رواية بين العشق والخداع الفصل السابع 7 والثامن 8 بقلم عائشة الكيلاني
حنين واقعة على الارض الشغالة جريت عليها نزلت على الأرض و حضنتها:- حنين حنين اصحي حنين حبيبتي ردى عليا تامر جري عليها شالها و جري برا الاوضة كان بيجري على السلم و الشغالة وراه فتحت الباب و خرج حطها في العربية و اتحرك بعد وقت وصل المستشفى الممرضات جريو عليه واحد منه راح جاب ترلي و جاه حطوها عليه و اتجهوا لقسم الطوارئ قفلوا الباب و تامر واقف قدام الباب حط ايديه في شعره بجنون و قلق اما في بيت ادم
جميلة قعدة بتبص ليسر باستغراب و عدم فهم:- انتي اخت ادم
يسر ضحكت بسخرية و بعلو صوتها:- هههه اخته لا حلوة دى واضح ان دمك خفيف انا صاحبت ادم و حنين
يسر حطت رجل على رجل:- يعني علشان نكون بوضوح مع بعض انا صاحبت حنين و بشتغل في شركة ابوها نفس الشركة الى ادم كان بيشتغل فيها قبل ما يفتح شركة لوحده و يشوفك
جميلة بهدوء:- تمام طب حضرتك جاية ليه هو مش هنا
يسر بصتلها بهدوء:- اه مانا عارفة انا اصلا جيالك انتي اهو نتعرف على بعض و اشرف ذوق ادم حقيقي ذوقه يجنن قمر دمك خفيف بس ذكاك شكله محدود
جميلة نفخت بضيقه:- ياريت تقولي الى جاية علشانه لانى مش فاضية ذات عرفتي بيتي منين
يسر:- تمام.... اولا العنوان ميتوهش و اقدر اعرفمكانكلكنتي فين تاني حاجانا جاية اوعيكي و اقولك حقيقة جوزك الزعيم بتاعنا
جميلة قامت بعصبية:- لاا انتي زوديها اوى
جميلة اتجهت لباب فتحته:- اتفضلي
يسر قامت قفلت الباب:- جوزك هو السبب في الى حصل لحنين هو الى تو بصراحة كلنا اتفاقنا على حنين واحدة تتجوز ابوها و احنا نفضل نشتغل و نسرق الشركة لحد ما بقت مديونة و فعلا ابو حنين لم خسر كل حاجة مات من صدمته لان البنك تقريبا المفروض يحجز على كل ممتلكاته النهاردة أو بكرا بالكتير حتي مفيش وقت يلحق يتصرف يعني مات مقهور و كله بفضل جوزك
جميلة وقفت مكانها بتبصلها بصدمة الكلام طار من دماغها الصمت ملي المكان لحد ما قالت جميلة بعدم فهم و تصديق:- انتي بتقولي اي هااا بتقولي اي انتي كدابة مستحيل ادم يعمل كدا الكلام دا مش صحيح
يسر بكره و حقد عليهم:- لااا عمل جوزك الى فاكره اشرف الناس دا سبب دمار عيلة بحالها ... انتي فيكي اي احسن مني هاا ليه مكنش انا الى مكانك انا حبيته و حافظة سره و دائما في ضهرو و معاه في كل حاجة في الاخر يختارك انتي فيكي اي علشان يجنن بيكي و لعلمك بقا انا الى بعتت الستات علشان يجهضوكي و انا الى فبركت صوت لحنين علشان يبان ان هى الى عملت كدا و ادم عرف عارفه عمل اي ضربني ضربني علشانك و اهاني بسببك انا بقا قولتلك حقيقته فضحته قدامك انتي اصلا معندكيش دم ولا كرامة ازاي عارفه انكى رقم اتنين و مكملة معاه لدرجة دى انتي قابلة على نفسك الإهانة ادم بيحب حنين مش انتي هو بيقول كدا علشان الانتقام لكن هو بيموت فيها
جميلة وشها شاحب رجعت لوراء يسر بصتلها بسخرية و شماتة فتحت الفون و سمعتها التسجيل الى مسجله لادم قالت بابتسامة:- انا كدا عملت الى عليا باي باي
يسر فتحت الباب و خرجت
جميلة اتجهت لروكنة قعدت عليها رجعت شعرها لوراء حطت ايديها على بؤها و بقت بتعيط و هى مذل مصدومة يعني هو بيضحك عليها معقول في بنادم بالقذارة دى طب ليه دمر ام بنته لدرجة دى هو اناني و محبهاش كل دا كان بيضحك عليها يااه اد اي هى غبية اخدت الفون من على التربيزة بتردد ايديها بتترعش مسحت دموعها و فتحت الفون اما في المستشفى الدكتورة خرجت
تامر اتجه ليها بلهفة و خوف:- هى كويسة صح طمنيني يا دكتورة ارجوكي
الدكتورة اتنهدت بهدوء:- كويسة الحمدلله عملنه غسيل معدة هنحطها تحت الملاحظة اربعة و عشرين ساعة واضح انها بتعني من صدمة اكتئاب شديد خلها تاخد علبة مهدئ كاملة بعد اذنك
الدكتورة راحت مكتبها و تامر سند على الحيط تاني يوم نقلوا حنين اوضة عادية تامر و رايح جاي في الاوضة و اسيل قعدة على الكرسي و مسكة ايد امها و الشغالة واقفة جانبها حنين فتحت عيونها ببطء اسيل بفرح :- ماميى
تامر لف وشه اتجه ليها حنين بصت حواليها:- انا فين .. اي الى حصل
تامر:- حمدالله على سلامتك.. انتي في المستشفى
اسيل حضنتها:- خوفت لتسبيني لوحدي
تامر بص لحنين بعتاب و ممزوج بحزن و غضب:- اسيل سيبي ماما ترتاح بعد اذنك عايز اتكلم مع مامي شوية ممكن
الشغالة مسكت ايد اسيل:- طب انا برا لو عوزتي حاجة بعد اذنكم يلا يا اسيل
اسيل قبلت راس حنين و خرجت هى و الشغالة الباب اتقفل ادم ضرب رجله في الكرسي بغضب:- انتي راحت منك خالص عايزة تموتي كافرة يا حنين لدرجة دى حياتك رخيصة عندك اي الانانية دى طب فكري في بنتك ممكن يحصلها اي من غيرك ليه تعملي في نفسك كدا حرام عليكي يا شيخة
حنين بتعب:- مكنتش قادرة ولا عارفة انام ملقتش غير المهدئ يا تامر.. كنت حاسه اني بتخنق كل حاجة راحت اهلي الشركة الفيلا البنك هيحجز عليهم في خلال ايام لا ساعات
تامر قعد جانبها قال بهدوء:- كل حاجة ليها حل صدقيني
حنين رجعت شعرها لوراء :- كل حاجة راحت حتي الشركة .. تقريبا دى بقت نهايتي
تامر بحزن و حنية:- انتي قوية و تقدري تعملي اد الى راح مليون مرة و انا جانبك في اى حاجة ... انتي عايزة راحة علشان تجمعي افكارك
حنين اتنهدت باختناق:- اتخنقت حاسه اني السبب في كل الى حصل انا الى دخلته بيتي و حياتي بعد دا كله لسه بيلومني على حاجات انا اصلا مش عملتها
تامر:- انا هخليه يندم على كل حاجة عملها
حنين قامت قعدت بسرعة:- لا ارجوك بلاش تاذيه
تامر بصلها بهدوء ممزوج بحزن:- لدرجة دى بتحبيه
حنين هزت راسها بنفي و دموع:- انا ساكته بس علشان ابو بنتي بنتي ملهاش ذنب انها تكبر و تشوفنا بناذي في بعض انا لا قادرة اسامح ولا قادرة ارد عليه بنفس افعالو تامر لو صحيح باقي على صداقتنا بلاش تاذي... سيبه ربنا يسامحه انا مش زعلانة و هبدا من جديد صحيح صعب بس انت معايا و اسيل انا مش عايزة حاجة تانى
بصتلها بهدوء و حزن:- من رغم ان اتخنقت معاك و قولت كلام مينفعش اقوله رغم كدا اول ما وقعت كنت اول حد مدت ايديه ليا... ليه يا تامر
تامر:- كل دا و بتسالي ليه يمكن مش واخدة بالك بس انا بحبك يا حنين والله العظيم بحبك
حنين بصتله بتوتر لكن قالت بثبات:- تامر انا مش عايزة اجرحك دا مش وقته انت الف مين تتمنك بس انا... انا منفعكش لانى زى ما انت شايف مش نافعة في حاجة
تامر بهدوء:- افهم من كلامك نقفل الموضوع دا ... انا سدت كل الديون الى على عمي الله يرحمه انتى تقدري تنامي في بيتك و انتي مطمنة
حنين بصتله بخجل و عصبية:- انت اهبل يا ابنى انت بترمي فلوسك و خلاص و كل دا ليه
تامر سند ايديه على الكرسي:- علشان عمي الله يرحمه ليه افضال كتير عليا حبيت ارد جزء بسيط من جمايله انتوا مش بس جيراني انتوا اهلي صداقتنا مستحيل تنتهي بسهولة دى عايزك بقا تقومي و تقفي على رجلك علشان تكملي مشوار ابوكي و تكبري اسمه
حنين:- دا مستحيل انا مش هقدر
تامر:- انتى مجربتيش الشغل علشان تحكمي على نفسك هتقدري ولا لا بس انا اسف انى طردت اصحابك بس حبيت تبداي على الصفر و انا معاكي خطوة بخطوة مستحيل اسيبك تغرقي
حنين بابتسامة:- انت جدع اوى يا تامر
تامر بمزح:- يبقا تقومي تشتغلي و ترجعيلي فلوسي
حنين:- هو دا مش هداية
تامر:- هداية في عينيكي بتضحكي عليا يا حنين
حنين بضحك:- انا جيت جانبك
تامر:- انتى تقدري تجي جانبي اصلا بس بقا صدعتيني
بالليل ادم رجع البيت قفل الباب
ادم:- جميلة انا جيت... جوجو
ادم استغرب لم ملقش صوت دخل المطبخ ملقهش راح البلكونة برضو ملقهش دخل اوضته لق وراقة على التسريحة
الرسالة
انا اسفة بس مش هقدر اكمل معاك سامحني
ادم رما الورقة في الارض عينيه احمرت من الغضب كور ايديه صرخ باعلى صوته:- جميللللللة