رواية مسار اجباري الفصل الثامن والعشرون28بقلم منه محمد
حكيم: ازاي الواد ده يتجرء ويجي لحد هنا , ويقف يهددني , هو مش عارف انا مين هدد حكيم عز الدين مش هسيبه واضح انه واخد فكره غلط عني قدام عيني عايز ياخد بنت اخويا وانا واقف
امير: يظهر عقله اتلحس لايمكن ياخد منال من هنا
ثريا: طبعا انت عمها وفي مقام ابوها بس ممكن تسيب ابوها يقعد ويلاقي الحل
حكيم: لو عنده شويه شجاعه مكناش شوفنا اليوم ده , دي نتيجه جوازه من الخاينه مديحه منعته يشوف بناته لو كان رباهم ,مكنتش كل ده حصل ع راي المثل قبل ما تناسب حاسب
ثريا :راي نتكلم براحه
حكيم بغضب: بس مفيش كلام تاني , كون الواد ده يجي هنا قفل كل الابواب ع نفسه
ثريا : طيب اهدي واشرب شويه ميه
.................قصص منه محمد كاتب.........
ع الموبيل
منال: عايز ايه تاني يا امجد, مش مكفيك الي جيت وعملته ليه بتخلق مشاكل ليا ولنفسك انا معنديش الشجاعه اعمل كل ده ياريت تبطل تزعجني
امجد: صدقيني يا منال انا مش عايز اعملك مشاكل انا فعلا بدئت احبك اوي ومش هقدر ابعد عنك , مهما حصل
منال: وده مش هيحصل , انت خسرتني بنفسك
امجد: متقوليش كدا انا مش هلاقي بنت تاني زيك , وبجد عرفت قد ايه بحبك
منال: وايه فايده كلامك ده دلوقت هقفل
امجد: استني دقيقه انا تعبان وبعاني كتير , اتكلمي معايا , وانا ياستي مستعد لـ اي عقوبه تعاقبيني بيها لو حتي هتقتليني لو ده هيريحك مش هتكلم, لكن قوللهم ميخدكوش مني ممكن
منال: ليه بس يا امجد جيت هنا وافتعلت معاه خناقه , وانت الي دخلت اوضتي
امجد بغضب : منال متنكريش ان عمك راجل قاسي اوي , هو مش عايزني ومصدق لقاها فرصه واخدها
منال بتعجب: وليه هيعمل كده
امجد ارتبك وفرك في شعره: لان يعني اكيد عايز يجوزك لواحد من بلدهم ويطيع اوامره ,زي ما عمل مع اطياف
منال بنفعال شديد: بلاش تلوم عمي و طالما عارف كل ده مكنتش عطيته الفرصه يبوظ جوازنا
امجد: هو انتي انفعالك عليا ده من قلبك وفعلا كرهاني لاني جيت اشوفك واستعملت حقي
منال: تمام بدل الكلام هيروح في السكه دي, الاحسن منتكلمش مع بعض سلام
.......................قصص منه محمد كاتب....................
في صالون السرايا
منال دخلت اترمت في حضنها: ماما
ام امجد ضمتها بحنيه: متعيطيش مش هيحصل حاجه متقلقليش هصلح كل حاجه انا جيت عشان اراضي عمك بأي طريقه
منال يدموع: مش هيراضا ابدا كل حاجه باظت
ام امجد: لاْ يابنتي متفكريش بالطريقه المحبطه دي الحياه كلها متاعب ومشاكل ده جزء من حياتنا بس انتي استسلمتي بدري اجمدي وخليكي شجاعه
منال: الي حصل بسببي انتهت علاقتي مع امجد بس كويس انك جيتي اليوم عشان اقولك انا اسفه لك من غبائي دمرت فرحتك سامحيني
ام امجد: يابنتي انتي معملتيش حاجه ليه حاسه بالحرج ابني الي غلط غلطه كبيره ده زي ما يكون ضرب دماغه بفاس
منال: ماما هو انا غلطت لما مرضتش اروح مع امجد
امه طبطت عليها بأبتسامه : لا ء عملتي الصح وقريب هنعملكم اجمل فرح وناخدك من هنا وراسك مرفوعه
منال: انتي طيبه اوي وكلامك ريح قلبي
حكيم دخل وشخط في منال وقالها: انتي قاعده بتعملي ايه هنا اطلعي اوضتك
منال جريت بسرعه من قدامه وهي متعصبه
حكيم بص لام امجد :وانتي قولي
ام امجد: الي جايه اقوله ان ابني غلطان وحقك تزعل وتغضب انه كسر كلمتك
حكيم: زي ما مكنش يصح ابنك يجي هنا انتي كمان مكنش يصح تيجي هنا
ام امجد: قلت زمان غضبك هدي بس واضح انه زي ماهو
حكيم: وانتهي اللامر ممكن تمشي
ام امجد: انا مجيتش اتكلم معاك بس جيت مع طلب بلاش تعاقب منال ع غلطه ابني خليهم يتجوزه ده فرحهم بكره بلاش تخلي الناس تكلم
حكيم: انتي بتبتزيني اوافق واخاف من كلام الناس عايزني عشان اداري العار احط طين ع وشي
ام امجد: واضح انك مش فاهم الي بقوله وسواء كانت لينا ولا ليك انا متأكده ان منال بريئه في الليله دي كلها وهتفضل تتحرق في النار
حكيم: انتي متقلقيش ع وضعها كتير
ام امجد: ايوه بس من ساعه ما امجد اتكلم ع منال وانا اعتبرتها بنتي وكل ام بتقلق وتخاف ع بنتها
حكيم: تمام يبقي هحصل المٍساله دي بالنسبه لك , ابنك يطلقها وهجوزها سيد سيده
ام امجد: ازاي ده
حكيم: احنا عندنا رجاله في عيلتنا وهشوف لها شاب محترم واتمني بعد ما سمعتي كلامي انتهت مشكله القلق بالنسبه لك ع منال
ام امجد برجاء: ارجوك اتراجع عن قرراك
حكيم: كل ده حصل بسبب ابنك ونتيجه التهديد الي وجهه ليا,ودلوقت خدي بعضك وامشي اه
اخر جاحه تقدري تحضري فرحها لما اعزمك هنكون مبسوطين وربما منال تبقي هي كمان مبسوطه
حكيم خرج من المجلس وطلع في الصاله وقال: اتكلمت مع ام امجد , استعدوا لفرح منال
ثريا: الله فرحتني يا حكيم
اسمهان: انا هعمل حاجه حلوه بالمناسبه السعيده دي, الحمد لله ان المشكله اتحلت سعاده منال سعاده للبيت كله
ثريا: وانا هطلع حاجه لله جنب الحاجه الحلوه
حكيم: هو فيه حزن بيحلي الفم
ثريا: تقصد ايه
حكيم: لان منال هتطلق من امجد , وهجوزها لواحد تاني
ثريا :واحد تاني غيره ازاي وفين
حكيم بلا مبالاه: انا لسه معرفش لكن هجوزها بعد ما تطلق
اسمهان بصدمه وعدم استيعاب: هو قال ايه وسابنا ومشي
.........قصص منه محمد كاتب.................
امجد مسك موبيله ومن غير ما يشوف الرقم رد بفرحه: منال كنت متأكد انك هتتصلي بيا
علا: انا علا مش منال
امجد بحده: قولي ليه متصله بيا
علا بخبث: مكنتش عايزه ازعجك انا بس قلت اطمن عليك , وبصراحه زعلانه جدا للي حصل وبعد ما مشيت حاولت اتكلم مع بابا بس رفض يسمعني ,هو مش عايز يسمع حد خالص
امجد: اكيد فرحانه لان ده الي كنتي عايزه
علا :ليه بتقول كده حبي ليكي في مكانه ,بس صدقني مكنتش عايزه ده ابدا معقول احب اشوفك بتعاني وانا بحاول اقنع بابا بنفسي انك لمنال مش ليا , واتمني ترجعوا لبعض ومكنش بالسهل عليا اشرحلك كل ده , ونفسي اشوفك سعيد وبتنازل عشان راحتك, حتي لو مش عايزه ده, بس صدقني نفسي تتجوز انت ومنال وتبقوا متهنيني
امجد : علا ادعلنا ان كل امورنا تبقي تمام , وماما عندكم اكيد متوتره ومعرفش ابوكي هيتعامل معاها ازاي , وهو مش مستعد يسمع
علا : بابا طول عمره طبع كده مش انا قلت لك ,بس اطمن انا هدخل لو انفعل عليها ولا عمل حاجه متقلقش خالص
امجد :شكرا انك لسه بتهتمي بيا كتير وقلقانه عشاني , انتي فعلا صاحبه كويسه
علا بغيظ وحقد: والكلمتين دول يكفوني انك لسه معتبرني صديقه ,ومبسوطه اننا وصلنا للنقطه دي
امجد: انا مش عارف ايه الي هيحصل بعدين
علا: متقلقش انا هفضل وري بابا , وهكلمه لما تيجي فرصه , هحاول اخليه يفهم خالي بالك ع نفسك
امجد: انتي كمان اهتمي بنفسك سلام
................قصص منه محمد كاتب.............
اسمهان دخلت وقالت : حكيم بيه ممكن اتكلم معاك
حكيم : قولي عايزه ايه
اسمهان : انا عارفه الي بتعمله للبيت لمصلحتنا كلنا وانا بعتبرك اهلي وبتعاملني باحترام وعمري ما طلبت منك اي حاجه وعمري ما اشتكت لك ابدا ولا سالتك سؤال
حكيم :وانا معنديش اي شكوي منك طول عمرك هاديه ومطيعه , وبتحبي البيت بكل الي فيه وحافظتي ع مبادئنا وضحيتي برغبتك
اسمهان : انت بتمدح فيا كتير وبشكرك ع كده, لكن النهارده عايزه اطلب منك طلب
حكيم : وانا عرفت هتطلبي ايه , ومش هرفض مهما طلبتي , بس يكون ليكي مش لحد تاني
اسمهان: حكيم بيه انا جايه اطلب منك سعاده منال انا بعتبرها هديتي الحقيقيه من ربنا وبتكلم معاك بصفتي امها وبتوسلك مترجعنيش مكسوره وانا مش بتحدي قرارك وعمري ما اقدر اعملها ولا في نيتي اعصي اوامرك ولا اتجرء اقف قدامك, لكن النهارده بطلب منك امنيتي وانا واقفه قدامك وبطلب سعاده بنتي وانت الوحيد الي هتقدر ترجع فرحه منال , وانا بعتبرك اخ كبير وبطلب منك الطلب ده جوز منال لـ امجد
حكيم: اليوم اول مره تطلبي مني حاجه ونظر لخدماتك مش هرفض طلبك روحي بلغي بنتك انا موافق
اسمهان: الف شكر ربنا يخليك دايما لينا مش غريب ع كيان عظيم زيك
..................
اسمهان اخدت الموافقه وطالعه تجري بسعاده كبيره
علا قابلتها: حصل ايه , ليه ماشيه مستعجله
اسمهان: اصلي فرحانه اوي , ومش مصدقه, ابله ثريا قالت لي اروح اتكلم مع ابوكي عشان منال
علا: وايه الي حصل اظن صمم ع رأيه
اسمهان: لاء وافق منال تتجوز امجد وهتصل بأمه افرحها بالاخبار الحلوه دي وبكره هنعمل احلي فرح
علا الخبر نزل عليها كالصاعقه: لاْ ازاي ده حصل يعني بابا بنفسه وافق
اسمهان: ايوه ده بعد ما كلمته لما اطلع افرح البنات
علا طلعت غرفتها ومسكت الموبيل واتصلت برشاد وحكتله الي حصل
رشاد: مش قلتي ابوكي مش طايق امجد ازاي رجع في كلامه ووافق مش يمكن امجد عمله سحر اه والله اكيد عمله سحر وبسرعه رفضه وفجأه بقي موافق كنتي فرحانه ان خططتك نجحت وفرقتي بينهم قولي هتعملي ايه دلوقت
علا: معرفش كان ده املي الاخير وبعدين فكر معايا نوقف امجد يوصل لمنال بأي طريقه
رشاد: ايوه نعمل ايه يعني
علا: ان شاء الله تخطفه
رشاد: اسمعي انا شاركت معاكي في كل حاجه لكن اخطفه لاء مقدرش اعمل كده
علا: انت تقدر تعمل اي حاجه لو كنت عايز
رشاد: ممكن اعمل ايه قوليلي
علا: لازم تلاقي طريقه وامجد ميلحقش يوصل لمنال
........................
يوم الفرح
رشاد: علا فكري في الي ممكن يحصل وتندمي عليه بعدين
علا: بصرف النظر عن الي ممكن يحصل مش هسيب الجوازه دي تتم بسهوله وعايزه امجد بأي تمن وعارفه ان هيكون في حاله غضب مني بس هقنعه ان دي غلطه من حبي وهو هيسامحني لان كل الي بعمله عشان اكسب حبه نتكلم بعدين الباب بيخبط
رشاد: تمام
علا بصوت عالي: ادخل
ثريا: انتي لسه قاعده في الاوضه المعازيم جاين ليه مش جاهزه علا اتعلمي تفرحي لغيرك يله قومي البسي بسرعه
علا: عايزه ايه اظهر وانافق ارسم السعاده والفرحه ع اني خسرت حبيبي وافضل اجامل ردي عليا مقدرش اعمل كده مقدرش اشوف حبيبي بتاخده غيري
ثريا صرخت فيها: كفايه ارحميني كفايه
علا: انتي الي كفايه وابعدي عني وروحي افرحي وارقصي ع دمار بنتك وحطي التراب في عيني عشان تشوفي سعاده واحده غير ولا اقولك ما تكفنيني وتحطيني في التراب
ثريا هدت نبره صوتها : انا مقدره حالتك كويس وعارفه قد ايه الوضع صعب عليكي لكن رغم صعوبته خديه سهل صدقيني يله البسي وانزلي بسرعه قبل ما المعازيم يجوا وابوكي يسالني عنك واظن عارفه لو مكنتيش موجوده قد ايه هيغضب عدي اليوم يابنتي ابوس ايدك
...............قصص منه محمد كاتب..........
وقفت تلبس الحجاب وهي بتبص لنفسها في المرايا ومش بتكلمه
امير: اطياف متمثليش انك لسه زعلانه مني
اطياف: زعلانه انا مش طايقه اشوفك بعد عملتك المهببه
امير : عملت ايه بس
اطياف: عملت ايه عملت عصابه انت وعمك كلكم قطعيه واحده سبحان الله كانكم مقسومين نصين هو مش الجاهليه والعبوديه والاستعباد وعصر الجواري خلصوا ولا احنا بنرجع لورا
امير تشتكي وتزعلي مني في حاله واحده لو انا كنت موافق ع الكلام ده بس انتم تهموني
اطياف: لو كنا نهمك كنت وقفت ضد عمك مع اختي , مش تطرد امجد انت قاسي وغبي
امير : خلاص هيتجوزها وانا وعد مش هدخل في مشاكلهم تاني , ممكن تكلميني بقي لحد امتي هتخاصميني
اطياف بشخط: ليه مصمم تضايقني سبني اكمل لبسي ,ولا عفاريتي هيطلعوا عليك
امير :ده انا لو اسير حرب هتعامليني احسن من كده
اطياف: مش عايزه اتعامل اصلا معاك
امير قرب عليها: طيب تصوري وحشتيني اليومين الي فاتوا
اطياف: بكاش
امير: انا مش بكاش وانتي حلوه اوي زي قمر اربعتاشر , تعرفي بسبب حبك حاسس اني بقيت كامل اياك تبعدي عني ابدا
اطياف شدته من الجرافته عليها وقالت بدلع ورقه: وعارف انت عملت ايه حبك واحترامك الكبير ليا انجبرت اقع في غرامك وهفضل احبك كده ولو بعدت عني هجبرك تفضل
امير لف ايده حوالين وسطها: واضح هفضل جنبك ع طول
اطياف: عشان طلعت حامل يعني
امير: يعني بس سؤال ياتري بتحبيني انا ولا البيبي الي في بطنك اكتر
اطياف : اكيد هو اكتر منك بس انت عايزه ولد ولا بنت
امير : عندي مش هتفرق
اطياف لفت ايدها ع رقبته وقالت: كدا نخلف تؤام بنت ظريفه وولد شقي
امير: لو كان ولد زيك قادريحميها
اطياف: اشمعني
امير بمرح: اصل انتي قادره ع المواجهه والتحدي
اطياف بضحكه ملعلعه: طيب يله ننزل الكل مستنينا
امير: اسمعي
اطياف: نعم
امير:مش هتلاقي واحد يحبك زي
اطياف: ولا هتلاقي واحده تحبك قدي