفه وسمعت كل كلامهم طلعت تجري ع اطياف
صبيحه: الحقيني يا ست اطياف ابوس ايدك انقذيني
اطياف: في ايه مالك خايفه كده
صبيحه بدموع وشهقات: : هيخدوني انقذيني هيجوزوني بالغصب , ارحميني ابوس رجلك_ نخت ع رجول اطياف بستعطاف
اطياف مسكتها من ايدها وبغضب: سيبي رجلي كام مره قلت لك مش بحب كده , واوعي تتذلي نفسك لحد , تعالي اقعدي وفهميني بس الاول اشربي شويه ميه , وقوليلي براحه فيه ايه
صبيحه بدئت تحكيلها الي سمعته واطياف مسحت على راسها برفق لما عرفت ان صبيحه بتحب السايس وهو كمان بيحبها وقررت تساعدها بكل طاقتها
............قصص منه محمد كاتب..........
منال رجعت السرايا ودخلت: السلام عليكم
ثريا: وعليكم السلام
منال: متعرفيش علا راحت فين
ثريا: خرجت مع واحده صاحبتها تشتري حاجات
منال: امال ليه شيفاها مع امجد في عربيته
ثريا: ايه علا وكانت بتعمل ايه معاه
منال: معرفش انا زيك متفاجئه ادخلي انتي لاني مش عايزه انا وهي نتخانق
ثريا بهدوء: اطلعي انتي وانا هشوف الموضوع ده
منال: عن اذنك
ثريا: واخيرا حصل الي كنت خايفه منه
اما منال طلعت غرفتها والحيره جننتها مسكت الموبيل واتصلت بسرعه بيه
امجد رد بهدوء: مساء الخير يا منال
منال: مساء النور بتعمل ايه
امجد: ابدا قاعد في المكتب
منال: قاعد في المكتب , ولا قاعد مع علا
امجد: علا
منال من بين دموعها: ايوه انا شوفتها قاعده في العربيه معاك
امجد بدء يتوتر : اه انا لمحتها بالصدفه واقفه قدام مول وكان معاها اكياس كتير عرضت اساعدها منال هي بنت عمك مش معقول اسيبها واقفه في الشارع لازم اهتم بيها عشان انتي متزعليش لو رجعت وحكت لك ان خطيبك سابها مش كده
منال: اه قومت بواجبك وانا بستفسر منك ع العموم سيبك , والدتك عامله ايه
امجد: الحمد لله كويسه , بس معلش معايا مكالمه مستعجله هكلمك بعدين
.......قصص منه محمد كاتب...............
علا مسكت ايدها بسعاده: تعالي يا ماما, تعرفي انا مبسوطه اوي
ثريا: واضح فعلا انك مبسوطه ع الاخر
علا:هو واضح اوي كدا ع وشي , تعرفي اشتريت هدوم كتير هفرجك شايفه الفستان الشيك ده وده كمان جبتهولك معايا
ثريا: روحتي مع مين
علا: هروح مع مين روحت مع صاحبتي
ثريا: انتي كدابه كنتي مع امجد ومنال شافتكم سوي بنفسها
علا: اه كنت معاه
ثريا: ده انتي فجرتي خلاص ومبقاش ليكي حاكم , فهمتك كذا مره لايمكن يحصل علاقه بينك وبينه
علا صرخت بحده : وانا مش هسيبه, امجد ليا لو مش موافقه انتي حره, بس هتجوزه دي حياتي وده الي انا عايزه فيها , انا بحبه وهفضل وراه , ومحدش فيكم يقدر يمنعني عن حبه
ثريا ضربتها بالقلم: اخرسي يا سافله يا منحطه , وده قراري الاخير مش هتاخديه علي جثتي
.......قصص منه محمد كاتب...............
امير دخل لقاها قاعده ع الكرسي: انتي لسه صاحيه فكرتك نايمه
اطياف: بفكر ارتكب جريمه في عمك
امير ابتسم: ايه الظلم الي عمله عمي فيكي دلوقت
اطياف قامت وقفت قدامه: لو سألتك ع حاجه ,هتجاوب عليا بكل صدق
امير ضم حواجبه بتعجب: فيه ايه مالك جديه ليه كده , وبتقولي حاجات غريبه ,في ايه
اطياف: هتجاوبني بصراحه
امير ميل عليها بمرح: هجاوبك بكل صراحه ,بس هاخد كام, واعترفلك بالحقيقه يله اسالي اطياف: هتجوزه صبيحه لابن عمها بكره
امير : مين قالك
اطياف: جاوبني حصل ولا محصلش
امير : انتي كل تفكيرك في مشكلتها , قلت لك الف مره متدخليش في شؤن غيرك, وصدقيني مفيش جريمه هنعملها في حقها ,ابوها نفسه موافق
اطياف: لو الجوازه دي ضد رغبتها تبقي باطل , حتي لو ابوها نفسه موافق , بس انتم عادي متعودين ع الجواز بالعافيه , وشايف مفهوش اي جريمه , لا هو جريمه لما عمك حبيبك يجوز صبيحه لواحد اكبر منها ومتجوز تلاته غيرها يبقي جريمه
امير: وانتي مين الي قالك كل ده
اطياف: رد عليا اه ولا لاْ
امير: اه هو كدا وبعدين انتي ليه منفعله كدا
اطياف: جاوبني ايه الي هتستفاده لما تجبر البنت الغلبانه دي تتجوز بالغصب
امير بغضب شديد: انا مجبرتهاش بأي شكل من الاشكال انا بنفذ الاوامر, واظن انتي عارفه كويس عويدنا وتقالدنا , ومع ذالك سيبتك تعملي كل رغباتك , وسمحت لك عليها رغم كنت ضد ده , واه اتجوزتك بس لان فيه وصيه وامك كانت عايزه كده وطلبت من ابويا من صغرنا انا وانتي نكون لبعض وتبقي مراتي , رغم انتي لا شبهي ولا زي , واتساهلت معاكي عشان بس ترضي تعيشي
اطياف: مش عايز تستغل الفرصه دي للتوبه , ومتعملش معاها زي ما عملت معايا
اميرمسك كتافها بهدوء: اطياف لسه في وقت ابعدي ومتدخليش في مسأله صبيحه سبيها لنصيبها , وبعدين عرفيني لحد امتي هتفضل معاكي اسبوع , شهرين وبعد كده مش هتفضل قاعده للابد , وكل الي عايزه عمي هيحصل وقلت لك ده قبل سابق
اطياف: اي شخص يعتبر نفسه قوي زي ما هو عايز, في يوم هيواجهه عواقب قرارته الغلط وغصب عنه هيكون عاجز وضعيف قدام نفسه الظالمه
امير بصلها وهرب منها ومشي وهي طلعت للجنينه واطمنت ان مفيش حد سامعها واتصلت
اطيا: الو رشاد
رشاد: اطياف انتي كويسه
اطياف :انا كويسه
رشاد: اصلي مستغرب اتصالك
اطياف :متستغربش مش انت لسه صديقي
رشاد :ايوه بس طمنيني حصل ايه
اطياف :انا محتاجه مساعده منك لواحده تهمني , ياتري هتساعدني كصديق
رشاد :طبعا انا تحت امرك بس مين انا اتوترت
اطياف: انا اسفه جدا لاني اتصلت بيك متاخر ودي اخر مره ازعجك فيها ,بس انا فعلا محتاجه المره دي لمساعدتك ومحدش هيساعدني الا انت
رشاد :متتاسفيش انا هبقي سعيد لانك لسه فكراني ومعتبرني مش غريب , ماهو الانسان ميطلبش المساعده الا من حد يكون قريب منه , وانا بجد حاسس بحاله كويسه بعد الي حصل بينا اخر مره وحاسس اني قريب منك
اطياف: بصراحه عايزك تخبي واحد وواحده انا ههربهم من البلد
رشاد :مين دول بس اوكيه امت