رواية احلام ودموع الفصل الرابع عشر 14 بقلم ماريه عبدالله مسعود
#أحلام_و_دموع_١٤
#بقلم ماريه عبدالله مسعود
عارفين جملة ( انا في حرب انت لا تعلم عنها شيئا)
دي اكتر جمله بتـ relate لاي حاجه الفتره دي بجد ومن غير اي اڤوره
الواحد بيحارب ٢٤ ساعه
بيحاوب شعور سلبي مسيطر عليه
بيحارب كلام سئ بيسمعه
بيحارب negative energy محيطه بيه من كل اتجاه
بيحارب احباطه وتفكيره الزايد وبيحارب استسلامه للوضع الحالي و تسليمه للاكتئاب والقلق
بيحارب عشان يبقى احسن واصفى وانقى واهدى
بيحارب عشان يفضل يحب الي بيحبهم وميتغيرش ناحيتهم
يفضل -عارف- يتمسك بيهم
بيحارب عشان يفضل يعرف يقدم حسن النيه ويشوف خير ف الناس بعد الي بيشوفه
بيحارب يفضل زي ماهو نفس الشخص الي اتعود يكونه
عشان كل حاجه حواليه بتحارب هي تخليه العكس ..
حقيقي خُلق الانسان في كبد فعلا
💔
سحر بنت المايقوما
عاينت في نفين وقلت ليه ماعارفه والله حاسه نفسي ضايعة شديد قالت لي لا تفكري كتير وحاولي ارتاحي خالد ولا رياض الاتنين منيحين قالت كده مع ابتسامة باردة وطلعتت
ختيت راسي في السرير وانا افكر ابتسامة نفين فيها حاجه ماطبيعية حاسه انو خالد و رياض ونفين ونسيه وارام عندهم سر وكلهم الغاز وماواضحين
قلت انا افكر في شنو ولا شنو ابوي الظهر ولا العرض ولا كلام أرام ولا كلام نفين اخ بس الباب ضرب ودخل خالد قال لي خوفتينا عليك الف سلامة عليك واسه كيف انشاء الله كويسه قلت ليو الحمد لله وقعد في الكرسي الجنبي قال لي ألف مبروك لي العرض فرحت ليك كتير انت موهوبة وبتستاهلي الشركتين الفازو بي تصاميمك وانا بفكر نرفع دعوة عشان التصاميم الاتسرقت قلت ليو ماضروري ماعايزه ادخل نفسي في دوامة تانيه قال لي وانت اسه داخله في دوامه ولا شنو عاينت فيو قلت ليو بتعرف نورس عاين فيني وظاهر فيو انصدم قال لي نورس قلت ليو اي قال لي جبتي الاسم دا من وين وكان مخلوع وبتمتم وتحس بيو خايف قلت ليو انا سألتك سؤال وانت رديت لي بي الف سؤال قال لي لا لا مابعرف وحده اسمها نورس ولا مر علي الاسم دا يلا ارتاحي بنتكلم بعدين عايز يطلع وقف جنب الباب والتفت علي قال لي بالنسبه لي موضوع ابوك عمو وليد راجل طيب شديد وانا ماكنت بعرف عندو بنت الا لما هو حكى بيك وكان بفتش ليك ماتقسي عليو والله تعب شديد عشان يعرف مكانك
وطلع فات قلت نفين وخالد من قلت نورس الاتنين انصدمو وظهر فيهم الخوف الاسم دا عندو قصة وانا لازم اعرفه معقول كلام أرام صح انو البحاول يفشل العرض عندو علاقة بي اسم نورس قمت من السرير وطلعت لقيت علي وياسين وطارق قاعدين برا قلت ليهم انا ماشه البيت واتحركت اتحركو معاي جا علي الراجل الاسمو وليد قبل ما يتكلم قلت ليو لو مفتكر انو اجري عليك واحضنك واسامحك تكون غلطان انت ماعارفه انا مريت بي شنو
من وانا قمت في الدنيا دي ماكان عندي السند ولا عندي الكتف البميل عليو كنت ببكي وبضحك بفرح وبحزن بنوم وبصحه وانا براي اي خطوة خطيتها في الدنيا دي انا كنت براي واسه انا مامحتاجه ليك ولا محتاجة لي أسرة كنت بحلم يكون عندي بس اسه انا ماعندي اي حلم
كنت بمشي يومي المكان الكنت مجدوعة فيو بقعد وبنتظر بنتظر يجي جنبي زول ويقول لي انا امك انا ابوك انا اخوك انا خالك...الخ بس ولا يوم حصل وكويس ما حصل عشان ما اعرف انو انا جاية نتيجة من غلطة منك ومن امي وانو امي نهت حياتها عشان انت اتخليت عنها وعشان جابتني في الدنيا دي انا منبوذة في المجتمع وطول عمره بكون كده ما مسامحك ولا بجي اليوم البسامحك فيو
واتحركت وصلت البيت دخلت استحميت وصليت ونمت في السرير جا علي ضرب الغرفة قلت ليو علي ماقادره اتكلم والله خلوني برااااي وبس
دخل كان شايل ليو اكل قال لي لو انتي ما اكلتي انا ما باكل انتي عارفه انو من يوم لقيناك في البيت انتي بقيتي لي اي حاجه اخت ام صديقه خاله عمه بقيت كل دنيتي سحر وجعك وجعي والمك المي لو نزلت منك دمعه انا بنزل مني الف ولو نزلو منك الف انا بنزلو عليك دم سامحي عشان تقدري تعيشي مابقول ليك امشي عيشي معاو او عاملي زي ابوك سامحي عشان قلبك يرتاح
عاينت مسحت دموعي قلت ليو جاي اكل انا جيعانه ضحك قال لي ما اكتر مني جاب الصينية وخت الاكل اكلت من غير نفس رفعت يدي شال الصينية جاب شاي وبندول وجا قال لي اتفضلي شلت البندول قلت ليو كيف عرفتني مصدعة قال لي عيونك محمره شديد وفي عروق واضحه جنب عروقيك وكل دا من التفكي واكيد بكون عامل ليك صدع عاينت فيو قلت ليو اها يادكتور ابتسم ومد لي الحبوب شلتها و بلعت وشربت الشاي وهو اتحرك رجعت نمت
صحيت متأخره قمت اتسوكت وصليت وانا في المصلاية علي جا ضرب الباب ودخل قال لي الشاي ارح نشربو في العريشه احسن ما تقعدي تشربي براك
ماناقصين نمشي ليك في التجاني الماحي وضحك قلت ليو منو القال بمشي التجاني بقعد ليكم هنا وتجنو معاي قال لي بنتحمل جنك ونجن معاك وانتي تتحملي جنونه نقعد نتحمل في بعض
ضحكت قال لي ماتخلي الضحكة تفارقك مافي حاجه في الدنيا بتستاهل الزول يحزن عليه
قمت معاو وصلت العريشه لقيتهم عاملين الشاي وجايبين زلابية قعدنا نشرب وعلي يتكلم ويضحك فيني طارق قال لي في العرض قربت أقع ياخي كنت متوترة ضحكت قلت ليو ماظاهر فيك كنت كانو عارض زياء لو سافرنا بتمشي معانا ماعايزين نفقد عارض أزياء محترف قال لي تصدقي وانا ماشي في العرض لقيت نفسي حاسه انو دا حلمي قلت ليو حلمنا واحد التفت لي علي قلت ليو أبدعت صوتك كان مبالغة فيو
قالي ماصدقت انو انا اغني في عرض أزياء مشهور و بمناسبة العروض ياسين محترف في التصوير التفت عليو قلت ليو يلا كده نحنا فريق قعدنا نضحك
ونحنا بنتونس في صوت عربية و الباب ضرب طارق فات فتحو سامعه يسلم عاينت لقيتهم كم شاب واضح عليهم ناس مرتاحة
سامعه اتكلموا مع طارق طارق جا قال لي علي علي الناس دي جات عشانك علي اتحرك وسلم واتكلم معهم هم طلعو وهو اتحرك علينا جا وقف وكان مصدوم قلت ليو مالك قال لي دا منتج وقال انو حضر العرض وعجبو صوتي وانو عايز ينتج لي اغاني قلت ليو اهااا وانت رايك شنو قال لي دي حلم وانا قلت مستحيل انو يجي يوم ويتحقق واسه بسببك اتحققك من يوم عرفناك غيرتينا شديد انت عارفه انو نحنا كنا منتظرين البجي يمد يدو لينا ويساعدنا انتي الجيتي ومديت يدك لينا ومهما عملنا مابنقدر نوفي العملتي فينا قلت ليو ما عملت شي انا كنت محتاجه ليكم ومحتاجه يكون عندي اخوان زيكم طارق قال ليو علي الف مبروك وقام حضنو وياسين جا حضن علي وبارك ليو
مشيت الغرفة اتصلت علي نفين قالت لي تعالي الشركة عاملين إجتماع مشان السفر لي تركيا اتحركت لبست جيت اطلع لقيت وليد جنب الباب قال لي يابتي قبل ما يكمل كلمو قلت ليو ما بتك وماعايزه اكون بتك كنت عايزه اتحرك قال لي وهو ببكي انا الله عاقبني وانا عرفت غلطي كنت بدعي يومي انو الله يجمعني بيك قبل اموت كنت عايز اطمن عليك اعفي لي
قلت ليو مهما قلت انا مامسامحاك واتحركت دموعي كنت جاريه وقفت منتظرة المواصلات
جا وقف كنت عايزه اتحرك جات حافلة والناس دي كلها جرت عليه انا اتحركت سريع عليه وقفت ادافر لقيتو واقف ويدافر لي عشان اركب ركبت وهو ماقدر يركب عاينت بي الشباك لقيتو واقع في الأرض قلبي وجعني عليو شديد قمت سريع وقفت جنب الباب لقيت شاب رفعو وانا اعاين في الحافلة اتحركت رجعت قعدت في المقعد وصلت الشركة جنب الباب لقيت خالد قال لي زعلانه مالك قلت ليو مازعلانه قرب مني قال لي عيونك فيها باقي دموع كان عايز يحرك يدو على وشي انا بعدت رياض جا كان داخل على الشركة خالد قال لي سحر عاينت فيو قال لي بريدك بي وكان بقوله بصوت عالي سحر انا بريدك رياض عاين فينا واتحرك وانا وقفت مصدومة من كلمتو ابتسم وقال لي اها ماعايزه تقولي حاجه قلت ليو اه اااااا ماعندي حاجه اقولها يلا ندخل قال لي يلا واتحركنا دخلنا وصلنا غرفة الاجتماعات رياض قال لينا مابدري خالد ضحك قال ليو انت عارف انو نحنا مخطوبين وكنا مشتاقين لي بعض خالد زحة الكرسي وقال لي اتفضلي
رياض قال لينا لو انتهتو خلونا نبدأ كان مربع يدينو ورافع حاجبو نفين ضحكت وقعدت تهببب بي الهبابة نسيبه قالت الله لينا
رياض اتكلم وقال نحنا عندنا الاسبوع دا عايزين نخت خطة لي العرض عشان نهاية الأسبوع بنسافر اول شي بنسافر انا وسحر في نص الأسبوع دا
وانتو بتسافرو نهاية الأسبوع عندنا شغل في الشركة عايزين نخلصو خالد قال ليو ومانسافر انا وسحر رياض قال ليو انا ريئس الشركة وسحر كانت المصممة لي العرض الفات نسيبه قالت ليو تسافر معاك نفين قال ليه نفين محتاج ليه في الشركة لازم انتو تكملو الشغل الهنا وبعدين تسافرو الاجتماع
خلص وطلع نسيبه كان واضح علية زهجانه ونفين تهببب وتتبسم وقالت والله رياض محد يقدر عليه عارفه كيف يلعب صح
التفت على خالد وقالت ليو بيبو حياتي شايفه المويه بتجري من تحتك وقعدت تضحك خالد كان زهجان وقال ليه مستحيل سحر تسافر مع رياض واتحرك طلع انا قمت وطلعت كنت ماشه على المشغل لقيت رياض قرب مني وقال لي الفارغة ما تقولوها هنا في الشركة دي لو سمحتي وكان زهجان شديد قلت ليو اي فارغة قرب زياده وعاين في عيوني انتي عارفه انا بتكلم عن شنو قلت ليو وانا بتمتم عن شنو قال لي بريدك انصدمت ونططت عيوني ابتسم وقال لي بقصد لما خالد قال لي انا بريدك وضحك واتحرك انا مسكت قلبي كان بضرب شديد
ماعارفه من قربو لي ولا من نظراتو ولا من كلمة بريدك جات نفين قالت لي الشال قلبك يتهنا شايفتك وقعتي الكل فيك بس تستاهلي لانو انتي جميلة بس حاسبي من الحيه البتزحف جنبك لاتروح تلدغك وضحكت وفاتت
سرحت في كلامة قلت انا اكمل لي النهاية ولا اقدم استقالتي لانو حاسه انو انا ماقادره افهم واحد فيهم الفي الشركة ديل كلهم ماواضحين
ليه خالد لما قال لي بريدك كان صوتو عالي وقال لي من شاف رياض ليه كانو عايز يسمع رياض الكلمة
حاسه في شي بين خالد ورياض وليه رياض بحاول يقرب مني
اسه كلمة بريدك هو كان بقول فيه كانو قاصده صحيت بصوت بقول لي لو خلصتي من كلمة بريدك يلا عندنا شغل التفت كان رياض وهو بضحك قلت ليو انااااا قال لي انتي شنو قلت ليو ماكنت بقصد كنت بفكر
قرب قال لي بتفكري في شنو قلت ليو ولا حاجه قال لي بريدك
عاينت فيو قال لي كنتي بتفكري في كلمة بريدك انتي عايزه تعرفي يعني شنو بريدك ولا انتي مصدومة عشان سمعتيها من خالد ولا عشان انا قلت ليك بريدك لما قالها ليك خالد وابتسم قلت ليو كلامك زي المتاهة الموجودة في الشركة دي ضحك قال لي المتاهة دي حلوة عشان فيها تحدي وانا بحب التحديات وانتي كمان زي المتاهة في شركتي حلوه وساحره
واتحرك قال لي يلا
اتحركت معاو خلصنا شغل واتحركت طلعت من الشركة قلت اشوف خالتو علوية مشيت عليه ضربت الباب فتحت لي وحده من بناتها سلمت عليه وسالتها من خالتو علوية قالت لي امي سافرت لي خالتي قلت ليه سلمي عليه قالت لي الا تدخلي تشرب ليك حاجه قلت ليه مره تانيه واتحركت اتصلت بي نوره ام يقين سلمت عليها وسألته من يقين قالت لي كويسه قفلت منها وصلت البيت لقيت ناس علي طالعين
علي قال لي كنا منتظرنك يلا قلت ليو وين قال لي اتصل علي المنتج وقال لي عايزك تجي الاستديو قلت ليو مشاء الله بتوفيق قال لي يعني ماماشه قلت ليو مابقدر قام رجع قعد في السرير قلت ليو ماشي ولا شنو قال لي انتي ما ماشه وانا كمان بطلت
قلت ليو ماجادي قام جا علي قال لي انا عايزك تكوني معاي طارق صفر وياسين ضحك علي صر فيهم قال لي عايز اول اغنية لي انتي تكوني واقفه وتشجعي فيني عايزة اول خطوه من حلمي تكوني جنبي قعدت اعاين فيو واضحك قلت ليو شافع ياعلي بتين عرفت تتكلم طارق ضحك وقال ليو علي سحر شايفاك شافع علي قام طلع جريت لحقتو وناديت ليو وانا لسه بضحك قلت ليو ياخي راجل وسيد الرجال يلا ارح التفت علي سريع وعيونو نجوم نجوم قال لي يعني موافقة قلت ليو اي قال لي موافقة تتزوجيني ضحكت قلت ليو موافقة امشي معاك قال لي تمشي ولا تتزوجيني قلت ليو ماتكون لسه بتشرب ضحك وقال لي لا بطلت
جو ياسين و طارق واتحركنا علي كان بغني وطارق قال ليو لما نصل صوتك بختفي وبطرونا ضحكت عليهم
وصلنا الاستديو المنتج قال ليو اول حاجه احساسك عالي ومتمكن وصوت تحفة فنية ومامحتاج اي تدريبات انا لما سمعتك في العرض اتخيلت البغني دا فنان مشهور نهاي مما اتخيل واحد. عندو ١٩ سنه صوتك سابق سنك
مد ليو ورقة قال ليو يلا واتحرك معاو
انا وطارق وياسين وقفنا برا الغرفة كانت من زجاج لبس السمعات والموسيقى اشتغلت وهو كان شايل الورقة والمنتج بغني ليو عشان يعرف اللحن علي كان كل شوية يرفع راسو ويعاين فيني
بعد ما المنتج قال ليو اللحن مسك الورقة
وغنه والله يـــا أســـمــر
يــا رائــع الـمـنـظر
مـمـشوق قــوام فـاتن
جــل الالــه صــور
وجـهـه الـقمر ضـواى
بــدر الـسـما الـنـور
ادعــج كـحيل نـعسان
وردي الـخـدود مـحـمر
وعـيـون كـتير حـلوين
مـــن طـبـعهم فـتـر
شـعـرك ســواد الـليل
مــن نـسـمة يـتـبعثر
والـحـكمه لــو يـبسم
بـحـرفا خـريـفه هـدر
فـى نـغيمه احـلى نـغم
مـوسـيـقى تـتـصـور
سـلـب الـعقول جـذاب
مــا شـفنا زيـه بـشر
حرفيآ علي مبدع صوت رهيب المنتج قال ليو روعة روعة الأغنية دي لو نزلت حتعمل ترند وحتشتهر
علي عاد الأغنية كم مرة والمنتج كان كل شوية يصلح فيو واخر حاجه علي غنها بحسس رهيب بخلي الواحد يسرح معاو
المنتج وقف صفق ليو قال ليو انت من اسه مشروع نجم انتها من تسجيل الأغنية المنتج قال ليو في اورق حتوقع عليه عشان العقد لي شركة ... علي خلص وطلعنا
علي قال لينا عازمكم عشاء طارق قال ليو خلاص عايز تعيش دور النجم علي قال ليو ياخي خليني اعيش
علي جا قرب مني قال لي رايك في الأغنية المنتج كان عندو اغنية غير دي بس انا اخترت دي عشان اول غنية تكون ليك ولي سمارك ياسمره يارائعة المنظر ممشوقة قوامها فاتن جل الاله صور عاينت فيو ابتسم قلت ليو الأغنية يعني لي عاين فيني مسافه وخته يدو في شعرو وابتسم وقال لي يس عشانك ياسحر
ضحكت قلت ليو علي انت متأكد عمرك١٩ قال لي ١٩ وشلت منك خمسه سنوات وقعد يغني ياسمرة وديل يشيلو معاو وصلنا مطعم طلب لينا الاكل قعدنا ناكل لمحت خالد معاو نسيبه قاعدين عاينت فيهم خالد جا علي وسلم قال لي انا ونسيبه قاعدين نجهز عشان السفر قلت ليو اهاا
علي قال ليو في شركة افتكر وفي اليوم كلو تجهزو بليل وفي مطعم خالد قال ليو وانت شنو عرفك بي شغلنا
علي قال ليو مابعرف بس ما غبي عشان أصدق كلامك خالد انفعل فيو انا وقفت قلت ليهم ممكن تبطلو نسيبه جات سلمت وكانت بتضحك قالت لي أو سحوره جايبه معاك عصابة
قالت لي خالد خلينا نتعشا معهم وقعدت خالد قعد وكان بعاين فيني وفي علي
علي كان زهجان وواضح فيو طارق حرك يدو في كتف خالد وغمض ليو عيونو علي نزل راسو ياكلو
خالد قال لي ممكن ماتسافري مع رياض وخلي نسيبه تسافر قلت ليو انا ماعندي مشكلة انت اتكلم مع رياض قال لي رياض كلمتو وحده ومابتراجع قلت ليو لي خلي الموضوع لي بكرا وقعدنا نأكل خلصنا وطلعنا خالد قال لينا ارح اوصلكم علي قال ليو شكرآ ووقف ركشه وقال لي ارح
خالد وقف قال ليو سحر بتمشي معاي علي قال ليو جات معانا وبترجع معانا انا وقفت اعاين فيهم خالد قال لي يلا على مسكني من يدي وكان زهجان شديد وقال لي اتحركي اتحركت معاو وركبت الركشة عاينت لي خالد كان واقف مربع يدينو ورافع حاجبو ونسيبه وقفت جنبو وكانت بتضحك
الركشه اتحركت قلت لي علي ليه اتصرفت كده قال لي صح هو خطيبك لكن انا برتاح ليو صدقني فيو حاجه كده مامريحة طارق ضحك قال ليو علي اها وتاني فيو شنو رايك شنو لو سحر فسخت الخطوبة علي التفت عليو سريع وقال لي طارق بطل هبل وأسكت عليك الله وصلنا البيت نزلت استحميت صليت وطلعت نمت خالد كان متصل مارديت عليو وتاني ماحسيت بنفسي الا مع أذان الصبح صليت وعملت الشاي علي طلع الجامع وجا شرب معاي الشاي قال لي سحر انتي متأكدة عايزه خالد عاينت فيو وقلت ليو لو ماعايزة ماكنت وافقت قال لي انا شايفه انو انتي ما مبسوطة سكت مارديت عليو شال كباية الشاي وطلع قعدت افكر في كلامو فعلا ما مبسوطة انا الجابرني شنو على علاقة زي دي وعقلي كان وين لما وافقت انا لازم احسم الموضوع دا الليله عاينت في الدبلة فعلا خالد فيو حاجه مامريحة والفي شركة كلهم كمان
لبست وانا مقرره انو ارجع الدبلة لي خالد طلعتها من يدي واتحركت على الباب لقيت وليد برا من شفتو اتحركت سريع وهو بنادي علي سحر يابتي اسمعيني اتحركت وصلت المواصلات وركبت شايفو وقف جنب الحافلة ويعاين فيني الحافلة اتحركت وصلت الشركة جيت ادخل لقيت خالد قلت ليو عايزه اتكلم معاك في موضوع عاين فيني وقال لي بعدين اسه انا مستعجل ودخل الشركة
وقف جنبي رياض قال لي دايمآ سرحانه انتي شايفه خالد الزول المناسب ليك التفت عليو وقلت ليو يس ودا موضوع برا الشغل مامفترض تتدخل فيو
وبعدين علاقتنا علاقة مدير بي موظفه لا اكتر ولا أقل واتحركت جراني من يدي وقال لي مابسمح ليك تتكلمي معاي كده انتي فاكره نفسك منو قلت ليو انا رديت عليك على حسب سؤالك قال انتي وحده مستفزة قلت ليو ما اكتر منك رفع حاجبو وابتسم قال لي وحتى وانتي زهجانه حلوة
اتحركت وقف قدامي وقال لي سوري عشان اتكلمت في حاجه ما بتخصني وسوري عشان زعلتك واتحرك
دخلت لقيت نفين ونسيبه وخالد قاعدين يتونسو سلمت عليهم واتحركت على مكتبي نفين جات قعدت تتونس معاي انا كنت في عالم تاني حرفيآ بطني طمت من الشركة والناس الفيه لانو بحس بيهم عندهم كم وش ماوش واحد وماواضحين قلت تاني علاقتي تكون في حدود الشغل وبس
جا خالد قال لي اها نتكلم هنا ولا نطلع نفين اتحركت على مكتبة خالد كان واقف قلت ليو هنا قال لي طيب ارح مكتبي اتحركت معاو وصلنا قعد في الكرسي قال لي اقعدي قعدت قلت ليو خالد انا وانت مابينا اي قسمة انا وانت مامناسبين لي بعض مديت ليو الدبلة قلت ليو ربنا يرزقك بي بنت الحلال
شال الدبلة وقعد يلعب بيها بي يدو كان ساكت عايزه اتحرك قال لي كنت فاكر انو بتحبيني التفت عليو لقيتو مبتسم!!قلت ليو ماكنت بحبك ولا معجبه فيك كان احترام شفتك شاب محترم وكويس ومافي سبب يخليني ارفضك قام جا علي وقال لي واسه قلت ليو زي ما انت لسه شاب محترم وكويس بس ماكان بينا اي تجاوب ولا مشاعر بعد الخطوبة انا زي ما انا وانت زي ما انت
قال لي وهو مبتسم ولسه ماسك الدبلة في يدو وبعاين فيه انا بفسخ الخطوبة بس بي شرط ورفع عيونو قلت ليو شرط؟قال لي اي انو انتي ....
[لو هتمنى أُمنية واحدة هتبقى إن كُل الناس تبقى صريحة وبمعنى أدق "دُغريه"
مابتحبني؟ ماتتصرف على أساس إنك بتحبني
عايز تقول لي كلمتين تحت مُسمى الهظار؟ قولهُم جَد وهحترم شجاعتك صدقني مابزعل وعندي رد لكُل حاجة انت حتقولها
مافي أي حاجة ف الدُنيا تجبرك تتصرف معايا بطريقة غير اللي جواك من ناحيتي
أنا ما كاتبة عليك وصل أمانة🙂💔.[.. يتبع