رواية القاسي والبريئه الفصل الثالث والعشرون23 بقلم ايمان ابراهيم
جاسر كان هيتجنن من كتر التفكير والقلق كان عايز يدخل يطمن على هديه بس مرضاش وكان بيطمن عليها مت الدكتورة وقالتله كنت روحت يا استاذ جاسر قعدتك دى مش هتفيد بحاجه وكنت تعالى الصبح اطمن عليها قالها لا طبعا لما تعرف انى موجود حتى اذا مش شايفانى اكيد ده هيبقى ليه تاثير عليها هو انا هقدر اشوفها امتى قالتله مش قبل بكرة لانها نايمة دلوقتى عشان كده بقلك روح احسن قالها طيب ممكن طلب قالتله عارفاه عايز تدخل لها وهى نايمة صح !! قالها اه هطمن ومش هتكلم خالص بس اشوفها واطلع علطول قالتله خلى بالك انا هدخلك على مسؤليتى واذا عملت اى حاجه تعرضها لضغط تانى انا هحجزها ومش هخليك تدخلها خالص قالها ماشي قالتله ٥ دقايق وهخلى الممرضه تقولك تمام تقدر تدخلها جاسر قالها متشكر اوى ودخل بالراحة اوى اوى وقعد جمبها كان نفسه يمسك ايدها بس مرضاش عشان ميصحيهاش واتكلم بصوت واطى اوى اوى والله يا هديه مكنتش هعمل حاجه بس قفلت الباب دى جننتنى كنت هاخدك اوديكى الاوضه الحمد لله انك بخير والاولاد كمان يارب بس تهدى وترجعى عن اللى فى دماغك ده لانى مش هعمله مهما حصل ولادى هيتربوا معايا وانا هسيبك لما تهدى خالص وتاخدك وقتك ولينا كلام مع بعض الممرضه دخلت وقالتله من فضلك الوقت كده خلص قالها حاضر وبص لهديه وطبطب على ايدها ومشى هديه كانت سامعة كل حاجه وبعد ما مشي راحت مفتحة عينها وقالت ماشي يا جاسر هنشوف بس اشد حيلى وافوقلك .
جاسر طلع وقال للدكتورة طيب انا هروح بس عشان ارتاح واغير هدومى وهرجع تانى قالتله خلاص اتفضل ومتقلقش .
امال وكمال انا قلقانه اوى دى بنتى وقلبى واكلنى عليها وحامل كمان والزعل ده كله غلط عليها قالها عشان كده انا قلت تيجى تقعد معانا تريح اعصابها وجاسر كمان يعرف ان اللى حصل مش هيعدى كده وخلاص كان لا قدر الله ممكن البنت يحصلها حاجه بس فى الوقت انا شفت هو قلقان عليها ازاى وجه لحد هنا وقال اللى حصل قالتله المهم بعد كده ربنا يستر بقى استغفر الله العظيم .
عند شريف بعد اليوم اللى قضاه مع ليندا وكان من اسعد ايام حياته واتبسط اوى وكان حاسس انه عنده طاقه جبارة ونفسه مفتوحه للدنيا كلها صحى بدرى عشان يستعد للشغل وبعت رساله بيصبح على ليندا صباح الخير ليندا وبعتلها وردة 🌷 استنى شويه كده لقى ليندا بترد عليه صباح النور يا شريف اتبسط انها ردت قالها صاحية بدرى يعنى ده لسه شويه على الشغل ردت وقالتله فعلا حسيت انى نشيطة وعينى فتحت لوحدها يا محاسن الصدف ☺️😄 قالها وانا كمان لقيت نفسي صحيت عن معادى قلت اصبح عليكى كنت متوقع ان لوحدى اللى صحيت بدرى شويه طلعنا زى بعض قالتله طيب طالما احنا الاتنين صحينا ايه رايك اعدى عليك نروح الشغل سوا قالها مش عايز اتعبك روحى انتى وانا هحصلك قالتله هزعل منك بجد يا شريف اذا قلت كده تانى قالها لا وانا مقدرش القمر يزعل منى 😉😊 ليندا ابتسمت وقالتله خلاص لما اجى هرنلك ماشي قالها خلاص تمام وقفلوا مع بعض وفعلا ليندا عدت على شريف وركب معاها ازيك يا ديدا تمام يا شريف انت كويس قالها كويس اوى اوى ومشيت بالعربيه وفضلوا يتكلموا طول الطريق فى حاجات مختلفه شويه عنها وشويه عنه كل شويه بيكتشف فيها قد ايه انها بسيطة ورقيقة وعفويه جدا زى الاطفال هى لاحظت انه بيبصلها قالتله فى ايه بقى انت بتخلينى اتوتر لما تبصلى كده 🤭🤭 وبحس ان الكلام راح منى قالها لا انتى ما شاء الله لبلب فى الكلام 😄 قالتله يسلام يعنى رغايه قصدك قلها لا والله ابدا بالعكس انتى كلامك حلو جدا ويشد وعفويه وبريءة زى الاطفال بتفكرينى باختى هديه كده فى رقتها قالتلها مرسي اوى شريف قالها مش مجاملة والله دى حقيقة قالتله مش انت عندك اخت كمان قالها اه رقيه لا دى ملهاش حل دى مجننه البيت كله 😄😄 قالتله تصدق انت شوقتنى انى اتعرف عليهم سواء كانت هديه او رقيه قالها اكيد هتتعرفى عليهم بس ياترى هتقدرى لما اجى اخد اجازة وانزل تيجى معايا ولا ايه قالتله خلينا نشوف يا شريف الوقت ساعتها عشان دى عايزلها ترتيب كويس قالها معاكى حق ووصلوا الشغل وطلعوا كل واحد على مكتبه ودخل مكتبه عشان يشوف اللى عنده لقى ان فى مشكلة حصلت مع فوج وشكوى وصلت اتعصب وطلب يعرف مين المسؤل عن الغلطة اللى حصلت للاسف اللى اتسبب فى كده كان حد من اللى ليندا بتابع معاهم على تاكيد الحجوزات وشريف لما عرف بعتلها ليندا تعالى عندى من فضلك راحتله وهى قلقانه لان صوته كان متغير قالها ايه العك ده انتى عارفه الغلطة اللى حصلت دى تكلف الشركة قد ايه وتاثر عليها ازاى المفروض ان الحجوزات تتراجع ويتعمل عليها تاكيد هى اول مرة ولا ايه الموظف اللى غلط ده لازم يتحاسب وتابعى الموضوع بنفسك ومتروحيش الا وكله تمام وتقوليلى اول باول ايه الاخبار وتخلى الموظف المهمل ده يروح بنفسه بتاكد ان كل حاجه تمام والناس مبسوطة ولما نخلص من المشكلة دى لازم تتصرفى معاه انا كان ممكن اتعامل بشكل مباشر بس عشان مش عايزه يشوف انى بتخطاكى مفهوم قالتله مفهوم بس اخدت على خاطرها شويه لانه كان حاد شويه وهو حس انه كان شديد حبتين قالها معلش يا ديدا متزعليش انا بس انفعلت لان غلطة زى دى تهز سمعة الشركة واحنا عايزين نكبر الاسم مش نهده قالتله انا فاهمة ومقدرة ماقلقش قالها يعنى لسه عزومة العشا موجودة ليندا ضحكت وقالتله موجودة والعرض سارى لسه 🥰🥰 قالها طيب الله يطمنك قالتله طيب انا هروح بقى اشوف المشكلة ده واطمن اعتبرها اتحلت وسابته وراحت تقريبا هتعلق الموظف من رقبته 🙆♀️ كنت جايه مبسوطة بسبب المتخلف ده نكد عليا وربنا لاوريه شغله عشان يركز بعد كده حبكت تغلط النهاردة يعنى ودخلت على حسن اللى هو سبب المشكلة حسن انت اكيد طبعا عرفت باللى حصل تخلص الموضوع ده زى ما اتسببت فيه فاهم ولا لا نص ساعة وتقولى انك خلصت ليندا طبعا كانت قاعدة على اعصابها لحد ما حسن كلمها وقالها خلاص كله تمام قالتله اعمل حسابك ان المرة الجايه هيتخصم منك وهيتعمل ليك لفت نظر واظن ده مش هيبقى حلو فى حقك لما تتحط فى الفايل بتاعك غلطت الشاطر بميه زى ما بيقولوا واحمد ربنا ان مستر شريف متدخلش بنفسه والا كنت هتزعل جامد تمام وقفلت معاه راحت لشريف قالتله خلاص كله تمام متقلقش وانا اتاكدت بنفسي اهدا بقى قالها طيب تمام الحمد لله روحى انتى على مكتبك وانا هخلص باقى الشغل اللى عندى واستاذنت وراحت على مكتبها .
رقيه كانت بتخلص شغلها عشان كانت عايزة تروح لهديه بس جالها تليفون الو انسه رقيه ايوة يا فندم مين معايا قالها انا اسمى هشام اخو الانسه هنادى اللى المفروض كانت تستلم الفستان النهاردة قالتله اه اهلا وسهلا لكن حضرتك جبت تليفونى منين معلش قالها من اختى ما انا لسه قايل لحضرتك قالتله اه تمام خير اقدر اساعدك ازاى قالها ممكن اجى انا اخد الفستان لانها مش هتقدر قالتله للاسف مينفعش عشان لازم تقيسه عشان نتاكد ان كله تمام ومش محتاج حاجه قالها اكيد يبقى كويس وهخده واذا فى حاجه ابقى اجيبه تانى قالتله يا استاذ انا متفقة مع اختك ان الاستلام هيبقى من عندى ومينفعش تاخد الحاجه وتشوفها واذا فيها حاجه تبقى تجيبها تانى لان حصلت مشاكل بسبب كده وانا منعت ده وهى وافقت يبقى ليه الكلام يتغير قالها عادى ظروف قالتله لا معلش خليها تتفق معايا على يوم تانى ان شاء وانا تحت امرها قالها واذا منفعش راحت باعدة السماعة وبعدين بقى فى الجدع اللى صدعنى ده اللهم اخزيك يا شيطان 😄🫢 من فضلك خليها تكلمنى بس وانا هظبط معها قالها ما هى اذا كانت تقدر مكنتش طلبت منى يااااالهوى يانى حد يلحقنى 😄😅🙆♀️ يا استاذ هشام من فضلك انا اصلك كنت خلاص معاد شغلى خلص من نص ساعة من فضلك خليها بس تكلمنى وانا هتفق معاها قالها ليه كل ده خلاص بصي بقى انا هاجى اخده وهتخدى حسابه كامل عشان ياستى متفتكريش اننا هنضحك عليكى قالتله جرى ايه يا استاذ هو انت فاكرنى بخيط تحت بير السلم ولا ايه هو انا اتكلمت فى فلوس انا وضحت السبب ومن فضلك انا لازم اقفل دلوقتى لان اتاخرت بعد اذنك مع السلامة وقفلت ياباى ده ايه ده ماشي يا هنادى بس لما اكلمك والله لتشوفى انا مسكت لسانى عشان اخوكى بس ونزلت عشان تروح لهديه المستشفى واتصلت بباها ومامتها تقلهم انها هتروح وراحت فعلا لهديه ودخلتلها ازيك يا هدهد عاملة ايه رقيه حبيبتى ازيك انتى انا كويسه هااا الدكتورة قالتلك ايه هديه ردت وقالتلها الحمد لله فى احتمال كبيير تخلينى اخرج النهاردة رقيه قالتلها بجد ياريت وجاسر اخباره ايه مشفتوش يعنى قالتلها حسب ما الدكتورة قالتلى انه روح بس يغير كده وهيرجع تانى يعنى مشفتهوش من وقتها يا هديه لا دخل وكلمنى بس انا كنت عاملة نايمة لانى محبتش اى كلام بينا خالص قالتلها انتى لسه زعلانه صح قالتلها اه طبعا وهروح مع بابا قالتلها طيب اذا جه دلوقتى وحب يشوفك هتعملى ايه قالتلها مش عارفه بجد بس اللى متاكدة منه انى هقعد عند بابا لحد ما اقرر هعمل ايه قالتلها طيب يا حبيبتى خليكى هاديه بس اهم حاجه انا هخرج بس اجيب حاجه اشربها واجيلك وفى الوقت اللى رقيه خرجت فيه جاسر جه وكان مترد يدخل على هديه ولا لا راح خبط بالراحة ودخل هديه كانت فكراه باباها ومامتها بس لقيته هو قالها ازيك يا هديه وحشتينى راحت مدورة وشها الناحية التانيه راح رايح ناحيتها وقالها انا عارف انك زعلانه منى وحقك مش هلومك انا جاى اطمن عليكى ومش عايزك تقولى اى حاجه دلوقتى قالتله شكرا انا كويسه متتعبش نفسك انا كده كده مروحة مع بابا زى ما قالك قالها ماشي يا هديه اللى يريحك مع البيت هيبقى وحش من غيرك لكن اللى يريحك اعمليه باباها ومامتها جم فى نفس الوقت ولقوه اهلا يا جاسر يابنى عامل ايه الحمد لله ياعمى ازى حضرتك يا طنط عاملة ايه الحمدلله يابنى بخير الدكتورة قالت ايه قال انا لسه هروح اسالها انا قلت بس اطمن على هديه الاول عن اذنكوا ورقيه راجعة لقيتهم بابا ماما كويس انكوا جيتوا عشان اذا الدكتورة كتبت لهديه على خروج ناخدها معانا امال قالتلها ماهو جاسر راح يسالها اهو جاسر بيسال الدكتورة هديه عاملة ايه هتخرج ولا لسه قالتله لا خلاص الحمد لله الامور مستقرة والحمد لله بس طبعا زى ما فهمت حضرتك لازم نبعد عن اى ضغط او توتر قالها اه طبعا مفهوم قالتله انا هكتبلها على خروج اهو وشويه فيتامينات هتحتاجها الفترة دى اتفضل معايا وقاموا وراحوا لهديه ودخلوا عندها وسلمت عليهم مساء الخير يا جماعة حمدالله على سلامة هديه خلاص هى هتخرج ومش عايزة اشوفها بقى غير بتابع الحمل وبعد كده ولادة بقى 😍 امال ردت عليها ان شاء الله يابنتى ربنا يخليكى قالتلهم طيب انا قلت لاستاذ جاسر على كل اللازم اسيبكوا انا بقى وسابتهم وجاسر وكمال طلعوا عشان هديه تجهز ويمشوا وامال ورقيه ساعدوها وخلصوا وجاسر وصلهم وطلعوا لحد البيت وهديه سلمت على جاسر واستاذنت عشان ترتاح فى اوضتها مع رقيه وسابت جاسر وباباها مع بعض وامال قالته اتفضل ارتاح يابنى عقبال ما اعملك قهوتك وقعد مع كمال قاله انا عملت زى ما حضرتك طلبت منى واطمنت عليها ومتكلمتش فى اى حاجه بس من قضلك اللى باقى من الاتفاق ده بتاع حضرتك حكايه الطلاق دى بلاش خالص انا مش هقبل ان ولادى يجوا يلاقوا ابوهم فى حته وامهم فى حته ولا حضرتك ليك راى تانى كمال قاله اللى فى الخير يقدمه ربنا وانا اكيد ليا كلام معاها وبرضه لما نفسيتها تهدا اكيد تفكيرها هيبقى احسن وامال جابت القهوة اتفضل يابنى ومشيت جاسر شرب قهوته وبعدين راح قايم وقال لكمال انا هبقى اطمن عليها كل يوم لحد ما ترجع البيت بالسلامة وهبقى عايز اقعد معاها ضرورى كمال قاله اكيد هتقعد معاها ان شاء الله بس النفوس تهدا وجاسر سلم عليه ومشي رجع البيت ولما رجع البيت بعت رساله لهديه حمدالله على سلامتك كان نفسي تكونى معايا فى بيتك بس خليكى على راحتك لحد ما ترجعيلى بالسلامة هبقى اطمن عليكى كل يوم تصبحى على خير يا حبيبتى . وهو شاف ان هديه شافتها .