رواية القاسي والبريئه الفصل الثامن عشر18 بقلم ايمان ابراهيم
شريف قفل مع نهلة وهو مضايق جدا وراح واقف يبص من الشباك ومتعصب وعمال ينفخ والباب خبط كانت ليندا قال ادخل قالتله فى ورق حضرتك لازم تشوفه بخصوص الافواج اللى جايه قالها ممكن نخليه كمان شويه معنديش نفس دلوقتى تقدرى تتفضلى انتى قالتله حاضر بس هجيبلك عصير فريش عشان تهدا شويه قالها لا مش عايز حاجه قالتله معلش بعد اذنك متكسفنيش صدقنى هتحس انك احسن واى كان اللى مضايقك هتعرف تفكر بشكل احسن لما تهدا انا رايحة اجبهولك وراحت فعلا وجابتله لمون فريش عشان هو بيحبه اوى قالتله يلا اشربه بقى وهتبقى احسن قالها خلاص خليكى معايا عشان اشوف الورق وتاخديه بدل ما تفضلى رايحة جايه واتعبك معايا قالتله تعبك راحة 😉 شرب العصير وبدا يهدا شويه وهى ساكته خالص قالها غريبه ساكته كده ليه قالتله عشان المفروض انك عايز تصفى دماغك افضل انا بقى ارغى واكل دماغك هتتعصب اكتر ومش بعيد تحدفنى باى حاجه فى وشى 😄😄 شريف ضحك اوى على كلامها قالها تصدقى صح لا عاقلة وانتوا كمان لما بتتفتحوا فى الكلام قالتله ايييييه مالنا بقى 😃 قالها لا مفيش خلاص كفايه انك خلتينى اهدا واضحك كمان مع انى كان دمى محروق قالتله اى حاجه لما تفكر فيها وانت متعصب هتاخد قرار غلط ومش هتبقى شايف الامور صح شريف قالها عندك حق ورينى بقى الاوراق دى وخلصها كلها وقالها اتفضلى يا ستى اهم خلصوا قالتله شكرا اسيبك انا بقى قالها انا متشكر اوى يا ديدا بجد قالتله ديدا !! قالها اه انا هقلك ديدا من هنا ورايح يضايقك يضايقنى دى من جواها بتزعرط فى فرح جوه قول قول 😄😄😄 راحت ردت بكل هدوء عكس اللى جواها طبعا مع ان عمر ما خليت حد يقولى كده بس انت مش اى حد بس دى بينا بس ماشي عشان محدش يتجرا عليا قالها ماشي بس خلى حد كده يتجرا ولا يجى جمبك وهتشوفى ممكن اعمل فى ايه انت لسه مشفتيش شريف لما يتعصب قالتله وتتعصب ليه 😉 هاا قالها كده عشان انا اللى بعزه مش هخلى حد يضايقه او يقربله وانتى عزيزة اوى عندى ليندا اتبسطت اوى بكلامه ده قالتله متشكرة اوى يا استاذ شريف قالها انا اقلك ديدا وانتى تقوليلى استاذ 😏 لا شريف بس وقدام الناس استاذ احنا اصحاب دلوقتى صح ولا ايه قالتله صح 😁 عن اذنك بقى قالها اتفضلى ومشيت وسندت على الباب بضهرها وحطت ايدها على قلبها وحاسة انه هيخرج منها ❤️🔥❤️🔥 قالت لنفسها وبعدين يا ليندا انتى كده هتتعبى ده خاطب بلاش امسكى نفسك ومشيت على مكتبها .
شريف قرر يتصل بجاسر بعد ما هدا عشان يعرف بقى اخرة الموضوع ده ايه الو مساء الخير يا جاسر مساء النور يا شريف عامل ايه قاله الحمد لله هديه عاملة ايه طمنى عليها وعلى البيبى قاله كويسه الحمد لله بس الشهور الاولى بتبقى متعبه شويه قاله ربنا يقومها بالسلامه امتى هتقدروا تعرفو نوع الجنين قاله لسه مش دلوقتى مش قبل الشهر الرابع او الخامس عشان يبان قالها المهم تبقى بخير جاسر قاله يارب شريف راح قايله جاسر دلوقتى انا حياتى هنا مستقرة ووضعى كويس اوى واقدر افتح بيت واجهز واحد تانى كمان ايه اللى يمنع ان نهلة تيجى بقى قاله ان فى بينا اتفاق وانا مش بحب اغير كلامى قاله يعنى مش زى ما نهلة قالت بقى انها مش حابه الغربه وكده قاله لا ده سبب تانى كمان يعنى لا انا هغير كلامى ان يبقى فى شقة جاهزة هنا الاول وكمان هى مش حابه السفر والغربه شريف قاله يعنى خلاص مفيش فايدة جاسر قاله اذا تقدر تنزل انت وتخلص حسب الاتفاق انزل شريف قال لا طبعا صعب جدا وانا قلت لنهلة الكلام ده قاله خلاص وانا مفيش فى ايدى حاجه شريف قاله بس كده احنا نبقى وصلنا لطريق مقفول جاسر ابتسم بخبث لان هو ده اللى كان عايز يوصله بالظبط يعنى ايه يا شريف ! رد شريف وقال يعنى طالما انى انا مش هعرف انزل حاليا خالص ولا انت ونهلة موقفكوا هيتغير يبقى كل شيء قسمة ونصيب وشكل النصيب خلص على كده جاسر قاله انت متاكد من اللى بتقوله رد شريف قاله للاسف يا جاسر مكنتش احب ان ده يحصل بس ان نهلة من اول حاجه تقول لا انا مش هقدر يبقى فى الاكبر كمان مش هتقدر وهبقى انا اللى لازم اتراجع فى كل مرة وده مش هينفع الحياة اخد وعطا مش اخد وبس وانت هتفضل جوز اختى برضه وهتمنى لنهلة كل خير وانا هقول لنهلة ده بنفسي انا حبيت اكلمك الاول عشان اعرف هل فى امل ولو بسيط ولا لا جاسر قاله انا اسف يا شريف بس فعلا كل شيء قسمة ونصيب وده مش هياثر ابدا على احترامى ليك انت خال اولادى فى كل الاحوال قاله طبعا اكيد مع السلامة وسلم على هديه كتيير قاله يوصل وقفل معاه .
جاسر اتبسط جدا انه خلص من الموضوع ده طبعا هيقول لهديه ياترى هديه هتعمل ايه لما تعرف !!
امال جت لهديه وقعدت معاها وكانت بتصحها بقى وتقولها الوصايا العشر خلى بالك من نفسك واكلك انتى بتاكلى لاتنين مش ليكى لوحدك وكلام الامهات بقى اكي عارفينه 🤭🤭 وهديه قالتلها حاضر يا ماما والله حفظت خلاص رقيه عاملة ايه قالتلها اهى مجننانى كالعادة هديه ضحكت قالتلها احلى حاجه فى رقيه انها مروقه دماغها امال قالتلها خالص دى فى الطراوة وكان نفسها تيجى بس عشان شغلها بقى انتى عارفه فى ضغط شويه قالتله عارفه ربنا يعينها دى هتبقى خاله تحفه اكيد هتجنن العيال امال سالت هديه قالتها انتى بقى نفسك فى بنت ولا ولد هديه ردت قالتلها كله حلو والله ياماما المهم يبقى صحته كويسه قالتلها ماشى كله حلو وان شاء الله يجى بالسلامة بس برضه انتى نفسك فى ايه قالتلها نفسي فى بنوته عشان ادلعها وتبقى صاحبتى لما تكبر امال قالتلها ربنا يكرمك وتقومى بالسلامة طيب وجاسر نفسه فى ايه قالتلها مسالتوش هو فين اصلا 😏 امال قالتلها ليه بقى ماهو مركز معاكى اهو قالتلها اه ده عشان البيبى مش انا امال بلاش كلام فاضى انتى الهرمونات هتشتغل ولا ايه يا هديه انتى لسه فى الاول بلاش الحساسية دى الراجل عنده حاجات كتتيير لخماه برضه قالتلها ماشي ياماما اما اشوف اخرتها قالتلها طيب انا هقوم بقى انا اطمنت عليكى اروح لباباكى بقى عايزة حاجه حبيبتى قالتلها تسلمى يا ماما سلمى على رقيه وبابا انا هاجى قريب قالتلها حاضر حبيبتى مع السلامة .
هديه قامت تخلص حاجات فى البيت وهى بتخلص داخت واغمى عليها ووقعت على الارض وجاسر لما رجع لاقاها واقعة جرى عليها ورفعها على دراعه وبينادى عليها هديه فوقى وراح شايلها ومنيمها على السرير بالراحة وطلب الدكتورة وقالها هديه اغمى عليها اعمل ايه قالتله متقلقش ده بسبب الحمل ده طبيعى وانا شاكة انها ممكن حامل فى توام اصلا وهى جسمها ضعيف وطبيعى يحصل دوخة واغماء اوقات حضرتك بس فوقها بالراحة وياريت لما تفوق كده وتشد حيلها تجيلى العيادة عشان نتابع الحمل قالها حاضر متشكر وقفل معاها وراح يفوق هديه بالراحة لحد ما فاقت قالها حمد الله على سلامتك قالتله الله يسلمك هو ايه اللى حصل قالها جيت لاقيتك واقعة على الارض شيلتك وجبتك على السرير الدكتورة عايزة تشوفك عشان متابعة الحمل وعلى فكرة هى شاكة انك ممكن تكونى حامل فى توام 😳 هديه قالتله بجد والله 🥰🥰 ياريت بس انا هقدر عليهم لوحدى ساعتها عايزة حد معايا مش هقدر لوحدى قالها نتاكد الاول وربنا يحلها على فكرة شريف ونهلة مش هيكملو قالتله ايييه ليه كده قالها نهلة مش حابه فكرة السفر وشريف كان عايز يخدها ويجهز شقة هنا على مهله بس انا انتى عارفه مش بحب اغير كلامى قالتله يعنى خلاص كده 😔 مش عارفه ازعل على شريف ولا نهلة قالها ولا ده ولا ده عادى خلاص مفيش نصيب قالتله يعنى انت مزعلتش قالها لا كل شيء قسمة ونصيب تقدرى تقومى تحضرى الاكل ولا لسه تعبانه قالتله لا خلاص بقيت كويسه قالها طيب يلا وانا هروح اغير هدومى .
عند نهلة بقى بتقول ياترى شريف عمل ايه مع جاسر لقت شريف بيبعتلها رساله بيقولها نهلة انا كلمت جاسر وحاولت معاه كتيير انه يرضى يخليكى تيجى معايا لاقيته بيقول انه مش حابب يغير الاتفاق وكمان انتى مش حابه تسافرى وانا مش هينفع انزل خالص دلوقتى وكنت حابب اوى انى اكمل بس انتى واخوكى مسيبتوش ليا اى اختيار ومطلوب منى انى انا اللى لازم اعمل اللى انتوا عايزينه مع انى قلت لجاسر انى اذا سافرت وقدرت اظبط حالى وامورى استقرت اقدر اخليكى تيجى قالى خليها لوقتها وادانى الامل وبعدين قالى مينفعش وانا الصراحة مش عايز ابقى لوحدى وكنت عايز احس انك هتعافرى شويه لكن خلاص براحتك اتمنالك التوفيق يا نهلة كل شيء نصيب مع السلامة دموعها كانت بتنزل وانهارت وطلبت احمد اخوها وقالتله خلاص يا احمد كل شيء انتهى وشريف نهى كل حاجه احمد اهدى بس اهدى حصل ايه حكتله اللى حصل احمد قالها متزعليش يا نهلة ربنا مش بيعمل حاجه وحشه انا قدامك اهو كنت فاكر انى اذا ما تقدمتش لرقيه مش هقدر اعمل حاجه بس الحمد لله انا كويس بصي للجانب الحلو فى الحكايه انكوا لسه على البر وكل واحد يقدر يبدا من جديد اه الوضع مش حلو لكن هتبقى احسن وجاسر ده الله يسامحه انا خلاص مليش كلام معاه بجد ومش هخليه يدخل فى اى حاجه ده بفكر اطلب نقلى اصلا عشان ابعد شويه نهلة قالتله نقل اييه يا احمد وتسيبنى انت كمان 😔😔 قالها عشانك انتى بس انا تراجعت عن فكرة النقل دى المهم متزعليش يا نهلة ربنا هيكرمك وهتشوفى قالتله ربنا يخليك ليا يا احمد مش عارفه من غيرك كنت هعمل ايه قالها ويخليكى ليا يارب انتى احسن دلوقتى قالتله اه بس انا خايفه هديه تزعل منى قالها لا من الناحية دى اطمنى اخوكى هتلاقيه قام بالواجب وظبط الموضوع قالتله طيب يا احمد مع السلامة خلى بالك من نفسك قالها وانتى كمان .
احمد بعد ما خلص كلام مع نهلة قال لنفسه برضه عملت اللى فى دماغك يا جاسر بوظتلى حكايتى من قبل ما تبدا ونهلة كمان الله يسامحك انت هتعمل فينا ايه تانى يا اخى بس وقام عشان يروح وبيدعى مايتقابلش مع جاسر عشان متحصلش مشكله ويمسكوا فى بعض تانى .
نهلة اللى كانت زعلانه وشافت ان جاسر سبب اللى حصل قالت لما اروح هكلمه لازم اعرف هو ليه عمل كده ليه !!! لما نهلة روحت وقعدت وارتاحت شويه راحت داخلة اوضتها وطلبت جاسر وطبعا بتتكلم وهى على اخرها الو يا جاسر انت كويس يارب تكون مبسوط دلوقتى قالها فى ايه نهلة ما تتعدلى واتكلمى كويس 😠 فى اييه قالتله اعمل مش عارف بقى قالها انتى اكيد قصدك شريف مش كده قالتله اه طبعا ارتحت لما بوظت كل حاجه قالها انا مبوظتش حاجه انا طلبت طلب وهو مقدرش خلاص خلصنا قالتله واللى انت عملته فيا وانك طلبت منى اقوله انى مش عايزة اسافر كل ده عادى قالها انا اصلا مكنتش عايز ولا حابب الارتباط ده اى مشكلة عندك هتسمع عندى والعكس وانا مش عايز وجع دماغ كده اريح واقفلى بقى الموضوع ده خلاص قالتله للدرجه دى مش فارق معاك زعلى ولا قهرتى قالها ليه يعنى هو كان اتجوزك ده قراية فاتحة ودبل مش حب سنين يعنى عشان تعملى كل ده 😏😏 بكرة يجى اللى احسن منه وتشكرينى كمان قالتله انت ايييه يا اخى بجد الله يكون فى عونها هديه بدماغك دى بس لعلمك دى اخر مرة هسمحلك تتدخل فى حياتى وتخربها كده انا بعد كده هعمل اللى يريحنى حتى اذا معجبكش ماشي يا جاسر سلام .
جاسر اتعصب من كلام اخته جدا وفضل متنرفز هديه كانت عايزة تتكلم معاه عشان تطلب منه تخرج شويه مع اختها عشان زهقت من البيت خبط عليه قال بنرفزة ادخلى هديه قالتله مالك يا جاسر فى اييه رد عليها بعصبيه انتى مخبطة عشان تقولى كده اخلصى عايزة ايه قالتله ايه يا جاسر الحق عليا بطمن عليك يووووووه اخلصى بقى 😠 عايزة ايه هديه عينيها دمعت 🥺🥺 ورجعت لورا خافت من شكله قالتله عايزة انزل مع رقيه شويه عشان زهقانه قالها لا مفيش نزول قالتله بس انا زهقانه وانت مش بتخلينى انزل الارض وكمان مع رقيه لا كتيير كده راح قايم وزقها فى كتفها قالها خلاص بقى قلت لا 😲😲 انتى بتزقنى يا جاسر انت اتجننت صح 😯🥹🥹 وسابته ومشيت ورزعت الباب وراها جاسر راح خبط ايده على دماغه وقال يا دى النيلة كانت ناقصه كده كمان ماشى يا نهلة حسابك بعدين على اسلوب كلامك ده اما اروح بس لشوف هديه الاول واشوف هعمل ايه فى اللى حصل ده