رواية احلام ودموع الفصل الخامس عشر 15 بقلم ماريه عبدالله مسعود
المتاهة !!
عندما استقبلتني الحياة
بأحضانها
ظننت أنني أمتلك الدنيا
لكن مع أول خطوة
أخطوها
أدركت أنني أمام
متاهة
و من المفروض سلك
الممر الصحيح و المختصر
مع المقاومة و الصبر
و أخذ الحيطة
من الحواجز و المخاطر
التي قد أصادفها
و أنا داخل الممر
و كذلك الخروج من هذه
المتاهة بأقل خسارات
و بدون إرهاق ولا تعب
لكن كلما ظننت أن
الممر الذي أسلكه صحيح
يظهر أمامي ممر آخر
فأتوه !
لأن كل الممرات تتشابه
ما زلت أرى نفسي
في المتاهة
فهل من مخرج ؟!
أم لا زلتم مثلي تبحثون
عن منفذ للخروج من
هذه المتاهة؟!.
سحر بنت المايقوما 💔
قلت لي يعني عشان ننهي الخطوبة عندك شرط! انا مامحتاجه شروط عشان انهي الخطوبة الخطوبة بي النسبه لي انتهت ومافي شي بربطني بيك غير الشغل
عايزه اطلع
قال لي بالنسبه ليك انتهت الخطوبة بالنسبه لي لسه وشرطي كان حاجه سهلة وانتي كان ممكن تعمليها كنتي حتكسبي وكتير
يلا ماعايز اشوفك في الشركة تاني اتحرك وقف جنبي وقال لي تمشي تقدمي استقالتك وتخلي الشركة
انا بشوف ليك شركة تانيه عايزه ارد ليه
الباب ضرب ودخل رياض قال لي سحر انا بفتش ليك يلا عندنا شغل وعاين لي خالد الكان شايل الدبلة في يدو وعاين فيني قال لي سحر اطلعي انتظريني برا طلعت
رياض جا وكان مبتسم قال لي يلا عندنا شوية اوراق في المكتب نراجعه عشان انتي حتاخدي اجازة من الشركة وتجي بيتي تعملي تصاميم لي العرض الفي تركيا والموضوع عايزو يكون بينا ماعايز واحد من الشركة يعرف نفين جات وقالت ليو موضوع شنو البكون بينكم نحنا كلنا شركاء في الشركة دي عرض الازياء الفات مفترض كان يكون عندنا علم انو سحر عملت تصاميم تانيه غير تصاميم العرض وانا لي الحق اعرف وهلا لي الحق كمان اعرف
رياض رد وقال ليه كنت بقول لي سحر انو موضوع السفر يكون بينا ماعايزين زول يعرف نحنا بنسافر بتين وانتي عارفه انو في زول في الشركة دي ماعايزنا نكسب في العرض نفين قالت ليو كانت أرام وهلا راحت
انا عارفه انو ما أرام تاني في زول غيره عاينت فيهم وقلت ليهم اهااااا كلام نفين صح كانت أرام وسافرت واسه مافي اي حاجه ممكن تقفيف في طريقنا لي العروض وعاينت لي نفين
نفين ردت اهااا صح مافي اي حاجه ممكن تقيف
رياض قال لي يلا ياسحر واتحركنا قلت ليو رياض ممكن اسالك قال لي لو في الشغل اها بر الشغل لا
وقفت قلت ليو بتعرف نورس التفت علي سريع وقال لي نورس منو وانتي جبتي الاسم دا من وين ظاهر انو عصب شديد قلت ليو نورس دي منو عايزه اعرف قال لي وهو بكورك انا قلت ليك موضوع في الشغل ممكن تتكلمي فيو وغير كده ماتفتحي خشمك انا مابعرف منو نورس تمااااام واتحرك فات ناديت ليو ونهاي مارد لي جا قصي وقف جنبي التفت عليو همس لي نورس بنت نفين واتحرك فات
التفت عليو سريع وجريت عليو قصي ياقصي كان ماشي وبتمايل زي النسوان وقفت قدامو قلت ليو نفين عندها بنت واسمها نورس اهاااا كمل قال لي سحوره قدمي استقالتك من الشركة انت موهوبة وحرام موهبة زيك تكون هون لو بدك تسمعي نصيحتي قرب مني وهمس لي زي الافعى قدمي ييي اسسستقالتك وفات
خالد طلب مني اقدم استقالتي واسه قصي رياض عايز يعمل تصاميم العرض وماعايز زول من الشركة يعرف نورس طلعت بنت نفين
ونفين مره تقول لي خالد بحبك ومره تقول لي رياض أرام خلت الشركة وانا وافقه سرحانه في البحصل !!!
جات نسيبه قالت لي لو استمريتي كده بتجني المره الفاتت انا حذرتك وقلت ليك ما تحاولي تثبتي وجودك في الشركة وانتي ما سمعتي الكلام ولسه انتي مواصلة واصلي اصلآ نهاية الشركة معروفة نهايه فاشلة وانتي كمان حتكوني زي الشركة فاشلة شوفي أرام كانت بتركيا اكبر عارضة أزياء مع انهيار شركة رياض هي انهارت وهلا هي بلشت من الصفر مع شركة سودانية انتي لو عايزه تكوني زي أرام خليكي في الشركة قربت مني وقالت لي بنصحك ماتسافري وتقدمي استقالتك وفاتت
خالد قصي نسيبه كلهم موجودين في الشركة وكلهم في ال شركاء وعايزيني استقيل يعني ماعايزين الشركة تنجح!!
رياض وقف جنبي وقال لي انا بنادي عليك وانتي واقفه وسرحانه نفسي ادخل راسك دا واشوفك بتفكري في شنو عاينت فيو وكان مبتسم وانا لما سالتو عن نورس كان معصب شديد واتحرك فات
اسه رجع عادي وكانو ماكان معصب!
طقطق لي سحر قلت ليو اااا ي قال لي يلا واتحركت معاو طلعنا من الشركة فتح باب العربية وركب جيت اركب نفين مسكت الباب وركبت وانا ركبت
قالت لي رياض وانا كمان بدي اشتغل معاكم المره الفاتت العرض كان من تصاميم سحر وهلا بدي العرض يكون من تصاميمي وتصاميم سحر رياض اتحرك البيت وصلنا ودخلنا وصلنا الغرفة الاشتغلت فيه المرة الفاتت وقعدنا نشتغل انا ونفين رسمنا كم تصميم قلت ليه نفين انت عندك اولاد كانت شايلة القلم في يدها القلم وقع منها رياض التفت عليها سريع وقال لي سحررررر ممكن تخلي الكلام وتشتغل نفين رجعت رفعت القلم وقعدت ترسم وايدها كانت بترجف
خلصنا وانا ونفين طلعنا رياض جا وركب العربية وقال لينا ارح اوصلكم ركبنا نفين كانت ساكته من سالته وهي ماطبيعة وسرحانه !وانا ماحبيت تاني اتكلم معها
وصل نفين بيته ننزلت قالت تصبحو على خير ودخلت
رياض قال لي تعالي قدام قلت ليو مرتاحة قال لي انا ما سواق عندك فاهمة
نزلت وقفلت الباب قلت ليو وانا ما طلبت توصلني واتحركت دور العربية ووقف قدامي قال لي ممكن تركبي ربعت يدي وقلت ليو قلت ليك ماعايزه
فتح الباب ونزل قال لي بطلي انا والله تعبان وماقادر اجادلك ياخي
قلت ليو وانا ماطلبت توصلني مادام تعبان امشي
جا علي وكان معصب شديد قال لي يلااااا اركبي قلت ليو بركب بس انت تقول لي نورس بنت نفين؟ واسه هي وين كل ما اسأل واحد فيكم بتهرب عاين فيني وكان صاري قال لي اففففف ياخي اف و اتحرك ركب عربتو وفات
اتحركت على الظلط ووقفت ماكان في ولا عربية وقفت مسافة وتاني اتحركت حسيت بي عربية وراي التفت انفتح باب العربية ونزل خالد جا علي قال لي اركبي اوصلك قلت ليو يسلمو ماعايزه قال لي هنا صعب تلاقي ليك مواصلات انا ممكن اقدمك شوية عاينت في الظلط الكان فاضي اتحركت معاو وركبت ساق العربية وطلع الدبلة من جيبو قال لي البسي وماعايز اي كلمة تاني في الموضوع دا قلت ليو انا قلت ليك انو مابينا قسمة قال لي بينا وانتي مابتحددي قلت ليو تمام انا بلبس الدبلة انت احكي لي عن نورس بنت نفين قال لي مابعرفه لو كنت بعرفه كنت حكيت ليك كان مركز قدام قلت ليو أرام حكت انو انت بتعرفه حاولت اكذب عشان اشوف ردت فعلو التفت علي وظهر فيو التوتر ورد لي ااارام أرام كذابة انتي بتصدقي وحده حرامية قلت ليو طيب أرام سرقت التصاميم لكن ماهي الشرطت التصاميم ضحك قال لي اها الشرطة منو انتي قاعده تتخيل في حاجات اساسا مافي
خليك في العرض الجاي احسن ليك وطلعي التخيلات دي من راسك
قلت ليو ماقلت لي قدمي استقالتك عاين فيني وقال لي ولسه عايزك تقدمي وانا مستعد اخليك تشتغلي في اي شركة انت عايزها قلت ليو ليه والشركة دي مالة قال لي كلامك كتير اعملي العايزه وانتي حره
قلت ليو خالد بتعرف وليد من وين قال لي عمو وليد صاحب ابوي وكان متزوج خالت رياض قلت ليو رياض اهلو وين قال لي رياض اهلو متوفين كان عايش مع خالتو الا هي زوجة عمو وليد قلت ليو طيب انت علاقة بي رياض شنو قال لي ابو رياض وابوي كانو شركاء في الشغل ومعهم ابو نسيبه ونحنا من قمنا مع بعض قلت ليو زي الاخوان يعني وعاينت فيو ابتسم قال لي حاجه زي كده
ماقدرت اخذ منو اي معلومة تفيدني
التفت عليو قلت ليو ونفين قال لي كانت شركتنا في الشركة الكانت في تركيا قلت ليو عندها اولاد قال لي ما عارف شايفه مكتوب في راسي السجل المدني سحر بطلي أسأله ممكن؟
يلا ممكن ترجعي الدبلة قلت ليو لا انا اخذت قراري قال لي تمام بس انا مابقدر اتنازل عنك
قلت ليو انا اتنازلت عنك ضحك قال لي اتنازلت عني زي لما اتنازلتي عن الشحوم الفي جسمك
قلت ليو انا ماقادره افهم الناس الفي الشركاء حاسه انو فيكم غموض ومامفهومين قال لي عشان كده قلت ليك قدمي استقالتك ومن اول يوم قلت ليك التجاني الماحي قريب من الشركة وضحك قلت ليو خاااالد احكي لي عن نورس بنت نفين التفت علي وقعد يحكي فيني ويضحك التفت على الشباك وقعدت اعاين قال لي اسه لو رياض اتقدم ليك كنتي بتوافقي قلت ليو لا
قال لي السبب
قلت ليو انت ورياض زي بعض الاتنين غامضين ومامفهومين وبعدين رياض خاطب نسيبه وبحبها ضحك وقال لي ختي خط تحت بحبها التف عليو قلت ليو يعني مابحبها قال لي وانا قلت ليك مابحبها هو لو مابحبها ماكان خطبه
قلت ليو وانت خطبتني وماكنت بتحبني ضحك وقال لي عجبتني ياكورة الشحم وخطبتك
قلت ليو رياض بتكون عجبتو نسيبه وخطبها
التفت علي وقال لي ونسيبه بتكون زيك شافتو زول محترم وكويس وافقت قلت ليو ليه الناس الفي الشركة دي تحس بيهم ماشين في شارع زي الدائرة ماعندو نهاية قال لي ماقادر من الضحك ياخي اسالتك كلها بضحك عشان كلهم مرتبطين مع بعض قلت ليو انا مامرتبط معاكم قال لي قدرك ربطك معانا
خالد زي البحر عميق شديد ومابتقدر تفهم منو حاجه
وصلت البيت قلت ليو اتفضل قال لي مره تانيه ماناقصني علي وضحك قال لي تصبحي على خير قلت ليو وانت من اهلو ونزلت دخلت البيت وهو اتحرك لقيت علي جنب الباب قال لي ما قلتي عايزه تفسخي الخطوبة قلت ليو ودا الحصل قال لي شايفك جايه معاو على العموم ألف مبروك خالد مابستاهلك واحد رخم ودمو تقيل ومامريح ضحكت قلت ليو تصدق فعلا قال لي يلا ندخل نحتفل قلت ليو يلا
[فالباب لا يفتح إلّا لمخلص
يأتي بثوب الصدق لا من يلعب
والقلب حصن لا ينال وداده
إلّا أمين بالوفاء مودب]....يتبع