رواية عشق الثأر الفصل الواحد والعشرون21بقلم مينة طلال

- صوجي وماعشت واقع عشت بحلام

يحبني ويعاركني وبس اتخيل

اقتنع يكلبي وتوب 

لاتضل تنقهر و تزعل ..

__________

اسحاق

بس شفت الرسالة كبل اتصلت ماجاوب دزيت بصمة

- ها ولك شو من سافرت كطعت اخبارك ، شـَڪد ردت احصلك مكدرت

ضليت انتضر ماكو رحت ادور بالوقت شفت يمهم هسه ب٣ بليل كلت يمكن نايم عفت المبايل وكمت افتر بالبيت اختنكت حيل دخنت وطفيت البيت  وجبرت روحــي انام ..

كعدت الصبح ماشفت المبايل لان متاخر عن الدوم بوجهي للحمام غسلت وفرشت اسناني طلعت بدلت وقفلت الباب وبوجهي لدوم

 بصمت وبديت اشتغل ناسي سليم والمبايل والرسايل بس دك مبايل يس والاشعارات نزلت من الوتساب وحدة ورة الثانية كلهن من رقم سليم لان سجلتة قبل لاافوت جاوبت يس

- ها خوية

يس : ها خوية صباح الخير انت بدوام

- اي ولله مو تدري بعد ساعتين اطلع ، كول رايد شي..

- ولله اذا تمر علينا من تخلص

- شـَڪو يس شصاير

- يمعود اختك من البارحة لليوم موتت روحها من البجي ، لاتسكت لاتاكل بس تبجي ، نوب من صبح جيبولي اسحاق تعرف ماعدها غيرك فخابرتك 

- صدك جذب هسه اطلع اخذ اذن ، جايكم مسافة الطريق..

سديتة منة رحت للادارة استاذنت اطلع سمحلي بصمت وطلعت لبيت دموع ناسي ابني ومرتي وكل بالي يم اختي ، عزيزة كلبي هاي الدنيا بصفحة وهيه وحدها بصفحة.. 

وصلت للبيت دكيت الباب وذكرت صباح كلت شسويلها شلون اعوف اختي اصلان هيه كبرت الموضوع كتلها ماضي ليش جلبت

دكيت الجرس صاح يس اي فتحي الباب سلمت وكلتله : وينها شبيها

يس : طب طب جوة تنتضرك

اني من كلي عقلي جاي اسكتها وكل الطريق افكر شلون راح اسكتها طبيت البيت ظلمة : يس شنو طافية ؏َـدڪم الكهرباء ماتشوفها 

يس : هسه خابرت ابو المرلدة كال راح يشغل

مشيت ويا طبينا للاستقبال واتفاجأ بعمي جاي وعمتي والولد ثامر والباقين وابني شايلتة دموع  والاستقبال متروس نفاخ وحاطيلي كيكة وشموع والولد شعلو شعالات بس طبيت كامو الولد يصفرون ويصفكون ودموع شغلت اغاني عيد ميلاد اني هم نصدمت وهم صفنت ناسي من الهموم ليوم عيد ميلادي ولاجة بالي اصلان

مشاني يس عمي حضني عايدني هوه وعمتي والولد حضنت دموع الي بس تبجي وتكلي كبرت واني اضحك وامسح بوجهه اخر شي اجه يس شايل صندوك جبير حطة بوجهي

يس : كل عام وانت بخير حبيبي  ، اعذرنا على التقصير

اسحاق : تعال احضنك حبيبي 

بس حضني طكيتة بعضة بجتفة خليتة يكمز والكل ضل يضحك علينا

يس : عض اختك هاي سوالفها وخططها اني بس نفذت

- هاي الحنينة العزيزة تنبس بس

حضنتها وهيه تحضن بية وتسويله على عنادك 

عشنا جو عائلي نساني كلشي بس نقهرت لان صباح حابسة روحها زيد ضليت شايلة وهوه مكيف بية بس نعس وضل يبجي اخذتة دموع وودتة لامة اكلنا كيك وسوالف وضحك راحو الولد ضلينا بس عمي وعمتي ويس لان دموع بقت جوة

هاشم : ها عمي شراح تسوي بسالفتكم

- اول شي حمدلله على سلامتك قصرت ريتك كلتلي استقبلك

- مصار شي اصلان ناوين نفاجئك يس ماقصر هم ، هسه شمقرر

اسحاق : ولله عمي انت وعمتي ويس تعرفون كلشي من طقطق للسلام عليكم وماضام عنكم اي شي ، البنية هم سافرت وكطعت علاقتي بيها من سنة ، طلبت من صباح تنسى وماضي ونكمل بس جانت قافلة فهسه تكدرن انتو تحجون وياها..

اذا قبلت نفتح صفحة جديدة لخاطر ابنة وننسى الماضي 

اني مستعد واعتذر منها كدامكم وترجع معززة مكرمة لبيتها حتى لو مغلطان اني بحقها

بس اذا رفضت سويت العالية اني بعد كدام الله وكدامكم

هاشم : حك حك عمي ماكلت الا الحك

وداد : عمة حبيبي تعرف احنا نسوان نتحسس من هل سوالف وانت هم اعذرها بعد عمتك

اسحاق : عاذرها وعيونج وشتريد تفصل واحنا نلبس

يس : اني ويا صباح شنو تقرر اسندها

هزيت راسي وراح صاحها شوية وانصدم طبت لابسة عباية وحجابها عبالك اكو واحد غريب هنا ، دنكت ساكت حجة عمي بدالي..

هاشم : تعالي بعد عمج منو غريب هوه رجلج واخوج

هيه ساكتة كعدت يم عمي سلمت علية وحجة وياها

هاشم : عمي الزواج كلشي بي عرك وكتل ومذابح تصير بين الرجال ومرتة بس بالاخير يرجعون ، لان همه يكملون بعض ، خاصتاً اذا عدهم جهال ،  مرات الواحد يطي فوك طاقتة لخاطر جهالة، وانه يعمي اشهدلج اسحاق محاول ياذيج ومن اول يوم اخذج خاطر محد يكسرج ويضرج ويعمي " هل جزاء الاحسان الا الاحسان " معقولة تمسحين كل شي حلو بينكم لخاطر كم كلمة سمعتيها ! وتدرين السمعتي ماضي ، والماضي بالماضي احنا ولد اليوم وانت ؏َـدڪم ولد وجاي خيرة ان شالله وتخاوينة والزمن كافي ينسي ويداوي الجروح..

اني اسمع لعمي وكلماتة احسهن يهدني اني مو هيه طبت دموع كعدت بصفي لازمة ايدي بجت صباح حضنها عمي ويس واكف كدامها

يس : لاتبجين صباح ترة عمي جاي يحجي لمصلحتكم ، واني البارحة كلتلج شنو تقررين اني بضهرج وياج باي شي تختاري ..

مسحت وجها وكالت بكل ثقة ورزن : عمي كلامك على راسي ، وانت واسحاق واخوية محد بيكم قصر وياي او ويا اهلي ، بس عمي المشاعر مو غصب ! اني احب رجلي وبيتي وابني بس هوه عقلة وكلبة مو ويانة اكبر غلط سويتو مو خليتو يتخلة عن حبة لخاطري ..

اني ڪُلـش ممتنة الكم والة بس عمي البارحة احنا عركتة لو زيد يفتهم ويشوفنا جان حيل نجرح وتاذة مدام صغير ومدامنا بعدة العمر كدامنا اطلب منك ومنة مثل ما دخلنا بالمعروف نطلع بالمعروف

 وعمي " امساك بمعروف او تسريح باحسان " اني ويا مانكدر نبقى نعيش بالمعروف فخلي هسه مادام الكلوب مشايلة حقد كلمن يعيش الحياة اليريدها..

دموع : ام زيد صلي على نبي فكري مرة ثاني اخاطر زيد

يس : اش دموع لحد يضغط عليها ، سمعتو رداها واني وياها بكلشي تريدة ..

هاشم : متاكدة من قرارج عمي ؟

صباح : هذا الانسب للكل

وداد : يمة ياما وياما تحملت من ابوج لخاطرجن ياما صبرت وجرعت المر شجاكم انتو هل جيل عسى ما طخجن الزلمة وصحتن طلكوني..

صباح : يمةةة

هاشم : عوفيها ام يس هيه جبيرة وتعرف مصلحتها 

اني ضليت ساكت رغم مشاركة الكل عمي كال : ها ابو زيد شتكول انت

اسحاق : يشهد الله ماردت توصل بينا هيج

بس اذا انتي هذا قرارج وهذا الي يريحج فروحي يابنت الناس انت طالك والله يوفقج بحياتج..

كامت هيه طلعت واسمع بس بجيها لحكتها عمتي ودموع دنكت راسي اعصرة بيدي

يس : تضل اخوي اسحاق والصار هذا احسن للكل ، وبيتك ومكانك هذا شوكت ماتريد

هاشم : ابغض الحلال عند الله هوه الطلاك بس شسويلكم اذا هذا قراركم ، الله يسررلكم ويكتبلكم الخير ..

سلمت عليهم وكمت طلعت من البيت شـَڪد فرحت من طبيت بس من طلعت عبالك روحــي ممرودة، صح مجنت احب صباح بس هم مردت اطلكها واجرحها بالاخير هيه مالها ذنب " بس اني هم مجان الي ذنب "

طبيت البيت بس كنك تليفوني اجتني رسالة من رقم اجنبي كاتب : سنة سعيدة الك اتمنالك كل الخير بعامك الجديد 

وحاظرني عرفت هاي مروج حفظت رقمها بالجهاز رغم حاظرتني بس كلت يممَڪٰن يجي يوم وتفتح الحظر..

ورا اسبوعين خابرني يس يطلب اروح اطلك بالمحكمة مارفضت وقدمنا طلب طلع ورا يومين ورحت وحدي من وصلت لكيتها هيه ودموع وعمتي ويس شايل زيد سلمت عليهم واخذت زيد من ايدة ماجاوبت صباح بس يس كال

يس : اسحاق صباح عدها كلمة وياك

اسحاق : كولي تدلل ام زيد

تقربت مني باوعت لعيوني بس عيونها بيها وجع وحزن كالت : هسه راح نطلك واني من كلبي مسامحتك والله يوفقك وين ماتروح وشنو تختار ، بس اطلب منك اخر طلب..

- كولي تدللين

- ابني لاتحرمني منة مااكدر اعيش بدونة ، هذا رجائي الوحيد منك

دنكت ادفر بالكاع رفعت راسي اجر نفس اجتني دموع لزمتني كتلها وصوتي مبحوح هاي الضروف كسرني : ماشي اذا قبلو اخلي يمج بدون حضانة واكدر اخذة واشوفة ، لان تعرفين اني هم مو سهلة علية اعيش بعيد عنة..

هزت راسها ورجعت يم امها وخرت عنهم ادخن ودموع وراي مثل ظلي تلوب نداريتلها : هسه الهم بية شمالج تلوبين خبلتيني

دموع : شفت رجفة صوتك عمت عيني عليك ياخوية

مكدرت اصبر اكثر حضنتها وبجيت بجيت كل تعبي وكل خنكة ضامها بصدري ماتحمل كلبي اكثر وهيه تخبلت ضلت تبجي وتحضن بية نست اني اطول منها واكبر حاطة وجهي بجتفها وتمسح علية اجاني صوت عمي

هاشم : امسح عيونك مو ابن زيد الينكسر بموقف ، ولاابو زيد التكسرة الدنيا وخر من اختك واوكف مثل الجبال ، هاي الدنيا يعمي كلشي بيها 

وخرت من دموع وهيه تعصر بيدي مسحت وجها اجانة يس

يس : صدك جذب اسكتها اسكتك شمالك اذا يشوفكم القاضي حتى مايطلك

هاشم : هم هذول ولد الاصل عمي ماينسون المعروف

يس : هلا بيك عمي اعذرني مسلمت عليك

سلم علية وضلينا ننتضر شوية وصاحو باسامائنا دخلنا للقاضي وسألنا وكللنا متفقين على كلشي اطيتها كل حقوقها وخلينا زيد بدون حضانة احد يبقى يمها واخذة يمي كل فترة

طلعنا من القاضي بس تبجي اخذتها عمتي سلمت على يس ودموع الرادت تجي وياي بس كتلها مراح ارجع للبيت يلا قبلت..

وصلت لسيارتي صعدت اريد اسوق جان يتصل سليم

جاوبت بس محجيت جنت حيل مختنك بس كال الو كلتله الو وبجيت

ضل ساكت واني البجي مكدرت امنعة تعبت ولله تعبت شنو سويت حتى هيج يصير وياي من ارل يوم بعمري ممرتاح ولله ممرتاح ولاشفت الراحة سكت شوية يلا كال 

سليم : اجيك ؟ شبيك اسحاق شصاير وياك راسلتك هواي بس مجاوبتني

جريت نفس شغلت السيارة كحيت وحجيت : تعبان شوية ، ماشفت رسائلك اعذرني صارتلي هواي ضروف هنا

سليم : شصار؟

- نجبرت ازوج ونجبرت اطلك نجبرت احب ونجبرت اعوف اصبع سنين عشتهن !

سليم : اقرة رسائلي وارجع خابرني

سدة مشيت على كيف واني اباوع بالمحادثة ١٥ رسالة كاتب 

- شلونك اسحاق

شفت مروج هنا وكالت انتهى كلشي شصاير

مروج بوشنطن خاف ادور عليها

اسحاق وينك

شنو ماعدك نت

راسلني من تفتح

ورة فترة كاتب

مروج جاي تخطط تصير كاتبة

ترة ماناسينك وكلة تنشر عليك

دازلي حسابها انستا عام

خلصت خابرتة

سليم : ها؟

-  سليم هيه راحت لان زوجت

سليم : ومو اطلكت هسه ليش مترجعها

- شرجع سليم وضعي خربان هنا 

سليم : اكلك ليحب صدك يحارب على حبة مو انت كبل سديت الباب دك الباب وفوت من الشباك وحاول وحارب ليش استسلمت كبل

جريت حسرة : تعبان سليم تعبان

- اقفل بيتك وتعال هنا عالم ثاني جو حلو طبيعة تخبل وناس مثقفة ، وهم تعال جرب حظك وياها..

- مااعرف سليم مااعرف

- اذا هاي فكر وردلي جواب حتى ارتب وضعك هنا..

- تمام

حجينا شوية وسديتة من يمة 

صفنت شراح اسوي بيتي ونهجم بس رجوعي لمروج ممكن ياكد كل تهمة اتهمتني بيها صباح..

ولول ليش اهتم ؟ ليش خلصت  ؏ـَمريٰۛہ‏ افكر بالناس وعايف روحــي ليش حطيت روحــي اخر القائمة؟

وصلت للبيت طبيت كبل نمت ماكعدت لليل اخذت غراضي ورحت ازور كلت بلكي ترتاح نفسيتي بس وصلت خفت اطب اني منو وادخل هيج مكان طاهر دوخلي ممكن ينكس المكان..

بس الي اطاني الحافز افوت رجال جبير لزم ايدي وكال : ماتفوت وليدي ليش واكف بالباب

حجيت بهمس : عمي اني مااستاهل افوت

- كلنا ما نستاهل نفوت عمي ، بس همة اهل جود وكرم ويرحبون بخطارهم ومايكسرون خاطر احد..

طبيت زرت وقريت الزيارة صليت استخارة ودعيت الله يدليني طريقي ويرشدني خلصت طلعت لشارع السوك اكلت لفات كص وخابرت دموع

- الو خوية

دموع : ها حبيبي تعشيت وينك ، ترة بالي يمك وضامتلك عشة كلت ادزلك يس

- لا حبيبتي اني بالامام الكاظم زرت ودعيتلك جاي اكل كص واشتهيتة الج ، اجيبلج

دموع : الله وخلي يحطلي طماطة شوية ويكثرلي كص

- صار تدللين

سويتلهم ست لفات واخذت لبن وببسي وصلت لبيتها دكيت الجرس اجاني يس شايل زيد

يس : شوف ابوك فد انسان 

- حبيبي شلونك

سلمت علية نطيتة الاكل واخذت زيد الي بدة يكول بابا صح ويكول يس لان اسمة سهل طبيت للمطبخ لكيت دموع تحمي اكل كالت : تاكل ويانة

اسحاق : تدرين اكلي قليل اكلت حمدلله حبيبتي ليش تعبتي روحج

- معلية اخذة وياك خاف جوع 

سكتت ماردت اكسر بخاطرها اخذت لفات وطبت جوة عرفت تنطيهن لصباح عاد اني كمت كبل

- يلا آتـرخـص

يس : وين هستوك طبيت

- عدي دوام الصبح مو تدري

دموع : ها اسحاق رايح

- اي حبيبتي تعبان

سلمت عليهم بس زيد وطلعت رجعت للبيت اباوع للحيطان عبالك هيكل عرفت الي كال الجنة بدون ناس ماتنداس شجان يقصد اني عايش بس بس بالاسم عايش ماعدي اي شي يخليني فرحان جان وجود صباح وزيد مطيني سبب اشتغل واكافح واجي للبيت وااقوم هسه من صفيت وحدي استسلمت للوحدة ..

مرن شهرين عايش وحدي

تعودت على الوحدة البيت يضل نضيف اسبوع اكثر لان بس اني

مااطبخ دموع ادزلي بيد يس ومرات تجي ويا

خطية من صارت بالخامس كبرت بطنها هواي وتعبت هم

والي تعبها برايد يس الي نضم للجيش وكام يروح ١٥ يوم ويجي اسبوع ضلت هيه مكابلة عمتي ويلطمن علية سوة

سليم كلتله مستحيل اكدر اعوف العراق واهلي واختي وابني

لخاطر حب!

جربت ومانجحت يممَڪٰٖن ما الي نصيب انجح بهل علاقة

ويجوز بعدي عنها احسن للكل

ضليت اتواصل ويا سليم تابعت حسابها وكمت اشوف نشرها 

من ضفنتها وكامت تنشر عن الخيانة والبعد اكثر..

اني اتابع بصمت بس ما باليد حيلة

بيوم جنت راجع للدوام طبيت للبيت شربت مي وطلعت الاكل الدازتة الي دموع  كعدت على الطاولة اصفح بين مايحمى شفت مروج ناشرة ستـَورʊ̤ طبيت لقصتها لكيتها ناشر دعوة لتوقيع كتابها الجانت مسميتك عنوان " لكنني لم أمت"

جان بتاريخ ٢٠ بشهر ال ٩ الي يصادف عيد ميلادها

طلعت من الانستا وخابرت سليم بس جاوب كلتله : اريد اجي سليم ..

_______

مروج ...

 

بدعم عمي وعائشة تشجعت اكتب

كمت اخلص يومي بغرفتي اقرر اسم كتابي ومحتوى

راسلت هواي ناس واخذت استشارات ونصائح بديت اكتب وادون مسودة كل فترة اغير شي واضيف شي

وبعد شهرين يلا وصلت للقناعة التامة بالكتاب ومحتوى 

عمي اتفق ويا مطبعة ودور نشر بامريكا 

وراح للجالية العراقية حيل سعى انو انجح بهل مجال

تعلمت لغة ومجنت احتاج اتعلم سياقة لان الي يسوق بالعراق عدة امريكا زلاطة..

قبل فترة  تابعني حساب باسم اسحاق زيد

من طبيت عرفتة هوه من منشوراتة رغم ماناشر صورتة

من تابعني كمت تلقائياً اي شي الة علاقة بالخيانة انشرة

هوه يتابع بصمت

بس خلصت تحضري حفلة التوقيع نشرت الدعوة

ومادري ليش احساس راح يجي علمود هل احساس نشرت الدعوة

بعد اسبوع من تجهيز الحفل اجة ليوم المنتضر

اختاريت الفستان الوردي العمي راح لمصصم سوة الي

لبست اكسسواراتي الحلوة وحضرت روحــي

اخذني عمي ورحنا للقاعة الجانت خاصة بالحفل

عائشة بقت يم علي رفضت تجي

عمي عزم شـَڪو شخصية عراقية قوية بامريكا

جان حفل فخم وبي هواي ناس

قلقت وخفت وتوترت بس جان عمي يمي يقويني ويطيني الحافز

بس مشت ساعة على حضورنا اكتمل العدد وصاحت المنضمة باسمي حتى اصعد اخذت المايك واحجي ويا الناس الجان ضمنهم وزير الثقافة

كل جسمي كام يرجف واجتني الخوف والرهبة 

عمي ضل يشجعني ويدفعني قويت روحــي واخذت المايك منها

رحبت بالحضور وبديت احجي مجنت محضرة كلمة لان عمي مقبل

قاسم: ماكو داعي تتصنعين احجي الي تريد بكل اريحية ترة محد مسوي فضل عليج كل الي جاين جاين يستفادون واني مثل مايريدون يستفادون منج استفادي بيهم..

حجيتلهم عن كتابي ومحتوى وعن الفكرة وحبي للكتابة 

اني واحجي اكو مصورين يصورون فيديو وصور ويصورون الحاضرين كدامي شاشات جاي اشكر عمي لتعبة وياي واشوف المصور حط الكامرة بوجهه اسحاق ..