رواية مسار اجباري الفصل السابع والعشرون27بقلم منه محمد
منال: مش شوفتني يله امشي بقي
امجد: هو انتي ليه خايفه اجيلك هنا , انا لسه مشفتكيش كويس , وعايز اشبع عيني, وصدقيني محدش شافني وانا جاي علي هنا , مفيش داعي للقلق اطمني
منال بتحذير: امجد
امجد قرب عليها وقال بالمناسبه الفستان حلو عليكي اوي مع لون المانكير يجننوا ما تجيبي بوسه
منال شهقت :ايه بوسه
امجد كتم ضحكته :اه بوسه
منال بشخط: انت معتقد عشان كتبنا الكتاب يبقي خلاص من حقك تعمل اي حاجه
امجد قرب عليها: اصل انتي حلوه اوي اجمل من الي تخيلته , اجمل بكتير والفستان الروز جنني عليكي وطالع يناسبك
منال بتزقه من دهره:بجد شكرا بس يله اتكل من هنا
امجد من غير اي مقدمات خطف بوسه من شفايفها بسرعه
منال: امجد اختفي من قدامي حالا ,والا هضربك
امجد ضم كتافها ناحيته: تمام قبل ما تضربيني خلينا ناخد سلفي مع بعض عشان نفرجها لولادنا
منال : يله مش صورتنا , امشي بقي قبل ماحد يجي
امجد بعناد: مش همشي
منال لعبت في زراير قميصه: اسمع انا بكره هبقي معاك , ونتصور صور سلفي للصبح نعمل بيهم اللبوم بس امشي والنبي
..........قصص منه محمد كاتب...........
ام امجد: الليله كانت حلوه اوي وعايزين نتصور مع العروسه
ثريا: عقبال ما تتصوري مع ولادهم
علا بخبث: امال منال راحت فين مش شيفاها
ثريا مبتسمه: اطياف روحي شوفيها راحت فين
ام امجد: اه يابنتي روحي اندهالها وشوفيها
اطياف: يامراه عمي هي راحت تغير الفستان عشان قصير وحاسه انها مكسوفه
ثريا: وتغيره ليه مش لما الاول تتصور بيه مع حماتها , وانتي يا اسمهان ليه ممنعتهاش
اسمهان: انا اصلا معرفش انها مشت
اطياف : هي كانت مرتبكه جدا وراحت تغيره
ام امجد: البنات اللايام دي بيتكسفوا لما الفستان يطلع قصير شويه دول مش زينا كنا زمان نلبيس تحت الركبه ولا حد يبص علينا
ثريا: الزمن غير الزمن
اطياف ضحكت : وانا حالا اروح لمنال اقولها تيجي بالفستان متغيرهوش
علا منتظره العاصفه الي هتهب وتنجح خطتها اللعينه
اطياف راحت تخبط: منال افتحي الباب
منال: يا خبر اعمل ايه
امجد: قوللها جايه واهدي خالص
اطياف خبطت اكتر: منال افتحي الباب معقول كل ده بتغيري
امجد: افتحلها مش هيحصل حاجه
اطياف ليه مش عايزه تفتحي الباب
منال اخدت نفس واتكت ع شفتها وفتحت الباب واطياف دخلت وشافت امجد ومنال الدم هرب من وشها
اطياف فتحت عيونها: انت بتعمل ايه هنا
منال: جه عشان يشوفني
اطياف بغضب: يعني ايه يشوفك انت بتعمل ايه هنا , مش عمي منعك ليه دخلت هنا
منال: اتفضل قولها
امجد: جيت اشوفها مش عشان حاجه تانيه
اطياف اتكت ع اسنانها بغيظ: ايه الغباء الي عملته ده, انت عارف هيحصل ايه لو حد شافك
امجد: محدش شافني وانا جاي ع هنا وبعدين معملناش حاجه غلط
اطياف:لاء ستين غلط
ثريا خبطت: منال افتحي الباب اطياف بتصل بيكي افتحوا الباب
اطياف ارتبكت: ايوه حالا يا مراه عمي
ثريا: يله اطلعوا حماه منال مستنياها
منال: اعمل ايه
اطياف فتحت الباب وبصتلهم بغضب وقالت: تعالي يا مراه عمي
ثريا وهي داخله وبتقول: الكل مستنيكم وقلت لك روحي هاتي منـ امجد انت هنا مش مكسوف
............قصص منه محمد كاتب..............
حكيم: لحد اليوم محدش استهان بحرمه بيتنا انا طلبت من البت دي انها متشوفكش لكن هي محترمتش كلمتي
امجد: مكنتش غلطه منال انا الي صممت اشوفها
حكيم بغضب: اخرس خالص انت متعرفش يعني ايه احترام انت مش مهتم بسمعتنا ولا بشرفنا ومش مكسوف حتي من نفسك تقابلها في السر يمكن نسيت انها لسه مش في بيتك
امجد: بس كتابنا الكتاب يعني منال مراتي
حكيم: وده ميدلكش الحق تجتمع بيها في بيتنا
امجد: انت بتفكر فينا بشكل غلط احنا معملناش حاجه غلط رغم هي مراتي لكن عارف حدودي كويس جدا ومستعد اخدها دلوقت
حكيم: ومين هيسمحلك بعد الي عملته شايف ياعزيز الي عملته فينا بنتك حبيبه قلبك حطت راسنا في اللارض وعايزه تفضحكنا
عزيز: مهما الي حصل هما مكتوب كتابهم بس رغم كده مكسوف وبعتذرلك عن الغباء الي عملوه
حكيم: وانا مش قابل اسفك حبك لامهم دمرنا وبناتك ادلعوا لدرجه استهانوا بشرفنا ومديحه امهم ده اختيارها عايز ولد محترم اتفرج ده اسلوب واحد متربي ومحترم كنت عايز اجوزها لواحد مننا يحترم العايله ومكنش هيعمل الفعل المخجل ده ابدا
منال صرخت ببكاء: بابا صدقني معملتش حاجه غلط اسمعني وصدقني معملتش حاجه تحسسك بالحرج
حكيم: لو كانت علا في مكانك كنت خنقتها بأيدي
امجد: انت دلوقت بتتعمد تشعلل الدنيا وتحرضه ع بنته وانا ومنال معملناش اي حاجه غلط
حكيم: انت عيل وقح وقلبل الادب اوي لسه ليك عين تتكلم خد امك وامشوا من هنا قبل ما افقد اعصابي
ثريا: ام امجد خدي امجد وامشوا
ام امجد: عايزه اقوله كلمه قبل ما اخد ابني وامشي من هنا بعترف ان ابني غلط وبتأسفلك عن غلطه واغفرله
حكيم: بس مش عايز اسمعك لا انتي ولا ابنك يله خديه وامشوا من هنا حالا
امجد اتعصب ووقف قصاده: مش همشي غير لما اخـ
امه ضربته بالقلم وسحبته من دراعه: يله نمشي من هنا يلللله
..............قصص منه محمد كاتب.............
حكيم: روحي بلغي عزيز يطلق البت دي من الصعلوق ده
ثريا: ايه الي بتقوله ده ياحكيم
حكيم بصوت عالي : مسمعتنيش اظن اتكلمت بصوت عالي , روحي قوليله يطلقها منه امشي
ثريا راحت وبلغت عزيز بالخبر الاسود
عزيز انهار: ازاي ده يحصل اطلق بنتي وادمر حياتها ,فهمي اخويا حرام ده يحصل
ثريا بضيق :انت عارف اخوك اكتر مني وهو مصمم
عزيز :يعني اقف ساكت وهو عمال يتحكم في حياه بنتي ومستقبلها
ثريا : والله حاولت اكلمه واوصل معاه لحل للمشكله دي , بس انت عارفه لما يصمم محدش يقدر يغير قراره , هتكلم مع ام امجد روح انت نام
عزيز ازاي انام وحياه بنتي بتدمر بالشكل ده انا بقالي يومين برتب وبحضر عشان اشوف فرحتها اقوم اشوف دمرها ازاي هيجيلي نوم
ثريا :ليه بس بتفول بالخراب , لو اتهزمت كدا منال مين هيتعامل معاها ويقويها
عزيز :والله لما بشوف وش بنتي بتحسر ع حظها , وبحس بالذنب اني جبتها هنا رميتها في النار بدل ما ارميها في الجنه . ,وواقف بضعفي ومش قادرانقذ بنتي , انا فشلت احمي بناتي واوهبلهم السعاده , انا اب فاشل مش قادر اعمل اي حاجه, بس ربنا اقوي من اي بطش والحق بيرجع لو بعد حين
ثريا: لا حول ولا قوه الا بالله
..........قصص منه محمد كاتب.............
ع الموبيل
علا بسعاده من قلبها : متتخيلش مدي فرحتي حصل الي رتبناله بالظبط ,وبابا هيطلقها منه
رشاد: ما يمكن تحصل حاجه وابوكي يغير قراره
علا :يغير ليه بتقول كده
رشاد : يعني فرح امجد ومنال بكره واكيد ابوكي عزم اهالي البلد , لا يمكن يلغيه بدون ما يقول السبب لازم الناس هتساله هيرد يقولهم ايه
علا: انت متعرفش بابا بمجرد ما يقول كلمه محدش يجادله , ولا يمكن يغير قراره
رشاد :مكنش عندي فكره ان كل ده هيحصل , لما احرض امجد يروح لمنال
علا: احسن زي ما خسرت حبي الكل يخسر ونجحنا ووقفنا جوازهم ومستعده اعمل اي حاجه وكل حاجه
رشاد: اوقات بحس انك مش بتحبي امجد
علا: ليه بتقول كده
رشاد: بحس ان ده مش حب مجرد عناد
علا :اظن قلت لك قبل كده انت متعرفنيش , ولا تعرف طبعي لما بحب اخد حاجه بفضل وراها لحد ما اخدها واوصل للي انا عايزه
رشاد : مفيش شك ان دماغك الماظ في التخطيط , بدليل وصلنا للنتيجه دي , بس منال عامله ايه
علا بشماته : منال مشغوله بالعياط مش في دماغها ان انا الي شجعتها , ولو حد سالني هنكر واقول انا معرفش حاجه , وهي بترمي بلوتها عليا
رشاد . انتي ذكيه جدا
علا : انت بتمدحني ولا بتزم فيا
رشاد : اياكان بس كنت اتمني اطياف هي الي مكان منال , كنت هشكر وامجد في تخطيطك واقول فيه اشعار , وبجد زعلان ع منال اصلها بنت بريئه, وطيبه مش بتفهم نوايا الناس , ولا بتعرف تفرق مين الي بيغلط في حقها
علا رفعت حاجب بحقد وقالت: انت بتدعم منال كتير وكدا مش حلو
..................قصص منه محمد كاتب............
اطياف بنرفزه: دي مساله حياه, ازاي تنتهي بالشكل القاسي ده
ثريا بضيق: حاولت كتير اخاليه يتراجع عن قرره , بس كلنا ارفين ان الي عمله الاتنين غلط ومش هقعد اجادل واكابر معاه
اسمهان: ايوه يا ابله ثريا بس من راي تتصلي ام امجد
ثريا هزت دماغها برفض: لاء يا اسمهان لايمكن ع تلفون , هنروحلها انا واطياف لحد بيتها ونتكلم معاها
اطياف :مقدرش اواجهه طنط وانا عارفه هألمها واكسر فرحتها لحد فين
ثريا :يابنتي كلنا قلبنا وفرحتنا مكسوره كان بيتنا مليانه فرحه واتحول في ليله لحدوته ووجع , لكن لازم نبلغ امه قبل ما تجهز للفرح ,ونقولها ان كل شئ قسمه ونصيب
اسمهان: اطياف ابله ثريا كلامها صح لايمكن نسيبها ع عماها
اطياف : لو عايزه تروحي بيت امجد خدي ماما اسمهان , اما انا مش هروح
اسمهان: خلاص خدي عزيز معاكي حتي هيتكلم بعقلانيه
ثريا : لاء بلاش عزيز هو مقهور بما فيه الكفايه , هنقهره زياده لو ضغطنا عليه
اطياف قامت من مكانها وثريا سالتها :انتي رايحه فين
اطياف بقهره: رايحه اشوف اختي لازم اكون جنبها , واهتم بيها ومحدش يقولها اي حاجه عن القرار ده ,مش هتتحمل وانا واحده واحده همهدلها انها هتطلق من امجد
...........قصص منه محمد كاتب...........
فتحت الباب ودخلت لحد جوه وقفلت الباب وراها وقربت من السرير وباين ع اختها الحزن والقهر وانها بتعيط
اطياف سألتها وهي مكشره: انتي لسه قاعده , ومغيرتيش فستانك
منال: انتي كمان مش مصدقاني ,وموافقه اني غلطت مع امجد
اطياف رافضه تبصلها: ممكن تقومي تغيري
منال: جايه تلوميني انتي كمان زيهم
اطياف لفت بعيونه عنها: مش جايه الومك ع اي حاجه
منال : طيب قوليلي مخبيه عني ايه , ان عمي مش هيسامحني ماتقولي
اطياف بقهره: عمي قالها وش لايمكن تتجوزي امجد
منال بصراخ: مش من حقه يعمل فيا كده ويظلمني الظلم الكبير ده , انا معملتش حاجه ازاي يقرر كده
اطياف: انتي عارفه كويس دكتاتوريته محدش بيقف قصاده , هو مش بيسمع لـ اي حد
منال: لو كانت ماما عايشه مكنتش سمحت له يعمل فيا كده ابدا, مكنتش قدرت تتحمل تشوف الدموع في عيني, بس انتي عادي مقلتيش لعمي لاء
اطياف: يا منال مينفعش اقف قدامه في الوقت ده , مش هيسمعني وانا مستنيه بس غضبه يهدأ وهكلمه بنفسي واقنعه ان شاء الله واقدر احل المشكله دي اكيد بس اصبري عليا شويه والله كل حاجه هتتحل
منال: ملهاش حل
اطياف: ليها
منال: مش لسه قايله انه دكتاتوري , لما يتلغي فرحي كدا فجأه , الناس هتقول عليا ايه هيرموني بالطين وهيتكلموا عليا وع سمعتي ان امجد دخل عندي عشان حاجه وحشه
اطياف : محدش هيعرف بالي حصل ولا الكلام ده هيخرج من البيت , واظن انتي واثقه انك معملتيش حاجه غلط يبقي ليه خايفه وعماله تعيطي وتوجعي قلبك
منال :كل حاجه انتهت
اطياف طبطب ع ظهرها بحنان: مفيش حاجه انتهت
منال بدموع وشهقات: هتنتهي
اطياف ضمتها بين ايديها بحنيه : اطمني مش هسيب ده يحصلك ابدا
منال لئلئت عيونها بالدموع وطلعت قعدت بره في الفراند تعيط ع حظها ونفسها فضلت تعيط وتبكي
علا راحت عليها : قادره افهم حزنك , حصل معايا نفس الموقف , كنت مخطوبه بس مقدرتش ابقي عروسه انا وامير انفصلنا بسبب اطياف , متفكريش بقولك كدا عشان ازعلك, انا بس بشارك مشاعري معاكي بالطريقه دي
منال بصتلها وبحزم : مهما عملت اطياف معاكي مكنتش تقصد , وانتي عارفه ان امير اتجوزها بالعافيه, لكن مكنتش تقصد توجعك او تقهرك
علا : انا بس بفضفض معاكي , وحقيقي متعاطفه جدا معاكي , محدش هيقدر يفهم حزنك اكتر مني واتمني اعمل اي حاجه عشانك , لكن مفيش حاجه تحت سيطرتي
منال بصوت متهدج من بين دموعها : متعمليش حاجه الي ربنا عايزه هيكون, محدش يقدر يعاند القدر
علا: بس بابا عانده , قصدي ان الحظ لايمكن تغيريه منعرفش ايه الي مكتوبلنا في حياتنا متزعليش انا وانتي في نفس الحزن وشريكه معاكي
..........قصص منه محمد كاتب.............
اطياف هبدت دماغها في خشب السرير وببكاء: اعمل ايه لـ اختي
امير دخل مفزوع من منظرها وقال : اطياف حصل ايه ليه بتعيطي كده
اطياف برجاء: امير ارجوك ساعد اختي, اقف جنبها انقذ سعادتها , دي غلبانه وطيبه , معملتش حاجه وحشه في حد ابدا , ليه يحصل فيها كل ده , ارجوك ساعدها روح اتكلم مع عمك اقنعه يتراجع عن قراره
امير: مش هيتراجع انتي مش عارفه القرار الي اخده عمي تبع تقاليده وعاداته عشان كدا مش هيسمع لحد ابدا ولا حتي انا لو اتشنقت قدامه مش هيغير قراره
اطياف: هو قراره ده ايه قران , دي عادات عفا عليها الزمن خارج العقلانيه , وانا مش هقدر اشوف اختي بتعاني بظلمه وتقاليده القديمه المتخلفه الي لسه مسيطره عليه مش هقدر
امير : فاهم كل ده , والله يكون في عون منال بس هي غبيه وحماره ارتكبت غلطه كبيره ولا يمكن حد يساعدها يا اطياف
اطياف : بس منال متعرفش حجم الغلطه الي عملتها , متعرفش ان القيامه هتقوم لما حبيبها يشوفها , دي حبيبه امي لما بشوفها مقهوره كدا خاسه انفاسي هتقف قولي اعمل ايه اسكت واشارك في موتـ ها , لو سمحت اتكلم مع عمك كذا مره
امير: يابنتي من غير ما تطلبي مني اتكلمت معاه , بس مصمم
اطياف: وايه الي هيحصل بعد كده, اختي تطلق والناس تجرحها ويسالوا ليه , انا وماما عمرنا ما جرحناها بكلمه , دي صدمه كبيره ازاي تتحملها , اختي هتمـ وت من القهره
امير: اطياف انا مش عارف ممكن اعمل ايه اسيب عمي يعمل الي يعمله ولا اقف قصاده , لان المره دي كلامه الي هيمشي , حتي لو منال ماتت قدامه ولا هيأثر ويتهز
اطياف: يعني ايه ياعالم دي كانت اختي بكره هتكون عروسه , كل حاجه عنده القرار فيها بيتقال بسرعه , وسهل جدا يحطم حياه اي حد, امتي هينتهي ظلمه امتي هنعيش زي البني ادمين , مش زي المواشي امتي هتقفوا واقفه واحده في وش ظلمه, واقفه واحده كفيله انها تخليه يتراجع , احنا عايشين في سجن هنا وبنتعامل ع اننا ملناش اي قيمه عنده, ليه كده رد عليا
امير ضمها بسرعه في حضنه وهي بكت وتابعت: انا زهقت من الحياه الظالمه دي , وبتمناه كل حاجه تبقي كويسه
امير باس دماغها وقال: هتبقي كويسه , صدقيني هتبقي كويسه
اطياف ببكاء: ساعد اختي يا امير ارجوك ساعدها , والا همـ وت
..............قصص منه محمد كاتب................
ع الموبيل
امجد بصوت حزين: منال انا مكسوف منك بعد الي حصل , مكنش ينفع ادخلك وعارف انك زعلانه مني وعندك حق لاني السبب سمعتي كلام يفور الدم , وعانيتي من الي عملته
منال بعياط : لاول مره بسببك حد يتهمني في اخلاقي وتربيتي , عندك اي فكره عن الي حصل جوايا في اللحظه دي
امجد : انا محرج منك ومعنديش كلام اقلهولك غير سامحيني
منال ببكاء : قلت لك متجيش بس انت كانك لبست طاقيه واتحولت لشبح وصممت تيجي ورفضت تسمعني
امجد : اسف يا منال بجد اسف
منال : لو سامحتك , ازاي هسامح نفسي بعد الي عمله عمي فيا , وكاني زنيت معاك , يارتني رفضت تيجي انا ثايره ع نفسي اوي , انت مشيت اما انا قاعده هنا اخد التهزيق والاهانه, ازاي اتحمل استهزائهم الي بسمعه, لـ اول مره , حتي اطياف مخصماني ومش بتكلمني وبعدت عني
امجد بندم : يارتني مادخلت عندك ابدا
منال بصوت مكسور : هيفيد بايه الندم , دلوقت مفيش منه فايده
امجد :معاكي حق انا زعلان من نفسي, ومحرج منك واسف
منال: زعلك واحراجك . ميجوش اي حاجه جنب سمعتي الي اتلطخت , انت دمرت كل حاجه ومتتصلش بيا مره تانيه انا مش عايزه اكلمك , حياتي ادمرت بسببك
امجد :ازاي يعني مكلمكيش
منال بعصبيه: قلت لك متتصلش بيا تاني , ودلوقت القرار الي هيمشي قرار الكبار
امجد عقد حواجبه: يعني ايه هما ناوين يعملوا ايه
منال بضعف: مش عارفه حاجه يا امجد , بس مش عشان سعادتي اسحب الناس معايا في المشاكل اسفه
..........................قصص منه محمد كاتب...............
دخل السرايا بكل غضبه ولما الحارس منعه زقه بكل قوته يبعد عن طريقه وانطلق بأقصى سرعته عليه
حكيم وقف: ليه جيت هنا مش محذرك تهوب ناحيه البلد
امجد : انت بنفسك الي اجبرتني اجيلك لحد هنا , انت بتغلط كتير في حقي وحق منال , ولا يمكن اسيبك تظلم فينا بالشكل ده
حكيم : من وقاحتك وبجاحتك تيجي لحد بيتي وتتحدي قراري , واضح ان عقلك طار منك, منال بنت اخويا وانا الي هقرر حياتها حسب رغبتي , مين انت تمنعني
امجد بقوه: انا جوزها انت الي مين عشان تفصلها عني, لايمكن تاخد منال مني وده الي كنت عايزه ونفسك في فرصه واحده عشان تنهي علاقتي بيها , لان دي رغبتك انت بتعمل كل ده بناء ع تعليمات بنتك علا , هي الي حرضتك تنتقم مش كده
حكيم صرخ في وشه: اياك لسانك القذر يجيب سيره بنتي, لو نطقت اسمها هقطعهولك , علا ملهاش علاقه بالموضوع برمته , وده قراري ومن دماغي
امجد: اللعبه الي بتلعبها مش هتفيدك وهتعاني من الخساره , لانك مش من حقك تتحكم في حياتي وحياه مراتي , مش هسمحلك تدمرنا
حكيم: اول غلطه عملتها لما دخلتلها من غير اذني, وفي بلدنا تعبر جريمه تمس شرفنا وحذاري تيجي هنا تاني وتزعق في وشي ودي تاني غلطه
منال الخدامه راحت بلغتها ان امجد بيتخانق مع عمها طلعت تجري مفزوعه
امير لمحها: منال رايحه فين ومالك كدا خايفه
منال بخوف : معرفش الشغاله بتقولي امجد بيتخانق مع عمي
امير: خليكي انتي هنا وانا هنزل اشوف , متجيش
امجد من شدة الغضب صرخ في وشه : انت من الاخر عايز مننا ايه
امير مد بخطواته: امجد ليه جيت هنا مكنش ينفع تيجي
امجد: وضح لعمك جيت هنا اخد منال, ومش همشي غير وهي في ايدي
حكيم: طلع الواد ده من هنا حالا, والا
امجد قطعه: والا هتعمل ايه , يله اعمل كل الي عايز تعمله, واعمله بكل قوتك
منال بصراخ: امجدددد
امجد راح جري عليها: منال انا مش هسيبك , تعالي معايا امك كان نفسها اننا نتجوز, وعلاقتنا لايمكن حد يدمرها بكلمه , يله تعالي معايا انتي مراتي ومحدش له حاجه عندنا , وهنعمل فرحنا
منال: وانا مش عايزه اروح معاك اي مكان , من فضلك امشي من هنا
امجد: امشي اروح فين, و انتي مش معايا عمك ده مش عايز سعادتنا وبيحقد علينا
منال بنقعال ... بس بقي كفايه
امير بهدوء: منال رفضت تروح معاك خد بعضك وامشي من هنا
امجد :منال تعالي معايا
منال جريت من قدامه واطياف جريت وراها وامجد بيحاول يقتحم السرايا
امير وقف قدامه: اظن منال بنفسها رفضت , ولو فضلت هنا دقيقه كمان هتعامل معاك معامله وحشه جدا, خد بعضك وامشي