رواية الرجل ذو الياقة اللبنية الفصل الثالث3بقلم اسماعيل موسي

ولم ينسى السائق ان يرينى صالة الجيم والمكتبه

وطلب منى بأدب ان اتسلم العمل من الخادمه المستقيله اذا كنت استطيع

الخادمه الراحله سلمتنى المهمات وهى تكاد ان تبكى

قالت والله وبالله لولا هتجوز ما كنت سبت خدمة البيه

راجل محترم ودايما فى حاله وعمره ما اجبرنى على حاجه

لكن اعمل ايه جوزى مش عايزنى اشتغل

فى غرفتى وجدت حمام ملحق، نزعت النقاب وحسيت بالراحه واخدت دش طويل ساخن وهالنى نظافة الحمام وحداثته ،القيت بجسدى على السرير وقبل ما انام سمعت خربشه على باب الاوضه

طول عمرى بسمع عن الارياف وعن الحشرات والقوارض المنتشره هناك ورغم ان البيت كله رخام وسراميك الا انى حسيت بالخوف دا ممكن يكون فار

فتحت الباب بخوف لقيت هر جميل ساكن الملامح واقف قدام الغرفه.