رواية ضماد جرح الفصل الرابع 4 بقلم نوسه حمد
كنت مرتاحه مع ناس صاحبه امي حسيت نفسي انسانه وبستحق الاهتمام لاول مره وما عاملوني علي اني الخدامه بتاعتهم م حسيت معاهم بالاحساس دا كنت بحس اني بتهم لغايه مافي يوم جات نانا وانا بطني طمت خلاص ح ارجع لي امي والحياه القاسيه مياده قالت لي نوسه دي نانا بتي الشغاله معاي اشتغلت معاي من وهي طفله بي قلبي قلت حظها قالت لي سلمي عليها لمن سلمت علي حسيت عربيها مكسر شكلها م سودانيه ورقدت معاي في نفس الغرفه وكانت تعبانه من السفر نامت وانا بليل كنت بشغل الشاشه قران صحت وقالت لي الصوت دا مزعج بقيت اعاين ليها ومحتاره كيف تقول صوت القران مزعج شكلها م مسمله قفلت الشاشه وغلبني النوم كنت مهمومه ومضايقه شديد طلعت الصاله وبقيت اصلي وادعي ربنا اني م ارجع اهلي اصعب احساس انك تتمنا انك م ترجع لي اهلك والاحساس دا ما بحسو الا الانسان الناقص وانا كنت ناقصه وفاقده حنان الام وعطف الاب عشت طفوله قاسيه كاني م بني ادمه وماطلعت عشان اقارن حياتنا بي غيرنا بس لمن امي جابتني اشتغل مع صاحبتها كان غرضها القروش وانا لقيت الما لقيتو في بيت امي وبقيت ابكي وسجدت سجده طويله بدعي فيها من قلبي اني ما اعيش مع اهلي ان شاءالله تطقشني عربيه ولا اموت في حادث بس بعد الحياه النقيه العشتها م عايزه اعيش نكد تاني ربنا قسم لي ام مؤذيه وابو ماعارف الصاح شنو والغلط شنو امي بتزلنا عشان هي شغاله وبتصرف علي البيت لدرجه انو خلت ابوي كلمتو م مسموعه بالنسبه ليها قومتا من المصلايه وقعت اقرا في قران في كرسي وعشان قرايتي ركيكه كنت بفتح الشاشه بس نانا حرمتني بقيت اقرا في سور اولي وتانيه الدرستني ليهم الاستاذه الصبح اذن وانا في مكاني ديك م نومتا نهاي صليتو ورقدتا في الكرسي وبفكر فجاه شفت فادي لابس وطالع شكلو جامعتو بدري قال لي نوسه صباح الخير قلت ليهو صباح النور هو النوع البتكلم جمله بالعربي وتلاته جمل بالانجليزي قلت ليهو انا م بفهم كلامك قال لي اعزريني انا عندي كلمات م بعرفها بالعربي وبكون عايز اقولا في كلامي عشان كده بقولا بالانجليزي قلت ليهو ليه يعني قال لي انا مواليد امريكا وعربيني مكسر قلت ليهو ايوا ياخ اتمنيت كان اعيش في امريكا واكون كلامي زيك عارف ي فادي لمن تتكلم كلمه عربي وعشره كلمات بالانجليزي بحسك عززززز قال لي وت اذا مينج اوف عز قلت ليهو شنو م فهمتك قال لي عز معناها شنو قلت ليها عز دا مصطلح بطلقو الغلابه الزينا لمن يشوفو ناس مرتاحين زيكم قال لي منو القال ليك نحنا مرتاحين بقيت منططه عيوني وبعاين ليهو قال لي الراحه م عز زي م قلتي الرآحه راحه البال وانتي زي م شايفه نحنا عايشين كيف بنجتمع في يوم واحد في وجبه واحده احتمال انتو تكونو عز اكتر مننا بتكونو متلمين مع بعض بتعرفو احوال بعض مش زينا بنتلاقه نهايه الاسبوع سكتا وغلبني اتكلم واقول ليهو نحنا ولا ربع الحب البينكم نحنا م عندنا ونحنا في نظرو رغم بساطتنا بس بتجمعنا الحب والموده والطيبه والحنيه وهو م عارف انا م لميت في اي شي م عارفه دا عقاب لي ولا قدري كده وانا صابره عليهو قال لي ليه انتي قاعده بره ف الهول قلت ليهو انا بحب اسمع صوت القران ونانا قالت دا ازعاج قال لي نانا مسيحيه زينا م تزعلي منها قلت ليهو لا م زعلانه بس حبيت اعمل الحاجه المتعوده عليها بعيد منها قال لي اللابساهو دا جميل قلت ليهو دي عبايه صلاه جابتا لي امك قال لي حبيتا فيك قلت ليهو شكرا قال لي يلا انا طالع الجامعه وعندي مواعيد بدري محتاجه حاجه قلت ليهو سلامتك واحتمال دي اخر مره تشوفني فيها قال لي ليه قلت ليهو خلاص نانا جات انا ح امشي بيتنا قال لي نو نو نو قلت ليهو انا م بفهم كلامك اعزرني قال لي م تمشي قلت ليهو اقعد ليه خلاص ما عاد عندي لازمه هنا قال لي ح نشتاق ليك شديد يلا خلي بالك من نفسك لو احتجتي حاجه دا رقمي واداني كرت فيهو رقمو قال لي بيتكم وين قلت ليهو نحنا ساكنين في الحاج يوسف مربع واحد وبقيت اوصف ليهو في بيتنا قال لي ليه تسكنو في المناطق دي انا. م بحبها تعالو اسكنو جنبنا هنا قلت ليهو لا كل زول وحسب طبقتو قال لي ايوا فهمت يلا يا نوسه خلي بالك من نفسك وانا حبيتك شديد وفات انا بقيت مخلوعه ومنهاره عديل وكلمت حبيتك بتردد جوه قلبي معقوله يحبني اكيد انا سمعت غلط الولد دا قالا بي بساطه لا لا دا م حب بمعني الحب داك وقلبي شغال يضرب لي درجه مبالغ فيها وساعه كامله واقفه غلبني اقعد وغلبني ارقد لغايه م جات امو لمن قالت لي نوسه لمن انخلعتا ونطيت قالت لي مالك فشنو اهدي قلت ليها ماف شي بس متوتره م جايني نوم م نومت خالص قالت لي ليه م نومتي انتي م عارفه السهر مضر بالصحه تاني م تساهري واتعودي نومي بدري حاضر قلت ليها لا بس زعلانه عشان ح افارقكم قالت لي لا م ح اخليك تمشي محتاجاك تشتغلي معاي في العياده بتاعتي ياخ لمن قالت لي كده طيرتا فوق وجيت نازله قلت ليها شكرا ليك بجد انا م نفسي امشي منكم انا اتعودت علي فديه وفاتن وانتي وتفاصيل الحياه معاكم واتعلمت العلم النفسي فيهو دخلت منها فرحانه فرح وبقيت اتخيل في فادي وكلامو ولو جا لقاني قاعده ح يفرح ولا لا ونومتا نومه طويله صحيت متاخره لقيتهم اياكلو قالو لي تعالي اكلي معانا نانا قالت ليهم خلوها تاكل براها طوالي مياده قالت ليها لا تاكل معانا وبعدين نوسه دي بتي الما ولدتها من بطني فادي بقا مبسوط وكنت بعاين لي تعابير وشو انا شكلي حبيتو والاكل زاتو م عندي ليهو نفس شيلت لي لقمه وقومتا شعبانه نفسيات قعدت ارتب في المكان مياده وقفتني قالت لي لا اجهزي عشان تطلعي معاي الشغل جهزتا ومشيت معاها العياده بتاعتها شقه صغيره وعامله فيها عياده مرتبه شديد وحلوه شديد قلت ليها انظف المكان قالت لي لا عندي ولد بنظف بس انتي اقعدي هنا مرات انا بحتاج زول يساعدني البت الشغاله معاي حركتها تقيله وانا مستحملاها عشان امينه والناس بحبوها قلت ليها طيب العايزاهو شغلها خفيف وراقي صحي العلم برفع الناس ومكانتهم اتمنيت وضعي اكون غير دا وادرس زيها بس الحمد لله بقيت اسال نفسي هل انا ممكن بعد العمر دا اقرا ولو دايره اقرا معقول ابداها من الاساس الحمد لله ع كل حال
مرت الايام وانا مبسوطه وبقيت احب فادي عديل لمن اشوفو بخجل وبتوتر لغايه م يوم كان عيد ميلادو ومحتفلين بيهو لبست لي عبايه وطرحه وجهزنا الحاجات معاهم انا اشتريت ليهو ساعه علي قدر قروشي وبدو الناس يجو والهدايا م تديك الدرب وكميه بنات ولابسين لبس زي البنشوفو في التلفزيون فاكات شعرهن ولبس ضيق وانا كنت بعاين لفادي من بعيد ويوم عيد ميلادو كان جميل شديد وفي واحده لابسه زيو وملصقه فيهو انا لمن تقرب عليهو بقرب امشي افكو منها وبعاين ليهم من بعيد بس نانا حست بي اني حبيت فادي جات جنبي قالت لي دي حبيبه فادي انا لو م كنت قاعده كان وقعتا دموعي جرت وسريع دخلت الغرفه من غير م زول يشوفني واظنها نانا فقدتني جات لقتني راقده ومقبله علي الحيطه قالت لي مالك ي نوسه في حاجه قلت ليها لا قالت لي لا في وانا علي فكره حاسه بيك وعايزه اقول ليك نوسه ماتتعبي قلبك الزي فادي دا م بعاين للزيك ومعليش م تزعلي من كلامي بس انا اختك بنصح فيك فادي بحب البت دي من بدري كمان اتشاكلو فيها هو وودعمها هي اختارت فادي ونحنا بنعرفها وبتجي طوالي هنا عشان كده م تزعلي كويس قلت ليها لا م زعلانه بنتكلم كده جات مياده قالت لينا وين انتو يلا عايزين نطفي الشمعات ارح مشينا معاها واي زول ادا فادي هديه وانا ابسط هديه اتقدمت ليهو بعد طفا الشمعات اي زول جاب هديه قدمها ليهو والناس كلها بتشوفها انا بقيت خجلانه الناس كلها قدمت ليهو وانا شايله الساعه وواقفه فادي قال لي نوسه ويني هديتي مديت ليهو الساعه وقلت ليهو كل سنه وانت طيب الناس بقو يتقارصو ويتغامزو علي هديتي حسيت بالاحراج شديد وحبيبتو قالت لي فادي زوقو م كده م ح يلبسها انا العبره خنقتني فادي قال ليها لا حلوه وح البسها وطلع ساعتو ولبس ساعتي جبر بخاطري ربنا يجبر بخاطرو اخواتو حسن بس مضايقه قالن لي دي احلي هديه اتقدمت ليهو وما تركزي مع شهد اصلها دلوعه وكلاما مسيخ قلت ليهم لا عادي ومشيت نومتا
مرت الايام وبقيت اتفادي فادي وما بلاقيهو كتير بقيت حاسه انو بفتش لي بس كنت متعمده اتجاهلو عشان م اكسر قلبي والشي الحيرني فادي الساعه من يدو م طلعها وما اتكلمت معاهو اتجنبتو شديد بمش الشغل بجي انوم لغايه م يوم امي جات وقالت جاني عريس لمن قالت كده حسيت فادي اتوتر طبعا انا م ح اقدر اخالف كلام امي مياده قالت ليها نوسه دي بتي ح اجي لي عرسها ولو راجلها بوافق انا عايزاها تشتغل معاي قالت ليها م معروف مشينا البيت وكنا زهجانه اول زول لاقاني في الشارع نزار م شاء الله بقا كبير انا طولت م شفتو قبل م امشي اشتغل مع ناس مياده لمن شافني لمن انخلع وجيرانا كلهم مخلوعين مني انا طبعا م حاسه بالتغير بس بنات جيرانا قالن لي بقيتي رهيبه ورينا عملتي شنو قدر م حلفت ليهن اني م عملت شي م صدقني امي قالت لي العريس جاي بكره قلت ليها يمه انا م دايره اتزوج قالت لي مالك م دايره تتزوجي وابوي بقا يكورك فيني قال لي م علي كيفك تعرسي كسر رقبه وم عايزين نقاش في الموضوع دا وانا قلبي مقطوع لاني حبيت فادي وعارفه فادي ما حباني بس انا حبيتو شديد م قادره انساهو تاني يوم جونا رجال كبار قلت ديل اهل العريس بس للاسف اكتشفت انو العريس اكبر من ابوي بي الف مره ……….يتبع