رواية صادفني القدر الفصل الثامن8بقلم سالي دياب
((مين قال انك بنت حرام.... بالعكس هو اللي خسران.... احمدي ربنا انك معشتيش معاه.... امك دي ست بمية راجل.... واحده غيرها كانت فكرت في نفسها بس هي ربيتك انت واخواتك احسن تربيه))...
((محظوظ بوجودك في حياتي والله وابقى غبي لو سبتك تروحي من ايدي))
ترددت صدى الكلمات في اذنها.... لقد طلبت منه وعد ولم يعطيها....... رفعني لسابع سما لكي احلق بحريه ولاول مره اشعر وكاني... لست محرجه من اسمي الذي يستعر منه الجميع وينظرون لي نظرات غير مريحه.....
((بنت حرام))...
نعم.... بالطبع ذلك هو قال اني بنت حرام مثله مثلهم اذا لماذا مثل المثاليه لماذا جعلني اشعر بالاطمانينه لماذا جعلني لا اغفو من شده الفرحه....
كان اخبرني.... لماذا فارق دون ان يبرر.... لماذا جعلني اريده بشده... لماذا....
=شروق...
انتفضت شروق ومسحت دموعها سريعا ونظرت لوالدتها التي دخلت للغرفه للتو وقالت وهي تعدل طرحتها...
=الناس جايين دلوقتي عشان اختك ساره... معلش حبيبتي اعملي الشاي ونادي على ساره هتاخده منك...
=حاضر...
عقدت السيده منار حاجبيها واقتربت منها وقالت بغرابه...
=مالك في ايه...
امسكت وجهها وجعلتها تنظر اليها وضعت يدها على صدرها وقالت بقلق....
=انت معيطه في ايه مالك في حاجه وجعاك...رااندا....
ابعدت يديها عن وجهها وصدرها وقالت بارهاق....
=يا منار انا كويسه مفيش حاجه.... بس منمتش كويس....
دخلت راندا في ذلك الوقت واقتربت منهم لتقول...
=في ايه....
ردت السيده منار بالقلق=
مش عارفه اختك مالها بقالها اسبوع قاعده لوحدها في الاوضه... كل ما ابص في وشها الاقيها معيطه....
نظره راندا الى شروق التي اسندت راسها على المقعد بارهاق نظره راندا ومنار لبعضهما لتقول راندا....
=روحي طب شوفي انت الناس وانا هاجي وراكي...
ترددات السيده منار ان تتركهم بمفردهم ولكن في النهايه تركتهم وخرجت واثقه في بنتها انها ستهتم بالامر.... جلست على المكتب امام المقعد ونظرت لشقيقتها التفتت شروق براسها ونظرت اليها قالت رندا...
=ايه اللي حصل....
نظرت اليها شروق لحظه اثنين ثم بكت بكت بقوه توجهت راندا سريعا الى باب الغرفه واغلقتها ثم ذهبت اليها واقتربت من المقعد لتلف شروق ذراعيها حول خصر شقيقتها وتبكي بقوه... مسحت راندا على شعرها وتركتها تخرج ما بداخلها فهي ايضا لحظات السكوت البادي عليها... منذ اسبوع....
فمنذ ان تعرفت على زيزو..... وتبدلت حالها اصبحت تخرج وتجلس معهم وتتعامل طبيعي.... ما الذي جعلها تدخل مره اخرى في هذه الحاله....
تنعزل عن الجميع ولا تتحدث الا قليلا... ماذا حدث يا صغيرتي...
=بقاله اسبوع مش بيكلمني....ااا.... من بعد ماعرف اني...اااا... مكتوب على اسم جدو....
عقدت راندا حاجبيها ثم ابعدت راسها بعيدا ونظرت اليها بعدم فهم وقالت باستغراب...
=انا مش فاهمه حاجه ....
قالت شروق ببكاء=
زيزو... مكلمنيش وكل ما اتصل بيه الموبايل يجيب جرس ما حدش يرد....اااا... ياما بيفصل المكالمه في وشي بيبقى اون لاين على الوتساب ببعت له اكثر من رساله ومردش عليا بيشوفها ومش بيرد....
قالت رندا =
طيب في حاجه حصلت ....
وقفت شروق ونظرت الى نفسها في المراه وقالت لشقيقتها....
=قلته... فبعد عني زي كل الناس ما بتبعد عني... طبيعي هيصاحب بنت حرام....
اقتربت منها راندا وقامت بسحبها من ذراعها بقوه وبلحظه كانت تصفعها صفعه قويه وضعت شروق يدها على وجنتها ونظرت الى شقيقتها بصدمه لتقول رنده بغضب....
=مين دي اللي بنت حرام.... انت عارفه انت بتقولي ايه...ردددي .... عارفه امك لو سمعت الكلام ده هتعمل في نفسها ايه امك استحملت كثير عشانك وعشانا وانت جايه تقولي انك بنت حرام انت مش واثقه في امك... ناسيه لما عملت الحادثه كانت بتجري بيك ازاي.... ناسيه بتعمل ايه علشانك... انت مش بتشككي في نفسك لا انت بتشككي في شرف امك الناس بتقول لكي الكلمه دي عشان واحد مالوش لازمه راجل معدوم الدين والضمير مش عاوز بنات تانيه... عشان كده مكنش عاوزك انما تقولي انك بنت حرام دي حاجه تانيه يا شروق...
دفعتها بعيدا وبصقت عليها وقالت باستحقار...
=اخص عليك اخص... طلعتي كلبه زيك زيهم... خليكي بصه للجزء اللي ضاع منك وسايبه حاجات كتير قوي قدامك... عشان كلمه بتقولها الناس يبقى خلاص امك ست مش كويسه....
انهت حديثها وتركتها وكادت ان تذهب ولكن اقتربت منها شروق سريعا وامسكت ذراعها لتقول بانهيار...
=راندا انا اسفه....ااا...أنا... مكنتش اقصد اقول كده اني بشكك في امي انا والله العظيم واثقه فيها جدا بس انا تعبت.... تعبت قوي يا راندا كل اللي بيعرف عني كده بيبعد عني... انا كنت ابتديت احبه عشان كده حكيت له قال لي كلام كثير قوي يطمن بس مكنتش اتوقع ان هو يعمل كده....أنا..ااا... خايفه يا راندا افضل طول عمري كده من غير وانس ومحدش يرضى بيا بسبب اسمي....
اللعنه...الف مره وبقلب محروق اقول لوالدك الله لا يسامحه دنيا ولا اخره ولا يتهنى دنيا ولا اخره... الله يبتلي بجميع الامراض التي لا يشفى منها... على حرقه قلبك يا صغيره... والمعاناه التي عانتها والدتك....
سحبتها راندا وعنقتها بقوه اغمضت عينيها بالم لتفرد مع من عينيها بل بكت هي الاخرى حينما استمعت الحديث شقيقتها الذي يمزق القلب...
=انا ليه معنديش صحاب... ليه الكل بيبعد عني وكاني وباء... ليه محبش واتحب زي بقيه البنات...أنا أنا... انا عايزه اعيش...
ابتعدت انا احضان شقيقتها ونظرت اليها بتوسل وقالت...
=كلميه والنبي يا راندا... انا حبيته قوي قوليلو ان انا ماليش ذنب في كل ده... قولي له خلينا اصحاب بس انا مش عايزه غير ان هو يكون صاحبي بس... والنبي يا راندا كلميه....
اخذت راندا نفس ثم مسحت لها دموعها وقالت بهد...
=طيب اهدي عشان ما تتعبيش...
هزت شروق راسها وقالت بتوجس..
=هتكلمي زيزو...
نظرت اليها راندا لبعض الوقت ثم...
=هاتي رقمه...
في لحظه كانت تركض شروق لهاتفها وتاتي برقم زيزو وتعطيه لشقيقتها التي وضعته على هاتفها ثم قالت...
=اول ما الناس تمشي هكلمهلك... تمام... مش عايزك تعيطي تاني.... انت مش بنت حرام يا شروق انت احسن من الناس دي كلها عشان كده شايفينك مش كويسه.... لاني بختصر ما فيش حد بيحب حد احسن منه وانت شبشبك انظف من اي واحده تقول عليك بنت حرام الضفر اللي بيطير من امك طاهر ونضيف.... فما تخليش حد يلعب في دماغك بالكلام ده....
قبلت راسها وقالت بتشجيع....
=يلا روحي كده خدي شاور كويس واعملي الشاي... وانا هكلمهلك....
هزات شروق راسها موافقه لتتركها راندا وتتوجه للخارج فور ان خرجت من الغرفه خرجت لشرفت المنزل... ثم قامت بالاتصال على احدهم وحينما اتاه الرد...
=طالبه منك خدمه....
=اؤمريني يا دكتوره....
=في واحد عندك في اسكندريه اسمه زيزو البرعصي ساكن في منطقه اسمها (...)... عاوزه اعرف عنه كل حاجه هبعت لك رقمه في رساله... ياخذ منك وقت قد ايه....
رد امين الشرطه=
مدام في اسكندريه يبقى على بالليل ان شاء الله كل حاجه هتبقى عندك....
=ان شاء الله... هستناك والحلاوه عندي....
فصلت راندا الخط ثم ضغطت على اسنانها بقوه وهي تنظر امامها بغيظ وغضب من الظروف التي جعلت شقيقتها في هذه الحاله....
في غرفه واسعه كان يجلس زوج ساره ووالده وعمه والسيده منار وراندا وايضا ساره والخال عز المفاجاه التي لم تكن متوقعه هو ان والد رنده وساره بدر الحريري مع اتى مع زوج ساره الذي ذهب اليه لكي ياتي به ويحل بينهما....
ليست هذه المره الاولى الذي ياتي بدر الحريري الى المنزل هنا ولكن هذه المره كانت غير متوقعه... توجهت جميع الانظار الى السيده منار حينما قالت....
=زي ما دخلنا بالمعروف هنخرج بالمعروف ان شاء الله...
قال زوج ساره ويدعى محمد=انا مش هطلق....
نظرت اليه ساره بغضب وكانت ان تتحدث ولكن نظرت اليها والدتها لذلك صمتت توجهت جميع الانظار الى عز الدين حينما قال بهدوء....
=بص يا محمد هتعمل شوشره فاحنا نقوم بيها عادي احنا جايين نحلها ودي البت ومش عايزاك... وخلاص يا ابني رمينا طبتك فطلق بالادب بدل ما دخل في سكة المحاكم....
قال والد محمد=
استهدى بالله بس يا عز احنا عايزين نهدي النفوس وجايين نصالحهم على بعض وانا بقول لك ابني غلطان ومستعد يتاسف لكم كلكم وهيقوم يبوس على راسها كمان....اااا...
=عمي محمد....
قالت راندا هكذا بهدوء لينظر اليها الجميع فتقول
=لامؤاخذه قطعت كلامك... بس زي ما عز قال احنا رمينا الطوبه يعني مش هنوطي ناخدها تاني خلي ابنك يطلق بالمعروف عشان نبقى اهل يا اما هنمشيها محاكم.... وهو اللي مضرور في الاخر....
قبل ان يتحدث والد محمد كان محمد ينظر لبدر ويقول بانفعال...
=ايه يا عم ما تقول حاجه... انا جاي طالبها منك انت مش من شويه حريم....
=شويه حريم....
قالها عز وهو ينظر اليه بصدمه لتقول رندا بهدوء....
=بقولك ايه... روح للحلوه بدل ما اعرفك الحريم هيعملوا فيك ايه....
=الحلوه...
=الست الوالده يعني...
خرج صوت بدر الحريري اخيرا قائلا لراندا بحاده...
=في ايه يا راندا تلزمي حدودك راجل جاي معايا....
نظرت اليها رندا وقالت...
=بقولك ايه يا ابو عبد الله انت قاعد هنا في بيت ام راندا....
وضغطت على كلمه ام رندا بقوه وهي تنظر له بعينين حاده ثم اكملت بصرامه..
.
=واستقبالك وضيفناك فتتكلم معانا بالاصول جاي معاه على عينا وعلى راسنا انما جاي بصفتك ابوها لا احنا مش عايزينك تدخلينا في حاجه....
=انتي بتكلميني كده يا بنت الكلب....
قال بدري هكذا ثم هبه واقفا وقال وهو ينظر الى السيده منار التي كانت تجلس بصمت....
=شايفه تربيتك الحلوه البنت واقفه تبجح في وشي...
=اسم الدكتوره راندا الحريري....بت دي تتقال لجنى بنتك....أنا... لا....
وقفت رندا ثم نظرت في ساعه يدها وقالت...
=نورتونا كان نفسنا اعزمكم على العشا بس احنا خارجين نتعشى بره....
وقفوا بصمت وتوجهوا للخارج دون ان يضيفوا المزيد....خرجوا بقي بدر الحريري الذي قال بغضب....
=بتقللي مني يا راندا قدام الناس... وانتي يا بنت الكلب يا جلابة المصايب... هاربيك
قالها كده وهو ينظر لساره التي شوحت بيدها في الهواء ليغضب ويذهب الى ثم يقترب ب نعله منها بغضب وهو يقول....
=بتشوحي لي يا بنت الكلب....
قبل ان يمسها كان عز وراندا يقفون امامه.... وقفت ساره وقالت بغضب...
=جاي ليه ايه اللي جابك... مش عاوزاك تدخلني في حاجه امشي اطلع بره بيتنا يا راجل يا عره...اااااه....
صرخت متالمه حينما تلقت الصفعة غير المتوقعه من والدتها نظرت لوالدتها بعين متسعه وكذلك الجميع التفتوا اليها قالت السيده منار بحسم وغضب....
=امشي يا زباله يا قليله الادب ادخلي جوه... في بنت محترمه تقول لابوها راجل عره... انت لو تربيتي كنت دبحتك امشي ادخلي جوه..
نظرت اليها ساره بعتاب ثم توجهت الى الداخل.. فورا دخلت قال بدر الحريري....
=الموضوع ده يتقفل والبنت ترجع لجوزها... مش هكرر كلامي تاني...
=لا انت كده راجل قليل الادب...
قالها عز ثم سحبه من ذراعه ودفعه للخارج واشار له بسبابته بغضب...
=لو رجلك عتبت المكان هنا تاني قسما عظما لكم كسرهلك....
قبل ان يقول اي شيء كان عز يغلق الباب في وجهه...
=يا ساتر على ده راجل....دا...ااا...
=الحقووووني....يا راندددا... حد يجي بسرعه البت مش بتنطق....