رواية احلام ودموع الفصل الثامن 8 بقلم ماريه عبدالله مسعود
لا تستسلم فالاشياء العظيمة لا تأتي بسهولة ✨️
سحر بنت المايقوما ✨️
قعدت ارسم في الفستان بس مع التوتر والحماس افكاري كلها طارت ارسم واقطع في الورق وارميها في السلة
السلة اتملت بي الورق
زمن الفطور دخل كنت جيعانه بس قلت لازم احاول جات نيفين قالت لي شو هاد ورفعت كم ورقة قالت لي لما تكوني متوتره مابظبط معك شي اول شي تحاولي تقليلي التوتر والحماس لانو مبين في عيونك الحماس الكتير بقتل وتاني حاجه ماترسمي وانتي جوعانه لانو هاد بخليك مامركزه منيح
قلت ليه ماعايزه افطر قالت لي هاد سبب البدانه قامت لفت على نفسها قالت لي اطلعي هون قوم فرنسي
لما تفويتين وجبه وترجعي تاكل هيك وزنك بزيد لانو بترجعي بتاكلي بكمايات كبيره
فعلا عندها حق انا عادي مابفطر وبتغدا بكون جيعانه شديد وباكل بكميات كبيره
قالت لي يلا كوووو نفطر قمت اتحركت معها وهي لابسه دهبيز عالي شديد وتتمايل في المشي
كبيره عمرها بكون ٥٠ او اكتر بس ماظاهر فيه شكلها مهتمه شديد ونحنا ماشين نفطر جا علينا خالد قالت ليو او بيبو ضحك وقال ليه عيونو قالت ليو دايمآ مكسر مكاديفي غمز ليه وعاين لي قال لي فيلة شركتنا اها كيف وكيف الشغل قلت ليو تمام قال لي الشخصية الغامضه حاسي بيك زي رياض عاينت فيو ابتسمت اتحركنا على مطعم الشركة قعدنا نفين طلبت اكل كلو عباره عن سلطات خالد ضحك قال لي ابعدي عن نفيو بتخيلك زي السلك وبجيك سوء تغذية ضحكت فعلا كلامو صح نفين قالت ليو عفوآ احكي عود فرنسي نفضت شعره قعدت اعاين فيهم وهم يشاغلو في بعض اكلنا وبعدها طلبت شاي أخضر شربنا واتحركت قالت لي على وين قلت ليه ماشه اكمل الشغل قالت بدك تروحي تجلسي بعد اكلتي اوو ماي كات يلا ياغلبوظة كووو وي بدنا نتحرك مشان نحرق الدهون هاي
اتحركت معها لفينا الشركة كلها كان في صالة لي التصوير دخلنا لقينا أرام واقفه لابسه ليه فستان وقاعدين يصورو فيها الفستان كان رهيب
اتحركنا وصلنا باب لما فتحتو نفين كان بطلعك ورا الشركة كان في حديقة كبيره شديد فيها حوض سباحه لما عاينت في المبنى حق الشركة شايفه رياض فوق واقف في الشباك اظن مكتبو في الدور ٤ قعدت اعاين في الزهور انا بحب الزهور شديد نفين قعدت في مقعد وقالت لي هون بروح كل التوتر يلا اعملي شهيق وزفير زفير وشهيق وقعدت تعمل ضحكت عليه واضح عندها وسوس
انا ركزت مع الزهور والوانها والحديقة كانت مصممة بشكل رهيب
جاتني فكره لي الفستان قلت لي نفين انا راجعه المكتب قالت لي اوكي وانا راجعه شايفه خالد جاي علينا وقف جنبي مدخل يدينو في جيوب البنطلون قال لي اول مره اشوف فيل في وسط زهور بعرف الفراش والنحل البكون حول الزهور لكن فيله دي الا شوفتها اسه فيلة كيوته وسط الزهور وقعد يضحك عاينت فيو ورفعت حاجبي واتحركت ظرافتو زايده وانا مافضيه اسه عندي تصميمي في راسي عايزه انزله اتحركت المكتب وقعدت ارسم غمضت عيوني واتخيلت الحديقة والزهور وريحت الزهور وتصميم الحديقة وقعدت ارسم خلصت الفستان كان حلو حبيتو ماعارفه بعجب نفين ولا لا قمت اتفرج في الملابس كان تصميمها حلو شديد واضح نفين مصممة شاطره شديد وزوقها رهيب وذكيه شديد
نفين جات داخله وكانت بتضحك معها قصي كان ماشي زي النسوان ماحبيتو ولا حبيت شخصتو حستو مقرف شديد
نفين قالت لي هاتي اشوف شو عملتي مديت ليه الورق قالت لي روعة روهة روعة بداية موفقه
بس بدو شوية تعديلات وقالت لي يلا نعدل عليه قعدنا وعدلنا بعد خلصنا كان رهيب
شالت الورقة وفاتت عندي البنات مدت الورقه لي البنات قالت ليهم بدي تفصلولي هاد
قالت لي بدك شوية تدريبات بس عجبني اول شغل ليك جابت لي تصاميم قالت لي بدي ياك تلونيهم قعدت الون فيهم اليوم خلص ودعت نفين وقصي وطلعت شايفه نسيبه ومعها المدير رياض طالعين كانت ماسكه من يدو وتتكلم وتضحك وهو ساكت برد ليه على حسب الكلمة البتقوله شخصتو جامده شديد وواضح مغرور وانا سرحان فيهم وقف جنبي خالد قال لي احلا كابل صح التفت عليو قلت ليو منو هم قال لي السرحانه فيهم
قلت ليو بس انا ماسرحانه قال لي واضح واضح مع ضحكة عاينت فيو قلت ليو الهظار الكتير ماكويس بخلي الواحد يفقد هيبتو عاين فيني ورفع حاجبو وملامحو كانت جاده شديد وقال لي يعني اسه انا فقدت هيبتي قلت ليو وانا بتمتم من نظراتو حاسه بيو حيضربتي كف من كلمتي
لا لا بقصد بقصد انو الزول مايهظر كتير يعني ي ي ي يعنني م كنت بقصدك انت
قرب مني وهو لسه صاري ومدخل يدينو في جيب البنطلون انا اتراجعت لي ورا قربت أقع مد. يدو يمسكني وقال لي دقيقه دقيقة افتش هيبتي وين راحت أمكن اندست في كمية الشحوم الشيلها دي وقعد يضحك ويصفق بي يدينو وانا رب جيت واقعه عاين فيني وزاد في الضحك وقال لي تصدقي الشركة اهتزت حسبي الله الله فيك ياشيخة زلزل مد يدو قال لي هاتي اساعدك مديت يدي سحب يدو وقال لي هوي ماناقصني وجع ضهر وفات يضحك
قمت وانا جسمي كلو مكسر وقعدت ادعي عليو ياخي ماطبيعي واتحركت طلعت لقيت المدير رياض واقف جنب عربتو
واقف معاو واحد لما ركزت لقيتو الراجل الامس الكان بعاين فيني قلت شكلو كده انا في شركة مجانين واتحركت ركبت المواصلات اتذكرت يقين نسيت مارجعت جبتها انشغلت ااااخ يالله اتصلت بي مديرة المدرسه قالت لي يقين طلعت البيت انا ركبتها مع ترحال المدرسة وقالت لي بكرا ضروري تجي المدرسة عايزه احكي معاك في موضوع بخص يقين
نزلت من المواصلات وصلت الورشه لقيت علي يغني والمعاو يرقصو قعدت اضحك عليهم سيد الورشه قال لي الشباب دا الليلة مشاء الله اشتغل بعد كم محاولة هروب ضحكت و شكرت
اتحركت البيت دخلت لقيت يقين قاعده وتحضر سلمت عليه دخلت استحميت وصليت كنت تعبانه قعدت اعمل في الغدا انتهيت دخلت نمت في السرير واحضر مع يقين الباب ضرب يقين فاتت فتحتو كانو ناس علي قمت اتحركت المطبخ ختيت الاكل وشلت ليهم
علي مد لي قروش قلت ليو خليها معاكم قال لي نحنا أسرة صح قلت ليو اكيد وشلتهم منو واتحركت جبت صندوق وختيت فيو قروشهم ختيت الغدا انا ويقين شلت الصينية غسلت العده عملت شاي شلتو لي ناس علي كنت تعبانه شديد حتى ماكنت قادره اكل صليت المغرب ونمت صحيت وعاينت في التلفون الساعه كانت ٨قمت صليت لقيت يقين نايمه مشيت لي ناس علي لقيت أي واحد مجدوع في سرير صحيتهم لي الصلاة صلو وجبت ورقة وقلم وقعدت اقري فيهم في الحروف علي يضحك ساي قال لي زمان كنا بنتلب بي حيط المدرسة ونسمع الأستاذة تقول قولو أ ب ت ونحنا بنقول معها ونضحك قلت ليو اسه بعمل ليكم زي الاستاذه قلت ليهم قولو أ
والساعة الكوركو أ أ أ قعدت اضحك. نهاي ماجادين خلصت ليهم واتحركت لي يقين صحيته عشان تصلي ومديت ليه كباية لبن شربتة ورجعت نامت فتحت شنطتة وشفتها ماشاء الله كاتبه وكراساتها مرتب شديد قفلت الشنطة ومسكت تلفوني قعدت اتصفح وتاني نمت رمضان باقي ليو يومين
صحيت الساعة٢ بليل ولعت الكانون حمرت البصلة قلت عشان اشيلها لي خالتو علوية
الصبح اذن صليت وختيت الشاي صحيت ناس علي قلت ليهم تمشو الجامع بعد تحنيس وقومه وقعده حتى طلعو
صحيت يقين صلت وشربنا الشاي قعدت اراجع معها
طلعت لي عباية سوده وطرحه كبيره بي الأسود وشنطه سوده واسبورت ابيض لبست ويقين لبست واتحركت معها المدرسة دخلت خليتها فاتت الفصل مشيت لي المديره بعد سلمت عليها قالت لي يقين دي ماله طوالي قاعده براها وسرحانه ومابتتكلم مع زول ولا بتشارك في الحصص شفت شنطته مشاء الله بتكتب وبتصحح بس حاسه انو عندها مشكلة قلت ليه يقين عشان كانت في مدرسة واسه اتحولت وبكون عشان كده طلعت من المديره ماعايز زول يعرف حاجه عن حيات يقين لانو انا عارفه كيف بكون تفكير الناس وصلت الفصل ناديت ليه طلعت معاي قعد في مقاعد بره قلت ليه تعالي اقعدي قلت ليه انا ماحكيت لي اي استاذه مشكلتك ولا حتى انتي من وين
التفت علي سريع قلت ليه اطمني مافي زول بعرف حاجه عنك وانتي ماتحكي وصحابي ليك بنات وشاركي في الحصص خليكي عادية اي حاجه حصلت ليك انتي ماعندك يد فيها انا الجنبك دي حصل لي زيك واسه انا وصلت حياتي وانتي كمان انسي واصلي حياتك مسكته من يدها ودخلت الفصل وقفت كان فيو كم بنت قلت ليهم دي اختي الصغيره يقين وهي زوله كده هاديه وطيبوبه عايزاكم تكون ليها أصدقاء واخوات جات وحده مدت يدها ليه يقين عاينت فيني قلت ليه يلا يقين مدت يدها وتاني جات وحده ووحده كلهم وقفو معها وقعدو يتعرفو عليها وانا اتحركت على الشركة لقيت لي حافلة فيها كم نفر ركبت وطلعت الدفتر وقعدت ارسم قعد جنبي واحد وكل شوية يزح علي ويمد رجلو رفعت راسي لقيتو ولد عمرو بكون ١٩ او ٢٠ قلت ليو زح شوية قعد يكورك انا اسه سألتك يازوله وانتي ماشايفه نفسك ولاشنو اسه دا منظر واحده الزول يعاين فيه طوالي رفعت يدي وكفتو والشكلة دورت الناس قامت تحجز فينا وفي النهاية نزلو من الحافلة وانا زهجت شديد وصلت الشركة واخلاقي في نخرتي دخلت لقيت خالد في وشي قال لي وشك دا يوم بقع منك سلمت عليو واتحركت قال لي ما تكوني مكسورة حبيبك خانك ولا شنو قلت ليو تحبك عقرب شاحده الله ضحك قال لي حسن من فيلة العقرب على الاقل عودها فرنسي مافيلة زيك خليتو واقف واتحركت دخلت المشغل لقيت فستاني الصممتو معلق فرحت فرح ونسيت اي حاجه اتحركت عليو نفين قالت لي روعه روعه ايدك تتلف بي حرير عندنا عرض أزياء بدنا نشتغل عليه قصي جا ماشي زي البنت وقال نيفو يانيفو هاتي الفستان اجربو رفعت راسي وقعدت اضحك نيفين قالت لي هاد عادي بجرب الفساتين
رياض دخل كان لابس قميص بيجي وبدلة بنيه وبنطلون بني ريحت عطرو ملت المكان جات داخلة نسيبه مسكتو من يدو وهو سحب يدو نفين قعدت تضحك وقالت حينما يغيب الحب والرومانسية تكون هيك العلاقة بارده مافيه اي احاسيس ومشاعر جات أرام تتمايل وقالت مستر رياض بي دلع رفع راسو عاين فيه بي قرف وقال ليه نعم قلت ليو عرض الازياء منو النجمة فيو وجدعت شعره بي يدها رد ليه قصي اكيد انتي يارومو في نجمة في الشركة غيرك حضور وكريزما استار دخيلو العسل قعدت تضحك نيفين قالت اع واع واع كانت شايلة ليه هبابه وقعدت تتهببب وقالت شو هاد الشوب شو هاد
رياض التفت علي لما رفع عيونو وعاين لي قلبي عمل شح نظراتو فيه هيبه عجيبه قال لي اها كيف الشغل معاك قلت ليو الحمد الله نفين قالت ليو شوف هاد شغل سحر عندها سحر في ايدينها عاين فيو وقال لي مابطال واتحرك مغرور شديد وشايف نفسو
جا خالد كان لابس تيشيرت بني رقبتو مقفولة وبنطلون اسود وشعرو صندوق وساعة في يدو وسلسل في رقبتو وقف جنب أرام وقال اووووو الجمال فراشة شركتنا نيفين قالت ليو خلاص بعتني وقعدت تقول اهي اهي وتمثل انو قاعده تبكي وقف جنبها قصي وقعد يهببب ليه خالد اتحرك وقف جنبها وقال ليه معقول ابيع حبيبت قلبي نيفو
انا اتحركت التفت علي قال لي فيلة شركتنا وقعد يضحك التفت عليو وقلت ليو بسخريه ظريفه من طرف شفايف واتحرت قعدت في المكتب خليتهم يتكلمو قعدت ارسم
جات نفين قالت لي عندنا جلست تصوير في الحديقة برا بدنا نعمل كتالوج لي الشركة مشان في عرض أزياء عالمي بدنا نشارك فيو وهاد العرض لو نجحنا حنكون ماركة عالمية وكل التصاميم بتنزل الأسواق وامكن يتعاملو معانا ممثلين وشخصيات مهمة
وهلا عايزاك تصميم كم تصميم لي عرض ازياء لي الصيف
قعدت ارسم عندي كمية من الأفكار في راسي
نفين جات قالت لي يلا مشان نحضر جلست التصوير اتحركت معها على الحديقة لقيت مستر رياض وخالد والمصورين ونسيبه وارام كانت قاعده وفي بنت بتجهز فيها وقفت صراحه ماحبيت الاستايل لانو مافيو حياه مابعرف حاسه انو باهت شديد
رجعت المشغل وقعدت اشوف في الملابس وجذبني فستان لون أخضر وفيو بي الأزرق والمسترضا شكل طاوووس حسيت بيو مع الجو و الحديقة بكون تحفه شلتو واتحركت شايفه كلهم واقفين رياض رفع الصور قال لي نفين ماعارفه حاسي انو الالون الفستان باهته شديد نفين بعد شافت الصور قالت ليو فعلآ
وقفت انا قلت لي نفين تسمحي لي احاول قالت لي ااي اكيد كنت شايله الفستان ومغطيه بي كيس سودا مديتو أرام شالتو مني بي طرف يدها ولوت خشمها قلت ليه جربي دا فاتت لبستو لما جات كلهم انبهرو بي الالون قلت ليها المكايج لازم يتغير ويكون واخضر وازرق وعلى وحده من العيون ريشة طاوس والشادو يكون كم لون والروج يكون ازرق المكياج لازم يكون ملفت قعدت مع البنت البتمكيج لما خلصت وقفت عشان تصور كلهم انبهرو بي الفستان والمكياج.[الغروب يأتي ليُثبت أن النهايات تكون جميلة أحياناً"