رواية مسار اجباري الفصل الواحد والعشرون21بقلم منه محمد
نايم قدامها وكتفه متصاب بطلق ناري وهي قاعده بصاله وخايفه عليه جدا وحاسه بتأنيب الضمير وفضلت رايحه جايه مش عارفه تمحي وجعه الي هي كانت السبب فيه وبعدين راحت تغطيه امير فتح عيونه وقالها بعتاب: كل الي حصلي كان بسببك, مبسوطه يا اطياف, انتي مش هتسكتي الا لما تجيب لي اجلي, تعرفي لو موصلش البوليس ومسك مني المجرم كان زمانه مرمي في القبر, لاول مره احس اني متقيد بسلسله
اطياف بشخط: وبعده ما كنت تمسكه وتقـ تله ,كان زمانك مرمي في السجن
امير: الي يدخلني السجن لسه متولدش البوليس بياكل عشنا وملحنا, بس انتي مستحيل تفهمي وانتي عايزني اتغير وابقي شاب كيوت , واتعامل بالشوكه والسكينه
اطياف بغيظ: انا عايزك تكون انسان مش تمسك سلاح بأرادتك , ولو لسه عايش انا ليا فضل عليك
امير: احمدي ربنا اني وافقتك غير كدا
اطياف: كنت هتعمل ايه , هترمي اللوم عليا
امير: انا مش برمي اللوم ع حد, اه
اطياف: هجبلك مسكن الالم
امير: مش هاخد اي علاج من ايدك, لانك السبب في معاناتي
اطياف:غصب عنك هتاخد العلاج
امير: كنتي هتفرحي طبعا لو مت
اطياف: بعيد الشر, ده واحد زيك الي يفرح مش انا الي اشمت في مـ وت حد , حتي لو كان عدوي اللدود
امير: كنتي هتتخلصي مني , وتعيشي حياتك الي اتحرمتي منها
اطياف قربت وقعدت جنبه بحنان الدنيا: يله خد البرشامه
امير كشر: مش واخد منك حاجه
اطياف: متبقاش عنيد وتتقمص زي العيال , خد والا هفتح بؤك وهضطر ادهولهالك بالغصب
امير: لو عندك الشجاعه المسيني
اطياف بتحدي: عندي ويله
امير: مش هاخد
اطياف بشخط : بس اسكت وخد علاجك والا هضربك ع وشك
امير اتنهد وفتح شفايفه واخد الدواء وشرب الميه من ايدها وفرد جسمه وغط في النوم من شده التعب وهي راحت نامت ع الكنبه لحد ما حست انه بيتكلم
امير بيخطرف: سبيني ....انا انضرب ازاي....مش عايز اكل....مش عايز اشرب
اطياف قامت بسرعه وميلت عليه لقت نفسه بيغلي جثت جبينه لقته سخن مولع جريت بسرعه جابت طبق فيه ميه وثلج وقعدت طول الليل تعمله كمدات لحد ما الفجر اذن وكل شويه تقيس له الحراره .......وقامت تصلي وتدعي انه يقوملها بالسلامه ........فضلت ع الحال ده لحد بعد الظهر لحد ما تعبت وغصب عنها نامت وهي قاعده تحت رجله في الارض وهي ماسكه الفوطه لحد ما امير اتحرك وقلق لقاها نايمه ع حرف السرير مد ايده ببطئ يرفع شعرها عن وشها لكن هي حست بايده واتحركت
اطياف: بقيت كويس
امير رجع دماغه ع المخده ورد: ايوه
اطياف: طيب يله عشان تفطر وتاخد الدواء
امير: مش عايز اكل
اطياف: هتفطر يا امير لانك بتاخد مضاد حيوي , وده محتاج غذا
امير: انتي واحده مستبده بطريقه تنرفز
اطياف ابتسمت في وشه وقامت بسرعه من قدامه ظبطت لبسها وعدلت هيئتها وفطرته وعطته علاجه واخدته يقعد ع الكنبه لان مديحه طلبت تزوره
مديحه دخلت مع شوقيه وقعدت بسؤال: عامل ايه يابني
امير بأحترام: الحمد لله الرصاصه صابت كتفي
مديحه: احمد ربنا انها جات بسيطه, بس لازم تاخد بالك وابعد خالص عن نوعيه المشاكل دي افرضي لاسمح الله كان حصلك حاجه, تسيب مراتك والناس الي بتحبك
امير :يا مراه عمي كل ده وارد يحصل في شغلنا , طمنيني انتي عامله ايه , وحاسه دلوقت بايه
مديحه :الحمد لله اتحسنت كتير عن الاول ,ولازم اروح للدكتور الاستشاره الاسبوع الجاي وانت خد بالك ع نفسك العمر مش بعزقه ,انا ماشيه
اطياف :استني يا ماما اوصلك
مديحه :لا وقفيني وانا همشي مع شوقيه
اطياف :اروح معاكي
مديحه : لا خليكي مع جوزك خدي بالك منه
اطياف قفلت الباب ورجعت لامير حطت قدامه صنيه وبامر: اشرب العصير
امير: مش هشرب كفايه اجبرتيني ع الفطار
اطياف :قلت اشرب العصير ازاي كنت هتاخد علاجك ع معده فاضيه اشرب
امير :قلت مش شارب
اطياف :متغلبنيش معاك وامسك الكوبايه واشرب
امير شرب الكوبايه وهو بيبصلها نظره غيظ وبعدها ابتسملها
اطياف: بتبتسم ع ايه
امير : ع انك وقعتي في غرامي
اطياف مدت البوز: وازاي استنتجت المفهوم الغلط ده
امير مبتسم :مهتميه بيا كتير , وامبارح اول ما شوفتيني ضمتيني وبعفويه قلت لي يا حبيبي , ده غير خوفك وواهتمامك بمواعيد علاجي , والاكل والشرب, كل ده ايه غير تعبير عن الحب ،واني غالي عندك
اطياف: مفيش داعي للاستنتاجاتك الكتير اليوم , وانا كنت ههتم لو اي واحد تاني في مكانك ومتنساش اني دكتوره وبقوم بعملي , واظن لو كنت انا مكانك كنت هتهتم بيا
امير :متاكده
اطياف : متصور ايه ممكن احب واحد زيك , مش بيسمع الا نفسه وعصبي وهمجي , ومش بيهتم الا بقرارته وينفرد برايه , واحد مش بيمهتم غير بسعادته مش بسعاده غيره ,وعنده استعداد يدمر حياه اي بني ادم بقرارته , ومستحيل انسالك اليوم الي اتجوزتني فيه بالقوه ومش هسامحك ابدا ولا هسمح لقلبي يدق لك , هيفضل بس يكرهك يعني اقطع مني الامل ان الحب ده يحصل من طرفي كنت اتمناه مكنتش تعمل فينا كده
.......قصص منه محمد كاتب...........
قاعد مضايق جدا من كلامها وانها هتفضل تكره وهو بيحبها وبيتمناها اتعصب وفضل يدخن بشراه
شوقيه دخلت بصنيه: امير بيه, ابله اطياف بعتالك معايا الغداء
امير بنرفزه: مش طافح _حدف من ايدها الصنيه وهو بيصرخ _خديها من هنا
اطياف دخلت لمت محتوي الصنيه من ع الارض وناولتها لشوقيه وامير مسح بين عنيه يحبس دموعه
اطياف بهتمام: لسه كتفك بيوجعك
امير بقتضاب: لا
اسمهان خبطت ودخلت : اطياف نسيتي غوايشك تحت في المطبخ
اطياف: اه جبتيهم شكرا
اسمهان ابتسمت وقالت : من اول ما امير تعب شيفاكي بتنسي نفسك كتير , وكل اهتمامك بيه هو
امير بصلها وابتسم وهي كمان ابتسمت له
اسمهان كملت: هو طبعا حلو اهتمامك بيه , اي علاقه ناجحه بين اي اتنين لازم تكون كده يدعموا بعض في الالم , امير انت بجد محظوظ ان عندك زوجه زي اطياف قدر النعمه دي
امير : وانا بقول نفس كلامك يامراه عمي بس هي مش مصدقه
اسمهان بستفهام :ايه الي مش مصدقاه
اميرعيونه ع اطياف بحب وقال: اني محظوظ جدا بيها, واخدت واحده زيها
اطياف : لسه كتفك بيوجعك
امير :بسيط
اطياف لاسمهان: ما تقعدي
اسمهان :لاء ورايا حاجات في المطبخ اقعدوا انتم سوي
اطياف :كل طبق الفاكهه ده كله
امير: لا هشرب كوبايه العصير وبس
اطياف بأصرار: لا هتاكل الطبق وهتشرب العصير
امير :حاضر اوامرك تمشي
اطياف قامت من مكانها: يله معاد علاجك هجيبه
امير ابتسم بمرح: بسرعه
...........قصص منه محمد كاتب.............
في غرفتها بترتب للهلاك وقالت بسخط : لحد هنا وكفايه...... لما الناس متهتمش بحياتي ليه انا اهتم بحياتهم .....مين فيهم سمع لصوت قلبي .......لما محدش بيحس بيا ......ليه انا احس بيهم
لبست طرحه وعبايه وطلعت راحت مكانه في الارض وقالت: بابا عايزه اتكلم معاك
حكيم :قولي الي عايزه تقوليه
علا قعدت قدامه :عايزه اعترفلك بحاجه
حكيم : ادخلي في الموضوع علي طول ياعلا
علا : مش انت عايز تعرف ازاي صبيحه هربت من الييت
حكيم بهتمام شديد :انتي عارفه مين من الغفر هربها, قوليلي بسرعه ع اسم الملعون الي هربها وخالف اوامري وانا هتعامل معاه بنفسي , قوليلي اسم ابن الحرام الي خاني
علا: الي خانك وخالف اوامرك واتمرد علي قراراتك مش من الغفر عندك , هو واحد من البيت
حكيم: واحد من البيت مين هو
علا: اطياف
حكيم هب من مكانه: علا انتي واعيه بتقولي ايه
علا : ايوه واعيه جدا للي بقوله , ولو طلعت كدابه في كل كلمه ابقي عاقبني اشد عقوبه والله العظيم اطياف هي الي هربتها من البلد
حكيم: البت دي ازاي جابت الجرئه انها تعمل كل ده
علا: هي بقي تقولك ازاي
حكيم: حته مره تتحكم في قرارتي , وتنزل راسي قدام الخلق, البت دي مش هتعيش لحظه واحده مرتاحه
علا جريت وراه وهي فرحانه جدا من الي هيحصل لاطياف!
حكيم سحب اطياف من دراعها: انتي يا بت الي هربتي صبيحه
اطياف: ايوه انا ومش ندمانه ع كده. ليه مبحلق فيا كده عملت ده من كل قلبي ومبسوطه بالي عملته لايمكن اي حد يفرض ع انسانه علاقه غصب عنها وصيحه مكنتش عايزه تتجوز من الراجل ده عشان كدا عطتها حقها والغابه الي احنا عايشنها دي لازم تنتهي
حكيم رفع ايده لفوق وكان هيضربها ع وشها بالقلم
منال صرخت ببكاء: لاء ياعمي , بعتذر بالنيابه عن اختي ارجوك سامحها , هي غلطت واوعدك مش هتعمل كده مره تانيه , ارجوك ياعمي سامحها
حكيم: ليه تعتذري عنها هي الي غلطت مش انتي
منال: اطياف اعتذري عشاني
اطياف: ايه الي اعتذر عنه , انا معملتش حاجه , هو الي غلط وانا صلحت
حكيم: اختك الجريئه في يوم هتفرمك معاها , وعملت الي في دماغها , وانا هعمل فيها الي في دماغي
اسمهان طلعت تجري ع امير الي كان بيتكلم في الموبيل وقالت: امير سيب الي في ايدك وانزل بسرعه ع تحت
امير: فيه ايه مالك
اسمهان: بقولك قوم انزل عمك متعصب جدا من مراتك
امير بيجري بجنون ع تحت: ليه عملت ايه تاني
اسمان نزلت وقدامها امير الي سمع عمه وهو بيقول بغضب جهوري: ثريا خدي البت دي احبسيها مكان صبيحه , وامنعي عنها الاكل والشرب , خليها تفقد السيطره علي ذكائها , وتتعلم تخليها في حدودها
امير: عمي ثانيه واحده افتكر حاجه الاول قبل ما تعمل كده , اطياف مراتي ومش من شهامه الراجل ان مراته تتهان وتتحبس ,وهو يقعد يتفرج, انا بعتبره جبن وكلام فارغ
حكيم شده من التي شيرت بغيظ: انت بتتحدي كلام عمك عشان حته مره , نسيت عادتنا وتقالدنا عشانها نسيت تربيتي فيك , نسيت الكل , اول مره في حياتك تكسر اوامري
امير: انا اسف
حكيم بتهديد: انت عارف كويس لو واحد تاني في مكانك , مكنش هيبقي قادر يقف ع رجليه
امير: عارف , والي عايز تعمله فيا اعمله, بس ابعد خالص عن مراتي , وانا مش هعترض ولا افتح بؤي بحرف
حكيم: امير بتقف قصادي , عارف الراجل الي مشاعره بتتغلب علي سيطرته بيبقي جبان , وبقيت زي عمك من عشرين سنه, لانك مقدرتش تستحمل دمعتين نزلوا من عيون مراتك , عمك عاملها زمان وانت دلوقت يا امير حكيم عز الدين لكن لاء مش هسمح ان ده يحصل ابدا
..................قصص منه محمد كاتب...........
منال فايته من قدامها وهي مبسوطه ونازله ع تحت!!
علا: انتي لابسه كدا ورايحه علي فين
منال: مش رايحه
علا: امال ليه لابسه ع سنجه عشره
منال: ابدا حماتي جايه تحدد معاد فرحي , وده فستان قديم بقي , ولبسته كذا مره
علا تابعتها وفي نفسها الخبيثه : انتي سعيده جدا يا منال بس السعاده دي مش هتدوم كتير ع وشك هخالي عيونكم انتي واختك مليانه دموع
ثريا قربت وبصتلها بنظره كلها غيظ
علا بسخريه لاذعه : ايه الي حصل يا ثريا هانم, ليه بصالي كده , ايه مفكراني روحت فتنت انا متكلمتش مع بابا ومقلتلوش اي حاجه
ثريا بعصبيه : انتي كدابه قلتي له شوفتك بنفسي رايحه الارض عنده
علا بتهكم وحده: : قلت لك مقلتش حاجه لبابا يمكن حد من الشغالين عنده قاله
ثريا: انتي غلطتي غلطه هتقع ع دماغك وقلت له وانا متاكده انه انتي محدش غيرك
علا: انا مليش دعوه ومقلتش حاجه لبابا
ثريا: بجد امال كنتي عنده ليه
علا بتأتأه: اه انا
ثريا قطعتها: لو بتقولي الحقيقه مش هتأتأي كده والله ما قادره اصدق انك بنتي الي ربيتها وانك تعملي كده هتستفادي ايه بأنانيتك انتي عارفه امير اول مره يخالف اوامر ابوكي بسببك اول مره يتكلم بالاسلوب ده مع عمه طول عمره كان مطيع
علا: وبابا كان بيحترم امير كتير لانه زيه , لكن اول ما داس ع مراته جات الحقيقه والواقع في وش بابا , وعلي العموم يا ثريا هانم ده نفس امير الي كان مستعد يضحي بروحه عشانكم راح فين دلوقت , رماه قيمه ومبادئه خلاص وذهبت مع الريح , واندفنت
ثريا: بلاش شغل الحرابيق ده , من حقه يدافع عن مراته
علا: بس بابا هو الي قوي العلاقه دي واليوم بسببها مبقاش فيه قيم لجدودي وانكسرت ع ايد امير اشمعني
ثريا: لانه حبها , وعشان كدا قلبه لان من واحد قلبه قاسي لواحد قلبه لين هين وامير قلبه في الاساس طيب ورحيم واستعمل الصفات الحلوه دي بعد دخول اطياف حياته وهو مش زي ابوكي
علا بحقد: كدا لازم بابا يسحبه من دماغه , ويطرد شبح الحب الي حلق عليه
ثريا : يارب يهدي ابوكي ويغفرلهم
علا : يارب ما يغفرلهم ابدا , ويحاسب اطياف دي ع فعلتها
........قصص منه محمد كاتب...........
اطياف : امير انا عارفه انك مضايق وع اخرك بسبب الخلاف الي حصل بينك وبين عمك , وانا السبب فيه
امير: بس تعرفي رغم كل الي حصل , مش عارف ليه حاسس بسعاده مجهوله
اطياف مره واحده ضحكت ضحكه ملعلعه وناعمه بصوتها الانثوي كله ع اسلوبه
امير بصلها وكرمش ملامحه جدا : ايه الي قلته يضحك
اطياف: ممكن اسألك سؤال
امير: اسالي
اطياف: ليه عملت كدا عشاني خفت عليا
امير: ولا خفت عليكي ولا حاجه , ده انتي تخوفي بلد
اطياف ضربته في كتفه: بطل برود وقول الحقيقه
امير: معرفش كل الاحداث حصلت فجأه وطبيعي اقف معاكي سواء كنتي غلط او صح وقلبي ابن الجزمه هو الي اتكلم ع لساني من غير ما يفكر في العواقب
اطياف: عظيم عظيم بس عارف اليوم بالذات اتاكدت انك شخص كويس ورحيم بغيرك وبنفسك
امير : عمرك ما هتفهميني
اطياف بغمزه: لاء فهمت وفهمت كويس كمان
امير: الحمد لله انك فهمتي وانتي مش وحشه اوي , وبتعملي عصير حلو
اطياف: انت كمان مش وحش اوي , وانا بجد اسفه لو اسأت معاملتك قبل سابق , وكنت بفكر في حاجه كدا بعد وقفتك الجامده معايا , ليه منتسامحش مع بعض
امير: يعني شايفه ممكن نعيش سوي
اطياف: اه ممكن نعيش سوي
امير: موافق اهم حاجه لسانك ميطولش
اطياف ضحكت وقالت له: بكره تتعود وتاخد مناعه , بس تعرف انا فاكره اول مره اتقابلنا فيها هنا شتمتك وقلت لي هربطك مع الكلاب بس من يوم ما دخلت البيت مشفتش معاك كلب
امير: لا انا اصلا مش بحب الكلاب
اطياف: كدبت عليا
امير: كنت بهزر
اطياف: اممم بتحب تهزر كتير
امير: تحبي اصالحك
اطياف:اوكيه صالح بس متهزرش هزار يضايقني تاني
امير قرب منها وباس جبينها وضمها من كتفها لصدره
...........قصص منه محمد كاتب..............
اطياف بسعاده : مش قادره اصدق ان امير وقف قصاد عمه , حتي ولا همه زعل ثريا
منال بأبتسامه: عندك حق, لولا وجود امير ودفاعه عنك عمك كان هيعاملك معامله مهينه اوي بس اول مره اشوف الفرحه ع وشك من ساعه ما جينا عشنا هنا
اطياف اتنهدت: اوقات بفضل افكر ليه حصل كل ده معايا , جوازي من امير وبالطريقه المهينه دي بس دلوقت لقيت اجابه ع كل اسئلتي وفهمت ان دي نعمه من ربنا عطهالي وانا مش عارفه امير اليوم كان حلو معايا اوي تعرفي يبان من بره قلبه حجر وقاسي , لكن من جواه ناعم وطيب
منال حطت ايدها تحت خدها وببتسامه : ممتاز اكتشفتي فيه صفات حلوه اليوم , ايه حبتيه
اطياف: حقيقي لاول مره انسي رشاد , وحبه ملوش معني عندي, وشفت الحب الحقيقي, اصل ازاي واحد طول حياته من اقصي الشمال وفي لحظه يبقي اقصي اليمين ,يضحي بكل حاجه عشاني قيمه ومبادئه الي اتربي عليها
منال: طيب عندك تفسير لنقطه التحول الي حصلت
اطياف : عندي اكيد لانه بيحبني
منال : معني كدا ان اختي الحلوه حبت امير , ده الي عايزه تقوليه
اطياف بهيام : ايوه بحبه هكدب يعني
منال : وانا مبسوطه وانا شيفاكي فرحانه كده
اطياف: تسلمي يا قلب اختك اه اسمعي اوعي تحكي لماما ع اي حاجه , من الي حصلت
منال بتعجب:بس ليه مش عايزه تقوللها
اطياف: مش عشان حاجه, بس شايفه كدا احسن ,هي قلقانه من غير حاجه بسببنا ,ومش عايزه صحتها تدهور
منال: تمام
شوقيه خبطت ودخلت: ست اطياف الحاجه الي طلبتيها وصلت
اطياف: تمام هاتيها هنا
شوقيه :حالا
منال :طلبتي ايه
اطياف ووشها احمر جدا بأحراج: ولا حاجه
منال: مش هتقوليلي طالبه ايه , اوعي يكون لانجيري لامير
اطياف :متكسفنيش يا مجرمه
...........قصص منه محمد كاتب...............
وهي ماشيه سمعت رنه موبيل راحت عليه لقته امجد بيتصل بمنال فتحت الخط وسكتت
امجد بأبتسامه : قلت انك نستيني , قلت افكرك بيا
علا : وانت عارف قد ايه بحبك , وفاكره كل لحظه كانت بينا , ولا عمري نسيتك
امجد بدهشه: انتي الي بتتكلمي
علا: الحمد لله انك اتعرفت ع صوتي الو روحت فين ليه سكت
امجد بحده شديده: المفروض منال الي ترد عليا مش ده تلفونها
علا: لسه بتنكر انك بتحبني انا مش هي , وفي يوم الكل هيعرف الخبر العظيم ده لو مكنش النهارده يبقي بكره وهاخد الي عايزه قلبي وهقول للعالم قد ايه انك بتحبني
امجد فقد كل اعصابه بنفعال: قلت لك كذا مره متتكلميش معايا بالاسلوب ده مره تانيه
علا ببرود: اعمل ايه في قلبي الي مش تحت سيطرتي اعمل ايه هو عايزك انت لوحدك, انا مفتقده وجودك في كل الاوقات , اعمل ايه قولي
امجد صرخ فيها: انتي هتدمري حياتنا انا وانتي , وامي مش مستعده تقبلك مراتي
علا: وهي متهمنيش ومعندش اي مشكله ,كفايه عندي انك لسه بتحبني
امجد : مفيش فايده من كل الي بتعمليه , انسيني واعتبريني ماضي وانتهي
علا :في يوم هثبت لك ,انك هتبقي ليا
منال كانت بتلف ع موبيلها وطلعت تشوفه بره لقته محطوط ع ودن علا
علا بصتلها بمكر: اه هي هنا هخليها تكلمك
منال: علا هو ده مش تلفوني مين الي بتكلميه
علا قلبت عيونها بنظره شر : ده امجد عايزك , كويس انك جيتي من نفسك
منال اخدته منها وهي مستغربه وقالت: امجد ايه الي كنت بتقوله مع علا
امجد اتوتر: ولا حاجه هي ردت , منال سوري انا دخل عليا كلاينت هكلمك بعدين
.....................قصص منه محمد كاتب..............
علا : بابا لو اتعصبت هيجرالك جاحه و انا اكتر واحده محتجالك , وبقدرك وعمري ما كسرت لك كلمه حتي ماما حتي امير مغلطش هو لسه بيحترمك زي ما كان قبل كده كل ده غلط اطياف بسببها عصي اوامرك
حكيم: مهما عمل امير اتورط بمزاجه في كل ده , وشوفت التمرد في عنيه, لاول مره امير مبقاش نفس الاول اتغير من اول لحظه وصلت مراته
علا : متضايقش نفسك بس انت الي جوزتهاله
حكيم بقهر: دي كانت وصيه ابوه وعملتها , كنت هعرف منين ان ابن اخويا هيركبها فوقي ويخليها تقف قصادي
علا: ليه انت مكنتش عارف هي اتربت وكبرت فين , واتربت ع ايد مين امها الي انت عارفها كويس ورغم كل ده اخترت البت دي لامير وفضلتها ع بنتك
حكيم: عندك حق اليوم ولاول مره اندم وعرفت ان قراري كان غلط وبتعاقب ع الجريمه الي ارتكبتها اني فضلتها ع بنتي
علا بخبث: احنا لسه فيها لو عايز تصلح الغلط وتجبر امير يطلقها , واتجوز انا
حكيم : جواز ايه بس ياعلا هو امير هيوافق
علا: مش امير انا بحب امجد خطيب منال وهو كمان بيحبني
...............قصص منه محمد كاتب................
امير رجع بالليل ودخل اتفاجئ بالزينه والورد والشموع وزع عيونه في كل حته لحد ما وقعت عيونه عليها لقاها لابسه قميص نوم مغري جدا وفارده شعرها الناعم وحاطه ميكب رقيق وبرفن ريحته لافندر يجنن اتصمر مكانه يتامل تفاصلها واتحول لتمثال متنح بيمسح مفاتنها
اطياف بضحكه جميله: ايه الي بتبص عليه اوي كده
امير بلع ريقه وقال: معرفش انك جميله اوي كده , ساحره ويمكن خرافيه زي ما بيقوله في الحواديت والقصص الي بسمع عنها
اطياف بصوت كله دلع : محدش وصفني زيك كدا ,ومحدش اشاد بيا لحد دلوقت غيرك شكرا
امير عملها تحيه الظابط: اي خدمه , بس انتي الي عملتي كل ده
اطياف: شايف ايه
اميرهرش وري ودنه: انا مش شايف غيرك
اطياف مسكت دقنه يبصلها: انت متوتر ليه كده
امير: من مين منك
اطياف: لاء من حبي قول الحقيقه انك وقعت في غرامي وادهولت
امير هرب بعيونها منها وقال: لاء الموضوع مش كده , ومعرفش مين قالك اني بحبك اصلا انتي فاهمه غلط يا اطياف
اطياف مسكت دقنه يواجها: بصلي وقولي انك مش بتحبني والي عملته والوقفه الي وقفتها معايا وخالفت ضميرك كانت مجرد تعاطف
امير :انتي قلتي انك بتكرهيني عشان اتجوزتك بالعافيه , واني غلطه في حياتك ولسه بتعاني وبتعاقبيني عليها
اطياف: مش هكدب عليك الضغوطات الي الواحد اتعرضلها يخليه يقول اكتر من كده, انت اتجوزتني غصب عني عشان كدا كرهتك اوي وقلت مستحيل في يوم اتقبلك شريك لحياتي ابدا بس في لحظه اتحول الكره لحب تعال نقطع وعد ونبدء حياتنا من الليله اوعدني ندعم بعض دايما موافق
امير بصلها مش مصدق ومنتظر يسمع باقي كلامها الجميل
اطياف قربت منه اوي : هو انا الي هفضل اقرب , ولا هتعمل حاجه وتتحرك
امير ببتسامه خلابه نابعه من قلبه وقال: الاول خليني استوعب ,انك بقيتي ملكي ,وبين ايديا وانه مش حلم
اطياف قرصته من خده وقالت : لا مش حلم حقيقه, انا بين ايدك وبقولك موافقه تكون جوزي وفي حضني
امير لف ايده الاتنين حوالين وسطها وشدها عليه واخدها في حضنه وضمها بدرعاته وهي كلبشت في رقبته وراحوا يعيشوا قصه حب جديده وسعيده