رواية نسخه مشوهه الفصل الثالث والعشرون23بقلم حميده عبد الحميد

رفع سكينتو عشان يضرب بيها روان بس جات عربية جاريه دقشتو  ووقفت ف النص واتضح إنو دا سامي ومن بعيد لمحت أمجد جاي علينا بخطوات سريعة جدآ ٠٠  عاينت لي  اخو رغدة كان مرمي ف الارض والدم مُغطي جسمو كلو، قلبي بقي يضرب بقوة رفعت نظري وعاينت لي سامي كان لسه ف العربيه ونظرو كان ف اخو رغدة وهو مجدوع قدام العربيه كان بيعاين ليو بنظرات حادة جدآ وكانو ناوي يدوسو تاني ، أمجد وصلنا خلاص وكل لوحات الغضب كانت  مرسومه في وشو عاين لي بحركة سريعه  ومشي على اخو رغدة الكان مرمي ف الارض نزل تحت  واتفحص تبضو  وقال لسه عايش هنا سامي فتح الباب ونزل وقال ٠٠ إذن محتاج ادوسو تاني عشان يموت، كُنا انا  وروان واقفين من دون حركة والخوف ظاهر علينا أمجد رفع راسو وعاين لي سامي وقال ليو الجابك هنا شنو؟ قال ليو شارع الله عندك اعتراض انو اكون هنا ولا  شنو؟ وبعدين انت انسان م مسؤول، وعلفكرة لو إتاخرت شويه كان لقيت مرتك ميته وانا زاتو م عارف انت ياتو نوع من انواع  الرُجال ومرتك دي لو م قادر تحميها طلقها وخليها للارجل منك ، أمجد انفعل والغضب عمي بصيرتو خلاص قام من مكانو ووقع ضرب ف سامي بس سامي رداها ليو بقوة ، م عرفت اعمل شنو وحسيت بنفسي عاجزة عديل روان قالت لي الليله ي حميده حيقتلو بعض،  سامي انتبه للسكينه الكان ماسكها اخو رغدة وهي مجدوعه ف الارض جرا عليها ورفعها وشكلو ناوي يطعن بيها أمجد، حيلي برد وجسمي هبط خلاص ،  سامي حاول يطعن أمجد ويغدر بيو بس أمجد كان نبيه وعامل الف حساب لحدي ما شفت دورية شرطه وقفت قدامنا هنا شكرت الله  لمن شفتهم ، نطو اتنين شاب من ورا العربية  واحد مسك أمجد وواحد مسك سامي، ونزل واحد من قدام وشكلو دا الضابط الكبير رفع حاجبو بشمئزاز وقال اولاد خيابه وما نافعين ارفعوهم ف العربيه ٠٠ وهنا ركز ل اخو رغدة وهو مجدوع في الأرض وغارق في دمو قال وكمان قاتلين ليكم زول أمجد قال ليو عايش ما مات  الضابط الكبير  عاين للشرطي وقال ليو ارفعو ف العربية التانيه وامشو بيهو المستشفى قال ليو طيب رفعو واتحركو وفضلت العربية التانيه، هم اصلا اتنين الضابط  رجع وعاين لي سامي وامجد وقال، وكمان لسه بتتشاكلو  وبعد م َ دقشتو صاحبكم عايزين تقتلو بعض سامي قال ليو هو الغلطان ي جنابو قال ليو اسكت شايل سكينه ف يدك وتقول لي شنو شايفني عميان مثلا الاتنين غلطانين وتلقى هسي ساطلين، ورفع عينو وعاين  لينا انا وروان  بنظرات حاده وقال وشكلها المشكله دي كلها بسببكم اصلا البنات الزيكم غير يخلو الاولاد يشتبكو مع بعض مافي شي تاني انتو زاتكم ح تجو معانا امجد انفعل فيو وقال ليو يجو يسو شنو مثلا ؟ قال ليو يسو وشك انت حمار  ولا شنو،؟ سامي ضحك وقال ليو غايتو حكومه فارقه لي درجة حمر ليو وقال الشماسه الزيكم انا بعرف بأدبهم كيف، عاين للعساكر المعاهَو وقال ارفعوهم ف العربيه وعاين لينا انا وروان وقال وانتو شقو طريقكم وفات ٠٠٠ اتنفست بصعوبه وانا  بعاين ف العربيه لحدي ما اختفت من قدامنا، عاينت لي روان ودموعي جرو سيل قالت لي م تبكي قلت ليها  كيف م ابكي والحصل دا كلو بسببي ي روان انا م سمعت كلام أمجد ولا اشتغلت بيهو وهو كان خايف لي من المصايب الزي دي بس انا طلعت  عنيده وراسي قوي وبقيت ليو سبب، مسكت يدي بكل حنيه وقالت لي انتي ماعندك ذنب ي حميده ونواياك كانت سليمه جدا فما تلومي نفسك عليك الله قشيت دموعي ورفعت شنطتي وقلت ليها نحنا لازم نمشي لي آدم وهو ح يتصرف قالت لي طيب،   رجعنا الظلط وأجرنا تاكسي وقلنا ليو يوصلنا المستشفى الفلانيه، اتحرك وقطعنا نص المسافه، بعد ٢٠دقيقه وصلنا، حاسبتو ونزلنا اتحركنا على المستشفى لحدي ماوصلنا اتوجهنا على. غرفه خالتو اخلاص ع طول ومن بعيد. لمحت انس  قاعد ف الكرسي وكان سرحان ف الفراغ جرينا عليه وا اول ماشافنه قام علي حيلوا، وبكل خوف عاين لي روان وقال ليها يابت قعد تعملي هنا شنو قالت ليو الدكتور خرجني قال ليها  الحمدلله بس انا شايف قعادك ف المستشفى كم يوم زيادة احسن شويه قالت ليو بس ي انس انا كويسه وخلينا من دا كلو حميده عايزة تتكلم معاك هنا داب انتبه لي وجودي قال لي معليش ي حميده بس خير عيونك وارمات كدا ليه!؟ قلت ليو اول ي انس البركة فيكم وربنا يصبرك ويربط على قلبك قال لي امين وانا  متيقن الحمدلله وصح موضوع غفران انو طلعت م بتي موضوع صعب شديد بس هي حتفضل بتي وانا ح اشيلها واربيها لانو هي معتبراني ابوها ومتعلقه بي شديد وانا كذلك قلت ليو احسن شي، قال لي اها ف شنو !! بديت احكي ليو ف الشي الحصل لينا انا وروان ولحدي ما جا أمجد وسامي في آخر لحظة ، كان مُركز مع كل كلمة بقولها،انفعل وقال لي يعني الحيوان دا حاول يقتلكم!! انا لو كنت هناك كان ح اعمل اكعب من الشي العملوا سامي وما ح امررها ليهم كدا ساي ح يتحاسبو كلهم قلت ليو دا ما المهم ي انس.، و آدم وين؟ لازم يتصرف ويطلع أمجد من السجن  قال لي آدم دا مشى بيت واحد اسمو بلال وعندو موضوع معاهو ومنها ح يجيب عدن بت روان بس انا ح اتصل ليو.، ملامح الخوف اترسمت ف وش روان وبكل رعب قالت ليو عدن؟ لي هي وين  يا انس؟ سكت مسافه وقبل يرد ليها  جاهو اتصل طلع التلفون من جيبو ٠٠  عاين للشاشه وقال ايوا دا. آدم شكلو جاي ف السكه

فتح الخط واتكلم معاهو مسافه كل ملامح وشو اتغيرت قفل الخط  ومرر يدو في وشو بخفه  وظاهر انو  المكالمه دي ازعجتو شديد انا وران بصوت واحد قلنا ليو ف شنو؟ ٠٠

عاين لي روان وقال ٠٠

عدن ضاعت ٠٠

روان انصدمت وقالت ليو شنو ضاعت؟ هي وين كانت اساسا لمن تضيع؟ وبقت تصرخ مسكتها وقعدتها ف الكرسي. هدأت شويه بس دموعها نزول من دون صوت وقلت لي انس آدم قال ليك شنو!؟ 

قال لي طبعا  عدن وقت روان كانت في غيبوبه هي ضاعت ونحنا فتحنا بلاغ ولقوها أسرة محترمه شديد وجابوها القسم وبدأ يحكي لينا ف كل التفاصيل وقصة الأوراق وانو عدن نامت معاهم عشان الزمن اتأخر و آدم قال ح يجي تاني يوم ويسوقها وهسي حسب كلامو معاي  قال انو لمن مشي يجيبا  لقاها مافيشه وحسب كلام بلال قال بتو وراجل بتو    مشو يفتشوها لانو كانت قعد تلعب مع بتهم الصغيرة وعدن لقت الباب فاتح وقالت ماشه لي روان  وياهو طلعت وهم م انتبهو ليها  الا بعد مسافه لمن جو ولقو بتهم بتلعب براها ، روان اتلبشت لي زيادة وبقت تصرخ بطريقه غير مباشره قلت ليها ي بت الناس ان شاء الله ح تتلقى اتفائلي بالخير قالت لي بتي دي المرة التانيه تضيع فيها ي حميده انا بعمل شنو ف الدنيا دي قلت ليها اصبري والصبر يأتي بالخير انس جا وقعد ع مسافه وقال. حقك علينا  ي روان ونحنا م اهتمينا بيها  ف غيابك بس انا عايز اعوضكم عن كل التعب وعن كل الضيق والكرب العشتو انتي وعدن انا عايز اكون ابوها لي عدن واعتبرها زي بتي واكون ليها اكتر من أب و صدقيني يارب  في قلبي ماف الا الخير ليك ولي بتك  وفكرة انو انا مستقبلكم كدا ساي ما راكبه راسي وف النهايه انتي بتفضلي اجنبيه عني وحرام شرعا انو انا وانتي يكون ف تواصل بينا بس عارف انو الظروف جبرتنا وربنا يغفر لينا  وانا  حاليا عايز اخُت النقاط ف الحروفو بعدا  وانا م بقدر أوقف اهل رغدة ف حدهم الا بطريقه وحدة  وبالطريقه دي ح اخليهم يلزمو حدهم ولا علكيف اي زول فيهم   ٠٠٠٠٠ كلنا سكتنا واحتمال كبير انا فهمت انس عايز من روان شنو وجه نظرو ف الفراغ وشبك أصابعو مع بعض ورجع واصل في كلامو وقال ٠٠٠

انا عارف انو كلامي دا ما وقتو ولا زمنو بس انا ف نظري دا انسب حل وانا  شايف نحنا كلنا عايشين ف عذاب قدر شنو ٠٠٠ بس انا عايز أبدا اول خطوه عشان اقدر أتم باقي الخطوات الجايه  وانا عارف انو أنتي عشتي تجربه سيئة وراجعة من خطوة خاطئة واحتمال كبير ثقتك بالرجال قد  تكون إهتزت بس انا ح احاول بقدر م اقدر انو اقدم ليك كل السعادة والفرح الانتي اتحرمتي منو من زمان وبالمختصر انا عايز اقول ليك ي روان تقبلي تكوني مرتي!! وليك كل الحريه ف الرفض أو القبول ٠٠٠ عاينت لي روان وقعدت جنبها كانت تايها وظاهر عليها متوترة وماقادرة تقرر قلت ليها روان كلام انس صح  وصدقيني احسن من أنس ماف رفعت عيونها بكل خوف وقالت لي عارفه انو احسن من أنس ماف بس٠٠٠٠ قاطعت كلامها وقلت ليها اسمعي كلام عقلك بقول ليك شنو قالت لي بقول لي وافقي ابتسمت وقلت ليها إذن وافقي وانتي مغمضه ي روان ابتسمت وقالت لي طيب وافقته ياحميده حسيت ب انس ح يطير من الفرحه بس كتمها  ومثل  عادي، إبتسم وقال طيب اول َ م  نلقى عدن  ح نقعد على طول قالت ليو ان شاء الله ٠٠٠٠قلت ليهم  ربنا يتمم على خير ويجعل باقي خطواتكم الجايه كلها سعادة يارب الاتنين قالو امين، قلت لي  انس وآدم ح يعمل شنو ف موضوع أمجد قال لي قال ح يتصل ليهم وح يتفاهم معاهم  وح يخليهم يطلعوهم الانتنن هو وسامي وقبل يتم كلامو آدم رجع ليو إبتسم وقال ود حلال بالجد  فتح الخط واتكلم معاهو زي دقيقه. كدا وقفل الخط نزل التلفون من اضانو وظهرت ابتسامه خفيفه ف وشو قال لي ناس أمجد طلعو خلاص فرحت شديد وقلت ليو حمدلله يارب، قال لي ع العموم انا طالع افتش عدن واساسا ناس آدم وأهل العم بلال عملو الواجب وقعد يفتشتو فيها برضو واحتمال كبير تكون موجودة على حيّهم هناك وما ظنيت تكون مشت بعيد، روان قالت ليو ح افتش معاكم قال ليها لا م يحتاج انتي وحميده اقعدو هنا وكترو من الدعوات بس قلنا ليو ان شاء الله شال مفتاح الموتر من الكرسي وطلع فات ٠٠٠

روان قالت لي بس انا  ما مرتاحه  ماشه افتش عدن براي قلت ليها اطمني اكيد انس ح يلقاها قالت لي ان شاء الله يارب فضلنا قاعدين في المستشفى وانا كل خوفي على أمجد  طلعت تلفوني واتصلت ليو بس حلف كان يرفع وعرفت انو  هو زعلان مني وشديد كمان ٠٠٠ العشاء اذن والليل بدا يدخل خلاص روان قالت لي بديت اخاف اكتر للان ماف اي خبر من عدن وصدقيني قعادي هنا بقا زي الجمر انا ماقدرة اصبر ولا ثانيه  قمت من الكرسي وقلت ليها تمام ارح نفتش برانا قالت لي طيب طلعنا من المستشفى والجو كان هادئ شديد وحركة الناس ماشه تختفي تدريجيآ دخلنا جوه الأحياء وبقينا نفتش فيها ، بس ماف اي اتر ليها  ومن بعيد لمحت الدجال الكان ف بيت أنس ماشي هو وهاشم وقفت روان وقلت ليها م تتحركي خليك واقفه هنا قالت لي ف شنو رفعت يدي واشرت ليها مكان واقفين قالت لي دا نفس الراجل الكان في بيت أنس قلت ليها اي  ارح نمشي بالشارع دا اتلفتنا وكسرنا بي شارع تاني وطلعنا على الظلط روان قالت لي المكان دا وين قلت ليها شكلو دا ورا المطار قالت لي بس م ظنيت عدن تكون جات هنا قلت ليها ماخسرانين شي. ارح نفتش  فضلنا ماشين وكل مرة نحول نظرنا في مكان على أمل نلقى عدن، مسافه الطريق جاتني رسالة من رقم غريب فتحتها وكان محتواها (  لو مشيتو وين وين ما ح نخليكم) قريتها واستغربت شديد حتكون من منو مثلا؟ روان لاحظت لي وقفت جات وقالت لي في شنو؟ قلت ليها جاتني رسالة من رقم غريب كاتبين لي فيها لو مشيتو وين وين م ح نخليكم قالت لي احتمال كبير يكونو ديل اخوات رغدة قلت ليها م يستبعد وشكلو سمعو خبر اخوهم، ولازم نبعد عنهم ي روان وما نمشي على مكان هم. ساكنين قالت لي طيب، واصلنا مشي وبدينا نفتش في ف عدن ٠٠٠ دخلنا مكان شبه مجهور عبارة عن أشجار كبيرة وظليلة  قلت لي روان يابت ارح نطلع من هنا قالت لي ارح لفينا عشان نمشي بس اتفاجأنا بكمية من الشباب مُحاوطننا بلعت ريقي وقلت لي روان ديل شنو قالت لي بري، قلت ليها تعالي نمشي ب هنا جا واحد وقطع طريقنا،  وطلع   تلفون من جيبو  واتصل لي  مكالمة  ل وحدة  وسمعتو قال ليها ٠٠٠

اسمعي ي أصلية لقيناهم ليك   موش اتنين بت لابسين كذا وكذا؟  شكلها قالت ليو اي 

حرك راسو برضى وقفل الخط وقال

٠٠٠ سمعتو المثل البيقول العين بالعين والسن بالسن!!! . قلت ليو انتو منو ضحك وقال نحنا  أصحاب ميمونه ، هنا طق اتذكرت انو ميمونة دي اخت رغدة بت  كعبه وقعد تباري الشلل الكعبه وعندهم شلة كدا بس ما متذكره اسمها وهي عبارة عن  بنات وا  اولاد  قلت ليو يعني ميمونه رسلتكم قال لي يهمك تعرفي!! وهو زاتو انا باخد وبدي معاك لي!! المفروض انفذ مهمتي واتخارج 

 روان هبطت خلاص   وشويه كدا وح تدخل في غيبوبه ٠٠٠

ف جانب  اخر ٠٠٠

طلعونا من السجن  عشان الغلطان هو الشاب داك بس الحاجه الما قادر استوعبها انو أمجد دا فهمو شنو الضبط!! ٠٠٠ وحسيت انو في سر كبير وراهو بس م مشكلة ح اعرف شنو هو.، اتحركت من قدام السجن و مشيت  مكان خليت عربيتي واقفه، ركبت واتحركت، وامجد طلع قدامي كان داير اخلي يندم على اليوم الرفع  يدو على  بس ما مشكلة طول ما انا وهو  قاعدين  الخرطوم بنتلاقه وما يبقى اسمي سامي الفاروق لو م دمرت ليو حياتو ٠٠٠ جاتني مكالمة فيديو من صحبي يعقوب فتحت الخط وختيت التلفون قدام في العربيه بحيثُ اقدر اشوفو  وهو كذلك٠٠

_ أو ووووو سيمو

=ي اهلين يعقوب

-معقوله ي فردة الناس دي كلها عندها خبرك جيت الا انا ٠٠؟ 

_ ههه والله جيت مفاجأة و ماكنت مخطط للي الجيه دي 

=لالا ما حنك ي مان اها الجديد شنو؟ 

_والله ماف اي جديد بس. اظن عبدالباقي أداك الخبر!! 

=اي كلمني وانا اتصلت ليك بخصوص الموضوع دا زاتو  وقال لي انو انت  قعد تفتش ف وأحد اسمو بلال ٠٠ وبتو الكبيرة متزوجها واحد اسمو يوسف من اولاد كسلا وعندهم بت٠٠٠

قلت ليو  اي صح  وف نفس اللحظه  نظري كان ف الطريق ٠٠

قال لي٠٠٠

الناس ديل جيرانا تصدق

قبض فرامل وقلت ليو انت جادي؟

قال لي اي و حاليا انا ف الشارع وشايف بلال  أو عم بلال  واقف جنب باب بيتهم  وماسك حفيدتو كسرت ملف وقلت ليو رسلي لي عنوان بيتك  سريع انا جاي   عليك قال لي ظابط٠٠

دست فرامل واتحركت عليهو ٠٠٠

المطار٠٠٠٠

 بعد م اتكلمت مع ابوي طلعت  من أبوظبي  ب  اول طيارة طالعة السودان  ودخلت الخرطوم الساعة ٩مساءٍ  طلعت تلفوني واتصلت  للناس الحكو لي بموضوع البت الممكن تكون اختي، وحرفيا كنت مُستاء وزهجان زهج  وأخلاقي تحت الصفر ومقرر انو دي حتكون اخر فرصه لي لو م لقيت سدرة  وح ارضى بالواقع خلاص، نزلت من الطيارة وما جبت معاي شي لانو تاني يوم طوالي ح اسافر ٠٠  الخط فتح وجاني صوت مرا كبيرة  سلمت عليها وقلت ليها اها انا ف السودان!! قالت لي والله ماعارفه اقول ليك شنو بس البت الحكيت ليك عنها  إطلقت  من عثمان  الكان متزوجها وعثمان  زاتو الليله رحل كسلا  قلت ليها شنو.؟؟ طيب موش المفروض اعرف الكلام دا قبل انزل السودان؟ قالت لي افتكرته انو ولدي كلمك قلت ليها م مشكلة قفلت الخط وزهجت اكتر من أول  لدرجة كنت عايز اشيل التلفون واكسرو حته حته ف الارض ٠٠ حسيت بيد بتشد على قميصي، عاينت تحت ولقيتها بت صغيرة واقفه جنبي وماسكة قميصي بكل قوتها ودموعها عشرة نزلت تحت وبقيت في مستواها و أول م شفتها اتخلعت البت فيها شبه كبير مني،  عاينت لي بنظرات طفوليه واترمت في حضني شديت عليها بيدي وقلت ليها م تبكي يحلوه ف شنو بصوت ملان دموع قالت لي وديني لي ماما  ي عمو انا بخاف من الضلام عليك الله وديني ليها،  قلت ليها حاضر ح اوديك لي امك بس انتي اسمك منو وامك اسمها منو قالت لي انا اسمي عدن وامي اسمها روان ٠٠٠٠