رواية احلام ودموع الفصل التاسع 9 بقلم ماريه عبدالله مسعود
كما تدين تدان وكما تعين تعان وكما تَرحم تُرحم وكما تزرع تحصد هذا النص سجله في رفوف غفلتك و سيخبرك الزمان عنه يوما ما
" ولك مثل ما فعلت ولو بعد حين "
كما تدين تدان ... إن لم يكن بنفس الموقف فسيكون بنفس الألم ... عندما تظلم .. ستظلم عندما تكذب .. سيكذب عليك وعندما تخون .. ستخان افعل الآن ما تحب أن يفعل بك غدا للدنيا قانون يسمى الدوران ... سيعود إليك يوما ما سواء كان خيرا أم شرا فأحسن صنع ماتود أن يعود إليك في الغد ستزوركم أفعالكم يوما ما فلا تتعجبوا !
فكل ساق سيسقى بما سقى به غيره.🤍
🤍🤍🤍🤍🤍🤍🤍🤍🤍🤍🤍
سحر بنت المايقوما 🤍
قلت ليهم الفستان تصميم نفين وانا ماعملت حاجه
نفين قالت لي بس الفكره فكرتك بس روعة حبيت يكون غلاف الكتالوج يلي بدنا نقدمو لي العرض خالد قال لي والله ياالفيلة راسك طلع مليان افكار مع انو انا قلت بكون مليان اكل في اكل
وضحك
نسيبه قالت ليو الفستان فستان نفين يعني هي ماعملت حاجه ولوت خشمها رد ليه رياض وقال لي فستان نفين بس الفكره فكرته كيف ماعملت حاجه من شفت تصاميمه والشهادة عرفت انو هي موهوبة وذكيه
نسيبه قربت مني وقالت لي خلاص عملو ليك رأس وقعر ماكان ناقصني الا دناصوره زيك واتحركت فاتت نفين قربت مني قالت لي شو حكتلك الساحره هاي نسيبه هاي ساحرة هاربه من قصصص الأطفال ضحكت وضحكت معها
قالت لي مبدعة انتي ماتخلي حدا يحطمك استمري وانا معاك
وقفت اعاين في أرام الكانو يصورو فيه التفت عاينت لي رياض كان كالعاده مدخل يدينو في جيب البنطلون ويعاين بس نظراتو كانت بعيده زي السرحان في حاجه وفي حاجه شاغلة تفكيرو
نفين انتبهت وانا بعاين فيو قالت لي رياض هاد بحر وعميق شديد مستحيل تقدري تفهمي او تعرفي بشو عم يفكر
التفت عليها قالت لي كان عندو اكبر شركة تصاميم في تركيا بس بسبب حدا خاين خسر اي حاجه انا كنت معاو وعندي دار ازياء في تركيا بس ماحبيت اتركو لحالو لانو كان دايمآ بقيف معاي وحاولت اساعدو بس نفسو عزيزه شديد ماقبل اي مساعده من اي حدا
جا السودان وبلش من الاول وانا جيت معاو هو خسر اي حاجه
قلت ليه وخالد قالت لي هاد رفيقو من هم صغار مع بعض خالد ابو عندو اكبر شركة اسبيرات في السودان وعندو كم شركا بتركيا وحب يساعد رياض مشان هيك اهو معاو قلت ليه نسيبه قالت لي هاي ابوها رفيق لي ابو رياض وبينهم مشاريع مشتركة ورفيقتو من الطفولة قلت ليه انتي ما سودانية ضحكت وقالت لي نص نص انا لبنانيه على سودانية قلت ليه واضح مشاء الله وقصي قالت لي هاد لبناني
سرحت في كلام نفين سبحان الله الاخلاص والوفاء في صحبتهم اتمنيت يكون عندي أصحاب زيهم لما أقع يسندوني ولما يقعو اسندهم جلست التصوير خلصت وانا سرحانه جيت اتحرك طقشت رياض مسكت راسي قلت اخخخخ هو رفع حاجبو وقال لي ركزي وانتي ماشه خالد ضحك قال لي كنتي حتموتي رياض
عربية شحن دخلت ليه في ركشه وضحك عاينت فيو وانا ماسكه راسي قال لي تعالي اكلني واتحرك سريع قال لي بتاكلني انتي وضحك قلت ليو ننننن ظريف بطل سخافة قال لي لما تبطلي اكل قعدت اضحك معاو ياخي مجنون وماطبيعي
اتحركت منهم دخلت المشغل وقعدت ارسم جات نفين قعدت وقعد معاها قصي كانو بتونسو وبضحكو جات داخلة سكرتيرة رياض قالت لي نفين مستر رياض منتظركم في قاعة الاجتماعات نفين قالت لي يلا نمشي اتحركنا لقينا أرام ونسيبه وخالد ورياض وفي تاني كم وحده وكم واحد قعدنا رياض قال نحنا عندي ٥شهور لعرض الازياء العالمي وكنا في تركيا سنويآ بفوز فيو الا السنين الاخيره طبعآ بسبب خاين كان بينا واسه عايز العرض دا نفوز بيو بي أي شكل وانا عملت الشركة هنا في السودان عشان لما نفوز يكون اسم السودان مااسم تركيا وكمل كلامو العرض طبعآ بكون في بداية الصيف وهو عرض أزياء صيفي اسه نحنا عملنا الغلاف حق الكتالوج عايزين الكتالوج يكون عليو التصاميم البنشارك فيه في العرض وطلعآ لازم نخلص كم تصميم قبل الشهر الجاي لانو حيوصل الوفد من شركة ..... طبعآ عارفين دي أكبر شركة ازياء في العالم وهي البتكون ماسكة العروض
هنا في السودان في ٥شركات ونحنا الشركة ٦ والوفد حيختار شركتين عشان تسافر باريس وتقدم عرض الازياء الخاص بيه نحنا لازم نفوز ونكون واحده من الشركتين عشان نقدر نسافر ونقدم في العرض حننقسم لي ٣فرق فريق يكون مسؤل عن التصاميم والازياء ودا بكون بقيادة نفين ومعها سحر وارام وتاني قال بنت وولد والفريق التاني انا وخالد والمصور ودا بكون مسؤل عن التصوير والإضاءة والفريق التالت بقيادة نسيبه ويكون مسؤل عن المكياج نحنا لازم نفوز في العرض الهنا في السودان الحنقدمو لي الوفد
وكمان لازم نفوز في العرض الفي باريس اهاااا مستعدين ياشباب كلهم قالو نحنا معاك وبي حماس قال الاجتماع دا نحنا كده حددآ الهدف وقسمنا الفرق الاجتماع الجاي عايز اي واحد يجي يقدم اختراحو ويقدم الشي الفكر فيو بالنسبه لي العرض
نفين قالت الحماس عندي الف وانا واثقه العرض حيكون لي شركة فاشون
كلهم اتحمسو لي العرض انا قلت في سري لازم اثبت نفسي في العرض دا الاجتماع خلص وقمنا اتحركنا انا خلصت شغلي وطلعت البيت وصلت لقيت يقين جات سلمت عليه ودخلت وعملت الاكل اكلنا انا ويقين ناس علي ماجو اتاخرو شديد قلقت عليهم ماعندي ليهم تلفون ولا هم عندهم تلفون لبست عباية وطلعت انا ويقين وصلنا الورشه كانت مقفولة بس سامعه صوت حفلة والصوت كان عالي والصوت البغني دا صوت علي لانو صوت مشاء الله عجيب اتحركت على الصوت ودخلت الحفلة شايفه علي يغني ومعاو ناس طارق يرقصو وفي عريس طلعت طوالي البيت صليت وقعت طلعت الدفتر وقعدت ارسم في ملابس لي الصيف عندي أفكار كتيره خلصت ونمت صحيت على صوت الباب طلعت لقيت ناس علي جو سلمت عليهم علي قال لي اكلنا برا كان في حفلة حنه لي ود أهل سيد الورشه وعزمنا
ضحكت قلت ليو والحال دا عزمنكم مشيت شفتكم وانتو ماسكين الحفله على حسابكم ضحكو وضحكت معهم علي طلع لي قروش شلتهم منو ومشيت ختيتهم في الصندوق دا تعبهم بجي اليوم البحتاجو ليهم
رجعت نمت صحيت الصباح صحيت يقين خليتها تصلي صحيت ناس علي بعد صلو عملت الشاي وجيت راجعت ليهم الحروف ومشيت راجعت مع يقين لبست وشلت البصله والشطه والويكة قلت اسلمهم لي خالتو علوية اتحركتا انا ويقين وصلت يقين المدرسة واتحركت على بيت خالتو علوية وقفت جنب الباب وضربت ليها تلفون سامعه صوت كواريك جايه من البيت وصوت ضرب ردت لي قلت ليه انا جنب الباب طلعت وكان وشها مورم من البكا من شافتني بكت قلت ليه مالك وانا مخلوعة وإنشاء الله خير قالت لي ولدي ضرب ليو واحد واسه الولد في المستشفى وحالتو صعبه وولدي سجنو امس
الليله جا هارب من السجن وهداك خالد يضرب فيو قلت ليه لا حولا ولاقوة الابالله انشاء الخير وقعدت اصبر فيه سامعه صوت خالد اظن عايز يطلع اتحركت سريع بعد ما ودعتها ركبت المواصلات وصلت الشركة عايزه ادخل سمعت صوت مستر رياض صباح الخير التفت عليو وقلت ليو صباح النور واتحرك فات دخلت وصلت المشغل نفين قالت لي يلا عنا شغل كتييير وقعدنا نصمم وانا كان عندي فكره انو مع العرض يكون في ملابس صيفيه لي المحجبين حاسه انو بكون في العرض تفاعل لانو اكيد بكون في المحجبين والما محجبين في العرض بس ماقلت الفكرة لانو أمكن مايوافقو قعدنا نصمم نفين قالت لي انا عايزه اساعدك في موضوع وزنك هاد قلت ليه حاولت قالت لي عندي مدرب رياضه بعد الشغل نروح علي لانو انتي وجهك كتير جميل بس وزنك خافي جمالك قلت ليه تمام خلصنا وطلعنا وصلنا صالة رياضية ونفين سلمت على واحد قالت لي هاد كرم مدرب الرياضة وحكت ليو شافني قال لي لو اعملتي البقول ليك شهر بس بتنحفي بس عايز عزيمه واصرار قلت ليو انا معاك اتحركنا قدم لي كم نصايح ونزل لي فيدهات لي تمارين وقال لي السبت والجمعة تكون موجوده هنا وعشان خاطر تيفو انا مستعد اساعدك وماعايز اي جنيه شكرتو واتحركت وصلت البيت لقيت يقين جات اسحميت وغيرت والباب ضرب مشيت فتحتو كانت مديره المايقوما ومعها مره وراجل سلمو علي ودخلو وانا الصراحه حاسه في حاجه نظرات المره والراجل مامطمنه وماما بلقيس متوتره وترجف
المره تتلفت ساي والراجل ماسكة من يدها ودموها نازلة ماما بلقيس قالت لي انا عايزه احكي ليك حاجه الشايفه دا فقدت بنتها في المستشفى وقالت لي راجلها كان متزوج وعندو مره تاتيه واتزوجه هي
المره الأولة ما حملت الله ماقسم ليه هو اتزوج نوره ياهي الجنبك دي جات يقين جابت الضيافة والمره من شافته جرت حضنته وبكت بكا والعجب الراجل يشيل ويسلم عليه يقين جرت وقفت جنبي خايفه
كانت خايفه وبترجف قلت لي يقين امشي العريشه وانتظرني هناك يقين طلعت والمره عيونها مع يقين
ماما بلقيس قالت لي اها الراجل الجنبك دا خالك علي اتزوج نوره دي عشان تجيب ليو الجنا ونوره الله قسم ليه وحملت طبعآ جاها الوجع مفترض تلد في المستشفى واتحركو وولدت جابت طفله وكانت كويسه وبتبكي ماعندها اي مشاكل بس جات ممرضه شالته وقالت ليه عايزين نعمل ليه فحص الممرضة زي ماحكت لي كانت لابسه كمامة وماانتبهو ليه المهم شالت الطفلة وطلعت ونوره وعلي قعدو ٣ ساعات منتظرين مع انو ولدت طبيعي ومفترض تطلع طوالي ماكان في مشاكل عند الطفله او نوره المهم لما سألو من الطفلة الدكتور قال ليهم طفلة شنو انا ولدك والطفلة ماعندها اي مشاكل عشان يكون في فحص المهم فتشو المستشفى كلها لي الطفلة والمرضة وماكان في اي خبر أو اثر عنهم ونوره وعلي ماخلو مكان وماسالو عنو وتاني الله رزقهم وجابو ولد المهم زوجة علي الأولة مرضت وقبل ماتموت اعترفت انو خطفت الطفلة بعد ما اتفقت مع الممرضه واعترفت انو الطفلة جات المايقوما وقالت ليهم التاريخ الدخلت فيو المايقوما ووصفت ليهم انو فيه وحمه جنب رقبته ولما جو علي ونوره المايقوما وشفنا الكشف في التاريخ دا نحنا استلمنا ١٠ بنات من ضمنهم يقين ويقين عندها الوحمة الجنب رقبته ولو لحظتي الشبه بين يقين ونوره انا بكيت بكا ماعارفه ديل دموع فرحه عشان يقيم لقت اهلها ولا عشان انا اتعود عليها وحافقده
ماما بلقيس كنت بترجف وتحكي وحاسه بيها خايفه شديد مشيت جبت يقين من يدها ومن شافتهم قعدت تكورك انا ماعايزه امشي ماعايزه اسره تكورك وترجف نوره جات عليه يقين مسكت يدي ووقفت ورا ضهري علي كان ببكي قال لي يقين انا ابوك ودي امك يقين قالت ليو انا ماعندي ابو ولا عايزه يكون عندي وكانت بترجف شديد قعدت اتكلم معها انو ديل أهلها الحقيقين ودي امها الولادة وانو انتي في وحده خطفتك من المستشفى وجات نوره تبكي وتقول ليه انا امك انا من يوم انخطفتي انا بفتش ليك زي المجنونه جات عليه وحضنته وبكت بكا كانت بتكورك وتبكي وتقول اخ يابتي الحمدلله الحمدلله لقيتك
علي مش عليها وحضنه ماما بلقيس مسكتني من يدي وسحبتني وقالت لي اووووع تفتحي خشمك اوع تقولي الحصل لي يقين قلت ليه عايزاني اسكت دا موضوع مابتسكت منو قالت لي انتي عارفه عارفه العمل كده في يقين منو قلت ليه عارفه واتحركت خليتها تكورك دخلت الغرفه طلعت الشهادة واتحركت على نوره وعلي قلت ليهم انا عايزه احكي ليكم حاجه وهي مهمه ولازم تعرفوها جات ماما بلقيس وحاولت تسكتني وانا مديت الشهادة ليهم وحكيت ليهم نوره كانت بتكورك وتصرخ وتضرب في وشها وعلي قعد في الأرض يبكي علي قام قال لي دا منو واسمو منو وانا حق بنتي مابخلي مستحيل اخلي واحد مريض زيو عايش من غير عقاب
عايزه اقول جات ماما بلقيس وقفت قالت لي لا اوع اوع اوع
علي تلفون ضرب ورد اي ياخالي لقينها بتنا لقينها وكان ببكي سامع الراجل يقول الحمد لله الحمدلله ياولدي جاي عليكم وصفي لي العنوان وصفو ليو ماما بلقيس سحبتني قالت لي انتي عارفه الاتكلم معاو دا منو دا خالو وهو الربه من هو صغير زي ابو انا كنت ماعايزهم يعرفو بي بنتهم وحاولت ادس يقين منهم بس الحصل حصل وقعدت في السرير ترجف وتبكي ونحنا قاعدين الباب ضرب مشيت فتحتو هو انخلع وانصدم وانا رجعت اي ورا وانا مخلوعه ومصدومه شديد .....
عارف يعني إيه كما تدين تُدان؟
يعني كل كسر كسرته لحد وكل كلمة وجعت… كل خيانة استخبيت وراها… كل دمعة نزلت من حد مظلوم بسببك…
هترجعلك…
يمكن مش دلوقتي… يمكن مش بالطريقة اللي تتوقعها…
بس هترجع… أضعاف.
الدنيا بتاخد وقتها… آه.
بس عمرها ما فوتت حق… ولا سابت ظالم يهرب من اللي عمله.
كما تدين تدان 🤍🤍