رواية مسار اجباري الفصل الثالث والعشرون23بقلم منه محمد
اطياف قاعده ع السرير وبتفكر في كل مشاهد علابينها وبين امجد
منال بتحط روج في المرايا وبتوزعه ع شفايفها : طفطف حلو لون الروج ده عليا, اصل كان يجنن عليكي وقلت اجربه
اطياف عيونها في الفراغ وسرحانه
منال: اطياف
اطياف انتبهت : نعم
منال: فيه ايه من بدري بكلمك , بتفكري في ايه
اطياف: في علا وامجد الاتنين دول بينهم حاجه, شفتهم مع بعض كذا مرة بيتكلموا
منال : لاء انتي متعرفيش اصل هما كانوا زملاء مع بعض في الكليه , وهو قالي كانوا مجرد زمايل
اطياف :مفيش حاجه اسمها مجرد زمايل
منال: تقصدي ايه
اطياف بحيره: مفيش حاجه واضحه لسه بالنسبه لي, بس الوضع بينهم غريب فيه حاجه مستخبيه عننا
منال: يعني انتي بتشكي في امجد
اطياف بصتلها وسكتت وهي تابعت برجاء: من فضلك قوليي الحقيقه, انتي شوفتي بينهم حاجه بتحصل
اطياف حركت دماغها بنفي: لا مشفتش حاجه من دي
منال :امال
اطياف اتنهدت وقالت بهدوء: منال انا مش بقولك شكي في امجد ,بس كمان متبقيش عمياء لازم تفتحي عنيكي لتقعي في بئر ,وراي تروحي تتكلمي معاه بصراحه
شوقيه خبطت ودخلت: ست اطياف امير بيه عايزك
اطياف وهي بتقوم من مكانها: انا جايه
شوقيه :ماشي
................قصص منه محمد كاتب...............
حكيم: من يومين كلمني ابو واحد له مركز كبير في البلد وطلب ايد علا لابنه الكبير هو شاب عنده مصنع ملابس وانا فرحت بالعلاقه دي وقلت له موافق
ثريا بابتسامه واسعه : دي اخبارك تفرح القلب, وانا اعرف اهله ناس طيبين , وامه ست اميره هنعوز ايه اكتر من كده لبنتنا
علا بذهول :بابا بس انت وعدتني بحاجه تانيه , وايه عن امجد
حكيم بغيظ: امجد ده تنسيه
علا : ازاي يعني انساه , انت وعدتني بس جايب لي واحد غيره , هو انا ممكن احب واحد تاني واتجوزه ده مش هينفع يا بابا
ثريا : علا القرار الي اخده ابوكي اكيد اخده بعد تفكير وتأني
علا بعصبيه: اكيد انتي الي وري كل ده , ماهو مش ممكن تحبي سعادتي
حكيم : علا امجد رفضك
علا : بابا اكيد هو تحت ضغط كبير من امه, لازم نعذره ونديلو مساحته اكيد عشانها رفضني بابا ارفض جوازه من منال ولما تحصل المعركه الحقيقه هتيجي قدام الكل من نفسها والكل هيعرف الحقيقه
حكيم بحزم: انا اخدت قراري بعد ما فكرت كتير , والاحسن انك تنسيه وفتحي عينك الواد ده بيخدعك باسم الحب
علا بدموع: بابا
حكيم شاورلها تسكت وسابها وخرج مغادر من المكان
علا : ماما وضحي لبابا ليه مستعجل واخد القرار
ثريا : سبيني انا تعبانه
علا ببكاء: محدش حاسس بيا في البيت ده ابدا
...............قصص منه محمد كاتب...........
مش عارف ينام مرتاح لايمكن يعنمل فعل اجرامي زي ده عشان يرضي عمه ويغضب ربه مره واحده قام قعد
اطياف قامت وسالته :حصل ايه يا امير, ليه كل شويه صاحي انت كويس
امير : اه يا حبيبتي انا كويس, نامي انتي
اطياف حطت ايدها على كتفه : فيه ايه عرفني
امير: مفيش حاجه , بس حلمت بكابوس فزعني , نامي نامي
اطياف: لاء خدني في حضنك يله تعال
امير هزلها دماغه وبعد ما اطمن انها نامت وراحت في النوم...... قام قعد وولع سيجاره وفضل يدخن بطريقه متعصبه جداا لحد ما طلع النهار
اطياف قامت فتحت الدولاب وشدت فستان وراحت له: امير البس النهارده الفستان ده , حبيبي انا بكلمك
امير انتبهه : انتي بتقولي حاجه
اطياف مبتسمه: تعرف قلبي عايز يعمل اي حاجه عشانك, وقررت البس الهدوم الي انت تختارهالي , انا مستعده اعمل الي تطلبه مني ,امير هتفضل مسهم كتير انا عماله اكلمك ع فكره وانت مش هنا, فيه ايه مالك , شكلك قلقان , هو فيه حاجه
امير اخد نفس من السيجاره وقالها: لاء انا مش قلقان
اطياف : تعرف فيه قوه عظيمه في الحب, لما الواحد بيقع في حد ويحبه بيعرف ايه الي تعبه من غير ما يتكلم بيعرف , زعلان فرحان وانا شيفاك من امبارح وانت مش ع بعضك قلقان وساكت قولي فيه ايه, فضفض معايا , ومتقوليش مفيش وان الي عندي ده وهم
امير :صلي وادعي تتحل المشكله دي
اطياف :ايه نوع المشكله
امير :مش هتفهميها هي مشكله ضمير , عشان كدا قلقان الايام دي
اطياف مسكت ايده وقالت :ان شاء الله كل حاجه هتكون كويسه وبخير ,وبصراحه انا اول مره اشوفك بالحاله دي لو تحب اتصلك بـ بابا
امير : لاء متكتلميش مع عمي في حاجه, انا هحلها بنفسي
اطياف :زي ما تحب
امير : ممكن حبيب قلبي تعملي كوبايه شاي راسي بتوجعني
اطياف : حاضر حالا اعملك احلي كوبايه الشاي , وارجعلك اعملك مساج ع دماغك
...................قصص منه محمد كاتب...........
في المكتب
قاعد بيكتب في ملف لقاه موبيله بيرن باسمها ابتسم ورد : اهلا بحبيبه قلبي
منال: عامل ايه
امجد: انا تمام ليه اتصلتي بيا خير فيه حاجه
منال: انت فين
امجد :في المكتب
منال :بصراحه كنت رايحه اجيب من المستشفي تحاليل ماما لقيت نفسي قرببه جدا من مكتبك فقلت اتصل بيك وتعزمني ع الغدا ممكن
امجد بضحكه :طبعا يعني انتي دلوقت داخله عليا
منال: ايوه بالظبط
امجد: وانا مستنيكي
منال: تمام سلام
امجد قفل معاها هو حرفيا مبسوط وبيحاول يخلص الي في ايده عشان يكون متفرغلها
السكرتيره دخلت : امجد بيه فيه موكله طالبه تقابلك
امجد وهو بيكتب: تمام دخليها
علا دخلت وزقت الباب وامجد بيلف يحط الملف في المكتبه وراه وبيقولها من دهره: واضح انك كنتي قريبه اوي_ لف لقاها _ علا
علا بحده: ليه رفضت كلام بابا
امجد: كان ممكن تسأليني ع التلفون , ايه الداعي تيجي لحد مكان شغلي
علا : عايزه ابص في عينك بنفسي واشوف كلامه صح وانك فعلا كنت بتخدعني , قولي انك عملت كده
امجد بتوتر : ده مكان شغل مينفعش خالص نتكلم عن ده هنا ,ومكنش الاصح تيجي هنا بأي حال من الاحوال
علا بنرفزه وصوت عالي : انا محتاجه اجابه لاسئلتي, انا هتجنن وبعاني من عدم الراحه وانت ايدك في الميه البارده
امجد جز ع اسنانه: وطي صوتك ده مكتب , وصوتك عالي جدا , واتفضلي امشي قبل ما صوتنا احنا الاتنين يوصل بره
علا بنفس اسلوبها ونبره الصوت العالي:انا جوايا نار قايده , وانت تقولي وطي صوتي
امجد نفخ بضيق : تمام هاجي اقابك انا بنفسي اليوم
علا : تمام تعال قابلني في السرايا
امجد ضم حواجبه: ليه السرايا, بس تمام هقابلك بس من فضلك امشي حالا من هنا
علا : انا مستنياك
منال هنا دخلت وشافتهم قريبين جدا من بعض وعلا اخدت بعضها ومشت من جنبها بسرعه
منال :دي كانت بتعمل ايه هنا
امجد برتباك ملحوظ: كانت معديه جنب مكتبي وجات تسلم , وتاخد راي في اسشاره قانونيه لواحده صاحبتها
منال : بجد لما استشاره ليه اول ما شافتني اخدت بعضها ومشت ع طول
امجد : معرفش
منال الدموع خنقتها: اسمع يا امجد لحد هنا وكفايه ايه الكدبه الي هتكدبها , جاوبني وقولي الحقيقه دي كانت بتعمل ايه معاك هنا , وايه علاقتك بيها
امجد : من فضلك اهدي مفيش حاجه من الي في دماغك , وبعدين انتي مفكره اني كداب وغشاش وبخدعك , فاكيد انا مش الشخص ده يا منال, انا صادق معاكي لانك هتبقي شريكه حياتي وهنبقي واحد, والي بينا علاقه نقيه وقويه للغايه
منال : مش مصدقه ولا كلمه من الي بتقولها , انت بتكدب واكيد كدبت كدا ع علا ولحد دلوقت مش عايز تقول الحقيقه
امجد : عايزه تسمعي ايه
منال : الحقيقه عايزه اسمع الحقيقه النهارده قبل بكره , الي انت مخبيها عليا ومقلتهاش ابدا
امجد بصلها وسكت بملامح مضطربه ومبيردش
منال رغرغت عيونها بالدموع وقالت: يعني مش ناوي تقولي مش كده , براحتك يبقي تسمعني كويس اوي , طالما مش هتقولي الحقيقه كامله ومش مستعد , مش هتكلم معاك , ومش هنتقابل
امجد طلع يمد بخطواته وراها بس هي صممت ع كلمتها ومشت من المكان متحطمه
........................................
علا لمحته راحت تجري جري عليه: كنت متاكده انك جاي بعد الي حصل
امجد بنرفزه: انا هنا عشان احذرك لاخر مره ,بطلي تجري ورايا وتطارديني, انا قربت اتجنن من تصرفاتك الغير مسؤله , ليه جيتي مكتبي منال شافتنا مع بعض , كنتي عايزه ده يحصل مش كدا
علا: ايوه لانها كانت لازم تعرف, لو مش اليوم يبقي بكره, انك بتحبني انا مش هي
امجد بغضب: انا مش بحبك, او كنت بحبك , بس خلاص انتهي , وانا عايزاتجوز منال والعلاقه الي بيني وبينك هي انك بنت عم منال وبس
علا مسكت ايده بقوه: انا عارفه انك خايف من والدتك عشان كدا بتعمل فيا كل ده, هتاسفلها وهنزل اقعد تحت رجليها وهي هتسامحني , وبابا صدقني هقنعه بحبنا وهتتحل المشكله الصعبه دي
امجد: انا مش عبد عند ابوكي ,ولا في سن يسمح لي يقولي اعمل كدا او معملش كدا وقت ما هو يحب, انا مش ملزم اطيع اوامره ,انا بحب امي زي ما بتحبي ابوكي بالظبط , ولا يمكن اوذيها واكسر قلبها
علا :اه يعني انت بتنتقم مني
امجد : انا ولا بنتقم ولا اي حاجه , انا مبسوط بحياتي , وانت انبسطي بعيد عني بحياتك
علا: انت حياتي وكل حاجه ليا يا امجد
امجد : خلاص هموت نفسي يمكن ده يريحك خالص, وتشليني من دماغك
علا :ليه بتقول كدا يا امجد
امجد :لوجهه الله سبيني في حالي
علا جريت وراه :امجد يا امجد
اطياف لمحت عربيته وهي خارجه من البوابه وعلا بتجري وراه توقفه والشك عندها زاد
.........................قصص منه محمد كاتب...............
امير : الطلب الي طلبته مني ياعمي مش هعمله , ده اسمه غدر, امجد يعتبر واحد من البيت وخطيب منال ازاي يتقـ تل وليه
حكيم : مش عشان كلام فاضي , دي مساله تخص شرفنا واحترامنا , وهو محترمناش انت متعرفش الحكايه كلها لو عرفت حقيقه الامر كنت انت الي هتطلب مني تخلص عليه من نفسك
امير :ايوه عمل ايه
حكيم : عايز تعرف امجد بيلعب بشرف البيت والي فيه
امير : ازاي يعني امجد مش من النوع ده من الشاب, ده متربي و محترم ومستقيم وماشي زي الالف , اكيد فيه حاجه في معلوماتك غلط
حكيم : انا مسمعتش غلط , وانت عارفني لايمكن اصدق لحد من غير ما اتأكد بنفسي ومحدش بسهوله يقدر يقنعني بحاجه مستحيل اقتنع بيها
امير : بس انا لسه شايف فيه فهم غلط
حكيم : مفيش فهم غلط, لان علا الي قالت لي بنفسها , امجد لعب عليها باحلام الحب والجواز
امير بذهول: علا قلت لك ده بنفسها
حكيم : ايوه الموال ده مش من اليوم بقاله فتره طويله, الاول اكد حبه الكبير لعلا وخلاها تحبه زي المجنونه , وبعدها وقع منال وخطبها ولعب عليهم هما الاتنين, لكنه ميعرفش ان الي يلعب بشرفنا ده يكلفه قد ايه , قولي دلوقت بعد ما عرفت كل حاجه شايف اني ماليش حق وبرتكب افظع جريمه , ها يا امير ياتري الي هتعمله مش فخر للعايله لاننا بنحمي شرفنا من الوسخ الي كان هيمرمغ شرفنا لازم ياخد عقوبته وهي المـ وت , جهز رجالتك , وبكره تاخد روحه منه الوساخه دي لازم تنضفها
امير: لاء كدأ كل الامور بتحصل بسرعه, لو عايزني اتصلك بيه واجيبه نقعده ونتكلم ونسمع منه , ايه الضرر لو اتكلمت معاه لمرة واحده , وشوفت الصوره قدامك كامله
حكيم: امير المسائل بتتعلق بالشرف والاحترام مفيش لزوم للشرح , وخلاص انا قلت ده لازم يموت يبقي مفيش فايده من الكلام معاه , هنقطع نباح الكلاب الي عايزين ينهشوا عرضنا ولحمنا, امجد الفقير بكره مش هيشوف شمس في حياته
امير: لاء يا عمي
حكيم بغضب هادر :انت الي جرالك اليوم , شكل الموضع مش هيخلص من خلالك
عزيز فتح الباب: فيه ايه مالكم حصلت حاجه يا امير بينك وبين عمك زعلته
حكيم: ليه جيت هنا
عزيز: ابدا جمعت ثمن المحصول وقلت تشوف الحساب
امير: انا ماشي
....................قصص منه محمد كاتب...........
اطياف: ليه مقولتليش
منال لفت بصتلها: مقلتلكيش ع ايه
اطياف: ان امجد جه هنا
منال انصدمت واتفاجأت : هو امجد جه هنا
اطياف: ده الي بسألك عنه, هو امجد مقابلكيش , شوفته من شويه طالع بعربيته لو مقابلكيش امال كان جاي يقابل مين؟!
منال بحده: معرفش
اطياف: فيه ايه بينكم
منال حاولت تخفي وجعها جواها بعلامات جمود مصطنعه
اطياف: ايه الي بيحصل يا منال انا بسالك عرفيني
منال: قلت لك معرفش اي حاجه, لا ليه جه ولا قابل مين , ومعرفش اي حاجه
اطياف: بس انا لازم اعرف عشان كدا بسالك قوليلي فيه ايه
منال: مفيش وقفلي ع سيرته
اطياف بهدوء: يا حبيتي ايه المشكله عرفيني , لو متخانقين قوليلي ليه بتخبي عليا يا منال
منال : مش بخبي قلت لك معرفش , وطالما لا انا ولا انتي عارفين سبيني اعرف فيه ايه , ولا اقولك روحي اسالي كل الي في البيت لو عارفين حاجه ولو عرفتي عرفيني هو ليه جه هنا ولمين ,يمكن تنهي حيرتنا
اطياف : خلاص اهدي ايه الي حصلك ليه متعصبه
منال سحبت نفسها بسرعه ومشت من قدامها وغرقت عيونها دموع وفاضت!!!
اطياف لنفسها: يمكن جاي عشان عمي يشغله انا لازم اعرف
........................................
اطياف: امير كويس انت جيت كنت لسه بتصل بيك , افكرك انك هتاخد ماما المستشفي
امير بص في ساعته وقالها: بس لسه بدري , قوللها تجهز انا هروح مشوار وراجع ع طول
اطياف : استنناني هروح اقولها ورجعالك عشان عايزك
امير :اطياف
اطياف :نعم
امير سحبها من وسطها لصدره: كنت عايزك تروحي معانا, لما هتبقي جنبي هعرف اسوق كويس
اطياف :انت واخد ماما المستشفي مش طالع رحله
امير مسك وشها بأيده :انتي مش مقدره حتي حبي
اطياف قربت منه ببتسامه: مين قال اني مش مقدره , امبارح خرجنا وغبنا , والنهارده تاخدني المستشفي وبكره تاخدني تفسحني مش بحب الخروج كدا كل يوم الناس هنا يقوله ايه ,دول كل يوم يخرجوا وطفشانين من البيت
امير مسك خصله من شعرها :انا ماليش دعوه بكلام حد, دي رغبتي انا , من حقي اقضي وقت معاكي ,واخدك اي مكان هو مش انتي مراتي
اطياف: اه مراتك بس مش لازم تاخدني في كل مكان
امير: لو مخرجتيش معايا تبسطي هتخرجي مع مين ؟!ملكيش حبيب غير واحد في العالم الي هو انا
اطياف افتكرت رشاد وحبه الكبير ليها وسهمت
امير فرقع صوابعه قدام وشها : سرحتي في ايه
اطياف ابتسامت له : ولا حاجه
امير مبتسم في وشها :طيب ممكن يا قلبي تعمليلي كوبايه شاي هكون شاكر جدا
اطياف : حاضر
الباب خبط وامير قال: ادخل
شوقيه : امير بيه حكيم بيه عايزك تحت ضروري
امير : روحي وانا جاي
........................
امير نزل بسرعه: نعم ياعمي طلبتني
حكيم: ايوه اقعد
امير قعد وحكيم تابع وكمل: فيه مشكله بين الفلاحين في الارض وشايف تروح تحلها
امير :ممكن اتابعها بالتلفون
حكيم: مش هتنفع تتحل بالتلفون, تروح بنفسك ودلوقت
امير بتوتر: ايوه بس
حكيم: بس ايه فيه حاجه وراك
امير :اصل كنت هاخد مراه عمي مديحه المستشفي هي ومنال
حكيم: تمام انا هحل المسأله دي بنفسي, يله قوم انت توكل ع الله
امير : زي ما تحب حاضر
حكيم طلع موبيله واتصل بالشخص الي هينفذ العمليه يديلو التعليمات
اطياف نزلت لتحت : عمي شوفت امير في مكان
حكيم: امير راح يحل مشكله بين الفلاحين انا بعته
اطياف : راح من غير ما يقولي اصله كان هياخد ماما المستشفي
حكيم بخبث: انتي حلي المساله واتصلي بامجد ياخدها اصل امير هيتأخر في حل المشكله وبعدين اجد بقي واحد مننا ومن حقه يشارك في اي حاجه تحصل في السرايا ولو طلبتي منه هيحس انه مش غريب اما لو مش عايزه اتصلك حالا بجوزك يرجع
اطياف: لاء انا هتصل بامجد
حكيم: تمام يله اتصلي
اطياف اتصلت بامجد لكن متعرفش انها بتجره لساعه مـ وته
حكيم سالها بمكر:حصل ايه وافق
اطياف:اه ياعمي شويه وجاي
...................قصص منه محمد كاتب...............
امجد لشوقيه وهي بتقدم له العصير قالها : الف شكر
مديحه : اطياف
اطياف: نعم يا ماما
مديحه : نادي منال خلينا نمشي خطيبها ,كتر خيره جاي من مكان بعيد ياخدنا , وهي كل ده بتجهز
اطياف: حاضر هشوفها امجد دي كل التقارير بحاله ماما
منال خرجت وهي مكشره جدا: ماما يله نمشي
امجد بصلها وقال بهدوء: انا هطلع اشغل العربيه وتعالوا براحتكم
منال :امال امير رايح فين
اطياف: امير طلع عنده حاجه يعملها وامجد هو الي هياخدك انتي وماما
منال بعناد: وانا مش رايحه
مديحه :منال عيب تتكلمي بالاسلوب مع خطيبك
منال :قلت ايه يا ماما مش رايحه والاسلوب الي بتكلم بيه معاه من حقي
مديحه: اطياف ادخلي شوفي اختك مالها
اطياف :اه هشوفها وارجع
امجد :استني يا اطياف منال مش هتوافق اصلها زعلانه مني
اطياف: ليه بس روح صالحها
امجد: اختك عنيده ودماغها صعبه جدا , حاولت معاها كتير منشفه الدنيا, ولو مش عايزه تروح سيبوها ع راحتها مش فضلكم متجبروهاش , انا هاخد طنط مديجه وارجعها
اطياف :تمام
امجد سند مديحه هو واطياف لحد العربيه وطلع بيها مغادر المكان في نفس الوقت امير اتصل بيها
اطياف: ايوه يا امير
امير:بلغي مراه عمي تجهز انا مسافه السكه وجاي
اطياف :بس ماما مشت مع امجد
امير :مشت مع مين
اطياف :مع امجد
امير :امجد
اطياف :ايوه عمي بنفسه الي طلب مني اقوله لانك مشغول
امير: مشي من امتي
اطياف :من دقيقه لا مش
امير قطعها :قوليي بسرعه امتي مشيوا
اطياف: اه من خمس دقايق هو فيه ايه
امير قفل الخط ع طول واطياف استغربت من عصبيته فضلت ترن عليه لحد ما عطاها جرس وحاولت تاني لكنه عطاها غير متاح في نفس التوقيت وقفوا اتنين ملثمين قدام عربيه امجد ومعاهم مسدس
مديحه: ايه ده مين دول
الملثم لامجد : انزل بسرعه عشان مضربكش بالنار
مديحه : عايزين ايه منه , وانتم مين
الملثم سحب امجد من التشي شيرت وامجد ضربه بالبوكس واثناء المعافره طلعت رصاصه صابت مديحه في مـ قتل