رواية احلام ودموع الفصل الثالث عشر 13 بقلم ماريه عبدالله مسعود
["سَنَمُوتُ جَمِيعًا وَرَغْمَ عِلْمِنَا بِهَذَا الْوَدَاعِ الْمُؤَكَّدِ، لَا نَزَالُ نُؤْذِي بَعْضَنَا بِأَشَدِّ أَنْوَاعِ الأَذَى."💔😓]
سحر بنت المايقوما 💔
سحر من غير لف ودوران تقبلي انو تتزوجيني انا انخلعت قلت ليو ش ش شنو قال لي انا من اول يوم شفتك فيو أعجبت بيك هو ما حب إعجاب وصراحه كده كنت بتمنا اكمل حياتي مع وحده زيك مابقول ليك وافقي اسه انا بديك كم يوم تفكريي
وممكن ماتتاخري في الرد قلت ليو انت بتعرف عني شنو قال لي مابعرف ولا عايز اعرف وانا بعرف سحر الاسه والقاعده قدامي ام عن ماضيك او حياتك انا مابتهمني بتهمني انتي اسه في الحاضرو انا بنتظر ردك واتحرك صراحه كده انخلعت معقول خالد طلع معجب بي مع انو ماكان واضح فيو كنت بفكر وسرحانه في كلب خالد
جات نفين قالت لي سرحانه في شنو وشايفه خالد كان بحكي معاك وانتي واضح من ملامحك مصدومه خالد حكى ليك شنو قلت ليه خالد طلب يتزوجني
قالت لي ألف مبروك خالد كويس شديد ومحترم قالت لي وانتي قلت ليو شنو قلت ليه ماقلت حاجه قال لي فكري
وانا بحكي ليك انو مامحتاج تفكري لانو خالد محترم وشب منيح ومافي منو
قالت لي يلا مشان نخلص التصاميم قمت معها وقربنا نخلص والعرض باقي ليو اسبوع ونحنا شغالين جات أرام قعدت تساعد فيني
قالت لي نفين طبعآ انا بكون نجمة العرض وجون معاي طبعآ نفين قالت ليه اكيد وهلا نحنا بدنا نشتغل على الفستان تبعك راح يكون محجب لانو نحنا ركزنا على التصاميم المحجبة أرام قالت لي حبيت فكرت تصاميمك بجد روعة والعرض دا نحنا بنكسبو وضحكت وكملت كلامة انا واثقه انو بنكسبو انا وجون
نفين قالت ليه اكيد خلصنا جينا نطلع عشان نفطر جات نسيبه قالت لينا يلا وانا كمان عايزه افطر اتحركنا على المطعم وقعدنا نسيبه قالت لي وزنك نقص شديد اكيد الفضل لي نفين صح قلت ليه اكيد قالت لي انتي جميلة وعيونك حلوه بس وزنك كان خافي جمالك واسه مزه قلت ليه تسلمي حبيبتي
جا خالد من شفتو اتوتر قعد وكان رايق نفين قالت ليو غريبه الليلة رد ليه وعاين لي قلبي مع وحده وعقلي كمان
نفين قالت ليو اوووو خالد بلش يحب حاسه بنار الحب في الشركة كان بعاين فيني أرام قالت ليو اها منو هي قال ليه منتظره بس توافق وانا بمسكه من يدها وبقول دي حبيبت قلبي وزوجتي
انا من نظرات عيونو وكلامو اتوترت زياده حاولت اكون طبيعة وقعدت اكل قال لي سحر رفعت راسي قال لي عايزه ترجعي تكوني فيلة تاني ولا شنو سرحتى وقعدتي تاكلي
ديل ضحكو عاينت فيو غمز لي نزلت راسي رفعت يدي قلت ليهم بالهناء ليكم عندي شغل ولازم اخلصو واتحركت وانا ماشه على المشغل صادفني رياض قال لي سرحانه وين انا من جبيل بنادي فيك قلت ليو معاك قال لي اها واضح طيب انا قلت شنو قلت ليو ماركزت ابتسم وقرب مني قال لي قلت ليك وين سرحانه وقلبك مشغول مع منو عاينت فيو وقلت لي. مع الشغل قال لي تمام واتحرك وصلت المشغل وقعدت اشتغل بعدو طلعت الساعة كانت ١ اتحركت على بيت رياض كملنا شغلنا باقي شوية ونخلص شهر تعبت فيو شديد كنت بشتغل هنا وفي الشركة طلعت من بيت رياض وصادفتو وهو داخل قال لي ارح اتغدي معاي قلت ليو اتاخرت مره تانيه انشاء الله واتحركت قال لي لي بحس انو انتي دايمآ بتهربي مني ولا من الناس ليه بحس انو انتي بتخافي من الناس وقرب مني ليه عيونك فيه حزن ووجع قلت ليو مافي اي حاجه من ديل بس عشان تعب الشغل ما اكتر كنت عايزه اتحرك قال لي سحر التفت عليو قرب وعاين في عيوني مسافة انا حاولت اتهرب من نظراتو قلت ليو نعم قال لي ليه عيونك بتتهرب مني قلت ليو مستر رياض انا اتاخرت ممكن لي بكرا نكمل كلامنا قال لي طيب واتحرك طلع ركب عربتو قال لي يلا اوصلك قلت ليو يسلمو بمشي بي المواصلات كنت عايزه اتحرك قال لي وهو زهجان ياخي بطلي واركبي اتحركت ركبت كنت ساكته وسرحانه في موضوع خالد اسه انا لو وافقت
خالد اي بنت بتحلم بيو بس انا ما اي بنت انا بنت من المايقوما كيف اقدر أوافق واهلو بقولو عني شنو وهو لو عرف بقول شنو انا لازم احكي ليو وبعدين أرفضو
رياض قال لي انا بتكلم من الصباح وانتي لسه سرحانه وقف العربيه والتفت علي قال لي انا في حياتي مافي وحده اتجاهلتني لدرجة دي وكان زهجان شديد قلت ليو اسفه ماكنت بقصد قال لي تمااااام انزلي يلاااا انزلي عاينت لقيت انو منزلني في نص الظلط طوالي فتحت الباب ونزلت ولما جيت انزل قفلت الباب قوي قال لي اكسري عليك الله قلت ليو المره الجايه واتحركت دا واحد عندو نفسيات
وصلت البيت استحميت وصليت وعملت الاكل وانا بفكر في موضوع خالد شلت الاكل لي ناس علي بعد ما اكلو قلت ليهم في موضوع عايزه احكي ليكم علي كان قاعد جنب طارق
قلت ليهم انا اتقدم لي واحد علي قال لي ك ك ك كيف وبتين ودا منو طارق خت يدو في كتف علي وقال لي علي دقيقه ياعلي خليها تكمل كلامه وربت على علي في ضهرو قلت ليهم واحد في الشغل هو كويس وانا ما اديتو رد لسه
علي قال لي وانتي عايزه قلت ليو ماعارفه والله هو زول محترم وكويس علي نزل راسو وقال لي لو شايفه محترم وكويس شايف احسن توافقي بيو طارق مسك علي من كتف
علي التفت عليو وغمض عيونو لي طارق طارق قال لي يازوله الف مبروك احسن توافقي ياسين قال لي طارق توافق كيف كيف يعني علي رد ليو هي ما اخوتنا اكيد بنتمنا ليه كل خير وبنتمنا ليه الزول البكون ليه سند ياسين التفت علي وعاين فيو مسافه وقال لي ألف مبروك ونحنا بنكون معاك وسندك علي قال لي ألف مبروك يازولة وربنا يتمم ليك على خير وقام قلت ليو الشاي قال لي ماعايز وطلع طارق قام طلع معاو ياسين قال لي فكري وماتستعجيل وإنشاء ربنا يتمم ليك على خير رجعت غرفتي لقيت مكالمة من رقم غريب ورسالة انا خالد ممكن ترد عاينت لي الرقم والرسالة وانا ماسكة التلفون رجع اتصل رديت قال مساء الخير قلت ليو مساء النور رد لي اخبارك رديت بخير الحمد لله قال لي الناس بتقول وانت ولا ماحبابه تعرفي اخباري قلت ليو وانت كيفك قال لي ماكويسه منتظر ردك ماقادر اصبر اااااها فكرتي
قلت ليو في موضوع عايزه احكي ليك قال لي لو عن الماضي ماعايز اعرف انا عرفتك في الشركة ودا بكفيني قلت ليو انا ماعندي أهل قال لي انا من الليلة اهلك رديت اهلي ما متوفين انا من المايقوما قال لي انا قلت ليك من الليلة اهلك واي حاجه من الماضي مابتهمني انا معجب بيك انتي ما بي اهلك وبعدين مافي زول بختار اهلو او حياتو ولو انتي وافقتي انا بكون ليك الاهل والزوج والسند اهااا يلا سحر قول لي موافقه قلت ليو لسه في تاني موضوع قال لي مهما كان انا معاك ياسحر انسي الماضي وانا اي حاجه بتخص الماضي ماعايزه اعرفه انا عايزه سحر الاسه معاي في الشركة وفي الحاضر
قلت ليو تمام موافقه رد لي قلت شنو شنو قلت ليو موافقة
رد اخيرآ اخيرآ انا مبسوط شديد وإنشاء الله اقدر اسعدك واكون ليك السند يادوب ارتحت وبقدر انوم وانا مبسوطة اتكلمت معاو بعدو قفلت
قفلت منو مشيت غسلت العده واتوضيت وصليت جو داخلين ناس علي مشيت عليهم قلت ليهم انا وافقت علي قام مد يدو وقال لي ألف مبروك عاينت فيو عيونو كانت حمر قلت ليو انت كويس قال لي كويس وفرحنا ليك طارق وياسين باركو
قلت لي على اها ماعايز تغني لي طارق عاين فيو
علي قال لي اها نسيت وابتسم وغنى لي قلت ليو ماله حزينه كده ولويت خشمي
علي نزل راسو قال لي تعبان من الشغل لي العرس بغني ليك اغاني ظابطه واتحرك على السرير وانا اتحركت مشيت نمت صحيت الصباح من اتصال من خالد قال لي انا عايزه اعمل حفلة لي الخطوبة تكون في صالة انتي طبعآ عارفه اهلي في تركيا وانتي ماعندك نعمل الخطوبة قي صالة انتي اعزمي العايزه وانا بعزم اصحابي قلت ليو تمام ماعندي مشكله اتكلمنا
قفلت منو اتصلت لي نفين كلمتها قالت لي اي كلمني خالد امس الف مبروك فرحتلك كتير حبيبتي وربنا يتتملك على خير قفلت منها جاني رقم غريب رديت قالت لي معاك أرام والف مبروك فرحت ليك وبعد قفلت رقم غريب كان نسيبه وباركت لي قمت غيرت وطلعت لقيت علي طالع اتكلمت معاو مارد لي طارق قال ليو علي بتكلمو معاك التفت علي قال لي معلش ما كنتت مركز قلتي شنو قلت ليو ولا حاجه واتحركت وصلت الشركة نفين حضنتي وباركت لي وجو ديل باركو لي رياض جا داخل وكان معاو خالد خالد مسك رياض من كتفو وقال ليو انا خطبت سحر وهي وافقت والليلة انا عازمك لي حفلة خطوبتي رياض التفت على سريع وعاين فيني والتفت لي خالد وقال ليو الف مبروك ربنا يتتم ليكم على خير مد لي يدو وقال لي ألف مبروك خالد جا وقف جنبي وقال لي رياض انا وسحر بنكمل بعض صح وابتسم رياض قال لي اا ااا كيد واضح مكملين بعض ودخل يدينو في جيوب البنطلون نسيبه قالت ليو رياض التفت عليه قالت ليو ليه حاسه مافرحان لي خالد وسحر قال ليه فرحان ليهم يعني اغني عشان يظهر انو فرحنا أرام ضحكه قالت ليو اتخيلو رياض يغني وقعدو يضحكو رياض عاين فيني ورفع حاجبو
وقال يلا عندنا شغل واتحرك فات خالد مسكني من يدي سحبت يدي سريع قلت ليو عندي شغل واتحرك قعدنا نشتغل الليلة اخر تصميم وخلصنا نفين قالت لي فستان الخطوبة هدية مني خالد حجز ليو صالة لي الخطوبة وانا بتكلم معها تلفوني ضرب كان رقم غريب رديت كانو ابو خالد وامو وباركو لي المهم حكيت معهم وقفلت نفين قالت لي يلا عشان نجهز لي الخطوبة اختارت لي فستان احمر قالت لي مع سمارك بكون تحفه
خالد اتصل قال لي انا طلعت البيت اغير ملابسي وبجي بعد ساعة عشان نمشي الصالة قفلت منو ولبست نفين قالت لي جميلة يابختو خالد فيك ولبست هي جا خالد لابس قميص ساده ابيض وقف جنبي نفين قالت ليو اها رايك في سحر قال ليه جميلة وعاين فيني قال لي يلا اتحركن على الصالة لقينا كلهم قاعدين أرام ونسيبه ورياض وانا اتصلت لي على وطارق وياسين الصالة كانت رهيبه وفي ناس كتيره قلت لي خالد بتين عزمت ديل ابتسم قال لي من قلتي موافقة انا عزمت كل اصحابي وحبايبيي خالد طلع الدبل لبسنا باركو لينا
كان في صوت اغاني كلهم قعدو يرقصو وبعدو اتعشينا كل ما اعاين في خالد بشوفو عادي وانا حاسه نفسي عاديه
كانو ماحفلة خطوبتي
علي مسك المايك وجا علي وغنى طارق وياسين كانو برقصو رقصت معهم جات نفين ترقص ومسكتني من يدي قالت لي أميرة رياض كان قاعد التفت عاينت فيو خالد قال لي ياهو رياض مافي حاجه جديده فيو ورفع حاجبو اتحرك على رياض ومسكو وجو علينا قال لي رياض حفلة صحبك واخوك معقول تقعد زي الضيف وابتسم بي الجنبة رياض كان برقص وكل شوية بعاين فيني خالد انشغل بي الرقص مع أرام ونفين ونسيبه رياض قرب مني قال لي انتي مبسوطة قلت ليو اكيد ابتسم بي الجنبة وقال لي عيونك بتحكي حاجة تانيه عاينت في خالد الكان برقص بضحك والتفت على رياض قلت ليو مبسوطة وكتير قال لي خالد زول كويس انشاء يبسطك وما يكون عندو فهم تاني واتحرك وطلع من الحفلة خلاني افكر في كلامو
انتهت الحفلة وركبت انا وعلي وطارق وياسين مع خالد واتحركنا البيت ماعارفه ليه مامبسوطة وحاسه انو استعجلت وانو رياض بلمح لي حاجه التفت اعاين في خالد وهو كان سايق خالد عادي كانو مامبسوط التفت علي وقال لي لدرجة دي انا عاجبك ابتسم وغمز لي رجعت اعاين بي الشباك وانا سرحانه معقول انا استعجلت
وصلنا البيت نزلنا وهو اتحرك استحميت وصليت ونمت وانا افكر واعاين في الدبلة وتاني نمت وماحسيت بي نفسي
صحيت الصباح وطلعت الشركة لقيت خالد قال لي اووو زوجتي المستقبلة مع ضحك عاينت فيو قال لي طالعه حلوه قلت ليو شكرآ قال لي امس كنت جميلة واخذتي قلبي وهو بتكلم حاسه انو هو بتصنع في الكلام عاينت في وشو كان عادي انا شكلي كده استعجلت وماعارفه كيف وافقت
قرب وطقطق لي بي يدو قال لي سرحانه وين قلت ليو اسفه مشغولة اسه بعدين بنحكي اتحركت عاينت لي الدبلة الفي يدي قلت انا ليه استعجلت اخ بس واتحركت رياض قال لي ما قلت انو انتي معجبة بي خالد التفت عليو قلت ليو واقول ليه قرب مني وقال لي بس عيونك بتحكي حاجه تانيه قلت ليو بتحب تحلل الشخصيت!!
قال لي يس واسه انتي مامبسوطة واضح في عيونك بس ليه وافقت بي خالد ؟
لما سألني السؤال دا ماعرفت ليو اي إجابة عاينت فيو ومسكت الدبلة بي يدي التانية وقعدت احركة فيه
قال لي اكيد ماعارفه وماعندك اي إجابة وابتسم بي الجنبة
واتحرك وانا اتحركت معقول واضح فيني انو انا عادية
الايام بتمشي خالد بتصل علي بس كلامي معاو بارد ماحاسه بي أي شعور اتجاهو كنت بكذب على نفسي وعليو
بكر العرض كنا بنجهز من الصباح أرام وجون نجوم العرض
انا ونفين قعدنا نعاين في التصاميم نفين قالت لي تحفه فنيه قلت ليه اها تعبنا فيهم شديد
جا خالد وارام ونسيبه وقفو نسيبه قالت التصاميم رهيبه مش ياخالد خالد قال ليه اكيد ويرجع الفضل لي نفين وحبيبت قلبي سحر
أرام قالت اتخيلو انا في الصالة ولابسه الفستان وقعدت تضحك اكيد العرض لينا رياض قال لي اكيد وانا واثق رد
خالد مع ابتسامة بعجبني ثقتك بي نفسك خت يدو في رياض وقال حلو الثقة وإنشاء الله تكسب
انا اتحركت تفين قالت لي وين قلت ليه تعبانه من الايام الفاتت كنا مضغوطين شديد قالت لي فعلآ تعبنا بس النتيجة كانت حلوه
خالد عاين في رياض وقال لي سحر حبيبتي يلا اوصلك رياض رفع راسو عاين فيني
قلت لي خالد تمام واتحركنا وصلت البيت دخلت استحميت وصليت بعد ختيت الاكل لي ناس طارق قلت ليهم بكرا العرض طبعآ معزومين
صحيت الصباح وانا كلي حماس لبست وطلعت سريع وصلت الشركة لقيتهم واقفين نفين كانت بتكورك كيف كيف صار هيك ومين ومين عمل هيك نحنا انتهينا لما دخلت لقيت كل التصاميم مشرطة في زول مشرطة
واقفين كلهم عاينت لي رياض غمز لي عاينت لي خالد كان بعاين في التصاميم ونسيبه وارام وجون كلهم مخلوعين ومصدومين مفترض نحنا نتحرك على صالة العرض
رياض قال لي تعالي اتحركت معاو قال لي امشي البيت بتلاقي اي شي جاهز وانا كنت واثق انو دا الحيحصل
قلت ليو منو العمل كده قال لي ماعارفه ولسه ماعرفت منو اسه عندنا العرض خلينا ركز فيو ولازم نفوز يلا اتحركي بتلاقي اي شي جاهز واتحركي طوالي على بيت رياض لقيت كل التصاميم في عربية وفي كم بنت اتحركنا على الشركة العاملين فيه العرض وصلنا
لقيت رياض منتظرين قال لي يلا ودخلنا كان اي شركة عندها صالة كبيرة عشان تجهز فيه
رياض قال لي خليك هنا اوع تتحركي وانتبهي لي التصاميم جات نفين قالت لي حكى لي رياض وعاينت لي التصاميم قالت لي التصاميم تحفه ابدعتي احلا من التصاميم ديك كيف انتي عملتي كل هاد والله رياض طلع ينخاف منو مين يلي بحاول يفشل العرض قلت ليه ماعارفه يلا نبلش قالت لي وين أرام وجون ماعندنا وقت نسيبه جات داخله وكانت بتعاين في التصاميم وقالت التصاميم ماكنت كلها مشرطة كيف ودا شنو انا مافاهمة حاجه رياض قال ليه اسه ماعندنا وقت لي الشرح يلااا وين العارضين كلهم موجودين الا أرام وجون
خالد كان واقف يعاين وساكت بدينا نجهز وارام وجون مختفين انا طلعت اتصلت لي طارق وعلي قلت ليهم تعالو جو قلت لي على عايزه انت تغني في العرض
وطارق يكون بديل لي جون طارق طويل اخضراني جسمو رياضي في الأول اتردد ورفض قلت ليو دا كلو تعبي عليك الله وافق بس العرض دا
قال لي تمام واتحركنا طارق لبس ملابس جون وانا لبست ملابس أرام كنت واقفة واعاين في العروض انصدمت لما شفت عرض أزياء لي شركة تانيه عليه نفس التصاميم الاتشرطتت الكنا عايزين نقدمه والصدم الأكبر لما شفت أرام وجون في العرض مع عارضي الازياء وقفت مصدومة معقول الخاينه أرام ومعها جون
جا دورنا علي كان بغني صوتو رهيب اتحركو العارضين التصاميم كانت رهيبه شايفه نظرة القبول في الوفد وفي الحضور
حركة العارضين ولبسهم وصوت علي كان ابداع
جا دور طارق كان متوتر قلت ليو يلا عشاني ودا حلمي يلاااا واتحرك بجد طارق ابدع كان ماشي بكل ثقة وهيبه انا انصدمت فيو كانو عارض أزياء ومحترف
جا دوري كنت متوتره بس متحمسة قلت دا حلمي وانا لازم احققو تعبت شديد ماعايزه تعبي يمشي على الفاضي عملت زفير وشهيق و اتخيلت كيف انا كنت بحلم بي اليوم دا
الإضاءة اتغيرت وعلي كان بغني وانا اتحركت كانت كل خطوة بخطيها تحدي لي ولي حلمي مشيت بكل ثقة ورافعه راسي وقفت ولفيت شايفه الكل قام يصفق رجعت تأني جا طارق ورجعنا مع بعض جا رياض وقفنا معاو واتحركنا وقفنا والكل وقف وصفق
رجعنا ودخلنا وانا داخله وقف جنبي واحد وقال لي بتي وكان ببكي انا عاينت فيو كنت عايزه اتحرك قال لي انا ابوك لما قال الكلمة دي وقفت وانا برجف التفت عليو عاينت فيو نفس الراجل الكان بعاين فيني لما مشيت الشركة أول يوم وقدمة ليو الحلاوة
جا رياض وقال ليو عمي
التفت على رياض وقال ليو دي بتي بتي وكان برجف وببكي جاي علي انا اترجعت رياض كان واقف مصدوم وانا جريت وطلعت من الصالة كنت جارية وكلمات الراجل بتترد في راسي دي بتي بتي كيف بنتو ودا منو الف سؤال في راسي ودموعي جاريه حاسه راسي عايز ينفجر وصلت البيت ودخلت غرفتي وقعدت في الأرض ابكي بتو كيف وهو منو ومعقول دا ابوي معقول أ انا عندي أهل واسره ام وأب اخوان اخوات[- خلف هذه القوة جراحٌ عظيمة
ترعبني فكرة أن يلمس أحدهم جرحًا حاولت طويلاً أن يلتئم.💔]
سمعت الباب بضرب قمت افتحو كان رياض ومعاو الراجل وعلي وطارق وياسين اتراجعت رياض قال لي اسمعي شوفي عايز يحكي شنو قلت ليو انا ماعندي أهل ولا عايزه يكون عندي كنت ببكي وبرجف رياض جا قال لي سحر طيب تمام تمام انتي ما تبكي ومد لي يدو وانا كنت بتراجع وهو بجي علي كنت شايفه طشاش طشاش وبكورك وببكي وين كانو وليه اسه ظهرو وتاني ماحسيت بي حاجه
فتحت عيوني وحاولت اتحرك علي قال لي انتي كويسه التفت لقيت نفسي في غرفة في المستشفى قلت ليو كويسه كويسه قال لي انا بتمنا بس اعرف حاجه عن اهلي امي منو ابوي عندي اخوان اخوات اعمام خالات دموعي نزلو قال لي اسمعي عشان تعرفي عن اهلك مانفسك تعرفي قلت ليو نفسي كنت كل يوم بمشي المكان الجدعوني فيو من يوم ماما حليمة قالت لي لقيناك في وقبل ما اكمل انفتح الباب ودخل وقال في الحاوية الجنب جامع...... وانا عاينت لقيتو الراجل وكان ببكي التفت منو جا قعد جنبي قال لي عارف انوةانتي اتوجعتي كتير وعارفه مهما قلت ومهما حكيت انو مابقدر اخفف عنك ولو شوية من المريت بيو قلت ليو امي منو واسمها منو وهي وين عندي اخوان اخوات وانا بسأل فيو بطريقة سريعه قال لي انا بحكي ليك اي حاجه بس عايزك تعفي لي وتسامحيني اول حاجه
وحكي لي وانا قمت اكورك فيو وأبكي لما جا الدكتور وكانو بهدو فيني وتاني ماحسيت بي حاجه فتحت لقيت علي وطارق وياسين قالو لي سحر انتي كويسه قلت ليهم ممااااعايزه اشوفو ونهاي ماتخلو يدخل انا ماعندي أهل وماعايزه يكون عندي ودموعي نزلو علي قال لي تمام مابتشوفي تاني بس انتي ارتاحي وماتفكري في حاجه
دخل رياض قال لي ماعايزه تعرفي الحصل شنو في العرض قلت ليو اها العرض قال لي اختارونا واختاروا شركة ..... الكانو فيه أرام وجون قلت ليو الف مبروك قال لي انا الببارك ليك الفضل كلو ليك
قال لي اسه ارتاحي وبنتكلم بعدين في التفاصيل حمد لي السلامة وطلع
رجعت نمت ناس علي طلعو غمض عيوني واتذكر في كلام ابوي ولا الراجل ودموعي جرت
كنت بتمنا اعرف امي منو ونفسي اشوفها واسه طلعت ميته وطلعت جاية بطريقه ماشرعية يعني حتي لما عرفت اهلي عرفت انو انا بنت حرام ياريت لو ما عرفت وياريت لو مت في الحاوية كان ارحم لي من اعرف الحقيقة قعدت استغفر الباب انفتح دخلت وحده مغطيه وشها بي طاقيه قربت مني رفعت الطاقية كانت أرام قلت ليه انتي بعد العملتي ليك عين تجي وطلعت انتي الخاينه سرقتي تصاميمي وشرطتي التصاميم ليه عملت كده قالت لي انا سرقت فكرة التصاميم بس ما شرطهم ما انا الشرطت التصاميم
اي سرقت الفكرة لانو انا بسببهم وسبب انتقامهم خسرت اي حاجه انتي فاكره رياض هو الخسر انا خسرت معاو كنت اكبر عارضة أزياء في تركيا وبسب انتقاهم ادمرت اسه انا ما انتقمت منهم بالعكس انا كان هدفي ارجع زي ما كنت بس ما مع رياض
لا مع شركة تانيه لانو عارفه انو رياض وشركتو ماراح تنجح انتي فاكره انو انتي معهم بتحققي حلمك وقعدت تضحك قالت لي انتي داخله في حرب وكلها انتقام
الفي الشركة كلهم بحاولو ينتقمو من بعض وما انا العايزه ادمر الشركة وانتقم من رياض وخالد ونسيبه ونفين والشركة
انت فاكره الكل كويس وضحكت العايزه ينتقم منهم لسه موجود في الشركة انتي لو عايزه تعرفي الحقيقة اسأل من وحده اسمها نورس هي سببب كل الانتقام دا انتي في الشركة دي قاعده تخسري حلمك وتتدمري فيو ومابعيد تخسري نفسك زي نورس
انا جيت حذرتك وانتي حره
انا مسافره تركيا مع الشركة الفازت لو لسه عايزه تشتغلي مع رياض بنتلاقة في تركية يلا سلام ياحلوه رجعت لبست الطاقية وطلعت
انا مصدومة في الدوامة الدخلت فيها وفي كلام أرام انتقام وما انتقام ونورس وفي واحد عايز يدمر الشركه
وانا سرحانه جات داخله نفين قالت لي حمدلله على السلامه قلت ليه نفين بتعرفي وحده اسمها نورس عاينت فينيةمساافه وقالت لي وهي بتمتم نورس مين قلت ليه خلاص انسي قالت لي اسه كانت معاك أرام صح لانو شايفه وحده طلعت منك ولابسه طاقية وعرفتها أرام قالت لي هاي مجنونه واكبر دليل العملتو في العرض اي شي حكتو بكون كذب بدها تبعدك من الشركة مشان تفوز اهي والشركة الفيها قلت ليه ماعارفه والله ماقادره افهم حاسه انو انا في متاهة وماقادره اطلع منها قالت لي ماتفكري كتير اي حاجه بوقتها حلو نحنا عنا لسه عرض وبدنا نربح فيو قالت لي خالد ولا رياض حاسه انو انتي مامبسوطة مع خالد انتي متأكده انو انتي بتحبي خالد وبدك تكملي حياتك معاو عاينت فيها قالت لي حاسه انو. عيونك بتحكي غير وانو انتي واقعه في حب رياض ما خالد...[أحــاول الـــثــبــات وكُــل مــابـي مُـبـعـثر💔[..يتبع