رواية اسرار خلف الأبواب الفصل الثاني والثلاثون 32 والاخير بقلم نوسه حمد
غيث قال لي صاحباتي انا م متزوج واليوم ماش اطلب يدها ادعو لي ابوها يوافق انا بقيت مصدومه ومخلوعه غيث ليه م قال ليهم دي مرتي وقال ليهم ماشي يخطب معقوله غيث خلاص اتعود علي عدم وجودي واقتنع عايز يتزوج طيب انا لي يومين مدياهو احساس اني بقيت عايزاهو معقول يكون م حسا بي راسي بقا جايط وخلاص بطني طمت ودايره ابكي عديل فجاه اتزكرت كلام سوسن اختي قالت لي مافي اي خبر انتي تضعفي وتحسي انو دي نهايه الدنيا اتريسي شويه اتشجعت قلت ليهو م شاء الله والله انت تستاهل بت الحلال قال لي الله يسعدك يارب وماف بت حلال اكتر منك البنات بقو مخلوعين وبعاينو لي انا ابتسمت قال لي نوسه انا ماشي لي ابوك اليوم عشان ترجعي حلالي وطلع ليهو خاتم دهب ومعاهم دبله ومحبس قال لي تسمحي لي البسك ليهم البنات بقو اكوركو وهم لسه م عارفين انو دا زوجي مفتكرين انو عايز يخطبني لانو عارفين اني مطلقه وعندي اطفال قلت ليهو موافقه ودموعي في عيني غيث بقا مبسوط وبقش لي في دموعي قال لي وعد قدام صاحباتك ديل دي اخر دمعه تنزل منك نوسه خلاص م عايزين دموع تاني ممكن قلت ليهو حاضر لبسني الدبله والمحبس والخاتم والبنات قلبن الجامعه بيت عرست يغنو لي ويصفقو وعاملين دايره وسطنا انا وغيث ولافات فيها وانا وغيث ميتين بالضحك مرقتو من نصهن بالجلاله لانو قال لي الزمن ماشي بيتكم وح ابيت في حلتنا اهلي منتظرني قلت ليهو طيب خليتو فات واتصلت علي سوسن حكيت ليها قالت لي تمام انا ماشه البيت بنتظرو هناك قلت ليها ظابط ووريني اي شي اول باول رده فعل ابوي وامي كانت كيف قالت لي بصور ليك الاحداث ان شالله قفلت منها ودخلت محاضرتي لقيتا شغاله وصاحباتي مشغلاتنها لي المحاضرات ولا فهمتها سمح وشابكاتني الولد السمح دا جبتي من وين ورضا بيك كيف صدمتهن قلت ليهن دا زوجي قالن لي م جاده والزي دا بطلقو انتي واحده مستهبله قلت ليهن الله يعلم بي حياتي الكنت عايشاها بس الحمد لله ع الارداه ماكان في سبب اخلي غيث انو يطلقني وجات عوارض وبقت لي اسباب لحاجات كتيره دمرت حياتي ورجعتني لي ورا بس ربنا كريم ظهر الحق عقبال م يهد حيل الملعونه دي
بقيت عايشه علي اعصابي وسوسن م بترد رجعت البيت وانا طاشه شبكه اولادي واحد فيهم عاينت ليهو ماف لغايه م جاني اتصال من سوسن رديت وكنت غضبانه منها اول م فتحت الخط قلت ليها سوسن حرام عليك عارفاني عايشه علي اعصابي ابوي قال شنو طمني قلبي جاني صوت ابوي قال لي قلت الفيهو خير يعملو ربنا وانا م بقيف في وش سعادتك انا كنت متاكد انو ربنا ح ينصرك ودعواتي ليك انا وامك م وقفت ودا اليوم العايزنو ليك والف مبروك غيث ولد م ساهل رغم الحصل بس انا عرفت القصه كلها بس تاني اوعك تغلطي وتدخلي بت بيتك قلت ليهو حاضر ي ابوي وكنت مبسوطه بكلام ابوي واداني امي قعدت تزغرت لي قالت لي الحمد لله ربنا اسجاب لدعواتي وزوجك بقا كويس ورجع ليك قلت ليها الحمد لله يمه اتونست معاهم كتير وقفلت دخلت حضنت اولادي قلت ليهم اخيرا ابوكم ح يجي يعيش معانا كريم فرح فرح شديد خلاص❤️ بتي الشغاله معاي قالت لي راجلك دا زول وجيه واصحابو كلهم م شاء الله عليهم لازم انتي تمشي عديل لخبيره تظبط ليك شعرك ولونك قلت ليها ان شاءالله بتكلم معاها اتصل علي غيث قال لي نوسه انا م قدرت اقعد في بيتنا اتزكرت امي ومحمد اخوي والبيت كئيب وكانت حالتو النفسيه سيئة جداااا وبقول في كلام يقطع القلب قال لي ربنا اداني فرصه فيك اصحح اخطائي وعمري الجاي كلو ح يكون ليك وغير سعادتك م عايز بس ي نوسه الدنيا م مهلت امي واخوي عشان اضمهم علي نوسه انا ندمان اعمل شنو عشان اكفر عن غلطي دا وبالاخص امي ي نوسه امي ماتت زعلانه مني وقلبها مقطوع بس م كانت عارفه الدوامه الكنت داخل فيها قلت ليهن غيث انت ربنا عالم بيك كنت كيف م كنت واعي بسبب المصايب العاملاهن ليك سلمي قال لي انا م ح اخليها لازم تموت زي امي ومحمد قلت ليهو غيث استهدا بالله انت منو عشان تحاسبها خليها ربنا بنتقم منها قال لي ان شاء الله م اشوفها بس لو شفتها م ح يحصل خير بقيت اترجا فيهو وابكي ليهو قلت ليهو غيث اموت ليك كفايه انا واولادك محتاجين ليك تضيع نفسك بسببها امك واخوك ربنا يرحمهم قال لي طيب ي نوسه انا ماشي في الشارع بعد اوصل برجع ليك اترجيتو يقيف في اقرب محطه ويبيت عشان الوقت متاخر قال لي حاضر اقفلي انتي قلت ليهو لا ي غيث م ح اقفل الا احس انك فعلا وقفت ونزلتا قال لي نوسه انتي لسه بتحبيني ارتبكتا وغلبني البقولو قلت استحاله اغلط غلطت زمان واكون انا الطرف الكاشح مشاعرو بقيت ساكته وبفكر قال لي نوسه ردي م رديت قال لي طيب نوسه انتي عارفه انا غيرك م حبيت قلت ليهو وسلمي قال لي اشهد الله ي نوسه لو بتصدقيني ولا م تصدقيني لو قلت ليك بتزكر يوم واحد مع سلمي وعملت فيهو شنو ما بتصدقي بس كان قدري اقع في طريقا وتدمرني بالطريقه الدمرتني بيها ولو م انتي ي نوسه انا كان اكون لسه م واعي نوسه انا لو قعدت امدحك سنه م ح اكفيك وبعدين م عايز اقول ليك سلمي انتي الدخلتيها في حياتنا لانو لو م انتي الدخلتيها كان قدري اقع فيها بس ي نوسه انا لو عاوز اتزوج تعالي معاي الشركه أوريك البنات اقسم بالله عندنا بنات يقولن للقمر قوم وانا اقعد مكانك علم وفهم ورقي ديل كلهن قدامي لو عايز اعرس تاني كان عرست منهن وبعدين انا زاتو اعرس ليه الناقصني شنو انا معاك م كان ناقصني شي بس الحمد لله ع كل حال بقا يتكلم ويتكلم وانا نهاي م رديت حرقتني كلامو عن بنات الشركه قال لي انا عارفك ساكته لشنو ودا اثبت لي انو انا لسه في قلبك وم محتاج اجابه وبموت في غيرتك يا نوسه ابتسمت من غير م اشعر قلت ليهو غيث عندكم ف الشركه بنات سمحات قعد اضحك قال لي خليتي كل الكلام العميق الكنت بقول ليك فيهو بس مسكتي في بنات شركتنا اقسم بالله انا م عرفتهم الا لمن مرضت ونزلت اول يوم شغل واحتفلو بي حتي عرفت دي فلانه ودي علانه قال لي نوسه انا ف الشغل حاجه تانيه خالص غير غيث الفي البيت انا زول شغل ف الشغل لا بتلفت يمين لا شمال زول دغري قلت ليهو عارف ي غيث انا م عرفت شغلك وطبيعتو وقيمتو وانك فرقت علي ناس الشركه الا لمن مرضتا وعملو المستحيل عشان ترجع ليهم قال لي نوسه انا بحكي ليك بس مرات بحسك عايزاني اتونس في حياتنا قلت ليهو غيث ديك نسيبه الزمان ربه المنزل العايشه في محور بيتا وبس لكن انا هسي بقيت متعلمه وفاهمه لمن تحكي لي بشيل منك فايده قال لي نوسه عارفه انا زول بشجع علي التعليم بس مرات التعليم بغير شخصيتك وبخليك تختلط بناس بغيرو مفهومك للحياه انا عاوزك نوسه مرتي الرقيقه والطيبه والحنينه اللو ما جيت البيت م بتاكل ولا بتنوم تخليني الحتي لمن ولدت ماف طفل شغلها مني انا جد بحب شخصيتك القديمه جدا قعدت اضحك قلت ليهو غيث انا م اتغيرت والله بس بقيت فاهمه وواعيه وما بتصرف ساي قال لي بحبك احيا لمن حسيت شرايين قلبي اتفرطقت فرطيق قلت ليهو غيث اقسم بالله كنت حالفه اموت وم احب راجل غيرك ما كنت شايفه في راجل غيرك قال لي لا في كتير بس انتي بت اصول بتحفظي الود والعشره وانا مبسوط بيك وبي اولادي قال لي نوسه منه تشبهني شبه قلت ليهو وطبعها زيك قال لي متشوق اني ارجع ليكم انا مشيت لي ابوك وطلبت اني ارجع ليك ووافق ترجعي اعقد ليك ولا اعقدو ليك وانتي في مكانك قلت ليهو لا خليني م عايزه ارجع هسي قال لي طيب نعقد وخلصي امتحانات واكون لقيت لي شقه احلي من دي وعندي فكره اشتري رايك شنو قلت ليهو الشايفو بس ح نستقر هنا ولا ح نرجع قال لي حسب ناس الشركه انا طلبت منهم اني اقعد هنا وادير شغلي من هنا لغايه م تخلصي انتي جامعه والعاوزين يعملو يعملو بس لو حولوني اي مكان م ح اخليك وراي قلت ليهو طيب قال لي يلا انا وصلت محطه ببيت فيها وبتحرك بدري نومي انتي وطمني قلبك اني غيث الزمان وياهو البحبك والبسندك قلت ليهو ربنا اخليك لي ولي اولادي قفلت منو وانا مرتاحع راحه انحرمت منها سنين بقيت متاثره لمشاعر غيث لانو لمن يموت ح يكون زعلان علي امو الماتت وهو ما شافها ومخاصمهم
تاني يوم غيث قال لي انا وصلت انتي كيفك واولادك قلت ليهو تمام قال لي عندي شغل ضاغط م معروف اياخد مني كم يوم بس لو احتجتي حاجه كلميني قلت ليهو سلامتك بس قال لي ممكن لو خلصت شغل متاخر اجيكم بليل اسلم عليكم قلت ليهو اي عادي مافيها حاجه قال لي تمام
مرت الايام وسوسن اتصلت علي مبسوطه قالت لي نوسه الحمد لله الحمد لله حقك خلص قلت ليها شنو قالت لي انتي م متابعه النت ولا شنو قلت ليها نت شنو وفي شنو قالت لي سلمي وابوها قلت ليها مالهم ………..يتبع