رواية مسار اجباري الفصل السادس والعشرون26بقلم منه محمد
امير شافها جايه عليه بالشاي دور وشه عنها بسرعه
اطياف : امير عارفه انك مضايق لكن من فضلك قولي اي حاجه, اسالني وانا هجاوبك, سكوتك بيموتني امير مش هقدر اتحمل كرهك وخصامك, ايوه بعترف انا حبيت واحد قبلك
امير بصلها بغضب : وانا مطلبتش منك اي توضيح , ليه مقولتليش كل ده قبل كده جايه دلوقت بعد ما عرفت تصارحيني
اطياف :انا بعرفك لاني معملتش حاجه غلط
امير :وانا متهمتكيش بحاجه , امتي قلت لك بتعملي حاجه غلط
اطياف من بين دموعها : طريقتك الي بتتعامل بيها معايا , حتي قبل ما تثبت ادانتي من حقي اخد فرصه ادافع بيها عن نفسي انا بريئه ليه مش عايز تسمع يا امير مضيعش حبنا بكلام فارغ
امير: مش كلام فارغ انتي احرجتيني وكسرتي حبنا وثقتنا , دمرتي علاقتنا بس انا الي غلطان انتي محبتنيش لو حبيتيني زي ما بتقولي كنتي صرحتيني ووثقتي فيا بس دلوقت مش هقدر اثق فيكي ابدا مش هبقي قادر
اطياف: الموضوع مش زي ما انت فاهمه
امير اتكلم بكل عصبيه: امال ايه انا عطيتك الحب والاحترام , وانتي عطتيني ايه في المقابل , كنتي حكتيلي لو عندك شويه ثقه فيا كنت عرفتنيي كل حاجه عنك وعن رشاد وتقوليلي الحقيقه لكن ده محصلش
اطياف انا بعترف اني غلطت ومقدرتش اقولك , حتي لو كنت عايزه انا بجد اسفه
امير بقهر: احساسك بالندم عندي انتهي
اطياف: امير ارجوك اسمعني الاول, لاني مش هسمحلك تمشي قبل تسمعني, وبعدين مش من حقك تاخد اي قرار, قبل ما تسمع كل التفاصيل
امير: تفاصيل ايه اقعد اسمع اتنين بيحبوا بعض وكانوا هيتجوزه بس مظبطتش , لان فيه مشاكل بينها وبين امه , ودلوقت بيرجعوا لبعض ايه اصقف ولا هتقوليلي ملكش عين تاخد قرار قبل ما تسمعني ايه الكلام الفارغ ده, لاول مره اغلط اتعرف ع انسان بعتي حبي بكل سهوله استهترتي بمشاعري , ومش مدركه حاله الغضب الي انا فيها , عليكي وع نفسي, اول مره في حياتي احب بنت كل الحب ده وكنت اتمني مكنتش حبيت ابدا وارجع اندم ع اليوم ده
اطياف بعد ما سابها وغادر المكان سحبت نفسها بسرعه ومشت ورجليها مش شيلاها وممكن تخونها وتقع طلعت غرفتها وغرقت عيونها دموع وفاضت!
.............قصص منه محمد كاتب.............
علا بسعاده : السهم صاب الهدف ,وحصل الي رسمناه بالظبط
رشاد: ده الي كنت عايز اسمعه , قوليلي حصل ايه
علا: حصلت فجوه كبيره بين اطياف وامير , وكل يوم الخناقه بينم للجو , قلت لك هخليها يطلقها , وبالكتير يومين وهيحصل المراد , بس انت ليه ساكت مش بكلمك
رشاد بصوت مخنوق: منا بسمعك
علا: ليه صوتك حزين, المفروض تبقي فرحان
رشاد: علا هو الي بنعمله ده صح؟!
علا: ليه شايف انه غلط , انت مسمعتش ان كل حاجه متاحه في الحب والحرب
رشاد: معرفش اذا كان غلط ولا صح , انا شخص مش بحب المؤامرات
علا: انت عايز اطياف
رشاد: طبعا عايزها في حياتي , عشان كدا واقفت اعمل ده , ومستعد اعمل الاكتر عشان تبقي ملكي ,ووافقت عشان اخدها
علا : تمام هكلمك بعدين
رشاد: تمام
علا حطت الموبيل ع التربيزه لقت الباب اتفتح عليها
ثريا دخلت: جيت ابلغلك كتب كتاب منال بكره, ولازم تحضري, العايله كلها جايه وهيسألوني عليكي , واهو جيت ابلغك
علا حست بنار قايده وعيونها لئلئت بالدموع وهي متابعها
ثريا رجعتلها وقعدت قدامها: علا حاسه بيكي يا بنتي , وعارفه الامر صعب عليكي مش بسهوله لكن نعمل ايه نصيب منال مع امجد , وجايز يبقي جوزك في اللاخره, اما ع الارض تبقي علاقه دنيا , ومحدش فينا بيعاند القدر ويضر نفسه , ودايما عندك شكوي مني اني بحب اطياف ومنال اكتر منك لكن ده مش ممكن ومستحيل , في الدنيا ربنا خلق علاقات بالحب لكن حب الام لبنتها لايمكن تحب حد اكتر منها , وانا بحبك ياعلا
علا: يمكن انتي ع حق , محتاجه افوق وابطل شكاوي
ثريا : كنت متاكده ان ربنا هيهدي نفسك , واتمني تحضري فرح منال بكل اخلاص ونيه صافيه
علا بمكر: متقلقيش هحضر فرحها من كل قلبي
ثريا فرحت وباستها من راسها : ربنا يكملك بعقلك ويسعدك
.................قصص منه محمد كاتب..........
دخل من غير ما يرمي عليها حتي السلام قررت تمتص هي غضبه وقعدت جنبه
اطياف : انت فعلا مش عايز تكلمني , رغم قلت لك انا غلطانه
امير بصلها : اطياف ابعدي عن طريقي , والا الامور هتخرج عن السيطره
اطياف: معقول مش عايز تسامحني , بس المره دي مش هسيبك بسهوله, امير والله العظيم ما يملا عيني من بين الناس ولا يدخل قلبي راجل غيرك
امير لف وعطاها ظهره ورد باقتضاب شديد : انا لما بشوفك بيجيلي اكتئاب ولما بسمعك بيجيلي انهيار
اطياف مسكت دقنه يواجها: خلاص مبقتش تحبني
امير قالها بدون نفس: مبقاش ده مهم دلوقت
اطياف: انا بسالك مبقتش تحبني انطق
امير بنرفزه عليها: مفكره بعد الي خبتيه عني احبك , احنا بس بينا ايام حلوه , لكن مش انا امير الي اتغير عشانك , كل حاجه هتكون مختلفه وبعبارات تانيه , لان مش انا الراجل المناسب ليكي ,او مش انا الي بتحبيه
اطياف: لكن القدر جمعنا سوي ووقعت في حبك ,وهحبك لاخر يوم في عمري
امير: حبك ليا مجرد هاجس
اطياف: ليه مش مصدقني
امير: عشان خبيتي عليا
اطياف: مكنش قصدي انا خفت تغضب لو عرفت
امير بنرفزه شديده : اغضب من ايه, انا عطيتك الثقه والامان تحكيلي لو فيه ماضي في حياتك بس انتي خبيتي عليا, وده الي مزعلني اوي منك
اطياف: يعني افهم ان قلبك اتغير من ناحيتي
امير: لما طلبتي مني نبدء صفحه جديده قلت ان انا اللاختيار الوحيد في قلبك , رغم انا ولا انتي من نفس البيئه
اطياف: بس رغم كدا لايقين ع بعض
امير: مبقتش عارف
اطياف نطقت بأسمه ومره واحده اغمي عليها ووقعت ع الارض
امير نخ ع ركبته: اطياف مالك
اطياف دمعت بوهن: خصامنا تعبني
امير بفزع وخوف عليها: انتي مولعه متتحركيش هجبلك دكتوره من الوحده
اطياف اتعلقت فيه: متمشيش
امير: سبيني اجبلك دكتوره
اطياف: لاء خليك جنبي وهخف
امير مسح ع شعرها بحنان: طيب اقفلي عينك ونامي ومش همشي
اطياف دخلت في حضنه: مش هنام بقالي اسبوع بحلم انك في حضني , انت وحشني اوي , من غيرك شايفه الدنيا سوده , وحياتي واقفه, بنام واقوم اعيط , والصداع مابيسبنيش
امير بقهره: وانتي مفكراني مبسوط بوضعنا انا حاسس بغصه في قلبي
اطياف: بحبك يا امير بحبك صدقني
امير ابتسم نص ابتسامه: كدابه لابتحبني ولا حاجه
اطياف صوتها مخنوق بالدموع: والله العظيم ورحمه امي الي ما عندي اغلي منها بحياتي ان انا بحبك , ومافيه حد تاني في قلبي رشاد طلع من حياتي من زمان ومفيش بيني وبينه اي حاجه غير انه بس كان جاري ومبقتش بحس باي مشاعر ناحيته, والي عشته معاك كان من كل قلبي
امير وهو يمسح دموعهـا بالابهام: طيب اهدي وخدي علاج
......قصص منه محمد كاتب................
علا فضلت تتصل بامجد لكن جن جنونها لما رفض يرد عليها اتصلت برشاد: اسمع كتب كتاب منال بكره
رشاد بسخريه: واتصلتي تعزميني
علا بحده: انا مش بهزر
رشاد كشر بستياء: انتي ليه طول الوقت متعصبه
علا :عشان بتكلم معاك في امر مهم ,وانت بتهزر
رشاد بضيق من اسلوبها قال :قولي عايزه ايه
علا: باي طريقه امنع المهزله الي هتحصل بكره
رشاد: ايه ازاي امنع انتي بتقولي ايه, اعملها ازي دي
علا : معرفش اتصرف وووقف كتب كتابهم , حتي لو هتسحر زي سيدنا موسي
رشاد : ليه هو انا ساحر اضرب العصايا اوقف الفرح , انا حتي معرفش طرق السحر
علا : انت مش واخد كلامي جد الخطه الي عملناها سوي كان فيها حياه او موت ,وانا الي كابشه النار, حاول تفهمني وفكر انا مش بهزر
رشاد: وانا بحاول افهمك انه مش هلحق اعمل ده في ليله واحده , واوقف كتب كتابهم
علا: رشاد اعمل اي حاجه ووقف الجوازه دي
رشاد: ايوه اعمل ايه
علا صرخت فيه: معرفش
رشاد: لما انتي مش عارفه ,انا الي هعرف
علا: ما تشغل دماغك يا اخي , واعمل اي حاجه تمنع الجوازه دي تتم
رشاد: وده مستحيل ياعلا
علا: مفيش مستحيل فكر ولو مش هاخد امجد انت مش هتاخد اطياف
رشاد بنفعال: بتهدديني
علا: انا مش بهدد انا بعرفك, لو مأخدتش امجد هموت نفسي , مين هيساعدك وقتها ,لازم تساعدني بأي طريقه
.............قصص منه محمد كاتب............
يوم كتب الكتاب اطياف جهزت وقعدت قدام المرايا تفنش اخر التفاصيل
امير قرب عليها وعطاها اسوره دهب شيك : دي ليكي
اطياف: ليا انا
امير: اه
اطياف ابتسمت بسعاده: ثانكيو
امير بالكدب: مفيش داعي تكوني مبسوطه زياده , دي لقتها مرميه فكرتها تخص منال
اطياف: ممكن تلبسيها لي في ايدي
امير: ما تلبسيها لوحدك , هو انتي عيله صغيره
اطياف كتمت ضحكتها: امير
امير: عايزه ايه
اطياف: عايله امجد جايه بدري استعد
امير: مفيش داعي تقلقي عليا _اتريق عليها_ قال افراد الاسره جايه
اطياف: امير
امير قلب عيونه بزهق: فيه ايه تاني
اطياف قامت وقفت قدامه: طالعه عامله ازاي , الفستان عليا حلو
امير اتأمل تفاصلها وسكت
اطياف: روح قلبي مش هتقولي
امير: وحشه , ووحشه اوي كمان , وطول عمرك وحشه زي دلوقت , وكل يوم بتزيدي وحاشه
اطياف عملت قدامه انها زعلانه ونزلت راسها في الارض : كدا ميرسي لذوق حضرتك
............قصص منه محمد كاتب............
في غرفه منال بتجهز وتستعد
اطياف: اختي طالعه حلوه عسل متغلف بالكريمه
منال بضحكه: جرالك ايه يادكتوره بقيتي بيئه
اطياف: اصلي فرحانه بيكي اوي وخايفه ابوسك الروح يطبع ع قورتك
منال : قوليلي احط المانكير اي لون
اطياف: الابيض مش عروسه
منال: ماشي هحط الابيض
الباب خبط اطياف قالت: تعال ادخل
عزيز فتح الباب ودخل: ماشاء الله ربنا يحفظك يابنتي من العين, انا فرحان فرحه اب بيجوز بنته لراجل محترم , ده حلم جميل اه هيبقي فيه دموع فراق بس لابد منه , بس سعيد عشانك يا حبيبتي لو كانت امكم عايشه اليوم كانت هطير من السعاده بس ده مقدر الواحد بيبقي متوقع حاجه وتحصل حاجه تانيه , ع كلا انا هطلع واسيبكم بس لو احتاجتوا اي حاجه بلغوني مش عايز احرم بنتي من اي حاجه في ليله فرحها
منال: بابا قبل ما بنقول ماما اسمهان مظبطانا متقلقش
عزيز: ماهي الامهات بتاخد مكان الاب لما تتحمل كل المسؤليات بنفسها , وتاخد من نصيب حب الاب كمان
اطياف: لاء مش كدا خالص يا بابا , احنا بنحبك كتير كتير
عزيز: وانا بموت فيكم يا عفاريته
اطياف: طلعالك يا بابا عفريته
عزيز ضحك بصوته كله وقال: ايوه كدا عايزكم دايما تضحكوا ومبسوطين , واي حاجه تحتاجوها تبلغوني سامعين يا بنات
الاتنين بصوت واحد: سااامعين يا بابا
عزيز: تعرفوا يا ولاد انا من صغركم معشتش السعاده دي ولا عشت معاكم بس اوعدكم ان كل حاجه هتتغير وهنعيش كل ايامنا الي جايه في ضحك وانبساط
اطياف قالت لما الباب خبط: ادخل يلي بتخبط
شوقيه دخلت: ست اطياف عمك حكيم عايزك ضروري
اطياف : تمام جايه
منال :عايزك ليه
اطياف مطت شفتها لقدام وقالت: معرفش هشوف
عزيز مبتسملها :متخافيش
اطياف : مش خايفه يا بابا
........قصص منه محمد كاتب.............
اطياف دخلت: عايزني ياعمي
حكيم: اتصلي بأم امجد وبلغيها ابنها بس الي يحضر ورجاله عايلته مش هيحضروا مع معازمنا الحريم
اطياف: ازاي يعني امال امجد هيكتب ازاي
حكيم: هيقعد في الجنينه بره , ولما المأذون يكتب العقد يبقي يمضي بس , دي تقالدنا
اطياف: بس يوم خطوبه امير ع علا عادي كان قاعد جنبها
حكيم: امير واحد مننا , اما الولد ده غريب عننا , اتصلي و قوللهم ميجوش
ثريا: بس هما جاين وعيب نرجعهم
حكيم: انا بعمل الي اتعودنا عليه من قرون , ولا يمكن اغير عادتنا عشان اي حد
اطياف: بس احنا عزمنا الناس وكل حاجه جاهزه يقوله علينا ايه
حكيم بحده: الي يقول يقول مش مشكلتي, اتصلي بيهم رجعهيم, ولو مش موافقين كل شئ قسمه ونصيب
ثريا: طيب ع الاقل يكتب كتب الكتاب وبعدها يقوم يمشي ع طول
حكيم: انا قلت كلمتي ومش هرجع فيها , وطالما انا لسه عايش هتبع تقالدنا مش هخليها تنتهي ومش هسمح لـ اي حد يغيرها
اطياف: مراه عمي هو ايه الي بيحصل
ثريا: يابنتي هنعمل ايه لازم ننفذ اتصلي بامجد بلغيه
اطياف: مقدرش ابلغه بحاجه زي دي , اقولهاله بس ازاي, انا هبقي في نص هدومي
ثريا : نعمل ايه يابنتي مجبورين , اظن عارفه غضب عمك مهما كان القرار بدل قاله لايمكن حد فينا يغيره , ومفيش داعي امجد يدخل السرايا لو عمك اتعصب الوضع هيسوء ,وده مش الوقت المناسب نعمل اي شوشره
اطياف برفض قطعي: مش هتكلم معاه انتي كلميه بنفسك
ثريا بتفاهم: طيب هكلمه بنفسي متقلقيش امه ست عاقله ,هتقدر الوضع الي احنا فيه
اطياف :ولو زعلت ورفضت
ثريا :كان لازم عمك شرح ده لـ ابوكي كان هيعرف طلبه وينفذه
..................قصص منه محمد كاتب........
منال شاورت له وهو ماشي: امير
امير راح عليها وهو مبستم: نعم يا منال عايزه حاجه ياعروسه, اليوم اعتبريني خدامك واطلبي
منال: عارفه انك زعلان مع اطياف ومليش حق اتكلم , ومينفعش اتدخل , بس عندي كلام مهم لازم اقلهولك
امير بهدوء: قولي في ايه
منال: اسمعني بهدوء لو عايز تعرف الحقيقه ان اختي سعيده معاك جدا , وسعادتها استمدتها منك انت ومن حبك, وانت الي قويت العلاقه بأحترامك الكبير ليها وخلتها عشقتك يا امير
امير بستفهام: اطياف هي الي قالت لك تقوليلي الكلام ده؟!
منال: لا هتقولي ليه, انا من نفسي اتكلمت , هي حتي متعرفش اني هتكلم معاك , ولقيته الوقت المناسب وصدقني الظروف غيرت المشاعر , وبقيت دلوقت غالي عندها , وغالي عندي زي اخويا الكبير
امير: تعرفي لما بتقوليلي ان زي اخوكي الكبير بفرح اوي , وعجبتني الكلمه كتير
منال: طالما عجبتك يبقي تعمل حاجه واحده تشيل كل المفاهيم الغلط من قلبك , اطياف ليك لوحدك وبتحبك انت وبس , صدقني رشاد واطياف كانوا مقري فاتحتهم بطلب من امي , وبعدين احنا متربين سوي وهو كان جارنا انت فاهم الي اقصد اقوله
امير :ايوه فاهم اطياف ليا لوحدي
منال: اسم الله عليك اطياف معملتش جريمه , ولا حاجه تستاهل عليها تعاقبها بخصامك صدقني اختي مستحيل تعمل حاجه توطي راسك , هي اخلاقها وتربيتها عاليا فوق ما تتصور وياريت تسامحها ع انها خبت عليك توعدني
امير : اوعدك بايه
منال: انك مش هتسيب ابدا اطياف, انت عارف لما سيبت البيت ومشيت, بقت حزينه ومخنوقه ودخلت في حاله سيئه جدا , والحزن مالي وشها ,والدموع والتفكير واضح انهم تعبوها.وكنت خايفه ليجرلها حاجه , واشتقالتك كتير انا متأكده , بس انتي هتوعدني تفضل معاها ومش هتسيبها وتفضل ماسك ايدها ومش هتفصلها عن ايدك ابدا
امير ضحك: ماشي يا منال مش هسيبها , ماهو محدش بيسيب روحه
...........قصص منه محمد كاتب.............
بعد كتب الكتاب تلفونها رن برقمه
منال :الو
امجد: بتعملي ايه
منال: انا ولا حاجه بخلع الحلق , خلاص الحفله خلصت وتعبانه جدا
امجد بغيظ: بصراحه عمك عاملني بأهانه كبيره جدا
منال :المهم بقيت ليك
امجد :انتي بتسكتيني يعني انا مفقوع منه ازاي يمنعني اشوفك
منال ضحكت :اقولك الصراحه
امجد: قولي بصراحه
منال :عمي عمل الصح
امجد : يا خاينه يعني مش عايزه تشوفيني , مبقتش فارق معاكي كدا خالص
منال مبتسمه: عشان اكون صادقه معاك زعلت جد, ا لان ده المفروض يومنا ونكون سوي
امجد: نفس شعوري بالظبط وعايز اجيلك دلوقت
منال: بس ممنوع تيجي
امجد :لو عايزني اجي هاجي
منال : جرالك ايه يا امجد عمي منعك مينفعش تيجي ,غير بكره في الفرح
امجد: متقلقيش خالص هاجي اشوفك وهمشي بعدها ع طول
منال بخوف: لو مصمم تشوفني هكلمك فيديو, بس متجيش من فضلك
علا دخلت بعد اتصال من رشاد الي بيحرض امجد يروحلها
منال بصتلها قالت له : هكلمك بعدين
علا رسمت ابتسامه مزيفه وسألتها بخبث: بتتكلمي مع مين
منال: مش مع حد
علا: كانت مكالمه منه وعايز يشوفك , قوليلي كان بيقولك ايه
منال: ولا حاجه عايز يجي السرايا بس انا قولت له لاء
علا بمكر: ليه خايفه ده جوزك من حقه يشوفك لو عامله ع بابا متقلقيش خاليه يجي
منال: علا انتي مجنونه لا طبعا هكلمه فيديو وخلاص
علا: ليه خاليه يجي
منال: لاء ياعلا ازاي اسمحله يجي وعمي منبه يشوفني , هيتعصب لاء مش هقدر اجازف
علا: طيب تعرفي فيه في السرايا اكتر من باب وفيه حارس واحد ع الباب الوراني , ومش هياخد باله لان اليوم كان فيه فرح عادي راجل يدخل يله اتصلي بيه
منال: لاء
علا: متخافيش مفيش حاجه هتحصل, انا الي بقولك وانا هتعامل مع كل حاجه, انا عارفه شروط بابا قاسيه ولو انا مكانك مش هنفذها لانه اهم يوم بالنسبه لي , وعايزكم تفضل ليكم منه ذكري حلوه اوعي تنسي تتصلي , متقلقيش انا مسؤله عن كله
منال ضمتها: علا شكرا
علا ضمتها وقالت بحقد شديد : انتي بس اتصلي بأمجد وبلغيه يجي بسرعه
منال: حاضر هتصل
.............قصص منه محمد كاتب.........
اسمهان: اطياف ليه قاعده كده
اطياف بزعل: قاعده عادي
اسمهان: ايه زعلانه عشان اختك ماشيه بكره, اصلكم بتحبوا بعض اوي , عمري ما شفتكم بتتخانقوا سوي
اطياف: لان عمر اختي منال ما قالت كلمه زعلتني , ولا عمرنا اتخانقنا رغم انا اكبر منها بس هي عقلها اكبر مني ,وبتهتم بيا كأني بنتها الصغيره
اسمهان ضحكت: ربنا يخليكم لبعض ,انتي شربات اوي
اطياف: انتي كمان شربات اوي
امير جاي عليهم مبتسم: معاكي حق في دي
اسمهان: اتكلموا وانا هدخل الصواني دول المطبخ
امير: طالعه حلوه
اطياف : متشكره
امير: مش بقولك ع فكره انا قصدي منال
اطياف بتكشيره: ماشي
امير: متزعليش انتي كمان حلوه جدا
اطياف: اكيد متقصدش منال, اصل انت متجوزني انا
امير: عارف
اطياف: قولها صريحه ان منال اتكلمت معاك , ونسفت لك المفاهيم السوده الي في دماغك , عن اذنك طالعه اغير
امير: اطياف
اطياف: نعم
امير بتوتربسيط: اه انا
اطياف كتفت ايدها قدام صدرها: حصل ايه سيد امير
امير : I'm sorry
اطياف: امير اليوم بيتكلم بالانجليزي
امير: اصل بيقوله لما بنحب حد حب حقيقي, بنرسم بنفس الوانه
اطياف: بس الرجاله مش بتحب تتأسف , بيفكروا الاسف بيقلل منهم وما يصدقوا ياخدوا فرصه ع الست ويشفوها مذنبه
امير: ايوه رغم غللطك انتي كمان ومتنكريش , لو كنتي واثقه فيا هتقوليلي الحقيقه لكن متكلمتيش , ع العموم عايزك تنسي الي حصل مش هنعيد ونزيد فيه عمال ع بطال, وتعالي نعاهد بعض اننا نثق في بعض ونتكلم بصراحه حتي لا يطير الحب وعد
اطياف: promise
امير بمرح: رامز مين
اطياف ضحكت ع خفه دمه الي بتعشقها
امير بصوت عالي: بحبك يابت يا تيفا
اطياف كتمت شفايفه بايدها : بس وطي صوتك
امير زاح ايدها وقال بعناد: مش هوطي صوتي بحببببك وروحي متعلقه بيكي
اطياف وهي بتشده من ايده لفوق: نهار اسمر تعال نطلع اوضتنا وعبر لي براحتك
استوب ياتري حكيم هيعمل ايه لما يعرف ان امجد دخل غرفه منال غصب عنه
اطياف هتعمل ايه مع رشاد وعلا لما تعرف انهم عايزين يبعدوها عن حبيبها امير تعالوا نعيش احدث شيقه تخطف الانفاس