رواية مسار اجباري الفصل الخامس والعشرون25بقلم منه محمد
دخلت خلعت اللاسدال ولبست بيجامه شيك وفردت شعرها ورشت البرفان الي بيحبه
امير دخل وابتسملها: ايه بتغريني يا تيفا, وعايزني اكون معاكي ولا ايه
اطياف : ايوه اصل انا اول ما بنام في حضنك بحس بالدفا
امير بوقاحه: الدفا بس
اطياف ضربته في صدره: بطل وقاحه وقله ادب
امير: فين قله الادب لما احب مراتي الي اول حب في حياتي
اطياف عوجت وشها: ياسلام كأن مفيش حد حبيته قبلي
امير: تقصدي مين
اطياف بغيره: قصدي علا
امير: انا مفيش بيني وبينها اي حاجه , وع فكره مش بكدب
اطياف: وليه بتشرح لي
امير: طبيعي اشرحلك مش مراتي وبتغيري عليا
اطياف: مين قال ان دي غيره عليك
امير بنص عين: يعني مش بتغيري
اطياف: اغير ليه هو انا كنت عايزك
امير: ع فكره كان معاكي حق ترفضيني كنت عصبي وهمجي , بس والله العظيم كنت كل مره بشوفك فيها بتبصيلي بحقد ابقي نفسي اتغير في معاملتي معاكي, واخليكي تحبيني
اطياف: بجد
امير: ياتري قدرت
اطياف: من ناحيه قدرت فأنت قدرت , وانا كمان اتغابيت واتعاملت معاك بحده فظيعه
امير :احنا الاتنين اتغابينا بس انا كنت بحاول اهدي معاكي ,ومكنتش عايزك تبعدي عني وتكرهيني
اطياف حطت كفها الرقيق على صدره: وانا كمان حبيت ادي لنفسي فرصه افهمك واقرب منك
امير: عارفه بعد ما جيتي السرايا وعشتي هنا , كنت بفرح لما اصحا واشوفك , كانت احلي ايام حياتي
اطياف :رغم مكنتش بديلك ريق حلو
امير : اه اخبطك كلمه تخبطيني عشره , بس في النهايه اتغيرتي ,ومن اول ما قررنا نفتح صفحه جديده مع بعض عمري ما كنت هطلب منك تغيري نمط حياتك لمجرد تراعي مشاعري
اطياف: يعني لو طلبت منك افتح عياده هنا هتوافق
امير: معنديش اي مشكله بس بشرط تكشفي ع الستات لكن الرجاله ممنوع عشان انا بغير وغيرتي صعبه والاحسن ترفضي تكشفي خالص عليهم
اطياف : هو انا عندي زوج عسل وشربات كده
امير رفع كف ايدها وباسه: ايوه انا عمري ما احترام الراجل الي يقمع طموح الست ويطمس حقها عايزك تعيشي معايا ع راحتك , اعملي كل الي نفسك فيه , البسي بنطلون واسع ع بلوزات طويله , البسي فستان ع كعب عالي , متحرميش نفسك من حاجه لمجرد خايفه تجرحي كرامتي
اطياف: انت جميل اوي يا امير اوي
امير ضمها: تعرفي ان اي زوجين عشان علاقتهم تنجح لازم يقدموا تنازلات متبادله , ولما تكوني معايا كوني نفسك وع طبيعتك
اطياف: بحبك اوي
امير: وانا عايز اكلك
اطياف دفنت وشها جوه صدره وهو ابتسم وهمس وقالها: طب ايه مش هتلبسي القميص الوردي
..........قصص منه محمد كاتب............
في مول شهير
رشاد اتصل بيها: الو علا
علا: ايوه
رشاد: انتي فين
علا: انا قريبه من ناحيه السلم
رشاد: وانا هنا واقف بس مش شايفك
علا: انا جنب السلم الي الناس طالعه عليه , من ناحيه اليمين
رشاد لمحها: اه خلاص شوفتك
علا شاورت له وراحت عليه: هاي
رشاد: عايزه ايه
علا: انت الي عايز اطياف وانا هجبهالك
رشاد: مش قادر اصدق انك بتقدم لي معروف , اكيد فيه حاجه وري الامر ده المفروض تتعاطفي مع ابن عمك الي اسمه امير , وهو الي يكون معاها ليه معايا
علا: اظن انت عارف ليه , ومش بعمل كده بس عشانك , عشان نفسي كمان
رشاد: ازاي لنفسك , لا براحه كدا وفهميني
علا: مش ضروري اشرحلك كل حاجه
رشاد: شكلك غلطانه في فكرتك عني, انا مش بثق في حد بسهوله
علا: قلت لك كذا مره كل الي بعمله عشانك وعشان نفسي كمان, لايمكن اروط نفسي معاك وافشل عشان كدا لازم تثق فيا
رشاد: احتفظي بفلسفتك لنفسك , وقوليلي الحقيقه ايه حكايتك مفكراني غبي, انا حاسس ان فيه حاجه غلط , وسواء حبيب ولا صديق لـ اطياف انا مبسوط جدا بالعلاقه البسيطه دي
علا: حلو انا كدا جيت للشخص المناسب , عشان كدا هرفع عنك الارتباك وافهم ان دي علاقه حب من حبك وحبي
رشاد بستياء: بتتريقي ع حبي
علا: احنا الاتنين زي بعض , خسرنا حبنا , والجروح لسه مفتوحه وبتنزف مش بتشفي , خلينا نداويها انا بحب امجد
رشاد بصدمه: بتحبي مين امجد خطيب منال
علا: وهو بيحبني ,مش بيحب منال
رشاد عقد بين حواجبه: امال ليه هيتجوزها
علا: مش هتفهم الي هقوله , اطياف حبيتك بس راحت اتجوزت غيرك, يعني نفس القصه
رشاد: طيب ايه العمل مع كل ده , وليه اطياف عايزه تسيب امير عرفيني الاسباب
علا: عشان ترجعلك وتعيش حياتها الي حرموها منها , ومش معقول هنخلص كل الكلام واحنا واقفين هنا , تعال نشرب اي حاجه ,وهقولك هناك يله تعال
.............قصص منه محمد كاتب............
قاعد في الجنينه بيقرء الجريده
اطياف راحت عليه: عمي وصلت لحاجه لقاتل امي
حكيم: البوليس بيحقق ان شاء الله قريب هنعرفه
اطياف: سمعت الكلام ده بقالي شهور , وحاسه مفيش حد بيتحرك ولا حتي البوليس واخد الموضوع بهتمام , ممكن تعمل فينا معروف وتابع الموضوع ده خاليه يتحرك
حكيم: انا بذلت كل جهدي عشان حقها , والشرطه مش مقصره , بتؤدي شغلها بأمانه , ودي جريمه قتل بتاخد وقت طويل في البحث
اطياف: عندي صاحبه جوزها ظابط , لو تديني الاذن اكلمه , واضح عشان جريمه قتـ ل مش هتحل بسرعه وهو يساعد
حكيم: كل رجاله الشرطه هنا بيشتغلوا بشكل كويس جدا , وقايمين بشغلهم ع اكمل وجه وفي الوقت الراهن سيبي الشرطه تقوم بشغلها واكيد هيوصلوا للجاني
............قصص منه محمد كاتب................
اسمهان: منوله شوفي الطقم ده كده وقوليلي رآيك فيه عامل ازاي
منال فتحت العلبه وقالت: الله ده جميل اوي اوي , وشكله ماركه وغالي
اسمهان: ده ياستي طقم من لازوردي
منال: واضح عليه لاْ و كمان تقيل مبروك عليكي
اسمهان: بس ده هديه مني ليكي هديه فرحك
منال: بتقولي ايه يا ماما اسمهان ده غالي جدا , لا انا عايزه حاجه بسيطه , انا اصلا مش بحب البس حاجات تقيله ومبهرجه , خديه ليكي وهات لي حاجه بسيطه
اسمهان: لاء انتي هتاخديه, وابوكي يجبلك الحاجه البسيطه متكسفيش امك , هي لو كانت امك الحقيقه موجوده اليوم كنت هتكسفيها
منال: لاء
اسمهان: كل ام عايزه احلي حاجه لبنتها ومستعده تحط سعاده الدنيا تحت رجليها , اه مش هحل محل امك بس هحاول اخليكي مبسوطه, واي حاجه تحتاجلها اطلبيها مني هكون مبسوطه
علا قربت: ايه العلبه دي يامراه عمي وريني ده طقم غالي وشيك جدا لمين
اسمهان :ده هديه فرح منال
علا بصدمه: ليه هي منال هتتجوز امتي
اسمهان: اخر اللاسبوع ده
علا: امتي
اسمهان: كمان خمس ايام ليه ثريا مقلتلكيش, امجد ووالدته حددوا الميعاد وكل حاجه خلاص
علا سابت الطقم وقامت تجري ع غرفه والدتها وشافت ثريا بتتكلم مع شوقيه عن تنضيف الغرفه
علا: شوقيه امشي عايزه اتكلم مع ماما
ثريا: يابنتي سبيها تشتغل , دي جايه متأخر , هو فيه مشكله عايزني احلهالك
علا شخطت في شوقيه بعنف: انتي ليه مش بتفهمي, اطلعي من هنا يله
ثريا: شوقيه روحي وانا هبقي اتصل بيكي
شوقيه اخدت ملايا السرير ورمتها في السله وطلعت من المكان
علا: فهميني ايه الي بيحصل
ثريا: بيحصل ايه
علا: فعلا فرح امجد ومنال الاسبوع ده, ليه بتخطفيه مني ليها ساكته ليه اتكلمي
ثريا: اتكلم اقول ايه هو فيه رد ع كلامك
علا: ليه بتكلم كلام مجانين, قوليلي ليه وافقتي ان الامور تمشي بالسرعه دي , وليه خبيتي عني الامر
ثريا: ايه هو الي خبيته عنك, كل الي في البيت هنا عارفين ان جواز امجد ومنال قريب وهيتم اخر الاسبوع , اعملك ايه وانتي عازله نفسك عن الي بيجري في البيت , ولو مش موجوده وسطينا ازاي هتعرفي
علا: انا مش بعمل حاجه غلط , لكن قوليلي انتي مش حاسه انك بتعملي الغلط فات كام شهر ع وفاه مديحه وحالا هتعملي فرح منال , راح فين حزنك خلاص مبقاش موجود
ثريا: الحزن هيفضل موجود في قلوبنا بس القرار ده اتاخد بعد مشاوره الكل , وعايزين نطلع البنت دي من حاله الصدمه الي دخلتها وحد جنبها يدعمها
علا: حزنك عليها واضح , ويظهر اني مش بنتك ومش عايزه تشوفيني مبسوطه بحياتي
ثريا بشخط: بس بقي كفايه , مش هضيع وقتي معاكي في كلام فارغ
علا صرخت بصوت عالي في وشها: انت بتعذبيني
ثريا: مفيش فايده من الصوت العالي ياعلا
علا: انتي بجد ام ازاي , انا مش قادره افهم لحد اليوم كل ام بتبقي اهم حاجه عندها سعاده ولادها , وانتي اهم حاجه عندك بنات مديحه , بس تمام انا هعمل كل حاجه بنفسي
ثريا بتهديد: تعرفي لو عملتي فضيحه , هتشوفي مني وش عمرك ما شوفتيه ,وهنسي خالص انك بنتي
علا وهي بتفتح الباب وخارجه من المكان: انت اصلا ناسيه اني بنتك
ثريا اتنهدت وقلبها محروق من تصرفاتها: اعمل ايه مع البت دي يارب دبرني من عندك
......................قصص منه محمد كاتب.............
في المكتب قاعد بيكتب قضيه
علا دخلت: امجد ازاي قدرت تعمل فيا كده, فعلا هتتجوز منال ومتقلتيش انه كمان اسبوع ليه بتعاملني بالشكل ده
امجد: مفيش فايده من اي كلام دلوقت, انا قلت لك قبل سابق
علا: لاء فيه فايده انت بتغلط جامد , لو مش عايزني انا عايزك لحد اليوم
امجد : وانا مش عايز غير منال , وهبقي سعيد معاها
علا بعصبيه وغضب: انت بتعمل كل ده عشان سعاده امك ,ومنال مش هتسعدك صدقني
امجد بحده: وده اكبر سوء فهم عندك ,ومطلوب تصححيه في اقرب وقت , ده احسن لينا كلنا
علا :انت مش بتقولي الكلام ده من قلبك , لان لحد اليوم انا الي في قلبك , وانت ليا وبتحبني
امجد: انا موافق ياعلا موافق ,وبعترف اني حبيتك وحبك اخد مكان كبير في قلبي , وحاليا اتحط في زاويا , لكن مستحيل اخون واكيد حبك هيموت في قلبي بعد ما اتجوز منال , ولو الحب جرح لازم نعالجه لكن لو كبر القرحه هتبقي صعب جدا تداوي هنستئصلها ونتخلص منها وعايز افهمك امر كمان
علا قطعته ببكاء شديد: ليه بتحطمني ارجوك متعملش فيا كده, انت بتقتلني وانا مش باذيك
امجد :انا مش عايز اذيكي , لكن لازم اكمل في حياتي الجديده , انا عمري ما هنسي الاهانه منك ولا حتي امي عشان كدا بقولك ابعدي ياعلا
علا عيطت بحرقه:غصب عني قلبي مش في ايدي انا بحبك
امجد: والي بيحب حد بيبقي عايز سعادته , وبيضحي ودلوقت منال الي هتبقي مراتي وشريكه حياتي, وانتي اقبلي الوضع ده وارضي بيه
علا : مقدرش اتحمل كل الالم ده
امجد :علا انا مش عايز اوذيكي , ومقدر وجعك بس بقولك فوقي بسرعه عشان الالم يخف عنك, المسافرين بينزلوا في نص السكه لايمكن يكملوا سوي , ومش هقدرامشي في سكتك
......................قصص منه محمد كاتب................
علا: كنت متأكده انك هتتصل بيا ها فكرت
رشاد: ايوه وموافق علي عرضك, لكن ايه الضمان انك هترجعي اطياف ليا
علا: انا مش هديلك اي ضمان في اللامر ده , بس انت عليك تصدق ان انا الوحيده الي تقدر ترجعلك حبيبتك
رشاد: تمام ومطلوب مني اعمل ايه
علا: نفذ كل الي هقلهولك بالحرف , ولو سمعت كلامي هتكسب , وهتاخد الي انت عايزه
رشاد: سامع بس ازاي اصدق انك صادقه معايا , مش يمكن متفقه عليا مع ابن عمك , وبتلعبوا بيا
علا : رغم مش قابله كلامك بس مجبر تثق في كلامي , لان المره دي هي الي هتوصلنا لهدفنا وناخد حقنا من ايدهم ونركب القارب ونوصل , وانا مش بخدعك لاني مش عايزه القارب يغرق عشان كدا ثق فيا وصدقني كل الي بيحصل بينا هيفضل سر
رشاد: تمام
علا :انا متاكده انا وانت هنتفق بشكل كويس وهننجح
رشاد: بس لازم اشوفك الاول قبل الخطه
علا: قولي امتي وفين نتقابل
ثريا : بتتفقي تقابلي مين
علا قفلت وقالت: مش هقابل حد
ثريا : كنتي بتكلمي امجد
علا : لا يا ماما مش بتكلم معاه
ثريا بشخط :متكدبيش وقولي الحقيقه
علا مدت لها الموبيل بكل برود: خدي التلفون واتصلي بيه بنفسك , واساليه اذا كلمته قلت لك مكنتش بكلمه
ثريا تابعتها وقالت : معرفش البت دي ناويه ع ايه تاني شكلها هتورطنا في فضيحه كبيره
...............قصص منه محمد كاتب......................
اطياف : منال قومي نعمل شوبنج
منال بكسل : مش عايزه اروح انا طلع عيني امبارح مع امجد , لاء مش هقدر سوري
اطياف : يعني هروح لوحدي , امير مش هنا كنت اخدته معايا
علا بخبث: بنت عمي هتكون عروسه , ولو مش عايزه تروح اروح انا معاكي
اطياف بتعجب: انتي هتروحي معايا
علا: اه بس لو مش عايزه براحتك , انا كدا كدا كنت عايزه اشتري حاجات ليا
اطياف :لاء عادي تعالي معايا
علا : في النهايه بنت عمي هتتجوز وطبيعي نشترلها حاجاتها , حالا اغير هدومي وارجعلك
منال بقرف: بت غريبه كلامها مكعبل
اطياف :طبيعي الكل فرحان بفرحك ياعروسه
اما علا دخلت غرفتها واتصلت بسرعه برشاد: الو
رشاد: قولي
علا: رشاد انا رايحه مع اطياف نعمل شوبنج , وانت توصل في المعاد بالظبط
رشاد :تمام هوصل بس ايه هي الخطه
علا: ايا كانت الخطه في صالحك وانت تنفذ وبس
رشاد بتكشيره: فاهم كل مره تقوليلي الكلمتين دول
علا: دلوقت اسمعني كويس جدا للي هقلهولك , انا واطياف هندخل المول وانا هخترع اي حجه وابعد خالص عن المكان , وبعد كدا هتطرد من البلد خالص
رشاد: خلاص فهمت بجد انتي عبقريه, ازاي فكرتي في كل ده , كدا اطياف هتكون فعلا معايا
علا: ما انت لو بتفهم كان زمانها معاك انت مش امير
رشاد بستياء: ليه بتقللي مني دلوقت
علا :انا بقولك وبس
رشاد : انا معجب بيكي كنت هقولك كده لو الامر معكوس بينك وبين امجد
علا : ممكن تقفل وتجهز
رشاد قفل وقال بسخريه: شايفه نفسها اذكي واحده في الكون , واحده تغيظ
............قصص منه محمد كاتب............
دخلوا المول وبعد لفه علا بدئت التمثليه ووقفت
اطياف: في ايه
علا: يظهر نسيت الفيزا كارد عند الكاشير , هروح اجيبها وارجعلك
اطياف: اجي معاكي
علا: لاء انتي اتفرجي ع الحاجه عبال مااجي , انا راجعه في ثواني
اطياف راحت تلف في المكان وتتفرج
رشاد وقف وراها: اطياف بتعملي ايه هنا مكنتش متاكد انه انتي , ومعرفش اني لما اجي هنا هنتقابل
اطياف: اه اصل منال هتتجوز , وجيت اشترلها شويه حاجات
رشاد بمكر : اه وانتي هنا لوحدك ولا جوزك معاكي
اطياف : لاء جيت مع بنت عمي , امير عنده شغل كتير
رشاد: اطياف هو انتي مش سعيده مع امير
اطياف مين قالك كده
رشاد: محدش مجرد سؤال
اطياف: انا مبسوطه جدا معاه , وانت ليه كل ما تكلمني تسالني نفس السؤال , بس هجاوبك انا مش بحب امير انا بعشقه
رشاد : وانا مش مصدق الي بتقوليه انك بتحبيه
اطياف: انت الي محبتنيش لو فعلا بتحبني كنت تخاف عليا, مش كل شويه تفضل تتصل وتزعجني
رشاد : الموضوع مش كده تعالي نقعد في مكان ونتكلم
اطياف لفت وشها عنه: رشاد بليز ابعد بعيد عن هنا لوسمحت , ومش عايزك تظهر تاني في حياتي وتعملي شوشره, امشي بنت عمي معايا هنا وهتشوفك
علا كانت واقفه فوق بتصور فيديو بينهم عشان يبقي اطياف خاينه بالدليل ..!!!
...................قصص منه محمد كاتب.............
في العربيه تلفونه رن برقم غريب حط التلفون ع ودنه ورد!
رشاد: الو امير معايا
امير بهدوء: ايوه مين معايا
رشاد: ا نا الي هقولك حاجه مهمه جدا, اسمعني كويس مراتك اطياف في حاله حب مع راجل تاني ومستغفلاك
اميربعصبيه وعدم تصديق: ايه الي بتقوله ده , انت مين لو كنت قدامي كنت كسرت وشك ياحمار
رشاد :عارف انك هتغضب وتنفعل لان حد تاني اخد مكانك , بس هي دي الحقيقه وده الواقع الغايب عنك
امير :بطل كلام فارغ, انت مش مكسوف لما تتهم واحده ست في شرفها
رشاد :ومش حب جديد ده قديم جدا من سنين , هي مش بتحبك وعايشه معاك غصب عنها واظن مكنتش عايزه تتجوزك
امير وشه اسود وقال بنبرة حادة : انت كداب
رشاد :دي الحقيقه الي خبيتها عنك مراتك لحد دلوقت , وانا بقولهالك لانك لازم تفتح عينك وتعرف وتسيبها
امير : معاك دليل عشان اصدق الكلام الي بتقوله
رشاد: معاك حق معايا الدليل حالا ابعتهولك , وبعدها هتبقي مقتنع
............قصص منه محمد كاتب..........
دخل الغرفه وشغل النور كانت اطياف نايمه ع سريرها بعمق قرب امير من السرير ووقف ع راسها اتأملها للحظه وفضل يبصلها واخد نفس عميق وقفل عيونه وخرجه ع مراحل وبينه وبين نفسه : معقول البنت الوحيده الي حبيتها من كل قلبي ليها كذا وش , وانا الي قلت محبتش حد غيري ووثقت فيها اتاريني طلعت غلطان والبرائه الي شوفتها فيها طلعت عكسها متحملش يقعد في الغرفه وبسرعه فتح الباب ونزل الجنينه ياخد انفاسه الي راحت منه
علا راحت عليه: مش المفروض تكون نايم دلوقت في اوضتك, بتعمل ايه هنا
امير: ليه هو ممنوع اطلع من اوضتي
علا: مش ده قصدي , مالك شكلك متعصب
امير بنرفزه: علا سبيني لوحدي دلوقت ارجوكي, امشي من هنا محتاج ابقي مع نفسي
علا بحقد : كنا اصحاب شكلك نسيت , وكنت لما تضايق تجري تحكيلي كل الي مضايقك , بس دلوقت بقي عندك صاحبه في شكل زوجه
امير: معرفش اذا كانت هي كدا فعلا ولا لاْ
علا: يعني ايه
امير: معرفش الدنيا بتعمل معايا كده ليه , السعاده مش مقسومه في حياتي, لا دلوقت ولا زمان حياتي سوده بالنسبه لي
علا: انت قلقان بسبب حاجه حصلت
امير: لاء
علا: بس ليه حسيت بكده , اه مش النهارده روحت انا واطياف المول , ومعرفش ليه حسيت انها زي ما تكون متوتره , قلقانه ,خايفه من حاجه هي كلمتك عن حاجه
امير: هو انتم روحتوا سوي
علا: ايوه كنا سوي , بس اول ماروحنا هناك قالت لي هتدخل محل لوحدها وانا استناها في الكافيه , ورجعت مختلفه ومتغيره
امير: ورجعت معاها حاجه ولا رجعت فاضيه
علا بمكر: بصراحه مخدتش بالي اسألها , بس يمكن اشترت لك هديه وحطتها في الشنطه وعايزه تعملك مفاجأه اصل مكنش في ايدها اكياس , قولي ايه المفاجأه الي جبتهالك
امير حرك دماغه بقهر وقال: اه فعلا قدمت لي مفاجأه كبيره
علا: ايه
امير ضغط ع كف ايده وحاول يحافظ ع هدوئه وقال: علا لو مش هتمشي وتسبيني لوحدي همشي انا
علا مشت وابتسمت ولنفسها: مش هي الي جبتلك المفاجأه ده انا
.............قصص منه محمد كاتب.............
يوم جديد صحي الصبح غير هدومه ولبس ساعته وبيجهز نفسه لشغله
اطياف فتحت الباب امير الكل تحت مستنيك ع الفطار
امير اتنهد وسكت خالص وميل ياخد موبيله والمفاتيح
اطياف: امير انا بكلمك ليه مش بترد عليا
امير بنبرة عادية :عشان مش عايز اتكلم
اطياف : هو فيه حاجه حصلت قولي زعلان من ايه فيه حاجه مضايقك
امير: لاء مش مضايق
اطياف: لاء مضايق من امبارح وانت مش طبيعي, امير انا عشت معاك , وعرفتك كتير , قولي ايه الموضوع
امير اتحرك من قدامها رايح في اتجاه الباب: انا اتاخرت
اطياف وقفت قدام الباب : مش هتمشي قبل ما تقولي ليه زعلان كده , لان انا مش هسيبك يله قول , مش انا حبيبتك وشريكه حياتك وبتشاركني في كل حاجه معاك , قولي حبيبي مالك
امير: انتي بتثقي فيا
اطياف بصتله بحيرة وسألته :انا مش بشك فيك ولو بسالك عشان بجد قلقانه عليك , لو مقلقتش عليك اقلق ع مين
امير اترسمت في عينه نظرة غريبة :كدابه
اطياف بأصرار: مش هتمشي غير لما تفهمني كدبت عليك في ايه, لو جواك حاجه من ناحيتي قولي , متحطش في قلبك , يله خف الحمل معايا
امير بنرفزه شديده عليها : انا جوايا بركان لو فرقع مش هتقدري تتحمليه يا اطياف
اطياف: انا مش بفهم الكلام الصعب ده , اتكلم عادي عشان افهم , انت كدا بتزود حيرتي من فضلك _مسكت كف ايده_ قولي ايه الي جواك سكوتك مخوفني
امير سحب ايده وبصلها جامد وقالها :كنتي بتحبي واحد قبلي
اطياف من الصدمه سكتت وهو فتح الباب و اندفع خارج المكان في قمه غضبه
اطياف طلعت تمد وراه : امير اقف اسمعني
منال : في ايه ماله امير , شكله طالع ع اخره , حصل ايه
اطياف مسكت الكرسي: اسلوبه معايا بيقول انه عرف عن رشاد
منال شهقت شهقت بخضه وحطت ايدها ع شفايفها : بتقولي ايه , وهيعمل ايه لو عرف
اطياف :هواجهه متاعب كتير , ومعرفش هو عرف ازاي
منال : طيب كنتي فهميه بدل ما يروح يقول للكل
اطياف : لاء امير مش من النوعيه دي بس لازم اقوله
منال : هتقدري انتي ادري بيه كويس
اطياف بتنهيده و بنبرةٍ حزينة: امير اتغير اليوم معايا كتير, مشفتيش كان بيبصلي ازاي نظره عيونه كانها طلقه رصاص بدل نظره الحب, اتغير وشكله مبقاش يحبني , هو احترمني كتير وفتح لي قلبه , بس انا خبيت عنه كل الامور دي رغم كانت امورنا ماشيه كويس , بس انا واثقه في ربنا ان كل حاجه هترجع كويسه
منال بحيره: لكن الي مستغرباله ازي عرف عنك وعن رشاد , مين قاله
اطياف :تصوري حتي مفكرتش اسأله مين قاله
منال :خلاص اسأليه
اطياف سالت دموعها: اساله بس ازاي , وهو طلع زي مانتي شوفتي
منال: بس محدش في البيت يعرف علاقتك برشاد غير انا وانتي , يبقي ازاي عرف
اطياف بدوع زي الشلال: معرفش مين الي قاله اعمل ايه انا دلوقت امير عرف السر الي كنت مخبياه وخايفه اخسره , منال انا بحبه اوي ومش عايزه اضيعه من ايدي , انا مش بس بحبه هو كل حياتي مقدرش اخسره , ولا هتحمل يبعد عني
منال : اطمني كل حاجه هتبقي تمام , مش هيحصل حاجه من دي ان شاء الله