رواية احلام ودموع الفصل السابع 7 بقلم ماريه عبدالله مسعود
قال لها : أحبك
قالت : وماذا بعد ؟
قال : أريد أن أراك
قالت : وماذا بعد ؟
قال : سأخذك إلى مكان بعيد لنتسلى
قالت : وماذا بعد ؟
قال : سأخذك إلى شقة صديقي لنتسلى
قالت : لدي فكرة جميله
قال : وهو بقمة الفرح.. وماهي ؟
قالت : سأذهب معك إلى آخر الدنيا لكن بشرط أن تأخذ أختك معنا ليتسلى بها صديقك
فسكت.. وأنزل رأسه خجلاً
فقالت : بإستهزاء . إذهب وأحلق لحيتك وألبس ملابس أختك لأنك لست رجلاً ٠
فأنتم تريدون فتاة بطهارة السيده مريم رضي الله عنها .
وأنتم بقذارة ونجاسة فرعون
تحية لكل شاب ملتزم يخاف الله في بنات الناس ، وتحية لكل فتاة صانت شرفها بمرضاة الخالق 🤍🤍🤍
[أعلم أنه لا أحد سيتفاعل لأنني تكلمت على الواقع المر]💔💔💔💔💔💔💔💔💔💔💔💔💔💔💔💔💔💔
سحر بنت المايقوما 🤍
انتي مبدعه و موهبة انتي موهبة مدفونة مشاء الله
وانا مع كلامو سرحت ومشيت عالم تاني اتخيلت انو تصاميمي اشتهرت وانو بقيت مشهورة وعملو عروض أزياء لي تصاميمي وانا في سرحتي قال لي اتفضلي مد لي الاورق وشلتهم ولا ركزت كان بقول في شنو جيت اطلع التفت عليو قلت ليو اهااا اخلي رقمي ضحك قال لي انا من الصباح كنت بقول ليك في شنو قلت ليو معلش والله ماانتبهت قال لي قلت ليك مامحتاج تخلي رقمك من بكرا انشاء الله تنزلي معانا الشركة واسه امشي على السكرتيرة بتكون منتظراك عشان تحكي ليك تفاصيل الشغل ماصدقت جريت عليو مديت يدي وشكرتو وطلعت وانا مامصدقه وقفت جنب الباب ورفعت يدي على وشي وقلت وااااااااي الحمد لله اخيرآ سنتين وانا اجري من شركة لي شركة وقعدت انطط حلمي ياحلمي انا جاية ليك 🤍
وقف جنبي شاب وكان بضحك قال لي لو انتهيتي من خيالك خليني ادخل رفعت راسي عليو وضحكت قلت ليو اسفه اسفه اتفضل قال لي بقره مشاء الله لو ما طلعتك من خيالك ونطيتك دا كنتي هدمتي الشركاء فوق راسنا فيلة
فيلة شنو دا انتي دناصورة ياشيخة قال لي وكمان قافله الباب وضحك انحرجت وزحيت من الباب قبل ما يدخل التفت علي قال لي بهظر معاك ماتزعلي فراشه ناقصك جناح وتتطيري وضحك و دخل
ضحكت على كلامو واتحركت وانا مبسوطة وصلت باب الشركة اتذكرت السكرتيرة ضربت جبهتي وقلت اااخ رجعت تأني وصلت مكتب السكرتيرة ضربت الباب ودخلت حكت لي تفاصيل الشغل والراتب كان كويس شديد ولا بحلم بيو بعادل ٥مرات الراتب البجيني من المطعم طلعت وانا مامصدقه اشيل واكفت في نفسي سمعت زول بضحك قال لي الجنون فنون يازولة انتي مره تتكلمي براك ومره تكفتي في نفسك ع فكره التجاني الماحي قريب من هنا التفت لقيتو نفس الشاب ابتسمت قلت ليو اسفه قرب مني قال لي على جضومك الكبار ديل بي الكفيت دا بكبرآ زياده والخوف ينفجرو ويفجرو لينا الشركة هوي يازولة اطلعي لينا من الشركة دي ماناقصين نموت منفجرين او نموت بي زلزال وقعد يضحك عاينت فيو وصريت واتحركت قال لي وشك وقع امسكي قعدت اضحك على كلامو واي منو دا ماطبيعي قرب مني قال لي ضحكتك هزاز مشاء الله ياام جضوم قال لي سمرا وجضومه كبار وعيونه عسلية دا كلو عرفنا لكن اول مره اشوف جضوم مع غمازات وضحك بتاكلي شنو انتي واتحرك فات
طلعت وانا مبسوطة الحمدلله نهاية الصبر فرج صبرت والحمد لله الله عوضني[ "مَن ذاق عوض الله، هان عليه خذلان البَشر🎀💗."]
دخلت لي دكان اشتريت أكياس حلوة فتحت الكيس شلت لي حبة اكلتها قلت مبروك ليك ياسحر وقعدت اضحك اتحركت شايفه شفع يلعبو مشيت وزعت ليهم الحلاوة قلت ليهم قولو يارب سحر تحققق أحلامه كلهم قالو يارب سحر تحقق احلامها بصوت عالي ضحكت عليهم واتحركت وانا اغاني وانا ماشه طقشت لي زول وما انتبهت رفعت راسي قلت ليو اسفه عاين فيني مسااااافه قال لي ولا يهمك يابتي مديت ليو كيس الحلاوة شال منو حبة قال لي المناسبه شنو قلت ليو الحمد لله اول خطوة في تحقيقي حلمي كان بعاين فيني شديد قال لي ربنا يوفقك يابتي قلت ليو ااااامين كنت بتمتم من نظراتو
واتحركت سريع التفت لقيتو لسه واقف وسامعة زول بقول ليو وليد ياوليد انا بتكلم معاك وين سرحانه التفت على الزول وانا اتحركت قلت الدنيا دي فيها مجانين كتيره الله يشفيهم
وليد 💔
لما طقشتني البنت شبه ماقريب علي ليه فيه شبه من امي شديد كانو الواقفه دي امي نفس العيون ونفس ملامح الوش ياخي دي صوره مصغره من امي وانا اعاين فيها وتاني عندها شامة جنب خشمها وملامحها قريبه من ياسمين نفس الشامة بنت المدرسة اتذكرت لما قالت لي ولدت وجبت بنت وجدعتها جنب جامع انخلعت شديد التفت عليها شايفه جنب المواصلات وعايزه تركب اتحركت عليها والمعاي يكورك وليد ياوليد وانا اتحركت سريع ماعارف انادي ليه بي منو ماقادره اجري
لما وصلتها كانت ركبت وقاعده جنب الشباك وقفت اعاين فيها لما الحافلة اتحركت وصحيت بي يد في كتفي وبقول لي مالك ياوليد الحاصل عليك شنو
قلت ليو دي دي بتي دي بتي انا وانا برجف وماقادر اقيف او اتكلم وسامعو يقول لي قول بسم الله يا وليد
سحر بنت المايقوما 🤍
ركبت المواصلات وانا مبسوطة اضحك براي وحده جنبي قالت بسم الله الرحمن الرحيم
التفت عليها قلت ليه مامجنونه لكن مبسوطة شديد
ضحكت قالت لي مشاء الله ربنا يبسطك زياده
فتحت الشطنة ومديت ليه الكيس قالت لي خطوبة ولا عقد قلت لي شغل قالت لي ألف مبروك
رديت ليها الله يبارك فيك
وصلت طقطقت لي الكمساري مديت ليو القروش قال لي شايفك قاعده توزعي في حلاوة مافي لينا ولا شنو قلت ليو في وليه مافي مديت ليو الكيس شال ليو كم حلاوة
قال لي ماعارف لي شنو بس الف مبروك قلت ليو الله يبارك فيك ونزلت اضحك وصلت المطعم من دخلت قلت لي خالتو ساره اخيرآ لقيت شغل في شركاء خالتو سارة عارفني تعبت كيف عشان الشغل دا قعدت تزغرد ضحكت عليه حضنتي وباركت لي مديت ليه الحلاوة شالت الكيس كلو قالت لي عندي ٥ اولاد يلا حلال علي قلت ليه بالهنا ليهم
قالت لي ألف ألف مبروك والله فرحت ليك فرحه قلت ليه الله يبارك فيك
وقعدت ظبطت لي اكل انا لما اتكيفت من نفسي
طلعت وصلت مدرسة يقين جبتها معاي بعد ماحكيت ليه ومديت ليه الحلاوة وصلت جنب الورشة قلت كدي اشوف ناس علي مع انو وااااثقه بكونو هربو ماهو المامتعود على الشغل بكون عليو في الأول صعب وصلت سلمت على سيد الورشه وسالتو منهم قال لي شردو اعتزرت منو ضحك قال لي عندي ولد في نفس عمرهم كل يوم شارد من الشغل والمدرسة خلها و قال لي ياهو حال الشباب الله يهديهم اتحركت البيت دخلت استحميت وصليت وعملت الاكل يقين استحمت وغسلت ملابسه المدرسة يقين هاديه شديد ما بتتكلم نهاي بعد ماغسلت عملت ليه عصير قلت ليه ارتاحي شوي فتحت ليه التلفزيون ورجعت المطبخ سامعه الباب بضرب عايزه افتحو شايفه يقين فتحتو جو داخلين الشباب الطيب قعدت اضحك مشيت عليهم قلت ليهم شكلكم تعباااااانين من الشغل علي قال لي عايزين نموت ياخي تعب تعب طارق قال لي الشغل صعب ياسين كان كاتم الضحكة قال لي تعبانين شديد واتحركو على العريشه قعدت اضحك قلت اشوف نهايتهم شنو مشيت ختيت الغدا وجبت ليهم قلت ليهم مشاء الله انا قلت بتشردو لانو مامتعودين على الشغل ورفعت حاجبي علي قال لي ياخي نحنا رجال وقد الشغل دا
قلت ليو مشاء الله خلاص انا بكرا بمشي الورشه واسأل سيد الورشه عن شغلكم شكلكم كده رفعتو راسي كلهم قامو لا لا تمشي لي
قلت ليهم على فكره انا مشيت بعد جيت من الشغل ومشاء الله لقيتكم شغالين ضحكو كلهم قلت ليهم انا بعرف كيف اتصرف
بعد ما اكلو مديت ليهم الحلاوة قلت ليهم بمناسبة شغلي الجديد حابة اخواني يشاركوني فرحتي علي قام يصفر وياسين وطارق اتخاطفو في كيس الحلاوة طارق قال لي علي علي يلا اعمل لينا حفلة وعلي رفع الكباية مسكه زي المايك وقعد يغني سبحان الله من صوت اول مره اسمع صوت جميل زي دا سرحت فيو تبارك الله علي عندو صوت عجيب وانا مصدومة من صوتو وديل يرقصو
علي قصير حلبي وشعرو ناعم بس ضربت الشمس تحس بيو اسمر وطارق طويل شديد اخضراني عيونو سمحه شديد اظن نوباوي وياسين يعني زي علي بس طويل شوية سبحان الله اي واحد من جنس تاني بس تحس انهم اخوان علاقتهم سمحة شديد كلها ضحك وهظار سبحان الله اختلاف في الاجناس بس جمعهم الشارع وجمعتهم الظروف
قلت لي علي صوتك مشاء الله ضحك قال لي اي لما نعمل حفلات في الشوارع بغني فيها
علي موهبة وامكن صوتو دا أجمل صوت في العالم بس منو البدعمو 💔
اتحركت ختيت لينا غدا انا ويقين وانا متحمسه بتين بكرا يجي عشان الشغل مشيت فتحت دولابي طلعت لي عباية ظابطه بي البيجي وطرحه واسبورت بي البني وشنطة وقفت جنب المرايا وعاينت لي نفسي اخ بس لو بقدر انزل وزني صليت المغرب وقعدت اراجع مع يقين خلصت اتحركت العريشه قعدت قلت ليهم عايزاكم تاني تصلو اي واحد عاين لي التاني علي دنقر راسو قال لي مابنعرف قلت ليهم انا مستعده اعلمكم قعدت اشرح ليهم لقيتهم مابعرفو يقرو ولا يكتبو ولا بعرفو يعني شنو قرآن قلت ليهم انا مستعده اعلمكم القراية والكتابه وكل يوم بحفظكم سورة وشرحت ليهم يعملو شنو اول شي عشان الواحد يكون طاهر لي الصلاة وبعدها بديت ليهم سورة الفاتحة والاخلاص خلصت مشيت صليت العشاءوطلعت نمت وانا اسبح واشكر الله على نعمة الشغل
صحيت الصبح قمت صليت وصحيت الاولاد وصحيت يقين وفرشت فرشه كبيرة ووقفت جنبهم قلت ليهم يلا نصلي صلينا قمت عملت الشاي وقعدنا في العريشه نشرب ونتونس سبحان الله الخيال والسرحان داك اختفاء فعلآ الأسرة نعمة من يوم قعدو معاي وانا حاسه انو كل جروحي قاعده تشفي حتى هم حاسه انو كل مواجعهم شبه اختفت كنت بعاين في وش اي واحد بحس انو كان محتاجة الفرصه دي
عشان يتغير عشان مايكون في الشارع
عشان مايكون ولد حرام
عشان مايشيل ذنب هو ماعندو ذنب فيو 🤍
شربنا الشاي يقين لبست لي المدرسة وانا لبست لي الشغل قلت ليهم يلا عشان نشوف حكاية الشغل قفلت البيت وطلعنا خليتهم يعتزرو من سيد الورشة قلت ليو ديل أولادك لو ضربتهم انا مسامحاك ونهاي ماتتساهل معهم ولا تخليهم يشردو
شايفه علي يطنط ساي ضحكت
واتحركت وصلت يقين المدرسة واتحركت وكل حماس ركبت المواصلات بعد ماروحي طلعت الطرحة دي لقيتها واقعه في الحافلة رفعتها وقعدت اضحك واحد شغال لي بقره بس بقرة
حسبي الله اظن دفرتو دفير ولا اشتغلت بيو يعني انتو بتخلو ليكم بنت تركب معاكم وصلت الشركة وقلبي شغال دق دق دخلت مشيت على السكرتيرة قالت لي تعالي معاي مشيت دخلت لقيت صالة كبيره فيها ملابس كتيره شديد وفيها كم بنت
ووحده قاعده في مكتب وواحد وقف جنبها
القاعده في المكتب ما اظن سودانية فاكه الشعر ولابسه فستان احمر لونه ابيض شديد شعرها بني والواقف جنبها مربي الشعر ورابطو لي ورا
برضو ما اظن سوداني وصلت السكرتيرة قالت ليه دي سحر الحكى ليك عنها مستر رياض من شافتني قالت لي اووو دبدوبه كيوته هلا فيك حبيبتي وفتحت يدينا وقالت لي اعرفك
معاك المصممة التي يدها تتلف حرير ونفضت شعرها نيفين وشريكة في الشركة دي بنسبة ٣٠ في المية
مديت يدي سلمت عليه والجنبها قال اوو كيوته كيوته غلبوظة كان بتكلم زي البنات قربت اضحك كتمت الضحكة مد لي طرف يدو قال لي معاك الحلو الكيوت العسول قصي نفين قعدت تضحك عليو سلمت عليو
الشاب الأمس جا داخل قال لي الفيل ومد يدو سلمت
وتاني مدها وسلمت وتاني مدها وسلمت وتاني مدها عاينت فيو قال لي عندك ٢٠٠ كيلو دهون كل ٥٠ كيلو بنت وانا بسلم على كل ٥٠ كيلو وقعد يضحك وكلهم ضحكو نفين قالت ليو مستحيل يجي يوم يابيبي ما تخليني اضحك دخيلو الفرفوش حبيبي قلبي يابيبو
واقفين كده جات وحده لابسه بنطلون وقميص ابيض ومعاو جكيت اسود وحزام كبير بني ودهليز بني وشعرها كيري اشقر قالت هاي يامززز
الشاب قال احي ياقلبي ماقادر اتحمل وصفر الصاروخ دخل ووقع في قلب بيبو
هي نفضت شعرها وقعدت تضحك قال لي احب اعرفك الموديل أرام مدت لي طرف يدها قالت ماكنت بعرف انو عندنا بقر في الشركة نفين قالت ليه احلا من عود الكبريت دخيل الدبدوب انتي ماتعرفين هاي يدها حرير متل نفين وانا مابسمح حدا يحكي عنها هيك حبيبتي انا
جات داخله وحده لابسه فستان اسود وجكت جنز وبود اسود وسلسل طويل فضي شعرها اسود لونه اسمر جميلة شديد الشاب قال اخ قلبي لا يتحمل صاروخين
سلمت علينا
نفين قالت لي هاي شريكة في الشركة وخطيبت مستر رياض
قالت لي الشركة هاي فيها ٤شركاء انا ومستر رياض وبيبو كراشي وقعدت تضحك الشب غمز ليها وقال ليها ياروح كراش بيبو
وقالت لي بيبو اسمو خالد
وخطيبة مستر رياض اسمها نوسه نسبيه
كلنا هيك أسرة وحده في شركة فاشون لي التصاميم والازياء
جا داخل رياض نفين قالت سيرة القط وجا ينط وقعدو يضحكو ألفت كان لابس بدله بي الأسود وبنطلون اسود وقميص ابيض
واقف جنب الباب ومدخل يدينو في جيبو
نفين قالت لي هاد مالك ٥٠ في الميه يعني هو الكل في الكل هون الشخصية الغامضه والهادية والجامده والزكية والمغرور مستر الرجل الالي رياض وكلهم ضحكو
الا هو ابتسم بي الجنبه قال لي نفين لو خلصتي من محاضراتك دي يلا عندنا شغل ورفع حاجبو
نفين صفقت بي يدها وقالت كوووو يلا يلاااا حان الان موعد المصممة نفين وسحر الإبداع والسحر والايادي التي تتلف بي الحرير
العامل زي البنت قال وانا ينيفو ضحكت وقالت وطبعآ حبيب قلبي قصي
واي واحد اتحرك على شغلو
وقفت مع نفين وقصي
نفين قالت لي يلا تعالي افرجيك الابداع لفينا في المشغل وكان فيو تصاميهم رهيبه
كان في مكتب في المشغل قالت لي هاد مكتبك من اليوم بدي ياك تصميم فستان سهره وقعدت تشرح لي وقالت لي ارسمي اول وبعدين بنجي نفصلو مع بعض كنت متحمسه شديد وقعت ارسم وانا كلي حماس.(يارب الأماني المركُونة بقلوبنا أحيها بِالإجابة "👑🤍)...يتبع