رواية القاسي والبريئه الفصل التاسع عشر19 بقلم ايمان ابراهيم

جاسر  كان عايز يصالح  هديه لانه انفعل عليها  وراح عشان يصالحها راح الاوضه وخبط عليها كانت بتعيط وقالتله انا عايزة اقعد لوحدى امشى بقى  قالها افتحى يا هديه عايز اتكلم معاكى  بلاش حركات العيال دى هديه مسحت دموعها وراحت فاتحة الباب وهى متحفزة 😠  قالتله نعم  جاى تكمل زعيق ولا  ايه  وسابته ومشيت وقعدت على السرير  ومدياه ضهرها  راح جاى وقعد جمبها وقالها يا هديه انتى شفتى انى كنت متعصب ومصرة  تتكلمى مكنتيش قادرة تستنى شويه اهدا  وبعدين  تقولى اللى انتى عايزاه راحت بصاله كده وقالتله انت جاى عشان تقول كده  يبقى قوم وسيبنى عشان انا بجد مش قادرة اتكلم  بجد  والمفروض تمسك اعصابك شويه  انا سايباك ومراعيه انك عندك شغل ومضغوط فى الشغل والارض كل اللى طلبته اخرج مع اختى اشم نفسي لا وكمان تروح تزقنى اوعى تانى مرة ايدك تتمد عليا تانى لانى مش هقبل بده ابدا  كنت رديت عليا بالراحة   وخلاص لكن ازاى متزعقش وتقلبها غم  قالها انا بقلبها غم يا هديه خلى بالك من كلامك  انا جاى عشان اطيب خاطرك وقلك مفيش مانع تخرجى مع رقيه بس انا اللى هوصلك واجيبك روحى بقى كلميها  واتفقى معاها  يلا  قالتله هو فى ايه اصلا اللى كان معصبك كده وخلاك تتنرفز عليا  قالها لا متشغليش بالك انتى قومى انتى عشان تشوفى هتروحى امتى وسابها ومشى عشان  يشوف بقى نهلة كمان هيعمل معاها ايه .

عند شريف كان بيكلم باباه عشان يطمن عليهم وطبعا قاله على اللى حصل وكمال اضايق طبعا بس قاله خلاص يابنى يمكن كده احسن وربنا يكتبلك الخير المهم خلى بالك من نفسك وركز فى شغلك شريف قاله ادينى ماما اطمن عليها امال ازيك يا حبيبى متزعلش ربنا يعوضك خير  خلى بالك من نفسك قالها حاضر ياماما رقيه عاملة ايه وهديه قالتله كويسين الحمد لله اهم هيخرجوا مع بعض قالها كويس خليهم يغيروا  جو سلمولى عليهم اوى  قالتله حاضر يا حبيبى ربنا يطمنى عليك قالها ماشي يا ماما هقفل بقى عشان عندى شغل وهكلمكوا تانى عشان اطمن عليكوا قالتله ماشي حبيبى مع السلامة وقفلت معاه .

كمال قالها ابقى كلمى هديه اطمنى عليها عشان انا مش عايز موضوع شريف ياثر على علاقة هديه وجاسر رغم انى مش عجبنى خالص اللى حصل ده بس الامر لله  من قبل ومن بعد بس انا لازم افهم ليه كده هحاول اتكلم مع جاسر واشوف ليه كده امال قالتله بس انا مش عايزة يحصل حساسية بين جاسر وهديه والبنت حامل واى حاجه تزعلها غلط عليها لانها اكيد هتزعل عشان اخوها  قالها اكيد جاسر هيقولها طبعا  انا هكلمه بينى وبينه من حقى اعرف ليه كده انا هطلبه دلوقتى  وفعلا اتصل بيه االو ازيك يا جاسر الحمد لله ياعمى  ايه يابنى اللى حصل قاله الحاجات دى قسمة ونصيب واختى مش حابه الغربة وكمان انا كان اتفاقى ان الشقة هنا تخلص الاول عشان لاقدر الله حصل حاجه هناك يبقى ليها بيت هنا كمال  قاله  يعنى ده اخر كلام يا جاسر قاله ياعمى حضرتك عارف انى مش بغير كلامى وانا مقلتش حاجه وغيرتها  واحنا اهل فى الاول وفى الاخر واللى بينا اكبر من من ان محصلش نصيب بين شريف ونهلة  كمال قاله خلاص يابنى الامر لله بس هديه لازم تعرف  ده اخوها   قاله اكيد يا عمى طبعا هقولها  وارجو انك متزعلش كل شيء قسمة ونصيب كمال قاله طبعا يابنى مع السلامة وقفل معاه .

جاسر ارتاح اوى لانه كان عارف ان اكيد كمال هيكلمه وكان شايل هم المكالمة دى وارتاح لما خلصت فاضل بس انه يقول لهديه  عشان يبقى باب واتقفل خالص .

جاسر طلع عشان يقول لهديه قبل ما تشوف رقيه وتعرف منها ويبقى موقف مش حلو خصوصا انه كان لسه عامل مشكلة معاها من شويه راحلها وقالها ممكن اقلك حاجه يا هديه بس مش عايزك تزعلى هى بخصوص نهلة وشريف هديه قالتله خير  يا جاسر حد حصله حاجه قالها لا هما بخير بس هما للاسف مفيش نصيب يكملوا  مع بعض 🥺  هديه زعلت وقالتله ليه كده هما اتخانقوا ولا ايه  قالها لا خالص  هى بس نهلة  مش هتقدر على الغربه وشريف كان عايز يخدها  هناك الاول ويجهز الشقة هنا على مهله بس انتى عارفه انى لما بتفق على حاجه مش بحب اغيرها هديه سكتت شويه وقالتله  يعنى خلاص كده قالها كل شيء قسمة ونصيب يا هديه مش نهاية الكون  مش اول ولا اخر اتنين يعنى انا حبيت تعرفى منى طبعا  وهما الاتنين  ربنا يكرمهم ويبعت لكل واحد نصيبه  خلاص بقى متشغليش بالك الدنيا هتمشى مش هتقف على حد قالتله خلاص بقى النصيب هقول ايه يعنى انا اتفقت مع رقيه هتعدى عليا بكرة على ٦ كده عشان انت جيت وتوصلنا  قالها خلاص ماشي انا هروح اشوف شويه حاجات فى المكتب خاصة بالارض قالتله انا هنام لانى تعبانه تصبح على خير قالها وانتى من اهله .

جاسر راح لنهلة ودخل عليها فجاة وقالها انتى عارفه اذ صوتك اترفع عليا تانى صدقينى هتشوفى منى وش مش هيعجبك خالص قالتله ايه هتعمل ايه هتضربنى تانى وانا اصلا عمرى ما هنسى انك بوظت حياتى عشان انانيتك  وجاى تكمل بكلامك ده سيبنى فى حالى احمد  جه على الصوت وقاله فى ايه بقى تانى هو انت كل شويه مشكلة مش اللى انت عايزه حصل وخلاص سيبها فى حالها بقى يا اخى جاسر قاله اتكلم كويس يا احمد قاله ايه هتضربنى انا كمان انا قلتلك قبل كده اذا عملت لنهلة حاجه تانى انا هقفلك وخليها تبقى فضيحة بقى قدام مراتك واهلها ويعرفوا سبب المشكلة جاسر قاله انت بتهددنى ولا ايه قاله لا بس بقلك نتيجة افعالك دى اللى هتقلب الدنيا عليك روح بقى وخليك فى مراتك وعيالك اللى جايين دول جاسر قاله بص انا همشي دلوقتى بس خلى بالكوا اى تصرف ولا كلمة من اى حد فيكوا انتوا عارفين انا اللى يحاول بس يقرب من حاجه تخصنى ههد الدنيا  واللى حصل ده اريح للكل والموضوع ده اتقفل من بابه ومش عايز سيرته تانى مفهوم وسابهم ومش ورجع شقته .

دخل وهو متعصب اوى طبعا  بس فى نفس الوقت خلص خالص من موضوع نهلة وشريف.

شريف بعد ما قفل مع باباه ومامته  كان خلاص قرب يخلص شغل ليندا خطبت عليه وسالته اذا محتاج حاجه  قبل ما تمشي قالها  شكرا  يا ليندا  ليندا لاحظت ان مفيش دبلة فى ايده  مقدرتش تمسك نفسها ومتسالش وقالتله ممكن اسالك على حاجه بس متضايقش منى قالها طبعا اسالى علطول قالتله  فين دبلتك اول مرة مشفهاش فى ايدك قلها ومش هتشوفيها تانى يا ليندا  قالتله ايييه ليه كده حصل ايه بس قالها الحكاية باختصار انها معندهاش استعداد تبدا معايا من هنا  ومش هتقدر على الغربه وانا حاولت كتيير لكن خلاص مفيش نصيب ليندا قالتله طيب متحاول كمان شويه يمكن ربنا يكرمك قالها خلاص يا ليندا الموضوع انتهى يمكن كده احسن لينا احنا الاتنين انا عايز اركز بقى فى اللى جاى ومش هفضل ابص على حاجه انتهت  قالتله انت مضايق قالها هو الغريب انى مش مضايق اوى زى كا كنت متخيل يعنى حاسس انى هقدر اتخطى بسرعة  قالتله طيب انت هتعمل ايه دلوقتى قالها هروح يعنى هعمل ايه قالتله طيب ممكن اعزمك على اى حاجه تحبها عشان تغير شويه انت شغل علطول لازم تغير شويه وانا بقى بقالى فترة هنا وعندى خبرة فى اماكن حلوة اوى هتعجبك ايه رايك قالها مش عارف يا ليندا  حاسس انى مش قادر قالتله عشان خاطرى بكرة اجازة يعنى هتنام  وتصحى براحتك  قالها طيب ايه رايك نخليها بكرة ونخرج من اول اليوم وتفرجينى بقى الاماكن هنا يا خبرة انتى 😉😉  ليندا فرحت جدا  قالتله بجد قالها بجد لانى فعلا عايز اتفرج على البلد انا اتشغلت اوى ومخرجتش من ساعة ما جيت هنا قالتله اتفقنا  خلاص اعمل حسابك  ١١  هعدى عليك عشان نلحق اليوم من اوله  قالها اتفقنا خلاص انا همشي واشوفك بكرة يا شريف قالها ماشي يا ديدا  اشوفك بكرة وسابته وهى هطير من الفرحة وشريف برضه كان مبسوط خصوصا انه ملاحظ اعجابها  بيه بس مش عايز يستعجل لانه بيعزها ومش عايز  يتسرع فى اى حاجه وحابب يدى نفسه فرصه شويه وقال لنفسه خلينا نمشي خطوة خطوة  ونشوف هنوصل لحد فين ومشى هو كمان .

جاسر بقى مش عارف يعمل ايه  بس قال لازم يصلح الموقف لان اذا هديه شكت فى حاجه مش هيبقى فى مصلحته  وهو مش عايز  يفتح باب قفله خلاص وقال انا لازم اهدى شويه معاهم عشان متحصلش مشكلة مش اقفل باب يتفتح باب تانى وقرر انه يروح لاخواته الصبح ويهدى معاهم شويه  عشان كمان اذا حصل كلام مابين نهلة وهديه متتقالش كلمة كده ولا كده  ياترى جاسر هيعمل ايه مع اخواته وهما هيقبلوا يتكلموا معاه بعد اللى حصل ده