رواية احلام ودموع الفصل الرابع 4 بقلم ماريه عبدالله مسعود

رواية احلام ودموع الفصل الرابع 4 بقلم ماريه عبدالله مسعود

*رفقاً بنا ايتها الحياة  ليس كل البشر أيوب 💔*

سحر بنت المايقوما 💔

دخلت البيت استحميت وصليت قعدت اقطع في البصل الجابتو لي خالتو علوية وانا اقطعت مع الذكريات والدموع البتنزل من البصل والذكريات ااااخ يالله (‏- الأرضُ  لاَ تَنسَى الغَيمَة التِي بَكَت لأَجلِ جَفَافِهَا 

مَن يَلمِسُ الجُروحَ ، لا تنسَاهُ الذَاكِرة ..💔")

 الكهرباء قطعت قمت صليت العشاء وجريت لي سرير في الحوش

الغرفه مسخنه شديد وقلت اتوكل ساي انوم برا شايلة تلفوني قعدت اتصفح وتاني نمت صحيت بصوت حركة عاينت من طرف توبي شايفه حيطة ناس علوية في زول عايز يتلب من الخوف قعدت ارجف وكويس الغرفة كانت جنب السرير النايمة فيو قمت سريع اتسحبت براحة براحة وجريت دخلت الغرفة وقفلت الباب

وقفت جنب الباب وقلبي شغال يدق كان اسمع صوت زول يقول لي افتحي الباب افتحي عرفتو من صوتو ولد خالتو علوية عندها ولد كعب شديد  كان يوم جايب ليهم مشكلة طوالي بسمع كوارك خالتو علوية معاو وطوالي بتجي بتشكي منو  بتاع مخدرات ونسوان وسرقة واليوم كلو لافي

حاول يفتح الباب وماقدر كنت بدفع فيو قوي في النهايه استسلام وفات قعدت اضحك السمن نعمة لو ماسمينه كان دفرني ودفر الباب  قلت انوم في السخانة افضل من اانوم برا توبة تاني انوم برا  نمت في السرير الفي الغرفة وقعدت اتهبب لما نمت وماحسيت بي نفسي صحيت الصباح طلعت اتسوكت وصليت ختيت لي شاي مشيت على السرير الفي الحوش عايزه اشيل التلفون لقيتو مافي عرفت انو ولد علوية شالو عايزه اموت عديل مابقدر تاني اشتري تلفون ولا عندي قروش عشان اشتري انا بي التلفون شغالة تسويق وقاعده افتش لي الشركات عشان اشتغل بي شهادتي قعدت ابكي

 قمت كوركت لي خالتو. علوية صبحت عليه قلت ليه بصراحة ياخالتو علوية حصل وحصل حكيت ليه اي حاجه وانا عايزاك  تجيبي لي منو التلفون قبل مايمشي يبيعو قعده تتحسبن في ولده

 قالت لي دقيقه اشوف ليك وسامعه الكوارك وبعدو باب الشارع ضرب شديد مشيت فتحتو كان خالد راجل خالتو علوية كان بكورك انتي واحده تافه وصايعه وبنت حرام وعايزه تتتطلعي ولدي مانافع كان منفعل شديد جات خالتو علوية شايلة التلفون وقالت لي خالد بدل تمشي تهدي ولدك وتتكلم معاو  وتخلي الدلع المدلعو ليو جاي تتكلم مع المسكينه دي ونبزتو اتشاكل معها وقال لي اصبري بعرف كيف ادبك يابنت الشوارع وفات

 مدت لي التلفون شلتو قلت ليه ماكان تكلمي قالت لي بكلمو عشان يعرف نهاية الدلع بتكون شنو

قبل ما اخش خالد راجل علوية جا معاو سيد البيت ومعاو اسره سيد البيت قال لي يلا اطلعي وفضي لي البيت

 خالتو علوية قالت لي خالد حرام عليك تمشي وين يعني  قال ليه تحرم عليك عيشتك عايزه تخلي بنت الحرام دي جنبنا دا انا زاتو الخايف منو وحده بنت حرام جايه من المايقوما لا اصل ولا فصل عايزه تتكلم في ولدي وتتطلع فيو سمعه عشان باكر لو حملت تجي تلصقو في ولدي هوووووي ياعلوية اطلعي من الموضوع دا 

عاينت لي خالتو علوية وقلت ليه انا حكيت ليك سري تمشي تتطلعي قالت لي والله ماكنت بقصد وقلت لو حكيت ليو أمكن قلبو يحن عليك اسفه يابتي

 الجيران كلهم طلعو اتلمو ويعاينو فينا

 خالد دخل جدع لي العفش كلو والجيران شغالين يتحسبنو عليو ويتكلمو معاو خليها مسكينه تمشي وين طيب خليها لما تشوف ليه بيت حرام البتعملو فيها دا برجع في عيالك ...الخ 

وانا قعدت في الأرض وقعدت ابكي واعاين في كمية الظلم 

 خالد قال لي الجيران انتو بتتكلمو كده وفالحين في الكلام خلاص سوقوها معاكم خلوها تقعد معاكم لما تلاقي ليه بيت 

 والجيران من سمعو كلامو اي زول مسك لسانو عندو شلت تلفوني واتحركت و خليت عفشي المجدع برا حسبي الله ونعم الوكيل على اي واحد و وحده تغلط ويكون النتيجة نحنا اولاد المايقوما حسبي الله البدخل في حاجه مابتخصو في حيات الناس

  طلعت افتشي لي بيت ونهاي مالقيت وانا راجعه  شفت لي بيت جنب كوشه مكسره قريب و قريب من البيت الكنت قاعده فيو مشيت عشان اشيل عفشي لقيت الناس الجو يأجرو جابو عفشهم وشايفه ولد من الناس الجو يأجرو يعاين في بنت خالد راجل علوية وهي تعاين فيو تتبسم !عاينت فيهم وقعدت اتحسبن

 شفت لي عربيه وشلت عفشي واتحركت على البيت دخلت رتبتو  وقعدت ابكي البيت غرفه وفيو حوش وباب قلت اقعد فيو لحتى ما اشوف لي بيت 

(لو كلام الناس فيهو خير ما قال الله تعالى قل اعوذ برب الناس ❤️‍🩹)         (اللهم الجبر والعوض بعد الكسر💔)

[قبل كم وعشرين سنه ]

في وحده طالعه من المدرسة ومعها صحبته كانو بتونسو ويضحكو وقفت عربيه جنب المدرسة 

ونزل قزاز العربية البنت عاينت لي العربية شافت ليه واحد وجيه شديد عاينت فيو وعاين فيه غمز ليه و ابتسم وهي ابتسمت ليو واتحركت على البيت والايام بتمشي وهو كل يوم بقيف جنب باب المدرسة 

يوم طالعة من المدرسة نزل من عربتو وقف جات عليو مد يدو مدت يدها واتونس معها وهي كانت تتبسم وواضح نظرات الإعجاب في عيونها 

 طلع تلفونو مد ليها سجلت رقمه واتحركت التفت عليو غمز ليه وهي ابستسمت ليو  واتحركت وصلت البيت 

يومي بتتكلم معاو كلام كلو حب وغزل يوم طلعت من المدرسة وقف ليه ركبت معاو اشتر ليه هدايا وتلفون ومد ليه قروش وهي مبسوطة مسك يدها وهي تتبسم ليو يوم ورا يوم وهو مشبعه غزل وحب وهدايا 

 ركبت معاو واتحركت لي شقه ودخلت

 ويوم ورا يوم لما صحت الصباح تستفرغ امها جات عليه قالت ليه مالك الليله هي كانت خايفه لانو عارفه انو أمكن يكون حمل قالت ليه وهي بترجف وبتمتم في الكلام ااااا مكن ااامكن اكلت حاجه في المدرسة امس وما نفعت معاي واتحركت جوة غرفته قفلت الباب وطلعت تلفونه اتصلت عليو وقالت ليو  وليد ياوليد انا في ورطة انا جايه عليك في الشقة قال ليه منتظرك ياحلوه وقفل طلعت لبست هدوم المدرسة امها يابتي ارتاحي الليلة قالت ليه انا كويسه وطلعت سريع لقت ابوها جنب الباب طالع الشغل  قال ليه اركبي اوصلك ركبت معاو شايفه اخوها ركب ليو موتر مع واحد واتحرك على الشغل

 ونزلت ابوها قال ليه الله يبارك فيك يابتي ويحفظك ردت ليو ونزلت خلت ابوها اتحرك

 اتحركت على الشقه دخلت لقيتو قاعد قالت ليو وليد اظن انا حامل قال ليه شنوووووو يابت الحرام هوي انا ما قلت ليك اعملي حسابك ومسكه من الطرحه وضربه وقال ليه عايزه مني شنو يعني قالت ليو تجي تتقدم لي ابوي قال ليه انا قلت ليك تعالي سلميني نفسك مابراك جيتي وامكن مايكون مني قالت ليو كيف كيف قال ليه انتي عملتي معاي الحرام اكيد بتعملي مع الف واحد وجدع ليه قروش وقال ليه دا مني عشان ماتقولي ناكر جميل امشي شوفي ليك وحده تنزلو ليك وتاني اوع اشوف وشك بطني طمت منك  قرف يقرفك هو لو عندك أهل انتي بتعملي كده قال تعال لي ابوي

 لو ابوك راجل ماكان انتي بتمشي الشققق يلا يابت الحرام  برا ودفره وقفل الباب وقفت تبكي وتضرب في وشها امشي وين واااااي انا واااي انا اهلي لو عرفو بقتلوتي وليد ضحك علي وطلع  ماراجل وانا جريت ورا الحب وضيعت نفسي واي انا الضيعت شرفي ندماااانه شديد بس مابنفع الندم 

رجعت البيت وهي بتبكي امها قالت ليه ماقلت  ليك ماتمشي المدرسة 

 ارح الدكتور

 البنت قالت ليه  دكتور لا لا لا انا كويسه ودخلت غرفتة يومي بتمشي المدرسة وبترجع تتصل على وليد ما برد مشت ليو في الشقه لقت الشقه فيها ناس سألت منو قالو ليه مابنعرفو اتصلت عليو لقيتو حظره

 رجعت البيت والايام بتمشي وبطنها بتكبر  امها  انتبهت لي بطنها سألته والبنت قالت ليه ماعارفه مالي قالت لي ارح الدكتور امكن عندك مشكلة في البطن الام مستبعده حكايت بنتها تكون حامل  البنت وقعدت في الارض تبكي وحكت لي امها 

 الام قعدت تضرب فيها وتدعي عليه

 البنت لما تمشي المدرسة الجيران والناس انتبهت لي بطنها وصحبته قالت لي امها كانت بتركب ليه في عربية مع واحد وانا كل مره بشوفه امها قالت ليه تاني مااشوفك ماشه معها وطبعا امها في اي قهوة بتحكي عنها من يجيبو سيرة بطنها الكبير  ام صحبته بتقول ليهم قالو من عربية لي عربيه 

الحلة كلها تتكلم بيها طبعآ الكلام عند سيدو بقيف الناس بتحكي بيها وأهلها ماعارفين لانو من يشوفو واحد من أهلها بسكتو

 اخوها مره اتشاكل مع واحد في قروش وماقروش الولد قال ليو امشي ياديوث انت لو راجل كان مسكت اختك الحامل البتمشي تركب من عربيه لي عربيه ومن شقه لي شقه  اخوها من سمع  الكلام ضرب الولد ضرب واتحرك البيت دخل وهو غضبان ابوها القاعد يشرب ليو في قهوة وامها الفي المطبخ البترجف من العملتو البت وماعارفه تتصرف 

 وهي في الغرفة قاعده مهمومه وندمانه على العملتو 

 اخوها دخل علية ومن شاف بطنها ضربها ضرب وقال ليه  انتي عملتي شنو وانتي لافه مع منو  وهي تكورك امها جات واقفه تعاين فيهم ماقادره تعمل حاجه والبنت تكورك وقالت لي اخوها اي حامل واحد غشاني وانا صدقتو ندمانه اقتلني وريحني

وابوها من سمع انو هي حامل جا عليها  وضربها وقال ليه ماعافي ليك وغضبان عليك ليوم الدين انا انا تلطخي شرفي انا الربيتك وتعبت فيك قصرت منك في شنو وهو بتكلم مسك قلبو وقع الجيران اتلمو اخوها قعد جنب ابوها وختو يدو في رقبتو وقال انا الله وانا اليه راجعون وشالت هدوم قال لي امو انا ماقاعد ليكم جبتو لينا الفضيحه حسبي الله ونعم الوكيل انا وابوي طلعنا ماراجال وطلع

 امها قعدت تكورك وهي تبكي وتكورك

 دفنو ابوها واهي امها ماكانو بطلعو من البيت وزول بجيهم مافي اي زول بحكي بيها بنت فلان الحملت بي  الحرام وقتلت ابوها وشردت اخوها 

امها مشت لي اعمامهم اعمامهم طرتوها مشت لي أهلها وأهله طردوها كمان

الايام بتمشي وامها من تشوفه تتحسبن عليه وكل ماتطلع من البيت الناس تعاين فيها وتتحسن منها ومن بنتها بعد ماكانو الناس بحترموهم 

لما يوم اتوجعت امها فاتت نادت الدايه  ودفعت ليه قروش وطلعت ليه دهب حتى الدايه وافقت تولده وولدت جابت ليه بنت الدايه طلعت وامها قالت ليه تاني مابنقعد هنا ارح اطلعي شالت الطفلة لفته في توب هزاز وطلعو ركب ليهم ركشة وقفو جنب موقف الباصات وركبو وصلو الخرطوم ونزلو امها شالت الطفلة الكانت ملفوفة بي توب هزاز وسخان ختته في كرتونة وجدعته في حاوية الوسخ 

والتفت لي بتها وقالت ليه ماعافيه ليك نهاي خربت بيتي ياريت لو متي او قتلتك من جبتك جبتي لي العار قتلتي ابوك وشردتي اخوك خليتي سيرتنا في خشم اي زول لطختي شرفنا وسمعتنا واتحركت وقفت في نص الزلط عاينت ليه وقالت لي حسبي الله ونعم الوكيل فيك 

البنت جرت على امها

 الام التفت على العربيه الجات عليه   ووقعت سيد العربيه وقف ونزل سريع  الناس اتلمو فيها وقالو انا للله وانا اليه راجعون البنت قعدت تصرخ 

وجرت وصلت المكان الجدعت فيو امها البنت المكان كان جنب الجامع الفيو حاوية الوسخ 

 كانت عايزه تشيل البنت لقت الناس مجتمعه وجات عربية شالت البنت وفاتت وقفت تعاين وتبكي وتتحسر على نفسها 

ابوها المات وهو غضبان عليه امها الانتحرت وغضبانه عليه اخوها الاتشرد والبنت الجدعته وجابته بي الحرام 

من الندم جرت الزلط ووقفت جات عربية دخلت فيها ووقعت  الناس اتلمت فيها وكانت لسه عايشه والدم مالي المكان وقعدت تقول تلفون عليكم الله تلفون واحد مد ليه تلفون اتصلت على وليد رد ليه قالت ليو اسمعنا قبل ما اموت انا ولدت وجبت بنت وختيتها في المكان..... وجنب جامع. ،....وجو ناس شالوها انا حياتي ادمرت بسبب حبي ليك وبسسب الحرام العملتو معاك الله عاقبني وأهلي ماتو بببي  سببي ح ح حسبي حسبي الله ونعم الوكيل فيك التلفون وقع من يدها الناس قالو  ان لله وانا اليه راجعون

وليد بعد ماسمعت كلامه قلت انا مالي هي الضيعة نفسها انا قلت ليه ارح معاي الوحده تفك نفسها وتاني تجي تتندم وهي لو بنت حلال وبنت متربية بتمشي تعمل الغلط

بعدها عشت  حياتي من بنت لي بنت ومن مره متزوجة لي مره متزوجة والايام بتمشي ابوي اتوفه وانا مسكت كل الاملاك واتزوجت لي بنت ناس ومحترمه قعدت معها ٥سنوات والله مارزقني بي طفل ماخلينا دكتور وكلو بقول لينا ماعندكم شي الحاجه بيد الله اطلقت مني واتزوجت تاني وتالت ورابع والله ماقسم لي كان نفسي في طفل يشيل اسمي اسه عندي ٦٥ سنه ولسه انا بحلم بي الطفل البشيل اسمي نفسي في طفل يقول لي بابا 

 اتذكرت كلام البنت الحملت مني وعن الطفلة الجدعته وانا من اليوم داك بفتش ليه وانا حاسي بي الندم والذنب الله عاقبني وحرمني من انو اكون اب بسبب  العملتو في بنات الناس.[.لا بارك الله بمن كسر قلباً وأنزل دمعةً وأهدم بيتاً وشتت عائلةً..]يتبع

              الفصل الخامس من هنا

لقراءة باقي الفصول اضغط هنا