رواية احلام ودموع الفصل السادس عشر 16 بقلم ماريه عبدالله مسعود
كل ألم يحترم وأي بلاء يحترم ولحظات فتور غيرك تحترم وفترات عزلته تحترم و إذا اقترف أحدهم ذنبا وقت ضعفه وشكى لك نفسه يحترم
قدرة تحملك لا تساوي قدرة تحمله ووسعك لا يعادل وسعه
انت أنت
وهو هو
فلا تكن بلاء فوق بلاءه ووحشة في قلب وحشته فكل ما هنا متعب وكل من هنا متعب
والسلام
[ثق بأن .. الصوت الهادئ أقوى من الصراخ وإن التهذيب يهزم الوقاحه وإن التواضع يحطم الغرور 🔥🫵]
سحر بنت المايقوما
علي قال لي لو ماكان بسافرو معاك طارق وياسين ماكنت رضيت تسافري انا والله خايف عليك ماعارف ليه حاسي انو الفي الشركة ديل مامريحين وفيهم كده غموض عجيب قلت ليو انا بفكر أقدم استقالتي قال لي لو شايفه انو دا المناسب قدمي ونحنا معاك وسندك وإنشاء الله تلاقي شركة تانيه تقدر موهبتك قات ليو انشاء الله وانا زاتو اتاخرت في القرار دا مفترض من بعد العرض استقيل طوالي قلت ليو اسه انا تعبانه ماقادره اتكلم في اي حاجه لي بكرا يلا تصبح على خير واتحركت غرفتي استحميت وصليت اكلت لي حاجه ونمت صحيت الصباح مع انو مامفترض امشي الشركة لانو رياض قال لي تاني ماتجي ونكمل شغلنا في البيت بس انا عايزه امشي لانو مقرره اقدم استقالتي صح بعد تعب حتى لقيت شركة توظفني بس احسن شغلي في المطعم بدل الشركة كلها انتقام وغموض
صليت وشربة الشاي لبست وطلعت لقيت علي جنب الباب
كان طالع قال لي صباح الخير اها ماشه تقدمي استقالتك
قلت ليو اي قال لي كل لي خير وإنشاء ربنا يعوضك بي الاحسن قلت ليو وانت متظبط كده ماشي وين قال لي المنتج اتصل علي وقال لي تعالي قال لي
ماشفتي مواقع التواصل ؟قلت ليو لا قال لي المنتج نشر جزء من غنية سمرا والاغنية بقت ترند في التك توك الانستا والفيس وحتى لو ركبتي المواصلات بتلاقي فاتحنها قلت ليو الف مبروك والله فرحت ليك كتير
قلت ليو واسه المنتج عايزك لي قال لي قال في عقد وقال لي تعال امضي عليو رديت ليو مشاء الله بتوفيق يارب قال لي امين وجمعنا اتحركنا طلعنا مع بعض ركبني المواصلات واتحرك عشان يركب شارعنا ما واحد
ركبت وقعدت جنب الشباك اعاين في الشوارع وانا سرحانه سمعت صوت قال لي سحر التفت كان وليد جا قعد جنبي قال لي انا ابوك حتى لو انتي ما اعترفتي بي عارف انو انا غلط وندمان شديد بس كان طيش شباب وانا دفعت التمن والله عاقبني
انا اتزوجت مره ومرتين وتلاته والله ماقسم لي اولاد ماخليت دكتور هنا وبرا السودان وكانو كلهم بقول لي انت كويس ماعندك اي حاجه ومافي اي مشكلة مني او من الكنت متزوجه
كانو يقول لي مافي اي سبب بمنع الانجاب وانو الحاجه دي بيد رب العالمين
وعرفت دا العقاب العاقبني بيو رب العالمين عشان العملتو في امك وفي غيرها
ورضيت بي الكاتبو لي رب العالمين وطلبت المغفره منو ولي اسه انا بطلب منو يغفري ولما اموت انا بطلب الغفران
سحر يابتي انا لما جيت قلت ليك الحقيقة كان ممكن اقول ليك انو انا متزوج امك وهي ولدك وفي المستشفى وانتي انخطفتي وكان ممكن احكي وقول ليك الف قصة وممكن انتي تزعلي مني ايام وترجعي تسامحيني بس انا حبيت اقول ليك الحقيقة صح هي بتكسرك وبتوجعك وامكن انتي نهاي ماتسامحيني بس أفضل من انو أالف ليك قصص تانيه واخليك عايشه في الوهم ماعايز يكون في أسرار بينا
وخايف لما يحصل لي حاجه واموت وانتي تعرفي الحقيقة وماتسامحيني عشان ماحكيت ليك الحقيقة الانا بخجل منها
هو كان بتكلم وانا دموعي جاريه التفت منو على الشباك قال لي اعفي لي يابتي مامعروف اموت بتين عايز اشوفك مرتاحه في الدنيا دي وماشايلة في قلبك حقد اتجاهي او اتجاه امك
امك مسكينه انا كنت كلب و لعبت في راسه وغشيتها
خليتها غلطت وبعدها اتخليت عنها قمت طقطقت لي الكمساري ونزلت لانو ماعايزه اسمع امي ماتت وهي مليانه زنوب ذنب لما غلطة وذتب لما جدعتني وذنب لما انتحرت مشيت مسافه وانا ابكي وصلت الشركة مسحت دموعي دخلت وصلت مكتب ضربت الباب ودخلت سحبت ورق الاستقالة وشلتو ومشيت المكتب قعدت اعاين فيو اخ بس كان ممكن أنجح واكون مصممة مشهوره عاينت في الاستمارة جات نفين وقعدت قالت لي دا ورق شنو قلت ليه ورق شغل وقمت اتحركت على مكتب رياض قبل ما ادخل رجعت لي مكتب خالد ضربت الباب ودخلت سلمت عليو قلت ليو انا عايزه اقدم استقالتي وانت قلت لي بشوف ليك شغل مع أي شركة انتي عايزها قال لي وانا لسه عند كلمتي قلت ليو تمام وطلعت منو
انا لازم اضمن مستقبلي هم قاعدين يلعبو وانا زاتي العب معهم بدل اطلع خسارنه من الشركة احسن اضمن لي شغل في شركة تانية
خالد قال بشوف لي شغل في اي شركة انا عايزها واكيد عندو معارف وانا عشان ما اخسر وتاني امشي افتش لي شركة اشتغل معها
احسن اختصرت كل دا وأخلي خالد يشوف لي
وصلت مكتب رياض ضربت الباب ودخلت قال لي ماقلت ليك ماتجي الشركة قلت ليو دااخير لي يوم معاكم في الشركة ومديت ليو الاستمارة مسك الورقه عاين فيها وابتسم خلف رجل فوق رجل ورفعها لي فوق مسك القلم وقعد يحرك فيو مع حركة الكرسي عاين لي وضحك قال لي اووو الآنسة سحر مقدمة استقالته
القال ليك منو استقيلي خالد ولا نسيبه ولا نفين
خته الورقة والقلم في الطاولة وضرب يدينو في الطاولة وقال لي حلووووو وقام اتحرك فتح خزانه وجاب ورق وجا قعد في الكرسي الجنبي وخلف رجل فوق رجل مد لي الورق قال لي لما جيتي اشتغلت انتي وقعت على بنود قلت ليو اي قال لي اظن ماعاينت البنود كانو فيهم شنو مسك الورقة وقال البند الخامس اذا الطرف التاني قدم استقالتو قبل مايكمل السنه اول شي يدفع غرامه ماليه قدرها ....... انا انخلعت خطفت منو الورقة وفعلأ كان مكتوب كده وانا
وقعت على العقد من غير ما اقرا البنود
خطف مني الورقة وقال لي البند ٦ ممنوع تشتغلي في اي شركة غير الشركة دي لمده ٣ سنوات حتى في حالت إفلاس الشركة ولو حاولتي بتدفعي غرامة قدرها.... انصدمت وفتح تلفون وفتح فيديو كانت أرام وسايقها الشرطة التفت عليو كان خاتي يدو في وشو قال لي انتي فاكره انو أرام خلاص سافرت وانو خلاص اتفكت من الشركة أرام زيك وقعت على العقد قبل ما تشوف فيو شنو وتاني حاجه انا رفعت فيه دعوه عشان التصاميم الاتسرقت هي والشركة والاتنين استبعدو من العروض وهي اسه مسجونه عشان الغرامة الماليه والا هي قدرها ..... اول شي عشان استقالت قبل السنه وتاني شي عشان اشتغلت مع شركة تانيه
وتالت حاجه عشان سرقت التصاميم انا انصدمت من رياض ومن الذكاء العندو معقول لي الدرجه دي هو ذكي التفت علي وهو مبتسم وقال لي انتي فاكره انو الفي شركة ديل شغالين كده من مزاجهم لا ياحلوه كلهم وقعو على العقود دي نفين خالد نسيبه انتي قصي أرام وحتى انا موقع عليهم بس انا كنت عارف العقود فيها شنو لانو انا الوضعتها صح خالد ونفين ونسيبه ممكن يدفعو الغرامه بس هم حابين يكملو في الشركة واضح بحبوني شديظ وبحبو يقيفو معاي وضحك وقف جنب الشباب وقعد يعاين وقال لي شيلي ورق الاستقالة لو عندك المبلغ تعالي وجيبيو وانا بوقع على الاستقالة ولو ماعندك امشي البيت وكملي شغل
واهاااا عايزك تعملي تصاميم غير التصاميم الشغاله فيه انتي ونفين وماعايز نفين تعرف وعلى فكره نجاح الشركة هو نجاحك وفشل الشركة فشلك لو الشركة نجحت انتي بتنجحي وفي سنه واحده بشتهري وتختصري عليك مشوار طويل ولو فشلت انتي بتفشلي وبتبدي من الصفر زي أرام
يلا اتفضلي ماحبب اتكلم كتير
كنت مخلوعة ومصدومة ومنهاره رياض طلع واحد حقير كنت فاكره انو في زول في الشركة قاعد يلعب فينا بس طلع رياض هو البلعب وملعب الكل على كيفو
طلعت وانا ببكي انا ماعندي المبلغ دا وماعندي حل غير اكمل في الشركة وكلام رياض صح لو نجحت الشركة بتنجح وانا بشتهر
ولو فشلت الشركة انا بفشل وممكن اخسر اي حاجه
اتحركت على المشغل قعدت في مكتبي رفعت ورق الاستقالة وقطعتو ورميتو في السله شلت شنطتي نفين كانت قاعده ومعها قصي عاينت فيهم واتحركت طلعت فتحت شنطتي كنت عايزه اتصل لي علي واقول ليو أوع توقع على العقد قبل ماتشوف فيو شنو عشان ما يغلط زي انا جريت ورا حلمي وماعملت حساب لي خطواتي كنت مندفعه شديد
وعلي بكون زي مندفع نحنا مساكين لما تجينا فرصة ما بنصدق والبكون عندو السلطة بستقل الفرصة دي عشان يستفيد منها فتشت التلفون ومالقيتو جريت رجعت المشغل لقيت نفين واقفه في مكتبي ورافعة ورقة الاستقالة الجدعتها في السلة من شافتني انخلعت قالت لي شايفاك مهمومة وحزينة قلت اشوف السبب شنو طلع انو انتي عايزه تستقيلي قلت ليه بحكي ليك بعدين اسه انا مستعجلة
لقيت التلفون في الطاولة شلتو واتصلت بي علي واتحركت مستعجلة علي مابعرف يقرأ كويس واكيد حيوقع على العقد من غير مايشوف فيو شنو رد علي قلت ليو علي وقعت على العقد قال لي لسه قلت الحمد لله قلت ليو اوع توقع خليني لما اجي عليك انا جايه عليك ماتوقع ياعلي قال لي تمام قفلت منو واتحركت سريع ركبت مواصلات وصلت الشركة الانتاج دخلت اتصلت عليو قال لي جاي عليك جا علي
قلت ليو يلا ومشينا دخلنا مكتب وانتظرنا جا المنتج سلم علينا
و قعدنا قال لي علي حنوقع العقد مع شركة.. ..... وبعدين حتشتغل معانا مد الورق لي علي شلت الورق منو
قال لي وانتي تطلعي شنو قلت ليو مديره اعمال علي
علي وكلني اكون مديرة أعمالو وطبعآ لي الحق اشوف العقد
انا عارفه علي مابعرف يقرأ كويس وماعايزه اخلي المنتج يعرف شلت العقد وشفت البنود وزي ما اتوقعت عاينت في كم بند وماعجبوني ممنوع علي يغني في اي حفلة الا حفلة تبع الشركة وممنوع ينشر حاجه في المواقع الا الشركة تعرف وممنوع ينشر حتى في صفحتو وفي حالة حصل اي خسارة في الشركة هم مامسولين من اي تعويض رفعت راسي قلت ليو اول حاجه علي ممكن بعد ما يسجل الأغنية وتنزل وتشتهر ممكن عادي ينزله في المواقع وممكن عادي يغني الاغنية في اي حفلة
وممكن يغني في اي حفلة خارج الشركة
انتو تعدلو في العقد وتكتبو كده وتاني حاجه لو حصل اي خسارة او إفلاس في الشركة الشركة مطالب منها تعوض علي وعلى كل سنه اشتغله مع الشركة وبالنسبه لي الراتب مفترض لو علي اغاني اشتهرت وجابت أرباح يكون عندو نسبه في الأرباح ماممكن تختصرو على الراتب فقط
ولو اشتهر الشركة توفر ليو السكن وانتو دا كلو في العقد رافضينو قام قال لي دا العقد كده عجبكم تمام ما عجبكم اتفضلو قلت ليو تمام وعلي على فكره اي شركة إنتاج حتقبل بيو عارف ليه لانو من العرض ومن الاغنية النزلتو جزء منها في المواقع اشتهرت وعلي اشتهر بيهم يلا ياعلي عايزين نطلع
قال لينا تمام موافق ابتسمت والتفت عليو قلت ليو لما تعدلو في العقد بنجي ونوقع قال لي تمام مد يدو وقال لي ألف مبروك مقدما قلت ليو الله يبارك فيك ومد يدو لي علي واتحركنا طلعنا علي قال لي ماعرفتك والله تنفعي تكون وكيلت اعمال قلت ليو ماعايزه يحصل ليك زي ما حصل لي الناس دي بتستقل فينا في اي شي
وصلت البيت ودخلت قعدت ارسم في تصاميم غير التصاميم الشغالين فيها انا ونفين تلفوني اتصل كان رياض قال لي حيجو عليك بنات ويشتغلو معاك في البيت عايز تشتغلي التصاميم في البيت عايز نكملها قبل ما نسافر قفل مني بعد ساعة وصلو البنات وقعدنا نشتغل الايام بتعدي بين الشركة وبيت رياض وبيتي تعبت تعب قلت كلو بهون بس انا كمان لازم اخت شرط زي ماهم بختو شروط لبست واتصلت لي رياض قلت ليو عايزه اشوفك قال لي تمام طلعت لقيت علي وطارق طالعين علي قال لي الليلة آخره اغنية في الالبوم طبعآ بعد ما غيرو في العقد وعلي وقع الشركة طوالي عملت ليو الالبوم ونزلت الأغنية ديك كاملة وعملت ترند وعلي اشتهر بيه شديد
طلعت معهم وصلت مطعم وصفو لي رياض دخلت سلمت عليو وقعد قال لي تشربي شنو قلت ليو ماعايزه لانو انا مستعجله طلعت ليو ورقه قلت ليو اتفضل رفع الورقة وقعد يقرأ في حالت انو نحنا كسبنا في العرض انو انا ممكن اقدم استقالتي ويكون عندي ٤٠ في المية من أرباح العرض +وشريكة بنسبة ٢٠ في الميه في الشركة رفع راسو وابتسم قال لي البند التاني دا هو فعلا حيحصل لانو آنا وعدتك والاول دا ماعندي فيو مشكلة لكن بعد مانربح قلت ليو تمام يلا نطلع على محامي ومايكون محامي الشركة لانو انا صراحه كده مابثق فيك ولا في اي واحد في الشركة ضحك وقال لي يتخاف منك قلت ليو انا تعبت انت لو ملاحظ انا شغاله في البيت وفي بيتك مع نفين وانا بعمل في تصاميم مفترض تكون لي عرضين ما عرض واحد المره الفاتت تعبت في التصاميم واتشرطت واتسرقت واتعرضت باسم مصمم تانية واسه التصاميم المع نفين ممكن يحصل ليه تاني حاجه وانا تعبي ممكن يمشي لي شركة تانيه قال لي التصاميم الاتسرقت الشركة استبعتت من العروض وارام اتسجنت قلت ليو واكيد انت رفعت قضية وشلت تعويض ربعت يدي ورفعت حاجبي ضحك وقال لي فعلآ قلت ليو ضيف تاني بند في عقدي انو انا بكون عندي ٣في الميه من نسبة التعويض ضحك قال لي تمام
طلب اكل وانا رفضت اكل معاو كنت بعاين فيو وهو كل شوية يعاين قال لي ماتخافي ماخاتي سم في الأكل قلت ليو معلش مافي ثقه اي واحد في الشركة دي انا مابثق فيو قال لي ليك حق وابتسم
خلص وطلعنا على محامي رياض وقع على الورقة شلت نسخه واديتو وحده ووحده خلينها مع المحامي طلعنا فتح تلفونو وقال لي انا حولت ليك ...... دا التعويض من شركة ..... السرقت التصاميم قرب مني وابتسم قال لي يادوب بقيتي تفهمي اللعبة بس اعملي حسابك من خالد وابتسم وقال لي مابقدر اوصلك عندي مشوار يلا سلام
كنت عايزه اتحرك وقف جنبي راجل كان مخلوع ومصدوم وقال لي ي ي ي ياسمين ..
["امشي على قدمكَ المكسورة ولا تترك أثر يدك على كتف أحد]....يتبع