رواية مسار اجباري الفصل الرابع والعشرون24بقلم منه محمد
منال: اطياف
اطياف عينها ع التلفزيون: امممم
منال: اطياف
اطياف : نعم
منال: حاسه بحاجه غريبه
اطياف بصتلها: حاسه بأيه
منال: معرفش قلبي مقبوض وعيوني بترف
اطياف: مفيش حاجه يا منال اتفرجي معايا ع المسلسل
منال سحبت كوبايه ميه تشربها لكن من رعشه ايدها وقعت اتكسرت ع الارض
اطياف: مالك بس يا منال مش تاخدي بالك
منال: بقولك قلبي متوتر , وجفني بيرف بطريقه غريبه, حاسه ان فيه حاجه بس ايه هي معرفش
اطياف: ايه الكلام الغريب الي عماله تقوليه, انتي بس عشان متخانقه مع امجد دماغك عماله تروح وتيجي ,والكوبايه وقعت توتر بيحصل عادي
منال: بقولك حاسه زي ما يكون قلبي مقبوض مش مرتاحه , صدقيني فيه حاجه وحشه هتحصل
اطياف كتمت ضحكتها بالعافيه ومنال سألتها: بتضحكي ع ايه
اطياف: أقولك قومي كلمي امجد التوتر والقلق هيروح
منال: انا مش عايزه اكلمه ,وحاسه بقلق ع امي
اطياف: طيب ليه مروحتيش معاها بدل ما قاعده هنا متوتره وموتراتي , معاكي كنتي روحتي
منال بندم: يارتني روحت مكنتش هبقي في القلق ده كله
اطياف: منال انتي غريبه جدا اليوم , قلت لك روحي معاهم بس ازاي وبدل ما تقعدي توتريني معاكي قومي نادي حد ينضف مكان الازاز , ليه قاعده قومي
منال نخت ع الارض وهي بتقولها: لا هلمه انا
...........قصص منه محمد كاتب............
علي الموبيل
امجد: ايوه يا امير
امير: امجد انت فين
امجد في حاله صدمه وذهول من الي حصل وقال بتوتر: انضرب ع طنط مديحه نار, واخدتها للمستشفي حد يلحقها
امير بفزع: بتقول ايه انضربت بالنار ,متقلقش انا جيلك
امجد قفل السكه وشايف الممرضات بتجري زي خلايا النحل في كل مكان
امير دخل جري ووقف قدامه : امجد ايه الي حصل
امجد: كنت واخد طنط مديحه المستشفي , واحنا ماشين في الطريق بعد شويه وقت جه اتنين ملثمين يسرقوني وحصل الي حصل لما عافرت معاهم
امير: وهي فين دلوقت
امجد: في الطوارئ
امير جري بخطواته وزق الباب ودخل وامجد دخل وراه لكن للاسف بلغوهم بموت مديحه وانها فارقت الحياه
...........قصص منه محمد كاتب...........
ظابط المباحث: لحد دلوقت مش فاهم دوافع الجريمه ,بس هل فيه عداوه بينكم وبين حد , ده الي جيت اتاكد منك عنه, لانه حصل في بلدك
حكيم: مين عارف مين عملها , وانت طبعا عارف في بلدنا عندنا حبايب اقل واعداء اكتر , وبعد الي حصل بقيت متاكد ومقتنع بكده ان دي فعله حد عدونا , وحرق قلوبنا علي مراه اخويا
الظابط: شد حيلك لكن متقلقش ابدا قولي اسمائهم وانا هستدعيهم واحقق معاهم كلهم , والي عملها هيتسجن مدي الحياه , ومش هسمح للدم يغرق البلد
حكيم : يا حضره الظابط انا بعفي لخصمي
امير قاعد لكنه في قمه غضبه و ايده ترتعش من القهر وفضل يحرك بجسمه بعصبية من فجور عمه الا متناهي!
الظابط: بتقول ايه
حكيم : انا مش عايز اخليها بركه دم , انا راجل بحب الهدوء والسلام دايما لبلدي , كل مجهودنا لسنين عشان راحه الناس وتعيش في امان وسلام , ولو عملت كده عايلتي هيسيل دمها تاني ,وانا مش هشتكي حد
الظابط : طبعا بحيكك ومعجب وبشيد بكلامك , وبالظبط ده الي قالوا عنكم اهالي البلد , ولا يمكن هنسمح لحد يعكر السلام في بلدكم
حكيم :كل ده بيحصل بسبب الناس الطيبين امثالك
الظابط قام من مكانه وقال: بعد اذنك لو فيه اي حاجه وصلتلها, ممكن تبلغني , وانا ببقي مبسوط وانا بحقق العداله للناس الطيبه امثالك ,سلامو عليكم
............قصص منه محمد كاتب..........
امير بصراخ جنوني : مكنتش اعرف انك شخص ضعيف للدرجه دي, لو الي انت فيه مش ضعف امال يكون ايه عشان تكسب تعاطف اهل البلد قتـ لت
حكيم ببرود :امير اظن عارف كويس هدفي كان مين
امير بغضب: مهما يكن مكنش ده المفروض يحصل ابدا , هو فيه جريمه قتل من غير دم , حتي لو مش واحد مننا مجرد خطيب منال , مش دي تعتبر جريمه قتل , انت ضيعتنا لمصلحتك وقتلت انت قاتل
حكيم بنفس البرود: مكنش عندي حتي النيه دي يا امير
امير كلمه بكل عصبيه: لا كانت نيتك ونجحت فيها واتنفذت بشكل كويس جدا ,وانت لوحدك المسؤل عن كل الي احنا فيه انت قاتل ياعمي قاتل انت استخدمت مراه عمي لصالحك وقتلتها انت الي موتها
اطياف بتجري : امير الحقني منال اغمي عليها تعال معايا بسرعه
امير بص لعمه نظره كلها سخط وغضب
اطياف: يله يا امير تعال بسرعه
...............قصص منه محمد كاتب.............
في منزل عائله امجد قاعد حزين والحزن كساه ملامحه
امه قعدت جنبه وقالت: الي حصل كان صعب اوي وبدل ما يسرقوه قتلوا الست الاميره مديحه , قتلوها غدر وبحمد ربنا وبشكره الف مره انه حماك ,كنت هعمل ايه يا امجد لو كان جرالك حاجه
امجد: الي تعبني ان المجرمين دول قتلوها بسببي وخسرت حياتها , كنت اتمني امسك المجرمين دول وافرغ فيهم المسدس مكنش ده حصل ماما هي ماتت بسببي
امه :لاء يابني متتكلمش بالطريقه دي وتحمل نفسك ذنب انت ملكش يد فيه , هما الي مجرمين قلوبهم حجر دول مش بني ادمين مخافوش ربنا
امجد :بس طنط مديحه كانت رايحه معايا ,وانا مقدرتش احميها مش هقدر اسامح نفسي ابدا
امه :لاء ملكش ذنب ده عمرها خلص لحد كده حبيبي اراده الله فوق الجميع وربنا يصبر منال واطياف ع مصيبتهم
امجد نزلت دموعه تجري ع خده: اطياف كانت واثقه فيا عشان كدا بعتت امها معايا
امه : اه يابني وحصلت المصيبه الكبيره ع البنتين دول
امجد بندم: يارتني ما سمعت كلام اطياف ,وياريت ما كانت امها راحت معايا مكنش حصل الي حصل
امه : مفيش فايده من كلمه لو دي باب الشيطان , احنا ندعلها بالرحمه والمفغره وربنا يرفعها مكانه عاليه جنب الشهداء , ويصبر بناتها ع فراقها, الانسان مننا يبيقي عاجز قدام اراده الله واحنا نرضا بيها في كل الاحوال فاهم الكلام الي بقوله
...............قصص منه محمد كاتب...............
امير قاعد قدامها ومنظره حزين وعيونه فيها هموم مكبوته لحد ما فتحت عينيها بأرهاق كبير
امير لمعة الدموع في عينيه : حبيبتي عامله ايه دلوقت اشربي شوية ميه
اطياف ببكاء: اشرب ايه بعد ما امي ماتت , الحياه كلها ماتت وهتفضل المعاناه هنعيش العمر كله في حزن واحنا من غير ام , معقول مش هشوفها تاني ابدا , انا كاني في حلم فظيع نفسي افوق منه
امير كتم دموعه وقال بصوت مخنوق: اطياف شدي حيلك , وربنا يعلم انا مقهور قد ايه ع مراه عمي زيك بالظبط
اطياف: مين قتل امي, شوفت البوليس في مكان الحادثه, اكيد حد شاف حاجه الموضوع مش مجرد شويه حراميه , لو عايزين يسرقوا ليه قتلوها , اكيد البوليس عرف حاجه قولي عرفوا ايه
امير بأرتباك: انا معرفش حاجه البوليس لسه بيحقق
اطياف انا مش هرتاح غير لما اعرف مين قتل امي هقطعه بسناني غير كدا مش هعرف اكمل حياتي يارتنا مادخلنا البلد هنا ولا رجعنا بامي تاني كندانت زمانها قاعده معانا مكنتش هتعاني لحد ما تموت كل حاجه راحت مبقاش عندنا حاجه البلد دي وشها علينا نحس اخدت مننا احلي حاجه اه يا ماما
امير غمض عيونه و بكاء اطياف و صراخها ملا عقله وغرس خنجر الألم لمرات مش عارف عددها نفسه ينزعه من قلبه الحمل بقي فوقه طاقته وقال في سره .......شوف انت قد ايه عاجز مش قادر تنطق بكلمه كنت عاجز قبلها, وعاجز حتي بعدها
اطياف شهقت بألم ووجع وهي منهاره من العياط
امير قلبه وجعه عليها وقعد جنبها ومسح علي شعرها بلطف : اطياف قومي كلي حاجه
اطياف :مش هاكل
امير: انتي مكلتيش حاجه من ساعه الي حصل , كدا هتموتي نفسك وصحتك هتدهور
اطياف خنقتها الشهقات المتتالية و الدموع الغزيرة : مش هاكل لحد ما يقبضوا ع حرمني من امي . هفضل كدا مفيش حاجه اعملها انا بالنسبه لي الدنيا خلصت
امير ضمها لصدره وفضل يهدي فيها وقلبه موجوع عليها ونفسه ينزع عنها كل الوجع
...........قصص منه محمد كاتب...........
دخلت لقته قاعد ع سريرها وراسه لتحت
اسمهان : انت قاعد ليه في الضلمه , هولع النور
عزيز بيمسح دموعه: سبيه انا عايز اقعد في الضلمه انا معطتش اي نور لمديحه , ولا عطتها اي حاجه تعيشها في الحياه ومشت من غير عتاب ولا حتي كلام
اسمهان : الناس الطيبه هما الي بيموتوا من غير حساب ولا شكوي , ومديحه كانت ست طيبه وهتوصلوا للي عمل فيها الجريمه البشعه دي , وهيتعدم بأذن الله
عزيز: وانا مش مصدق ان حرامي هاجمهم , ازاي طلع كدا فجاه لا مش مصدق
اسمهان: بتحاول تقول ايه ياعزيز
عزيز: الي عملها مكنتش حرامي يعني بالذمه اول ما العربيه تخرج من البوابه وتمشي ثواني حد يهاجمهم مش ممكن
اسمهان :براحه ع نفسك واهتم بمنال واطياف, لازم تقف جنبهم وتاخدهم في حضنك عشان البنتين دول يجمدوا بيك
عزيز : معاكي حق بتلفتي نظري انهم مش في دماغي , واني لازم اقف جنبهم لانهم من ريحه مديحه, لو سمحتي انا عايز اقعد هنا لوحدي, سبيني شويه مع نفسي
اسمهان :حاضر
............قصص منه محمد كتب..........
ثريا: علا عيب اطفي التلفزيون , مش عارفه ان فيه حداد في البيت
علا : هنفضل ع طول في نكد, مافات كام يوم وبعدين مال الحزن بالتلفزيون مش فاهمه
ثريا : شوفتي حاله اطياف ومنال امهم ماتت وسابتهم , وانتي قاعده تتفرجي ع المسلسل بقيتي انانيه
علا بحده: قوليلي هو الحداد كام يوم , سنه كل ده انا مليش فيه وبعدين الحزن ده هيرجعها لو الحزن بيرجع الاموات كانت كل الناس كملت عمرها في حداد
ثريا : بقيتي قاسيه, لو انا الي مكان مديحه كنتي هتقولي كده
علا: ليه بتقولي كدا انتي كل حاجه بالنسبه لي , بعيد الشر عنك
ثريا :زي ما انا امك وغاليه مديحه امهم وكانت غاليه وبيحبوها جدا
علابسخريه: بس هما عندهم ام تانيه ,مراه عمي اسمهان وبتقول بتحبهم زي بناتها يعني عندهم ام بديله هو مجرد بس اسم اتغير
ثريا :مفيش حد يعوض الام , والمره الجايه مش عايزه اشوفك فاتحه التلفزيون
علا : لو مش هتفرج امال اعمل ايه احس بالملل , وانتم عاملين نكد وحداد طول الوقت اعمل ايه غير اتفرج ع التلفزيون ولا اموت بالبطيئ
ثريا بشده: قومي اقعدي جنب اطياف ومنال شاركيهم حزنهم , واتعاطفي شويه معاهم البنات موجوعين اعتبريهم اخواتك
علا: سبتلك التعاطف والطبطبه,وهما مش اخواتي
ثريا: انتي ليه بتكرهيهم دول بنات كويسين
علا: ده رايك بس هما بالنسبه لي مش كويسين
ثريا: خلاص خليكي انتي الكويسه وقومي اقفي جنبهم وقت الشده يله اتحركي اقعدي مع البنات خففي عليهم الوجع بقولك قومي
علا حدفت الريموت ع التربيزه بعنف وقامت وقالت: لايمكن تسبيني قاعده مرتاحه لازم تضايقيني
.................قصص منه محمد كاتب............
عزيز بصوت باكي : يارتني ما كنت سيبتها تروح من غيري
اسمهان : هيفيد بأيه الندم , والحياه الي كانت لازم تعيشها اتحرمت منها , ودايما بنحس بقيمه الي بيروح مننا بعد ما يروح والي فاضل من مديحه ريحتها والذكريات
عزيزبصلها : اسمهان سامحيني
اسمهان بكل هدوء : اسامحك ع ايه
عزيز وقف قدامها: انا حقيقي مش عايز اخسرك , انا بعدت عنك كتير وانتي كمان بعدتي عني , بس فضلتي تحبيني وحب كتير عليا وثمنه غالي , بس انا مقدرتش اقدر الحب ده , وسواء بقصد او من غير قصد , عطيتك الالم والوجع بس انتي عمرك ما اتكلمتي عن تقصيري عشان كدا مكنتش مدركه
اسمهان نزلت دموعها: بتتكلم عن ايه ياعزيز, انا عمري ما اشتكي منك ابدا , ولا عندي ذره ضغينه واحده منك
عزيز مسح دموعها وطبطب على كتفها وضمها لصدره: وده الي بندم عليه انك عمرك ما اشتكيتي مني بدا انتي اصيله وطيبه اوي وقلبك ابيض وتستاهلي كل حاجه حلوه
اسمهان دخلت في حضنه واثشبست بيه بكل طاقتها وقالت في نفسها : مديحه قدمت لي معروف كبير من كل الي بيحصل , وسبتنا وماتت
...........قصص منه محمد كاتب..........
ختمت صلاتها ولسه بتخلع الخمار سمعت صوت موبيلها مسحت دموعها وردت وبصوت مبحوح من كتر العياط : ألو
رشاد بهدوء : اطياف عامله ايه البقاء لله شدي حيلك
اطياف: الشده ع الله انا كويسه
رشاد: انا سمعت خبر وفاه طنط مديحه وزعلت جدا ومكنتش قادر اصدق انها مبقتش موجوده بينا
اطياف :حتي انا مش قادره اصدق ده لحد دلوقت , ومش عارفه ازي ده حصل
رشاد: عمك معرفش يوصل للقاتل ,وليه المجرم ده اتعامل بالقسوه دي مع والدتك
اطياف اتنهدت بقهر: معرفش مين الي اخد مننا امنا وحرمنا نشوفها تاني
رشاد: انا مقدر المك , بس انا بعتب عليكي في حاجه واحده انك مبلغتنيش بنفسك وفاتها , كنت احضر الدفنه والعزاء مقدرتش اقوم بواجبي
اطياف :رشاد انا مكنتش حاسه بنفسي منال تعبت جدا وصحتها اتدهورت , وكان صعب اتعامل معاها لو كنا في حينا القديم جايز مكناش عشنا الايام الصعبه دي ,وماما كان زمانها معانا
رشاد: اطياف كنت بفكر اجي اعزيكي بنفسي , اذا طبعا سمحت لي
اطياف :لا يارشاد , مش لازم تيجي ملوش لزوم
رشاد :انا مقدر وضعك , للسبب ده مش عايز ازود متاعبك
اطياف :مع السلامه
اطياف قفلت معاه وفتحت الباب لقت علا واقفه في وشها
اطياف: بتعملي ايه هنا
علا اتلبخت واتلجلت وبعدين مسكت نفسها وقالت: ابدا كنت طالبه حاجه من النت والدلفري اتاخر , ممكن اتصل من رقمك اصل رصيدي خلص
اطياف مدت لها الموبيل وهي مكشره
علا: شكرا اه اطياف ممكن تفتحيه
شوقيه : ست اطياف ثريا هانم عايزكي
اطياف: جايه اسمعي يا شوقيه اول ما علا تخلص المكالمه هات لي منها الموبيل
شوقيه :حاضر
علا : شوقيه روحي بسرعه هاتي ورقه وقلم من اوضتي وتعالي بسرعه
شوقيه :حاضر
علا بسرعه نقلت رقم رشاد ع تلفونها ورجعت الموبيل لشوقيه وطلعت في الجنينه اتصلت بيه
رشاد :الو
علا :انت رشاد
رشاد: ايوه انا مين انتي , اصل رقمك مش مكتوب عندي
علا :انت متعرفنيش بس انا اعرفك
رشاد: لاء مش فاهم تعرفيني منين
علا :انت كنت حبيبي اطياف مش كدا
رشاد: انتي بتقولي ايه انتي
علا :سمعت كلامكم وع فكره انا متعاطفه معاك عشان كدا عايزه اوصلكم لنقطه انت وهي
رشاد :ازاي واطياف متجوزه
علا :بس مش سعيده ومش عايزه تكمل مع امير ابدا , لانها لسه بتحبك لحد اليوم , والحياه مش بتدينا الفرصه كل يوم وانت محظوظ لان الفرصه جاتلك لحد عندك ,واطياف هترجع لحياتك من تاني لانها مش عايزه حد غيرك
رشاد: بصراحه مش قادر افهم انتي عايزه توصلي لـ ايه
علا: عايزه سعادتك , ولو مش مصدقني انت حر, بس انا بقولك ده عشان مصلحتك
رشاد : وانتي ليه متعاطفه اوي معايا , وازي اثق فيكي وانا حتي معرفكيش
علا: مش ضروري نعرف بعض, بس انا عايزه اطياف ترجعلك وانا ممكن اساعدك وانت صاحب القرار
رشاد فضل يقول الو لما هي قفلت الخط
............قصص منه محمد كاتب.............
دخل معاه كياس كتير وفضل ينادي عليها بمرح: يا طفطف , انتي فين يا حب عمري, يا اطياف
اطياف طلعت من الحمام :ايه يا امير انا جايه
امير لعب حواجبه بشقاوه :طفطف طوفي
اطياف :هو في ايه
امير :شوفي جبت دول ليكي
اطياف ابتسمت : ليا والمناسبه
امير مسك خدها :بمناسبه الابتسامه الي اترسمت ع وشك ,وشوفتها بعد عذاب , وروحت اشتريت هديه لمراتي حبيبتي ها عجبوكي
اطياف راحت للمرايا: حلوين جدا , بس عرفت ازاي اني بحب اللون الوردي
امير لف ايده ع وسطها : من القلب للقلب رسول , وقلبي دلني وقالي بسرعه
اطياف: بس ليه تعبت نفسك
امير مسك كفها وحطه ع قلبه وبحب: انا مستعد اعمل اي حاجه علشان افرحك واخليكي مبسوطه , ومرتاحه ,طيب تعرفي انا عندي استعداد اعيد كل الي عشته معاكي تاني
اطياف لفت ايدها حوالين رقبته وقالت برقه: هو انت مش ملاحظ انك عايش في الرومانسيه زياده معايا اليومين دول مالك يا امير بقيت عاشق
امير: ايوه عاشق وحقي اعيش قصه عشقي مع مراتي حبيبتي وياريت لو تلبسي القميص الحلو ده
اطياف: امير انت عايز توصل لـ ايه بالظبط
امير : مش احنا بقالنا شهرين بعيد عن بعض ,ومش عارف اطولك خالص
اطياف :اممم مش فاهمه
امير : منا بقولك اهو ليه مش فاهمه الي بطلبه, انا بقولك الموضوع لازم يروح في حته حلوه
اطياف :مش فاهمه بصراحه انت عايز مني ايه
امير :يا دي الغباء هو اي راجل عايز ايه من مراته, فيه ايه انتي اتغابيتي ليه كدا يا اطياف , هتقفي كتير مش فاهمه بالعربي انا عايزك وصلت
اطياف ضحكت: اه كدا وصلت
امير لسه هيخطف شفايفها وهي يادوب هتندمج جدا معاه تلفونها رن
امير بنرفزه: هو ده وقته , مين الي معندوش دم اتصل في وقت غلط
اطياف شافت رقم رشاد وبسرعه كنسلت الخط
امير بستفسار: مين
اطياف :دي واحده صاحبتي
امير : طيب ليه فصلتي الخط عليها , ومش عايزه تتكلمي معاها
اطياف : اصل البت دي رغايه وحشريه , بتعصبني وهتنزع مودي وتطلعني عن شعوري , ولو رديت عليها هضايق
امير :طفطف البسي القميص حالا وورهوني هيطلع ازاي عليكي, عندي رغبه اشوفك بيه
اطياف :دلوقت يا امير يعني ضروري
امير : ايوه ضروري عشان خاطري
تلفون اطياف رن تاني وكان رشاد وهي كنسلت
امير كرمش وشه بملل: هي الغلسه دي بتتصل تاني, اقفلي في وشها, انا معنديش استعداد حد يضايقك , وبالذات اليوم
اطياف سحبت ايدها وببتسامه ناعمه: لا اطمن هغير ورجعالك , عشان انا كمان عايزك
امير :طيب بسرعه انا مستني ع نار
..............قصص منه محمد كاتب....................
بعد وقت جميل بينهم اطياف دخلت بكاسات عصير وقعدت قدامه : امير
امير اخد نفس من السيجاره: نعم
اطياف : انا ملاحظه الايام دي ان علاقتك مش ولا بد مع عمك
امير: مين الي قالك
اطياف: محدش قالي انا بنفسي لاحظت, يعني عايش بعيد عنه هو حصلت حاجه
اميرهرش في جبينه: مفيش حاجه من دي , هو مشغول بحمله الانتخابات وانا مشغول في الاراضي , ومسحولين عشان كده مش عارفين نتجمع زي الاول
اطياف مسكت موبيلها لما رن وقالت بهمس: هو ليه كل شويه عمال يتصل زهقت من الراجل ده
امير: مين الي بيتصل
اطياف: ولا حاجه رقم غريب
امير مدلها ايده: هاتي اشوفه مين
اطياف: وليه تشغل بالك سيبك من الرقم الغلط واحد متخلف وانا مش مهتميه
اميربغيره شديده: بس انا عايز اهزق المتخلف ده عشان ميضايقكيش تاني
اطياف: ياروحي ليه تعكر مزاجك ليه تتعصب ع حاجه تافهه
امير: لو ضايقك تاني مليني رقمه وانا هطلع بروحه
اطياف دخلت في حضنه : حاضر
امير باس ايدها: بس العصير حلو
اطياف باست خده :ثانكيو
................قصص منه محمد كاتب..............
قاعد ع السلم الانفعال مسيطر عليه بشده و بيفكرمع نفسه يعمل ايه يروح يبلغ ولا يكتم الشهاده
حكيم: امير انت مروحش الاراضي اليوم
امير اشتدت أعصابه من صوته و اخد نفس من السيجاره ورافض يرد عليه
حكيم: امير انا بسألك
امير حدف السيجاره وقام من مكانه و في عينيه ألف و ألف تهديد: انت مردتش ع سؤالي
حكيم: سؤال ايه , كام مره هقولهالك مكنش عندي النيه اموت مديحه , الي حصل بدون علمي
امير اعصابه شعللت كتله نار واتكلم بغضب: حكيم عزالدين انت بريئ وهدفك كان امجد بس الضحيه مراه عمي
حكيم: امير انا مش عايز اتخانق معاك , عارف انك متعصب دلوقت, عشان كدا مفيش فايده من الكلام معاك
امير: لما تقولي الكلمتين دول كده هتهديني, لكن ازاي هتسكت ضميرك ازاي بتحط دماغك ع المخده وتنام مرتاح
حكيم لف وبصله : عايزه ايه تبلغ عني
امير: انا متحمل عبئ ضميري, ازاي اسامح نفسي رغم مش مشارك في القتل بس كأن انا الي قتلتها لاني عارف القاتل الحقيقي ورغم كدا ساكت, بس الحمل ده تقيل اوي ع قلبي اوي
حكيم: انت بتهددني يله روح بلغ عني وانا مش هوقفك لكن مديحه مش هترجع حتي لما يحطوا في ايدي الكلبشات مش هترجع لو كانت هترجع كنت روحت بلغت عن نفسي واعترفت بالجريمه
امير: وانت كنت قبل ما تعمل الجريمه الكبيره دي كنت فكرت قبلها بس بالنسبه لك قتل روح اسهل من قتل حيوان بس افتكر حاجه واحده يا حكيم بيه ان امير مبقاش واحد من ضمن الظلم والقمع, انا دعمتك كتير بس دلوقت مقدرش اسكت ضميري واشيل احمال فوق طاقتي