رواية كافي السعاده الفصل الاول1بقلم نورينا
بكرا عيد ميلادي ..
ً يوم زي اي يوم بالنسبالي أو يمكن نقول اسوء يوم بيعدي عليا عمري م عدا عيد ميلاد ليا وكنت كويسه اليوم الي بحس فيه أن انا وحيده وان صحابي مجرد ارقام وبس يوم تقيل علا قلبي بشكل ميتوصفش كل انسان بيستني عيد ميلادو من السنه للسنه الا انا بخاف من اليوم دا عشان وقتها بدرك أن انا فعلا وحيده زي كل سنه صحابي بيتفقو معايا نخرج وف اخر لحظه كل واحده تتحجج ومنخرجش السنه دي انا قررت أن مستناش حاجه من حد و مش عايزه احتفل بيه ولا اكلم حد يوم مش مرغوب بيه بالنسبه ليا اتمني يعدي بسرعه..
كنت واقفه ف الشباك ببص للقمر وانا بتنهد بحزن وانا بهمس لنفسي..
- امتا الدنيا هتضحكلي امتا كل حاجه اتمنيتها هتتحقق انا فعلا كل حاجه اتمنيتها مفيش حاجه منهم اتحققو انا بصلي ومش بسيب فرض وحتا ديما بقول ازكار وبقراء قرأن طب اي السبب اي الي موقف حياتي كدا انا لي بيحصل معايا كدا !!
ً قاطع تفكيري صوت فتح باب اوضتي بتدخل امي وبتقول
- اي ي جوري هتفضلي واقفه ف الشباك كدا كتير ادخلي يلا ساعديني احضر العشا اخوكي وباباكي زمانهم جايين
- حاضر ي ماما حاضر
دخلت ساعدت امي ف العشا وانا بحاول اكون ثابته وببصلها من وقت لآخر ك العاده مفتكرتش !
ًخلصت العشا ورصيتهم ع السفره وشويه وبابا ومصطفي اخويا اجو
ًبابا ومصطفي
- السلام عليكم
- وعليكم السلام ورحمه الله وبركاته يلا ادخلوا غيرو العشا جاهز
ْبعد وقت كنا خلصنا ودخلت اوضتي تاني قعدت علا سريري فتحت تلفوني وقلبت ف الفيس واستوقفتني جمله من القرأن قرأتها بقلبي قبل عيني
- ولا تيأسوا من رحمة الله »
بصيت لنفسي فجأه وانا بقول لنفسي إن رحمة الله وسِعت كل شيئ ميمكن ربنا بيبتليني عشان ف الآخر يعوضني بفرحه تنسيني كل حاجه وحشه حصلتلي ربنا رؤف بعباده اكيد هيجي يوم وتتصلح فيه حياتي للاحسن دا حتا ربنا بيقول وانا عند حسن ظن عبدي بي ف ازاي اسوء الظن بالله
استغفرت الله ف سري وقومت توضيت وجبت المصحف وقعدت اقرأ فيه لحد اما الساعه اجت 1:30 قومت صليت ركعتين قيام ودعيت بكل ما في قلبي لعل وعسى تكون ساعه استجابه فيتقبل الله مني ...
خلصت صلاه ونمت
وبعد ساعات كان الفجر أذن قومت صليت وكملت قرأه القران لما الشمس طلعت قومت حضرت فطار وصحيت بابا ومصطفي عشان الشغل وماما صحيت وفطرنا ولبست جيبه جلد سوده علا برافل ابيض وطرحه سوده وبوط اسود ونزلت الكافيه بتاعي
«اشتغلت كتير عشان اقدر افتح كافي ع البحر اخويا وبابا حاولوا كتير يساعدوني بس رفضت مكنتش هحس بقيمه المكان زي دلوقتي لو كانو ساعدوني قررت اجيبو بتعبي انا وشقايا انا فتحت كافي اخترت يكون الديكور ايام الزمن القديم تدخل المكان تحس بالدفا والامان مع كبايه قهوه دافيه قصاد البحر ..»
دخلت المكان وبدأت اتابع كل شيئ بنفسي الابتسامه البشوشه ف وجوه الناس لما بتدخل المكان واغنيه مياده الحناوي
«كان ياما كان »..
بدأت اشيل الطلبات واودي للزبائن ولحد لما جالي طلب تورته صغيره لبنوته قولت اكيد عيد ميلادها طلبت من بنت ف التيم تشغل اغنيه عيد الميلاد ولاكن استوقفتني حاجه !
لوحدها ! البنت مفيش حد معاها افتكرت نفسي وحسيت بيها
« ديما بثق ف المقوله الي تقول محدش هيحس بيك غير الي مجرب مشكلتك »
ابتسمت بلطف ليها وانا برجع تاني وبجمع التيم الي كان كلو بنات فقط وقولت
- النهارده عندنا زبونه حزينه واحنا طبعا مفيش زبون يخرج من هنا غير وهوا مبسوط احنا هناخد التورته دي نحطلها شموع ووهتطلعو معايا نعملها جو حلو وطبعا مش هننسا الاغاني البنت دي هاتمشي من هنا الضحكه مش مفارقه وشها اشطا
التيم ف صوت واحد بحماس
- اشطااا
خفضنا اضائه الكافي وخليناها هاديه دخلت بالتورته وعليها الشموع والاغاني اشتغلت واحنا بنغني ليها والي يبهر اكتر اندماج الناس معانا والي سقفو والي بيغني معانا قربت عليها وانا بقول بكل حب ودفي
- كل سنه وانتي طيبه ياحبيبتي
بصتلي البنت ودموع الفرحه بانت ف عنيها حسيت وقتها أن انا فعلا قدرت افرحها
- انا بجد مش عارفه اقولك اي انتي حولتي عيد ميلادي من كابوس لاحلي يوم ف حياتي
حضنتها بحب
- حبيبتي علا اي احنا خلاص بقينا اخوات
انضموا بنات التيم لينا والبنات الي كانت ف الكافيه اتجمعنا حواليها ف دايره جميله وقعدنا نغني وطفينا الشمع ووزعنا ع باقي الكافي وصورناها صور حلوه
- ودي ياستي هديه بسيطه مننا لأختنا الحلوه
- انا بجد بجد مبسوطه اوي حقيقي ممتنه ليكم ع اليوم الجميل دا انا مش هنساه ابدا انا كنت يأست والله
قولت بلطف ومحبه
- الكافي دا اعتبريه مكانك ف اي وقت تقدري تيجي ولو ع الي عملناه ف دا أقل حاجه نقدر نقدمها ليكي والله
شكرتنا البنت وخرجت وبصتلي بنت من التيم وقالت
- جوري انتي بجد طيبه اوي حقيقي كل يوم بتكبري ف نظري اكتر
بنت تانيه
- ايوا فعلا حقيقي احنا لينا الشرف أننا شاغلين عندك هنا
بصتلهم بأعتراض
- لا يبنات انتو مش شغالين عندي انتو شغالين معايا كلنا هنا بتشتغل سوا ومع بعض وكلنا هنا اخوات يلا نكمل شغل
وخلص اليوم وجت الساعه 12 وقتها بقفل المحل الي يعتبر بيبعد عن البيت بنص ساعه قفلت المحل وكنت لسه هخرج استوقفتني البنت صاحبه عيد الميلاد
- لو سمحتي استني
وقفت بأستغراب
- ايوا بحبيبتي
- انا لما روحت وكدا حكيت لاخويا بكر عليكي وقالي لازم يجي بنفسو يشكرك
بكر
- انا بشكرك جدا ع الي عملتيه مع اختي انتي بسببك خليتي اختي تتقبل عيد ميلادها من جديد احنا حاولنا كتير ومنجحناش حقيقي شكرا جدا
- علا اي ي استاذ بكر اخت حضرتك طلاما ف كافي السعاده يبقي مستحيل تخرج زعلانه دا واجبي وغير كدا انا سبحان من محبب عبدو فيها وانا حبيتها ودي كانت أقل شيئ اقدمو ليها
بصلي بكر بأبتسامه
- ولو لازم برضو اشكرك بنفسي معلش لو عطلناكي
- لا ولا اي حاجه انا اصلا كنت بقفل الكفي اهو ومروحه
قالي بلهفه
- طب تعالي نوصلك ف طريقنا
قولت بسرعه
- لالا ملوش داعي انا هاخد تاكسي عادي
البنت قالت بأصرار
- لا مفيش اعتراض تعالي معانا دا أقل حاجه اعملها والله
وقفت بتفكير
- امم خلاص ماشي
ركبت العربيه معاهم بعد وقت
البنت
- هوا انتي صحيح اسمك اي
قولت بأبتسامه
- اسمي جوري وانتي
هاجر
- اسمك جميل اوي زيك انا هاجر
قولت بلطف
-انتي كمان اسمك جميل
هاجر
-حبيبتي والله عندك كام سنه بقا
- النهارده يستي تميت ال20
قالت هاجر بصدمه
- انتي عيد ميلادك النهارده زيي
ضحكت علا صدمتها
- ايوا يستي عيد ميلادي النهارده زيك
- كل سنه وانتي طيبه ي احلا جوري ف الدنيا
ورد بكر بأبتسامه وهوا بيبصلي ف المرايه
- كل سنه وانتي طيبه ي انسه جوري
رديت عليها بأبتسامه
- وانتي طيبين ميرسي جدا .. ايوا هنا أقف خلاص دا بيتي ميرسي جدا ع التوصيله
بكر بأبتسامه
- علا اي ي انسه جوري دا واجبي
ابتسمت بلطف ولسه هطلع لقيت هاجر بتنده عليها التفت ليها وانا بقول
- نعم يبت بتصوتي ليه
هاجر بضحك وهيا بتنزل من العربيه
- عايزه رقمك هكلمك تاني ازاي انا
ضحكت علا جنانها واديتها رقمي وطلعت
دخلت البيت ولقيت ماما وبابا واخويا واقفين بتوتر
قولت بأستغراب من شكلهم
- في أي مالكم واقفين كدا لي
مصطفي قال بتوتر
- حازم واهلو هيرجعو النهارده الفجر ..
اتصدمت ودمي اتجمد
- حازم هيرجع !!!