رواية عشق الثأر الفصل العشرون20بقلم مينة طلال
- غشيتني !
عيونك شـَڪد جانت بيهن هلا من جنت ما اعرفك ..
_________
مُروج...
رفعت راسي بعصبية اريد ارزل هذا قليل الأدب خاصتاً من ردة عرفتة عراقي وانصدم ...
- سليم ! شجابك هنا ؟
سليم : مروج ؟ انتي شجابج هنا ؟
لزم راسة يردد يالله دخيلك جاوبته
- عمي نتقل نعيش هنا تعرف كلشي عاف بالعراق
سليم : اي اي اني الاعرف ، بس يعني مو عساس انتي واسحاق تزوجون وتحبون بعض شعجب اجيتي ويا عمج ؟
الغصة وكفت بلعومي تلعثمت وبلكوة جاوبتة : كلشي نتهى ماكو شي بينا بعد ..
حك شعرة بعشوائية اجاني صوت عمي من وراي
قاسم : مروج ضل بالي تاخرتي
بس وصل نصدم بسليم مثلي كبل كالة
- ها ولك ؟
سليم : الك وحشة استاذ ، سبحان الله الدنيا صغيرة رغم ابتعدنا شوف شلون جمعتنا الدنيا ..
قاسم : ماعفتكم ردتكم تجون يمي ماقبلتو
سكت عمي ورجع كال : استقريت هنا ؟
سليم : لا استاذ احنا بنسلفانيا استقريت ويا عمامي
بس عمي ساءت حالته شوية ونتقل على هل مستشفى واجيت ويا وبصدفة شفت ست مروج ... ڪُلـش فرحت بيكم حسيت شفت اهلي تعرف الانسان من يسافر تاكلة الغربة
ضليت ساكتة بين ماتبادلو الحديث سلمو ورجعنا وعيون سليم تراقبني حسيتة للحظة يكول : بسبب هل انسان ضيعتيني !
طبيت لكيت عائشة نايمة هيه وعلي كعدت على الكرسي عمي بصفي حط ايدة على ظهري شربت كهوتي واني اذكر فرحة اسحاق من سليم كله ماعدي شي وياها
_____________
الماضي...
من تبادلنا المشاعر اني واسحاق جان الشيء الوحيد كدامنا قبل لاتصير قصة بنت عمة هوه سليم وخوفنا علية لا ياذي نفسة
جنة كل لقاء نفكر ونخطط شلون نصارحة بدون مانجرحة وشلون نحجيلة حبنا
لحد ما اشجع اسحاق وقرر يروح يواجها
بيومها اتفقنا نتعشا سوة كال اذا اتاخر ساعة عرفي السالفة ما رهمت
اجهزت واني ادعي الله يسهل وفعلا بعد ما وصلت بنص ساعة اجا اسحاق والضحكة مالية وجهة بس وصل يمي حضني قوي وجان اول مرة يحضني
اني جنت دائما ابوسة بسلام هوه يخجل
من فرحتي بحضنتة حتى ماسألتة بس وخر كال
اسحاق: وج كال انت اخوي وهيه اختي واني افرحلكم
وافق مروج وافق
فرحنا بيومها هواي وضلينا لوقت متاخر وصلني ورجع الليل كلة نتصل وكالي سليم راح يسافر ضجت شوية بس جان هذا الاحسن لان علساس جان المفروض زوجنا بشهر واحد
____
قاسم : مروج ارجعج للبيت
مروج!
فزيت من صفنت : ها عمي
- بيج شي حبيبتي!؟ شنو ضوجج سليم
هزيت راسي بقوة : لا عمو خطية كلشي مسوة بس شردت شوية شنو جنت تحجي
- كتلج ارجعج للبيت انتي منايمة والحمدلله وضعهم زين , يمكن يطلعونا العصر ليش تضلين تعبانة ومكسرة
- اذا ماتحتاجني ارجع
كمنا طلعنا لان نايمين ثنينهم راح للممرضة وصاها عليهم ورجعني للبيت بس امن علية وشافني طبيت غرفتي قفل الباب ورجعلهم
اني هم من التعب نمت بملابسي بدون مااحس بشيء بعد فزيت على بجي طفل هجم البيت هجم
كمت من فراشي ركض اجة بالي جايبين علي وبي شي وجاي يبجي
ركضت طلعت من غرفتي ادور الصوت جاي من الصالة ومن اوصل اشوف عائشة حاطتة بصدرها بس ماياخذ رضاعة يوخر ويصرخ وعمي مكابلها صافن ميعرف شيسوي
ركضت عليهم
- عائشة اطينيا
اخذتة من ايدها وهيه تبجي لان وضعهم هيج وعمي يباوعلي حطيته على كلبي وكمت اسوي هشش اوو بصوت ناصي واتحرك بي بهدوء
بجية شوية شوية نصة لحد ما تثاوب ونام
ضلو ثنينهم يباوعولي واني اباوع بوجه علي ومبتسمة حجه عمي بصوت ناصي
قاسم : بنتي صايرة ام واني ماادري
ابتسمت بوجهه واني اذكر اخر لقاء ويا اسحاق قبل لا اسافر
جنت نايمة اتصل علية العصر فركت ؏ـيونَي وجاوبت
- مو كلتلك انساني ، شعدك تتصل بية ماعدك احساس ؟..
ماسمعت اي صوت غير طفل ناط بجي وهوه جان يحاول يحجي بس ميكدر من توترة رجعت كلت بخوف
- شبي الطفل شسويتلة؟
اسحاق: اخذو امة للفحص راحت وياها دموع وعساس بقيت اني ابو وهل تشوفين الوضع ولله راح يموت بين مايرجعون
مروج : شربتة حليب؟
- شرب ولله ومبدل بس مدري شبي ماسكت
- اي طفل بدنيا بداية حياتة مايسكت يكون خايف ويدور حضن ، خلي بحضنك واهمس باذنة هشش على كيف هسه يهدء تلكة اشتاق لامة
خلصت حجي واني ابلع بريكي امنع روحــي عن البجي
مجاوبني كمت اسمع بس بجي الطفل وصوتة هوه ويمشي شوية وصار صوت الطفل ڪُلـش قريب كال : حطيتة بحضني سويلة اش
مسحت وجهي بيدي اصبر روحــي صوت بجي الطفل بعدة كمت اهمس : اشش اشش حبيبي وليدي هسه تجي ماما لاتخاف يلا حبيبي هشش
ضليت اهمس واسوي تونات هادئة وشوية شوية هدء الطفل اجاني صوت اسحاق
اسحاق : مرجي نام
نزلت دمعتي سديتة بوجهه وركعت المبايل بالكاع وكعدت ابجي
- اخخخخخ ياربي
___
عائشة : بنتك بعد اكيد تعرف كلشي
ابتسمت الهم وحجيت بغصة : سكتت ابن اسحاق بهل طريقة
بلعت ريكي بصعوبة مانعة دمعتي تنزل كدامهم كملت بالكوة والعبرة خنكتني : عائشة حبيبتي يمكن ماعندج حليب ارتاحو واخذو لطبيب يكتب حليب الة
خليتة بحضنها وركضت لغرفتي قفلت الباب علية وكعدت ورة الباب ابجي ابجي حسيت بجي الدنيا اجتمع بروحي ..
____
أسحاق
- بشنو غلطت ويا غلطتي مجاي اعرف
هل لان حبيت من صدك الدنيا وكفت بوجهي
لو لان نويت اساعد انسانة حتى ماينكسر بختها
لو لان نويت اترك الحرام واتجه للحلال
ما اعرف..
الي اعرف الكل طلع من القصة ربحان بس اني خسرت
وصلت للبيت الهدوء البي يشبه هدوء المكبرة
مابيها صوت بس جواها الالف الاروح الي تتعذب
طفيت كل الاجهزة والاضوية قفلت البيبان والمبايل طبيت لغرفتي ونمت
اي نمت حلي الوحيد جان الهروب
من شنو اهرب بس؟
من نفسي من الماضي من الحاضر مااعرف
كعدت على دك الباب جان ينك بقوة
مططت جسمي واني اشوفها ب١ الظهر
مااهتميت مشيت للباب وجنت متوقع من غيرها يفكر بية؟
دموع : شبيككك شبيككك ، ماتكول اختي خطية
ولك راح كلبي راح واني اتصل اجيت ركض حتى غداء مسويت
حضنته وبستها براسها : انتي لوتية كاعدة هسه وشردتي يمي حتى متسوين غدة
ضحكت وحضنته : لا ولله اصلان عدنا هواي اكل قديم نحمي بس بالي يمك من رجعت منا اتصل عليك مااحصلك كعدت واجيتك
- اجيتي وحدج دموع؟
- لا جبت عمو محمد جيرانة ذبني وراح
- واني شعرف من عمج محمد ، بعد لاتعيدها دموع عسا ما اموت لاتطلعين بدوني لو بدون رجلج
- تم تم ، ؏َـدڪم اكل جوعانة
ضحكت وكتلها : مو عدج هواي اكل
- ما سويتة غير اجيتك
هزيت ايدي طبينا للمطبخ كعدت على طاولة خليت نفاضة يمي طلعت جكايري ادخن كتلها : شلونهم؟
دموع : عرج مايطكهم هذا ابنك المخبل الليل كله يون شماله ماادري لاخليت ملاعيب لا اغاني اخر شي طلعت بي بشارع يلا سكت
- وين وين طلعتي ، ولج مروج شنو مالج رداد؟
- دموع دموع خوية!
- نفس القافية ، شلون تطلعين بليل رجلج وين
حجت وياي هيه وتاكل من سطل الروبة : سلمها تراب الله وكيلك عساس جابلنا غراض سهرة طب يخابر على شغل طبيت ورا لكيتة يشوخر ضلينا اني وصباح نفرفر بزيد ، بس شنو من زيد كيمر السدة حبيب خالتة
ضحكت على سولفها هيه طلعت تمن وبانية مال بارحة مااكلنا وخضرة ولبن سوت جاي وكعدنا ناكل
مجان الي نفس بس على واهسها صايرة تاكل اكل مال زلم ثنين حجيت وياها بشقة
- ولج صاير اكلج مال يس وثامر طابكتهم سوة
جانت تاكل ثريد بيها اكلت اللكمة وحجت بس صوتها مقهور عبالي ضاجت مني : اي ولله خوية مدري شبية
- اشاقة يروحي الف عافية لو تاكليني هم اشاقة وياج
- بس اني مااشاقة وياك صدك مدري شبية بس اكل البارحة لو ما يس جايبلي طن حلويات جان اكلت ابنك بليل
ضحكت وكتلها بشقة : خاف حامل
ضليت مبتسم بس هيه صفنت صفة عبالك اجتها لحظة ادراك لو استوعب وضعها صاحت جفلتني : عززززة
- ها ها ولج ، شمالج ليوم مسودنة
دموع : اسحاق اني حامل
سدت حلكة ورجعت كالت : شـَڪد ؏َـيب شلون احجيها بوجهك ، بس عزة يمكن صدك
فرحت لردة فعلها كتلها : اخذج لدكتورة تشوفين وضعج؟
- خاف مالك خلك؟
- صدك تحجي شعدي بحياتي غيرج اني
كامت حضنتني وبدت تشيل السفرة ساعدتها تريد تغسل المواعين مقبلت كتلها حضري روحــج رجعت تلبس عباتها واني طبيت للغرفة بدلت بقميص وبنطرون على السريع اخذت فلوس وجكاير وطلعت..
شفتها مبدلة كتلها يلا صعدنا بسيارة واخذتها لدكتورة الراجعنا بيها حمل صباح طبت واني ضليت برة انتضرها اجاني شعور غريب ، بهيج لحظة وحدنا رغم ازوجنا وعدنا عوائل بس نسينا كلشي ومشينا بس اني وهيه مثل مل حياتنا الراحت الكضيناها اني وهيا بكلشي وحدنا
طلعت من الدكتورة وجها يطي اللوان خفت والدم نشف بجسمي كلشي مو زين بدنيا اتخيلتة بس ردتها توصل يمي وتحجي
اجت يمي لازمة ورقة جبيرة كتلها : بشري
دنكت ساكت واني عقلي راح يوكف من التفكير : هااا
- احم حامل
- يالله
ردت بية الروح حضنتها واني احمدالله لان عقلي من شافها حامرة الف مرض طلعلي يمكن لان ما متعود على الفرحة وخرتها من حضني هيه ساكته وما تنطي اي فعل
- شبيج حبيبتي، اكو شي بيج شي ليش وجهج يطي الوان وساكتة ، كلت هسه تفرحين بهيج خبر خاصتاً انتي تحبين الاطفال..
- اسحاق اني اني ..
تريد تحجي ماتكدر حيلــჂ̤ نهد كل ضني حملها بي شي او هيه نوب اجر الحجي منها جر تلفت اعصابي نسيت اني اخوها الجبير واني ولد وتستحي مني مجنت افكر بس بصحتها حجيت بعصبية : شـَڪو دموع احجي لو اطب افتهم من الدكتورة
لزمت ايدي وكال : اسحاق اني بشهر الثالث
- اي حبيبتي بالخير والعافية صلاوات ، الله يتمملح ولله فرحتلح من كلبي راح اصير خال ، شمحلاته من شعور
- مو هنا السالفة
- شـَڪو؟
- اني اني .. حامل بتوم اسحاق
صفنت بوجها شوية يمكن ما استوعبت الموضوع هيه من شافتني ساكت بجت كبل : شفت حتى انت خفت شلون راح اجيبهم اخاف اسحاق اخاف
حضنتها واني اضحك: ولج فطيرة مااستوعبت انتي بنتي الاخذج للمدرسة وابدلج واكتبج هسه مرة وراح تجيبين جهال هذا السكتني ، ولج الف حمدلله عائلتنا راح تكبر ما نضل وحدنا
دموع : خايفة خايفة اسحاق شلون اكدر اربيهم اني البارحة زيد لو مو عزيز على كلبي جان شمرتة بشارع ماكدرت اتحمل
- اش اش كلنا يمج مو وكت هل حجي فرحي بجهالج ولج راح تصيرين ام ممصدكً اني من الفرح ودي اصيح برة راح اصصير خال ..
ضحكت وطلعنا بس صعدنا السيارة خابرت على عمي ويس وعمتي سويتها جماعية جاوبو كامو يتسالمون بينهم حجيت اني مسكتهم : عدي خبر شلون خبر الكم
عمتي كالت : ها غايب مات
- لاعمة مو لهل درجة خمفشاري
هاشم : شنو بعد عمك كول
يس : اكلك مرتي يمك
- اي كرة عينك
ضحكو كلهم حتى دموع كلتهم : راح تصيرون أجداج
عمتي وعمي ضلو يباركون كبل لكطوها الى يس الذكي السكتنا من كال : شنو بس لا صباح حامل
اسحاق : مرتك الحامل ياعبقري
سكت وعمي وعمتي يصحكون ويباركون كيفو اجة صوت يس ناصي : اكول ليش صايرة تاكل هواي
اسحاق : طبعا ، طلعت تاكل عن ٣ نفرات
يس : ماافتهمت
- يعني راح يصيرون عدك جهال هواي
عمتي هلهلت وعمي يضحك بس صوت ضحكته تجينا يس كام يهلهل ويا صوت امة واسحاق مات ضحك عليهم
للحظة نسينا مشاكلنا وهمومنا وشصاير ويانا ختم المكالمة وكال
اسحاق : شنو مشتهية بسرعة اول اكلة تجي بالج
صفنت افكر بعقلي ادور كلت بسرعة: كنافة حارة ولبن الله
باوعلي مبتسم : كنافة ولبن؟ سامعة طاطلي ولبن بس يلا يدللون ولد اختي
سقت مبتسم هيه قاطعتني تكول : واذا بنات؟
- ياحظي بعد يمة بنات اختي كل وحدة احطها بعين
دموع : حبيبي الله يحفظك الي
وصلنا بالكرادة محل اعرفة طيب بالكنافة كعدتها وطلب طلعت للمحل جبتلها بطلين لبن ورجعت اخذت الطلب وحطيت كلشي كدامها
- اكلو بعد خالكم هني ومري..
دموع : اكل وياي استحي
جاملتها اخذ شوية وهيه ماتقصر سودة علية تنمرت عليها وطلعت توكل نفرات وياها احنا وناكل خابرني يس
باوعتلها: مجايبة مبايلج؟
- لا اول مكعدت اجيتك ، كلشي مجبت
- الله يصبرني اني وهل ولد عليج
ضحكت ومستمرة تاكل عبالك نزللها طبق من الجنة جاوبت يس كال : وين انتو
- بالكرادة
يس : وين ماخذ مرتي وجهالي؟
- ولله همه اجو يم خالهم من الصبح يريدون يبشروني بجيتهم
ضحك وكال: لا صدك وينك
- بمحل *** ناكل تعال تلكانة بلاخير كاعدين رجعت اسوي روحــي اكل وياها وهيه تهجم وتبطل تستحي اجانا يس
يس : جا هيج انت واختك تفرفرون بدوني
اسحاق: احجي ويا روحك ما تلزم مرتك من صبح طالعة وحدها ، نوب وياها جماعة طلعت
ضحكو وكلت بجدية : دموع جديات انتبهي لروحج ولهل الاروح الي بطنج شغل ماشغل طلعات خلي الله بين عيونج ..
يس : لا صدك دموع سقت عنج الغطاء ومنا وجاي نتحاسب
شو احنا نحجي بشقة ونضحك هاي عوفي الاكل ونصبي مناحة بجي نحجي وياها نضحكها مايفيد بالف ياعلي كومناها سكتت وطلبت الها دلفري للبيت اخذها يس بعد ما ودعتني توصيني على نفسي ودموعها تجري
ضحكت عليهم ورجعت للبيت شفت المواعين ووضع البيت كرهت روحــي حيل رجعت خابرت يس اجاني صوت يضحك
يس : ها خال جهالي
- يس حاجيلي صباح ، فهمها كلشي حان ماضي وماعدي شي ويا احد ولاخنتها ، اصلان اني خنت مروج وياها
يس : صعب اتفاهم وياها لليل جانت تحلف بروح ابوي ماترجع
- والحل يس
يس : خليها تهدء ونشوف
سلمت علية سديتة صفنت على البيت حتى بعد مااكدر اخلي دموع تجي تسوي اي شي لان هيه حامل نوب توم يعني تعبها راح يصير مضاعف
استعانيت بالله ويديت اجرب مواهبي رهمت المواعين غسلتهن ورتبت المطبخ نوب طلعت جبت الصوندة فيضت البيت وتورطت امسح منا الكة مي منا بالساعتين اني انشف بي طكت روحــي لحد ما خلصت
خلصت وطبيت سبحت طلعت صليت وشغلت قران بالتلفزيون مااشتهيت اكل اصلان اني مجنت اكل بذيج الايام مافرق عدي الاكل طلعت المبايل اريد اطلع ادعية بتطبيق حقية المؤمن لكيت رسايل من رقم اجنبي طبيت كالت : اني سليم مااعرف توقيتنا شـَڪد يختلف من يصير عدك مجال راسلني خابرني ضروري
حطيت رسالتة وصفنت ...
____
بعد شهرين
مروج ..
كاعدة بغرفتي حاطة دفتر المسودة كساع اكتب مشهد الوداع
اكتب للنص واشك اكتب واشك مجاي يصير مثل مااريدة
اندك الباب صحت ادخل طب عمي اجة يمي وحط ايدة على جتفي
قاسم : ها بنيتي
- مراح اكدر اكتب عمي ، انت امنت بية بس اني فاشلة ، صار ساعة اكتب واشك مجاي يعجبني الحوار..
قاسم : بنتي كتبي واستمري انتي بنت قاسم واني متاكد كتابج راح يصير عالمي ، ميخالف حاولي مرة وعشرة لحد ماتوصلين لنقطة تعجبج..
- يعني تكول راح اكدر اسويها ، ما مرتاحة
- طبعاً، انتي تربيتي ، كل صعب تعبرينة ، والنجاح راح يدك بابج .