رواية مسار اجباري الفصل العشرون20بقلم منه محمد
اطياف دخلت لصبيحه: ها مستعده
صبيحه هبت من مكانها: ايوه وكنت مستنياكي
اطياف: فين حاجاتك
صبيحه: تحت السرير
اطياف: يله هاتيها
صبيحه: ابله اطياف انا خايفه اوي
اطياف: متخافيش جمدي قلبك, لازم تمشي من هنا, فكري في نفسك هتعيشي عمرك كله في خدمه راجل اكبر منك ,ومتجوز غيرك , عايزه تعيشي عبده
صبيحه بدموع كتير:لاء , ومش عارفه اشكرك ازاي انك وقفتي معايا, لو مكنتش معايا كان زماني ميته
اطياف: سيبك من الكلام ده واسمعوني حفتحلكم البوابه الخلفيه, ورشاد هيقابلكم عند المحطه وهياخدك يا حميده انت وصبيحه بعيد وهيشفلكم شقه تتجوزه فيها , وبعدها هيرتب معاك كل امورك
حميده السايس: ربنا يخليكي لينا يا ست هانم , ومننحرمش منك ابدا
اطياف: يله نمشي بسرعه بس استنوا ارد ع التلفون
رشاد: اطياف الجماعه عندك قدامهم قد ايه
اطياف: هيكونوا عندك بعد عشر دقايق
رشاد: تمام اول ما تخرجيهم ابعت لي رساله
اطياف طلعت ظرف من جيبها: خد يا حميده المبلع ده خاليه معاك
حميده: لا كتر الف خيرك , انتي عملتي عشانا كتير ,احنا نكمل
اطياف: انا مش بعمل معاكم معروف انا بعمل ده لنفسي, انا اكتر واحده عارفه يعني ايه تفقد الشخص الي بتحبه , انا بس بحاول اخليكم تعيشوا حياتكم , ده حقكم يله شيل الشنط بسرعه واستني لما اقولكم اتحركوا ع بره
حميده مسك ايد صبيحه وجري وري اطياف الي هربتهم لحد الباب بأعجوبه من غير ما الغفر ياخدوا بالهم واتصلت برشاد انهم في طريقهم له بعد خمس دقايق
اطياف: يله بسرعه وخدوا بالكم وانت ياحميده خالي بالك منها
صبيحه رمت نفسها في حضنها وانهارت في العياط واطياف باست ايدها وهي بتودعها ورجعت مبسوطه وحاسه بسعاده غير طبيعيه
........قصص منه محمد كاتب................
ثريا :هي البت صبيحه لسه نايمه روحي صحيها تنضف الجنينه
شوقيه حطت القهوه وردت قالت: صبيحه مش هنا
ثريا ضمت حواجبها: مش هنا امال راحت فين شوفيها في المطبخ ولا في اوضه اطياف
شوقيه انا لفيت عليها السرايا كلتها مش موجوده
ثريا: لو مرجعتش بيتها هتروح فين خلاص روحي انتي نضفي الجنينه
شوقيه حاضر بس الاول انشر الغسيل
ثريا اطياف صبيحه فين
اطياف صبيحه مشت من هنا
ثريا بستفسار: مشت راحت فين
اطياف :للمكان الي لازم تكون فيه
ثريا: هو انتي هتردي عليا بالالغاز , ماتقولي راحت فين ساكته ليه , ردي راحت فين٣
اطياف بقوه: هربتها من هنا
ثريا هبت من مكانها : ايه انتي عارفه عملتي ايه ع الاقل كنتي تقوليلي خلاص مش خايفه من عمك
اطياف : انا مش ندمانه علي الي عملته , من حق اي انسان يعيش من غير خوف من حد, وانا مش خايفه من حد
ثريا :لو مش بتخافي , هتخافي لاننا مسؤلين عنها مش انتي
اطياف :ده مش بيت ده قبر , واحنا اندفنا كنوع من العقاب
شوقيه طلعت : ثريا هانم حكيم بيه متعصب وطالبك تحت
اطياف: لو عايزه تقوليله اني هربتها قوليله, وانا مستعده لاي عقاب
ثريا : اطياف استني انا مش هجيب سيره عنك لعمك, ولا اي حد وخصا عمك مش لازم يعرف سامعه يا شوقيه
شوقيه :حاضر مش هقول
ثريا :ولو عمك سال حد فينا هنقوله منعرفش اي حاجه عنها , ولا نعرف مشت امتي وازي ,يله امشي يا شوقيه
............قصص منه محمد كاتب..............
تحت في المندره
حكيم بغضب جحيمي: كنتم فين يا تيران لما متعرفوش حاجه , ازاي البت دي تسيب البيت من غير اذني راحت فين يا غفير الغبره منك له
الغفير الاول: يابيه محدش فينا عارف مين هربها , انا لو اعرف الي عملها هفصل راسه عن جسمه
حكيم ضرب بالعصايا جامد ع الارض وصرخ فيهم: ازاي مشت وانتم قاعدين ايه نايمين ع نفسكم وهي طالعه محدش شافها اكلتها الارض , ولا طارت في السماء اتكلموا
الغفير الثاني : والله يابيه بقولك الحقيقه , انا فضلت صاحي طول الليل , ومشفتش حد دخل ولا خرج
الغفير الثالت: ولو فعلا طلعت البت دي من البوابه انا مشفتش اي حاجه
حكيم صرخ بصرامة مخيفة: يعني كلكم محدش عارف مين ساعدها تهرب من البلد, اكيد واحد فيكم متورط قولولي مين هو , البت دي معندهاش الشجاعه تتحداني وتتمرد علي اوامري, ثريا تعرفي اي حاجه
ثريا: لاء يا حكيم بيه انا لسه عارفه دلوقت وزي زيك معرفش البت دي هربت ازاي
حكيم: حته بت تهرب من بيت حكيم الدين ومحدش يعرف اي حاجه مفكرني غبي
ثريا : طيب ما نسال عنها اهل البلد
حكيم بحده: مش عايز اسمع كلمه تانيه , انا بس عايز اعرف اسم الي ساعدها وهربها بعيد عن البلد واتمرد عليا غوروا
...........قصص منه محمد كاتب...............
طالع من الحمام سمع رنه موبيلها قرب يشوف اسم مين هي خطفته من قدامه بسرعه
اطياف ردت: الو
رشاد: طمنيني عليكي عامله ايه
اطياف: انا الحمد لله وانتي كويسه
رشاد: انا رشاد مش واحده
اطياف بصت لامير: اه سامعه, قولي في ايه
رشاد: انا رشاد مالك يا اطياف
اطياف: ايوه يا بنتي عارفه, انا تمام
رشاد: هو جوزك جنبك
اطياف: واقف قدامي مباشره
رشاد: اه يعني امير قدامك , خلاص هتصل بيكي بعدين
اطياف اتحركت من مكانها : بتقولي ايه مش سامعه صوتك , ثانيه واحده هطلع في حته فيها شبكه شكل فيه مشكله في الاشاره , الو الو
امير بصلها وشك انها ممكن تكون صبيحه ميعرفش خالص انه رشاد
اطياف بعدت في الجنينه وبهمس: ها يا رشاد قولي ايه الاخبار
رشاد: اطمني علي حميده وصبيحه هما بقوا في امان , وعندك الوضع ايه
اطياف: كل حاجه تمام مراه عمي حكيم نبهت ع الكل محدش يجيب سيرتي
رشاد اتنهد براحه وقال: الحمد لله اطمنت عليكي , وهبقي اتصل بيكي مره تانيه
اطياف: رشاد انا حقيقي شاكره للي عملته , انت عملت مخاطره كبيره بالنسبه لي وصبيحه بتتصل بيا تطمني , وكنت مبسوطه جدا , وبجد الف شكر , لو موقفتش معايا يمكن مكنتش هحس بشعور الفرحه دي ابدا
رشاد ابتسم: انا مستعد اقدم حياتي عشان سعادتك , وبلاش تشكريني تاني من فضلك , مع السلامه
.............قصص منه محمد كاتب.........
السكرتيره خبطت ع الباب وقالت: عفوا بس فيه بنت بره طالبه تقابلك
امجد رفع عن الملف وبصلها و وسألها : مين ؟ قالت لك ع اسمها
السكرتيره: بتقول منال
امجد: مين
السكرتير: منال
امجد: دخليها فورا
السكرتيره: امرك يافندم
امجد فكر في شئ ما ثم قال و هو يغلق الملف : ياتري جايه ليه فجأه كدا
علا دخلت: هاي
امجد بحده شديده: يعني جايه تقابليني بالكدب, لو سمحتي انهي التصرفات الغريبه دي منك
علا: لو قلت الحقيقه كنت هتوافق تقابلني
امجد: عايزه ايه بعد كل الي حصل, ليه مش عايزه تسبيني في حالي, اهنتي حبي قبل كده ودلوقت مصممه تقطعي علاقتي بـ الانسانه الي هتجوزها
علا: لاء مش هيحصل
امجد بتحدي: هيحصل , ومش عارف اجبهالك بأي طريقه , انتي مبقتيش في حياتي, افهمي ده بأقصي سرعه ده لمصلحتك
علا لئلت دموعها: انا بحبك , وانت كمان, ازاي هتفصل نفسك عني
امجد لف وشه عنها وقال بضجر: احنا انفصلنا , ومش عايز حتي اشوف وشك ممكن
علا مسكت دقنه بقوه: وانا هشوف ازاي هتتجوز منال , هتشوف انا هعمل ايه يا امجد
..............قصص منه محمد كاتب..........
في الفراند ع الموبيل
منال مبتسمه: لاء متتخانقش معاها , خالي ماما تعمل ده بنفسها , بصراحه انا بثق في ذوقها واطياف ممكن تروح معايا تمام هكلمك بعدين
علا: انتي رايحه مكان
منال: لاء مش اليوم امجد كان مصمم نخرج نتسوق ,بس انا قلت له اليوم قاعده مع ماما
علا: وليه هتتسوقه
منال: هو انتي متعرفيش
علا: اعرف ايه
منال: بنحضر لفرحنا مراه عمي ثريا عايزه في اسرع وقت
علا: ازاي تقولك كدا
منال: تقصدي ايه
علا: ولا حاجه روحي معاه
منال بصتلها بتعجب وسابتها ومشت مغادره المكان!!
علا طلعت ع ثريا وشافت شوقيه بتفرغ الشاي صرخت فيها: امشي من هنا, سيبي الزفت وغوري من هنا
ثريا : ايه يابت الوقاحه دي
علا: مكنتش اتوقع منك كده اقسم بالله انتحر واريحك مني
ثريا: عملت ايه
علا ربعت ايدها بستهزاء: عملتي عمل عظيم
ثريا: اتكلمي ع طول بلاش الغاز
علا بتتكلم بحرقة : حددتي فرح منال وامجد
ثريا: ده الي كان لازم يحصل في يوم , ومديحه تعبانه جدا ونفسها تطمن ع بنتها
علا: وانتي من امتي بتهتمي بمديحه
ثريا: اخرسي واتكلمي بادب شويه , واعرفي بتتكلمي مع مين وع مين ,بقيتي منحطه زياده عن اللزوم معايا
علا صرخت بعصبية : عايزني افرح وانت بتاخدي مني حبيبي ,عايزني اسكت
ثريا : بس وطي صوتك ,حبك له خلاكي رخيصه, وضيعتي كرامتك ,ومحيتي ذاتك
عزيز قرب عليهم: براحه ياثريا ليه بتزعقلها كده
ثريا اتوترت وقالت: ولا حاجه مصممه ع حاجه , وانا بمنعها تعملها
عزيز ابتسم: كل البنات في السن ده بيعاندوا , قوليلي ياعلا عايزه ايه
علا: عمي لو قلت لك هتحققلي رغبتي
عزيز: لو في حدود امكانياتي طبعا هنفذها اكيد
ثريا: الي هي عايزه انا هعملهولها ياعزيز متشغلش بالك انت
علا: طلبي عندك وانت الوحيد الي هتقدر تنفذهولي
عزيز:قولي يا بنتي عايزه ايه
ثريا: ابدا فرح واحده صاحبتها ومصممه تروحه
عزيز: ماتسبيها تروح يا مراه اخويا , حقها ومتقلقيش بخصوصها
ثريا: تمام هتروح
عزيز: ممكن اقعد اشرب معاكي كوبايه شاي
ثريا: اه اتفضل
عزيز تابع علا ماشيه متعصبه وابتسم وقال بمرح: العيال بيحبه الافراح خليهم يعيشوا حياتهم
.......................................
حكيم : وحياه امك لعرفك ازي تقولي انا كده وهدفعك الثمن غالي ومش باللسان برصاصه في قلبك
امير دخل: مين ده الي معصبك ياعمي؟
حكيم: المنافس ليا في الانتخابات , بيهددني انسحب وبيتكلم فوق طاقته
امير: حلو هقفله بؤه ومش هيكون قادر يتكلم
حكيم اتك ع اسنانه: النهارده لازم بؤه يتقفل , ولا مش هنقدر عليه , ومش بس كدا هاخد كل اراضيه منه
امير: اظن قلت لك قبل كده ياعمي , ده يطرد من البلد مكنتش راسه تبقي مرفوعه علينا
حكيم: راسه هتنزل الارض, اكسرهاله وهاتهالي تحت رجلي, ازاي الجرثومه ده يتصل يهددني , ومش ممكن ينجح في الانتخابات
امير بغيظ: ده محتاج يتأدب انه يهددك , واضح انه بايع عمره ,وشكله مستعجل ع موته عشان كدا هبعته للقبر وهنولهاله
حكيم: عفارم عليك , ده الي كنت متوقغه منك روح , واثبت لي اليوم انك ابن حكيم وخليني فخور بنفسي امشي
امير طلع غرفته شايط وفتح الباب وراح للكمدينو: اطياف فين مسدسي
اطياف: ليه ناوي تعمل بيه ايه
امير: بقولك هو فين
اطياف: شلته في الخزنه , بس هتعمل بيه ايه , امير انا بسالك ليه عايز المسدس
امير: ابعدي عن طريقي
اطياف وقفت قدام الباب: لاء انت رايح فين بالمسدس
امير اتعصب: اطياف انا دلوقت متعصب ع اخري , ولما بكون متعصب مش بشوف حد قدامي والافضل تبعدي بدل ما اطلع غضبي كله عليكي , وخليني اخرج متمنعنيش
اطياف:تمام اهدأ , وقولي فيه ايه
اميرمن شدة الغضب صرخ : انتي هتبعدي ولا لاْ
اطياف:لاْ
امير: يابنتي هطلع عن شعوري , وهضرب المسدس كله فيكي
اطياف: اتكلم مره واحده من غير تهديدك بالسلاح , واسمع وجهه نظري وسيب المسدس وافتكر الوقت الي حطيت فيه ع دماغ اختي , ولو معملتش كدا مكنتش حياتنا كلها مشاكل وخناق, كان ممكن بعد ما نتجوز يكون عندي رغبه اعيش معاك , بس انت حر يله روح اضرب الناس بالنار
امير اخد نفس بعمق: اطياف انتي عايزه ايه
اطياف حطت ايدها ع صدره: امير انت منفعل دلوقت , ومش عايزك تخرج بالزفت ده , مش كويس عشانك
امير: انا عارف نفسي اكتر منك, انا كدا مش هتغيرني
اطياف بشخط: كنت عارفه انك مش هتفهمني ابدا , ومش هتوافق ما انت اجبرتني اتجوزك وبعد ما حصل مليش اي اهميه عندك , بس انا رافضه اعيش حياتك , واكمل معاك بالوضع ده
امير بعد ما مشت من قدامه خاف جدا يخسرها وفضل يفكر وبعدها حط المسدس ع السرير ومشي من غيره واطياف رجعت تجيب موبيلها لقت المسدس محطوط ع السرير اخدته وفرحت جدا انه سمع كلامها معني كدا انه بيحبها وخايف يخسرها
............قصص منه محمد كاتب............
في مول تجاري شهير
صاحبه علا: انا هشتري مجوهرات من هنا
علا: عارفه طبعك تعالي نتفرج
صاحبتها: عارفه عندهم تشكيلات حكايه
علا بضحكه: ايوه عارفه
صاحبه علا: علا مش ده امجد ومعاه واحده تعالي نسلم عليه ونسأله مين دي _قربت) عامل ايه يا امجد
امجد: الحمد لله بس بجد مفاجأه جميله
صاحبه علا: جيت اعمل شوبنج انا وعلا وانت بتعمل ايه ومين البنت الي معاك
امجد: دي منال خطيبتي , ويا منال دي كانت زميلتي في الكليه
منال سلمت بأبتسامه: انا سعيده جدا اني شوفتك
صاحبه علا: بالمناسبه امجد كمان كان زميل علا
منال: غريبه يعني علا كانت معاك يا امجد في نفس الكليه
امجد اتوتر وقال: اه كلنا كنا سوي في نفس الكليه
صاحبه علا: ايوه مش بس كدا
امجد مسك منال من ايدها: مش يله نمشي نعمل الشوبنج, اصلنا هنتجوز ومستعجلين نخلص حاجاتنا , نتقابل بعدين يله بينا يامنال
منال : فرصه سعيده
صاحبه علا : علا مين البنت دي , مش كنتي ع علاقه بأمجد , بس ازاي خطب غيرك
علا توهت الموضوع وقالت: اه نسينا تعالي نتفرج ع المجوهرات
صاحبه علا: اوكيه يله
......قصص منه محمد كاتب..........
في العربيه
منال بصتله: امجد
امجد نظراته للطريق وجاوب: نعم
منال: مش فاهمه انت كنت عارف علا وانا معرفش بده, وليه مقولتليش قبل كده
امجد : عشان ملقتهاش حاجه مهمه
منال: لا مهمه بالنسبه لي , ع الاقل كنتي تقولي من اول مره شوفتها فيها , ورغم اتقابلتوا كذا مره بس مهنش عليك تقولي لمره واحده
امجد: معايا بنات كتير في الكليه ومش بركز في حد يادوب اسلم وبس
منال وهي بتحاول السيطرة على أعصابها المحروقه: لو انا كنت هقولك ده انا اعرفه وكان معايا زميل في الجامعه, لكن للاسف لا انت ولا هي قولتولي اي حاجه ,وكان ضروري اعرف منك انت شخصيا, لو مكنتش قابلت زميلتك بالصدفه مكنتش هعرف حاجه
امجد مره واحده فرمل وهو عاقد حواجبه وقال: انا مش مدي الموضوع اهميه عشان كدا مقولتلكيش , ومتكبريش الموضوع
منال : ممكن اسالك سؤال واحد هي دي البنت الي كنت بتحبها وقولي الحقيقه
امجد : انتي شاكه فيا
منال: انا مش شاكه فيك, بس حاسه بحاجه غريبه ,معرفش ليه؟
امجد: وانا كمان حاسس بغرابه منك انك عماله تسألي كتير عن التفاصيل , شوفي يا منال لو فيه شك من ناحيتي في قلبك ياريت تتكلمي معايا بمنتهي الصراحه حالا , لاني عايز نبدأ حياتنا الجديده سوي من غير اي ادني شك ابدا
منال: امجد انت ليه بتهاجمني, معتقد اني بشك فيك , والله ما كده خالص , ولو زعلتك انا اسفه اوعدك باني مش هسالك تاني اي سؤال انا متاسفه
امجد حرك العربيه وكمل طريقهم لكنه مضايق وده باين ع ملامحه
منال: ممكن تعزمني ع فنجان قهوه
امجد بصلها وابتسم
.........قصص منه محمد كاتب...........
ماسكه كتاب بتقرء فيه ومره واحد لقت الي شده من ايدها بعصبيه!
اطياف بزعيق: ايه قله الذوق دي
علا: انتي واختك عايزين تاخدوه مني ايه تاني , مش كفايه كل الي كان ليا اخدتوه
اطياف: اخدناه منك ايه
علا: ماما فين هاتيها حالا انتي واختك عرفتوا ازاي تفرضوا قيود عليا , مفيش حدود ليكم
ثريا: حصل ايه
اطياف: اساليها الست مالها
ثريا: حصل ايه ياعلا ليه بتزعقي
علا: قوليلي ليه كل مبادء البيت ماشيه عليا انا بس , اما هي واختها واخدين حريتهم ع الاخر ومش بيتكسروا
ثريا: في ايه مالك ثايره كده
علا: انتي يعني مش عارفه منال هانم بتلف مع امجد
ثريا بشخط: بس ولا كلمه ده خطيبها وهيتجوزها , وبيشتروا حاجاتهم
علا: المعني واحد
اطياف: علا الزمي حدودك, اختي خرجت مع خطيبها تشتري لوازم بيتها , لان فرحها قريب وراحت بأذن من مراه عمي قوللها
ثريا: ايوه راحت بعد اذني وامجد طلب ياخدها يشتروا حاجات شقتهم , اظن حقها تخلص جهازها قبل فرحها , يله اطلعي اوضتك ,وانا شويه جيالك وهتكلم معاكي
علا : تتكلمي معايا في ايه ان مبادئ البيت تمشي بس عليا , وهما عادي
اطياف: هي مالها منفعله عليا انا واختي كده
ثريا: متحطيش في دماغك, اصل اعصابها تعبانه
اطياف قعدت وفي سرها: اعصابها , ولا معندهاش اخلاق
.............قصص منه محمد كاتب.......
الساعه عدت حداشر بالليل
اطياف: مراه عمي متعرفيش امير راح فين وبتصل بيه موبيله مقفول
ثريا: مشفتهوش من بدري يمكن راح مشوار
اطياف: ايوه بس ده طالع من بدري ولسه مرجعش لحد دلوقت وكان المفروض يجي
ثريا ابتسمت: اول مره اشوفك قلقانه عليه بس احساس جميل منك لازم يحس من ناحيتك بالخوف عليه هو ده الحب ربنا يسعدكم سوي دايما
اطياف: يارب
ثريا تلفونها رن وردت: ايوه ياعلام انت كل ده فين, وفين الحاجه الي طلبتها منك
علام:غصب عني انا مع امير بيه في المستشفي
ثريا قامت من مكانها و صرخت بفزع: ايه امير ابني ماله
علام: انضرب بالنار
اطياف قلبها دق بعنف : ايه الي حصل لجوزي
ثريا: يانصيبتي امير انضرب بالنار لما ابلغ عمه