رواية حب تحت التهديد الفصل السادس 6 بقلم جمال المصري
فهد .. مش عايز اي حد منهم يطلع عايش يا تيمور
تيمور .. حاضر يا فهد بيه
فهد .. بيوقف قدام الباب مستني حد منهم يطلع
اندريا ..سمع صوت الرصاص يا جون شوف ايه اللي بيحصل بره
جون .. يتحرك ناحيت الباب واول ما بيفتح الباب
فهد .. بيضربه بالنار
اندريا .. اول ما شاف فهد سحب سلاحه وضرب علي فهد
فهد .. بياخد ساتر وبيضرب عليه
بيبدا تبادل لي اطلاق النار بين فهد ورجالته واندريا ورجالته اما رافت كان واخد ساتر وبيحاول يفكر هيهرب اندريا ازي عشان ما يتمسكش ويكشف سره
اندريا .. بيعرف انه هيموت وانه لازم يهرب وفعلا بينسحب علي المكتب عشان يهرب من ممر تحت المكتب
رافت .. هو كمان بينسحب زي ما يكون عارف اندريا هيروح فين
فهد .. تيمور ابعت حد وراء عمي رافت يحميه
تيمور .. حاضر و بص لواحد من رجالته انت روح وراء رافت بيه وبيتحرك بسرعه وراه
فهد .. تيمور غطيني
تيمور .. حاضر يا فهد بيه
فهد .. يقوم ويتقدم وهو بيقتل رجالة اندريا واحد ورا واحد
تيمور .. تمام فهد بيه الكل مات
فهد .. فتشو المكان عايز اندريا عايش
تيمور .. انتشرو يا رجاله بسرعه في المكان عايز اندريا
فهد .. بيدخل المكتب بتاع اندريا وبيلاقي باب الممر وبيضرب ايده علي المكتب وهو بينده علي تيمور
تيمور .. افندم يا زعيم
فهد .. الكلب اندريا هرب يا تيمور عايزك تقلبلي شيكاغو كلها عليه لو تحت الارض عايزك تجبهولي
تيمور .. ما تقلقش يا زعيم في اقرب فرصه هيكون تحت رجليك
فهد .. يلا هنمشي قبل الشرطه ما تيجي اجمع الرجاله
تيمور .. حاضر يا فندم
اندريا .. بيفتح باب الممر و بيطلع
رافت .. حمدالله بالسلامه
اندريا .. مستر رافت انا عايز اعيش وانا الوحيد اللي اقدر اخلصك من مستر فهد
رافت .. ما تخافش المهم مهما حصل اوعي حد يعرف اننا بنشتغل سوا
اندريا .. لا طبعا يا مستر رافت
رافت .. خد التليفون ده هكلمك عليه وبيبص لقي راجل من رجالة تيمور جاي من بعيد اضربني برصاص في ايدي
اندريا .. ازي مش فاهم
رافت .. في واحد من رجالة فهد جاي اضربني برصاصه وهرب
اندريا .. ضربه برصاصه وهرب
الحارس .. وصل لقي رافت مرمي علي الارض و بيضرب نار علي اندريا اللي اختفي و يقرب من رافت انت بخير يا رافت بيه
رافت .. الحمد لله الرصاصه سطحيه ساعدني نروح لي فهد بيه
الحارس .. يسند رافت وبيروحوا علي فهد بيه
فهد .. بيطلع من نايت كلوب وكان فى خمس عربيات واقفين ورا بعض
تيمور .. بيجري يفتح له باب العربيه في مشهد فخم
فهد .. لسا هيركب سمع صوت رافت
رافت .. هرب مننا يا فهد بيه
فهد .. ازي وانت عرفت طريق الممر ده ازي
رافت .. المحل ده كنت انا الي ماسكة زمان قبل المرحوم ابوك ما يطلب مني ارجع علي مصر عشان كده رحت أمسكه لكن ضربني برصاص وهرب
فهد .. المهم انت عامل ايه يا عمي
رافت .. ده جرح بسيط
فهد .. تيمور شوف دكتور عشان يشوف جرح عمي وما تقلقش يا عمي كلها دقايق وكل حاجه هتخلص واندريا هيعترف بكل حاجه ويموت يلا بينا
بتتحرك العربيات في موكب مهيب وبتطلع علي الفيلا وبيجي الدكتور وبيقول لي فهد ان جرح عمه سطحي وما فهوش اي حاجه
فهد .. تيمور وصل الدكتور وتعالى عايزك
تيمور .. حاضر يا زعيم ويوصل الدكتور لباب الفيلا وبيرجع تحت امرك يا زعيم
فهد .. عايز واحد من رجالتك يكون مع رافت زي ضله فاهم
تيمور .. حاضر في اي اوامر تانيه
فهد .. لا روح انت
فيروز .. داليا
داليا .. نعم يا فيروز هانم
فيروز .. مفيش اي طريقه نعرف نطمن بيها علي فهد
داليا .. تقدري تكلميه في اي وقت من التليفون ده
فيروز .. ايه التليفون الغريب ده
داليا .. ده تليفون متصل بالقمر الصناعي
فيروز .. واستخدمه ازاي
داليا .. بتعلم فيروز تستخدم التليفون ازي عشان تكلم فهد
فيروز .. خلاص شكرا يا داليا اتفضلي انتي
داليا .. بعد اذنك وبتطلع توقف علي الباب
فيروز .. بتمسك التليفون وهي عايزه تطمن وفي نفس الوقت مش قادره ترن وتفضل ماسكه التليفون نص ساعه وهي عايزه تتصل ومش قادره وفي النهايه رانت
فهد .. السلام عليكم
فيروز .. وعليكم السلام ورحمة الله وبركاته
فهد .. غريبه ما توقعتش انك تتصلي انا كنت فاكر داليا
فيروز .. ما انت مش جيبني هنا عشان اقعد بين اربع حيطان
فهد .. لو حابه تطلعي تقدري تروحي الحته اللي انتي عايزها
فيروز .. مش عايزه
فهد .. امال عايزه ايه
فيروز .. انت عملت ايه
فهد .. لسا اندريا هرب مننا ومش هرجع غير لما اقفل الصفحه دي
فيروز .. طب ماشي يعني انت بخير
فهد .. ليه انتي خايفه عليا
فيروز .. بعصبيه مصطنعه وخايفه عليك ليه انا بس قدام الناس زوجتك عشان كده بحاول امثل قدام الناس اني مهتمه بيك مش اكتر عشان المنظر العام
فهد .. مين الناس دول
فيروز .. داليا هو فيه غيرها يلا خالي بالك من نفسك سلام
فهد .. ابتسم .. سلام
فيروز .. بتقفل وهي بتنزل التليفون من علي ودنها و تحطه علي قلبها وتسمع صوت دقات قلبها وبتقول في نفسها هو انا ايه اللي بيحصلي ده وايه اللي انا قولته لفهد انا مش عارفه مالي متلخبطه ومش عارفه انا بقول ايه ولا بعمل ايه وليه دقات قلبي سريعه لا لازم تفوقي يا فيروز انتي اتجوزتيه عشان بس تردي الجميل اللي عملوا معاكي وانقذ حياتك مرتين مش عشان اي حاجه تانيه وتقوم تمشي ناحيت الباب وبتفتحه
داليا .. خير يا فيروز هانم
فيروز .. انتي ليه بتوقفي علي الباب ارتاحي علي الكرسي
داليا .. ده شغلي وانا مش بقعد اثناء الشغل
فيروز .. ممكن بلاش نتكلم كده خلينا اصحاب
داليا .. تحت امرك
فيروز .. تعالي نتمشي في الجنينه
داليا .. ماشي يلا بينا و بتدي تعليمات لكل الحرس انهم نازلين الجنينه والحرس دول كلهم بنات وكل واحده فيهم بتاخد موقعها عشان تامين فيروز
فيروز .. ليه الحذر الشديد ده
داليا .. لو حضرتك عرفتي المكان اللي حضرتك وصلتي له هتعرفي انك بكلمه منك تقدري توقفي حروب و بكلمه تانيه تبدئيها حضرتك دلوقتى زوجة بارون السلاح علي مستوي العالم كله بيتحكم في دول بكلمه منه وكل المنظمات علي مستوي العالم تحت امره
فيروز .. معقول كل ده في ايد فهد
داليا .. واكتر من كده بس فهد بيه غير ابوه الله يرحمه
فيروز .. ازي
داليا .. فهد بيه طول عمره مش حابب العالم ده وانا متاكده انه هيغير المافيا العالميه
فيروز .. ازي مش فاهمه
داليا .. كل اللي اقدر اقولهولك ان فهد بيه انسان كويس وكمان بيحبك
فيروز .. بتضحك ده بيعرف يحب
داليا .. بيتهيالك فهد بيه رغم اللي عمله ناصر وليلي عفا عنهم عشانك ودي اول مره تحصل انا طول فترة شغلي معاه عمري ما شوفته رجع في قرار اخده
فيروز .. اكيد عمل كده عشان يظهر انه انسان كويس قدامي عشان اوفق اتجوزه
داليا .. علي فكره فهد بيه لو حب يتزوج هيلاقي بدل البنت مليون يتمنوا يترموا تحت رجليه ولو اخدتي بالك في الحفله الكل كان بيبص عليكي نظرة حسد
فيروز .. ممكن كلامك يكون صح بس ده مش العالم اللي انا كنت بحلم بيه انا حلمي اني الاقي انسان احبه و يحبني و يعوضني عن كل اللي انا شوفته في حياتي لا محتاجه فلوس ولا سلطه ولا اي حاجه من ده كله كل اللي محتاجاه الحب والامان مش اكتر من كده
داليا .. ربنا يديكي كل اللي بتحلمى بيه يا انسه فيروز
فيروز .. اللهم امين يارب العالمين وإياكي
رافت .. بيطلع يتمشي بره الفيلآ ويلاحظ ان في حد ماشي وراه ويوقف ويرجع له انت بتراقبني
الحارس .. لا يا رافت بيه بس انا موجود لحمايتك.مش اكتر
رافت .. انا اقدر احمي نفسي اتفضل ارجع وانا هكلم فهد بيه
الحارس .. انت عارف اوامر فهد بيه مش هينفع اتحرك غير بي امره هو
رافت .. بيرن علي فهد
فهد .. الو
رافت .. انت باعت حد يراقبني يا ابن اخويا
فهد .. لا يا عمي ده عشان يحميك مش اكتر
رافت .. لا شكرا انا لسا قادر احمي نفسي يا فهد بيه لو سمحت خليه يرجع
فهد .. زي ما تحب ادهوني
رافت .. اتفضل
فهد .. ارجع علي الفيلا
الحارس .. حاضر يا فندم
رافت .. بعد ما يتأكد ان الحارس مشي بيرن علي اندريا ويطلب يقابله في مخزن في منطقه مهجوره وبياخد العربيه ويطلع علي هناك
اندريا .. يوصل ويسلم علي رافت هنعمل ايه في مستر فهد
رافت .. عشان احنا نعيش لازم يموت
اندريا .. ازي هيموت وحوليه جيش من النخبه
رافت .. انا هدخلك الفيلآ من ممر سري وكمان هحط مخدر في الاكل عشان الحراس والباقي عليك قولت ايه
اندريا .. اذا كان كده يبقا مبروك عليك منصب الزعامه يا بارون
رافت .. تمام دي خريطة الفيلا و الممر هنا انا هفتح لك الباب وانت عليك الباقي
اندريا .. خلاص اتفقنا
رافت .. هرجع انا و ميعادنا الساعه واحده بالليل
اندريا .. الساعه وحده بالظبط انا ورجالتي هنكون هنا
رافت .. بيرجع الفيلا ويدخل المطبخ ويطلب من الطباخ يجبله الاكل ويحط المخدر من غير الطباخ ما ياخد باله
فهد .. تيمور روح نام انت من امبارح ما نمتش وانا كمان هنام شويه
تيمور .. حاضر يا زعيم
رافت .. بعد ما تاكد ان كل الحراس اللي في الفيلآ اكلوا و ناموا نزل للممر السري والي ما حدش يعرفه غيره هو بحكم انه معاه كل الخرائط الي تخص املاكهم وفتح الباب لي اندريا
اندريا .. كده الباقي عندي انا يا بارون
رافت .. خلص عليه بسرعه
اندريا .. يدخل والحرس كلهم نايمين علي الارض لحد ما يوصل اوضة فهد و بيفتح الباب ويدخل
فهد .. بيفتح عينه
اندريا .. يحط المسدس في دماغه كنت بدور عليا انا جيتك بنفسي
فيروز .. تقوم من النوم مفزوعه وبتصرخ
داليا .. بتدخل علي طول في ايه يا فيروز هانم
فيروز .. وهي مش قادره تاخد نفسها فهد
داليا .. ماله فهد بيه
فيروز .. فهد حصلوا حاجه انا شوفت ..................