رواية احلام ودموع الفصل العاشر 10 بقلم ماريه عبدالله مسعود
[لعل الخيرّ ينتظرُك في خِسارة تلك الأمُور التي تمنيتّها طويلاً,لعلهُ يأتيَك من أحِد تلك الأبُواب التي أغُلقت في وجهِك يوماً 🤍🥹]
سحر بنت المايقوما 🤍
رجعت لي ورا وأنا مصدومة وبتمتم قلت أااااااانت
هو قال لي بنت الحرام وشال تلفونو واتصل صوت التلفون جاو من جوه البيت يدو كانت بترجف وقال لا لا ياربي لا وعلي جا طالع قال ليو وهو ببكي ياخالي انا لقيت بنتي ياخالي بتي
الرجل أتراجع لي ورا وقعد يقول لا لا لا مستحيل جات ماما بلقيس تبكي علي مسك الراجل من يدو ودخلو وشغال ليو خالي بتي ياخالي بتي ودموعو سايله ياخالي انا بنت حصل ليه وهو بتمتم وبرجف يقين جات طالعه واقفه جنبها نوره علي اتحرك علي يقين قال ليو خالي دي بتي الراجل قعد يرجف ويتمتم يالله يالله لا لا يالله ومسك قلبو وقع علي جر عليو انا واقفه اعاين ابكي معقول الدنيا دي صغيره كده
الراجل الكان خال ابو يقين والكان ابو لي علي طلع مختصبه سبحان الله الدنيا بتوريك انو العملتو في بنات الناس ممكن يرجع ليك
علي قعد يكورك خالي ياخالي ومسكو من يدو وخت يدو في النبض و قال ان الله وانا اليه راجعون نوره مسكت يقين وطلعت وعلي رفع خالو وطلع وقفت انا اعاين يالله على الوجع
علي نوره لو عرفو انو الاغتصب بنتهم هو قربهم بعملو شنو طلعت من سرحتي على ماما بلقيس وبتقول لي سحر اوع تفتحي خشمك وانا يقين بتكلم معها الراجل مات وخلاص سرو يندفن معاو الله اخد حق يقين منو في الدنيا قبل الاخره والله يرحمو ويغفر ليو وطلعت فاتت وانا قلت والله الرحمة دي مابستاهل الله ينتقم منو بكون كم بنت غير يقين دمر حياته واتحركت جوه ابكي بعد مالقيت يقين الكانت لي زي اخت وبنت وخففت عني كتير اسه خلاص فاتت قعدت في السرير ابكي ماعارفه افرح ولا بكي موجوعه عليه شديد بعد مالقت أهلها طلع خال ابوها هو الاغتصبه اخ من الدنيا اااااخ وأخ
قمت كملت الغدا ورجعت تاني لي الخيال خلصت دخلت مسكت الدفتر وقعدت ارسم جو ناس علي فتحت ليهم الباب علي مد لي القروش شلتهم ودخلت ياسين كان واضح عليو تعبان سألت علي منو قال لي ارهاق من الشغل ما اكتر وعاين فيو مسافه من دون الايام كانو هادين شديد سالوني من يقين حكيت ليهم فرحو ليه علي قال لي ياريت بس لو اقدر اعرف انشاء الله اسم ابوي الحمد لله على كل شي واتحرك على العريشه ختيت ليهم الغدا ياسين رفض ياكل ورقد في السرير وديل يعاينو فيو ورفضوا ياكلو حنستهم اكلو شويه اتحركت المطبخ عملت نشأ وجبتها لي ياسين قلت لي علي خلو يشرب شرب ورجع نام انا اتحركت صليت العشا وقعدت اكل ماعندي كان نفس يحليل يقين كانت مخفف علي شديد صح مابتتكلم. بس لما بعاين ليه بنسا كل همومه يقين برائة شديد وشها بشوش ومنور
شلت الصينه وعملت شاي وشلتو ليهم قعدت اشرب معهم وكانو سرحنين قلت اخليهم الليله يرتاحو واتحركت قعدت ارسم لي العرض
وتاني نمت صحيت الصباح الليلة رمضان لبست لي عباية وطرحه واتحركت لقيت ديل طالعين قلت ليهم رمضان كريم وإنشاء الله تصومو وتفطروا على خير ردو لي قلت ليهم ماتكونو ماصايمين علي ضحك قال لي المره دي انشاء الله صايمين قلت ليهم انشاء الله والله يتقبل منكم واتحركنا شايفه الحافلة والزحمة لفيت طرحتي كويس ومسكت شنطتي واتحركت دفرت لما روحي طلعت حتى ركبت وحده تضحك ساي قالت لي والله نهاي مابتتجازف الا بي المدافره ضحكت معها شايفه وأحد يحمر لي ساي اظن عفصتو لانو حاسه نفسي عفصت لي ناس قعدت اضحك لما جا ماشي بي عندي قال لي فيل حسبي الله عليك قطعتي لي رجولي ياخي انتي سمينه كده المطلعك شنو من البيت مرض مرض واتحرك قعدت اضحك وصلت الشركة ونزلت شايفه خالد لفيت الطرحة في وشي ماناقصني تشغيلاتو كان لابس بنطلون وقميص ومفتح ازرار القميص ولابس سلسل وساعة جلد والشعر صندوق وفيو كم خط والحاجب قاطعو قعدت اعاين فيو اضحك غايتو خالد دا استايلو غريب زي الاتراك
وانا داخله وقف جنبي قال لي يعني اسه انتي متغطيه ومندسيه من الناس وقعد يضحك قال الفيله مندسيه يابتي انتي مانصيحه انا شفتك. من نزلتي من الحافلة وعرفتك انتي عارفه شايله ليك كم كيلو قلت ليو خالد ياخي اتفكفك مني زاتو انا نقصت كم كيلو من عرفتك سحرتني ياشيخ ضحك قال لي والله عملت فيك فايده انا بسحرك كل ساعه عشان كل ساعه ينقص منك كيلو ياكتلة الشحوم ومد يدو يضحك لويت خشمي واتحركت وقف جنب وشي وقال لي السلام سنه ماريده ومحنه قلت ليو اوووف من العباطه
قال لي لو ماسلمتي ما بتدخلي مديد يد رفع يدو على راسو قال لي مابقدر اسلم على ١٥٠ كيلو من الشحوم يدي بتوجعني وفات وااااي انا وااااي منك ياخالد وانا خاته يدي في وشي وقعدت اصرخ من احراجو وكلامو قرب مني وقال لي اي كوركي وخلي الشركة تقع فيني الشركة شنو الكرة الارضيه بتتحرك من المسار مشاء الله زلزال صوتك وضحك صريت حواجبي اتلصقو مع بعض قرب مني قال لي والله فيك عيون جميلة عيوان غزال في فيلة وضحك وفات قلت ليو خااالد غايتو يوم بتجيب لي جلطة التفت علي قال لي هو دهونك دي ماجلطتك اجلطك انا بي كلامي وضحك
اخ انا اخ وأخ ياقلبي وانا واقفه وانبز فيو سمعت صوت رياض لو خلصتي من الوسواس العندك دا ارح عندنا شغل كتير ودخل فات دخلت لقيت نسيبه قالت لي اسمعي هنا ماتعملي لينا مواضيع زي امس ونحنا شغالين في مجال الازياء والتصاميم من قبل مايلدوك وبنفهم اكتر منك لو عندك اي فهم في راسك خلي في راسك ماتعمل روحك واو وانتي عاملة زي الكورة التقول ناقصين قرف في الشركة قرف يقرفك وفاتت قلت الجنون فنون واتحركت وصلت لقيت نفين ماسكة خالد وترقص معاو وقصي يصفق سلمت عليهم نفين قالت لي يلا عنا شغل كتير وقعدنا نرسم لي العرض
اسبوع ونحنا بنجهز في التصاميم وكانت بجد روعة نفين مبدعة مبدعة الشهر قرب يخلص وانا مع الشركة ومع مدرب الرياضة واتبعت حمية غذائيه صعبه شديد ومع البيت وناس علي
علي ونوره طبعآ عرفو انو خال علي الاغتصب يقين وعلي كان مصدوم شديد
كلمتهم ماما بلقيس بعد ما علي قال ليه برفع فيك قضية لو ماكلمتيني بي الحقيقة
ويقين مشاء الله شبه اتعود على امها وابوها وأخوه الصغير كنت طوالي بمشي ليه وبتتونس وتضحك معاي اتغيرت شديد الاهل نعمة الله لا يحرم زول من اهلو 💔 بتفرح لما امشي ليهم
قاعده جنب المرايا واعاين لي نفسي وزني نقص شديد بعد التمارين والاكل كنت مبسوطه من نفسي شديد
ياسين نهاي ماعاجبني ضعف وسود وعلي وطارق مهمومين كل ما اسألهم بقول لي كويس كويس ارهاق بس ما اكتر وانا نهاي مامطمنة
الليله اخر اسبوع في رمضان طلعت قلت امشي اصلي التراويح وانا طالعه شفت خالتو علوية ومعها بناتها سلمت عليهم وكانو ماشين الجامع طبعآ بناتها مشو قدامنا من شافوني
بعدو مني زي كانو عندي مرض معدي مااشتغلت بيهم كتير قعدت اتونس مع خالتو علوية وحكت لي انو ولدها سجنو كم شهر عشان موضوع الولد الضربو وانو الولد ما مات الحمد لله
وانا ماشه معها شايفه بنت خالتو علوية تعاين وتعمل في حركات التفت على المكان البتعاين فيو لقيتو نفس الولد الرحلو في بيتي شايفه يعمل ليه في حركات وهي تضحك عاينت فيه وصريت وشي طولي مشت سريع وصلنا الجامع صلت وطلعت وصلت البيت
بكرا بجو الوفد وانا ونفين خلصنا كل التصاميم طلعت لي عباية بي الكبدي وطرحة بي الكبدي كويتهم وطلعت في السرير جبت الدفتر والقلم وقعدت ارسم في ملابس صيفيه لي المحجبين دفتري مليان بي الملابس الصيفيه من يوم خلصنا التصاميم انا قاعده ارسم قلت امكن نحتاج ليهم خلصت ونمت وانا كلي حماااااس
صحيت الصباح ولبست عاينت لي نفسي نزلت كتير بعد اصرار وعزيمه شهر تعبت فيو تعب عدلت حواجبي عملت روجي بي الكبدي وطلعت لما جيت اركب في كم واحد زحو لي اتفضلي اتفضلي قعدت اضحك فعلا الجمال جواز سفر ركبت وقعدت وصلت دخلت الشركاء لقيت نفين تجهز جهزت معها الكتالوج كان عندي الدفتر الرسومات في شنطتي جات داخلة أرام طلعنا ليه الفستان حق الطاوس عشان تلبسو وتقيف في قاعة الاجتماعات جنب نفين خلصنا من أرام جا رياض وخالد ونسيبه قالو لينا اهاااا قلنا ليهم كلو تمام كنا متحمسين شديد جات السكرتيرة داخله وقالت لي رياض مستر رياض الوفد وصل رياض اتحرك واتحركنا نحنا على غرفة الاجتماعات خالد شغل البروجكتر على صورة أرام وانا ونيفين قعدنا جا داخل رياض مصدوم شديد وقعد في الكرسي وقال نحنا انتهينا اانتهينااااا منو الخاين منو منو نفسي اعرف
انا جيت من تركيا وجيت السودان بس الخاين لسه موجود معانا وقعد يكورك الخاين منو منو العايز يدمرني
كلنا انصدمنا قلنا ليو في شنو قال لينا الكتالوج الكتالوج في شركة عندها نفس التصاميم وحتى نفسي صورة الغلاف كلنا انصدمنا نفين قالت خلاص انتهينا وكلهم قعدو الوفد في مكتب رياض منتظر الاجتماع باقي ليو ساعة
رياض خاتي يديون في وشو وقاعد وشغال يقول خلاص كل شي انتهى نفين تهببب وقصي يهببب فيه خالد قعد وتمحن نسيبه واقفه أرام واقفه جنب الباب انا قلت مستحيل مستحيل كل تعبنا يروح كده طلعت الدفتر قلت لي نفين يلا يلاااااا نسيبه انتي عديل مكياج أرام وجريت المشغل وقفت في تصاميم الفساتين شلت لي فستان بلون الشمس وجريت غرفة تبديل الملابس لقيت نسيه معها وحده شغاله في المكيج قلت ليه عايزه المكياج يكون زي لون الشمس مديت الفستان خلصنا وقفنا في غرفة التصوير قلت لي خالد والمصور يلا واخترت ليهم الخلفية
طلعنا الصوره مسكت دفتري طلعت تصاميم صيفيه لي المحجبين وغير المحجبين قلت لي خالد يلا سريع اعمل عليهم الكتالوج واتحركت غرفة الاجتماعات لقيت رياض طالع قلت ليو خلي الوفد يتحرك غرفة الاجتماعات قال لي ماخلاص اي شي انتهى قلت ليو لا ماانتهى ماتستسلم انا عندي تصاميم وعملنا الكتالوج
السكرتيرة جابت الوفد غرفة الاجتماعات خالد جاب الكتالوج وقعدنا لما شافو أرام واقفه بي الفستان والمكياج جنب نفين انبهرو رياض مد ليهم الكتالوج وكان شبه محطم لما شافو التصاميم وفكرت الممحجبين عجبتهم شديد وخاصه التصاميم المحجبه لانو انا كنت برسم فيهم بكل شغف وحماس الاجتماع انتها والوفد طلع ننفين قالت لي براااافو كلهم كانو مبسوطين رياض كان واقف مدخل يدينو في جيبو قرب مني وقال لي من شفتك وعرفت انو انتي مبدعة وموهوبة بجد شكرآ ليك وقبل ما يتحرك قال لي تعالي في مكتبي واتحرك فات كلهم باركو لي وطلعت لحقتو ضربت الباب لقيتو قاعد في المكتب وشايل قلم في يدو يلعب بيو قال لي اتفضلي قعدت قال لي في واحد خاينن وانا عايز اعرف منو هو سرق التصاميم وسلمة لي شركة...واكيد مابقيف على كده وتاني بحاول
قال لي فكرك بكون منو قلت ليو مابعرف قال لي نفين ولا خالد ولا نسيبه ولا أرام ولا احمد المصور ديل كانو معاي من كنت في تركيا وكانو معاي في الشركة هناك واسه هم معاي
وقام يكورك قال لي واحد واحد. فيهم خاين بس ليه ليه انا ما اذيت واحد فيهم بالعكس كننت جنب اي واحد فيهم وماشفت منهم اي شر بالعكس كانو واقفين معاي حتى لما افلست كلهم قدمو لي المساعدة
قعدت اسمع في كلامو وافكر منو اخاين العايز يدمر رياض نفين نسيبه أرام خالد أحمد وليه والسبب شنو
[.لا تستسلم فالاشياء العظيمة لا تأتي بسهولة ]..يتبع