رواية احلام ودموع الفصل السابع عشر 17 بقلم ماريه عبدالله مسعود
نحن لسنا بحاجة إلى أشياء عظيمة وعميقة وخارج نطاق المألوف بقدر حاجتنا إلى أن نعيش بهدوء وبسلام بحاجة إلى قلوب حنونة تأخذ بأيدينا نحو الطمأنينة تفرح معنا وتحزن لنا وتخفف عنا الألم والقلق وتساعدنا على النهوض عندما تهدمنا الحياة💔
سحر بنت المايقوما ✨️🤍
التفت عليو وعاينت فيو بي حيره قال لي وهو برجف وبتمتم في الكلام تت تت تشبهي ياسمين وانا عارفه اسم ياسمين كان اسم امي لانو ابوي قال ليه اسمها ياسمين قال لي انتي منو قلت ليو انا سحر قال لي امك منو قلت ليو بقولو اسمها ياسمين قال لي انتي بنت ياسمين اختي ودموعو جرو حاول يحضني رجعت لي ورا قال لي امي امي كيفه وياسمين اختي قلت ليو مابعرف قال لي كيف مابتعرفي اتحركت منو وانا برجف جا علي قال لي انا خالك قلت ليو انا ماعندي أهل وياسيمين وامك ديل انا مابعرفهم واتحركت قال لي ردي علي انتي امك اسمها ياسمين قلت ليو انا اتربيت وعشت في المايقوما ومابعرف حاجه غير انو امي اسمها ياسمين قال لي احكي لي هي وين قلت ليو قالو لي اتوفت دموعو نزلو وقال لي وامي قلت ليو وكمان اتوفت خليتو يبكي واتحركت كنت بارده شديدد
كورك لي ماتو كيف كيف ماتو والحصل شنو انا انا انا كنت جبان شديد مفترض اقيف معهم حتى لو هي غلطت مفترض امشي أحاسب الكلب الغلط معها بس انا هربت وخليت اي حاجه حتى ابوي الميت والكان واقع في الأرض انا ما دفنتو وكان ببكي جيت وقفت جنبو ومسحت دموعي قلت ليو اقول ليك كيف ماتو انا بعد ما عمري حصل كم وعشرين انتو ظهرتو !!
وليد الا هو ابوي قال لي انو امي اتصلت بيو قبل ماتموت طبعآ حكت ليو انو هي جابتني في الدنيا وجدعتني في حاوية الوسخ وابوي طبعآ ما اشتغل بي الموضوع بعد اكتشف انو الله عاقبو بعدم الولاده جا يفتش لي وسأل من امي حكو ليو الناس الحضرو الحادث انت عارف امك الاهي حبوبتي وامي ماتو كيف حبوبتك بعد جدعت الطفلة في حاوية الوسخ الا هي انا وقالت لي امي ماعافيه ولا رضيانه منك وقفت في الظلط ودخلت فيه عربية امي ما اتحملت وهي كمان وقفت في الظلط في يوم واحد في طفلة خسرت أهلها وانجدعت في حاوية وسخ بسبب غلطة هي ماعندها فيه ذنب بدل تكون قاعده جنب امها والناس فرحانه عشان جات الدنيا ابوها يضبح خاله يجي يشيلها ويسلم عليه جدها يعزم الناس لي الكرمة وامها تكون فرحانه و حبوبتة تشيلة وتغني ليه ابوها يجي يأذن ليه
هي انجدعت في اوسخ مكان في العالم وتحركت سريع وتاني جريت ماعايزه ماعايزه ارجع تاني لي نفس البنت البتكون واقفه في الحلم شايلة عروسه وقاعده في الظلام منتظره يد تتمد ليه
ركبت المواصلات وصلت البيت دخلت غرفتي اننجدعت في السرير وانا ابكي وتاني ماحسيت بي أي حاجه
صحيت بصوت علي قال لي قومي اكل ليك حاجه يازولة انتي نايمه ليك ٥ساعات عاينت في التلفون لقيت الساعه ٨بليل قمت دخلت الحمام استحميت واتوضيت صليت علي جا شايل ليو صينية
قلت ليو لي ماصحتني قال لي شايفك تعبانه قلت اخليك ترتاحي شوية
يلا ناكل انا ميت من الجوع قلت ليو ليه مالك مااكلت قال لي اكل كيف وانتي ما اكلتي كنت نايمه والدموع في عيونك قال لي عشان موضوع الا ستقالة ولا في موضوع تاني قلت ليو ساي كنت زهجانة وبس يلا نأكل قمت اكلت معاو كان بحكي لي بي المعجبين وانو لما يطلع الشارع الناس كلهم بتتصور معاو قلت ليو واحساسك شنو قال لي مبسوط وشديد قلت ليو ربنا يديمها ليك بعد اكلت اتحركت قعدت ارسم في التصاميم باقي ٤ ايام لازم إخلص من التصاميم قعدت ارسم لما سمعت أذان الصبح قمت صليت ونمت شويه صحيت عملت الشاي وشلتو العريشه طارق قال لي قررنا نساعدك انا وياسين وعلي
الليلة قاعدين معاك شربنا الشاي وجو البنات وقعدنا نشتغل انا ارسم والبنات يقصو ياسين يصور في المودل طارق طبعآ مودل وانا عايزه يكون نجم العرض فيو كده حضور وهيبه طارق نوباوي طويل اخضراني عيونو سودا حواجبو هلالية غزيره شعرو مفلفل سبحان الخالق فيو كده جمال غريب
سمعت الباب بضرب مشيت فتحتو كان رياض قال لي جيت اساعد دخل علي وقف جنبي قال لي دا الجابو شنو ضحكت قلت ليو علي والشغل دا حق منو صره وشو وكان يراقب في رياض
رياض قعد جنبي وكان بعاين في التصاميم قال لي اسفه والله على كل حاجه انا والله هدفي اكبر الشركة واعوض الخساره الخسارتها في تركيا ماكان عندي هدف تاني غير دا قلت ليو بعد العرض دا انا بقدم استقالتي قال لي تمام وانا معاك
علي وقف جنبنا وقال لي سحر انا ممكن اساعدك ورفع حاجبو رياض اتحرك
علي قعد جنبي شايفه رياض كل شوية يعاين فينا علي كان بحكي في مواضع مضحكة علي بي طبعو هزلي شديد مستحيل تقعد معاو وماتضحك
قمت جهزت الاكل جا علي ساعدني اكلنا طارق ظبط الشاي
شايفه طارق يعاينن لي وحده من البنات وهي تعاين فيو نظرات كانت كلها إعجاب وياسين يشاغل فيو خلصنا جزء كبير من التصاميم رياض قال لي نفين شغاله في البيت انا قلت ليها سحر تعبانه الليلة مابتقدر تجي انا التصاميم دي عايزه لي العرض وعايزه تكون احسن من التصاميم ديك قلت ليو تمام رد لي يلا تصبحي على خير وطلع هو البنات قعدت ارتب في البيت واعاين في التصاميم انشاء الله نكسب العرض عشان التعب دا كلو يهون ٤ ايام ونحنا تعبنا فيها تعب نشتغل من الصباح لي الساعه ١ ومرات ٣ صباحآ
الليلة حنسافر تركيا جهزت شنطتي والتصاميم طلعت لقيت طارق وياسين جاهزين علي كان ماسك طارق من كتفو ياسين كان يطمن فيو
طارق وياسين وعلي من هم صغار نهاي مااتفرقو شايفهم يودعو في بعض وعلي كان حزين شديد
طلعنا لقينا رياض برا ركبنا اوصلنا المطار طبعآ انا ونفين خلصنا التصاميم وخليت باقي ليه شغل بسيط و قالت لي رياض بكمل باقي الشغل وبجيب التصاميم معاي
خالد تاني من آخره مره اتكلمت معاو فيه في موضوع الاستقالة تاني ماشوفت وصلنا المطار ولقينا نسيبه هناك منتظره قالت لي رياض مستحيل تسافر وانا ما معاك
ودعنا علي وركبنا الطيارة نزلنا جات عربية رياض جا وقف جنبي وهمس لي ماتقولي لي نسيبه بي التصاميم وانا بتصرف قال لي يلا اركبو عندي شوية شغل انا كلمت السواق ينزلكم في فندق.... نسيبه قالت ليو انا بنتظر معاك قال لي لا امشي مع سحر ركبنا العربية
رياض غمز لي ورفع يدو اتحركنا على الفندق وصلنا انا ونسيبه في نفس الغرفة وطارق وياسين في غرفة انا من دخلت الغرفه انجدعت في السرير حرفيآ مرهق اسبوع نحنا كنا شغالين ليل ونهار صحيت على صوت الباب عاينت لقيت نسيبه مافي فتحت الباب كان طارق وياسين قالو لي طالعين يلا نطلع قلت ليهم لا حنسوني وانا ماكنت قادره تعبانه شديد طلعو رجعت نمت صحيت على فتحت الباب كانت نسيبه دخلت وانا رجعت غمض عيوني تلفونه اتصل ردت وكانت بتتكلم وبتهمس همس كانو ماعازاني اسمع وسمعتها قالت ماتخاف اي شي تمام انا مقرره ارمي الدبلة في وشو ونفسي اشوفو خسران ومحطم
ماانصدمت من كلامة لانو انا عرفت اي واحد في الشركة دي عندو وشين
قمت صليت ولبست لي عباية وطرحه عاينت فيها كانت نايمه اتحركت براحه عشان اسحب التلفون واشوفها كانت بتتكلم مع منو سحبتو بس التلفون كان عليو رمز رجعتو وطلعت لقيت رياض طالع قال لي كنت عايز اقول ليك ارح نطلع اتحركت معاو وصلنا مطعم طلب اكل قعدنا ناكل جات نسيبه وقالت خيانه خيانه وضحكت قعدت رياض طلب ليه اكل قالت لي رياض اها عايزين تعملو تصاميم تانيه رياض قال ليه ونعمل تصاميم تانيه لي قالت ليو عشان المره الفات حصل وحصل وسحوره انقذت الوضع في آخر لحظه رياض قال ليه المره الفاتت كانت أرام وهي الخاينه وعرفنها وتاني ما اظن في
ابتسم واصل كلامو بس انا واثق انو تاني نسيبه دخلت الاكل في خشمها سريع وعاينت فيو قال ليه الخاين لسه موجود لانو من كنا بتركيا وانا خسرت اي حاجه بسبب الخاين فأكيد ماكانت أرام لانو أرام كانت النجمة وماكان بينا اي عداوه واسه هي عملت كده عشان كانت عارفه بي انو الخاين لسه موجود وممكن يخرب العرض زي العروض الخربت نسيبه عاينت فيو ونططت عيونها قالت ليو انت عارف الخاين قال ليه لا طبعآ ما ممكن يكون انتي او خالد أو نفين لانو نحنا من قمنا مع بعض صح نفين عرفنها في الفترة الاخيره بس مستحيل تعمل كده عاين فيها وغمز ليها قال ليه فكرك منو الخاين ضحكت وقالت ليو أمكن سحر قلت ليه افرضي انا بس انا ما كنت معاكم في تركيا الا كان شبحي كان معاكم رياض ضحك
قال ليه انا واثق بي العرض ح يكون لينا وابتسم
خلصنا اكل طلب شاي شربنا وطلعنا قلت لي رياض عايز الف في شوية قال لي تمام لفينا واتصورنا اتصلت بي طارق قال لي نحنا في حفلة تعالي وصف لي المكان اتجهنا عليهم حضرنا الحفلة ورجعنا الايام بتمشي اسبوعين وانا بطلع من الصباح معاي طارق وياسين نلف ونرجع المساء رياض تاني ماشوفتو الا كم مره صحيت بصوت نسيبه البتتكلم بي التلفون وبتقول خلاص قربنا لي النهاية التفت عليها انخلعت وقال يلا باي وقفل التلفون قلت ليه نهاية شنو ابتسمت قالت لي نهاية اللعبة وغمزت لي وطلعت نفين جات داخلة سلمت علي قلت ليه جيتي بتين قالت لي هلا وصلت وقالت لي يلا البسي خلينا نطلع وننبسط بدي افرجيك دار الازياء الا انا بملكو اتحمست شديد لبست وطلعت وصلنا نفين طلعت مبدعه ومشهورة شديد تصاميهم رهيبة ومابلبسو منها الا المشاهير قعدت اعاين في التصاميم لقيت التصاميم العملنها لي العرض مدت لي الكتالوج وقالت لي هاد الكتالوج لي العرض انا كملتو وجيت وقالت لي في حفلة لي افتتحاح العروض وفستان الحفلة هدية مني ليك قالت لي يلا تعالي شوفيلك فستان اتحركت معها شلت واحد ودخلت اجربو طلعت قلت ليه رايك
سمعت صوت خالد قال لي اميره وناقصك الأمير التفت عليو قلت ليو بتين جيت قال لي هربتي من آخر مره اتكلمنا فيها قرب مني وقال لي ما قلتي ماشه اسلم الاستقالة قلت ليو انت لي ماقلت لي بخصوص العقد والبنود الفيو ضحك قال لي اهااا رياض كاتب في البنود شنو قلت ليو يعني انت ما عارف قال لي لا قلت ليو لما وقعت على العقد ماشفت فيو شنو ابتسم قال لي انا بثق في رياض عشان كده وقعت قلت ليو اهاااا ثقه وابتسمت عاين فيني قال لي بتكوني نجمة الحفلة لو كنتي لسه فيلة كان بتكون فيلة الحفل وضحك قرب مني وقال لي سحر الساحره عيونك حلوه شديد وغمازاتك والشامة الجنب شفايفك قال لي فكرك بترجعي السودان تاني عاينت فيو
ابتسم قال لي انا قلت ليك قدمي استقالتك واديتك فرصه عشان تعيشي وانتي اخترت الطريق انبسطي بي ايامك الاخيره في تركيا وابتسم وطلع فات
نفين جات قالت لي خالد كان بحكي ليك في شنو قلت ليه ولا حاجه قالت لي الفستان دا ما حبيتو ومدت لي واحد قالت لي جربي هاد
جربتوا وطلعت نفين قالت لي روعة قصي قال ااااي حبيتو بجنن عليك سحوره
نفين قالت لي انا بدي تسامحيني قلت ليه على شنو قالت لي هيك واتحركت فاتت قصي قرب مني وهمس لي لي كنتي الطعم الفي البحر لي اسماك القرش ولساتك الطعم انا حكيتلك قدمي استقالتك انتي بنوته طيوبه ماحبيت يحصل معاك شي ما منيح نفين
قالت ليو قصي انخلع واتحرك سريع وقفت في المرايا اعاين في الفستان قلت مهما قالو انا مستحيل اخاف او أتراجع لازم اكمل لي النهاية
اتصل علي علي اتكلمت معاو قال لي انو الشركة ادتو شقه وعربية وانو هو سجل اغنية جديده وامكن بجي عشان يحضر العرض بعد ماتكلمت معاو قفلت منو وغيرت ملابس ودعت نفين وطلعت وصلت الفندق لقيت نسيبه شايلة شنطة وطالعة قلت ليه على وين قالت لي البيت انتي نسيتي انو اهلي عايشين هنا ولا انا ماحكيت ليك كان عندي شغل هنا وانا خلصتو وضحكت طلعت انتبهت شايلة ليه اوراق في يدها عاينت لي الاورق وقلت ياربي دي اوراق شنو والشغل الكان عندها هنا شنو وانا واقفه رياض قال لي لسه انتي بتكلمي براك عاينت فيو ابتسم قال لي مانفسك تطلعي قلت ليو كنت مع نفين قال لي اهاااا يلا ارح نطلع مسكني من يدي سحبتها ونحنا طالعين شفنا نسيبه جات علينا وقفت طلعت الدبلة قالت لي رياض اتفضل معلش كنت فاكر انو بحبك بس انا ماحبيتك نهاي لانو اكتشفت انو انا بحب زول تاني وعايزه اكمل معاو حياتي رياض رفع الدبلة وعاين فيه وابتسم مسك يدها وفتحه خت ليه الدبلة وطلع دبلتو وختها في يدها وقال ليه يلا خلي الزول يتقدم ليك ويخطبك الف مبروك مقدما
جدعت الدبل قالت ليو ماعايزه حاجه تذكرني انو نحنا كنا مخطوبين
واتحركت هو دخل يدينو في جيبو وقعد يعاين فيه ويبتسم وقال فاكره انو انتي اخدتي العايزه مسكينه التفت علي قال لي الدراما انتهت يلا خلينا ننبسط اتحرك عاينت لي الدبل الفي الأرض قلت هم ماكانو بحبو بعض بس كيف انخطبو وانا سرحانه
قال لي لو خلصتي يلا اتحركت وصلنا مطعم رهيب جنب البحر طلب اكل اكلنا قال لي تعالي مشيت معاو ركبنا يخت اتحرك في تص البحر كان بحكي لي عن حياتو هنا وكيف كان عايش وعن خالد ونسيبه وعن شركتو وانا كنت بسمع فيو نزلنا وصلت الفندق دخلت ونمت
الليلة الحفلة نفين اتصلت وقالت لي تعالي مشان تجهزي اتحركت عليه لبسنا وطلعنا وصلنا الشركة الفيه الحفل اتصلت بي طارق وياسين قالو لي نحنا قريبين دخلت مع نفين شايفة نسيبه وخالد واقفين مع كم واحد ويتونسو رياض واقف مع واحد من شافني التفت علي وجا وقف جنبي وعاين فيني مسافة نفين قالت ليو نحنا هون سلم عليه همست ليو بحاجه هو عاين فيني وابتسم دخلنا وقفنا في طاولة
خالدو نسيبه جو سلمو وقفو معنا كان بعاين في رياض ورياض كان يبتسم ليو
خالد قال للي رياض جاهز لي العرض رياض دخل يدينو في جيب البنطلون وقال ليو اكيد خالد قال ليه متوقع تفوز في العرض بنسبة كم
رد ليو رياض ١٠٠في الميه خالد ضحك وقال ليو قول ٩٩ وخلي الواحد عشان مانقول عليك مغرور وضحك نفين قالت لي خالد ١٠٠ في الميه وضحكت رياض قال لي ترقصي معاي مد يدو اتحركت معاو كنت برقص قال لي انتي واثقه وانو بناخذ العرض قلت ليو ماعارفه ابتسم وقال لي انا واثق فيك عاينت فيو قال لي بريدك نططت عيوني قال لي بعد العرض تقبلي تتزوجيني عايز ارد ليو سمعت صوت علي التفت عليو قال لي رياض تسمح لي ارقص مع سحر رياض اتحرك قلت ليو بتين جيت قال لي وصلت قبل شوية التفت على رياض كان واقف مع نفين غمز لي وابتسم شايفه خالد قرب منو وهمس ليو
علي قال لي بتحبي؟قلت ليو م م منو قال لي رياض قلت ليو لا قال لي ولا إعجاب التفت على رياض والتفت على علي وقلت ليو لا قال لي تقبلي تتزوجيني ضحكت قلت ليو انت عارف الفرق بينا كم سنه عاين فيني قال لي العمر مجرد رقم وانا بشوفك بنتي واختي وحبيبتي وامي
سحر انا شفتك فيك العائلة
وأهلي الكنت بتمنا اشوفهم
كنت بحلم اعرف منو اهلي بس لما شفتك انا بطلت احلم لانو شفت اهلي فيك كنت بعاين فيو ومصدومة علي من بتين حباني كده
الأغنية خلصت اتحركت مع علي وقفت في طاولة مع ياسين وطارق وعلي شايفه رياض كل شوية يعاين فيني وخالد كمان ونسيبه ونفين نظراتهم دي نهاي مامريحه حتى نفين بحس انو فيها غموض
كنت بفكر في عرض رياض وعرض علي
رياض انا مستحيل أوافق بيو لانو مقرره بعد العرض انا عايزه استقيل واقطع علاقتي مع أي واحد موجود في الشركة ام علي ماعارفه لانو انا مابحس بي اتجاهو اي شعور بشوفو زي اخوي الصغير و لا مره فكرت فيو غير كده ولا حتى بعرف انو هو كان عندو مشاعر لي
التفت عليو لقيتو بعاين فيني طارق خت يدو في كتف علي علي عاين فيو وابتسم اخ بس كيف اقدر أرفض طلبو واكسر قلبو واضح انو بحبني انا كيف ماحسبت حساب مكن يحصل دا
الحفلة انتهت وانا كنت في عالم تاني
طلعنا عايزه اركب وقف جنبي خالد وهمس لي رياض قال ليك شنو التفت عليو قلت ليو ولاشي ابتسم قال لي عرض عليك الزواج صح عاينت فيو قال لي كنت متأكد انو بعد نسيبه ترجع ليو الدبلة هو بعمل كده وابتسم وفات
رجع تاني وقال لي انا حذرتك وانتي لسه مستمرة انتي الطعم الكان رياض مفترض يبلعو واسه هو بلعو بس انا مابخليو يفوز بيو ولازم احرق قلبو زي ماحرق قلبي
وقفت وانا مرعوبة من كلام خالد جات نسيبه وابتسمت قالت لي بارك لي التفت عليها قالت لي انا وخالد حنتزوج قريب بتعرفي انو انا كنت بحب خالد من وانا صغيره وكنت بحلم بس يكون لي واسه انت قربت أحقق حلمي وانتي بتحلمي تكوني مصممة أزياء مشهوره كنت بتمنا تحققي حلمك بس ما اظن لانو انتي كنتي الطعم الفي الشركة
الفي الشركة كلهم كانو عاملين منك الطعم أرام خالد نففين انا حتى رياض عاملك طعم عشان يفوز في العرض معلش حبيبتي ماتستاهلي والله انا زعلانه عشانك
وقفت وانا سرحانه في كلام قصي وخالد ونسيبه كلهم بقولو انا الطعم الفي الشركة
علي قال لي من الصباح بنادي عليك يلا اتحركت معاو
ركبت مع علي وياسين وطارق رياض جا قال لي تعالي اركبي معاي
علي قال ليو ركبت معانا زي ما انت شايف وقال لي السواق اتحرك العربيه اتحركت وانا في عالم تاني وصلنا الفندق نزلت
علي قال لي سحر التفت عليو طارق وياسين دخلو قال لي سحر حتى لو رفضتي انا بكون ليك اخ وأب وصديق وسند ماعايزك تعاين لي أو لي قلبي انو ممكن انكسر
عايزك تاخدي قرار وانتي مقتنعه بيو ويلا تصبح على خير واتحرك فات دخلت الغرفة قعدت في السرير وانا سرحانه قمت استحميت وصليت ونمت في السرير وانا افكر
بكر العرض وانا لازم إكسبو لو وانا بفكر نمت وماحسيت بي نفسي صحيت بصوت التلفون رفعتو كان رياض قال لي يلا اطلعي طلعت قال لي عايزك تمشي المشغل وتشوفي نفين وانا بتحرك بي التصاميم العندنا اتصلت على طارق طلعو واتحركنا على نفين دار الازياء كان مقفول اتصلت عليها مابترد ورجعت اتصلت تلفونه مقفول اتصلت على رياض حكيت ليو قال لي زي ما اتوقعت يلا تعالي على الشركة اتحركنا وصلنا رياض قال لي يلا نبدأ بدينا نجهز في المودل رياض قال جهزي النجمة النجمة كانت مودل سودانية ومعها طارق والباقي أتراك خلصنا ومنتظرين دورنا
طلعت اشوف العروض وقفت اعاين انصدمت لما شفت التصاميم العملنها انا ونفين في العرض واخر شي طلعت نفين مع نجمة العرض وقفت الكل صفق ليه واتحركت وقف جنبي قصي قال لي اخ حبيبيتي سحوره انتو حتقدمو شنو التفت عليو قال لي نيفو قدمت الكتالوج قبل العرض وباسم دار الازياء تبعه ياحرام ممكن تشيلو شوية تصاميم من نفين وتشتركو فيهم عاينت فيو وابتسمت قلت ليو مايحتاج عندنا التصاميم الممكن نفوز بيهم شايفه نفين اتحركت عليه من شافتني قالت لي هاد ولا شي من العملو خالد ورياض في بنتي نورس ورفعت اوراق قالت لي اطلعي دول اورق العقد انا سرقتهم قبل ما اجي لهون منيح انو أرام حكت لي بي بنود العقد انا رحتلها في السجن واهي حكتلي بي العملو فيها رياض وانا رحت سرقت العقد من الشركة
كنت بدي اخلي رياض وخالد يحبوك الاتنين مشان يحصل بينهم مشاكل وقلبهم يتوجع زي ما وجعو قلبي على بنتي بدي اشوفهم مكسورين زي ماكسرو قلب بتي بس الخطة فشلت
كنت بسمع فيها وانا مصدومة قلت ليه يعني كلام قصي حقيقي لما قال انتي الطعم عاينت فيني وقالت لي ماكنت بقصدك انتي اسفه
واتحركت فاتت مسحت دموعي واتحركت على الغرفة بلش العرض اتحركو المودل واخر حاجة طارق ومعاو النجمة اتحركت انا معهم وقفنا وصفقو لينا طلعت لقيت نفين قالت لي انتي شوي عملتي وكانت بتكورك رياض وقف وابتسم قال ليه فاكره انو انا ماعارف
انا عارف اي حاجه وحبيت العب معاك
صح عرفت متأخر انو انتي السبب في خسارة شركتي الكانت هنا في تركيا ومستحيل اخليك تاني تربحي البوليس جا وقف نفين نطط عيونها رياض طلع ورق قال ليه العندك دا مزيف العقد انا جبتو معاي هنا وختيت واحد مزيف في الشركة انتي لو فاكره انو انتي سابقني بي خطوة احب اقول ليك انا سابق بي الف خطوه يلا انتي مستبعده من المنافسة وابتسم
الشرطة ساقت نفين الكانت بتكورك بتي انتو قلتو بتي
انت قتلهتا بتي ماتت بي سببكم نورس يانورس ماعرفت اخ يابنتي ماعرفت أجيب حقك كانت بتكورك
عاينت في رياض عيونو كانت فيها دموع اتحرك[ بعض الّنهاياتِ مُرّةً كالقَهوة، ولكنّها تجعلُكَ شخصاً مُستيقظاً، مُتنبهاً].....يتبع