رواية القاسي والبريئه الفصل العشرون20 بقلم ايمان ابراهيم
شريف روح وكان عنده احساس غريب بالراحة هو نفسه مستغربه وكان كمان متشوق اوى عشان يطلع الصبح ويخرج مع ليندا بس مكنش عارف هل ده مجرد حماس لحاجه جديدة هيعملها غير انه يشتغل ولا عشان هيقابل ليندا نفسها قرر انه يسيب نفسه عشان ميتوترش ويخلى اليوم يمشي طبيعى ويشوف ايه اللى هيحصل واخد دش دافى ودخل ينام .
ليندا كمان روحت وهى مبسوطة اوى اوى لانها بقت حاسة ان ليها فرصه اكتر مع شريف واللى مريحها اكتر انها كانت بعيد عن اى حاجه حصلت لانها مكنتش هتبقى حاسة ان ليها اى دخل باللى حصل او انها فرقت بين واحد وخطيبته واخدت هى كمان دش دافى وفضلت صاحية تفكر ايه هيكون شكل اليوم مع شريف لحد ما عينيها راحت فى النوم .
وطلع النهار وشريف صحى وكان عنده طاقة وحيويه كانت الساعة ٩ وليندا كمان كانت صاحية من قبله 🤭 بس متصلتش حست انه هيبقى بدرى اوى قالت لنفسها استنى شويه يا ليندا لسه بدرى اوى اصبرى كده واركزى 🤌🤌 ولما جت ٩ راحت متصلة صباح الخير يا شريف عامل ايه صباح النور يا ديدا عاملة ايه انا كويسه انت عامل ايه نمت كويس قالها اه الحمد لله وانتى قالتله اه نمت كويس جدا جدا 😉 بص بقى متفطرش اوى عشان هنفطر مع بعض فوق بس كده بحاجه خفيفة عقبال ما يجى معادنا عشان عندى مكان هيعجبك اوى هنفطر فيه وهعزمك على حسابك 😄😄 قالها ايه ده بقى استغلال من اولها ده اليوم لسه فى اوله قالتله ايوة صح يحرام ده لسه فى غدا وعشا كمان شريف ضحك اوى 😄😄 قالها مش عارف ليه حسيت فجاة انى تعبت قالتله متحاولش خلاص الموضوع خلص ومفيش مهرب انت النهادرة تسيبلى نفسك خالص اتفقنا قالها اتفقنا هستناكى وقفلوا مع بعض عشان كل واحد يجهز .
عند جاسر صحى من النوم وهديه كمان كانت صاحية من قبله وحضرت الفطار واستنت جاسر يجى عشان يفطروا مع بعض وبعد كده ياخدها يوصلها لاختها عشان يخرجوا مع بعض قالها يلا اجهزى بقى عشان الحق اوصلكوا فى طريقى عشان فى معاد الدكتورة النهاردة عشان نطمن عليكى وعلى البيبى قالتله هو لازم النهاردة يعنى مينفعش ناجله لبكرة قالها وليه التاجيل انا مش ضامن بكرة ينفع ولا لا قالتله اذا مقدرتش ممكن اروح ما ماما عادى يعنى قالها لا مشوار الدكتورة ده رجلى على رجلك عشان انا بحب اطمن بنفسي واسمع بودنى عشان اطمن قالتله ليه هو انا هخبى عليك يعنى قالها لا مش ده قصدى بس الكلام المباشر غير برضه عشان كده انا عايز ابقى موجود قالتله طيب خلاص وقامت عشان تجهز جاسر قال احسن وقت اقدر اتكلم فيه بقى مع نهلة واحمد اما نشوف اخرتها على الله يهدوا بقى شوويه انا مش فايق للمشاكل كل شويه وراح يجهز وهديه كمان خلصوا ونزلوا وعدوا على رقيه ونزلت وركبت معاهم العربيه ودخلت ركبت وسلمت على هديه وجاسر سلم على رقيه ازيك يا رقيه فينك مختفيه قالتله انا موجودة اهو بس الشغل بقى انت عارف ده انا اخدت اجازة النهاردة لانى فعلا محتاجه اخرج واغير جو لان بعد كده هيبقى صعب والاجازات هتبقى صعب اوى جاسر قالها ربنا يعينك بقى ووصلوا المكان ونزلوا وجاسر قال لهديه انا مش هتاخر النهاردة معنديش شغل كتيير فهخلص بدرى تكونى انتى اخدتى قعدتك وهعدى عليكى قالتله طيب خلاص سلام بقى ونزلت مع رقيه هديه اخيرا خرجت يا خرابى انا خلاص كنت قربت انفجر من كتر الزهق رقيه قالت ليه يا هديه انتى مبتخرجيش خالص قالتلها لا والله يا رقيه حتى ماما مش عارفه اروحلها كتيير جاسر بيخاف اوى اتحرك كتيير من ساعة ما اغمى عليا رقيه قالتلها يسلام طيب ما احنا كلنا معاكى قالتلها اهو بقى قالى افرضى وانتى رايحة لوحدك حصل حاجه مين هيلحقك بقى رقيه قالتلها لا بجد ده كتيير مش للدرجه دى هديه قالتلها اه والله لازم يبقى موجود قريب والا مش هينفع اروح فى اى حته والنهاردة كمان هنروح للدكتورة عشان متابعة الحمل لان الدكتورة بتقول احتمال ابقى حامل فى توام رقيه قالتلها بجد 😃😃 ايه ده الله واكبر يارب يبقوا توام انتوا واحد وانا واحد مليش دعوة 🤭😄😄 هديه ضحكت قالتلها انتى مفيش فايدة فيكى بجد مش هتعقلى ابدا قالتلها سيبنا العقل لاصحابه يختى هديه ضحكت على كلام رقيه رقيه قالتلها انتى عاملة ايه مع جاسر بقى خصوصا بعد حماية نهلة وشريف يعنى معاملة جاسر طبيعية ولا اتغيرت قالتلها لا خالص قالى كل شيء قسمة ونصيب والموضوع اتقفل على كده وجاسر طالما موضوع اتقفل مش بيحب يتكلم فيه كتيير رقيه قالتلها مين عارف يمكن اللى حصل ده احسن عشان المشاكل متبقاش كتيير المهم خلى
بالك من نفسك ومن صحتك انتى داخلة على مسؤليه كبيرة هديه قالتلها ربنا يستر يا رقيه بجد قالتلها متخافيش انا وماما معاكى مش هنسيبك يا حبيبتى ولادك ولادى طبعا .
جاسر اتصل باحمد ازيك يا احمد الحمدلله خير يا جاسر فى ايه قاله انا عايز اتكلم معاك انت ونهلة قاله ليه فى حاجه تانى مش كفايه اللى حصل جاسر قاله لما اشفكوا الكلام مش هينفع فى التليفون المهم قول لنهلة عشان انا عارف اذا كلمتها ممكن متردش بس لازم نتكلم سلام دلوقتى .
جاسر راح ياخد هديه عشان معاد الدكتوره وصلوا رقيه وراحوا الكتورة خلصت كشف على هديه قالتلها هاا يا دكتورة طمنينى قالتلها كله تمام زى ما توقعت انتى حامل فى توام بس طبعا لسه مش هنقدر نعرف نوعهم لانك لسه فى الرابع وعشان نعرف مش قبل شهر كمان عشان نعرف نحدد ولا انتوا مش عايزين تعرفوا وتحبوا تسيبوها لوقت الولادة ان شاء الله هديه قالتلها انا عايزة اعرف مش هيجيلى صبر استنى كل ده الكتورة قالتلها خلاص كمان شهر ان شاء الله هنقدر نعرف بس خلى بالك شويه من اكلك لان جسمك ضعيف وبلاش مجهود زياده عن اللزوم امشي على الحاجات اللى انا كتبتها لانها مهمة جدا ليكى ولصحتك وهنتابع كل شهر لحد ما تقومى بالسلامة وطبعا اى توتر ممنوع او التعرض لظغط مش مستحب خالص لان كل ده بياثر على الاطفال جاسر قالها هنخلى بالنا طبعا متقلقيش الكتورة قالتلهم خلاص كده تمام اشفكوا الشهر اللى جاى وقاموا يروحوا .
عند شريف بقى كان خلص فطار مع ليندا واتكلموا كتيير وضحكوا كتيير وبعد ما خلصوا قاموا يتمشوا مع بعض وكانت ليندا عماله تتكلم وتورى شريف البلد والشوارع وهو مركز معاها اوى وسرح فيها شويه كده وهى اخدت بالها قالتله مالك يا شريف انت كويس هو مردش ليندا قالتله شريييف انت معايا قالها هاا معلش اصل سرحت شويه قالتله يعنى عماله اتكلم مع نفسي من الصبح حرام عليك هقول كل ده تانى قالها طيب ماهو مش زمبى اعمل ايه قالتله اومال زمب مين قالها محدش قالك تبقى حلوة كده يا ديدا 😉☺️☺️🙄 ليندا سكتت كده من المفاجاة قالتله انت بتهزر صح قالها لا والله انتى فعلا زى القمر وانا مش قادر اقلك انا مبسوط ازاى انك معايا ومش عارف من غيرك فى الوقت ده كنت هعمل ايه ليندا قالتله ماهو الاصحاب لازم يقفوا مع بعض فى الاوقات اللى زى كده شريف قالها بصي يا ليندا انا مش هقف عند اصحاب دى بس انا مش هستعجل فى حاجه لان حاسس احساس غريب مش فاهمه لسه بس انا مرتاح اوى اوى وانا معاكى ومش عايز احس انى بعوض حاجه بحاجه فهمانى لانى فعلا بعزك وعايز اى كلمة تطلع منى تبقى ناتجة عن احساس حقيقى عشان كده خليكى معايا دايما ولا ده يضايقك ليندا قالتله لا طبعا متتصورش انا مبسوطه بكلامك ده قد ايه وانا هفضل معاك علطول بس يارب انت اللى متبعدش قالها لا مظنش انى هقدر ابعد ☺️☺️☺️ انا سامعة دقات قلب ليندا من عندى 😄😄 ليندا اتكسفت وقالتله طيب يلا بقى عشان انا جوعت اوى اصلى لما ببقى مبسوطه بجوع اوى قالها يسلام كويس انك قلتى عشان كده خراب مستعجل 😄😄 لا انكد عليكى احسن وضحكوا وراحوا عشان يتغدوا .
بعد ما جاسر مشى من عند الدكتورة قال لهديه وهما فى العربيه على فكرة انا مش عايز لما نعرف نوع اللى التوام حد يعرف انا وانتى بس لحد ما تولدى قالتله ليه يعنى ده انا هقول لبابا وماما بس قالها خليها لما تولدى احسن عشان متطلعش كلمة كده او كده والاقى الدنيا كلها عارفه وكلام رغى بقى قالتله ليك عليا اخلى ماما تاخد بالها على الاخر قالها اذا كنت انا مش هعرف حد ايه المشكلة يعنى لما تصبرى شويه قالتله عشان انا عايزة اشارك فرحتى ايه المشكلة فى كده قالها عشان دى حاجه تخصنا احنا الاتنين ودول ولادى وكده كده هيعرفوا لما تولدى قالتله انت غريب بجد دول اهلى قالها يعنى انا اللى معنديش اهل ما انا كمان مش هقول احنا نقول انهم توام بلاش بقى لما نعرف النوع نقول انا مش بحب كلام كتيير فى الحاجات دى يا هديه هديه سكتت ومردتش قالتله لما نبقى نعرف نبقى نشوف بقى قالها لا مش هنشوف كده احسن ولما تولدى يبقى الكل يعرف حتى تبقى ولدتى وقمتى بالسلامة وبعدين لما نقول اننا قررنا منعرفش محدش هيقول حاجه قالتله هو كل حاجه هتبقى كده ولا ايه لا بقى انا لما اعرف هقول انت مش عايز تقول انت حر والمرة دى بقى هعمل اللى انا عايزاه ورينى بقى هتعمل ايه هتزعق وتزقنى تانى ولا ايه يا جاسر وراحت مدورة وشها الناحية التانيه وفضلت ساكته لحد ما وصلوا البيت واول ما وقف نزلت وسبقته على البيت اما هو راح عشان يتكلم مع اخواته ويبقى يشوف هديه 🙆♀️🙆♀️🙆♀️ انت ايه يا جاسر كتلة مشاكل متحركة بجد تعبتنا معاك 🤦♀️ المهم جاسر طلع لشقة اخواته ودخلهم وطبعا نهلة كانت زعلانه منه جدا واحمد كان سلامهم بارد اوى معاه قالهم طبعا انا عارف انكوا زعلانين منى بس انا مش عايز نفضل كده واللى حصل ده احسن لينا كلنا فكروا كده فى كلامى كل مشكلة عند واحد فينا كانت ممكن تاثر على حياة التانى نهلة قالتله ده على اساس اننا عيال مش هنعرف نحافظ على خصوصية حياتنا بقى ولا ايه قالها مهما حاولنا مع الوقت مش هنعرف وهنلاقى نفسنا دخلنا فى حوارات ملهاش داعى بدون ما نحب وانا مبحبش احس انى مربوط بحد فى اى حاجه وانتى اكيد هيجى نصيبك مع حد تانى انتى مكنتيش يعنى مغرمه بشريف يعنى هتعدى الموضوع بسرعة احمد قاله مش حكاية مغرمه ولا لا الحكاية انك بتبص لمصلحتك بس ولرغباتك وخلاص جاسر قاله انا جاى عشان اهدى مش اشعلل يا احمد بطل كلامك ده الموضوع خلص وخلاص وانت هتبقى عم اولادى ونهلة عمتهم وانا مش عايز توتر بين العلتين وعقبال ما شريف يرجع هيكون فات وقت والامور هديت مفيش داعى بقى نفضل فى مشاكل وخلاص نهلة قالتله خلاص فعلا كل حاجه انتهت وانا زى ما قلتلك قبل كده اى قرار هاخده بعد كده مش هخليك تتدخل فى حياتى تانى ماشي يا جاسر قالها ماشي يا نهلة خلينا فى دلوقتى وانت يا احمد برضه اهدا كده وبلاش الحمقة دى وعلى فكرة ابقى انزل الارض ياعم بكرة انا عايز اريح شويه شيل بقى طبعا جاسر قاصد يلهى احمد ويحسسه انه بيعتمد عليه عشان يهدى الامور معاه لان عارف احمد دماغه ناشفه وممكن يعمل اى حاجه وهو مش عايز صورته تتهز خالص وقالهم انا هقوم اروح بقى لانى من الصبح مرتحتش وعلى فكرة ابقوا باركوا لهديه عشان عرفنا انها حامل فى توام قالوله مبروك وهتعرفوا النوع امتى قالهم لا مش هنعرف هنخليها لما هديه تولد احسن عشان تبقى مفاجاة وتكون قامت بالسلامة يلا سلام بقى وسابهم ونزل بيته برضه عمل اللى فى دماغه بس ياترا بقى لما ينزل لهديه ويقولها انه عمل كده هى هتعمل اييه وهيقدر برضه يقنعها