رواية حسنه البيت الفصل السابع 7 بقلم هشام
بعدما قلعت هدومي ...
وبدات اخد الشاور بتاعي
سمعت صوت باب بيتقفل بره
فا فهمت ان الشخص الي بيحتجزني رجع تاني
وفي اللحظة دي
لبست هدومي بسرعة...
وخرجت عشان اعرف...
الشخص ده يطلع مين؟
ولية حابسني هنا؟
وفعلا خرجت وشوفت الشخص الي محتجزني
وللاسف... اتصدمت واتلخبطت ...
لاني شوفت....( امي )
هي الي كانت واقفة ادامي
فا اتسمرت مكاني وانا ببصلها بزهول
وقلت...ماما؟
فا فتحتلي امي حضنها
وقالتلي...
الحمد لله انك بخير يا قلب امك
دنا كنت هموت بعدما
اختفيتي... لولا ولاد الحلال دلوني عليكي
وضمتني امي بقوة وهي بتقولي...
تعالي في حضني يا قلبي
فا ضميتها انا كمان
وقلتلها...شوفتي يا ماما الي حصلي؟
عابد طلع نصاب وسرق مني اوراقي كلها و......
وقبل ما كمل
ردت ماما
وقالتلي...انا عرفت كل حاجة
وعرفت ان عابد عمل خطة عشان
يخليكي تأمني علي حياتك
ب ١٠ مليون
وكل ده عشان يق&تلك ويورثك
لكن خلاص اطمني
ربنا اخدلك حقك
وانا وانتي الي ورثناه
بعدما سمعت الجملة الاخيرة
خرجت من حضن امي
وسألتها ..
وقلت...بتقولي ورثنا عابد ؟
ورثناه ازاي وهو لسة عايش؟
فا ردت امي باسف
وقالتلي...
مهو ده الخبر الي انا جاية عشان اقولهولك
( عابد مات)
في اللحظة دي
شعرت ان رجلي مش قادرة تشيلني
فا قعدت علي اقرب كرسي
وسالتها
وانا في قمة زهولي
وقلت...انتي بتقولي اية؟
عابد مات؟
مات امتي؟ وازاي؟
فا ردت امي
وقالت...
بعدما عابد وصلك للميناء وركبك السفينة ورجع
غانم غريمة
( الي عابد قتلة ابنة)
كان متابعة من بعيد
واول ما لقاه راجع لوحدة في العربية
غانم اخد بثأر ابنة وقتل عابد
في اللحظة دي...
لقيت الدموع نازلة من عنيا لوحدها
وفضلت اردد
يلهوي..عابد مات؟
فا طبطبت امي عليا
وقالتلي ..شوفتي اخد جزاءة ازاي؟
اهو خطط ...ودبر... وعملك وثيقة تأمين
عشان ت&موتي ...ويورثك
ودلوقتي...
هو الي مات ...
وانا وانتي
الي هنورث العشرة مليون
في اللحظة دي
انتبهت لكلام امي
وتحديدا للجزئية بتاعة (هنورث)
فسألتها
وقلت...نورث ازاي؟
اذا كنت انا في نظر القانون واحدة م&يتة...
ومليش وجود اصلا؟
فا ردت امي
وقالتلي...يا هبلة
ما المفروض انك لما ت&موتي
جوزك ...وامك
هما الي هيورثوا فيكي
لانك معندكيش اولاد
وبما ان جوزك... م&ات
فا امك هي الي هتورثك
فا سالتها وانا في قمة الغضب
وقلت..
افهم من كدة
اني هفضل مي&تة بالحياه طول العمر؟
عشان انتي تورثي وتتمتعي؟
فا ردت امي
وقالتلي...لا طبعا
منا هطلعلك اورق جديدة باسم جديد
وهعملك كمان عملية تجميل
عشان تبقي حلوة
وتتجوزي سيد سيدة
ما احنا خلاص هيبقي معانا عشرة مليون
قلت..اية ده ؟
دنتي خلاص عملتي حسابك انك ورثتيني فعلا؟
فا ردت امي بمنتهي الثقة
وقالت...ايوه طبعا
امال انا كملت في خطة عابد لية؟
وجيبتك هنا لية؟
في اللحظة دي
استوقفتها...
وقلت..لا استني لحظة هنا
وقوليلي ...
طالما بتقولي عابد مات
يبقي ازاي عرفتي بقصة التأمين؟
ومين الي قالك علي خطتة ؟
ومين الي ساعدك
انك تجيبيني هنا دلوقتي؟
فا ردت امي
وقالتلي..
مهو الي انتي متعرفهوش يا غبية
..ان عابد له اخ تؤام
اسمه ماجد
وماجد ده هو الي رساني علي الليلة كلها
فسالتها بدهشة
وقلت...دا بجد؟
يعني عابد له تؤام
فا ردت امي
وقالتلي...ايوه
وعابد مكنش بيعمل حاجة غير بمساعدة ماجد اخوه
و ماجد كان فاهم الي انتوا بتعملوه...
وراسي علي كل حاجة
وماجد كمان الي دفع للناس الي علي السفينة
ويظهر ان عابد كان معشم ماجد انه هيتقاسم معاه في الميراث
عشان كدة
اول ما ماجد عرف ان عابد مات
وعرف ان امك هتبقي الوريثة الوحيدة ليكي
جاني ورساني علي الليلة كلها
وقالي ....
انه ممكن يوصلني ببنتي بس بشرط
ولما سالتة علي الشرط
قال...شرطة الوحيد
هو ...
(اني اوافق علي الجواز منه )
وده طبعا
عشان لما اموت يورثني ...
وال١٠ مليون
يبقوا في جيبة
في اللحظة دي
بصيت لامي بغيظ
وسالتها
وقلت...وانتي طبعا وافقتي ؟
فا ردت امي
وقالت..ايوه طبعا وافقت
لان بمجرد ما هتجوز ماجد
هيموت ( بسبب اللعنة اياها)
وانا ساعتها الي هورثة....
واظن دلوقتي ماجد محلل ليا شرعا
ومفيش مانع من جوازي منه
الا بقي لو اتجننتي وروحتي اتجوزتية هو كمان
في اللحظة دي
بصتلها بحزن
وقلتلها...لا اطمني
انا مبقاش ينفع احب ولا اتجوز تاني
بعد ما عابد مات
واثناء ما كنا بنتكلم
سمعنا هبد وخبط علي باب الشقة
فا اتفزعت من صوت الخبط
وسألت امي
وقلت...انتي منتظرة حد ؟
ولا تعرفي مين الي بيخبط كدة؟
فا قبضت امي علي ايدي
وقالتلي...
اسكتي خالص ومتعمليش صوت
وكأن مفيش حد هنا
فا التزمنا الصمت احنا الاتنين
وفعلا سكت الخبط
لكن بعد شوية
لقينا الباب بيتكسر علينا
واتفاجئت ادامي ب.........